លោកស្រី Takaichi បាននិយាយថា លោកស្រី និងប្រធានាធិបតីកូរ៉េខាងត្បូង លោក Lee Jae Myung បានគូសបញ្ជាក់ពីក្របខ័ណ្ឌមួយដើម្បីជំរុញស្តុកថាមពលនៅក្នុងតំបន់អាស៊ីប៉ាស៊ីហ្វិក ហើយនឹងធ្វើការឆ្ពោះទៅរកការបង្កើនសន្តិសុខថាមពល សម្រាប់ទាំងប្រទេសជប៉ុន និងកូរ៉េខាងត្បូង។

ថ្លែងប្រាប់សន្និសីទសារព័ត៌មានរួមគ្នាបន្ទាប់ពីជួបជាមួយលោក Lee នាយករដ្ឋមន្ត្រីជប៉ុនរូបនេះ បានបន្ថែមថា ដោយសារស្ថានភាពអន្តរជាតិបច្ចុប្បន្ន កិច្ចសហប្រតិបត្តិការរវាងជប៉ុន និងកូរ៉េខាងត្បូងលើខ្សែសង្វាក់ផ្គត់ផ្គង់ រួមទាំងខ្សែសង្វាក់ផ្គត់ផ្គង់សម្រាប់រ៉ែសំខាន់ៗ គឺមានសារៈសំខាន់ខ្លាំង។

គួរឲ្យដឹងថា ប្រទេសជប៉ុន ពឹងផ្អែកលើតំបន់មជ្ឈិមបូព៌ាសម្រាប់ការនាំចូលប្រេងប្រហែល ៩៥% របស់ខ្លួន ខណៈដែលកូរ៉េខាងត្បូងទទួលបានប្រេងឆៅប្រហែល ៧០% ពីតំបន់នេះ។

យ៉ាងណាមិញ ជុំវិញការបិទច្រកសមុទ្រ Hormuz ដ៏សំខាន់របស់អ៊ីរ៉ង់ ដើម្បីសងសឹកចំពោះការវាយប្រហាររបស់សហរដ្ឋអាមេរិក-អ៊ីស្រាអែលលើទីក្រុងតេអេរ៉ង់ បានធ្វើឱ្យទីផ្សារថាមពលសកលមានភាពរង្គោះរង្គើយ៉ាងខ្លាំង។

ទន្ទឹមនឹងនេះ​លោក Lee Jae Myung បានលើកឡើងទៀតថា ក្រៅតែវិស័យថាមពល ប្រទេសទាំងពីរក៏បានពិភាក្សាអំពីកិច្ចសហប្រតិបត្តិការលើបច្ចេកវិទ្យាទាក់ទងនឹងការរុករកអវកាស និងសុខភាពជីវសាស្ត្រ ក្នុងចំណោមបញ្ហាផ្សេងៗទៀតផងដែរ៕​

The post ជប៉ុន និងកូរ៉េខាងត្បូង ចាប់ដៃគ្នាជំរុញកិច្ចសហប្រតិបត្តិការលើវិស័យថាមពល ចំពេលមានសង្គ្រាមមជ្ឈិមបូព៌ា appeared first on .

លោក Lee Jae-yong ប្រធានប្រតិបត្តិរបស់ក្រុមហ៊ុន Samsung Electronics ឥឡូវនេះ បានក្លាយអ្នកមានបំផុតរបស់ប្រទេសនេះ ដែលមានទ្រព្យសម្បត្តិសរុបចំនួន ៣៤ពាន់លានដុល្លារ។

ចំណែកឯប្អូនស្រីៗពីរនាក់ទៀតរបស់លោក គឺលោកស្រី Lee Boo-jin និងលោកស្រី Lee Seo-hyun រួមជាមួយម្តាយរបស់ពួកគេ គឺលោកស្រី Hong Ra-hee បានជាប់ចំណាត់ថ្នាក់លេខពីរ លេខបី និងលេខបួន ក្នុងបញ្ជីអ្នកមានដាច់គេរបស់ប្រទេស។

លោកស្រី Lee Boo-jin ដែលជាប្រធាន និងជានាយកប្រតិបត្តិនៃសណ្ឋាគារ Hotel Shilla មានទ្រព្យសម្បត្តិសរុប ១២,៤ពាន់លានដុល្លារ ខណៈលោកស្រី Lee Seo-hyun ជាប្រធានផ្នែកផែនការយុទ្ធសាស្ត្រនៅក្រុមហ៊ុន Samsung C&T មានទ្រព្យសម្បត្តិចំនួន ១២ពាន់លានដុល្លារ ខណៈដែលលោកស្រី Hong Ra-hee មានទ្រព្យសម្បត្តិចំនួន ១១,២ពាន់លានដុល្លារ។

