លោក Manus បច្ចុប្បន្នវ័យ ៤៥ឆ្នាំ ត្រូវបានចាប់ខ្លួនកាលពីថ្ងៃទី១៩ ខែធ្នូ ដោយនាយកដ្ឋានប្រឆាំងការក្លែងបន្លំរបស់ប៉ូលិសថៃ នៅផ្ទះមួយកន្លែងក្នុងខេត្ត Nonthaburi បន្ទាប់ពីមិនបានបង្ហាញខ្លួននៅតុលាការ ពីបទក្លែងបន្លំសន្លឹកឆ្នោត។

គួររំលឹកផងដែរថា នៅឆ្នាំ២០២១ លោក Manus ត្រូវបានចោទប្រកាន់ពីបទក្លែងបន្លំពីសំណាក់មនុស្សជាច្រើន ដោយសន្យាថានឹងផ្តល់សំបុត្រឆ្នោតរដ្ឋាភិបាលដែលមានតម្លៃ ២លានបាត (ប្រហែល ៦៤ ០០០ដុល្លារ) ដល់ពួកគេ។ មិនតែប៉ុណ្ណោះ ជនជាប់ចោទរូបនេះ បានប្រាប់ជនរងគ្រោះទៀតថា សំបុត្រឆ្នោតទាំងនោះជារបស់មន្ត្រីជាន់ខ្ពស់ម្នាក់ ប៉ុន្តែមិនដែលផ្តល់សំបុត្រណាមួយដល់ពួកគេឡើយ។ ជនរងគ្រោះបាននិយាយថា Manus បានគេចវេះ នៅពេលដែលពួកគេព្យាយាមសុំប្រាក់របស់ពួកគេត្រលប់មកវិញ។

យ៉ាងណាមិញ ក្នុងអំឡុងពេលស៊ើបអង្កេត Manus ត្រូវបានដោះលែងឱ្យនៅក្រៅឃុំ។ ហើយកាលពីដើមឆ្នាំនេះ តុលាការស្រុកដុនមឿងបានកាត់ទោសលោក Manus ឱ្យជាប់ពន្ធនាគាររយៈពេល ២ឆ្នាំ និង ៩ខែ ប៉ុន្តែលោកមិនបានចូលបង្ហាញខ្លួននៅតុលាការដើម្បីស្តាប់សាលក្រមនោះទេ ដែលបង្ខំឱ្យចៅក្រមចេញដីកាចាប់ខ្លួនតែម្តង។ បន្ទាប់ពីការចាប់ខ្លួន លោក Manus ត្រូវបាននាំទៅកាន់តុលាការដុនមឿង ហើយបន្ទាប់មកត្រូវបានផ្ទេរទៅពន្ធនាគារពិសេសក្រុងបាងកកដើម្បីអនុវត្តទោស។

ជម្រាបជូនថា លោក Manus គឺជាអ្នកប្រដាល់ថៃដ៏ល្បីល្បាញ ជាអត្តពលិកដំបូងគេ និងតែមួយគត់មកពីប្រទេសនេះដែលបានឈ្នះមេដាយមាសអូឡាំពិកពីរដងក្នុងឆ្នាំ២០០៤ និង ២០០៨ រួមជាមួយនឹងមេដាយមាសកីឡា SEA Games ជាច្រើនទៀត៕​

The post ជើងឯកកីឡាអូឡាំពិកថៃម្នាក់ ត្រូវចាប់ខ្លួនពីបទក្លែងបន្លំសន្លឹកឆ្នោត appeared first on .

ការបញ្ជាក់បែបនេះ ត្រូវបានធ្វើឡើងក្នុងពីធីចុះហត្ថលេខា លើអនុស្សរណៈនៃការយោគយល់គ្នា រវាងក្រសួងប្រៃសណីយ៍ និងក្រសួងកសិកម្ម កាលរសៀលថ្ងៃទី២ ខែឧសភា ឆ្នាំ២០២៣នេះ។

លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានឱ្យដឹងថា គណៈកម្មាធិការជាតិ រៀបចំការប្រកួតកីឡាស៉ីហ្គេម លើកទី៣២ (CAMSOC) បានចំណាយថវិកាប្រហែល៥០ម៉ឺនដុល្លារ ដើម្បីបំពាក់ WiFi សាធារណៈដោយឥតគិតថ្លៃ (Public WiFi) គឺទី១. នៅពហុកីឡដ្ឋានជាតិមរតកតេជោ និងទី២. ពហុកីឡដ្ឋានជាតិអូឡាំពិក នៃព្រឹត្តិការណ៍ស៊ីហ្គេម។

លោក ជា វ៉ាន់ដេត បានបញ្ជាក់ថា៖«ដើម្បីប្រើ Public WiFi នេះ អ្នកចូលរួមគ្រាន់តែស្កេន QR Code នៅតាមទីតាំងជាក់ស្តែង ដែលបានកំណត់ ដើម្បីភ្ជាប់ WiFi នោះនឹងអាចប្រើប្រាស់ WiFi បានភ្លាមៗ ខណៈ Public WiFi នៅពហុកីឡដ្ឋានជាតិទាំង២នេះ គឺអត់មានបញ្ហាអ្វីនោះទេ ក្នុងរយៈពេលព្រឹត្ដិការណ៍ស៊ីហ្គេម»។

ចំណែកឯការប្រើប្រាស់ សម្រាប់ការផ្សាយចេញក្រៅប្រទេសវិញ លោកថា ក្រសួង ក៏បានចរន្ដក្រុមហ៊ុនខ្សែកាបមួយចំនួន និងក្រុមហ៊ុនរដ្ឋ ចូលតទៅពហុកីឡដ្ឋានជាតិទាំង២នេះ ដោយអត់មានបញ្ហានោះទេ នូវសមត្ថភាពបញ្ចូលខ្សែអ៊ីនធើណែន និងបង្គោលអង់តែន នៅទីនោះ។

គួរបញ្ជាក់ដែរថា ព្រឹត្តិការណ៍ប្រកួតកីឡាស៊ីហ្គេម លើកទី៣២ នឹងត្រូវប្រារព្ធពិធីបើកការប្រកួត នាថ្ងៃទី០៥ ខែឧសភា ឆ្នាំ២០២៣ខាងមុខ។ ក្នុងនោះដែរ ចំពោះព្រឹត្តការណ៍ SEA Games: ចាប់ផ្តើមពីថ្ងៃទី០៥-១៧ ខែឧសភា ឆ្នាំ២០២៣ និង ASEAN Para Games: ចាប់ផ្តើមពីថ្ងៃទី០៣-០៩ ខែមិថុនា ឆ្នាំ២០២៣៕ អត្ថបទ៖ ពិសី

The post គ្រាន់តែទីតាំង២នេះ! ក្រសួងចំណាយរហូត៥០ម៉ឺនដុល្លារ ដើម្បីបំពាក់បំពាក់ Public WiFi  ត្រៀមសម្រាប់ស៊ីហ្គេម appeared first on .

លោក វង្សី វិស្សុត រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការប្រចាំការ ក្រសួងសេដ្ឋកិច្ច និងហិរញ្ញវត្ថុ នៅក្នុងវេទិកាសាធារណៈស្តីពីការគ្រប់គ្រងម៉ាក្រូសេដ្ឋកិច្ច និងច្បាប់ស្តីពីហិរញ្ញវត្ថុ សម្រាប់ការគ្រប់គ្រងឆ្នាំ២០២៣ នៅថ្ងៃទី២៥ ខែមករានេះ បានបញ្ជាក់ថា «ចំណាយលើការរៀបចំការប្រព្រឹត្តទៅរបស់ស៉ីហ្គេម និងអាស៊ានប៉ារ៉ាហ្គេម យើងគ្រោងចំណាយមិនតិចជាង ២០០លានដុល្លារទេ ទាំងការរៀបចំ ទាំងពេលធ្វើពិធីប្រកួត»។

បើតាមលោក វង្សី វិស្សុត ទឹកប្រាក់ប្រមាណ ២០០លានដុល្លារនេះ មិនរាប់បញ្ចូលលើការសាងសង់ពហុកីឡដ្ឋានមករតតេជោ ដែលជាជំនួយទាំងស្រុង ១០០% របស់មិត្តចិននោះទេ ហើយផ្ទះកីឡាសម្រាប់កីឡាករស្នាក់នៅ ក៏មិនរាប់បញ្ចូលដែរ ផ្ទះកីឡារជាការប្រើប្រាស់យន្តការភាពជាដៃគូរវាងរដ្ឋ និងឯកជន (Public-Private Partnerships Projects) រាជរដ្ឋាភិបាល មិនចំណាយថវិកានោះទេ។

