ទស្សនកិច្ចនេះ មានគោលបំណងស្វែងយល់ពីខ្សែច្រវាក់ផលិតកម្មកែច្នៃចំណីអាហារ និងអាហារូបត្ថម្ភប្រកបដោយស្តង់ដារអនាម័យ សុវត្ថិភាពខ្ពស់ និងការអនុវត្តបច្ចេកវិទ្យា និងនវានុវត្តន៍ក្នុងវិស័យឧស្សាហកម្មកែច្នៃចំណីអាហារ។

ក្នុងឱកាសនោះ លោក Kim Yung il អនុប្រធានក្រុមហ៊ុន Atomy Orot បានសម្តែងការស្វាគមន៍យ៉ាងកក់ក្តៅជូនចំពោះលោកជំទាវបណ្ឌិត និងគណៈប្រតិភូកម្ពុជា ព្រមទាំងបានបង្ហាញពីប្រភេទនៃផលិតផលជាច្រើនដែលក្រុមហ៊ុនបានផលិត ស្របតាមចក្ខុវិស័យ របស់ ក្រុមហ៊ុន Atomy Orot គឺ ការបង្កើតស្តង់ដារអាហារបរិសុទ្ធ និងសុវត្ថិភាពខ្ពស់បំផុត ព្រមទាំងក្លាយជាអ្នកដឹកនាំក្នុងការផលិត និងផ្គត់ផ្គង់ម្ហូបអាហារដែលមានសុវត្ថិភាព គុណភាពខ្ពស់ និងគ្មានសារធាតុគីមីគ្រោះថ្នាក់ ដើម្បីសុខុមាលភាពរបស់អ្នកប្រើប្រាស់ទូទាំងពិភពលោក និងមានបេសសកម្មក្នុងការផ្តល់ជូននូវអាហារពិតពីធម្មជាតិ (Honest Food) ដោយផ្តោតលើការជ្រើសរើសវត្ថុធាតុដើមធម្មជាតិល្អបំផុត មិនប្រើប្រាស់សារធាតុបន្ថែមដែលបង្កគ្រោះថ្នាក់ និងរក្សាតម្លៃជីវជាតិដើមឱ្យនៅគង់វង្ស។

ជាការឆ្លើយតប លោកស្រីរដ្ឋលេខាធិការប្រចាំការក្រសួងអប់រំ បានថ្លែងនូវការកោតសរសើរចំពោះការវិនិយោគលើបច្ចេកវិទ្យាស្វ័យប្រវត្តិកម្មទំនើប ការគ្រប់គ្រងស្តង់ដារគុណភាពយ៉ាងម៉ត់ចត់របស់ Atomy Orot ព្រមទាំងបានថ្លែងអំណរគុណចំពោះក្រុមហ៊ុន Atomy ដែលកន្លងមកតែងតែបានចូលរួមចំណែកយ៉ាងសកម្មក្នុងការងារសង្គម និងការគាំទ្រដល់វិស័យអប់រំនៅកម្ពុជា៕

The post ក្រសួងអប់រំ ដឹកនាំគណៈប្រតិភូទស្សនកិច្ចមជ្ឈមណ្ឌលផលិតកម្ម និងស្រាវជ្រាវចំណីអាហារ Atomy Orot Factory នៅទីក្រុង Gongju សាធារណរដ្ឋកូរ៉េ appeared first on .

ក្រសួងអប់រំ បានឱ្យដឹងថា ​ជំនួបនេះមានគោលបំណងផ្លាស់ប្ដូរបទពិសោធ និងពង្រឹងកិច្ចសហប្រតិបត្តិការទ្វេភាគីក្នុងវិស័យអប់រំ ជាពិសេសលើការលើកកម្ពស់សុខភាពសិក្សា ការកសាងសមត្ថភាពមន្ត្រីអប់រំ និងការប្រើប្រាស់បច្ចេកវិទ្យាឌីជីថល ដើម្បីគាំទ្រដល់ការអភិវឌ្ឍវិស័យអប់រំនៅកម្ពុជា ដែលក្នុងន័យនេះ ភាគីទាំងពីរបានផ្ដោតលើកិច្ចសហប្រតិបត្តិការសំខាន់ៗមួយចំនួនរួមមាន៖

១. ការជំរុញកិច្ចសហប្រតិបត្តិការរវាងសាលារៀន៖ សម្របសម្រួលតាមរយៈមន្ទីរអប់រំខេត្តជុងឆុងណាមដូ (Chungcheongnam-do) ដើម្បីបង្កើតទំនាក់ទំនង និងកិច្ចសហការដោយផ្ទាល់រវាងសាលារៀននៃភាគីទាំងពីរ ក្នុងការលើកកម្ពស់សុខភាពសិក្សានៅកម្ពុជា។

២. ការកសាងសមត្ថភាពធនធានមនុស្ស៖ ជំរុញការបណ្ដុះបណ្ដាលមន្ត្រីជំនាញផ្នែកសុខភាពសិក្សា នាយកសាលា និងគ្រូបង្រៀន តាមរយៈកម្មវិធីទស្សនកិច្ចសិក្សា ការផ្លាស់ប្ដូរបទពិសោធ និងការចែករំលែកជំនាញក្នុងការអប់រំសុខភាព។

