ពិធីនេះ ក៏មានការចូលរួមពីសំណាក់ លោក គ្រីស្នាហ្ស៊ី ផាតាឌីរ៉េហ្សា (Krishnajie Partadireja) ភារធារីនៃស្ថានទូតឥណ្ឌូនេស៊ីប្រចាំកម្ពុជា ព្រមទាំងថ្នាក់ដឹកនាំក្រសួង-ស្ថាប័នពាក់ព័ន្ធ តំណាងអង្គទូត និងភ្ញៀវជាតិ និងអន្តរជាតិជាច្រើនរូប។

នាឱកាសនោះ លោក កឹម ស៊ីថន រដ្ឋមន្ត្រីស្តីទីក្រសួងពាណិជ្ជកម្ម បានបញ្ជាក់ថា ព្រឹត្តិការណ៍នេះធ្វើឡើងក្នុងគោលបំណងពង្រឹងទំនាក់ទំនងពាណិជ្ជកម្ម និងកិច្ចសហប្រតិបត្តិការរវាងកម្ពុជា និងឥណ្ឌូនេស៊ី ជាពិសេសផ្ដល់ឱកាសដល់វិស័យឯកជនក្នុងការចែករំលែកចំណេះដឹង និងបទពិសោធស្ដីពីអាជីវកម្ម និងការវិនិយោគ ព្រមទាំងលើកកម្ពស់ការផ្លាស់ប្ដូរវប្បធម៌ទៅវិញទៅមករវាងប្រទេសទាំងពីរ។

ឆ្លៀតក្នុងឱកាសនោះ លោករដ្ឋមន្ត្រីស្តីទី ក៏បានគូសបញ្ជាក់ពីសារៈសំខាន់នៃការបន្តពង្រឹងកិច្ចសហប្រតិបត្តិការសេដ្ឋកិច្ច និងពាណិជ្ជកម្មរវាងកម្ពុជា និងឥណ្ឌូនេស៊ី ព្រមទាំងជំរុញអន្តរកម្មរវាងវិនិយោគិននៃប្រទេសទាំងពីរ ដើម្បីស្វែងរកឱកាសថ្មីៗ និងពង្រីកពាណិជ្ជកម្មទ្វេភាគីឱ្យកាន់តែស៊ីជម្រៅ។ ជាមួយគ្នានេះ ឯកឧត្តមបានលើកឡើងថា ឥណ្ឌូនេស៊ីជាដៃគូពាណិជ្ជកម្មដ៏សំខាន់មួយរបស់កម្ពុជា ដោយទំហំពាណិជ្ជកម្មទ្វេភាគីបានកើនលើស ១ពាន់លានដុល្លារអាម៉េរិក ទាំងក្នុងឆ្នាំ២០២៤ និងឆ្នាំ២០២៥។

ដោយឡែក បើគិតត្រឹមរយៈពេល ៨ខែដើមឆ្នាំ២០២៦ ទំហំពាណិជ្ជកម្មសរុបរវាងប្រទេសទាំងពីរបានឈានដល់ ៩៣៥លានដុល្លារអាម៉េរិក ពោលគឺមានការកើនកើនឡើងប្រមាណ ៣៣% បើធៀបនឹងរយៈពេលដូចគ្នាក្នុងឆ្នាំ២០២៥ កន្លងទៅនេះ៕ អត្ថបទ៖ហ្សាលីន

The post ឥណ្ឌូនេស៊ី ជាដៃគូពាណិជ្ជកម្មដ៏សំខាន់មួយរបស់កម្ពុជា ខណៈទំហំពាណិជ្ជកម្មទ្វេភាគីកើនជាង៣០% appeared first on .

នេះបើយោងតាមជំនួបពិភាក្សាការងារ រវាងលោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា ជាមួយគណៈប្រតិភូ JAPFA Group ដឹកនាំដោយលោក Mark Gerald Eman នាយកក្រុមហ៊ុន នាថ្ងៃទី១៦ ខែកញ្ញា ឆ្នាំ២០២៦។

ក្នុងជំនួបនេះ លោក ជា វុទ្ធី បានបង្ហាញក្តីរីករាយក្រៃលែងចំពោះគណៈប្រតិភូក្រុមហ៊ុន JAPFA Group ដែលបានអញ្ជើញមកកម្ពុជាដើម្បីស្វែងយល់ពីបរិយាកាសវិនិយោគ និងស្វែងរកកាលានុវត្តភាពវិនិយោគនៅក្នុងវិស័យកសិកម្ម និងកសិ ឧស្សាហកម្ម។ ទន្ទឹមនេះ លោកក៏បានលើកឡើងពីការដាក់ចេញនូវ “ក្របខណ្ឌអភិវឌ្ឍន៍សួនកសិ ឧស្សាហកម្មនៅកម្ពុជា” កាលពីថ្ងៃទី២៩ ខែឧសភា ឆ្នាំ២០២៦ កន្លងមក ដើម្បីទាក់ទាញវិនិយោគឯកជនក្នុងគោលដៅជំរុញការកែច្នៃកសិផល និងបង្កើនតម្លៃបន្ថែមនៃវិស័យនេះក្នុងសេដ្ឋកិច្ចជាតិ។

