ត្រឹមរយៈពេល ១១ខែ ដែលរាប់ចាប់តាំងពីខែមករា ដល់ខែវិច្ឆិកា ឆ្នាំ២០២២នេះ កម្ពុជាបានអនុម័តគម្រោងវិនិយោគចំនួន ១៥២គម្រោង ក្នុងទំហំទិនវិនិយោគប្រមាណ ៣៨៧៩លានដុល្លារ ហើយអាចបង្កើតឱកាសការងារជាង ១៣៣,៣២០កន្លែង។ នេះបើតាមរបាយការណ៍របស់ក្រុមប្រឹក្សាអភិវឌ្ឍន៍។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
ក្រុមប្រឹក្សាអភិវឌ្ឍន៍កម្ពុជា បញ្ជាក់ថា ក្នុងចំណោមគម្រោងវិនិយោគ ១៥២គម្រោងក្នុងនោះរួមមាន វិស័យកាត់ដេរ វាយនភ័ណ្ឌ ទេសចរណ៍ បដិសណ្ឋារកិច្ច ហេដ្ឋារចនាសម្ព័ន្ធ សុខាភិបាល ថាមពល និងកសិកម្ម ឧស្សាហកម្មជាដើម។
គួររម្លឹកថា ក្នុងឆ្នាំ២០២១កន្លងទៅ កម្ពុជាបានអនុម័តគម្រោងវិនិយោគសរុបចំនួន១៦១គម្រោង ដោយគិតជាទំហំទឹកប្រាក់ប្រមាណជិត៤ពាន់លានដុល្លារអាមេរិក។ គម្រោងវិនិយោគក្នុងឆ្នាំ២០២១នោះ គឺមានការធ្លាក់ចុះជិតពាក់កណ្តាល បើធៀបទៅនឹងឆ្នាំ២០២០កន្លងទៅ ដោយសារតែការផ្ទុះរីករាលដាលនៃជំងឺកូវីដ១៩៕
