យោងតាមទិន្នន័យរបស់ FlightStats ជើងហោះហើរ CA121 បានចាកចេញពីអាកាសយានដ្ឋានរដ្ឋធានីប៉េកាំងនៅម៉ោង ៧:៥៨នាទី ព្រឹក (ម៉ោងនៅប្រទេសចិន) ហើយបានទៅដល់អាកាសយានដ្ឋានអន្តរជាតិ Sunan ទីក្រុងព្យុងយ៉ាងនៅម៉ោង ១០:៣៧នាទី ព្រឹក ។

យោងតាមគេហទំព័រទេសចរណ៍ Trip.com ក៏បានបង្ហាញឲ្យដឹងទៀតផងដែរថា យន្តហោះនេះគឺជាយន្តហោះប្រភេទ Boeing 737-700 ដែលមានសមត្ថភាពផ្ទុកអ្នកដំណើររហូតដល់ ១២៨ នាក់ ដោយក្នុងនោះមានតែអ្នកធ្វើដំណើរដែលមានអាជីវកម្ម ទៅសិក្សា ឬគោលបំណងពិសេសផ្សេងទៀតប៉ុណ្ណោះដែលអាចធ្វើដំណើរឆ្លងកាត់ព្រំដែននេះបាន។

ជម្រាបជូនផងដែរថា នៅមុនពេលមានការផ្អាក ដោយសារតែជំងឺរាតត្បាត នៅឆ្នាំ២០២០ ភ្ញៀវទេសចរចិន មានចំនួនភាគច្រើននៃភ្ញៀវទេសចរបរទេសដែលធ្វើដំណើរទៅកាន់ប្រទេសកូរ៉េខាងជើង ដោយក្នុងនោះមានចំនួនប្រមាណ ៣៥០ ០០០ នាក់ក្នុងឆ្នាំ២០១៩ និងផ្តល់ប្រាក់ចំណូលយ៉ាងច្រើនសម្រាប់ទីក្រុងព្យុងយ៉ាង៕​

The post អាកាសចរណ៍ចិន ចាប់ផ្តើមជើងហោះហើរត្រង់ទៅកាន់កូរ៉េខាងជើង ក្រោយផ្អាកអស់ ៦ឆ្នាំ appeared first on .

យោងតាមការចុះផ្សាយពីទីភ្នាក់ងារសារព័ត៌មានរដ្ឋកូរ៉េខាងជើង KCNA បានរាយការណ៍ថា លោកគីម ជុងអ៊ុន ត្រូវបានជ្រើសតាំងឡើងវិញជាប្រធានគណៈកម្មការកិច្ចការរដ្ឋ នៅថ្ងៃទី២២ ខែមីនា ក្នុងអំឡុងពេលសម័យប្រជុំលើកដំបូងនៃសភាប្រជាជនកំពូលលើកទី១៥ ដែលជាស្ថាប័នកំពូលបំផុតរបស់ប្រទេស។

គួរឲ្យដឹងថា គណៈកម្មការកិច្ចការរដ្ឋ គឺជាស្ថាប័នគ្រប់គ្រង និងធ្វើគោលនយោបាយខ្ពស់បំផុតរបស់កូរ៉េខាងជើង ដែលដឹកនាំដោយប្រមុខរដ្ឋ និងជាអគ្គមេបញ្ជាការកងកម្លាំងប្រដាប់អាវុធ។

មិនតែប៉ុណ្ណោះយោងតាម ​​KCNA បានបង្ហាញឲ្យដឹងទៀតថា ការសម្រេចចិត្តជ្រើសរើស លោក គីម ឲ្យឡើងធ្វើជាប្រមុខរដ្ឋរបស់ប្រទេសសារជាថ្មីនេះ បានឆ្លុះបញ្ចាំងពីឆន្ទៈ និងសេចក្តីប្រាថ្នារួមគ្នារបស់ប្រជាជនកូរ៉េខាងជើងទាំងអស់។