ជាមួយគ្នានេះ លោក Mark Gerald Eman ប្រធានគណៈប្រតិភូ បានកត់សម្គាល់ពីការរីកចម្រើនយ៉ាងឆាប់រហ័សរបស់កម្ពុជា និងបានទទួលស្គាល់ថាច្បាប់ស្តីពីវិនិយោគរបស់កម្ពុជាពិតជាមានភាពបើកចំហ មានតម្លាភាព ហើយរបបលើកទឹកចិត្តមានភាពប្រកួតប្រជែងខ្ពស់ ព្រមទាំងមានក្របខណ្ឌគោលនយោបាយដោយឡែកសម្រាប់គាំទ្រដល់វិស័យកសិ ឧស្សាហកម្ម។ ក្នុងន័យនេះ លោកបានសម្តែងនូវសុទិដ្ឋិនិយមខ្ពស់ថាកម្ពុជាគឺជាគោលដៅសម្រាប់ក្រុមហ៊ុនបណ្តាក់ទុនវិនិយោគលើវិស័យនេះ។

សូមជម្រាបដែរថា ក្រុមហ៊ុន JAPFA Group ជាក្រុមហ៊ុនកសិ-ចំណីអាហារ (agri-food) ឈានមុខមួយនៅអាស៊ីដែលត្រូវបានបង្កើតឡើងនៅឆ្នាំ ១៩៧១ នៅប្រទេសឥណ្ឌូនេស៊ី ហើយមានបទពិសោធន៍ប្រមាណ ៥៥ឆ្នាំ ក្នុងការផលិត និងផ្គត់ផ្គង់ផលិតផលប្រូតេអ៊ីនសំខាន់ៗ និងអាហារវេចខ្ចប់។ បច្ចុប្បន្ន ក្រុមហ៊ុនមានប្រតិបត្តិការនៅប្រទេសឥណ្ឌូនេស៊ី វៀតណាម ឥណ្ឌា មីយ៉ាន់ម៉ា និងបង់ក្លាដែស។ ក្រុមហ៊ុន JAPFA Group អនុវត្តគំរូអាជីវកម្មរួមបញ្ចូលគ្នានូវខ្សែច្រវាក់តម្លៃទាំងមូល “Feed–Farm–Food” ចាប់ពីការផលិតចំណីសត្វ កសិដ្ឋានចិញ្ចឹមសត្វ ការកែច្នៃ រហូតដល់ការផលិត និងចែកចាយផលិតផលអាហារសម្រាប់អ្នកប្រើប្រាស់ និងវិស័យសេវាកម្មម្ហូបអាហារ៕អត្ថបទ៖ហ្សាលីន

The post ក្រុមហ៊ុនឥណ្ឌូណេស៊ីមួយ ចង់វិនិយោគក្នុងវិស័យកសិកម្ម និងកសិ-ឧស្សាហកម្មនៅកម្ពុជា appeared first on .

ការបញ្ជាក់បែបនេះរបស់សម្ដេចតេជោ ធ្វើឡើងនៅក្នុងឱកាសដែលសម្ដេចអនុញ្ញាតឱ្យ ឯកឧត្តម ហេណុក ពូរ៉ារ៉ូ (Henock Puraro) សមាជិកព្រឹទ្ធសភា នៃសាធារណរដ្ឋឥណ្ឌូណេស៊ី និងជាអនុប្រធានទី៣ នៃគណៈកម្មការសហប្រតិបត្តិការសភា ចូលជួបសម្តែងការគួរសម និងពិភាក្សាការងារ នៅថ្ងៃទី១៨ ខែមិថុនា ឆ្នាំ២០២៦។

បើតាមលោក ជា ធីរិទ្ធ អ្នកនាំពាក្យព្រឹទ្ធសភា បានឱ្យដឹងថា នៅក្នុងជំនួបនោះ សម្ដេចតេជោ ហ៊ុន សែន អំពីទំនាក់ទំនងរវាងកម្ពុជា និងឥណ្ឌូណេស៊ី ដែលជាទំនាក់ទំនងដ៏ល្អជាមួយគ្នានាពេលកន្លងមក ក៏ដូចជានាពេលបច្ចុប្បន្ន។

