ប្រមុខរាជរដ្ឋាភិបាល ដឹកនាំគណៈប្រតិភូជាន់ខ្ពស់កម្ពុជា គោរពវិញ្ញាណក្ខន្ធអតីតប្រធានាធិបតីចិន ជាំង ជឺមិន

សម្ដេចតេជោ ហ៊ុន សែន នាយករដ្ឋមន្ត្រីបានដឹកនាំគណៈប្រតិភូជាន់ខ្ពស់កម្ពុជា អញ្ជើញចូលរួមគោរពវិញ្ញាណក្ខន្ធ លោក ជាំង ជឺមីន (Jiang Zemin) អតីតប្រធានាធិបតីចិន នៅស្ថានទូតចិន ប្រចាំកម្ពុជា នារសៀលថ្ងៃចន្ទទី៥ ខែធ្នូ ឆ្នាំ២០២២នេះ។

សូមជម្រាបថា លោក ជាំង ជឺមីន បានទទួលមរណភាពកាលពីថ្ងៃទី ៣០ ខែវិច្ឆិកា ឆ្នាំ២០២២ ក្នុងជន្មាយុ ៩៦ឆ្នាំ នៅទីក្រុងសៀងហៃ។ លោក ជឺមិន គឺជាបុគ្គលទី៣ មកពីគណបក្សកុម៉្មុយនីស្តចិន ដែលធ្លាប់​ឡើងកាន់អំណាច​ជា​ប្រធានាធិបតី​មុន​លោក ហ៊ូ ជិនតាវ និងលោក ស៊ី ជិនពីង ប្រធានាធិបតីបច្ចុប្បន្ន៕