ជម្រាបជូនថា លោក គីម ជុងអ៊ុន ពីមុនត្រូវបានជ្រើសតាំងឡើងវិញជាអគ្គលេខាធិការនៃគណបក្សពលករ នៅក្នុងសមាជជាតិលើកទី៩ កាលពីខែកុម្ភៈ។ បន្ទាប់មកកូរ៉េខាងជើង បានធ្វើការបោះឆ្នោតសម្រាប់សភាថ្មីនៅថ្ងៃទី១៥ ខែមីនា។ ជាធម្មតា ស្ថាប័ននេះកោះប្រជុំបន្ទាប់ពីសមាជបក្សពលករ ដើម្បីរៀបចំសេចក្តីសម្រេចដែលបានធ្វើឡើង៕​

The post មិនធម្មតា! លោក គីម ជុងអ៊ុន ត្រូវរើសតាំងជាប្រធានាធិបតីកូរ៉េខាងជើងសារជាថ្មី appeared first on .

លោក Im Soo-ho អ្នកស្រាវជ្រាវជាន់ខ្ពស់នៅវិទ្យាស្ថានយុទ្ធសាស្ត្រ​សន្តិសុខជាតិ (INSS) ក្នុងប្រទេសកូរ៉េខាងត្បូង បានលើកឡើងថា ប្រសិនបើកូរ៉េខាងជើងប្រមូលប្រាក់ពេញលេញសម្រាប់ការដាក់ពង្រាយកងទ័ព និងការនាំចេញអាវុធរបស់ខ្លួន ផលប៉ះពាល់សេដ្ឋកិច្ចដ៏សំខាន់នៃទណ្ឌកម្ម ដែលជាការកាត់បន្ថយប្រាក់ចំណូលរូបិយប័ណ្ណរឹង ត្រូវបានគេរំពឹងថានឹងត្រូវបានធ្វើឲ្យខូចខាតទាំងស្រុង។

តាមការវិភាគ ទីក្រុងព្យុងយ៉ាងក៏បានបញ្ជូនកងទ័ពទៅដាក់ពង្រាយចំនួន៤ដងចាប់តាំងពីខែតុលា ឆ្នាំ ២០២៤ ដែលពាក់ព័ន្ធនឹងទាហានកូរ៉េខាងជើងជាង ២ម៉ឺននាក់។ សូម្បីតែមុនពេលដាក់ពង្រាយកងទ័ពក៏ដោយ កូរ៉េខាងជើងត្រូវបានគេប្រទះឃើញដឹកជញ្ជូនអាវុធផ្សេងៗទៅកាន់ប្រទេសរុស្ស៊ី តាមរយៈរូបថតផ្កាយរណបផងដែរ។

ចាប់ពីខែសីហា ឆ្នាំ២០២៣ ដល់ខែធ្នូ ឆ្នាំមុន កូរ៉េខាងជើង ត្រូវគេប៉ាន់ប្រមាណថា អាចរកបានប្រាក់ចំណូលចន្លោះពី ៧,៦៧ពាន់លានដុល្លារ ទៅ ១៤,៤ពាន់លានដុល្លារ ជារូបិយប័ណ្ណរឹង។

ប្រាក់ចំណូលដោយផ្ទាល់ពីការដាក់ពង្រាយកងទ័ព រួមទាំងប្រាក់ឈ្នួលទាហាន និងសំណងមរណភាព ត្រូវបានប៉ាន់ប្រមាណថា មានចំនួន ៦២០លានដុល្លារ។ របាយការណ៍នេះព្យាករទៀតថា កូរ៉េខាងជើងនឹងរកបានប្រាក់ចំណូល ៥៦០លានដុល្លារជារៀងរាល់ឆ្នាំ ពីការដាក់ពង្រាយកងទ័ពតែមួយគត់ ប្រសិនបើស្ថានភាពបច្ចុប្បន្ននៅតែបន្ត។ ប៉ុន្តែសំណងជាក់ស្តែងដែលទីក្រុងព្យុងយ៉ាងបញ្ជាក់ថាទទួលបាន អាចមានប្រហែល ៤ ទៅ ១៩,៦ភាគរយ នៃប្រាក់ចំណូលសរុបដែលបានព្យាករណ៍របស់ខ្លួន៕

The post កូរ៉េខាងជើងបានលុយ​រាប់ពាន់លានដុល្លារ ពីការ​បញ្ជូន​ទ័ព​ទៅ​សង្គ្រាមរុស្ស៊ី-អ៊ុយក្រែន appeared first on .

