លោក សុខ លូ បានស្នើទៅកាន់ភាគីហ្វីលីពីនបែបនេះ នៅក្នុងជំនួបពិភាក្សាការងារជាមួយ លោក សេនេន ធី. ម៉ាងកាលីឡេ (Senen T. Mangalile) ឯកអគ្គរដ្ឋទូតនៃសាធារណរដ្ឋហ្វីលីពីនប្រចាំព្រះរាជាណាចក្រកម្ពុជាដើ ម្បីពង្រឹងកិច្ចសហប្រតិបត្តិការរវាងស្ថានទូតហ្វីលីពីននិងរដ្ឋបាលខេត្តបាត់ដំបង នាថ្ងៃទី២៧ ខែតុលា ឆ្នាំ២០២៦។

ក្នុងជំនួបនោះ លោក សុខ លូ បានជម្រាបជូនប្រតិភូហ្វីលីពីនអំពីស្ថានភាពភូមិសាស្រ្ត ប្រជារាស្រ្ត សេដ្ឋកិច្ច សក្ដានុពលនៃវិស័យកសិកម្ម ទេសចរណ៍ វប្បធម៌ ជាពិសេសក្រុងបាត់ដំបងត្រូវបានបញ្ចូលជាទីក្រុងច្នៃប្រតិដ្ឋផ្នែកម្ហូបអាហាររបស់អង្គការយូណេស្កូ។
លោក បានរំលេចពីសក្ដានុពលដ៏សំបូរបែបលើវិស័យកសិកម្ម ប៉ុន្តែការវិនិយោគលើការកែច្នៃនៅមានកម្រិតដែលទាមទារឱ្យមានការវិនិយោគបន្ថែម។ ក្នុងន័យនេះ លោកក៏បានស្នើភាគីហ្វីលីពីនជួយជំរុញ និងបង្កលក្ខណៈឱ្យវិនិយោគិន ព្រមទាំងទេសចរមកវិនិយោគ និងទស្សនាខេត្តបាត់ដំបងឱ្យបានច្រើនដើម្បីបង្កើនសេដ្ឋកិច្ច ពាណិជ្ជកម្ម និងទំនាក់ទំនងល្អ។

លោកអភិបាលសង្កត់ធ្ងន់ថា អង្កររបស់ប្រទេសកម្ពុជាដែលជាប់ចំណាត់ថ្នាក់ជាអង្ករល្អដាច់គេលើពិភពលោកជាបន្តបន្ទាប់ គឺជាអង្ករដែលផលិតនៅក្នុងខេត្តបាត់ដំបង។ លោកក៏ជំរុញឱ្យមានការចងសម្ព័ន្ធមេត្រីភាពរវាងក្រុង ឬខេត្តណាមួយនៃប្រទេសហ្វីលីពីន ជាមួយខេត្តបាត់ដំបងដើម្បីពង្រឹងកិច្ចសហប្រតិបត្តិការ និងទំនាក់ទំនងឱ្យកាន់តែជិតស្និទបន្ថែមទៀត។

ទន្ទឹមនឹងនេះ លោកអភិបាលក៏បានបញ្ជាក់ប្រាប់ប្រតិភូហ្វីលីពីនថា រដ្ឋបាលខេត្តបាត់ដំបងរង់ចាំទទួលស្វាគមន៍អ្នកវិនិយោគ ពាណិជ្ជករ និងភ្ញៀវទេសចរហ្វីលីពីនមក វិនិយោគ ទស្សនាកម្សាន្ត ព្រមទាំងត្រៀមបង្កលក្ខណៈងាយស្រួលជូនគ្រប់បែបយ៉ាង។

ជាការឆ្លើយតប ឯកអគ្គរដ្ឋទូតហ្វីលីពីន ក៏បានលើកឡើងពីកំណើននៃការផ្លាស់ប្ដូរពាណិជ្ជកម្ម សេដ្ឋកិច្ច ការវិនិយោគ និងកិច្ចសហប្រតិបត្តិការល្អររវាងប្រទេសហ្វីលីននិងប្រទេសកម្ពុជា ជាពិសេសកំណើននៃការនាំចូលអង្ករក្នុងចំនួនច្រើនពីកម្ពុជាទៅកាន់ហ្វីលីពីនក្នុងពេលថ្មីៗកន្លងមកនេះ។