បន្ថែមពីនោះសម្ដេចតេជោ ក៏បានលើកឡើងផងដែរ អំពីទំនាក់ទំនងនៅក្នុងផ្នែកពាណិជ្ជកម្ម សេដ្ឋកិច្ច និងការវិនិយោគ ដែលសម្ដេចបានជំរុញឱ្យរដ្ឋាភិបាលនៃប្រទេសទាំងពីរធ្វើយ៉ាងណាជំរុញឱ្យទំនាក់ទំនងនេះកាន់តែមានភាពបើកជំហរ និងអាចពង្រីកនូវពាណិជ្ជកម្មកាន់តែមានភាពកើនឡើងបន្ថែមទៀត។ សម្ដេចបានសម្ដែងនូវសុទិដ្ឋិនិយមចំពោះទំហំពាណិជ្ជកម្មរវាងកម្ពុជា និងឥណ្ឌូណេស៊ី ដែលមានការកើនឡើងជារៀងរាល់ឆ្នាំ។

បន្ថែមពីលើសពីនេះទាក់ទងទៅនឹងជើងហោះហើរប្រទេសទាំងពីបានភ្ជាប់ជើងហោះហើរជាមួយគ្នាទៀតផង។ សម្ដេចតេជោក៏បានឱ្យប្រទេសទាំងពីរជំរុញនូវជើងហោះហើរជាមួយគ្នា ឱ្យមានការកើនឡើងកាន់តែច្រើនដើម្បីធ្វើយ៉ាងណាជំរុញដល់វិស័យទេសចរណ៍ និងការផ្លាស់ប្ដូរប្រជាជន និងប្រជាជន រវាងប្រទេសទាំងពីរកាន់តែមានភាពមមាញឹកជាងមុន។

នៅក្នុងឱកាសនោះ ឯកឧត្តម ពូរ៉ារ៉ូ បានកោតសរសើរចំពោះទំនាក់ទំនងទ្វេភាគី រវាងកម្ពុជា និងឥណ្ឌូនេស៊ីដែលមានភាពរឹងមាំ។ ក្នុងរយៈពេល ៧៥ឆ្នាំ កន្លងមកនេះ ឯកឧត្តមបានហៅទំនាក់ទំនងរវាងកម្ពុជា និងឥណ្ឌូណេស៊ី ថាជាបងប្អូននឹងគ្នា ហើយឯកឧត្តមបានបញ្ជាក់ថា ប្រទេសទាំងពីរមានសក្តានុពលច្រើនក្នុងការពង្រឹងទំនាក់ទំនងជាមួយគ្នាជាពិសេសតាមរយៈទស្សនកិច្ចរបស់ឯកឧត្តមនាពេលនេះ ក៏ជាផ្នែកមួយនៃជំរុញទំនាក់ទំនងផ្នែកពាណិជ្ជកម្មវិនិយោគ និងការអប់រំ រវាងកម្ពុជា និងឥណ្ឌូណេស៊ីឱ្យកាន់តែល្អប្រសើរផងដែរ៕

The post សម្តេចតេជោ៖ បច្ចុប្បន្ន កម្ពុជា-ឥណ្ឌូណេស៊ី កំពុងតែពូនជ្រុំនៃទំនាក់ទំនងរវាងប្រទេសទាំងពីរឱ្យកាន់តែរឹងមាំ appeared first on .

ក្រសួងពាណិជ្ជកម្ម បានឱ្យដឹងថា ក្នុងជំនួបនេះ លោកស្រីរដ្ឋមន្រ្តី បានសម្តែងការស្វាគមន៍យ៉ាងកក់ក្តៅ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់ លោកអគ្គរដ្ឋទូតឥណ្ឌូណេស៊ី ដែលបានធ្វើឱ្យកិច្ចសហប្រតិបត្តិការពាណិជ្ជកម្មទ្វេភាគីមានការរីកចម្រើនជាលំដាប់។

ទន្ទឹមគ្នានេះ ភាគីទាំងពីរក៏បានប្ដេជ្ញាបន្តជំរុញទំនាក់ទំនងធុរកិច្ច និងពាណិជ្ជកម្មរវាងកម្ពុជា និងឥណ្ឌូណេស៊ី ឱ្យកាន់តែល្អប្រសើរបន្ថែមទៀត សំដៅជំរុញកំណើនសេដ្ឋកិច្ច និងផលប្រជាជនប្រទេសទាំងពីរ។