៣. ការប្រើប្រាស់បច្ចេកវិទ្យាឌីជីថល៖ ពង្រឹងកិច្ចសហប្រតិបត្តិការក្នុងការប្រើប្រាស់បច្ចេកវិទ្យាឌីជីថល ដើម្បីផ្សព្វផ្សាយចំណេះដឹងអំពីសុខភាព និងអនាម័យដល់សិស្សានុសិស្ស ស្របតាមកិច្ចសហប្រតិបត្តិការដែលសាធារណរដ្ឋកូរ៉េបាននិងកំពុងគាំទ្រកម្ពុជាលើវិស័យបច្ចេកវិទ្យាព័ត៌មាន និងសារគមនាគមន៍ (ICT) និងបច្ចេកវិទ្យាអប់រំ (EdTech)។

​ក្នុងឱកាសនោះ លោកស្រីរដ្ឋលេខាធិការប្រចាំការ បានវាយតម្លៃខ្ពស់ចំពោះសមិទ្ធផល និងបទពិសោធល្អៗក្នុងវិស័យអប់រំរបស់ខេត្តជុងឆុងណាមដូ (Chungcheongnam-do) ដែលជាមេរៀន និងបទពិសោធដ៏មានតម្លៃសម្រាប់កម្ពុជាក្នុងការសិក្សា និងអនុវត្តឱ្យសមស្របតាមបរិបទជាក់ស្ដែង។ ជាមួយគ្នានេះ លោកស្រី បានគូសបញ្ជាក់អំពីសារៈសំខាន់នៃការពង្រឹងទំនាក់ទំនងមិត្តភាព និងកិច្ចសហប្រតិបត្តិការរវាងកម្ពុជា និងសាធារណរដ្ឋកូរ៉េ ដោយបានលើកឡើងថា កាលពីខែឧសភា ឆ្នាំ២០២៤ សម្ដេចធិបតី ហ៊ុន ម៉ាណែត បានអញ្ជើញបំពេញទស្សនកិច្ចផ្លូវការនៅសាធារណរដ្ឋកូរ៉េ តបតាមការអញ្ជើញរបស់លោក Yoon Suk Yeol ប្រធានាធិបតីនៃសាធារណរដ្ឋកូរ៉េ ក្នុងគោលបំណងលើកកម្ពស់ទំនាក់ទំនងទ្វេភាគី ព្រមទាំងពង្រឹងចំណងមិត្តភាព និងកិច្ចសហប្រតិបត្តិការរវាងប្រទេសទាំងពីរឱ្យកាន់តែរឹងមាំ និងស៊ីជម្រៅថែមទៀត។

​តាងនាមក្រសួងអប់រំ យុវជន និងកីឡា លោកស្រី រដ្ឋលេខាធិការប្រចាំការ បានថ្លែងអំណរគុណចំពោះរដ្ឋាភិបាល និងប្រជាជននៃសាធារណរដ្ឋកូរ៉េ តាមរយៈក្រសួងអប់រំ និងទីភ្នាក់ងារសហប្រតិបត្តិការអន្តរជាតិកូរ៉េ (KOICA) ដែលបាននិងកំពុងផ្ដល់ការគាំទ្រយ៉ាងសកម្មដល់ការអភិវឌ្ឍធនធានមនុស្ស និងការលើកកម្ពស់គុណភាពអប់រំនៅកម្ពុជា។ ជាមួយគ្នានេះផងដែរ លោកស្រី រដ្ឋលេខាធិការប្រចាំការ ក៏បានថ្លែងអំណរគុណជាថ្មីចំពោះលោកប្រធានមន្ទីរ និងមន្ត្រីពាក់ព័ន្ធចំពោះការទទួលបដិសណ្ឋារកិច្ចយ៉ាងកក់ក្ដៅ ព្រមទាំងបានគោរពអញ្ជើញលោកប្រធានមន្ទីរអប់រំខេត្តជុងឆុងណាមដូ អញ្ជើញបំពេញទស្សនកិច្ចនៅព្រះរាជាណាចក្រកម្ពុជា ជាពិសេសក្នុងឆ្នាំ២០២៧ ដែលជាឆ្នាំនៃការប្រារព្ធខួបលើកទី៣០ នៃចំណងមិត្តភាពកម្ពុជា-សាធារណរដ្ឋកូរ៉េ៕

The post ក្រសួងអប់រំកម្ពុជា និងមន្ទីរអប់រំខេត្តជុងឆុងណាមដូ កូរ៉េ ផ្លាស់ប្ដូរបទពិសោធ និងពង្រឹងកិច្ចសហប្រតិបត្តិការទ្វេភាគីក្នុងវិស័យអប់រំ appeared first on .

