នៅក្នុងរបាយការណ៍ដដែលបានគូសបញ្ជាក់ថា ការនាំចេញរបស់កម្ពុជាទៅកាន់ប្រទេសថៃមានទំហំសរុប ៣៥៧ លានដុល្លារអាមេរិក ដែលមានការថយចុះ ២០,៣ ភាគរយ ពីចំនួន ៤៤៨ លានដុល្លារអាមេរិក ក្នុងឆមាសទី១ ឆ្នាំ២០២៥។

ទន្ទឹមនឹងនេះដែរ ការនាំចូលពីប្រទេសថៃមកកាន់ប្រទេសកម្ពុជាវិញ ក៏បានធ្លាក់ចុះយ៉ាងខ្លាំងរហូតដល់ ៤១,៩ ភាគរយ ដោយមកនៅត្រឹម ១,០១ ប៊ីលានដុល្លារអាមេរិក បើធៀបនឹងទឹកប្រាក់ ១,៧៤ ប៊ីលានដុល្លារអាមេរិក ក្នុងរយៈពេលដូចគ្នាកាលពីឆ្នាំមុន។ ការធ្លាក់ចុះនៃទិន្នន័យពាណិជ្ជកម្មទាំងផ្នែកនាំចេញ និងនាំចូលនេះ បានឆ្លុះបញ្ចាំងពីការប្រែប្រួលនៃសកម្មភាពដោះដូរទំនិញរវាងប្រទេសជិតខាងទាំងពីរនៅក្នុងពាក់កណ្តាលឆ្នាំដំបូងនេះ។

The post ការដោះដូរទំនិញកម្ពុជា-ថៃ បានធ្លាក់ចុះជាង៣៧ ភាគរយ ក្នុងឆមាសទី១ ឆ្នាំនេះ appeared first on .

សេចក្តីបំភ្លឺ​ព័ត៌មាន បានបញ្ជាក់ថា ស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េ សូមជម្រាបសាធារណជន​ជ្រាបថា នៅពេលថ្មីៗនេះ ស្ថានឯកអគ្គរាជទូតបានសង្កេតឃើញមានការបង្ហោះសារជាអក្សរ និងជាវីដេអូ ដោយបានជជែកវែកញែកជាហូរហែ ពាក់ព័ន្ធនឹងប្រភពរបស់ផ្លែស្វាយដែលមានម៉ាកយីហោ Romdoul និងការប្រើប្រាស់ស្លាកសញ្ញាបញ្ជាក់ប្រភពដើមថាជាទំនិញរបស់កម្ពុជានៅលើផលិតផលថៃ។

ពាក់ព័ន្ធនឹងករណីនេះ ស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េ សូមធ្វើការបំភ្លឺដូចខាងក្រោម៖

១.ផ្លែស្វាយដែលមានម៉ាកយីហោ «Romdoul» (រំដួល) ដែលកំពុងត្រូវបានដាក់លក់នៅលើទីផ្សារកូរ៉េ គឺពិតជាមានប្រភពដើមមកពីកម្ពុជា ១០០% និងត្រូវបាននាំចូល និងចែកចាយដោយក្រុមហ៊ុន Hyundai Agro (Cambodia) Co., Ltd. ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុនលំដាប់អន្តរជាតិ Hyundai Corporation របស់សាធារណរដ្ឋកូរ៉េ ដែលបានបោះទុនវិនិយោគនៅប្រទេសកម្ពុជា។