សូមរម្លឹកដែរថា ពាក់ព័ន្ធនឹងការធ្វើពាណិជ្ជកម្មនេះដែរ ក្រសួងពាណិជ្ជកម្ម ធ្លាប់បានបញ្ជាក់ថា ពាណិជ្ជកម្មកម្ពុជាសម្រាប់ឆ្នាំ២០២៥ ក្នុងនោះរួមមាន៖ ចិន ១៩,៧៣ ពាន់លានដុល្លារអាមេរិក, អាស៊ាន ១៦,៣៧ ពាន់លានដុល្លារអាមេរិក, សហរដ្ឋអាមេរិក ១៣,១៥ ពាន់លានដុល្លារអាមេរិក, សហភាពអ៊ឺរ៉ុប ៥,៨៧ ពាន់លានដុល្លារអាមេរិក, ជប៉ុន ២,៥៣ពាន់លានដុល្លារអាមេរិក, កាណាដា ១,៣៣ ពាន់លានដុល្លារអាមេរិក, ចក្រភពអង់គ្លេស ១,០៧ ពាន់លានដុល្លារអាមេរិក, សាធារណរដ្ឋកូរ៉េ ៩២៣,០៥ លានដុល្លារអាមេរិក, អូស្ត្រាលី ៦២៥,៨៧ លានដុល្លារអាមេរិក, ឥណ្ឌា ៥១០,៦៩ លានដុល្លារអាមេរិក និងអេមីរ៉ាត់អារ៉ាប់រួម ៩៨,៧៦ លានដុល្លារអាមេរិក៕អត្ថបទ៖ហ្សាលីន

The post កម្ពុជា-ឥណ្ឌូណេស៊ី ប្ដេជ្ញាបន្តជំរុញទំនាក់ទំនងធុរកិច្ច និងពាណិជ្ជកម្មទ្វេភាគីបន្ថែមទៀត appeared first on .

លោក Santo Darmosumarto ថ្លែងបែបនេះ នៅក្នុងជំនួបពិភាក្សាជាមួយ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា កាលថ្ងៃទី៣ ខែកុម្ភៈ ឆ្នាំ២០២៦។
 
ក្នុងជំនួបនោះ ឯកឧត្តម ស៊ុន ចាន់ថុល បានកោតសរសើរចំពោះកិច្ចខិតខំប្រឹងប្រែងយ៉ាងសកម្មរបស់ ឯកឧត្តមឯកអគ្គរដ្ឋទូត ក្នុងអាណត្តិបេសកកម្មកន្លងមក ដែលបានរួមចំណែកយ៉ាងសំខាន់ក្នុងការរឹតចំណងមិត្តភាព និងពង្រីកកិច្ចសហប្រតិបត្តិការរវាងប្រទេសទាំងពីរ ឱ្យកាន់តែរឹងមាំ ជាពិសេសក្នុងក្របខ័ណ្ឌសេដ្ឋកិច្ច ពាណិជ្ជកម្ម និងការវិនិយោគ។
 
ជាការឆ្លើយតប អគ្គរដ្ឋទូតឥណ្ឌូណេស៊ី បានថ្លែងអំណរគុណរដ្ឋាភិបាលកម្ពុជា ក៏ដូចជា ក្រុមប្រឹក្សាអភិវឌ្ឍន៍កម្ពុជា ដែលបានផ្តល់កិច្ចសហការយ៉ាងល្អប្រសើរ និងបង្កលក្ខណៈងាយស្រួលគ្រប់បែបយ៉ាង ធ្វើឱ្យបេសកកម្មការទូតរបស់លោកទទួលបានជោគជ័យយ៉ាងត្រចះត្រចង់។ លោកបានបញ្ជាក់ថា ទោះបីជាត្រូវបញ្ចប់អាណត្តិ ប៉ុន្តែលោកនឹងនៅតែបន្តជាស្ពានចម្លងដ៏សំខាន់ ក្នុងការផ្សព្វផ្សាយពីសក្តានុពល និងកាលានុវត្តភាពវិនិយោគនៅកម្ពុជា ទៅកាន់សហគមន៍ធុរកិច្ចឥណ្ឌូនេស៊ីជាបន្តទៀត។
 
សូមជម្រាបដែរថា តាមរយៈជំនួបខាងលើ ភាគីទាំងពីរបានពិភាក្សា និងរំលេចនូវសមិទ្ធផលសំខាន់ៗមួយចំនួន រួមមាន ការតភ្ជាប់ទំនាក់ទំនងធុរកិច្ច បង្កើនទំហំពាណិជ្ជកម្ម តាមរយៈការជំរុញឱ្យមានការផ្លាស់ប្តូរទស្សនកិច្ចរវាងអ្នកវិនិយោគឥណ្ឌូនេស៊ី និងកម្ពុជា ដែលបង្កលក្ខណៈងាយស្រួលដល់ការស្វែងយល់ពីសក្តានុពលវិនិយោគ និងការគាំទ្រដល់ក្រុមហ៊ុនឥណ្ឌូនេស៊ី ដែលកំពុងប្រតិបត្តិការ និងមានបំណងពង្រីកអាជីវកម្មនៅកម្ពុជាផងដែរ៕ អត្ថបទ៖ហ្សាលីន

The post ឯកអគ្គរដ្ឋទូតឥណ្ឌូនេស៊ី នឹងបន្តផ្សព្វផ្សាយពីសក្តានុពល និងកាលានុវត្តភាពវិនិយោគរបស់កម្ពុជា appeared first on .

