យ៉ាងណាបើពិនិត្យអំពីស្ថិតិនៃការនាំចេញកាលពីក្នុងឆ្នាំ ២០២៣វិញ វៀតណាមបាននាំចេញផលិតផលសាច់ទៅក្រៅប្រទេសចំនួន ២២ ៤៥០តោនដែលមានតម្លៃ ១១០,៣៥លានដុល្លារ កើនឡើង១៩% ជាបរិមាណ និង៣០,៤% ជាតម្លៃបើធៀបទៅនឹងការនាំចេញក្នុងឆ្នាំ២០២២ ។ ជាងនេះទៅទៀត ផលិតផលទាំងទាំងនេះត្រូវបានដឹកជញ្ជូនភាគច្រើនទៅកាន់ទីផ្សារចំនួន ២៨នៅជុំវិញពិភពលោក ដោយក្នុងនោះក៏រួមមានប្រទេសកម្ពុជា ហុងកុង ចិន បែលហ្ស៊ិក ប៉ាពួញូហ្គីណេ ម៉ាឡេស៊ី បារាំង និងសហរដ្ឋអាមេរិក ជាទីផ្សារនាំចេញធំៗរបស់វៀតណាម។

ជាមួយគ្នា វៀតណាមក៏បាននាំចេញសាច់បសុបក្សីចំនួន ៤ ៧៧០តោន និងផលិតដែលអាចបរិភោគបានដែលមានតម្លៃ ១២,០៤លានដុល្លារ ដែលស្មើនឹងការកើនឡើង១៣៦,១% ជាបរិមាណ និង២១៤% ជាតម្លៃ បើធៀបទៅនឹងឆ្នាំ២០២២ ខណៈប្រទេសចិន ប៉ាពួញូហ្គីណេ ម៉ាឡេស៊ី កូរ៉េខាងត្បូង និងហុងកុង គឺសុទ្ធសឹងតែជាអ្នកចាំទទួលទិញដ៏សំខាន់។

គួរជម្រាបបន្ថែមថា នាពេលបច្ចុបន្ន វៀតណាមបានជ្រែកផលិតផលចំនួនពីរបន្ថែមទៀតនៃឧស្សាហកម្មបសុសត្វទៅកាន់ប្រទេសចិន រួមមានសំបុកបក្សី និងទឹកដោះគោ ក្រោមការនាំចេញផ្លូវការទៅកាន់ប្រទេសចិន ដោយយោងតាមពិធីសារស្តីពីការនាំចេញសំបុកបក្សីដែលបានចុះហត្ថលេខាក្នុងឆ្នាំ២០២២ និងមួយទៀតស្តីពីការនាំចេញទឹកដោះគោដែលបានចុះហត្ថលេខាក្នុងឆ្នាំ២០១៩ ៕

The post វៀតណាម រំពឹងការនាំចេញកសិផលទៅចិន នឹងបន្តកើនឡើងកាន់តែខ្លាំង appeared first on .

បច្ចុប្បន្ន វៀតណាមបានធ្វើការកំណត់យុទ្ធសាស្រ្តអភិវឌ្ឍដំណាំរបស់ខ្លួន រហូតដល់ឆ្នាំ ២០៣០ ដោយរំពឹងទុកថានឹងទទួលបានកំណើនប្រចាំឆ្នាំ ក្នុងទិន្នផលចន្លោះពី ២,២% ដល់ ២,៥% ។

ទន្ទឹមនឹងនេះ នៅឆ្នាំ ២០៥០ វៀតណាម ក៏កំពុងស្វែងរកយុទ្ធសាស្រ្តថ្មី ក្នុងការធ្វើទំនើបកម្មកសិកម្មរបស់ខ្លួន ដើម្បីប្រែក្លាយទៅជាប្រទេសដែលផលិតកសិកម្មកំពូលមួយរបស់ពិភពលោក ផងដែរ។

បន្ថែមពីការបង្កើនផ្ទៃដីដាំដុះស្រូវ ការដាំដុះ និងកែច្នៃផ្លែឈើមួយចំនួន ដូចជាស្វាយ ចេក ផ្លែស្រកានាគ និងម្នាស់ ក៏នឹងត្រូវផ្តល់អាទិភាព ផងដែរ។