២.ពាក់ព័ន្ធនឹងករណីប្រើប្រាស់ស្លាកសញ្ញាបញ្ជាក់ថាជាផលិតផលរបស់កម្ពុជា នៅលើផ្លែស្វាយរបស់ថៃ ស្ថានឯកអគ្គរាជទូត បានចាត់អនុព័ន្ធពាណិជ្ជកម្មអមស្ថានឯកអគ្គរាជទូត ដើម្បីស្រាវជ្រាវ និងបានទៅដល់ទីតាំង​ម៉ាត ដែលបានដាក់លក់ផលិតផលផ្លែស្វាយខាងលើ។ ជាលទ្ធផល ម្ចាស់ម៉ាតបានទទួលស្គាល់ថា កន្លងមក ពិតជាមានការច្រលំបិតស្លាកសញ្ញាថាជាផលិតផលរបស់កម្ពុជា នៅលើផ្លែស្វាយរបស់ថៃពិតប្រាកដមែន ប៉ុន្តែ​ត្រូវបានកែតម្រូវរួចរាល់ហើយ។ អនុព័ន្ធពាណិជ្ជកម្មអមស្ថានទូត ក៏បានណែនាំ និងដាស់តឿនដល់ម្ចាស់ម៉ាត ឱ្យមានការប្រុងប្រយ័ត្ន និងជៀសវាងការក្លែងបន្លំប្រភពដើមថា ជាផលិតផលរបស់កម្ពុជា ដែលអាចឈានដល់ការ​ចាត់វិធានការតាមផ្លូវច្បាប់។

ស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េ សូមអំពាវនាវដល់អ្នកលក់ និងអ្នកចែកចាយទំនិញនានា សូមជៀសវាងការក្លែងបន្លំប្រភពដើមនៃទំនិញ ជាពិសេសការបន្លំថាជាផលិតផលរបស់កម្ពុជា ដែលអាចប្រឈម​នឹងការទទួលខុសត្រូវតាមផ្លូវច្បាប់ជាធរមាន។ ទន្ទឹមនេះ ក្នុងករណីបងប្អូនមានមន្ទិលសង្ស័យ ឬជួបប្រទះការក្លែងបន្លំប្រភពដើមនៃទំនិញ​ថាជាផលិតផល​របស់កម្ពុជា បងប្អូនអាចរាយការណ៍មកស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េ តាមរយៈហ្វេសប៊ុកផ្លូវការ​របស់ស្ថានទូត ឬលេខទូរស័ព្ទ៖ 010-7558-8665 ដោយភ្ជាប់រូបភាព អាសយដ្ឋានហាងលក់ទំនិញ និងលេខ​ទូរស័ព្ទ​ហាងលក់ទំនិញ ដើម្បីស្ថានឯកអគ្គរាជទូតមានវិធានការបន្ត៕

The post ស្ថានទូតកម្ពុជាប្រចាំនៅកូរ៉េ ចេញសេចក្តីបំភ្លឺករណីផ្លែស្វាយម៉ាក Romdoul និងការប្រើស្លាកសញ្ញាថា «ផលិតផលរបស់កម្ពុជា» នៅលើផ្លែស្វាយរបស់ថៃ appeared first on .

យោងតាមរបាយការណ៍បានបញ្ជាក់ថា ក្នុងរយៈពេល៤ខែ ឆ្នាំ២០២៦ ពោលចាប់ពីខែមករា ដល់ខែមេសា ការនាំចូលទំនិញថៃ ចូលមកកម្ពុជា ក្នុងទំហំទឹកប្រាក់​ប្រមាណ៦៩០លានដុល្លារ ធ្លាក់ចុះ៤០.៨% បើធៀបនឹងរយៈពេលដូចគ្នា នៅឆ្នាំ២០២៥ មានរហូតដល់ ១,១៦៦លានដុល្លារ។

ក្នុងរយៈពេល៤ខែ ឆ្នាំ២០២៦នេះ ប្រទេសថៃបានទិញទំនិញពីប្រទេសកម្ពុជា ដើម្បីឲ្យយកទៅប្រើប្រាស់ ក្នុងទំហំទឹកប្រាក់ប្រមាណ ២៣៤លានដុល្លារ បើធៀបនឹងឆ្នាំ២០២៥ មានចំនួនប្រមាណ ៣២៧លានដុល្លារ៕

The post ៤ខែដំបូងឆ្នាំនេះ ទំនិញថៃចូលមកកម្ពុជាបន្ដធ្លាក់ចុះជាង ៤០% appeared first on .