សូមជម្រាបថា ការប្រកួតកីឡាស៊ីហ្គេមលើកទី៣២ នៅកម្ពុជា នឹងប្រព្រឹត្ដទៅ ចាប់ពីថ្ងៃទី០៥ ដល់ថ្ងៃទី១៧ ខែឧសភា ឆ្នាំ២០២៣។ រីឯការប្រកួតកីឡាអាស៊ានប៉ារ៉ាហ្គេម លើកទី១២ នៅកម្ពុជា ចាប់ផ្ដើមការប្រកួតពីថ្ងៃទី៣-០៩ ខែមិថុនា ឆ្នាំ២០២៣៕

The post ថវិកាជាង ២០០លានដុល្លារ កម្ពុជាគ្រោងចំណាយរៀបចំព្រឹត្តិការណ៍កីឡាស៊ីហ្គេម appeared first on .

ការលើកឡើងរបស់សម្តេចតេជោ ហ៊ុន សែន នាយករដ្ឋមន្ត្រី ធ្វើឡើងក្នុងពេលជួបសំណេះសំណាល និងផ្តល់អនុសាសន៍ ដល់កីឡាករ កីឡាការិនី និងអត្តពលិក ចំនួន៥៦០នាក់ មុនពេលពួកគេចេញទៅប្រកួតកីឡាស៊ីហ្គេម (SEA Game) លើកទី៣១ នៅប្រទេសវៀតណាម នាព្រឹកថ្ងៃទី២៨ ខែមេសា ឆ្នាំ២០២២នេះ។

សម្តេចតេជោ បានណែនាំដល់កីឡករ កីឡាការិនីទាំងអស់ត្រូវយកចិត្តទុកដាក់ប្រឹងប្រែងប្រកួត តែត្រូវចៀសវាងការបំពានច្បាប់ និងលក្ខខណ្ឌប្រកួត ក៏ដូចជាការប្រើប្រាស់សារធាតុប៉ូវកម្លាំងជាដើម។ សម្តេចបន្ថែមថា ទោះបីដាក់គោលដៅយកមេដាយឱ្យបានច្រើនក៏ដោយ តែមិនត្រូបំពានច្បាប់ បំពានវិន័យ និងការប្រើប្រាស់ថ្នាំប៉ូវ កម្លាំងជាដាច់ខាតដែលនាំឱ្យប៉ះពាល់សេចក្តីថ្លៃថ្នូររបស់ជាតិ។

ទន្ទឹមនឹងនោះ ប្រមុខរាជរដ្ឋាភិបាល ក៏បានកោតសរសើរចំពោះសមត្ថភាពកីឡាករ កីឡាការិនី និងគ្រូបង្វឹក ដែលបានខិតខំហ្វឹកហ្វឺនដល់កីឡាករទាំងអស់ទទួលបានជ័យជំនះជាបន្តបន្ទាប់។ ក្នុងឱកាសនៃការទៅចូលរួមប្រកួតកីឡា SEA Games នៅប្រទេសវៀតណាមខាងមុខ សម្តេចតេជោនាយករដ្ឋមន្ត្រី បានលើកទឹកចិត្តដល់កីឡាករ កីឡាការិនីទាំងអស់អោយខិតខំប្រឹងប្រែងដើម្បីទទួលបានជ័យជំនះបន្ថែមទៀត ។

ជាមួយគ្នានេះ ការចេញទៅប្រកួតលើកនេះសរុបទាំងអស់មានចំនួន៥៦០ នាក់ ដែលក្នុងនោះមានថ្នាក់ដឹកនាំប្រមាណជាង៤០នាក់ ដែលនេះចំនួនដ៏សមស្របមួយ ខណៈដែលសម្តេចក៏បានឧបត្ថម្ភលើកទឹកចិត្តដល់កីឡាករកីឡាការិនី និងគ្រូបង្វឹកចំនួន ៥៦០នាក់ ក្នុងម្នាក់ៗទទួលបាន $500 សម្រាប់ការធ្វើដំណើរផងដែរ៕

The post សម្តេចនាយករដ្ឋមន្រ្តីណែនាំកីឡាករ មិនត្រូវធ្វើអ្វីដែលនាំដល់ការអាប់ឱនកិត្តិយសជាតិនោះឡើយ appeared first on .

