ក្រុមការងារទទួលបន្ទុកដោះស្រាយវិវាទបុរី របស់ក្រសួងរៀបចំដែនដី នគរូបនីយកម្ម និងសំណង់ ក្រោមការដឹកនាំរបស់ លោក សុំ មនោរម្យ នាយករងខុទ្ទកាល័យឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បាននិងកំពុងបន្ដការងារដោះស្រាយយ៉ាងសកម្ម ជូនអតិថិជនដែលបានទិញផ្ទះ និងដីឡូតិ៍ពីគម្រោងបុរីឡេងណាវ៉ាត្រា៦ អា និងគម្រោងជ្រែ ១០០ កាលថ្ងៃទី១៤ ខែវិច្ឆិកា ឆ្នាំ២០២៦។

ក្រសួងរៀបចំដែនដី បានបញ្ជាក់ថា ដោយឈលើស្មារតីនៃវប្បធម៌សន្ទនា ការផ្សះផ្សារ ការយោគយល់ និងគោលការណ៍ឈ្នះឈ្នះ ក្រុមការងារទទួលបន្ទុកដោះស្រាយវិវាទបុរី បាននិងកំពុងបន្ដការងារដោះស្រាយយ៉ាងសកម្មជូនពុកម៉ែបងប្អូនអតិថិជនដែលបានទិញផ្ទះ និងដីឡូតិ៍ពីគម្រោងបុរីឡេងណាវ៉ាត្រា៦ អា និងគម្រោងជ្រែ ១០០។
ការសម្រេចបាននូវវឌ្ឍនភាពថ្មីៗក្នុងការដោះស្រាយ, គម្រោង ឡេង ណាវ៉ាត្រា សូមអរគុណដល់ក្រសួងរៀបចំដែនដី នគរូបនីយកម្ម និងសំណង់ ព្រមទាំងអាជ្ញាធរគ្រប់ជាន់ថ្នាក់ ដែលបានជួយសម្របសម្រួលប្លង់ជូនអតិថិជន គម្រោង ឡេង ណាវ៉ាត្រា ស្របពេលបច្ចុប្បន្នក្រុមការងារក៏កំពុងតែទាក់ទងអតិថិជន ដើម្បីធ្វើការដោះស្រាយបញ្ចប់ជាបន្តបន្ទាប់។















