មិនធ្លាប់មានចាប់តាំងតែពីមានព្រឹត្តិការណ៍សហគមន៍២០កុម្ភៈ ក្រសួងសុខាភិបាលបានប្រកាសរកឃើញអ្នកវិជ្ជមានកូវីដ១៩ថ្មី ដល់ទៅ ៥៧៦នាក់ទៀត។ ក្នុងនោះអ្នកឆ្លងកូវីដ១៩ នៅរាជធានីភ្នំពេញ ៥៤៤នាក់ ស្វាយរៀង ១៦នាក់ ព្រះសីហនុ ១២ សៀមរាប ២ កណ្ដាល ១ កំពង់ចាម ១។
បើតាមរបាយការណ៍របស់ក្រសួងចំនួនឆ្លងអ្នកថ្មី ៥៧៦នាក់នេះ ករណីឆ្លងចូលក្នុងសហគមន៍២០កុម្ភៈ ក្នុងនោះក៏មានករណីអ្នកជាសះស្បើយដល់ទៅ ៧០នាក់ផងដែរ។
ចំនួនឆ្លងដ៏ច្រើននេះ អាជ្ញាធររាជធានីភ្នំពេញបាននិងកំពុងរៀបចំ វិទ្យាល័យជាស៊ីមសាមគ្គី ជាកន្លែងសម្រាប់ព្យាបាលអ្នកជំងឺកូវីដ-១៩ ហើយមួយផ្នែកខ្វះធ្វើជាកន្លែងសម្រាប់ធ្វើចត្តាឡីស័កផងដែរ ខណៈដែរជំងឺនេះមិនបានធូរស្រាលនៅឡើយទេ តែបានបន្ថែមអ្នកជំងឺកាន់តែច្រើន ដែលនៅតាមមន្ទីរពេទ្យនានារបស់រដ្ឋមិនអាចទទួលអ្នកជំងឺអស់។
បើតាមលោក ឃួង ស្រេង បានបញ្ជាក់ឲ្យដឹងថា ទីតាំងខាងលើនេះ ត្រូវរៀបចំគ្រែចំនួន២០០គ្រែ សម្រាប់អ្នកជំងឺ និង១០គ្រែទៀតសម្រាប់ក្រុមគ្រូពេទ្យ ដែលត្រូវព្យាបាលអ្នកជំងឺកូវីដ-១៩។
សូមជ្រាបផងដែរថា វិទ្យាល័យជាស៊ីមសាមគ្គី ស្ថិតនៅតាមបណ្តោយផ្លូវ២៧១ ក្នុងសង្កាត់បឹងសាឡាង ខណ្ឌទួលគោក៕