លោកលើកឡើងបន្ថែមថា បច្ចុប្បន្ននេះមានក្រុមហ៊ុនហ្វីលីពីនមួយចំនួនបាននិងកំពុងធ្វើការវិនិយោគនៅក្នុងប្រទេសកម្ពុជា ហើយរដ្ឋមន្រ្តីរបស់ប្រទេសហ្វីលីពីនក៏បានជំរុញដល់អ្នកវិនិយោគឱ្យបង្កើនការវិនិយោគបន្ថែមនៅកម្ពុជា ជាពិសេសលើវិស័យកសិកម្ម។

លោកលើកឡើងពីគម្រោងរៀបចំវេទិកាធុរកិច្ចដ៏ធំមួយរវាងហ្វីលីពីន និងកម្ពុជាដែលនឹងធ្វើឡើងនៅឆ្នាំ២០២៧ខាងមុខស្របពេលខួប៧០ឆ្នាំនៃទំនាក់ទំនងការទូតកម្ពុជា-ហ្វីលីពីន។ លោកមើលឃើញថា ប្រជាពលរដ្ឋហ្វីលីពីនបាននិងកំពុងបំពេញការងារលើវិស័យផ្សេងៗនៅក្នុងខេត្តបាត់ដំបងប្រកបដោយសុខសុវត្ថិភាព និងថ្លែងអំណរគុណដល់អាជ្ញាធរដែលបានយកចិត្តទុកដាក់ចំពោះពលរដ្ឋហ្វីលីពីន៕

The post អភិបាលខេត្តបាត់ដំបង ស្នើហ្វីលីពីនជួយជំរុញវិនិយោគិនមកវិនិយោគ និងទស្សនាខេត្តបាត់ដំបងឱ្យបានច្រើនដើម្បីបង្កើនសេដ្ឋកិច្ច ពាណិជ្ជកម្ម appeared first on .

កាលពីថ្ងៃទី២៣ ខែតុលា ឆ្នាំ២០២៦ លោក ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានអញ្ជើញអមដំណើរ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងជំនួបសម្តែងការគួរសម និងពិភាក្សាការងារជាមួយ លោក Francisco P.Tiu Laurel Jr. រដ្ឋមន្ត្រីក្រសួងកសិកម្មនៃសាធារណរដ្ឋហ្វីលីពីន។

ក្រោមការដឹកនាំប្រកបដោយចក្ខុវិស័យវែងឆ្ងាយរបស់ សម្តេចធិបតី ទំនាក់ទំនងកសិកម្មរវាងប្រទេសទាំងពីរបាននិងកំពុងរីកចម្រើនយ៉ាងខ្លាំង ទាំងក្នុងក្របខ័ណ្ឌរដ្ឋនិងរដ្ឋ (G2G) និងរវាងវិស័យឯកជន (B2B)។ កិច្ចសហប្រតិបត្តិការនេះបានជំរុញទំហំពាណិជ្ជកម្មទ្វភាគីឱ្យកើនឡើងជាលំដាប់។

ដោយការនាំចេញអង្ករកម្ពុជាទៅកាន់ទីផ្សារហ្វីលីពីនក្នុងឆ្នាំ២០២៦ នេះ គឺបានហក់ឡើងរហូតដល់ ១៩១ ៥៤២ តោន ដែលចំនួននេះគឺស្មើនឹង ១៨,៩% នៃការនាំចេញអង្ករសរុបរបស់កម្ពុជា ឬត្រូវជា ៤២% នៃការនាំចេញអង្ករទៅកាន់តំបន់អាស៊ានទាំងមូល។
លទ្ធផលឆ្នាំ២០២៦ នេះ មិនត្រឹមតែបង្ហាញយ៉ាងច្បាស់ពីសក្ដានុពលដ៏ខ្លាំងក្លានៃស្បៀងអាហាររបស់កម្ពុជាលើឆាកអន្តរជាតិប៉ុណ្ណោះទេ ប៉ុន្តែថែមទាំងឆ្លុះបញ្ចាំងពីជំនឿទុកចិត្តយ៉ាងមុតមាំ និងទំនាក់ទំនងសេដ្ឋកិច្ចដ៏ស្អិតរមួតរវាងភាគីហ្វីលីពីន និងកម្ពុជាផងដែរ៕

The post ការនាំចេញអង្ករកម្ពុជាទៅហ្វីលីពីនក្នុងឆ្នាំ២០២៦ ហក់ឡើងដល់ ១៩១ ៥៤២ តោន ស្មើនឹង ១៨,៩% នៃការនាំចេញសរុប និង ៤២% នៃតំបន់អាស៊ាន appeared first on .