ជម្រាបជូនផងដែរថា ក្នុងរយៈពេល ១១ខែដំបូងនៃឆ្នាំ ២០២៣ ការនាំចេញកសិផលរបស់ប្រទេសវៀតណាម មានតម្លៃ ២៤,៣ពាន់លានដុល្លារ ពោលគឺកើនឡើង ១៧% ពីមួយឆ្នាំទៅមួយឆ្នាំ ស្របពេលការ​នាំ​ចេញ​ទំនិញ​កសិផលសំខាន់ៗមានដូចជាកាហ្វេ អង្ករ បន្លែ ស្វាយចន្ទី បង្គា ឈើ និង​ផលិតផល​ពី​ឈើ​ ដែលមាន​តម្លៃ​ជាង ​៣​ពាន់​លាន​ដុល្លារ៕

The post វៀតណាម ដាក់គោលដៅនាំចេញកសិផលឲ្យបានជាង ២៦ពាន់លានដុល្លារ នៅឆ្នាំ ២០៣០ appeared first on .

ក្នុងរយ:ពេលត្រឹមតែ ៥ ខែដំបូងឆ្នាំនេះ ការនាំចេញកសិផលរបស់ឡាវទទួលបាន ៩០១លានដុល្លារ រួចទៅហើយ ដោយសម្រេចបាន ៧៥,១៤% នៃគោលដៅប្រចាំឆ្នាំ ខណ:ពេលដែលដំឡូងមី កាហ្វេ ចេក ពោត និងអំពៅ គឺជាមុខទំនិញនាំចេញដ៏សំខាន់បំផុត ។

មិនតែប៉ុណ្ណោះ រដ្ឋមន្ត្រីក្រសួងផែនការ និងវិនិយោគរបស់ឡាវ លោក Khamjane Vongphosy បាននិយាយថា សម្រាប់ទំនិញដែលធ្វើឱ្យប្រទេសរបស់ខ្លួន កំពុងទទួលបានកំណើនខ្លាំងនោះ គឺការនាំចេញផលិតផលដំឡូងមី ទៅក្រៅប្រទេស ដែលគិតមកទល់ពេលនេះ មានតម្លៃជាង ៤០៨លានដុល្លារ ហើយភាគច្រើនត្រូវបាននាំចេញ ទៅកាន់ប្រទេសចិន វៀតណាម និងអ៊ីតាលី។

ជម្រាបជូនផងដែរថា ក្នុងរយ:ប៉ុន្មានឆ្នាំកន្លងមកនេះ រដ្ឋាភិបាលឡាវ បានលើកទឹកចិត្តឱ្យកសិករបន្តដាំដុះប្រភេទរុក្ខជាតិថ្មីៗបន្ថែមទៀត ដើម្បីបម្រើជូនដល់ទីផ្សារក្នុងស្រុក និងការនាំចេញ ៕

The post ឡាវ រំពឹងអាចកើបលុយបានជាង ២ពាន់លានដុល្លារ ពីការនាំចេញកសិផល នៅឆ្នាំនេះ appeared first on .

លោក Bounchan Kombounyasith អគ្គនាយកនៃនាយកដ្ឋានកសិកម្ម ដែលស្ថិតនៅក្រោមក្រសួងកសិកម្ម និងរុក្ខាប្រមាញ់ឡាវ បានបង្ហាញឱ្យដឹងថា ប្រទេសរបស់ខ្លួន បានធ្វើការនាំចេញផលិតផលដំណាំសរុបចំនួន ៣ ០៣២ ៥១៧ តោន ក្នុងត្រីមាសទី១ នៃឆ្នាំនេះ ដែលមានតម្លៃសរុបប្រមាណ ៥០៧,៦លានដុល្លារ ស្មើនឹង ៥៦,៤% នៃគោលដៅសម្រាប់ឆ្នាំ ២០២៣ និងកើនឡើង ៥% បើធៀបនឹងរយ:ពេលដូចគ្នា កាលពីឆ្នាំមុន ។

គួរឱ្យដឹងផងដែរថា សម្រាប់ទំនិញកសិផលសំខាន់ៗ ដែលត្រូវបាននាំចេញទៅក្រៅប្រទេស មានដូចជា ដំឡូងមី ១,៩ លានតោន , អំពៅ ២៣០ ៩៨៧ តោន , ចេក ២៦៩ ៩៧៩ តោន , ឪឡឹក ៨៦ ៤២០ តោន និងពោត ៤៩ ៣២៥ តោន ។

ជម្រាបជូនថា សម្រាប់ទីផ្សារសំខាន់ៗ ដែលប្រទេសឡាវ បាននាំចេញទំនិញកសិផលរបស់ខ្លួនទៅច្រើនជាងគេ មានដូចជាប្រទេសចិន វៀតណាម និងថៃ ជាដើម៕

The post មានទីផ្សារខ្លាំង! ឡាវកើបលុយបានជាង ៥០០លានដុល្លារ លើការនាំចេញកសិផល ត្រឹមត្រីមាសទី១ appeared first on .