ក្រសួងការបរទេស និងសហប្រតិបត្តិការអន្តរជាតិ បានឱ្យដឹងថា នៅក្នុងកិច្ចប្រជុំនោះ ភាគីទាំងពីរបានពិភាក្សាត្រង់ទៅត្រង់មកលើស្ថានភាពព្រំដែន រួមទាំងវិធានការកសាងទំនុកចិត្តនានា និងលើទិដ្ឋភាពដ៏ទូលំទូលាយនៃទំនាក់ទំនងការទូតរវាងប្រទេសទាំងពីរ។

ភាគីទាំងពីរបានបញ្ជាក់សាជាថ្មីនូវការប្តេជ្ញាចិត្តចំពោះបទឈប់បាញ់ ការដោះស្រាយជម្លោះព្រំដែនដោយសន្តិវិធី និងការអនុវត្តពេញលេញនូវសេចក្តីប្រកាសរួមនៃកិច្ចប្រជុំពិសេសលើកទី៣ របស់គណៈកម្មាធិការព្រំដែនទូទៅ (GBC) កាលពីថ្ងៃទី២៧ ខែធ្នូ ឆ្នាំ២០២៥។

នាឱកាសនោះ ឯកឧត្តម ប្រាក់ សុខុន ក៏បានសង្កត់ធ្ងន់ថា ការសម្រេចបាននូវសន្តិភាពយូរអង្វែងរវាងប្រទេសយើងទាំងពីរ ដែលរួមចំណែកដល់សន្តិភាព ស្ថិរភាព និងឯកភាពក្នុងអាស៊ាន គឺទាមទារការប្តេជ្ញាចិត្តពិតប្រាកដ និងការគោរពពេញលេញចំពោះច្បាប់អន្តរជាតិ ធម្មនុញ្ញអាស៊ាន ក៏ដូចជាសន្ធិសញ្ញា និងកិច្ចព្រមព្រៀងដែលមានស្រាប់ទាំងអស់ ដែលចងភ្ជាប់យើង៕ អត្ថបទ៖ហ្សាលីន

The post មេការទូតកម្ពុជា ជួបមេការទូតថៃ ហើយទាមទារឱ្យថៃគោរពពេញលេញចំពោះច្បាប់អន្តរជាតិ appeared first on .

នៅក្នុងការឆ្លើយតបទៅនឹងសំណួរព័ត៌មានពីសារព័ត៌មានពាក់ព័ន្ធនឹងការបំផ្លាញបដិមាសាសនាហិណ្ឌូនេះ អ្នកនាំពាក្យផ្លូវការរបស់ក្រសួងការបរទេសឥណ្ឌា លោក Shri Randhir Jaiswal បានលើកឡើងថា៖ “យើងបានឃើញរបាយការណ៍អំពីការបំផ្លាញរូបសំណាកអាទិទេពសាសនាហិណ្ឌូមួយ ដែលបានសាងសង់ឡើងក្នុងពេលថ្មីៗនេះ ហើយស្ថិតនៅក្នុងតំបន់ដែលរងផលប៉ះពាល់ដោយជម្លោះព្រំដែនរវាងថៃ និងកម្ពុជា ដែលកំពុងបន្តកើតមាន”។

លោកបន្តទៀតថា អាទិទេពសាសនាហិណ្ឌូ និងព្រះពុទ្ធសាសនា ត្រូវបានគោរព បូជាដោយប្រជាជនទូទាំងតំបន់យ៉ាងជ្រាលជ្រៅ និងជាផ្នែកមួយនៃមរតកអរិយធម៌រួមរបស់យើង។ ចំពោះសកម្មភាពមិនគោរពបែបនេះ បានប៉ះពាល់ដល់អារម្មណ៍របស់អ្នកជឿជាក់លើសាសនានៅជុំវិញពិភពលោក ហើយវាជារឿងមិនគួរឲ្យកើតមាននោះឡើយ។

មិនតែប៉ុណ្ណោះ អ្នកនាំពាក្យរូបនេះ ក៏បានអំពាវនាវម្ដងទៀតឲ្យភាគីទាំងពីរប្រទេសទាំងពីវិលត្រឡប់ទៅរកការសន្ទនា និងការទូត ដើម្បីស្តារសន្តិភាពឡើងវិញ និងចៀសវាងការបាត់បង់ជីវិតមនុស្សបន្ថែមទៀត ក៏ដូចជាការខូចខាតទ្រព្យសម្បត្តិ និងមរតកវប្បធម៌។