លោករដ្ឋមន្ត្រីបានចាត់ទុក​កម្ពុជាគឺជាមិត្តយូរអង្វែង និងជាដៃគូដ៏សំខាន់របស់ហ្វីលីពីន។ លោកក៏បានសម្តែងនូវសេចក្តីសោមនស្សរីករាយ និងវាយតម្លៃខ្ពស់ចំពោះការរីកចម្រើននៃទំនាក់ទំនងរវាងប្រទេសទាំងពីរ ព្រមទាំងប្ដេជ្ញាចិត្តរួមចំណែកបន្តពង្រឹង និងពង្រីកទំនាក់ទំនង និងកិច្ចសហប្រតិបត្តិការនេះឱ្យកាន់តែរីកចម្រើនបន្ថែមទៀត ជាពិសេសក្នុងវិស័យកសិកម្ម និងពាណិជ្ជកម្ម។

បន្ថែមលើនេះ, លោកក៏បានលើកឡើងពីសក្ដានុពលនៃវិស័យកសិកម្មរបស់ហ្វីលីពីន ព្រមទាំងបានបង្ហាញចំណាប់អារម្មណ៍ក្នុងការពង្រីកការនាំចេញផលិតផលកសិកម្ម ដូចជា៖ ត្រីសមុទ្រ និងផ្លែឈើ មកកាន់ទីផ្សារប្រទេសកម្ពុជាបន្ថែមទៀត ជាមួយនឹងការលើកទឹកចិត្តឱ្យមានការភ្ជាប់ទំនាក់ទំនងរវាងវិស័យឯកជននៃប្រទេសទាំងពីរ ដើម្បីស្វែងយល់ និងចាប់យកកាលានុវត្តភាពថ្មីៗក្នុងការធ្វើពាណិជ្ជកម្មបំពេញឱ្យគ្នាទៅវិញទៅមក ក្នុងគោលបំណងឧត្តមប្រយោជន៍នៃប្រទេស និងប្រជាជនទាំងពីរ។

ជាការឆ្លើយតប, សម្ដេចធិបតី បានគូសបញ្ជាក់ថា ការផ្លាស់ប្ដូរដំណើរទស្សនកិច្ចញឹកញាប់រវាងថ្នាក់ដឹកនាំនៃប្រទេសទាំងពីរ ឆ្លុះបញ្ចាំងពីវឌ្ឍនភាពនៃចំណងមិត្តភាព ព្រមទាំងជាកាលានុវត្តភាពថ្មីៗបន្ថែមទៀតក្នុងការពង្រឹង និងពង្រីកកិច្ចសហប្រតិបត្តិការទ្វេភាគីឱ្យកាន់តែជិតស្និទ្ធ​។ ជាមួយគ្នានេះ, សម្ដេចធិបតីបានសម្តែងការពេញចិត្តចំពោះទំនាក់ទំនង និងកិច្ចសហប្រតិបត្តិការទ្វេភាគីកន្លងមក ជាពិសេសកំណើនជាលំដាប់នៃទំហំពាណិជ្ជកម្មទ្វេភាគី ព្រមទាំងបានគូសបញ្ជាក់អំពីសារៈសំខាន់ក្នុងការពង្រឹងពាណិជ្ជកម្មផ្ទៃក្នុងអាស៊ាន ដើម្បីធានាបាននូវភាពធន់ក្នុងតំបន់, ស្ថិរភាពខ្សែច្រវាក់ផ្គត់ផ្គង់ និងសន្តិសុខស្បៀង។

សម្ដេចធិបតីបានយល់ស្របចំពោះសារៈសំខាន់នៃការតភ្ជាប់រវាងវិស័យឯកជន និងវិស័យឯកជននៃប្រទេសទាំងពីរ តាមរយៈការបង្កើតវេទិកាផ្គូរផ្គងធុរកិច្ចឱ្យបានទៀងទាត់ ក៏ដូចជាសារៈសំខាន់នៃផ្លាស់ប្ដូរទស្សនកិច្ចសិក្សារបស់សិស្ស-និស្សិត សំដៅកសាងធនធានមនុស្ស និងផ្លាស់ប្ដូរជំនាញព្រមទាំងបទពិសោធក្នុងវិស័យកសិកម្មផងដែរ៕

The post រដ្ឋមន្ត្រីក្រសួងកសិកម្មហ្វីលីពីន ប្ដេជ្ញាពង្រឹង និងពង្រីកកិច្ចសហប្រតិបត្តិការលើវិស័យកសិកម្មជាមួយកម្ពុជាឱ្យកាន់តែស៊ីជម្រៅ appeared first on .