ក្នុងឱកាសនៃជំនួបពិភាក្សាការងារ ភាគីទាំងពីរបានផ្លាស់ប្តូរយោបល់ និងបទពិសោធន៍ ដោយផ្តោតលើចំណុចសំខាន់ៗ ៣ រួមមាន៖

១). ការលើកកម្ពស់សុខភាពសិក្សា៖ ស្វែងយល់អំពីប្រព័ន្ធគ្រប់គ្រង និងយន្តការអនុវត្តការងារសុខភាពសិក្សាតាមបែបវិទ្យាសាស្ត្ររបស់សាកលវិទ្យាល័យជាតិគង់ជូ ដើម្បីប្រមូលធាតុចូល និងបទពិសោធន៍ល្អៗសម្រាប់ពិចារណាអនុវត្ត និងកែលម្អការងារសុខភាពសិក្សានៅកម្ពុជា។

២). ការពង្រឹងកិច្ចសហប្រតិបត្តិការទ្វេភាគី៖ ជំរុញកិច្ចសហប្រតិបត្តិការក្នុងការអភិវឌ្ឍធនធានមនុស្ស ការផ្លាស់ប្តូរកម្មវិធីសិក្សា និងការចែករំលែកបទពិសោធន៍រវាងគ្រឹះស្ថានឧត្តមសិក្សានៃប្រទេសទាំងពីរ ដើម្បីរួមចំណែកលើកកម្ពស់គុណភាពអប់រំ និងការអភិវឌ្ឍសមត្ថភាពធនធានមនុស្ស។

៣). ការលើកកម្ពស់ឱកាសអាហារូបករណ៍ និងការផ្លាស់ប្តូរបទពិសោធន៍៖ ជំរុញការបង្កើនឱកាសទទួលបានអាហារូបករណ៍ និងការរៀបចំកម្មវិធីផ្លាស់ប្តូរទស្សនកិច្ចសិក្សាសម្រាប់មន្ត្រីអប់រំ សាស្ត្រាចារ្យ និងនិស្សិតកម្ពុជា ដើម្បីសិក្សាស្វែងយល់ និងទទួលបានបទពិសោធន៍ថ្មីៗនៅសាធារណរដ្ឋកូរ៉េ។

គួរបញ្ជាក់ថា ដំណើរទស្សនកិច្ចនេះ បានបញ្ចប់ទៅប្រកបដោយផ្លែផ្កា និងស្មារតីសហប្រតិបត្តិការជិតស្និទ្ធ ដែលជាសក្ខីភាពថ្មីមួយទៀតក្នុងការពង្រឹងទំនាក់ទំនងភាពជាដៃគូរវាងក្រសួងអប់រំ យុវជន និងកីឡានៃកម្ពុជា ជាមួយស្ថាប័នឧត្តមសិក្សានៃសាធារណរដ្ឋកូរ៉េ សំដៅរួមចំណែកអភិវឌ្ឍគុណភាពអប់រំនៅកម្ពុជាឱ្យកាន់តែប្រសើរឡើង៕

The post កម្ពុជា-កូរ៉េ បានផ្លាស់ប្តូរយោបល់ និងបទពិសោធន៍ ៣ចំណុច លើវិស័យអប់រំ appeared first on .

នេះបើយោងតាមជំនួបពិភាក្សាកាលថ្ងៃទី២៨ ខែកញ្ញា ឆ្នាំ២០២៦ រវាងលោក ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ ជាមួយលោក Choi Jae-young ប្រធានក្រុមប្រឹក្សាក្រុងផ្យង់ថេក នៅទីស្នាក់ការក្រុមប្រឹក្សាក្រុងផ្យង់ថេក ខេត្តខ្យង់គីដូ នៃសាធារណរដ្ឋកូរ៉េ។

ក្នុងឱកាសនៃជំនួប លោកឯកអគ្គរាជទូត បានជម្រាបជូនលោក Choi អំពីស្ថានភាពរស់នៅរបស់បងប្អូនសហគមន៍ខ្មែរ ក្នុងតំបន់ផ្យង់ថេក។ ឯកឧត្តមបានជម្រាបលោក​ Choi ថា លោកបានសម្លឹងឃើញពីល្បឿននៃការអភិវឌ្ឍរបស់ក្រុងផ្យង់ថេក និងបំណងពង្រីកកិច្ចសហប្រតិបត្តិការលើវិស័យការងារ ពាណិជ្ជកម្ម និងអប់រំ រវាងស្ថាប័នរដ្ឋ និងឯកជននៃក្រុង-ខេត្ត របស់កម្ពុជា និងទីក្រុងផ្យង់ថេក។

លោក ក៏បានស្នើលោក Choi ពិនិត្យលទ្ធភាពដឹកនាំក្រុមហ៊ុនកូរ៉េរបស់ក្រុងផ្យង់ថេកទៅបំពេញទស្សនកិច្ចនៅកម្ពុជា ដើម្បីបង្កើតឱកាសឱ្យក្រុមហ៊ុននៃប្រទេសទាំងពីរចាប់ដៃគូអាជីវកម្ម និងបង្កើតកិច្ចសហប្រតិបត្តិការអាជីវកម្មជាមួយគ្នា។