ជម្រាបជូនថា Samsung Electronics គឺជាក្រុមហ៊ុនផលិតបន្ទះឈីបអង្គចងចាំធំជាងគេបំផុតរបស់ពិភពលោក ខណៈផលិតផល HBM របស់ខ្លួនផ្គត់ផ្គង់ដល់ក្រុមហ៊ុនផលិតបន្ទះឈីប AI ធំៗ រួមទាំង Nvidia, AMD និង Alphabet។ កាលពីសប្តាហ៍មុន តម្លៃមូលធនទីផ្សាររបស់ក្រុមហ៊ុននេះ បានឈានដល់ ១ទ្រីលានដុល្លារ ដែលធ្វើឲ្យពួកគេក្លាយជាក្រុមហ៊ុនអាស៊ីទីពីរបន្ទាប់ពីក្រុមហ៊ុន TSMC របស់តៃវ៉ាន់ ដែលឈានដល់កម្រិតតម្លៃទីផ្សារខ្ពស់បែបនេះ៕​

The post សមាជិក ៤រូបនៃគ្រួសារស្ថាបនិកក្រុមហ៊ុន Samsung ក្តាប់តំណែងអ្នកមានបំផុត នៅកូរ៉េខាងត្បូង appeared first on .

នៅពេលបើកវគ្គជួញដូរ នៅថ្ងៃទី៦ ខែឧសភា ភាគហ៊ុនរបស់ក្រុមហ៊ុន Samsung Electronics បានកើនឡើង ១២% ដែលជំរុញឲ្យតម្លៃមូលធនទីផ្សាររបស់ពួកគេ កើនឡើងដល់ ១,៦៥ទ្រីលានវ៉ុន (១,១ទ្រីលានដុល្លារ។ ពួកគេគឺជាក្រុមហ៊ុនអាស៊ីទីពីរ បន្ទាប់ពីក្រុមហ៊ុនផលិតបន្ទះឈីប TSMC ដែលឈានដល់តម្លៃទីផ្សារដ៏ខ្ពស់បែបនេះ។

បច្ចុប្បន្នក្រុមហ៊ុន Samsung Electronics គឺជាក្រុមហ៊ុនផលិតបន្ទះឈីបអង្គចងចាំធំជាងគេបំផុតរបស់ពិភពលោក។ ការកើនឡើងនៃតម្រូវការសម្រាប់បន្ទះឈីបដែលប្រើក្នុងបញ្ញាសិប្បនិម្មិតបានជួយឲ្យតម្លៃភាគហ៊ុនរបស់ក្រុមហ៊ុនខ្នាតយក្សកូរ៉េខាងត្បូងមួយនេះ កើនឡើងបួនដង ក្នុងរយៈពេលមួយឆ្នាំកន្លងមក។

គួរជម្រាបជូនថា អាស៊ីគឺជាមូលដ្ឋានគ្រឹះនៃប្រព័ន្ធអេកូឡូស៊ី AI សកល ដោយរួមបញ្ចូលគ្នានូវភាពលេចធ្លោក្នុងការផលិតបន្ទះឈីប ជាមួយនឹងការពង្រីកហេដ្ឋារចនាសម្ព័ន្ធទិន្នន័យ។ ភាគហ៊ុនរបស់ក្រុមហ៊ុន SK Hynix និង TSMC ក៏បានឈានដល់កម្រិតខ្ពស់បំផុតក្នុងខែនេះផងដែរ ខណៈពេលដែលវិនិយោគិន កំពុងដាក់ក្តីរំពឹងកាន់តែច្រើនលើការអភិវឌ្ឍសម្រាប់បន្ទះឈីបទំនើប៕​

The post Samsung Electronics ក្លាយជាក្រុមហ៊ុនមានមូលធនទីផ្សារដល់ ១ទ្រីលានដុល្លារជាលើកដំបូង appeared first on .

