ពីប្រទេសបែលហ្ស៊ិក សម្តេចតេជោ ហ៊ុន សែន ប្រកាសបញ្ជាក់ពីការសាងសង់ស្ពានចំនួន៣បន្ថែម

ថ្លែងពីទីក្រុងព្រុចសែល ប្រទេសបែលហ្សិក ក្នុងពិធីជួបសំណេះសំណាលជាមួយប្រជាពលរដ្ឋខ្មែររស់នៅតំបន់អឺរ៉ុបប្រមាណជាង២ពាន់នាក់ កាលពីថ្ងៃទី១២ ខែធ្នូ ឆ្នាំ ២០២២ សម្ដេចតេជោ ហ៊ុន សែន នាយករដ្ឋមន្ត្រី បានបង្ហើបឱ្យដឹងថា រាជរដ្ឋាភិបាលកម្ពុជា នឹងមានការសាងសង់ស្ពានចំនួន៣បន្ថែមទៀត ក្នុងនោះរួមមាន ស្ពាននៅខេត្តក្រចេះ ,ស្ពានមិត្តភាពកម្ពុជា-កូរ៉េ ពីភ្នំពេញទៅតំបន់អរិយ្សក្សត្រ និងស្ពាននៅតំបន់ល្វាឯម ជាប់ជាមួយផ្លូវល្បឿនលឿនភ្នំពេញ-បាវិត។

សម្តេចតេជោបញ្ជាក់ថា ពិធីបើកការដ្ឋានសាងសង់ស្ពានឆ្លងទន្លេមេគង្គនៅខេត្តក្រចេះ អាចនឹងធ្វើនៅថ្ងៃទី២ ឬ៦ ខែមករា ២០២៣ ខាងមុខ។

បើតាមក្រសួងសាធារណការ និងដឹកជញ្ជូន បានឱ្យដឹងថា គម្រោង​ស្ពាន​ឆ្លង រវាង​ខេត្តក្រចេះ និង​ខេត្តកំពង់ធំ គ្រោង​ប្រើប្រាស់​ថវិកា​សរុប​ចំនួន ១១១,៩៨​លាន​ដុល្លារ ដោយ​ត្រូវ​ប្រើ​រយៈពេល​សាងសង់ ៤២​ខែ។