លោក Choi បានជម្រាប​លោក អគ្គរាជទូត​ ថា ប្រទេសកម្ពុជា និងកូរ៉េ មានលក្ខណៈ ស្រដៀងគ្នាដែលអាចបំពេញតម្រូវការឲ្យគ្នាទៅវិញទៅមកបាន លោកបានបញ្ជាក់ថា​ ទីក្រុងផ្យង់ថេក​ ជាទីក្រុងដែលមានសេដ្ឋកិច្ចធ្លាប់ពឹងផ្អែកលើវិស័យកសិកម្ម​ ប៉ុន្តែឥឡូវទីក្រុងនេះ​ បានផ្លាស់ប្តូរមកជាទីក្រុងឧស្សាហកម្មវិញ ដែលការណ៍នេះបានធ្វើឱ្យសេដ្ឋកិច្ចនៃក្រុងផ្យង់ថេក​ មានការរីកចំរើនគួរឱ្យកត់សម្គាល់។

សូមជម្រាបដែរថា តាមរយៈជំនួបនោះដែរ លោកក៏បានសង្កត់ធ្ងន់ថា ក្នុងអាណត្តិរបស់លោក លោកនឹងព្យាយាមជំរុញកិច្ចសហប្រតិបត្តិការលើវិស័យសេដ្ឋកិច្ច វប្បធម៌ និងអប់រំ ដើម្បីបង្កើតបាននូវការអភិវឌ្ឍរួមរវាងប្រទេសទាំងពីរឱ្យកាន់តែល្អប្រសើរថែមទៀត៕ អត្ថបទ៖ហ្សាលីន  

The post ស្ថាប័នរបស់កូរ៉េខាងត្បូងមួយ ចង់បង្កើតកិច្ចសហប្រតិបត្តិការអាជីវកម្មជាមួយកម្ពុជា appeared first on .

លោកលើកឡើងបែបនេះ នៅក្នុងជំនួបពិភាក្សាកាលកាលថ្ងៃទី២១ ខែកញ្ញា ឆ្នាំ២០២៦ ជាមួយសម្តេច តេជោ ហ៊ុន សែនប្រមុខរដ្ឋស្តីទីនៃព្រះរាជាណាចក្រកម្ពុជា។

នាឱកាសនោះ សម្តេចតេជោ បានលើកឡើងថា សាធារណរដ្ឋកូរ៉េ គឺជាដៃគូមួយនៃកិច្ចសហប្រតិបត្តិការដ៏ល្អរបស់កម្ពុជា នៅក្នុងក្របខ័ណ្ឌសេដ្ឋកិច្ច ពាណិជ្ជកម្ម ហើយជាពិសេសនោះគឺការវិនិយោគតែម្ដង ដែលប្រទេសទាំងពីរកំពុងតែសហការគ្នាល្អ នៅក្នុងកិច្ចសហការដ៏មានសារៈសំខាន់។ សម្ដេចតេជោ ក៏បានស្វាគមន៍ លោក Kim Jin-pyo ជាថ្មីក្នុងដំណើរអញ្ជើញមកកាន់ប្រទេសកម្ពុជានៅពេលនេះ ខណៈសម្ដេច ចាត់ទុកដំណើរមកកាន់កម្ពុជា គឺជាផ្នែកមួយនៃការពូនជ្រុំទំនាក់ទំនងរវាងកម្ពុជា និងកូរ៉េឱ្យកាន់តែរីកចម្រើន។

ជាមួយគ្នានេះ លោក Kim Jin-pyo បានសម្ដែងនូវការអរគុណដែលសម្ដេចបានអនុញ្ញាតឱ្យលោក និងសហការី បានជួបសម្ដែងការគួរសមនៅក្នុងឱកាសនេះ។ លោកបន្តថា ទំនាក់ទំនងរវាងកម្ពុជា និងកូរ៉េនៅពេលបច្ចុប្បន្ន កំពុងតែមានភាពល្អប្រសើរ ហើយសង្ឃឹមថា អ្នកទេសចររបស់កូរ៉េ នឹងមកទស្សនាប្រទេសកម្ពុជាកាន់តែច្រើន។ ជាមួយគ្នានេះ លោកក៏បានសង្កេតឃើញអ្នកវិនិយោគរបស់កូរ៉េ ចាប់អារម្មណ៍មកវិនិយោគនៅក្នុងប្រទេសកម្ពុជា ជាបន្តបន្ទាប់ផងដែរ។

សូមជម្រាបដែរថា តាមរយៈជំនួបខាងលើ សម្ដេចតេជោ ក៏បង្ហាញការពេញចិត្តចំពោះការលើកឡើងរបស់លោក Kim Jin-pyo ជាពិសេសសម្ដេចសង្ឃឹមថា ទំនាក់ទំនងរវាងប្រទេសទាំងពីរកាន់តែរឹងមាំរីកចម្រើន។ បន្ថែមពីលើនេះសម្ដេចតេជោក៏ជំរុញឱ្យអតីតប្រធានរដ្ឋសភារូបនេះ ធ្វើយ៉ាងណាឱ្យអ្នកវិនិយោគរបស់ប្រទេសកូរ៉េមកវិនិយោគនៅក្នុងប្រទេសកម្ពុជា កាន់តែច្រើនផងដែរ៕អត្ថបទ៖ហ្សាលីន

The post អតីតប្រធានរដ្ឋសភាកូរ៉េ ថាអ្នកវិនិយោគកូរ៉េ ចាប់អារម្មណ៍មកវិនិយោគនៅក្នុងប្រទេសកម្ពុជា appeared first on .