ក្រុមហ៊ុនផលិតរថយន្តធំជាងគេទីពីររបស់ប្រទេសជប៉ុន បាននិយាយនៅក្នុងសេចក្តីថ្លែងការណ៍មួយថា ពួកគេនឹងឈប់ផ្តល់ជូនរថយន្តម៉ូដែល Accord និង CR-V នៅក្នុងប្រទេសកូរ៉េខាងត្បូង ជាកន្លែងដែលក្រុមហ៊ុនបានចាប់ផ្តើមប្រតិបត្តិការលក់ដំបូងនៅក្នុងឆ្នាំ២០០៤។

ប៉ុន្តែទោះជាយ៉ាងណាក៏ដោយ វាមិនទាន់ត្រូវបានគេបង្ហាញឲ្យដឹងច្បាស់នៅឡើយ អំពីចំនួនរថយន្តដែលក្រុមហ៊ុន Honda លក់ នៅក្នុងប្រទេសកូរ៉េខាងត្បូង កាលពីឆ្នាំមុន។

ក្រុមហ៊ុន Honda កំពុងតស៊ូជាមួយនឹងការថយចុះនៃការលក់នៅក្នុងទីផ្សារសំខាន់ៗ នៅអាស៊ី ខណៈពេលដែលពួកគេប្រឈមមុខនឹងការប្រកួតប្រជែងកាន់តែខ្លាំងឡើងពីគូប្រជែង រួមទាំងម៉ាកយីហោរបស់កូរ៉េ និងចិន។​

ជម្រាបជូនផងដែរថា នៅក្នុងប្រទេសចិន ការលក់រថយន្តរបស់ Honda ក៏បានធ្លាក់ចុះយ៉ាងខ្លាំង មកនៅត្រឹមប្រហែលជាង ៦០ម៉ឺន គ្រឿងនៅឆ្នាំ២០២៥ ពោលគឺធ្លាក់ចុះ ៦០% ពីប្រាំឆ្នាំមុន ស្របពេលការលក់របស់ក្រុមហ៊ុន Honda នៅក្នុងប្រទេសថៃ ម៉ាឡេស៊ី និងឥណ្ឌូណេស៊ី ក៏បានធ្លាក់ចុះខ្លាំង កាលពីឆ្នាំមុនផងដែរ៕

The post ក្រុមហ៊ុន Honda ប្រកាសឈប់លក់រថយន្តក្នុងប្រទេសកូរ៉េខាងត្បូង ចាប់ពីចុងឆ្នាំ២០២៦ នេះ appeared first on .

លោក Lee ​ប្រធានក្រុមហ៊ុន Samsung Electronics បាន​ឡើង​កាន់​តំណែង​ជាអ្នកមាន​បំផុត​របស់​កូរ៉េខាងត្បូង​វិញ​ បន្ទាប់ពី​បាត់បង់​តំណែង​កំពូលនេះ កាលពី​ឆ្នាំមុន។ បច្ចុប្បន្នលោកមានទ្រព្យសម្បត្តិសរុបប្រមាណ ២១,៥ពាន់លានដុល្លារ ពោលគឺកើនឡើងពីចំនួន ៧,៨ពាន់លានដុល្លារ កាលពីឆ្នាំមុន។

ទន្ទឹមនឹងនេះ លោក Michael Byung-ju Kim ស្ថាបនិកក្រុមហ៊ុន MBK Partners ជាប់ចំណាត់ថ្នាក់លេខពីរ ជាមួយទ្រព្យសម្បត្តិសរុបកើនឡើងដល់ ៩,៩ពាន់លានដុល្លារ ពីចំនួន ៩,៥ពាន់លានដុល្លារ នៅឆ្នាំមុន។

ដោយឡែកលោក Seo Jung-jin សហស្ថាបនិកក្រុមក្រុមហ៊ុនជីវឱសថ Celltrion បានឃើញទ្រព្យសម្បត្តិសរុបខ្លួនកើនឡើងពី ៦,៣ពាន់លានដុល្លារ ដល់ចំនួន ៨,១ពាន់លានដុល្លារ ឈរនៅចំណាត់ថ្នាក់លេខ៣។

ជាមួយគ្នានេះ លោក Cho Jung-ho ប្រធានក្រុមហ៊ុន Meritz Financial Group ក៏បានឃើញទ្រព្យសម្បត្តិរបស់ខ្លួនកើនឡើងដល់ ៨ពាន់លានដុល្លារផងដែរនៅឆ្នាំនេះ។ ចំណាត់ថ្នាក់ចុងក្រោយ គឺធ្លាក់ទៅលើលោកស្រី Lee Boo-jin ដែលជាកូនស្រីរបស់ស្ថាបនិកក្រុមហ៊ុន Samsung លោក Lee Kun-hee ជាមួយទ្រព្យសម្បត្តិកើនឡើងពី ៣,១ពាន់លានដុល្លារ ដល់ ៧,៩ពាន់លានដុល្លារ នៅឆ្នាំនេះ៕​

The post មហាសេដ្ឋីមានដាច់គេទាំង៥ របស់កូរ៉េខាងត្បូង កើនទ្រព្យសម្បត្តិរាប់ពាន់លានដុល្លារ នៅឆ្នាំនេះ appeared first on .