យោងតាមគេហទំព័ររបស់ក្រុមហ៊ុនអាកាសចរណ៍ចិន ដែលគ្រប់គ្រងដោយរដ្ឋ បានបង្ហាញឲ្យដឹងថាជើងហោះហើរពីរដ្ឋធានីប៉េកាំង ទៅកាន់ទីក្រុងព្យុងយ៉ាង រដ្ឋធានីរបស់កូរ៉េខាងជើង នឹងដំណើរការរៀងរាល់ថ្ងៃច័ន្ទ រហូតដល់ថ្ងៃទី១៨ ខែឧសភា ហើយនឹងត្រូវកាត់បន្ថយមកនៅត្រឹមតែពីរជើង ក្នុងមួយខែវិញ ចាប់ពីខែមិថុនា។

គួរឲ្យដឹងថា នៅឆ្នាំ២០២០ ជាមួយនឹងការចាប់ផ្តើមនៃជំងឺរាតត្បាតកូវីដ កូរ៉េខាងជើង បានហាមឃាត់អ្នកទេសចរ បញ្ជូនអ្នកការទូតចេញ និងកាត់បន្ថយចរាចរណ៍ព្រំដែនយ៉ាងខ្លាំងក្លា ដែលត្រូវបានចាត់ទុកថាការរឹតបន្តឹងកូវីដដ៏តឹងរ៉ឹងបំផុតមួយរបស់ពិភពលោក។

យ៉ាងណាមិញ នៅពីរឆ្នាំក្រោយមក ទីក្រុងព្យុងយ៉ាង បានចាប់ផ្តើមបន្ធូរបន្ថយការរឹតបន្តឹង និងបើកព្រំដែនរបស់ខ្លួនឡើងវិញបន្តិចម្តងៗ ដោយនៅឆ្នាំ២០២៣ ក្រុមហ៊ុនអាកាសចរណ៍ Air Koryo របស់កូរ៉េខាងជើងបានបន្តជើងហោះហើររវាងរដ្ឋធានីនៃប្រទេសទាំងពីរឡើងវិញ។

នៅខែកុម្ភៈ ឆ្នាំ២០២៤ កូរ៉េខាងជើង ក៏បានទទួលយកអ្នកទេសចររុស្ស៊ីមួយចំនួនសម្រាប់ការទស្សនាកម្សាន្តផងដែរ និងត្រូវបានចាត់ទុកជាជនជាតិបរទេសដំបូងគេដែលបានមកទស្សនាប្រទេសនេះ។ ក្រោយមក កូរ៉េខាងជើង ក៏បានចាប់ផ្តើមស្វាគមន៍អ្នកទេសចរផ្សេងទៀតផងដែរ៕​

The post ក្រុមហ៊ុនអាកាសចរណ៍ចិន នឹងបន្តជើងហោះហើរត្រង់ទៅកាន់ប្រទេសកូរ៉េខាងជើងឡើងវិញ appeared first on .

ការបាញ់សាកល្បងមីស៊ីលរបស់របបក្រុងព្យុងយ៉ាង ធ្វើឡើងតែប៉ុន្មានម៉ោងប៉ុណ្ណោះ ក្រោយពីនាយករដ្ឋមន្ត្រីកូរ៉េខាងត្បូង បានធ្វើដំណើរទៅដល់សហរដ្ឋអាម៉េរិក។

បើផ្អែកតាមក្រសួងការពារជាតិកូរ៉េខាងត្បូង កូរ៉េខាងជើងបានបាញ់មីស៊ីលបាលីស្ទិកចំនួនប្រមាណ ១០គ្រាប់ នៅម៉ោង ១និង២០នាទី រសៀល ចេញពីទីក្រុងស៊ូណាន ដែលស្ថិតនៅភាគពាយ័ព្យនៃទីក្រុងព្យុងយ៉ាង។ សេនាធិការដ្ឋានកងទ័ពកូរ៉េខាងត្បូងបានបញ្ជាក់ថា មីស៊ីលបាលីស្ទិករបស់កូរ៉េខាងជើងហោះចម្ងាយប្រមាណ ៣៥០គីឡូម៉ែត សំដៅទៅសមុទ្រជប៉ុន។

