ទើបតែទម្លាយប្រវត្តិកម្សត់កាលពី១២ឆ្នាំមុន ដែលនៅកាលនោះគ្រាន់តែជាអ្នកក្រីក្រខ្ចីដើមគេ៤០ម៉ឺនរៀលដើម្បីលក់ស្បែកជើងមុខរោងចក្រហើយក្លាយខ្លួនជាអ្នកជំនួញធំដុំធ្វើអោយម្នាក់ៗមានការកោតសរសើរសោះ ស្រាប់តែក្នុងពេលនេះ លោក យ៉ន សេងហាន ត្រូវបានព្រះមហាក្សត្រត្រាស់បង្គាប់ផ្ដល់គោរមងារជាឧកញ៉ាគួរអោយភ្ញាក់ផ្អើល។
![](https://www.oknha.news/wp-content/uploads/2020/03/87561838_2754009841385862_2214074302720901120_n1-680x340.jpg)
មានការបង្ហើបថាលោកតស៊ូប្រកបរបរតាំងពីមុខរបរតូចយ៉ាងលំបាករហូតដល់មុខរបរធំ និង ចូលរួមក្នុងសកម្មភាពសប្បុរសធម៌១២ឆ្នាំ ទម្រាំក្លាយខ្លួនជាបុគ្គលជោគជ័យនៅក្នុងពេលនេះ។យោងតាមព្រះក្រឹត្សដែលចុះព្រះហត្ថលេខាកាលពីថ្ងៃទី២១ កុម្ភៈ ឆ្នាំ២០២០ មានខ្លឹមសារថា”យើងព្រះករុណាព្រះបាទសម្ដេចព្រះបរមនាថ នរោត្តម សីហមុនី សមានភូមិជាតិសាសនា រក្ខតខត្តិយា ខេមរារជ្ជរាស្ត្រ ពុទ្ធិន្ទ្រាធរាមហាក្សត្រ ខេមរាជនា សមូហោភាស កម្ពុជឯករាជរដ្ឋបូរណសន្តិ សុភមង្គលា សិរីវិបូលា ខេមរាស្រីពិរាស្ត្រ ព្រះចៅក្រុងកម្ពុជាធិបតី(យោងតាមសេចក្ដី ក្រាបបង្គំទូលថ្វាយរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជណាចក្រកម្ពុជា) ត្រាស់បង្គាប់ ផ្ដល់គោរមងារ លោ យ៉ន សេងហាន ជាឧកញ៉ា។
![](https://www.oknha.news/wp-content/uploads/2020/03/87529728_1275455879307271_1310705997332873216_n.jpg)
ជាមួយនឹងព្រះរាជក្រឹត្យ ដែលបានបង្ហោះឡើង គេឃើញកូនសិស្សរបស់លោករាប់រយនាក់បង្ហោះសារអបអរសាទរ។ នេះជាសមិទ្ធិផលធំមួយ ដែលអគ្គនាយកក្រុមហ៊ុន សេងហានរូបនេះ បានទទួល បន្ទាប់ពីហែលឆ្លងពីជីវិតពោរពេញដោយការតស៊ូស្ទើរតែពាក់កណ្ដាលជីវិត។
![](https://www.oknha.news/wp-content/uploads/2020/03/87821761_1092264324470452_6596904698177912832_n.jpg)
លោក យ៉ន សេងហាន ធ្លាប់បានបញ្ជាក់ថា មុនពេលលោកក្លាយខ្លួនជាអ្នកជំនួញដីធ្លី លោកគ្រាន់តែជាកូនអ្នកក្រ ដែលតស៊ូសិក្សារៀនសូត្របានដល់ចប់ទាំងលំបាកតែប៉ុណ្ណោះ។ ក្រៅពីជោគជ័យក្នុងវិស័យអចលនទ្រព្យទាំងគម្រោងពុះដីឡូតិ៍លក់ និង គម្រោងសាងសង់បុរីលក់ លោក យ៉ន សេងហាន ក៏ជាគ្រូបណ្ដុះបណ្ដាលអាជីវកម្មជោគជ័យដ៏ល្បីឈ្មោះម្នាក់ផងដែរ។មុនទទួលងារជាឧកញ៉ាប៉ុន្មានថ្ងៃ លោកធ្លាប់បង្ហោះថា ជាមិនគួរអោយជឿទេ ដែលអាពាហ៍ពិពាហ៏កាលពី១២ឆ្នាំ សូម្បីថ្លៃទឹកដោះបង្គាប់១៥០០ដុល្លារ ក៏លោកគ្មានគ្រប់ មានតែ៦០០ដុល្លារ (ជំពាក់គេ៩០០ដុល្លារ) និង មានតែ១០ម៉ឺនរៀលតស៊ូរស់ជាមួយភរិយា ដោយជាប់បំណុលគេជាច្រើន ពីព្រោះតែម្ដាយឪក្មេក យកលុយគេមករៀបការអោយ។លោកក៌ត្រូវគេស្គាល់ថា គឺជាសប្បុរសជនមួយរូប ដែលតែងតែដឹកនាំក្រុមការងារធ្វើកិច្ចការសង្គមដូចជាចែកអំណោយផ្សេងៗនៅក្នុងសហគមដែលលោកបោះគម្រោងធ្វើអាជីវកម្មពុះដីឡូតិ៍ និងសង់បុរី ជាពិសេសក្នុងទឹកដីខេត្តត្បូងឃ្មុំ និង ខេត្តកំពុងស្ពឺ ខណៈដែលក្រុមហ៊ុនរបស់លោកក៌មានស្នាដៃក្នុងការលើកផ្លូវ ជីកប្រឡាយ និងអភិវឌ្ឍន៏សហគមន៏ជាច្រើន តាំងពីជោគជ័យក្នុងអាជីវកម្មដីធ្លី។
![](https://www.oknha.news/wp-content/uploads/2020/03/87799445_1094062000957351_7196426182160547840_o.jpg)
![](https://www.oknha.news/wp-content/uploads/2020/03/៣.jpg)
![](https://www.oknha.news/wp-content/uploads/2020/03/88049328_879393565816205_1510427787687624704_n.jpg)
![](https://i0.wp.com/oknha.news/wp-content/uploads/2020/03/photo_2019-09-22_15-00-18-1024x682.jpg?fit=640%2C426&ssl=1)
![](https://i0.wp.com/oknha.news/wp-content/uploads/2020/03/photo_2019-09-22_15-00-07-1024x682.jpg?fit=640%2C426&ssl=1)
![](https://i0.wp.com/oknha.news/wp-content/uploads/2020/03/photo_2019-09-22_15-00-40-1024x682.jpg?fit=640%2C426&ssl=1)
![](https://i2.wp.com/oknha.news/wp-content/uploads/2020/03/photo_2019-09-22_15-00-49-1024x682.jpg?fit=640%2C426&ssl=1)
![](https://i1.wp.com/oknha.news/wp-content/uploads/2020/03/photo_2019-09-22_15-00-15-1024x682.jpg?fit=640%2C426&ssl=1)
![](https://i1.wp.com/oknha.news/wp-content/uploads/2020/03/photo_2019-09-22_15-01-04-1024x498.jpg?fit=640%2C311&ssl=1)
![](https://www.oknha.news/wp-content/uploads/2020/03/88149478_1092264504470434_587064902003195904_n.jpg)