ក្នុងនោះ កម្ពុជា ក៏បានបញ្ចូនថ្នាក់ដឹកនាំ និងមន្ត្រីកីឡាចំនួន ៤៥នាក់, គ្រូបង្វឹក-គ្រូជំនួយចំនួន ៩៣នាក់, អាជ្ញាកណ្ដាលចៅក្រមអន្តរជាតិចំនួន ១៦នាក់, អ្នកដឹកនាំក្រុមចំនួន២២នាក់ និងក្រុមគ្រូពេទ្យចំនួន ២១នាក់។

ការប្រកួត SEA Games លើកទី៣១ នៅទីក្រុងហាណូយ ប្រទេសវៀតណាម បានរៀបចំប្រភេទកីឡាចំនួន ៤០ប្រភេទ និង ៥២៦វិញ្ញាសាប្រកួត។ ប្រទេសដែលបានចូលរួមប្រកួតជាសមាជិកសហព័ន្ធកីឡាអាស៊ីអាគ្នេយ៍មានចំនួន ១១ប្រទេស រួមមាន៖ វៀតណាម, កម្ពុជា, ឡាវ, ប្រ៊ុយណេ, ឥណ្ឌូណេស៊ី, ម៉ាឡេស៊ី, សិង្ហបុរី, ហ្វីលីពីន, ថៃ, មីយ៉ាន់ម៉ា និងទីម័រខាងកើត ដែលមានចំនួនកីឡាករ-កីឡាការិនីសរុប ៧,១១៥នាក់ និងអ្នកស្ម័គ្រចិត្តបម្រើការងាររៀបចំប្រកួត ៣,០០០នាក់។

ដោយឡែក សម្រាប់ការស្នាក់នៅហូបចុក ម្ចាស់ផ្ទះរៀបចំនៅតាមសណ្ឋាគារ បែងចែកតាមប្រភេទកីឡា។

ក្នុងនាមជាម្ចាស់ផ្ទះនៃព្រឹត្តិការណ៍កីឡាដ៏ធំបំផុតរបស់តំបន់អាស៊ានមួយនេះ វៀតណាម បានស្នើសុំកញ្ចប់ថវិកាដំបូង ប្រមាណ ៦៩,៣ លានដុល្លារ ដោយ ៤២,៣ លានដុល្លារ នឹងត្រូវប្រើប្រាស់ សម្រាប់ការចំណាយលើការរៀបចំ ខណ: ២៥,៩ លានដុល្លារផ្សេងទៀត នឹងត្រូវបែងចែកសម្រាប់ការធ្វើឱ្យប្រសើឡើង និងជួសជុលទៅលើហេដ្ឋារចនាសម្ព័ន្ធ សម្រាប់ការប្រកួត SEA Games នេះ ។

យ៉ាងណា ដោយសារតែជំងឺរាតត្បាតកូវីដ ១៩ ថវិការបស់វៀតណាម សម្រាប់ព្រឹត្តិការណ៍នេះ ត្រូវបានកាត់បន្ថយ ដោយនៅខែមករា ឆ្នាំ ២០២២ រដ្ឋាភិបាលវៀតណាម បានអនុម័តថវិការៀបចំ មកត្រឹមចំនួន ៣២,៨ លានដុល្លារវិញ។

ដោយឡែក នាថ្ងៃទី ១ ខែមេសាឆ្នាំ ២០២២ រដ្ឋាភិបាលវៀតណាម បានសម្រេចអនុម័តកញ្ចប់ថវិកាបន្ថែមចំនួន ១៦,៦៥ លានដុល្លារ សម្រាប់ការប្រកួត SEA Games ដោយទឹកប្រាក់នេះផងដែរ ត្រូវបានដកចេញពីថវិកាជាតិ សម្រាប់កីឡា និងការហ្វឹកហ្វឺនកាយសម្បទានៅឆ្នាំ ២០២២ ។