ការបំពាក់គ្រឿងឥស្សរិយយស បានធ្វើឡើងក្នុងពេលសម្តេចតេជោ ហ៊ុន សែន អនុញ្ញាតឱ្យឯកឧត្តម សាន់តូ ដាម៉ូស៊ូម៉ាតូ ឯកអគ្គរដ្ឋទូតនៃសាធារណរដ្ឋឥណ្ឌូណេស៊ី ប្រចាំព្រះរាជាណាចក្រកម្ពុជា ចូលជួបសម្តែងការគួរសម និងជម្រាបលា នៅថ្ងៃទី២៦ ខែមករា ឆ្នាំ២០២៦។

នាឱកាសនោះ សម្តេចតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានបំពាក់គ្រឿងឥស្សរិយយស «សហមេត្រី» ថ្នាក់ មហាសេរីវឌ្ឍន៍ ជូនឯកឧត្តមឯកអគ្គរដ្ឋទូតនៃសាធារណរដ្ឋឥណ្ឌូណេស៊ី ចំពោះការខិតខំរួមប្រឹងប្រែងរួមចំណែកជំរុញទំនាក់ទំនងទ្វេភាគីកម្ពុជា-ឥណ្ឌូណេស៊ីនាពេលកន្លងមកនេះ។

សូមជម្រាបថា កាលថ្ងៃទី២២ ខែមករា ឆ្នាំ២០២៦ នៅក្នុងជំនួបរវាងសម្តេចប្រធានរដ្ឋសភា ឃួន សុដារី ជាមួយឯកឧត្តម សាន់តូ ដាម៉ូស៊ូម៉ាតូ (Santo Darmosumarto) ឯកអគ្គរដ្ឋទូតសាធារណរដ្ឋឥណ្ឌូណេស៊ី ប្រចាំព្រះរាជាណាចក្រកម្ពុជា បានឱ្យដឹងដែរថា ឥណ្ឌូណេស៊ី ជាមិត្តដ៏ល្អរបស់កម្ពុជា និងជាដៃគូដ៏គួរឱ្យទុកចិត្ត។ ចំណងមិត្តភាពកិច្ចសហប្រតិបត្តិការប្រទេសទាំងពីរឈរលើភាពស្មោះត្រង់ លើការជឿទុកចិត្តគ្នា និងការផ្តល់ ផលប្រយោជន៍ទៅវិញទៅមក។ ឥណ្ឌូណេស៊ីបានរួមចំណែក ស្វែងរកសុខសន្តិភាពនិងបានគាំទ្រដល់ការអភិវឌ្ឍន៍នៅកម្ពុជា រហូតមក។

នាឱកាស​នោះដែរ សម្តេចរដ្ឋសភាធិបតី ឃួន សុដារី ក៏បានថ្លែងអំណរ គុណចំពោះអនុព័ន្ធយោធាឥណ្ឌូណេស៊ី ដែលបានចូលរួមយ៉ាងសកម្ម ជាមួយក្រុមអ្នកសង្កេតការណ៍អាស៊ាន (AOT) ក្នុងការធានាដល់ការអនុវត្តបទឈប់បាញ់ ប្រកបដោយប្រសិទ្ធភាពខ្ពស់ ធ្វើយ៉ាងណាឱ្យស្ថានការណ៍ព្រំដែនកម្ពុជា-ថៃ វិលទៅប្រក្រតីភាពឡើងវិញ ដែលជាបំណងប្រាថ្នារបស់ពលរដ្ឋទំាងពីរប្រទេស ក៏ដូចជាបំណងប្រាថ្នារបស់អាស៊ាននិងពិភពលោក ផងដែរ៕ អត្ថបទ៖ហ្សាលីន

The post សម្តេចតេជោ បំពាក់គ្រឿងឥស្សរិយយស«សហមេត្រី» ថ្នាក់មហាសេរីវឌ្ឍន៍ ជូនឯកអគ្គរដ្ឋទូតឥណ្ឌូណេស៊ី appeared first on .