នាជំនួបនោះ លោក នាយឧត្តមសេនីយ៍កងទ័ពហ្វីលីពីន បានរំលឹកឡើងវិញនូវទំនាក់ទំនង និងកិច្ចសហប្រតិបត្តិការដ៏ល្អ រវាងប្រទេសទាំងពីរ ជាពិសេសក្នុងវិស័យការពារជាតិ និងសន្តិសុខ។ លោក រពេញចិត្តចំពោះវឌ្ឍនភាពនៃកិច្ចសហប្រតិបត្តិការរវាងកងទ័ពជើងគោកនៃប្រទេសទាំងពីរ ខណៈលោកក៏បានគូសបញ្ជាក់អំពីការប្ដេជ្ញាចិត្តរបស់ហ្វីលីពីន ក្នុងការបន្តពង្រឹង និងពង្រីកកិច្ចសហប្រតិបត្តិការក្នុងវិស័យយោធា ជាពិសេសរវាងកងទ័ពជើងទឹក និងកងទ័ពអាកាស ឱ្យកាន់តែស៊ីជម្រៅបន្ថែមទៀត។

ជាការឆ្លើយតប, សម្ដេចធិបតី បានស្វាគមន៍ និងវាយតម្លៃខ្ពស់ចំពោះវឌ្ឍនភាពនៃទំនាក់ទំនង និងកិច្ចសហប្រតិបត្តិការក្នុងវិស័យការពារជាតិ នៃប្រទេសទាំងពីរ, ជាពិសេស កិច្ចសហប្រតិបត្តិការក្នុងការចែករំលែក និងផ្លាស់ប្ដូរបទពិសោធ តាមរយៈការបណ្ដុះបណ្ដាល និងការកសាងសមត្ថភាពរវាងកងទ័ពជើងគោកនៃប្រទេសទាំងពីរ។

បន្ថែមពីនេះ សម្ដេចធិបតី ក៏បានបង្ហាញនូវក្ដីសង្ឃឹមយ៉ាងមុតមាំថា កិច្ចសហប្រតិបត្តិការរវាងកងទ័ពជើងគោកនៃប្រទេសទាំងពីរ នឹងត្រូវបានពង្រឹង និងពង្រីកបន្ថែមទៀត ព្រមទាំងឈានទៅសម្រេចបាននូវការចុះហត្ថលេខាលើកិច្ចព្រមព្រៀងនៃកិច្ចសហប្រតិបត្តិការរវាងកងទ័ពជើងទឹក និងកងទ័ពអាកាស នាពេលខាងមុខ និងខិតខំប្រែក្លាយកិច្ចព្រមព្រៀងទាំងនេះ ឱ្យក្លាយជាសកម្មភាព​ និងលទ្ធផល ជាក់ស្ដែង។

តាមរយៈជំនួបខាងលើ សម្ដេចធិបតី ក៏បានវាយតម្លៃខ្ពស់ចំពោះតួនាទីរបស់ក្រុមអ្នកសង្កេតការណ៍អាស៊ាន (AOT) និងជឿជាក់ថា ក្រោមការដឹកនាំរបស់ហ្វីលីពីន, ក្រុម AOT នឹងបន្តចូលរួមចំណែកយ៉ាងសកម្មថែមទៀតក្នុងការសម្របសម្រួលដោះស្រាយបញ្ហាព្រំដែន កម្ពុជា-ថៃ ដោយសន្តិវិធី៕ អត្ថបទ៖ហ្សាលីន

The post កម្ពុជា-ហ្វីលីពីន ឯកភាពពពង្រីកកិច្ចសហប្រតិបត្តិការរវាងកងទ័ពជើងទឹក និងកងទ័ពអាកាស appeared first on .

កាលពីរសៀលថ្ងៃទី២៤ ខែកញ្ញា ឆ្នាំ២០២៦ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិនៃកម្ពុជា បានជួបពិភាក្សាទ្វេភាគីយ៉ាងពិសេសជាមួយ លោកស្រី Ma. Theresa P. Lazaro រដ្ឋមន្ត្រីការបរទេសនៃសាធារណរដ្ឋហ្វីលីពីន។ ការជួបមុខគ្នារវាងមេការទូតទាំងពីរនេះ បានធ្វើឡើងក្នុងឱកាសដកឃ្លាពីកិច្ចពិភាក្សាទូទៅនៃមហាសន្និបាតអង្គការសហប្រជាជាតិ (អ.ស.ប.) លើកទី៨១ នៅទីក្រុងញូវយ៉ក។