ជាមួយគ្នានេះ ក្រសួង និងទីភ្នាក់ងារកណ្តាល ចំនួន ៤ នឹងត្រូវបានផ្តល់ថវិកាចំនួន ៣៧៨,៣ ពាន់លានដុង ខណ:រដ្ឋបាលទីក្រុងហាណូយ និងខេត្តចំនួន ១១ ផ្សេងទៀត នឹងទទួលបានប្រាក់បន្ថែមចំនួន ៧០,៧ ពាន់លានដុង សម្រាប់រៀបចំព្រឹត្តិការណ៍នេះ ។

សូមជម្រាបថា SEA Games លើកទី ៣១ ដែលវៀតណាមធ្វើជាម្ចាស់ផ្ទះនេះ នឹងប្រ​ព្រឹត្តិ​ទៅ នៅទីក្រុងហាណូយ និង ១១ ខេត្តនៅជាប់នោះ ដែលគ្រោងនឹងចាប់ផ្តើមពីថ្ងៃទី ១២ ដល់ថ្ងៃទី ២៣ ខែឧសភា ឆ្នាំ ២០២២ នេះ ជាមួយនឹងប្រភេទកីឡាចំនួន ៤០ ដែលគ្របដណ្តប់ដោយ ៥២៦ ការប្រកួត និងត្រូវបានគេរំពឹងថាទាក់ទាញអ្នកចូលរួមប្រហែល ១០ ០០០ នាក់ ៕

The post កម្ពុជា បញ្ចូនកីឡាករ កីឡាការិនី និងអត្តពលិក ៥៦០នាក់ទៅយកពានប្រកួត SEA Games  នៅហាណូយ appeared first on .

លោក កែវ រតនៈ បញ្ជាក់ថា៖ «មិនខុសពីឆ្នាំនេះទេ នឹងមានការបុគគ្រឹះសាងសង់ មជ្ឈមណ្ឌលពហុកីឡាដ្ឋាន សម្តេចតេជោ នៅវាលយន្តហោះសម្តេចយសនេះហើយ។ បច្ចុប្បន្ននេះយើងបានដោះស្រាយបញ្ហាទំនាស់ដីធ្លី និងបានដោះស្រាយសំណងផលប៉ះពាល់បានរួចរាល់ហើយដែរ»។

លោកបន្តថា៖ «យើងក៏បានឈូសឆាយ ចាក់ដីរួចរាល់ និងបន្តធ្វើរបងឱ្យបានឆាប់បំផុត មុននឹងឈានដល់ការសាងសង់។ ទន្ទឹមនឹងនោះ ក្រុមការងារ ក៏បាននឹងកំពុងត្រៀមរៀបចំធ្វើផ្លូវក្រាលកៅស៊ូ ប្រវែងជិត៣គីឡូម៉ែត្រ នៅរ៉បនឹងទីតាំងពហុកីឡដ្ឋាននេះ តភ្ជាប់ពីផ្លូវជាតិលេខ៥ ឆ្ពោះទៅវត្តសម្តេចយស ដែលគម្រោងនេះ នឹងចាប់ដំណើរនៅអំឡុងខែកុម្ភៈនេះ»។

បើតាមលោក កែវ រតនៈ សំណង់ពហុកីឡដ្ឋាននេះ នឹងក្លាយជាពហុកីឡដ្ឋានដែលធំជាងគេបង្អស់ សម្រាប់ភូមិភាគ រាប់គិតចាប់ពីខេត្តកំពង់ឆ្នាំង រហូតដល់ខេត្តបាត់ដំបង។ គម្រោងពហុកីឡដ្ឋាននេះ នឹងត្រូវសាងសង់នៅលើផ្ទៃដីប្រមាណ២៥ហិកតា ស្ថិតក្នុងភូមិវាលវង់ ឃុំស្នាអន្សា ស្រុកក្រគរ ខេត្តពោធិ៍សាត់។