ជម្រាបជូនផងដែរថា ជុំវិញការចេញសេចក្តីប្រកាសនេះត្រូវបានកើតឡើង បន្ទាប់ពីវីដេអូមួយត្រូវបានចេញផ្សាយពីសារព័ត៌មានថៃ បានបង្ហាញពីសកម្មភាពរបស់យោធាថៃ ផ្តួលរំលំបដិមាហិណ្ឌូ ស្ថិតនៅក្នុងទីតាំងកាស៊ីណូមួយកន្លែង ក្នុងដែនអធិបតេយ្យភាពរបស់កម្ពុជា៕​

The post ក្រសួងការបរទេសឥណ្ឌា ថ្កោលទោសចំពោះការបំផ្លាញបដិមាហិណ្ឌូលើទឹកដីកម្ពុជា ដោយការឈ្លានពានរបស់ថៃ​ appeared first on .

តាមរយៈការបង្ហោះសារមួយនៅលើបណ្តាញសង្គម X លោក Vijayasai បានលើកឡើងថា ការផ្លាញបំផ្លាញរូបសំណាកអទិទេពនៃសាសនាហិណ្ឌូក្រោមលេសនៃជម្លោះព្រំដែន​ គឺជារឿងមិនអាចទទួលយកបាននោះឡើយ។

លោកបន្ថែមទៀតថា ទាំងប្រទេសថៃ និងកម្ពុជាសុទ្ធតែជាប្រទេសកាន់ព្រះពុទ្ធសាសនា ប៉ុន្តែប្រវត្តិសាស្ត្របានកត់ត្រាការធ្វើទុក្ខបុកម្នេញម្តងហើយម្តងទៀតលើប្រាសាទហិណ្ឌូ និងការប៉ុនប៉ងលុបបំបាត់។ ហើយគ្មានសាសនាណាមួយ ដែលបង្ហាញពីសន្តិភាពរបស់ខ្លួន ដោយការបំផ្លាញជំនឿងរបស់សាសនាដទៃទៀតនោះឡើយ។

ជម្រាបជូនផងដែរថា ជុំវិញការលើករបស់លោក Vijayasai បានកើតឡើង បន្ទាប់ពីវីដេអូមួយត្រូវបានចេញផ្សាយពីសារព័ត៌មានថៃ បានបង្ហាញពីសកម្មភាពរបស់យោធាថៃ ផ្តួលរំលំបដិមាហិណ្ឌូ ដែលកើតចេញពីការឈា្លនពានលើទឹកដីកម្ពុជា៕​

The post អតីតសមាជិកសភាឥណ្ឌាម្នាក់ រិះគន់ថៃធ្ងន់ៗជុំវិញការបំផ្លាញបដិមាហិណ្ឌូ លើទឹកដីកម្ពុជា appeared first on .

នៅក្នុងកិច្ចសន្ទនានោះ លោក Rubio ក៏បានគូសបញ្ជាក់ពីការព្រួយបារម្ភរបស់សហរដ្ឋអាមេរិក ទាក់ទងទៅនឹងអំពើហិង្សាជាបន្តបន្តាប់ តាមបណ្តោយព្រំដែនកម្ពុជា និងបានសង្កត់ធ្ងន់លើតម្រូវការបន្ទាន់ក្នុងការកាត់បន្ថយភាពតានតឹងនេះ។

លើសពីនេះ រដ្ឋមន្ត្រីការបរទេសអាមេរិករូបនេះ ក៏បានជំរុញឲ្យលោក Sihasak ចាត់វិធានការជាក់ស្តែង ដើម្បីបន្ធូរបន្ថយស្ថានការណ៍ និងឲ្យប្រទេសថៃវិលត្រលប់ទៅអនុវត្តកិច្ចព្រមព្រៀងសន្តិភាពទីក្រុងគូឡាឡាំពួរឡើងវិញ៕​

The post ប្រមុខការទូតអាមេរិក ជំរុញឲ្យថៃបញ្ឈប់ជម្លោះ ហើយងាកទៅអនុវត្តកិច្ចព្រមព្រៀងសន្តិភាពជាមួយកម្ពុជាវិញ appeared first on .

