សិស្សក្រីក្រម្នាក់រស់នៅក្នុងគ្រួសារក្រីក្រ មានម្តាយជាស្រ្តីមេម៉ាយ បច្ចុប្បន្នប្រកបមុខរបរ ដើររកអេតចាយលក់ រស់នៅភូមិដើមបេង ឃុំគិរីចុងកោះ ស្រុកគិរីវង់ ខេត្តតាកែវ ហើយបានព្យាយាមខិតខំរៀន រហូតប្រលងជាប់ និទ្ទេសA ត្រូវបាន លោកឧកញ៉ាចិត្តធម៌ ទៀ វិចិត្រ នាំយកម៉ូតូសេរីថ្មីមួយគ្រឿងព្រមថវិកាចំនួន៤លានរៀលបន្ថែមទៀត ជូនប្អូនដល់ផ្ទះតែម្ដង។
លោកឧកញ៉ា បានយកអំណោយដូចបានរៀបរាប់ខាងលើ កាលពីថ្ងៃទី៣០ ខែកញ្ញា ឆ្នាំ២០១៩កន្លងទៅ ដោយលោកបានទៅដល់ផ្ទះប្អូនស្រីផ្ទាល់តែម្ដង។ប្អូនស្រីមានឈ្មោះ ស៊ាង វ៉ាន់ថង ជាសិស្សរៀននៅវិទ្យាល័យ សុខ អានទន្លាប់ ស្រុកគីរីវង់ ខេត្តតាកែវ។
ទទឹមគ្នានោះដែរ Facebook ផេកលោកឧកញ៉ា ក៏បានសរសេរយ៉ាងដូចនេះថា”តោះបងៗ ទៅលើកទឹកចិត្តដល់សិស្សក្រីក្រថ្នាក់ទី12 ឈ្មោះ ស៊ាង វ៉ាន់ថង ជាប់និទ្ទេសA តែម្នាក់គត់ ក្នុងចំណោមសិស្ស 2051 នាក់ពីសាលាវិទ្យាល័យ សុខ អាន ទន្លាប់ ខេត្តតាកែវ សម័យប្រលងថ្ងៃទី19 សីហា ឆ្នាំ2019 ជាមួយខ្ញុំបាទ…៚” ទៀ វិចិត្រ៕