សូមបញ្ជាក់ថា ពហុកីឡដ្ឋាននេះសាងសង់ឡើង ដើម្បីអភិវឌ្ឍវិស័យកីឡារបស់កម្ពុជា និងមួយផ្នែកទៀត សម្រាប់កម្ពុជាឈានឆ្ពោះទៅធ្វើជាម្ចាស់ផ្ទះ រៀបចំការប្រកួតកីឡាតំបន់អាស៊ាន «Sea Game» នៅឆ្នាំ២០២៣។ ពហុកីឡាដ្ឋាននេះ រួមមានទីលានបាល់ទាត់ខ្នាតអន្តរជាតិ, ទីលានមហោស្រព, ទីលានបាល់ទះ, ទីលានបាល់បោះ, ទីលានរត់ប្រណាំង, ទីលានវាយសី, កន្លែងអង្គុយទស្សនា, កន្លែងហាត់ប្រាណ, ប្រព័ន្ធផ្លូវខ្វាត់ខ្វែង (៨ទៅ១០ម៉ែត្រ), វាលស្មៅ, កន្លែងក្មេងលេង, កន្លែងអង្គុយលេង, ស្រះទឹក និងកន្លែងចតរថយន្ត។ល៕

The post រដ្ឋាភិបាលកម្ពុជា សម្រេចឲ្យសាងសង់ពហុកីឡដ្ឋានតម្លៃខ្ទង់លានដុល្លារនៅខេត្តពោធិ៍សាត់ ខណៈបច្ចុប្បន្នកំពុងដោះស្រាយបញ្ហាទំនាស់ដីធ្លី appeared first on .

ក្លឹបបាល់ទាត់ដែលមានតម្លៃថ្លៃបំផុតនោះរួមមាន៖

១. ក្លឹប​អធិរាជស Real Madrid ថ្លៃជាង ១.២៧ ពាន់លានអឺរ៉ូ

២. ក្លឹបអ្នកមានបុណ្យ Barcelona មានតម្លៃ ១.២៦ ពាន់លានអឺរ៉ូ

៣. បិសាច​ក្រហម Manchester United តម្លៃ ១.១៣ ពាន់លានអឺរ៉ូ

៤.ក្លឹបមេឃខៀវ Manchester City តម្លៃ ១.១៩ ពាន់លានអឺរ៉ូ

៥.ក្លឹប Bayern Munich មានតម្លៃ ១.១៧ ពាន់លានអឺរ៉ូ 

៦. ក្លឹបហង្សក្រហម Liverpool ចំនួន ៩៧៣ លានអឺរ៉ូ 

៧.ក្លឹបអ្នកមានបារាំង Paris Saint-Germain តម្លៃ ៨៨៧ លានអឺរ៉ូ

៨.ក្លឹបតោខៀវ Chelsea តម្លៃ ៧៦៩ លានអឺរ៉ូ

៩. ក្រុមមាន់ខ្នាយមាស Tottenham Hotspur ៧២៣ លានអឺរ៉ូ

១០. ក្លឹបកាំភ្លើងធំ Arsenal តម្លៃប្រមាណ ៦៧៥ លានអឺរ៉ូ

The post ក្លឹបបាល់ទាត់ល្បីឈ្មោះទាំង ១០នេះ មានតម្លៃរាប់សិបលានដុល្លារអាមេរិក appeared first on .

ក្រៅពីជាឥស្សរជនដ៏ឆ្នើមក្នុងជួរកងកម្លាំង នាយឧត្តមសេនីយ៍ សៅ សុខា គឺជាបុគ្គលម្នាក់ដែលបានចូលរួមយ៉ាងសកម្មក្នុងការកែទម្រង់វិស័យកីឡាបាល់ទាត់នៅប្រទេសកម្ពុជា ក្នុងតួនាទីជាប្រធានសហព័ន្ធកីឡាបាល់ទាត់ រយៈពេលជាង១០ឆ្នាំកន្លងមក បានធ្វើឱ្យកីឡាបាល់ទាត់កម្ពុជា មានការរីកចម្រើនទាំងបរិមាណ និងគុណភាព ជាអាទិ៍សមត្ថភាពកីឡាករ គ្រូបង្វឹក មន្ត្រី អាជ្ញាកណ្តាល និងក្លិបបាល់ទាត់អាជីពនានា មានសមត្ថភាព និងមានលទ្ធភាពចូលរួមការប្រកួតប្រជែងជាលក្ខណៈតំបន់ និងអន្តរជាតិ ជាពិសេសនៅក្នុងការប្រកួតនាពេលកន្លងមក ការខិតខំប្រកួត និងបច្ចេកទេសលេងបាល់ របស់កីឡាករបាល់ទាត់កម្ពុជា បានទាក់ទាញទស្សនិកជន ឱ្យចូលរួមទស្សនាផ្ទាល់ និងទស្សនាតាមអនឡាញ ភ្លូកទឹកភ្លូកដី។ 