នៅក្នុងឱកាសនោះ រដ្ឋមន្ត្រីការបរទេសទាំងពីរបានជជែកដេញដោល និងផ្លាស់ប្តូរទស្សនៈគ្នាយ៉ាងស៊ីជម្រៅ លើការបន្តពង្រឹងទំនាក់ទំនងទ្វេភាគី និងការបើកផ្លូវពង្រីកកិច្ចសហប្រតិបត្តិការលើវិស័យយុទ្ធសាស្ត្រសំខាន់ៗជាច្រើន ដែលបម្រើដល់ផលប្រយោជន៍រួមដ៏ធំធេងសម្រាប់ប្រជាជននៃប្រទេសទាំងពីរ។

អ្វីដែលរឹតតែពិសេសជាងនេះទៅទៀតនោះ គឺការជជែកត្រៀមលក្ខណៈទុកជាមុនយ៉ាងហ្មត់ចត់ សម្រាប់កិច្ចប្រជុំកំពូលអាស៊ាន លើកទី៤៩ និងកិច្ចប្រជុំកំពូលពាក់ព័ន្ធនានា ដែលហ្វីលីពីននឹងត្រូវធ្វើជាម្ចាស់ផ្ទះ និងជាប្រធានប្តូរវេន។ ព្រឹត្តិការណ៍កម្រិតតំបន់ដ៏សំខាន់ និងជាទីចាប់អារម្មណ៍ពីអន្តរជាតិនេះ គ្រោងនឹងផ្ទុះឡើងនៅក្នុងខែវិច្ឆិកា ឆ្នាំ២០២៦ ខាងមុខនេះហើយ ដែលទាមទារឱ្យមានការសហការគ្នាយ៉ាងជិតស្និទ្ធបំផុតរវាងសមាជិកអាស៊ានទាំងអស់ ជាពិសេសកម្ពុជា និងហ្វីលីពីន៕

The post មេការទូតកម្ពុជា-ហ្វីលីពីន ជួបគ្នាផ្ទាល់នៅអាម៉េរិក បើកផ្លូវពង្រីកកិច្ចសហប្រតិបត្តិការធំៗ និងត្រៀមព្រឹត្តិការណ៍ប្រវត្តិសាស្ត្រអាស៊ានចុងឆ្នាំនេះ appeared first on .

ពិធីចុះហត្ថលេខាកាលពីថ្ងៃទី១៤ ខែកញ្ញាឆ្នាំ២០២៦ រវាង  លោក ចាន់ សីហា និងលោក ប៉ិច សានី អគ្គនាយករងធនាគារARDB លើកិច្ចសន្យាទិញ លក់អង្ករចំនួន១០ពាន់តោនទៅកាន់ប្រទេសហ្វីលីពីន រវាងក្រុមហ៊ុនCity Rice Import Export និងក្រុមហ៊ុន DILAI TRADING CO. PTE. LTD។

នៅព្រឹកថ្ងៃពុធទី១៦ ខែកញ្ញា ឆ្នាំ២០២៦​ នេះ ក៏បានធ្វើនូវពិធីសម្ពោធជាផ្លូវការនៃការដឹកជញ្ជូនអង្ករជាផ្លូវការតាមផ្លូវទឹក (នាវា) នាកំពង់ផែក្រុងព្រះសីហនុ ទៅកាន់ប្រទេសហ្វីលីពីន និងការដឹកជញ្ជូនអង្ករ ១០ ០០០ តោន ជាផ្លូវការតាមផ្លូវទឹក (នាវា) ក្រោមអធិបតីភាព លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ។

សូមបញ្ជាក់ថា នេះជាព្រឹត្តិការណ៍ប្រវត្តិសាស្ត្រដ៏មានសារៈសំខាន់មួយសម្រាប់វិស័យស្រូវអង្ករកម្ពុជា ដោយនេះគឺជាការនាំចេញអង្ករកម្ពុជាតាមទម្រង់ដឹកជញ្ជូនជាបរិមាណច្រើន ទៅកាន់ប្រទេសហ្វីលីពីនជាលើកដំបូងផងដែរ។

ជោគជ័យនេះ ត្រូវបាន ឧកញ៉ា ឡាយ ឈុនហួ អគ្គនាយកក្រុមហ៊ុន City Rice Import Export  អះអាងថា គឺពិតជាបង្ហាញឱ្យឃើញពីការកើនឡើងនៃទំនុកចិត្តរបស់អ្នកទិញអន្តរជាតិចំពោះគុណភាព សុវត្ថិភាព និងសមត្ថភាពផ្គត់ផ្គង់របស់អង្គរកម្ពុជា។ ទន្ទឹមនឹងនេះ ក៏បញ្ជាក់ពីសមត្ថភាព របស់ក្រុមហ៊ុនកម្ពុជាក្នុងការរៀបចំ កែច្នៃ គ្រប់គ្រងគុណភាព និងដឹកជញ្ជូនអង្ករបរិមាណច្រើនទៅកាន់ទីផ្សារអន្តរជាតិប្រកបដោយប្រសិទ្ធភាព និងវិជ្ជាជីវៈ៕

The post អង្ករកម្ពុជា ១០ ពាន់តោន ត្រូវបានដឹកតាមនាវាទៅកាន់ប្រទេសហ្វីលីពីន ជាផ្លូវការ appeared first on .