លោក ហួត ហាក់ បានវាយតម្លៃខ្ពស់ និងថ្លែងអំណរគុណចំពោះលោក Mun Yong-Jo និងសហការី ចំពោះគំនិតផ្តួចផ្តើមពង្រឹងពង្រីកកិច្ចសហប្រតិបត្តិក្នុងវិស័យទេសចរណ៍រវាងក្រសួងទេសចរណ៍ និងសមាគមកូរ៉េ ជំរុញការផ្លាស់ប្តូរប្រជាជន និងប្រជាជន កំណើនភ្ញៀវទេសចរកូរ៉េមកទស្សនាកម្ពុជាឱ្យបានច្រើនជាងបន្ថែមទៀត ជាពិសេសគឺការបណ្តាក់ទុនវិនិយោគរបស់វិនិយោគិនកូរ៉េនៅកម្ពុជា។​

លោកបានគូសបញ្ជាក់អំពីស្ថានភាពនយោបាយ សេដ្ឋកិច្ច សង្គម និងការអភិវឌ្ឍវិស័យទេសចរណ៍របស់កម្ពុជា ដោយបញ្ជាក់ថា កម្ពុជានៅតែជាគោលដៅទេសចរណ៍ប្រកបដោយសុខសុវត្ថិភាព និងបដិសណ្ឋារកិច្ចដ៏កក់ក្តៅ។ ជាពិសេស កម្ពុជា ក៏បានដាក់ចេញនូវយុទ្ធនាការ «ទស្សនាកម្ពុជា នារដូវកាលបៃតង» ដោយសហការជាមួយក្រុមហ៊ុនអាកាសចរណ៍ ក្រុមហ៊ុនទេសចរណ៍ អ្នកផលិតមាតិកា និងប្រព័ន្ធផ្សព្វផ្សាយអន្តរជាតិ ដើម្បីផ្សព្វផ្សាយសក្តានុពលទេសចរណ៍កម្ពុជា ដើម្បីធ្វើពិពិធកម្មទីផ្សារ និងអភិវឌ្ឍផលិតផលទេសចរណ៍ឱ្យកាន់តែសម្បូរបែប បៃតង និងប្រកដោយភាពវៃឆ្លាត។

លោកក៏បានសង្កត់ធ្ងន់ថាវិស័យទេសចរណ៍ ត្រូវបានចាត់ជាវិស័យអាទិភាព និងជាជន្ទល់សេដ្ឋកិច្ច ដោយរាជរដ្ឋាភិបាលកម្ពុជាក្រោមការដឹកនាំប្រកបដោយជវភាព និងចក្ខុវិស័យវែងឆ្ងាយរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ដើម្បីជំរុញកំណើនសេដ្ឋកិច្ច និងលើកកម្ពស់ជីវភាពរស់នៅរបស់ប្រជាពលរដ្ឋ។​

ក្នុងជំនួបនោះដែរលោកប្រធាន Mun Yong-Jo ក៏បានធ្វើការប្តេជ្ញាចិត្តចូលរួមផ្សព្វផ្សាយពីស្ថានភាពនយោបាយ ការអភិវឌ្ឍសេដ្ឋកិច្ច និងសង្គម កត្តាសុខសុវត្ថិភាព សន្តិសុខល្អប្រសើរដែលបានឃើញផ្ទាល់នាពេលនេះ ជាពិសេសអំពីលទ្ធផលប្រកបដោយប្រសិទ្ធភាព និងប្រសិទ្ធផលនៃយុទ្ធនាការបង្រ្កាបបទល្មើសអនឡាញ តាមបទបញ្ជាដ៏ម៉ឺងម៉ាត់របស់សម្តេចធិបតី។ លោកក៏ប្តេជ្ញាត្រៀមអនុវត្តសកម្មភាពនានា ដើម្បីជំរុញការផ្លាស់ប្តូរប្រជាជន និងប្រជាជន កំណើនការធ្វើដំណើរ និងទេសចរណ៍រវាងប្រទេសទាំងពីរកម្ពុជា និងកូរ៉េ។