ក្រោមការដឹកនាំ របស់ឯកឧត្តមនាយឧត្តមសេនីយ៍ប្រធានសហព័ន្ធ ការលេងកីឡាបាល់ទាត់ មានសកម្មភាព យ៉ាងផុលផុសក្នុងស្រទាប់យុវវ័យ នៅគ្រប់ទីកន្លែងនៅកម្ពុជា។

តើ​នាយឧត្តមសេនីយ៍ សៅ សុខា ​មាន​ប្រវត្តិ​បែប​ណា? សូមតាមដានជាមួយឧកញ៉ាញូស៍ដូចតទៅ៖

អគ្គមេបញ្ជាការរងនៃកងយោធពលខេមរភូមិន្ទ និងមេបញ្ជាការកងរាជអាវុធហត្ថលើផ្ទៃប្រទេស លោក សៅ សុខា កើត​នៅ​ថ្ងៃទី១ ខែវិច្ឆិកា ឆ្នាំ ១៩៦១ នៅ​ខេត្ត​ស្វាយរៀង។ លោក​មាន​បងប្អូន​បង្កើត​ចំនួន ៥​នាក់ ប៉ុន្តែ​ត្រូវ​ទាហាន​ខ្មែរក្រហម​សម្លាប់​ទាំងអស់។

ថ្ងៃទី២១ ខែកក្កដា កាលពីឆ្នាំ ១៩៧៨ ពោល​គឺ​កាលពី ៤៣ឆ្នាំមុន ជា​ថ្ងៃ​ដែល​យុទ្ធជន សៅ សុខា ចូល​បម្រើក្នុងជួរកងទ័ព។ មុនបានដំណែងកំពូលក្នុងជួរកងកម្លាំងនៃក្រសួងការពារជាតិ លោកធ្លាប់មាន​ប្រវត្តិ​​ធ្វើ​ជំនួយការ​សម្តេចតេជោ​ ហ៊ុន សែន នាយករដ្ឋមន្រ្តី ក្នុង​អំឡុង​ទសវត្សរ៍​ឆ្នាំ​ ៧០​។

លោកត្រូវបានគេចាត់ថាជា អ្នកនារសារមេបញ្ជាការអង្គភាព៥៧៨ ក្រោយមកដោយសារការប្រតិបត្តិតួនាទី ភារកិច្ច មានការទទួលខុសត្រូវ ស្មោះត្រង់ សម្រេចកិច្ចការងារធំៗ ត្រូវបានតែងតាំងមុខដំណែងជាបន្តបន្ទាប់ ហើយក៏ត្រូវបានចាត់តាំងឱ្យទៅបណ្តុះបណ្តាលសិក្សានៅប្រទេសវៀតណាម ទៅសហភាពសូវៀត ផ្នែកវិទ្យាសាស្ត្រនយោបាយនិងរដ្ឋបាលសាធារណៈផងដែរ។ នេះបើតាមការអះអាងពីឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស នាពេលកន្លងទៅ។

លោក អេង ហុី ថា៖ «គាត់ជាប្រធានមន្ទីរយុវជនក្នុងកងទ័ព ស្នងការចាត់តាំង អគ្គស្នងការនយោបាយ នៃកងទ័ពប្រជាជនបដិវត្តន៍កម្ពុជា ពីឆ្នាំ១៩៨៣ ដល់ឆ្នាំ១៩៨៩។ ហើយពីឆ្នាំ១៩៩១ ដល់ឆ្នាំ១៩៩៣ គាត់ត្រូវបានប្រគល់មុខដំណែងដ៏សំខាន់មួយ ធ្វើកិច្ចការងារជាមួយបរទេស ចូលរួមអនុវត្តកិច្ចព្រមព្រៀងប៉ារីសស្តីពីកម្ពុជា គឺមានមុខតំណែងជាប្រធានក្រុមយោធាចម្រុះ ភាគីរដ្ឋកម្ពុជា ប្រចាំទិសខេត្តកំពង់ធំ»។