បច្ចុប្បន្ន រដ្ឋាភិបាលក្រុងសេអ៊ូល និងវ៉ាស៊ីនតោន កំពុងស៊ើបអង្កេតពាក់ព័ន្ធនឹងមីស៊ីលបាលីស្ទិករបស់កូរ៉េខាងជើង។ ប្រភពដដែលបានឲ្យទៀតថា កងទ័ពកូរ៉េខាងត្បូងបានត្រៀមខ្លួនរួ​ចរាល់ ដើម្បីវាយបកវិញ ប្រសិនបើមានការគំរាមកំហែងណាមួយ។

ជាមួយគ្នានេះ ការបាញ់មីស៊ីលរបស់របបក្រុងព្យុងយ៉ាង ធ្វើឡើងតែប៉ុន្មានម៉ោងប៉ុណ្ណោះ ក្រោយពីនាយករដ្ឋមន្រ្តីកូរ៉េខាងត្បូង លោក Kim Min-seok បានធ្វើដំណើរទៅដល់ក្រុងវ៉ាស៊ីនតោន ដើម្បីជួបប្រធានាធិបតីអាម៉េរិកលោក ដូណាល់ ត្រាំ។

ដោយឡែក ជប៉ុនបានសម្តែងការព្រួយបារម្ភយ៉ាងខ្លាំង ចំពោះការបាញ់សាកល្បងមីស៊ីលបាលីស្ទិករបស់កូរ៉េខាងជើង​ ដែលបានបង្កផលប៉ះពាល់ដល់ស្ថិរភាព នៅក្នុងតំបន់។ បើយោងតាមរដ្ឋមន្រ្តីការពារជាតិជប៉ុន លោក Shinjirō Koizumi រដ្ឋាភិបាលក្រុងតូក្យូកំពុងតែដុតដៃដុតជើងប្រមូលព័ត៌មាន ពាក់ព័ន្ធនឹងបញ្ហានេះ និងត្រៀមខ្លួនទប់ទល់រាល់ការគំរាមកំហែងរបស់របបព្យុងយ៉ាងផងដែរ។

គួរជ្រាបថា កាលពីថ្ងៃទី១០មីនា កន្លងទៅ ប្អូនស្រីដ៏មានឥទ្ធិពលរបស់ប្រមុខដឹកនាំកូរ៉េខាងជើង លោកស្រី គីម យ៉ូជុង បានព្រមានកូរ៉េខាងត្បូង និងអាម៉េរិក កុំឲ្យធ្វើសមយុទ្ធយោធា​ ដែលចាប់ផ្តើម ពីថ្ងៃទី៩ ដល់ថ្ងៃ១៩ មីនា អំឡុងពេលដែលសង្រ្គាមកំពុងរីករាលដាល នៅមជ្ឈិមបូព៌ា។ លោកស្រី គីម យ៉ូជុង បានសង្កត់ធ្ងន់ថា សមយុទ្ធយោធារបស់ប្រទេសទាំងពីរបានបង្កអស្ថរិភាព នៅក្នុងតំបន់ ព្រមទាំងបានគំរាមកំហែង ដល់បូរណភាពទឹកដីរបស់កូរ៉េខាងជើង។ ប្អូនស្រីលោក គីម ជុងអ៊ុន បានព្រមានកូរ៉េខាងត្បូង និងអាម៉េរិកថា ការអត់ធ្មត់របស់ព្យុងយ៉ាងមានដែនកំណត់ ហើយកុំចង់សាកនឹងសមត្ថភាពយោធារបស់កូរ៉េខាងជើង ឲ្យសោះ។ ការគំរាមកំហែងណាមួយដល់អធិបតេយ្យភាព និងបូរណភាពទឹកដីរបស់កូរ៉េខាងជើង នឹងរងវិនាសកម្មធ្ងន់ធ្ងរ ដែលមិនធ្លាប់មានពីមុនមក៕

The post កូរ៉េខាងជើង បាញ់មីស៊ីលបាលីស្ទិកជាច្រើនគ្រាប់ អំឡុងពេលសមយុទ្ធយោធាកូរ៉េខាងត្បូង-អាម៉េរិក appeared first on .