នេះបើយើងតាមជំនួបពិភាក្សារវាងលោក ម៉ាង ស៊ីណេត អភិបាលខេត្តព្រះសីហនុ និង លោក សានតូ ដាម៉ូស៊ូម៉ាតូ (Santo Darmosumarto) ឯកអគ្គរដ្ឋទូតឥណ្ឌូនេស៊ីប្រចាំកម្ពុជា កាលពីថ្ងៃទី២៣ ខែមិថុនា ឆ្នាំ២០២៥។

នាឱកាសនោះ លោកឯកអគ្គរដ្ឋទូតឥណ្ឌូនេស៊ី បានលើកឡើងថា ស្ថានទូតបានត្រៀមរួចរាល់ធ្វើការជាមួយរដ្ឋបាលខេត្តព្រះសីហនុ ក្នុងកិច្ចសហការជាមួយរាជរដ្ឋាភិបាល និងប្រជាជន ខណៈលោកថា កិច្ចសហប្រតិបត្តិការផ្នែកសេដ្ឋកិច្ច ឆ្នាំមុនពាណិជ្ជកម្មទ្វេភាគីរវាងឥណ្ឌូនេស៊ី និងកម្ពុជា មានការកើនឡើងដល់ ១ ០០០លានដុល្លាអាមេរិក ហើយឥណ្ឌូនេស៊ីជាដៃគូរពាណិជ្ជកម្មធំជាប់ចំណាត់ថ្នាក់លេខ១២។

ជាមួយគ្នានេះ លោកថា ខេត្តព្រះសីហនុ ជាខេត្តមួយដែលមានសក្តានុពលក្នុងការពង្រឹងកិច្ចសហប្រតិបត្តិការខាងពាណិជ្ជកម្ម ពាក់ព័ន្ធទៅនឹងច្រកទ្វារកំពង់ផែអន្តរជាតិ មានការទាក់ទងទៅនឹងការនាំនូវផលិតផលឥណ្ឌូនេស៊ីមកកាន់កម្ពុជា ហើយយើងមានការរីករាយដែលកំពង់ផែក្រុងព្រះសីហនុត្រូវបានពង្រីកកាន់តែមានជម្រៅទឹកជ្រៅ និងបន្តជំរុញអ្នកវិនិយោគទុនជនជាតិឥណ្ឌូនេស៊ី មកធ្វើការវិនិយោគនៅកម្ពុជា ពិសេសខេត្តព្រះសីហនុបន្ថែមទៀត។

ជាការឆ្លើយតប លោកអភិបាលខេត្តព្រះសីហនុ ក៏បានទទួលយកនូវការស្នើសុំ និងសុំកិច្ចសហការផ្នែកសេដ្ឋកិច្ចការធ្វើពាណិជ្ជកម្មមានការកើនឡើង។ បន្ថែមពីនេះ លោកក៏បាន ស្វាគមន៍ឥណ្ឌូណេស៊ី ក្នុងការស្នាក់នៅ ធ្វើការងារ និងទេសចរណ៍ និងវិនិយោគនៅខេត្តព្រះសីហនុ និងសូមជួយបន្តផ្សព្វផ្សាយ និងធ្វើការអំពាវនាវអ្នកវិនិយោគឥណ្ឌូនេស៊ី មកធ្វើការវិនិយោគនៅខេត្តព្រះសីហនុផងដែរ។

ក្រៅពីទំហំពាណិជ្ជកម្មរវាងប្រទេសទាំងពីរ តាមរយៈកិច្ចពិភាក្សាខាងលើនេះដែរ ក៏បានឱ្យដឹងថា មានប្រជាជនឥណ្ឌូនេស៊ីរស់នៅកម្ពុជា ជាង ១សែននាក់ ក្នុងនោះខេត្តព្រះសីហនុ មានចំនួន ៤៣ ០០០នាក់ផងដែរ៕ អត្ថបទ៖ ហ្សាលីន

The post ឆ្នាំ ២០២៤ ៖ ពាណិជ្ជកម្មកម្ពុជា-ឥណ្ឌូនេស៊ី មានការកើនឡើងដល់ ១ ពាន់លានដុល្លាអាមេរិក appeared first on .

ក្នុងជំនួបនោះ សម្តេចតេជោ បានលើកឡើងថា កម្ពុជាមានចំណងមិត្តភាពជាមួយឥណ្ឌូណេស៊ីជាង ៣៧ ឆ្នាំ ចាប់តាំងពីចរចាស្វែងរកសន្តិភាពមក។ កម្ពុជានិងឥណ្ឌូណេស៊ី ត្រូវពង្រឹងកិច្ចសហប្រតិបត្តិការបន្ថែមទៀតទាំងនៅក្របខណ្ឌទ្វេភាគី និងអាស៊ាន។

សម្តេចតេជោ បន្តថា ប្រទេសយើងទាំងពីរមានសហប្រតិបត្តិការល្អ ហើយសម្តេចសង្ឃឹមថា ភាគីទាំងពីរនឹងអាចជំរុញកិច្ចសហប្រតិបត្តិការបន្ថែមទៀត នូវការផ្លាស់ប្តូរសេដ្ឋកិច្ច ពាណិជ្ជកម្ម ទេសចរណ៍ និងការហោះហើរ ឱ្យខ្លាំងក្លាថែមទៀត ។