លោក សៅ សុខា ត្រូវ​បាន​ផ្ដល់​តំណែង​ឲ្យ​គ្រប់គ្រង កងរាជអាវុធហត្ថ​ដែល​ទើបបាន​បង្កើត​ឡើង កាលខែ​វិច្ឆិកា ឆ្នាំ១៩៩៣ ដល់ឆ្នាំ១៩៩៩ ជាមេបញ្ជាការរងកងរាជអាវុធហត្ថលើផ្ទៃប្រទេស និងត្រូវបានតែងតាំងជាមេបញ្ជាការកងរាជអាវុធហត្ថលើផ្ទៃប្រទេសមកដល់បច្ចុប្បន្ន និងជាសមាជិកគណៈអចិន្ត្រៃយ៍ គណៈកម្មាធិការកណ្តាល នៃគណបក្សប្រជាជនកម្ពុជា។

នាយឧត្តមសេនីយ៍ សៅ សុខា បានផ្តល់អនុសាសន៍ថា៖ តាមទស្សនៈរបស់ខ្ញុំផ្ទាល់ ចាត់ទុកឧបសគ្គគឺជាសាលារៀន ចាត់ទុកការលំបាកគឺជាឪកាស។ ខ្ញុំខ្លាចតែ ៣ចំណុចគឺ ១ ខ្លាចគ្មានឆន្ទៈ ២ ខ្លាចភាពខ្ជិលច្រអូស មិនតស៊ូ ខ្វះភាពព្យាយាម និងអំណត់អត់ធ្មត់ និង៣ ខ្លាចគ្មានសេចក្តីក្លាហាន៕

The post អតីតជំនួយការ​សម្តេចតេជោ​ ហ៊ុន សែន នាយឧត្តមសេនីយ៍ សៅ សុខា ជានរណា? appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ការ​ស្ថាបនា​ពហុកីឡដ្ឋាន​ជាតិបានចាប់​ផ្ដើម​នៅ​ឆ្នាំ ១៩៦២ ដើម្បី​ត្រៀម​ធ្វើ​ជា​ម្ចាស់​ផ្ទះ​ព្រឹត្តិការណ៍ កីឡា​ឧបទ្វីប​អាស៊ី​អាគ្នេយ៍ (បច្ចុប្បន្ន​បាន​​ប្ដូរ​ឈ្មោះ​ជា​​​កីឡា​អាស៊ី​អាគ្នេយ៍ ឬ ស៊ីហ្គេម (SEA Games)) នៅឆ្នាំ ១៩៦៣ ប៉ុន្តែ​ព្រឹត្តិការណ៍​នេះ​ត្រូវ​បាន​លុប​ចោល​ទៅ​វិញ​​​ដោយ​សារ​បញ្ហា​នយោបាយ​នៅ​កម្ពុជា។ ពិធី​សម្ពោធបាន​ធ្វើ​ឡើង​នៅ​ថ្ងៃ​ទី ១២ ធ្នូ ១៩៦៤ ដំនាល​គ្នា​នឹង បុរីកីឡា​ដែរ។ 

ចាប់​ពី​ឆ្នាំ​២០០៧ ពហុកីឡដ្ឋាន​ជាតិបានក្លាយជា​ទី​ចាប់​អារម្មណ៍​របស់​ប្រជា​ពលរដ្ឋ​​​ក្រុងភ្នំពេញ ដែល​តែង​តែ​មក​ហាត់​ប្រាណ ក៏​ដូច​ជា​មក​លេង​កីឡា​បាល់​ទាត់​ និង​​សកម្មភាព​កីឡា​ផ្សេង​ៗ​ទៀត​ជា​រៀង​រាល់​ថ្ងៃ។

សូមទស្សនារូបមុននិងបានពហុកីឡដ្ឋានជាតិអូឡាំពិក ស្អាតផូរផង់បែបនេះ៖

ប្រភពរូបភាព៖ https://web.facebook.com/dreamspacedesignstudio/?__tn__=-UC*F

The post មុននិងបានពហុកីឡាដ្ឋានជាតិអូឡាំពិកដ៏ល្បីល្បាញ ដែលមាន​លទ្ធភាព​ទទួល​ទស្សនិកជន​បាន​ប្រមាណ​៥ម៉ឺន​នាក់ appeared first on .