យ៉ាងណាមិញ នេះជាការបន្តសេវាកម្មរថភ្លើងដឹកអ្នកដំណើរឡើងវិញរវាងប្រទេសទាំងពីរ បន្ទាប់ត្រូវបានផ្អាក ចាប់តាំងពីមានការរីករាលដាលនៃជំងឺរាតត្បាតកូវីដ-១៩ ក្នុងឆ្នាំ២០២០ មក។

គួរឲ្យដឹងថា សំបុត្រសម្រាប់ការធ្វើដំណើរ ដែលត្រូវបានកំណត់ចំពោះអ្នកធ្វើដំណើរដែលមានទិដ្ឋាការអាជីវកម្ម ត្រូវបានទិញដោយសហគ្រិន មន្ត្រីរដ្ឋាភិបាល និងអ្នកយកព័ត៌មានប៉ុណ្ណោះ ខណៈពេលដែលកូរ៉េខាងជើងនៅបន្តរឹតបន្តឹងខ្លាំងសម្រាប់អ្នកទេសចរភាគច្រើន។នេះបើយោងតាមការិយាល័យលក់សំបុត្រទីក្រុងប៉េកាំង។

អាជ្ញាធរផ្លូវដែកចិន បាននិយាយនៅក្នុងសេចក្តីជូនដំណឹងមួយថា រថភ្លើងប៉េកាំង-ព្យុងយ៉ាង នឹងដំណើរការបួនដងក្នុងមួយសប្តាហ៍ ក្នុងទិសដៅទាំងពីរ គឺថ្ងៃច័ន្ទ ថ្ងៃពុធ ថ្ងៃព្រហស្បតិ៍ និងថ្ងៃសៅរ៍ ខណៈដែលរថភ្លើងពីខេត្តដានដុង ទៅព្យុងយ៉ាង នឹងដំណើរការជារៀងរាល់ថ្ងៃ។

ជម្រាបជូនថា យោងតាមភ្នាក់ងារទេសចរណ៍ដែលរៀបចំដំណើរកម្សាន្តទៅកាន់ប្រទេសនេះ កូរ៉េខាងជើងនៅតែបិទទ្វារចំពោះទេសចរណ៍បរទេសភាគច្រើន ដោយមានករណីលើកលែង សម្រាប់តែក្រុមទេសចរណ៍រុស្ស៊ី ដែលស្ថិតនៅក្រោមការរៀបចំមានកម្រិតតែប៉ុណ្ណោះ៕

​

The post កូរ៉េខាងជើង និងចិន តភ្ជាប់សេវាកម្មរថភ្លើងដឹកអ្នកដំណើរឡើងវិញ ក្រោយផ្អាកអស់ ៦ឆ្នាំ appeared first on .

សេវាចរកម្មជាតិ (NIS) នៃប្រទេសកូរ៉េខាងត្បូង បានរាយការណ៍ទៅកាន់សមាជិកសភាក្នុងអំឡុងសម័យប្រជុំបិទទ្វារនៃរដ្ឋសភាកូរ៉េ នៅថ្ងៃទី១២ ខែកុម្ភៈថា ខ្លួនបានឈានដល់ការវាយតម្លៃបែបនេះ បន្ទាប់ពីមានការពិចារណាលើកត្តាមួយចំនួន រួមទាំងវត្តមានដ៏លេចធ្លោកាន់តែខ្លាំងឡើងរបស់អ្នកនាង ជូអេ នៅក្នុងព្រឹត្តិការណ៍ផ្លូវការនានា។