លោក យឹម ឆៃលី ឧបនាយករដ្ឋមន្រ្តី ប្រធានក្រុមប្រឹក្សាស្តារអភិវឌ្ឍន៍វិស័យកសិកម្មនិងជនបទ និងជាប្រធានគណៈកម្មាធិការជាតិជំរុញចលនាភូមិ១ ផលិតផល១ លើកឡើងយ៉ាងដូច្នេះ ក្នុងកិច្ចប្រជុំពិភាក្សាពីការអភិវឌ្ឍអាជីវកម្ម ប្រកបដោយសុចរិតភាព និងការទទួលបានទីផ្សារសម្រាប់អ្នកផលិតក្នុងស្រុក នៅទីស្តីការគណៈរដ្ឋមន្រ្តី កាលពីថ្ងៃទី ២៨ ខែមេសា ឆ្នាំ២០២២។

បើតាមលោកឧបនាយករដ្ឋមន្ត្រី គណៈកម្មាធិការជាតិជំរុញចលនា១ ផលិតផល១ គឺជាស្ថាប័នរដ្ឋមួយដែលមានបេសកកម្មសម្របសម្រួល និងសហការជាមួយក្រសួងស្ថាប័នពាក់ព័ន្ធដើម្បីជួយលើកកម្ពស់ផលិតផលខ្មែរ លើកកម្ពស់សេដ្ឋកិច្ចគ្រួសារ និងសហគមន៍ ដែលបាននិងកំពុងផលិតនូវផលិតផលនានានៅតាមសហគមន៍ និងសហគ្រាសធុនតូច និងមធ្យម ។ល។ ការណ៍នេះ ត្រូវបានលោក យឹម ឆៃលី គូសបញ្ជាក់ពីការយកចិត្តទុកដាក់របស់រាជរដ្ឋាភិបាលលើការងារនេះ ក្នុងការជួយដល់កសិករ ផលិតករ សិប្បករ និងសេវាករ ក្នុងនោះរួមទាំងការរៀបចំ និងអនុម័តឯកសារគតិយុត្តនានា ការបណ្តុះបណ្តាលសហគមន៍ ការខិតខំរកដៃគូសហការពីវិស័យឯកជន និងអង្គការដៃគូអភិវឌ្ឍនានា ជាដើម។

លោកឧបនាយករដ្ឋមន្ត្រីសង្កត់ធ្ងន់ថា ដើម្បីសម្រេចបាននូវទិសដៅដ៏ធំធេងនេះ គណៈកម្មាធិការជាតិបានរៀបចំរចនាសម្ព័ន្ធគណៈកម្មាធិការជំរុញចលនាភូមិ១ ផលិតផល១ រាជធានី ខេត្ត និងការចាត់តាំងថ្នាក់ដឹកនាំ ក្រសួង ស្ថាប័នពាក់ព័ន្ធជាសមាជិកនៃគណៈកម្មាធិការជាតិនេះ ក្នុងនោះរាជរដ្ឋាភិបាលបានចាត់តាំង រដ្ឋមន្រ្តីក្រសួងពាណិជ្ជកម្ម ដោយក្រសួងនេះជាស្ថាប័នគន្លឹះមួយដើម្បីជួយរកទីផ្សារលក់ផលិតផលខ្មែរ ជួយពង្រឹងគុណភាព សោភ័ណភាព និងឧត្តមភាពផលិតផលខ្មែរ ដើម្បីលក់ និងប្រកួតប្រជែងក្នុងទីផ្សារក្នុងស្រុក និងនៅបរទេស។