គួរបញ្ជាក់ផងដែរថាសមាគម International Interchange Development Association (IIDA) គឺជាសមាគមអន្តរជាតិនៃសាធារណរដ្ឋកូរ៉េ ដែលមានបេសកកម្មជំរុញកិច្ចសហប្រតិបត្តិការអន្តរជាតិ ការផ្លាស់ប្តូរវប្បធម៌ ការអប់រំ ពាណិជ្ជកម្ម សេដ្ឋកិច្ច និងការរៀបចំព្រឹត្តិការណ៍អន្តរជាតិ ជាមួយបណ្តាប្រទេសជុំវិញពិភពលោក ហើយជាដៃគូសហប្រតិបត្តិដ៏មានសក្តានុពលសម្រាប់ការផ្សព្វផ្សាយទេសចរណ៍កម្ពុជា ការភ្ជាប់បណ្តាញធុរកិច្ច និងការវិនិយោគនៅសាធារណរដ្ឋកូរ៉េ។

The post សមាគមកូរ៉េ IIDA ប្តេជ្ញាជួយផ្សព្វផ្សាយ និងទាក់ទាញភ្ញៀវទេសចរ និងវិនិយោគិនកូរ៉េមកកាន់កម្ពុជាឱ្យបានច្រើន appeared first on .

លោក ខៀវ រិទ្ធីភ័ណ្ឌ បានលើកឡើងអំពីបច្ចុប្បន្នភាពនៃការអភិវឌ្ឍក្នុងខេត្តកំពតលើវិស័យទេសចរណ៍ ហេដ្ឋារចនាសម្ព័ន្ធខេត្ត ស្ថានភាពប្រជាជន និងគម្រោងរបស់ខេត្តក្នុងការកសាង និងពង្រឹងទំនាក់ទំនងជាមួយប្រទេសកូរ៉េ។

លោកឯកអគ្គរាជទូត ក៏បានលើកឡើងដែរថា ខេត្តកំពតគឺជាខេត្តដែលមានសក្តានុពលទេសចរណ៍បែបធម្មជាតិ ហើយផលិតផលសក្តានុពលរបស់ខេត្តដូចជា ម្រេចកំពត និងផ្កាអំបិល ក៏ត្រូវបានទទួលស្គាល់ថាជាផលិតផល​ ដែលមានគុណភាពខ្ពស់ផងដែរ ដូច្នេះស្ថានទូតអាចជួយផ្សព្វផ្សាយបន្ថែមអំពីសក្តានុពលទាំងនេះរបស់ខេត្តនៅប្រទេសកូរ៉េ​ ឱ្យបានកាន់តែទូលំទូលាយ តាមរយៈពិព័រណ៌នានាក្នុងប្រទេសកូរ៉េ។

The post ស្ថានទូតកម្ពុជាប្រចាំកូរ៉េ ប្ដេជ្ញាជួយផ្សព្វផ្សាយ «ម្រេចកំពត និងផ្កាអំបិល» ឱ្យល្បីល្បាញកាន់តែខ្លាំងលើឆាកអន្តរជាតិ appeared first on .

ថ្លែងក្នុងឱកាសជួបសម្តែងការគួរសម និងពិភាក្សាការងារជាមួយគណៈប្រតិភូសភាពាណិជ្ជកម្ម និងឧស្សាហកម្មទីក្រុងអ៊ីនឈ័ន កាលទី១៧ ខែសីហា ឆ្នាំ២០២៦ លោក ស៊ុន ចាន់ថុល អំណរគុណចំពោះសភាពាណិជ្ជកម្ម និងឧស្សាហកម្មទីក្រុងអ៊ីនឈ័ន ដែលបានសម្របសម្រួលលើការរៀបចំ «វេទិកាផ្សព្វផ្សាយវិនិយោគ អ៊ីនឆ័ន-កម្ពុជា ឆ្នាំ២០២៦» កាលពីចុងខែមិថុនា កន្លងទៅ។

លោកបានសម្តែងនូវភាពជឿជាក់ និងសុទិដ្ឋិនិយមខ្ពស់ថា តាមរយៈវេទិកាផ្សព្វផ្សាយវិនិយោគនេះ និងការបំពេញបេសកកម្មគោះទ្វារទាក់ទាញ និងជំរុញវិនិយោគនៅក្នុងសាធារណរដ្ឋកូរ៉េ នឹងទាក់ទាញបាននូវលំហូរទុនវិនិយោគផ្ទាល់ និងធុរជនកូរ៉េជាច្រើនបន្ថែមទៀតមកបោះទុនវិនិយោគនៅកម្ពុជា។

ជាការឆ្លើយតប លោកប្រធាន ICCI បានសម្តែងនូវសេចក្តីរីករាយ ព្រមទាំងជម្រាបពីភាពជោគជ័យនៃយុទ្ធនាការផ្សព្វផ្សាយវិនិយោគកន្លងមក ដែលក្នុងនោះមានបណ្តាញសារព័ត៌មានកូរ៉េចំនួន ៣៨ ស្ថាប័នបានចុះផ្សាយ និងបង្កើតឱ្យមានការចាប់អារម្មណ៍យ៉ាងខ្លាំងពីសំណាក់អ្នកវិនិយោគ និងសហគមន៍ធុរកិច្ចកូរ៉េ អំពីសក្តានុពលរបស់កម្ពុជា។ជាលទ្ធផលផ្លែផ្កាជាក់ស្តែង លោកថា យុទ្ធនាការកន្លងមកនេះបាននិងកំពុងបង្ហាញពីសញ្ញាណវិជ្ជមានយ៉ាងខ្លាំង ដោយក្នុងនោះមានក្រុមហ៊ុនកូរ៉េធំៗមួយចំនួនបានបង្ហាញបំណងក្នុងការមកបោះទុនវិនិយោគនៅកម្ពុជា ដោយផ្តោតលើវិស័យផលិតគ្រឿងសង្ហារិម និងការកែច្នៃកសិផល។