មិនតែប៉ុណ្ណោះ ដោយថ្លែងទៅកាន់ប្រព័ន្ធផ្សព្វផ្សាយ បន្ទាប់ពីកិច្ចប្រជុំនេះ សមាជិកសភា លោក Lee Seong-Kwen បាននិយាយថា ៖” អ្នកនាង ជូអេ បានបង្ហាញខ្លួននៅក្នុងព្រឹត្តិការណ៍ជាច្រើន រួមទាំងខួបនៃការបង្កើតកងទ័ពកូរ៉េខាងជើង និងដំណើរទស្សនកិច្ចទៅកាន់រោងចក្រថាមពលព្រះអាទិត្យ Kumsusan។ ហើយក្នុងនោះ NIS ក៏បានកត់សម្គាល់ឃើញថា អ្នកនាង ជូអេ ក៏បានផ្តល់យោបល់លើគោលនយោបាយរដ្ឋមួយ ផងដែរ”។

ទន្ទឹមនឹងនេះ NIS បាននិយាយទៀតថា ខ្លួននឹងបន្តតាមដានយ៉ាងដិតដល់ថាតើអ្នកនាង ជូអេ នឹងចូលរួមសមាជគណបក្សពលករកូរ៉ែខាងជើងនៅចុងខែនេះឬអត់។ នេះគឺជាព្រឹត្តិការណ៍នយោបាយដ៏ធំបំផុតរបស់ប្រទេស ដែលប្រារព្ធឡើងរៀងរាល់ប្រាំឆ្នាំម្តង ជាកន្លែងដែលទីក្រុងព្យុងយ៉ាងប្រកាសពីអាទិភាពគោលនយោបាយរបស់ខ្លួនសម្រាប់រយៈពេលប្រាំឆ្នាំខាងមុខ៕​

The post ចារកម្មកូរ៉េខាងត្បូងនិយាយថា លោក គីម ជុងអ៊ុន បានជ្រើសរើសអ្នកស្នងតំណែងរបស់ខ្លួនរួចរាល់ហើយ appeared first on .

នៅក្នុងការបង្ហោះសារមួយនៅលើបណ្តាញសង្គម LinkedIn លោក Stephen Schmidt ប្រធានផ្នែកសន្តិសុខរបស់ក្រុមហ៊ុន Amazon បាននិយាយកាលពីសប្តាហ៍មុនថា កម្មករកូរ៉េខាងជើងបាន ព្យាយាមស្វែងរកការងារផ្នែកព័ត៌មានវិទ្យាពីចម្ងាយជាមួយក្រុមហ៊ុននានាទូទាំងពិភពលោក ជាពិសេសនៅសហរដ្ឋអាមេរិក។

លោក Stephen បានបន្តទៀតថា នៅក្នុនងនោះ Amazon បានមើលឃើញពីការកើនឡើងជិតមួយភាគបីនៃការដាក់ពាក្យសុំការងារ ដោយជនជាតិកូរ៉េខាងត្បូង នៅរយៈពេលមួយឆ្នាំចុងក្រោយនេះ។

មិនតែប៉ុណ្ណោះ​ ប្រធានផ្នែកសន្តិសុខរូបនេះ​ បានបង្ហាញឲ្យដឹងថា ភាគច្រើននៃអត្តសញ្ញាណកម្មករកូរ៉េខាងជើង ដែលបានដាក់ពាក្យសុំចូលរួមជាមួយក្រុមហ៊ុន រួមមានលេខទូរស័ព្ទដែលមានទម្រង់ខុស និងលិខិតបញ្ជាក់ការសិក្សាមិនច្បាស់លាស់។

ជម្រាបជូនផងដែរថា កាលពីខែកក្កដា ស្ត្រីម្នាក់នៅរដ្ឋអារីហ្សូណាត្រូវបានកាត់ទោសឱ្យជាប់ពន្ធនាគារជាងប្រាំបីឆ្នាំ ពីបទដំណើរការកសិដ្ឋានកុំព្យូទ័រយួរដៃមួយ ដែលជួយបុគ្គលិកផ្នែកព័ត៌មានវិទ្យារបស់កូរ៉េខាងជើង ទទួលធ្វើការងារពីចម្ងាយនៅក្រុមហ៊ុនអាមេរិក ប្រមាណជាង ៣០០ នាក់៕​

The post ក្រុមហ៊ុន Amazon រារាំងជនជាតិកូរ៉េខាងជើងជិត ២ ពាន់នាក់ ពីការដាក់ពាក្យសុំការងារ appeared first on .