សូមជម្រាបជូនថា គម្រោងអភិវឌ្ឍអាជីវកម្មប្រកបដោយសុចរិតភាព និងការទទួលបានទីផ្សារសម្រាប់អ្នកផលិតក្នុងស្រុក សហគ្រាសមីក្រូ និងSME ផ្តួចផ្តើមឡើងដោយអគ្គលេខាធិការដ្ឋានគណៈកម្មាធិការជាតិជំរុញចលនាភូមិ១ ផលិតផល១ (គ.ជ.ភ១.ផ១.) សហការជាមួយអង្គការ OXFARM ក្នុងរយៈពេល៨ខែ ដោយចាប់ផ្តើមពីខែមេសា ដល់ខែធ្នូ ២០២២ នៅខេត្តគោលដៅចំនួន៨ គឺខេត្តកំពត, តាកែវ, ព្រះសីហនុ, សៀមរាប, បាត់ដំបង,បន្ទាយមានជ័យ, កំពង់ចាម និងរាជធានីភ្នំពេញ និងពិភាក្សារកដៃគូ ៣ទៀត គឺអង្គការតម្លាភាពអន្តរជាតិ ស្ថាប័ន Micro Finance L.O.L.C, និងក្រុមហ៊ុន Cambrew ដើម្បីពង្រីកទៅ ៣ ខេត្តទៀត គឺខេត្តស្វាយរៀង, កំពង់ឆ្នាំង និងឧត្តរមានជ័យ។

ទន្ទឹមនឹងនោះ បច្ចុប្បន្នអគ្គលេខាធិការដ្ឋាន បានសហការជាមួយសាកលវិទ្យាល័យភូមិន្ទកសិកម្ម (ចំការដូង) និងវិទ្យាស្ថានជាតិកសិកម្មព្រែកលាប ដើម្បីបណ្តុះបណ្តាលផលិតផលមួយចំនួនដែល គ.ជ.ភ១.ផ១. បានទទួលស្គាល់ជាផ្លូវការជាផលិតផលភូមិ១ ផលិតផល១ ចំនួន ១២១មុខ ក្នុង ១០ខេត្ត ព្រមទាំងបានសហការជាមួយនឹងរាជបណ្ឌិត្យសភាកម្ពុជា ដើម្បីស្វែងយល់ និងរិះរករូបមន្តអភិវឌ្ឍផលិតផលក្នុងស្រុកឱ្យកាន់តែមានតម្លៃបន្ថែម និងមានគ្រប់សក្តានុពល ឆ្លើយតបទៅនឹងតម្រូវការរបស់អតិថិជន ទាំងទីផ្សារក្នុងស្រុក និងក្រៅស្រុកផងដែរ៕

The post រដ្ឋចាប់ផ្តើមអនុវត្តគម្រោងអភិវឌ្ឍទីផ្សារសម្រាប់អ្នកផលិតក្នុងស្រុកនូវខេត្តគោលដៅចំនួន ៨ appeared first on .

នៅក្នុងជំនួបនោះ លោក សុខ លូ បានស្នើដល់ស្ថានទូតអូស្រ្ដាលីធ្វើការផ្សព្វផ្សាយដល់វិនិយោគិនក្នុងប្រទេសអូស្រ្ដាលី ដើម្បីវិនិយោគផ្នែកកែច្នៃប្រភេទផ្លែឈើ ឬផលិតផលកសិកម្មនៅក្នុងភូមិសាស្រ្ដខេត្តបាត់ដំបងឲ្យកាន់តែច្រើន ដើម្បីជួយប្រជាកសិករខេត្តបាត់ដំបងអាចរកប្រាក់ចំណូលបានច្រើន។

លោកថ្លែងថា ការស្នើនេះដែរ បន្ទាប់ពីសព្វថ្ងៃនេះ ខេត្តបាត់ដំបង មានបញ្ហាប្រឈមមួយចំនួនគឺនៅពេលប្រមូលផលដំណាំនានា ដែលខ្វះការកែច្នៃ ខណៈចង់ឲ្យមានឱកាសក្នុងការនាំចេញផលិតផលកសិកម្មដែលបានកែច្នៃរួចទៅក្រៅប្រទេស និងជួយបន្តផ្សព្វផ្សាយដល់ភ្ញៀវទេសចរនៃប្រទេសអូស្ដ្រាលី ឲ្យមកទស្សនាខេត្តបាត់ដំបង ឲ្យកាន់តែច្រើនឡើងថែមទៀត។