សូមជម្រាបដែរ តាមរយៈជំនួបវេទិការខាងលើ លោក ស៊ុន ចាន់ថុល បានសង្កត់ធ្ងន់ដែរថា ក្នុងនាមរាជរដ្ឋាភិបាលកម្ពុជាត្រៀមខ្លួនជាស្រេចក្នុងការផ្តល់កិច្ចសម្របសម្រួល សំដៅជំរុញឱ្យគម្រោងនេះលេចរូបរាងឡើង ដើម្បីជាប្រយោជន៍លើការអភិវឌ្ឍធនធានមនុស្ស ការលើកកម្ពស់ជំនាញបច្ចេកទេសកម្លាំងពលកម្មកម្ពុជា ជាការឆ្លើយតបបានយ៉ាងចំទិសដៅទៅនឹងតម្រូវការកម្លាំងពលកម្មជំនាញរបស់អ្នកវិនិយោគកូរ៉េនៅកម្ពុជា នាពេលអនាគត។ជាមួយគ្នានេះ លោកប្រធាន ICCI បានប្តេជ្ញាចិត្ត ក្នុងការបន្តពង្រឹង និងពង្រីកកិច្ចសហការយ៉ាងស្អិតរមួតរវាងសភាពាណិជ្ជកម្ម ICCI និងស្ថាប័នរដ្ឋកូរ៉េ សំដៅរួមគ្នាយ៉ាងសកម្មក្នុងការលើកកម្ពស់ទំនាក់ទំនងមិត្តភាព និងកិច្ចសហប្រតិបត្តិការទ្វេភាគី ព្រមទាំងជំរុញលំហូរទុនវិនិយោគ និងធុរកិច្ចពីកូរ៉េមកកាន់កម្ពុជាឱ្យកាន់តែមានកំណើនខ្លាំងក្លា និងប្រកបដោយចីរភាពនាពេលអនាគត៕អត្ថបទ៖ហ្សាលីន

The post វេទិកាផ្សព្វផ្សាយវិនិយោគអ៊ីនឆ័ន-កម្ពុជាឆ្នាំ២០២៦ បានជួយជំរុញវិនិយោគិនកូរ៉េ មកនោះទុននៅកម្ពុជា appeared first on .

ក្នុងជំនួបជាមួយ លោកស្រី នួន ផានិត អនុព័ន្ធពាណិជ្ជកម្ម កាលពីថ្ងៃទី២២ ខែកក្កដា លោក KIM OK GYU នាយកប្រតិបត្តិនៃក្រុមហ៊ុន BG Environment Co., Ltd បានលើកឡើងថា ក្រុមហ៊ុនមានយុទ្ធសាស្ត្ររយៈពេលវែង មិនត្រឹមតែផ្តោតលើការនាំចូលសំបកគ្រាប់ស្វាយចន្ទីប៉ុណ្ណោះទេ ប៉ុន្តែថែមទាំងមានគម្រោងវិនិយោគក្នុងឧស្សាហកម្មកែច្នៃដ៏មានសក្តានុពល ដោយត្រៀមសហការបង្កើតរោងចក្រកែច្នៃ និងបង្កើតខ្សែសង្វាក់ផ្គត់ផ្គង់ប្រកបដោយស្ថិរភាពសម្រាប់សំបកគ្រាប់ស្វាយចន្ទីឆៅនៅកម្ពុជា។

ក្រុមហ៊ុនក៏បានពិភាក្សាអំពីកិច្ចសហប្រតិបត្តិការជាមួយដៃគូអាជីវកម្មកម្ពុជាមួយចំនួន ដែលមានរោងចក្រកែច្នៃរួចហើយផងដែរ។ ក្រៅពីនេះ លោកប្រធានក្រុមហ៊ុនក៏បានស្នើសុំឱ្យក្រសួងពាក់ព័ន្ធជួយសម្រួលលើការបំពេញនីតិវិធីគយ និងអធិការកិច្ច ដើម្បីកាត់បន្ថយការបង់ថ្លៃសេវាបន្ថែម និងកាត់បន្ថយការចំណាយខ្ពស់លើការដឹកជញ្ជូនពីរោងចក្រទៅកាន់កំពង់ផែនៅកម្ពុជា។