ពាក់ព័ន្ធនឹងជើងហោះហើរ លោកប្រធានាធិបតី ប្រាបូវ៉ូ ស៊ូប៊ីយ៉ាន់តូ បានលើកឡើងថា បច្ចុប្បន្ននេះ ជើងហោះហើររបស់ក្រុមហ៊ុន AirAsia Cambodia មានជើងហោះហើរទៅកោះបាលី របស់ឥណ្ឌូណេស៊ី ឯក្រុមហ៊ុនឥណ្ឌូណេស៊ី ក៏កំពុងសិក្សាដើម្បីបើកជើងហោះហើរទៅខេត្តសៀមរាបផងដែរ។

គួរបញ្ជាក់ជូនផងដែរថា កន្លងមក កម្ពុជា-ឥណ្ឌូណេស៊ី ធ្លាប់បានជំរុញឲ្យមានការហោះត្រង់ឡើងវិញ និងកាន់តែច្រើនរវាងកម្ពុជា និងឥណ្ឌូណេស៊ី ដោយបង្កើតជើងហោះហើរត្រង់ រវាងខេត្តសៀមរាប និង​កោះ​​បាលី ដើម្បីសម្រួលដល់ការធ្វើដំណើររបស់ទេសចរ និងពលរដ្ឋ​ប្រទេសទាំងពីរផងដែរ៕

The post ក្រុមហ៊ុនឥណ្ឌូណេស៊ី កំពុងសិក្សាបើកជើងហោះហើរមកកាន់ខេត្តសៀមរាប appeared first on .

នេះបើយោងតាមលទ្ធផល ជំនួបពិភាក្សាការងាររវាងលោក លោក ប្រាក់ សុខុន ឧបនាយករដ្ឋមន្ត្រី និងជារដ្ឋមន្ត្រី ការបរទេស និងសហប្រតិបត្តិការអន្តរជាតិ ជាមួយលោក Santo Darmosumarto ឯកអគ្គរដ្ឋទូតនៃសាធារណរដ្ឋឥណ្ឌូណេស៊ីប្រចាំកម្ពុជា ដែលផ្សាយនៅថ្ងៃទី៨ ខែមករា ឆ្នាំ២០២៥។

ក្នុងឱកាសនោះ លោកឧបនាយករដ្ឋមន្ត្រី និងឯកអគ្គរដ្ឋទូតឥណ្ឌូណេស៊ី បានលើកឡើងថា ប្រទេសទាំងពីរ មានឱកាសច្រើនថែមទៀតក្នុងការពង្រីក សហប្រតិបត្តិការក្នុងឧស្សាហកម្មអាហារហាឡាល់ ខណៈពាណិជ្ជកម្មទ្វេភាគី ដែលមានកំណើនទឹកប្រាក់លើសពីមួយប៊ីលានដុល្លារអាមេរិក រួចមកហើយនៅក្នុងឆ្នាំ២០២៣។ ទន្ទឹមគ្នានេះ ភាគីទាំងពីរ ក៏បានប្តេជ្ញា បន្តកិច្ចខិតខំប្រឹងប្រែង ដើម្បីបង្កើនពាណិជ្ជកម្មអង្កររវាងប្រទេសទាំងពីរផងដែរ។

ក្រៅពីប្តេជ្ញាបង្កើនពាណិជ្ជកម្មអង្ករ កម្ពុជា-ឥណ្ឌូណេស៊ី ក៏សង្កត់ធ្ងន់លើ ភាពចាំបាច់ក្នុងការពង្រឹងទំនាក់ទំនងរវាងប្រជាជន និងប្រជាជនបន្ថែម តាមរយៈ៖ ការអប់រំ ទេសចរណ៍ និង ជើងហោះហើរត្រង់បន្ថែមទៀត ព្រមទាំងពង្រឹងកិច្ចសហប្រតិបត្តិការលើវិស័យការពារជាតិ និងសន្តិសុខ តាមរយៈកម្មវិធីពង្រឹងសមត្ថភាព និងកិច្ចសហប្រតិបត្តិការក្នុងការប្រយុទ្ធប្រឆាំងនឹងឧក្រិដ្ឋកម្មឆ្លងដែនជាដើមថែមទៀត។

សូមបញ្ជាក់ដែរថា ក្នុងរយៈពេល៧ខែ ឆ្នាំ២០២៤កន្លងទៅនេះ កម្ពុជាបាននាំចេញអង្ករចំនួន ៣៧៩ ៥៤៦ តោនទៅកាន់ទីផ្សារគោលដៅចំនួន ៦៤ ប្រទេស ដោយទទួលបានទឹកប្រាក់ជាង ២៨០លានដុល្លារ។ នេះបើយោងតាមរបាយការណ៍ របស់សហព័ន្ធស្រូវអង្ករកម្ពុជា កាលថ្ងៃទី១២ ខែសីហា ឆ្នាំ២០២៤នេះ។