ជាមួយគ្នានេះ លោកក៏បានថ្លែងអំណរគុណដល់ អូស្ដ្រាលី ដែលបានជួយផ្នែកសុខាភិបាល អប់រំ កសិកម្ម និងពិសេសផ្នែកបោសសំអាតមីននៅក្នុងខេត្តបាត់ដំបង បើទោះបីជាការដោះស្រាយបញ្ហាគ្រាប់មីន និងគ្រាប់មិនទាន់ផ្ទុះនៅក្នុងខេត្តបាត់ដំបង មិនទាន់ទទួលបានជោគជ័យ១០០%ក្ដី ប៉ុន្តែក៏បានជួយផ្ដល់ឱកាសដល់ប្រជាកសិករមួយចំនួនធំ អាចធ្វើការដាំដុះនៅលើដីរបស់ខ្លួនដែលបានបោសសំអាតមីនរួច ដោយសុវត្ថិភាព និងលែងភ័យខ្លាច។

គួរជម្រាប់ជូនដែរថា ទាក់ទិនទៅនឹងខេត្តបាត់ដំបងនេះដែរ នៅក្នុងខែមេសា ខាងមុខនេះ អ្នកវិនិយោគជប៉ុន នឹងមកធ្វើទស្សនកិច្ចនៅខេត្តបាត់ដំបង ដើម្បីសិក្សាលទ្ធភាពវិនិយោគបង្កើតរោងចក្រ តំបន់សេដ្ឋកិច្ចពិសេសនិងទីក្រុងឆ្លាតវៃ នៅក្នុងខេត្តមួយនេះផងដែរ។នេះបើតាមការឲ្យដឹងពី លោក សុខ លូ អភិបាលខេត្តបាត់ដំបង៕
អត្ថបទ៖រង្សី

The post កម្ពុជា ស្នើអូស្ដ្រាលីជួយឲ្យវិនិយោគិនបង្កើតរោងចក្រកែច្នៃកសិផលនៅខេត្តបាត់ដំបង appeared first on .

ជាក់ស្តែង ប្រទេសវៀតណាម បានទិញ ៩៦% ទៅ ៩៩% នៃគ្រាប់ស្វាយចន្ទី ម្រច និងសណ្តែកសៀង ដែលកម្ពុជានាំចេញ ។ យ៉ាងណានេះបើតាមការឱ្យដឹងពីរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទរបស់កម្ពុជា ។

ក្នុងនោះដែរ ការនាំចេញគ្រាប់ស្វាយចន្ទីរបស់កម្ពុជា ទៅកាន់ប្រទេសវៀតណាម បានកើនឡើង ៤,៦ ដង ចាប់តាំងពីឆ្នាំ ២០២០ ហើយចំណែកឯម្រេច និងសណ្តែកបណ្តុះ បានកើនឡើង ៤ ដង ។

ក្រៅពីនោះផលិតផលកសិកម្មផ្សេងទៀត ដែលវៀតណាមបានទិញក្នុងបរិមាណដ៏ច្រើនពីកម្ពុជា មានដូចជាអង្ករ ក្រូចថ្លុង ចេក និងស្វាយជាដើម ។

មិនតែប៉ុណ្ណោះ រដ្ឋមន្ត្រីក្រសួងកសិកម្មកម្ពុជា លោក វេង សាខុន បានប្រាប់ដល់ប្រធានរដ្ឋវៀតណាម លោក Nguyen Xuan Phuc ក្នុងដំណើរទស្សនកិច្ចនាពេលកន្លងទៅថា វៀតណាមជាអ្នកនាំចូលដ៏ធំបំផុតរបស់កម្ពុជា ក្នុងចំនោមប្រទេស និងដែនដីចំនួន ៧០ កាលពីឆ្នាំមុន ៕

គួរបញ្ជាក់ផងដែរថា ក្នុងរយ:ពេល ១១ ខែដំបូងកាលពីឆ្នាំមុន តម្លៃពាណិជ្ជកម្មរវាងវៀតណាម និងកម្ពុជា បានកើនឡើង ៨៤% ដល់ ៨,៦ ពាន់លានដុល្លារ។ នេះបើយោងតាមការឱ្យដឹងពីគយរបស់វៀតណាម ៕

ប្រភព: VN Express

The post វៀតណាម ចាយលុយជិត ៥ ពាន់លានដុល្លារ ទិញចូលកសិផលប្រហែល ៨០% ពីកម្ពុជា appeared first on .