កាលពីរសៀលថ្ងៃទី១៤ ខែកញ្ញាឆ្នាំ២០២៦ លោក ចាន់ សីហា និងលោក ប៉ិច សានី អគ្គនាយករងធនាគារARDB បានចុះហត្ថលេខាលើកិច្ចសន្យាទិញ លក់អង្ករចំនួន១០ពាន់តោនទៅកាន់ប្រទេសហ្វីលីពីន រវាងក្រុមហ៊ុនCity Rice Import Export និងក្រុមហ៊ុន DILAI TRADING CO. PTE. LTD។

ពិធីចុះហត្ថលេខាប្រព្រឹត្តទៅនៅក្រសួងពាណិជ្ជកម្ម ក្រោមអធិបតីភាពលោកស្រី ចម និម្មល រដ្ឋមន្ត្រីក្រសួងពាណិជ្ជកម្ម, លោក ឡាយ សែ ស្ថាបនិករោងម៉ាស៊ីនកិនស្រូវឡាយ សែ, ឧកញ៉ា ឡាយ ឈុនហួ អគ្គនាយកក្រុមហ៊ុន City Rice Import Export, លោកស្រី Genina Marion Rafal លេខាទី៣តំណាងស្ថានទូតហ្វីលីពីនប្រចាំកម្ពុជា, ឧកញ៉ា គឹម សាវុធ ប្រធានក្រុមប្រឹក្សាភិបាលគោលនយោបាយស្រូវអង្ករ នៃ សហព័ន្ធស្រូវអង្ករកម្ពុជា, ឧកញ៉ា ចាន់ សុឃាំង ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា និងថ្នាក់ដឹកនាំក្រុមហ៊ុន DILAI TRADING CO.PTE.LTD រួមនិងភ្ញៀវកិត្តិយសជាតិនិងអន្តរជាតិជាច្រើនផ្សេងទៀតផងដែរ។

ឧកញ៉ា ឡាយ ឈុនហួ អគ្គនាយកក្រុមហ៊ុន City Rice Import Export មានប្រសាសន៍ថា ពិធីចុះហត្ថលេខានៅថ្ងៃនេះមិនត្រឹមតែជាការចុះកិច្ចព្រមព្រៀងពាណិជ្ជកម្មមួយប៉ុណ្ណោះទេ ប៉ុន្តែជាព្រឹត្តិការណ៍ប្រវត្តិសាស្ត្រដ៏មានសារៈសំខាន់មួយសម្រាប់វិស័យស្រូវអង្ករកម្ពុជា ដោយនេះគឺជាការនាំចេញអង្ករកម្ពុជាតាមទម្រង់ដឹកជញ្ជូនជាបរិមាណច្រើន ទៅកាន់ប្រទេសហ្វីលីពីនជាលើកដំបូងផងដែរ។

ជោគជ័យនេះបង្ហាញឱ្យឃើញពីការកើនឡើងនៃទំនុកចិត្តរបស់អ្នកទិញអន្តរជាតិចំពោះគុណភាព សុវត្ថិភាព និងសមត្ថភាពផ្គត់ផ្គង់របស់អង្គរកម្ពុជា។ ទន្ទឹមនឹងនេះ ក៏បញ្ជាក់ពីសមត្ថភាព របស់ក្រុមហ៊ុនកម្ពុជាក្នុងការរៀបចំ កែច្នៃ គ្រប់គ្រងគុណភាព និងដឹកជញ្ជូនអង្ករបរិមាណច្រើនទៅកាន់ទីផ្សារអន្តរជាតិប្រកបដោយប្រសិទ្ធភាព និងវិជ្ជាជីវៈ៕

The post កម្ពុជា សម្រេចនាំចេញអង្ករចំនួន១០ពាន់តោន លើកដំបូងទៅប្រទេសហ្វីលីពីន appeared first on .