ប្រភពដែល បន្តថា ក្នុងរយៈពេល៧ខែនេះ ការនាំចេញទៅកាន់បណ្តាប្រទេសក្នុងតំបន់អាស៊ាន រួមទាំងទីម័រខាងកើត ចំនួន ៧ប្រទេសបានបរិមាណ ចំនួន ៧៧ ៩៣៣ តោន ទទួលបានទឹកប្រាក់ចំនួន ៥៣.៥៨ លានដុល្លារសហរដ្ឋអាមេរិក៕ អត្ថបទ៖ ហ្សាលីន

The post កម្ពុជា-ឥណ្ឌូណេស៊ី ប្តេជ្ញាខំបង្កើនពាណិជ្ជកម្មអង្ករ ដើម្បីពង្រីកឧស្សាហកម្មអាហារហាឡាល់ appeared first on .

លោកស្រី ចម និម្មល រដ្ឋមន្ត្រីក្រសួងពាណិជ្ជកម្មបានថ្លែងដូច្នេះក្នុងពិធីបើកពិព័រណ៍ “សួស្តីឥណ្ឌូនេស៊ី”នាព្រឹកថ្ងៃសុក្រទី១៣ ខែកញ្ញា ឆ្នាំ២០២៤ នៅមជ្ឈមណ្ឌលសន្និបាត និងពិព័រណ៍កោះពេជ្រ។

លោកស្រីរដ្ឋមន្ត្រី បានមានប្រសាសន៍លើកឡើងថាពិព័រណ៍នេះ ជាព្រឹត្តិការណ៍ដ៏សំខាន់មួយដែលបានរៀបចំឡើងនៅក្រុងភ្នំពេញតាំងពីឆ្នាំ២០០៦មក។នៅឆ្នាំ២០២៤នេះជាខួបទី១៥នៃការរៀបចំព្រឹត្តិការណ៍ពិព័រណ៍និងជាខួបទី៦៥នៃទំនាក់ទំនងការទូតរវាងកម្ពុជានិងឥណ្ឌូនេស៊ី។

លោកស្រី ក៏បានលើកទឹកចិត្តដល់វិស័យឯកជន ឱ្យចូលរួមនិងរៀបចំព្រឹត្តិការណ៍បែបនេះឱ្យបានញឹកញាប់ទាំងនៅក្នុងប្រទេសកម្ពុជា និងក្នុងប្រទេសឥណ្ឌូនេស៊ី ដើម្បីស្វែងរកសក្តានុពល ឱកាសថ្មីៗ និងបង្កើតភាពជាដៃគូថ្មី។

លោកស្រីរដ្ឋមន្ត្រី បានបង្ហើបជូនថាចុងឆ្នាំនេះ ក្រសួងពាណិជ្ជកម្មនឹងរៀបចំព្រឹត្តិការណ៍ពិព័រណ៍ប្រចាំឆ្នាំមួយគឺ “ពិព័រណ៍ផលិតផលខ្មែរ និងទំនិញនាំចេញ-នាំចូល(CIEGE) លើកទី១៧”ដែលនឹងប្រព្រឹត្តទៅចាប់ពីថ្ងៃទី១៣-១៦ ខែធ្នូ ឆ្នាំ២០២៤ នៅភ្នំពេញ។

ព្រឹត្តិការណ៍ “សួស្តីឥណ្ឌូនេស៊ី” នឹងមាននូវសកម្មភាពសំខាន់ៗជាច្រើនដូចជា៖ ការតាំងបង្ហាញនិងលក់ផលិតផល ការផ្សព្វផ្សាយទេសចរណ៍ ពិព័រណ៍កម្មវិធីអប់រំ ការសម្តែងសិល្បៈវប្បធម៌ ជំនួបផ្គូផ្គងអាជីវកម្ម ការជំរុញការវិនិយោគ ពិធីបុណ្យម្ហូប និងកម្មវិធីជជែកដេញដោល ព្រមទាំងមានស្តង់ចូលរួមជាង ១០០ ដោយដាក់តាំងបង្ហាញផលិតផលនិងសេវាកម្ម ដែលនឹងចូលរួមចំណែកក្នុងការបង្កើនទំហំពាណិជ្ជកម្ម និងបន្ថែមតម្លៃដល់កិច្ចសហប្រតិបត្តិការរវាងកម្ពុជា-ឥណ្ឌូនេស៊ីរួមបញ្ចូលទាំងទេសចរណ៍ការផ្លាស់ប្តូរវប្បធម៌និងការវិនិយោគ៕

The post រដ្ឋមន្ត្រីពាណិជ្ជកម្ម៖ ទំហំពាណិជ្ជកម្មកម្ពុជា ឥណ្ឌូនេស៊ី ឆ្នាំ២០២៤ រំពឹងកើនឡើងលើស២០២៣ appeared first on .