អ្នកឧកញ៉ា ម៉ុង ឫទ្ធី ដើរហាត់ប្រាណសុខៗ មាននារីម្នាក់ចុះពីលើម៉ូតូមកថ្វាយបង្គុំបីដង

ជុំវិញ​ឧកញ៉ា

នៅព្រឹកថ្ងៃអាទិត្យ ទី០៧ ខែសីហា ឆ្នាំ២០២២នេះ អ្នកឧកញ៉ាបណ្ឌិត ម៉ុង ឫទ្ធី អគ្គនាយក​ក្រុមហ៊ុន​ ម៉ុងឫទ្ធី​គ្រុប បានដើរហាត់ប្រាណ​នៅ​តាម​ជួរ​ភ្នំ​សុខៗ ក៏​មាន​​នារី​ម្នាក់​ចុះ​ពី​លើ​ម៉ូតូ​​មក​ថ្វាយ​បង្គុំ​លោក​ចំនួន ៣​ដង និង​សុំ​លុយ​ ១០ម៉ឺន​រៀល ដើម្បី​កាត់​សម្លៀក​បំពាក់​ ​ត្រៀមសម្រាប់​ថ្ងៃ​រៀប​ការ​របស់​ខ្លួន។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

អ្នកឧកញ៉ា ម៉ុង ឫទ្ធី ​បាន​​​​លើក​ឡើង​នៅ​​លើ​ហ្វេសប៊ុក នា​រសៀល​ថ្ងៃ​អាទិត្យ​នេះ​​​ យ៉ាង​ដូច្នេះ​ថា អ្នកសាង​អំពេីបាបកម្ម​តែងតែទទួល​នូវ​អំពើ​បាប​ អ្នកសាង​អំពេីល្អ​តែងតែ​ជួប​នូវ​បុណ្យ​កុសល​ដែលខ្លួន​បានសាង។​ លោក​បន្ត​ថា៖ “វេលាម៉ោង​៦ព្រឹក​ថ្ងៃ​អាទិត្យ​ ទី​៧ខែសីហា​ ឆ្នាំ​២០២២​ កំពុងតែ​ដេីហាត់ប្រាណ​នៅតាម​ជួរភ្នំ​ មាន​ប្រជាជន​ម្នាក់ ​ចុះ​ពីលេី​ម៉ូតូ​មក​ថ្វាយបង្គុំ​បីដង​ ហេីយ​ស្រដីថា​មានគេមកនិយាយ (ចែចូវ) ​ឥឡូវ​ត្រូវ​គ្នា​​ជិតដល់ថ្ងៃរៀប​ការ​​ហេីយ​ សុំលុយ​ដប់មុឺនរៀល​យកមក​កាត់​សម្លៀក​បំពាក់​។ ពេលនោះ​ខ្ញុំ​គ្មាន​លុយ​ជាប់នឹង​ខ្លួន​ទេ​ ដល់ម៉ោង​៨ព្រឹក​ខ្ញុំ​បានស្វែងរកគាត់​ ដេីម្បី​យក​ថវិកា​ចំនួន​ ១០០ដុល្លារ​មកជូនគាត់​តែម្តងទៅ”។

សូមបញ្ជាក់​ថា អ្នកឧកញ៉ា ម៉ុង ឫទ្ធី ជា​សេដ្ឋី​មួយ​រូប​នៅ​កម្ពុជា ដែល​លោក​បាន​វិនិយោគ​ច្រើន​លើ​វិស័យ​កសិ-ឧស្សាហកម្ម។ លោកឧកញ៉ា ត្រូវបានគេទទួលស្គាល់​ថា ជា​ឧកញ៉ា​ម្នាក់​ដែល​មាន​ចិត្ត​ធម៌ ​​​ដែល​តែង​តែ​ជួយ​ដល់​កម្មករ​របស់​លោក​ជា​ប្រចាំ។ ជាក់ស្តែង​ កាល​ពី​ខែ​មិថុនា ឆ្នាំ​២០២២ ​​​អ្នកឧកញ៉ា ក៏​បាន​ជួយ​ដល់​កម្មករ​ម្នាក់ ដែល​លុត​ជង្គង់​សុំ​​​​ប្រាក់​បង្គ្រប់​ ដើម្បី​បាន​ការ​ប្រពន្ធ​ផង​ដែរ ព្រោះ​តែ​កម្មករ​រូប​នោះ ​​មាន​ប្រាក់​សន្សំ​មិន​គ្រប់​ថ្លៃ​​បណ្ណាការ ​ហើយ​អ្នក​ឧកញ៉ា​ក៏​ជូន ១៥០០​ដុល្លារ​បន្ថែម៕