តាមសេចក្តីក្រាបបង្គំទូលថ្វាយពីនាយករដ្ឋមន្ត្រី សម្តេចតេជោ ហ៊ុន សែន ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ត្រាស់បង្គាប់ផ្តល់គោរមងារ «ឧកញ៉ា» ដល់លោក ប៊ុន សុខមេនា នៅថ្ងៃទី៤ ខែតុលា ឆ្នាំ២០២២ តាមព្រះរាជក្រឹត្យលេខ នស/រកត/១០២២/១១៨៧។
ឧកញ៉ា ប៊ុន សុខមេនា ត្រូវបានប្រភពមួយទម្លាយឲ្យដឹងថា គឺជាអ្នកជំនួញវ័យក្មេងម្នាក់ ជាកូនប្រុសឧកញ៉ា លឹម រស់ និងលោកជំទាវ ឧកញ៉ា សុទ្ធី មូនីកា អគ្គនាយក ក្រុមហ៊ុន រ៉ូសម៉ាវែល ប្រផឹធី ឌីវេឡុបមុិន ឯ.ក។ ឧត្តមភរិយារបស់លោកគឺលោកស្រី លឹម លក្ម្សី។
ប្រភពដាច់ដោយឡែកមួយបង្ហើបឱ្យដេងថា ឧកញ៉ា ប៊ុន សុខមេនា មានលោកឱពុក ជារដ្ឋលេខាធិការ នៃក្រសួងធនធានទឹកនិងឧតុនិយម ម្នាក់ផងដែរ។
ក្រៅពីការរកស៊ី លោកធ្លាប់បានជួយដល់សង្គមជាច្រើនកន្លងមក រហូតនាំឱ្យលោកត្រូវបានព្រះមហាក្សត្រចេញព្រះរាជក្រឹត្យត្រាស់បង្គាប់ផ្ដល់គោរមងារជាឧកញ៉ាបែបនេះ៕