សូមបញ្ជាក់ផងដែរថា ក្រុមហ៊ុន BG Environment Co., Ltd កំពុងអភិវឌ្ឍបច្ចេកវិទ្យាដើម្បីទាញយកប្រេងជីវៈ និងផលិតផលរងផ្សេងៗពីសំបកគ្រាប់ស្វាយចន្ទី។ ក្រុមហ៊ុនកំពុងដាក់ពាក្យសុំប៉ាតង់ទាក់ទងនឹងបច្ចេកវិទ្យាកែច្នៃនេះ។ បន្ទាប់ពីទទួលបានការអនុម័តពីរដ្ឋាភិបាល ក្រុមហ៊ុនរំពឹងថានឹងទទួលបានការគាំទ្រផ្នែកហិរញ្ញវត្ថុយ៉ាងច្រើនពីរដ្ឋាភិបាលកូរ៉េ សម្រាប់ពាណិជ្ជកម្ម និងការវិនិយោគនៅបរទេស។

The post ក្រុមហ៊ុនមួយរបស់កូរ៉េ មានគម្រោងវិនិយោគក្នុងឧស្សាហកម្មកែច្នៃគ្រាប់ស្វាយចន្ទីឆៅនៅកម្ពុជា appeared first on .

នាឱកាសនោះ គណៈប្រតិភូវិនិយោគិនកូរ៉េ បាន​បញ្ជាក់ថា​ គណៈប្រតិភូ​ មានតំណាងក្រុមហ៊ុនចំនួន ១៥ មកពីវិស័យគន្លឹះៗដូចជា៖ យានយន្ត, អេឡិចត្រូនិក, វាយនភណ្ឌ, ការចែកចាយ និងម្ហូបអាហារ, ហិរញ្ញវត្ថុ និងធនាគារ, សំណង់, ព្រមទាំងការកម្សាន្ត និងវប្បធម៌ ។

ដំណើរទស្សនកិច្ចធុរកិច្ចនាពេលនេះ គឺដើម្បីរួមចំណែកពង្រឹងភាពជាដៃគូយុទ្ធសាស្ត្ររវាង កូរ៉េ-កម្ពុជា ជាពិសេសលើវិស័យសេដ្ឋកិច្ច ពាណិជ្ជកម្ម និងវិនិយោគ​ និងមានគោលបំណងស្វែងយល់ពីស្ថានភាពទីផ្សារនៅកម្ពុជា ដើម្បីកំណត់ទិសដៅពង្រីកអាជីវកម្មបន្ថែម​ ក៏ដូចជា​ចំណាប់អារម្មណ៍របស់ក្រុមហ៊ុនកូរ៉េថ្មីៗផ្សេងទៀត ក្នុងការស្វែងរកឱកាសវិនិយោគនៅក្នុងប្រទេសកម្ពុជាផងដែរ។

ក្នុងចំណោមក្រុមហ៊ុនទាំង១៥, មានក្រុមហ៊ុនចំនួន ៧ កំពុងមានប្រតិបត្តិការអាជីវកម្មនៅកម្ពុជា និង ៦ក្រុមហ៊ុនទៀត កំពុងវិនិយោគនៅប្រទេសវៀតណាម ដែលមានចំណាប់អារម្មណ៍ខ្ពស់ក្នុងការពង្រីកមូលដ្ឋានផលិតកម្មរបស់ខ្លួនមកកាន់កម្ពុជា។ គណៈប្រតិភូ​វិនិយោគិនកូរ៉េ ក៏បានប្ដេជ្ញាចិត្តជំរុញការវិនិយោគ សំដៅចូលរួមចំណែកដល់ការអភិវឌ្ឍសង្គម-សេដ្ឋកិច្ចនៅកម្ពុជា។

ជាការឆ្លើយតប សម្តេចធិបតី បានស្វាគមន៍បណ្ដាក្រុមហ៊ុនកូរ៉េក្នុងការស្វែងរកឱកាសពង្រីក​ការវិនិយោគ ក៏ដូចជាការស្វែងរកឱកាសការវិនិយោគថ្មីៗទៀត​ លើវិស័យសក្កានុពលជាច្រើនទៀតនៅកម្ពុជា។ សម្តេចធិបតីបានគូសបញ្ជាក់ពីការដាក់ចេញនូវគោលនយោបាយ និងវិធានការចាំបាច់នានា​របស់រដ្ឋាភិបាល ក្នុងការលើកទឹកចិត្ត​ដល់វិនិយោគិន​។ ជាមួយគ្នានេះដែរ សម្តេចធិបតី ក៏បានទឹកចិត្តឱ្យបណ្តាក្រុមហ៊ុនកូរ៉េកូរ៉េ បន្តសហការជិតស្និទ្ធជាមួយក្រសួង-ស្ថាប័នពាក់ព័ន្ធ ដើម្បីចាប់យកឱកាសជាក់ស្តែងក្នុងការពង្រីកការវិនិយោគ​ ក៏ដូចជាការវិនិយោគថ្មីៗនៅកម្ពុជា៕ អត្ថបទ៖ហ្សាលីន

The post វិនិយោគិនកូរ៉េ ប្ដេជ្ញាជំរុញការវិនិយោគ ដើម្បីចូលរួមចំណែកអភិវឌ្ឍសង្គមសេដ្ឋកិច្ចនៅកម្ពុជា appeared first on .