ដោយថ្លែងប្រាប់ទៅកាន់អ្នកកាន់សាសនាដែលបានប្រមូលផ្តូំគ្នាសម្រាប់អង្គប្រជុំទូទៅ នៅទីលាន St. Peter’s Square នៃបុរីវ៉ាទីកង់ សម្តេចប៉ាបបានបង្ហាញការសោកស្តាយយ៉ាងខ្លាំង ចំពោះព័ត៌មានដែលបានរាយការណ៍អំពីការប៉ះទង្គិចគ្នាយ៉ាងធ្ងន់ធ្ងរចេញពីតំបន់មានជម្លោះនេះ។

មិនតែប៉ុណ្ណោះ សម្តេចបានមានព្រះបន្ទូលថា ៖” ខ្ញុំមានការសោកសៅយ៉ាងខ្លាំងចំពោះដំណឹងនៃការកើតមានជម្លោះឡើងវិញតាមបណ្តោយព្រំដែនរវាងប្រទេសថៃ និងកម្ពុជា។ មានអ្នកស្លាប់ និងរបួស រួមទាំងក្នុងចំណោមជនស៊ីវិលផងដែរថា ហើយមនុស្សរាប់ពាន់នាក់ត្រូវបង្ខំឲ្យចាកចេញពីផ្ទះសម្បែងរបស់ពួកគេ។ ខ្ញុំសូមបង្ហាញពីភាពសិទ្ធស្នាលរបស់ខ្ញុំក្នុងការអធិស្ឋានដល់ប្រទេសប្រជាជនជាទីស្រលាញ់ទាំងនេះ”។

មិនតែប៉ុណ្ណោះ សម្តេចប៉ាប ក៏បានបង្ហាញភាពសោកស្តាយចំពោះការកើនឡើងនៃភាពតានតឹងទាំងនេះ ហើយបានស្នើសុំឱ្យភាគីនានា បញ្ឈប់ការបាញ់ប្រហារជាបន្ទាន់ និងបន្តការសន្ទនាឡើងវិញ។

ជម្រាបជូនថា ភាពតានតឹងរវាងកម្ពុជា និងថៃ បានផ្ទុះឡើងជាថ្មីម្តងទៀត នៅថ្ងៃទី៧ ខែធ្នូ បន្ទាប់ពីកងកម្លាំងរបស់ប្រទេសថៃ បានបើកការវាយប្រហារមកលើកម្ពូជានៅតាមបណ្តោយព្រំដែនដែលមានជម្លោះស្រាប់ រហូតធ្វើឲ្យកម្ពុជាអស់ការអត់ធ្មត់ នឹងបានបើកការវាយប្រហារតបតវិញ៕

The post សម្តេចប៉ាប លើកឡើងយ៉ាងកម្រ អំពាវនាវឲ្យបញ្ចប់ជាបន្ទាន់នូវជម្លោះកម្ពុជា-ថៃ appeared first on .

ដោយបានប្រាប់ទៅកាន់អ្នយកព័ត៌មាន នៅសេតវិមាន កាលពីថ្ងៃទី១០ ធ្នូ ដោយសំដៅលើទៅលើការសន្ទនាតាមទូរស័ព្ទដែលបានគ្រោងទុកជាមួយមេដឹកនាមកម្ពុជា និងថៃ លោក ត្រាំ បាននិយាយថា ៖” ខ្ញុំគិតថាខ្ញុំនឹងទូរស័ព្ទទៅកាន់មេដឹកនាំទាំងពីរឆាប់ៗនេះ”។

មិនតែប៉ុណ្ណោះ ប្រធានាធិបតីអាមេរិករូបនេះ បានបន្ថែមទៀតថា ប្រទេសទាំងពីរមានជម្លោះជាមួយគ្នាជាយូរមកហើយ ខណៈលោកបានដោះស្រាយបញ្ហាទាំងនោះ ដោយសំដៅលើកិច្ចខិតខំប្រឹងប្រែងសម្របសម្រួលរបស់សហរដ្ឋអាមេរិក ក្នុងខែតុលា។