វេទិកានេះ រៀបចំឡើងដើម្បីផ្សារភ្ជាប់ទំនាក់ទំនងរវាងរដ្ឋាភិបាល និងវិស័យឯកជន កម្ពុជា-ហ្វីលីពីន ក្នុងវិស័យកសិកម្ម សំដៅជំរុញទំហំពាណិជ្ជកម្មកសិកម្ម បំពេញតម្រូវការទីផ្សារ និងធានានិរន្តរភាពសន្តិសុខស្បៀងជូនប្រជាជាតិនៃប្រទេសទាំង២។ ក្នុងវេទិកានោះដែរ គឺមានការចូលរួមពីក្រុមហ៊ុនឯកជនកម្ពុជា និងហ្វីលីពីនសរុបប្រមាណ ៣៣ ក្រុមហ៊ុន ដើម្បីចូលរួមពិភាក្សា ពីលទ្ធភាពនាំអង្ករបន្ថែមពីកម្ពុជាទៅកាន់ហ្វីលីពីនព្រមទាំងផលិតផលកសិកម្មសក្តានុពលផ្សេងទៀតរបស់កម្ពុជារួមមាន៖ គ្រាប់ស្វាយចន្ទី និងផលិតផលបសុសត្វ មកកាន់ទីផ្សារហ្វីលីពីន ព្រមទាំងការសហការគ្នាលើការផ្គត់ផ្គង់ជីកសិកម្មដើម្បីធានានិរន្តរភាពធាតុចូលកសិកម្មនៃប្រទេសទាំងពីរផងដែរ។

កម្ពុជា-ហ្វីលីពីន បានចាត់ទុកថា វេទិកានេះ គឺជាសមិទ្ធផលនៃកិច្ចសហប្រតិបត្តិការថ្មីបន្ថែមទៀតរវាងកម្ពុជា និងហ្វីលីពីន លើការបើកទីផ្សារអង្ករកម្ពុជា និងកសិផលសក្តានុពល ដែលនឹងផ្តល់អត្ថប្រយោជន៍សេដ្ឋកិច្ចជូនប្រជាកសិករកម្ពុជា៕ អត្ថបទ៖ហ្សាលីន

The post ក្រុមហ៊ុនកម្ពុជា និងហ្វីលីពីន ចំនួន៣៣ បង្កើតវេទិកាធុរកិច្ចរួមគ្នា ជំរុញការនាំចេញផលិតសំខាន់ ៣ មុខ appeared first on .

នាឱកាសនោះ លោកស្រីឯកអគ្គរដ្ឋទូត បានសាទរចំពោះការអភិវឌ្ឍរីកចម្រើនលើគ្រប់វិស័យរបស់កម្ពុជា ព្រមទាំងបានសម្តែងនូវការពេញចិត្តចំពោះភាពរីកចម្រើននៃទំនាក់ទំនងទ្វេភាគី ហ្វីលីពីន-កម្ពុជា ដែលបានឈានដល់កម្រិតថ្មីមួយបន្ថែមទៀត។ លោកស្រី ក៏បានវាយតម្លៃខ្ពស់ចំពោះភាពរីកចម្រើននៃកិច្ចសហប្រតិបត្តិការដ៏ជិតស្និទ្ធរវាងប្រទេសទាំងពីរលើវិស័យជាច្រើន ដូចជា៖ សេដ្ឋកិច្ច និងពាណិជ្ជកម្ម, អប់រំ, បណ្តុះបណ្តាលវិជ្ជាជីវៈ, កសិកម្ម,​ វប្បធម៌,​ ការពារជាតិ និងសន្តិសុខ​ ជាដើម។

ទន្ទឹមនឹងនេះ, លោកស្រី ​បន្តថា​ សម្រាប់ឆ្នាំ២០២៧ ខាងមុខនេះ គឺជាខួបទី៧០ឆ្នាំនៃការបង្កើតទំនាក់ទំនងការទូត​ រវាងហ្វីលីពីន និងកម្ពុជា ដែលនេះជាពេលវេលាដ៏សំខាន់ ដែលប្រទេសទាំងពីរត្រូវបន្តពូនជ្រុំទំនាក់ទំនងទ្វេភាគីឱ្យកាន់តែខ្លាំងក្លាថែមទៀត។

ជាការឆ្លើយតប, សម្ដេចធិបតី វាយតម្លៃខ្ពស់ចំពោះតួនាទីរបស់លោកស្រី​ឯកអគ្គរដ្ឋទូត​ ដែលបានចូលរួមចំណែកយ៉ាងសកម្មក្នុងការជួយពង្រឹង និងពង្រីកទំនាក់ទំនង និងកិច្ចសហប្រតិបត្តិការទ្វេភាគី ឱ្យកាន់តែរីកចម្រើនបន្ថែមទៀត។ សម្ដេចធិបតី បញ្ជាក់ដែរថា កម្ពុជា និងហ្វីលីពីន នៅមានកាលានុវត្តភាព និងសក្តានុពលជាច្រើនថែមទៀត ក្នុងការជំរុញកិច្ចសហប្រតិបត្តិការទ្វេភាគីឱ្យកាន់តែស៊ីជម្រៅ​ និង​ខ្លាំងក្លា ជាពិសេស, លើវិស័យកសិកម្ម និងទេសចរណ៍។