ការនាំចេញផលិតផលកសិកម្មក្នុងខេត្តរតនគីរី មានដូចជា៖ ចេកអំបូងលឿង: ២៥ ៥៦០ តោន ចំណិតដំឡូងមីក្រៀម: ២០ ០៩៤ តោន ម្នាស់ស្រស់: ៥៩២ តោន គ្រាប់ស្វាយចន្ទី: ៨ ០៦២ តោន ស្វាយកែវរមៀតស្រស់: ៦៣៧ តោន ក្រូចថ្លុង: ៧៧ តោន និងខ្នុរ: ២៤៨ តោន។ ចំពោះខេត្តតាកែវ ការនាំចេញរួមមាន៖ ស្រូវ: ២០៦ ១៦២ តោន ស្វាយកែវរមៀតស្រស់: ២០ ៣០៨ តោន។ ដោយឡែក ខេត្តកំពតវិញ ស្រូវ ៥៩ ៧១០ តោន និងខេត្តបាត់ដំបង ដំឡូងមីស្រស់: ១១១ ៨២០ តោន ផ្លែស្វាយស្រស់: ១ ៥៤៣ តោន។

គួររម្លឹកថា តាមសេចក្តីរាយការណ៍របស់មន្ទីរកសិកម្ម រុក្ខាប្រមាញ់ និងនេសាទ ខេត្តស្វាយរៀង និងព្រៃវែង បានឲ្យដឹងថា៖ ខេត្តស្វាយរៀងបាននាំចេញកសិផល មានជាអាទិ៍ដូចជា៖ ស្រូវចម្រុះ ១១៧ ៨៨៣តោន ដំឡូងមីស្រស់ចំនួន ២ ២៧១តោន ផ្លែស្វាយកែវរមៀតស្រស់ ៣៦ ១៥៩តោន និងអំពៅស្ក ១៤៦ ០៤១តោន។ ដោយឡែក សម្រាប់ខេត្តព្រៃវែងវិញ បាននាំស្រូវចេញសរុបចំនួន ៧០៧ ៤៣១តោន និងស្វាយកែវរមៀតបានចំនួន ៨៩ ៣៤០ តោន។ ចំពោះមធ្យោបាយដឹក ជញ្ជូនឈ្មួញបានប្រើប្រាស់រថយន្តធន់ធ្ងន់ និងទូកមានចំណុះពី ៥០ ទៅ ១០០តោន៕

The post ខេត្តចំនួន៤នៅបន្តនាំចេញកសិផលទៅកាន់ប្រទេសជិតយ៉ាងមមាញឹកបំផុត បើទោះបីកម្ពុជាជួបវិបត្តិកូវីដ appeared first on .

តាមសេចក្តីរាយការណ៍របស់មន្ទីរកសិកម្ម រុក្ខាប្រមាញ់ និងនេសាទ ខេត្តស្វាយរៀង និងព្រៃវែង បានឲ្យដឹងថា៖ ខេត្តស្វាយរៀងបាននាំចេញកសិផល មានជាអាទិ៍ដូចជា៖ ស្រូវចម្រុះ ១១៧ ៨៨៣តោន ដំឡូងមីស្រស់ចំនួន ២ ២៧១តោន ផ្លែស្វាយកែវរមៀតស្រស់ ៣៦ ១៥៩តោន និងអំពៅស្ក ១៤៦ ០៤១តោន។ ដោយឡែក សម្រាប់ខេត្តព្រៃវែងវិញ បាននាំស្រូវចេញសរុបចំនួន ៧០៧ ៤៣១តោន និងស្វាយកែវរមៀតបានចំនួន ៨៩ ៣៤០ តោន។ ចំពោះមធ្យោបាយដឹក ជញ្ជូនឈ្មួញបានប្រើប្រាស់រថយន្តធន់ធ្ងន់ និងទូកមានចំណុះពី ៥០ ទៅ ១០០តោន។

លទ្ធផលនៃការនាំចញផលិតផលកសិកម្មតាមរយៈខេត្តទាំងពីរខាងលើ កម្ពុជាសម្រេចបានការនាំចេញស្រូវទៅកាន់ប្រទេសវៀតណាមចំនួន ១ ១៤៦ ៨៤៤ តោន មកទល់ថ្ងៃទី២៦ ខែមីនា ឆ្នាំ២០២១។ នេះបើតាមរបាយការណ៍របស់អគ្គនាយកដ្ឋានកសិកម្ម៕

The post រយៈពេល៣ខែកម្ពុជានាំចេញស្រូវទៅកាន់ប្រទេសវៀតណាមបានជាង ១លានតោន appeared first on .