លើសពីនេះ លោក ត្រាំ ក៏បានសរសើរមេដឹកនាំកម្ពុជា និងថៃថាជា “មេដឹកនាំដ៏អស្ចារ្យ”។ ហើយលោកក៏សង្ឃឹមថានឹងធ្វើឲ្យប្រទេសទាំងពីរអាចបញ្ឈប់ជម្លោះចុងក្រោយនេះបាន។

ជម្រាបជូនផងដែរថា ភាពតានតឹងរវាងកម្ពុជា និងថៃ បានផ្ទុះឡើងជាថ្មីម្តងទៀត នៅថ្ងៃទី៧ ខែធ្នូ បន្ទាប់ពីកងកម្លាំងរបស់ប្រទេសថៃ បានបើកការវាយប្រហារមកលើកម្ពូជានៅតាមបណ្តោយព្រំដែនដែលមានជម្លោះស្រាប់ រហូតធ្វើឲ្យកម្ពុជាអស់ការអត់ធ្មត់ នឹងបានបើកការវាយប្រហារតបតវិញ៕​

The post លោក ត្រាំ លើកឡើងជាថ្មី ដោយជឿជាក់ថានឹងអាចបញ្ចប់ជម្លោះថៃ-កម្ពុជាបាន appeared first on .

ដោយថ្លែងនៅក្នុងពិធីជួបជុំមួយនៅក្នុងរដ្ឋ Pensylvania កាលពីថ្ងៃទី៩ ខែធ្នូ លោក ត្រាំ បានរាយបញ្ជីឈ្មោះសង្គ្រាមមួយចំនួនដែលលោកអះអាងថា បានជួយបញ្ឈប់ រួមទាំងប៉ាគីស្ថាន និងឥណ្ឌា អ៊ីស្រាអ៊ែល និងអ៊ីរ៉ង់ មុនពេលបញ្ឈប់ជម្លោះដែលកើតឡើងនៅក្នុងតំបន់អាស៊ាន។

យ៉ាងណាមិញ លោក ត្រាំ បាននិយាយថា ៖”​ ខ្ញុំស្អប់ក្នុងការនិយាយពាក្យទាំងអស់នេះ ឥឡូវកម្ពុជា-ថៃ បានចាប់ផ្តើមជម្លោះឡើងវិញ ហើយខ្ញុំនឹងទូរស័ព្ទទៅកាន់មេដឹកនាំប្រទេសទាំងពីរ។ តើអ្នកណាផ្សេងទៀតដែលអាចបញ្ឈប់ជម្លោះដ៏មានឥទ្ធិពលនេះបាន”។

រំលឹកផងដែថា លោក ត្រាំ ធ្លាប់បាននិយាយជាមួយមេដឹកនាំនៃប្រទេសទាំងពីរ ហើយធ្វើជាចំណុចកណ្តាលនៃបទឈប់បាញ់ដ៏ផុយស្រួយរវាងពួកគេចាប់តាំងពីមានជម្លោះក្នុងខែកក្កដា ដែលបានសម្លាប់មនុស្សយ៉ាងហោចណាស់ ៤៨ នាក់ និងជាការប៉ះទង្គិចគ្នាដ៏ធ្ងន់ធ្ងរបំផុតរវាងប្រទេសទាំងពីរក្នុងប្រវត្តិសាស្ត្រថ្មីៗនេះ។

ជម្រាបជូនផងដែរថា ជុំវិញការប្រកាសរបស់លោក ត្រាំ សារជាថ្មីនេះ បានកើតឡើងបន្ទាប់ពីជម្លោះតាមព្រំដែនបានផ្ទុះឡើងម្តងទៀត នៅពេលដែលថៃ បានបើកការវាយប្រហារមកលើកម្ពុជា រហូតធ្វើឲ្យកម្ពុជាអស់ការអត់ធ្មត់ និងបានបើកការវាយប្រហារតបតវិញ៕​

The post លោក ត្រាំ នឹងទូរស័ព្ទទៅមេដឹកនាំកម្ពុជា-ថៃ ដើម្បីបញ្ឈប់ការប្រយុទ្ធគ្នាដែលកំពុងផ្ទុះឡើងជាថ្មី appeared first on .