ប្រភពដដែលនេះ បានបង្ហាញថាការនាំចេញទៅកាន់ប្រទេសកូរ៉េខាងជើង បានកើនឡើងដល់ ២២៨,១លានដុល្លារ កាលពីខែមុន ពោលគឺកើនឡើង ៣០,៧៥% ។

គួរឲ្យដឹងផងដែរថា ចំពោះទំនិញសំខាន់ៗដែលចិនបាននាំចេញទៅកាន់ប្រទេសផ្តាច់ការមួយនេះ នៅក្នុងខែកញ្ញា រួមមានប្រេងសណ្តែកសៀង សក់ពាក់ក្លែងក្លាយ រោមចៀមសម្រាប់ធ្វើសក់ ប្រេងកៅស៊ូ និងស្ករគ្រាប់ជាដើម។

ជម្រាបជូនថា ចិននៅតែជាដៃគូពាណិជ្ជកម្មដ៏សំខាន់បំផុតរបស់កូរ៉េខាងជើង និងជាខ្សែជីវិតសេដ្ឋកិច្ចសម្រាប់ប្រទេសដ៏ឯកោនេះ ដែលត្រូវរងនូវទណ្ឌកម្មអន្តរជាតិ ចំពោះកម្មវិធីអាវុធនុយក្លេអ៊ែររបស់ខ្លួន៕​

The post ការនាំចេញទំនិញរបស់ចិន ទៅកាន់ប្រទេសកូរ៉េខាងជើងហក់ឡើងខ្ពស់ខ្លាំង ក្នុងខែកញ្ញា appeared first on .

យោងតាមទីភ្នាក់ងារសារព័ត៌មានកណ្តាលកូរ៉េ (KCNA) បានរាយការណ៍ថា មេដឹកនាំកូរ៉េខាងជើង លោក គីម បានចាកចេញពីស្ថានីយ៍ទីក្រុងព្យុងយ៉ាង កាលពីថ្ងៃទី១ ខែកញ្ញា ដោយធ្វើដំណើរទៅកាន់ប្រទេសចិន ដើម្បីចូលរួមពិធីក្បួនព្យុហយាត្រាយោធាអបអរសាទរជ័យជម្នះលើរបបហ្វាស៊ីសនិយម ជាមួយប្រធានាធិបតីចិន លោក ស៊ី ជិនពីង ប្រធានាធិបតីរុស្ស៊ី លោក វ៉្លាឌីមៀ​ ពូទីន និងមេដឹកនាំពិភពលោកចំនួន ២៤ ប្រទេសផ្សេងទៀត។

គួរឲ្យដឹងថា នេះជាលើកដំបូងហើយដែលលោក​ គីម បានចូលរួមនៅក្នុងព្រឹត្តិការណ៍ពហុភាគីដ៏សំខាន់បែបនេះ ពោលគឺចាប់តាំងពីលោកឡើងកាន់អំណាចមក ហើយវាក៏ជាលើកទី១ដែរ ដែលលោក និងមេដឹកនាំរុស្ស៊ី ចិន បានជួបគ្នានៅទីតាំងតែមួយ។

យោងតាម ​​KCNA បានរាយការណ៍ទៀតថា លោក គីម ត្រូវបានអមដំណើរដោយមន្ត្រីជាន់ខ្ពស់ រួមទាំងរដ្ឋមន្ត្រីការបរទេសកូរ៉េខាងជើង លោក Choe Son-hui ផងដែរ។ យ៉ាងណាក៏ដោយ រដ្ឋាភិបាលទីក្រុងព្យុងយ៉ាង ទីក្រុងប៉េកាំង និងទីក្រុងមូស្គូ ហាក់នៅមិនបានបញ្ជាក់ពីលទ្ធភាពនៃការរៀបចំកិច្ចប្រជុំរវាងមេដឹកនាំទាំងបីនៅក្រៅព្រឹត្តិការណ៍នេះ នៅឡើយនោះទេ៕

The post មេដឹកនាំកូរ៉េខាងជើង ជិះរថភ្លើងពាសដែក ទៅចូលរួមក្បួនយោធានៅទីក្រុងប៉េកាំង appeared first on .