សូមជម្រាបដែរថា ពាក់ព័ន្ធស្ថានភាពជម្លោះព្រំដែនកម្ពុជា-ថៃវិញ តាមរយៈជំនួបនោះ លោកស្រីឯកអគ្គរដ្ឋទូតហ្វីលីពីន ក៏បានគូសបញ្ជាក់ថា​ ​ក្រុម​អ្នកសង្កេតការណ៍​អាស៊ាន (AOT) ដែលដឹកនាំដោយហ្វីលីពីន នៅនឹង​បន្ត​អនុវត្ត​បេសកកម្ម ​ប្រកប​ដោយ​តម្លាភាព និង​អព្យាក្រឹតផងដែរ៕ អត្ថបទ៖ហ្សាលីន

The post កម្ពុជា-ហ្វីលីពីន នឹងរួមគ្នាជំរុញកិច្ចសហប្រតិបត្តិកាលើវិស័យសក្តានុពលជាច្រើនថែមទៀត appeared first on .

នៅក្នុងជំនួបពិភាក្សាការងារដ៏មានសារៈសំខាន់នេះ លោក កែវ រតនៈ បានបង្ហាញចំណាប់អារម្មណ៍យ៉ាងខ្លាំងពាក់ព័ន្ធនឹងការនាំចូលប្រេងនិងឧស្ម័ន។ ការណ៍នេះដោយសារតែកម្ពុជានិងហ្វីលីពីន សុទ្ធសឹងតែជាប្រទេសដែលរងសម្ពាធនៃផលប៉ះពាល់ដូចគ្នាក្នុងវិបត្តិថាមពលសកល។

កត្តាប្រឈមរួមនេះ បានជំរុញឱ្យភាគីទាំងពីរផ្តោតការពិភាក្សាយ៉ាងលម្អិតលើរបៀបវារៈសំខាន់ៗចំនួនបី។ ទីមួយ គឺការធានាសន្តិសុខថាមពលឱ្យមានប្រភពផ្គត់ផ្គង់ប្រកបដោយស្ថិរភាព។ ទីពីរ គឺការជំរុញនិងបង្កើនការងារប្រើប្រាស់ថាមពលកកើតឡើងវិញ។ ទីបី គឺការកសាងបណ្តាញអគ្គិសនីអាស៊ាន (ASEAN Power Grid – APG) ដែលជាការតភ្ជាប់អគ្គិសនីរវាងប្រទេសក្នុងតំបន់។

គួរឱ្យដឹងថា ការតភ្ជាប់បណ្តាញអគ្គិសនីអាស៊ាននេះ ធ្វើឡើងក្នុងគោលបំណងធានាឱ្យមានថាមពលប្រើប្រាស់គ្រប់គ្រាន់ មានតម្លៃសមរម្យ និងឆ្លើយតបទៅនឹងការគាំទ្រការប្រើប្រាស់ថាមពលស្អាតនាពេលអនាគត។

ជាមួយគ្នានេះដែរ លោករដ្ឋមន្រ្តីក្រសួងរ៉ែ ក៏បានសម្តែងការកោតសរសើរយ៉ាងជ្រាលជ្រៅចំពោះការចែករំលែកបទពិសោធន៍ល្អៗ ក្នុងការអភិវឌ្ឍវិស័យថាមពលរបស់ប្រទេសហ្វីលីពីន។ លោកក៏បានបញ្ជាក់ពីការត្រៀមលក្ខណៈរួចជាស្រេច ក្នុងកិច្ចពិភាក្សានានា អំឡុងពេលកិច្ចប្រជុំរដ្ឋមន្ត្រីថាមពលអាស៊ាន ដែលប្រទេសហ្វីលីពីននឹងធ្វើជាប្រធានប្តូរវេន នាឆ្នាំ២០២៧ ខាងមុខនេះផងដែរ។

The post កម្ពុជា-ហ្វីលីពីន ជែកពិភាក្សាស៊ីជម្រៅពីសន្តិសុខថាមពល និងការតភ្ជាប់បណ្តាញអគ្គិសនីអាស៊ាន ដើម្បីធានាការផ្គត់ផ្គង់តម្លៃសមរម្យ appeared first on .