គ្រាដែលលោកឧកញ៉ាបណ្ឌិត ភិរម្យ វិចិត្រដារ៉ា នាំក្រុមការងារចុះចែកសៀវភៅ លើគម្រោងយុទ្ធនាការចែកសៀវភៅសរសេរ១ម៉ឺនក្បាលរបស់លោក ឧកញ៉ានៅឯខេត្ត ស្វាយរៀងកាលពីពេលកន្លងទៅ ហើយបន្ត យកកង់១គ្រឿងព្រមទាំងសម្ភារៈសិក្សាក៏ដូចជាថវិកា ទៅចែកជូនដល់ក្មេងប្រុសម្នាក់កំព្រាឪពុក ម្ដាយទៅធ្វើការសំណង់នៅឯប្រទេសវៀតណាម មានជីវភាពខ្វះខាតខ្លាំង នៅស្រុក ជីភូ ស្រាប់តែកូនប្រុសលោកឧកញ៉ា ដែលបានទៅជាមួយនោះ ឃើញក្មេងប្រុសកម្សត់រូបនោះ គ្មានទ្រនាប់ជើងពាក់ ហ៊ានដោះទ្រនាប់ជើងដែលខ្លួនកំពុងពាក់ ឲ្យក្មេងប្រុសនោះ មិនស្ដាយស្រណោះ ហើយសុខចិត្តដើរជើងទទេ ចម្ងាយរាប់គីឡូជាមួយឪពុកទាំងទឹកមុខញញឹម។ ទង្វើនេះ បានធ្វើឲ្យលោកឧកញ៉ា ក៏ដូចក្រុមការងារដែលទៅជាមួយនោះ ភ្ញាក់ផ្អើលជាខ្លាំង មិននឹងស្មានថា ក្មេងវ័យត្រឹមតែ៧ឆ្នាំសោះ មានចិត្តសប្បុរសបែបនេះឡើយ។
![](https://www.oknha.news/wp-content/uploads/2020/01/81279010_391994948270069_5405650391410933760_n.jpg)
ទទឹមគ្នានោះដែរ លោក ឧកញ៉ាបណ្ឌិត ភិរម្យ វិចិត្រដារ៉ា ក៏បានសរសេរសកម្មភាពនេះផុសលើផេកលោកឧកញ៉ារៀបរាប់ពីសកម្មភាពនេះផងដែរ។ តាមរយៈផេក “ឧកញ៉ា ភិរម្យ វិចិត្រដារ៉ា” បានសរសេរបែបនេះថា( កូនថ្លើមធំជាងឪ
ឪអោយកង់ កូន សុខចិត្តដោះស្បែកជើងដែលកំពុងពាក់ឲ្យគេដែលមិនដែលមានស្បែកជើងពាក់ ! សុខចិត្តដើរជើងទទេត្រឡប់មកឡានដោយស្នាមញញឹម
សូមអរគុណលោកបណ្ឌិត ឡាយគីមឆេន ដែលផ្ដល់ជូនកង់ចំនួន 1 ដល់បក្មួយប្រុស ដែលមានជីវភាពក្រីក្រលំបាក ដើរ៣ គីឡូទៅដល់សាលា សុំកង់គេជិះ បាន ខ្លះ មិនបាន ខ្លះ បើឃើញផ្ទាល់ភ្នែក ទើបយល់ថា អ្នកក្រ លំបាកយ៉ាងណា !
អរគុណសប្បុរសជន
លោកស្រី ហ៊ែល ច័ន្ទបុប្ផា ដែលបានចូលរួមជាថវិកា ក៏ដូចជាចូលរួម ឲ្យលុយប្អូនទុកហូបបបររយៈពេល 6 ខែ”
![](https://www.oknha.news/wp-content/uploads/2020/01/80898209_1515860788571385_639826822887899136_n.jpg)
![](https://www.oknha.news/wp-content/uploads/2020/01/81278220_485958982302843_7765515941655347200_n.jpg)
![](https://www.oknha.news/wp-content/uploads/2020/01/81277040_543743033021222_7368505137796481024_n.jpg)
![](https://www.oknha.news/wp-content/uploads/2020/01/81595791_474810516556954_3578227886697480192_n.jpg)
![](https://www.oknha.news/wp-content/uploads/2020/01/81598876_461878157859174_494192792642256896_n.jpg)
![](https://www.oknha.news/wp-content/uploads/2020/01/81387562_484592808858898_3391425972149420032_n.jpg)
![](https://www.oknha.news/wp-content/uploads/2020/01/81772585_459495158070208_1772706262039920640_n.jpg)