ចាប់តាំងពីលោក Lee Kun-hee ទទួលមរណភាពក្នុងឆ្នាំ២០២០ មក អ្នកស្នងមរតករួមមាន អ្នកស្រី Hong Ra-hee ដែលជាភរិយា និងកូនៗ គឺលោក Lee Jae-yong, លោកស្រី Lee Boo-jin និងលោកស្រី Lee Seo-hyun បានក្លាយជាអ្នករ៉ាប់រងបង់ពន្ធមរតកដ៏ច្រើនមហាសាល ដែលចាប់ផ្តើមទូទាត់ចាប់តាំងពីឆ្នាំ២០២១ មក។

គួរឲ្យផងដែរថា លោក Lee Kun-hee មានទ្រព្យសម្បត្តិតម្លៃប្រហែល ២៦ពាន់ពាន់លានវ៉ុន ក្នុងនោះរួមមានផលប័ត្រដ៏ធំនៃភាគហ៊ុនក្រុមហ៊ុន Samsung អចលនទ្រព្យ និងការប្រមូលស្នាដៃសិល្បៈឯកជនជាច្រើនទៀត។ ក្នុងចំណោមនោះលោកស្រី Hong ទទួលបានចំណែកពន្ធពីទ្រព្យសម្បត្តិទាំងនេះច្រើនជាងគេ ប្រហែល ៣,១ពាន់ពាន់លានវ៉ុន បន្ទាប់មកគឺកូនៗរបស់ពួកគេ។

ជម្រាបជូនផងដែរថា ក្រុមគ្រួសារមហាសេដ្ឋីលំដាប់កំ​ពូលរបស់កូរ៉េខាងត្បូងនេះ​ បានសម្រេចជ្រើសរើសយកការបង់ពន្ធមរតកជា ៦ដំណាក់កាល ក្នុងរយៈពេល ៥ឆ្នាំកន្លងមកនេះ ហើយវានឹងត្រូវបញ្ចប់នៅត្រឹមខែមេសា ឆ្នាំ២០២៦ នេះ៕​

The post គ្រួសារម្ចាស់ក្រុមហ៊ុន Samsung គ្រោងនឹងបញ្ចប់ការបង់ពន្ធមរតកចំនួនជិត ៨ពាន់លានដុល្លារ នៅខែនេះ appeared first on .

យោងតាមសមាគមអ្នកនាំចូល និងអ្នកចែកចាយរថយន្តកូរ៉េ (KAIDA) បានរាយការណ៍ឲ្យដឹងថា ក្រុមហ៊ុន Tesla កូរ៉េខាងត្បូង បានលក់រថយន្តសរុបចំនួន ១១ ១៣០ គ្រឿងនៅក្នុងស្រុកកាលពីខែមុន ដែលជាការលក់ប្រចាំខែលើសពីចំនួន ១០ ០០០ គ្រឿងជាលើកដំបូងបំផុត។

ជម្រាបជូនថាចំពោះការលក់រថយន្តសរុបរបស់កូរ៉េខាងត្បូង ចាប់ពីខែមករាដល់ខែមីនាឆ្នាំនេះ បានឈានដល់ ២០ ៩៦៤ គ្រឿង ដោយក្នុងនោះរថយន្ត Tesla Model Y នាំមុខគេជាមួយនឹងការលក់ចំនួន ៦ ៧៤៩ គ្រឿង បន្ទាប់មកគឺ Tesla Model 3 ដែលមានចំនួន ៣ ៧០២ គ្រឿង ខណៈ Mercedes-Benz E-Class មានចំនួន ២ ៣២៣ គ្រឿង និង BMW 5 Series មានចំនួន ១ ៩០០ គ្រឿង៕​

The post Tesla លក់រថយន្តក្នុងចំនួនបំបែកកំណត់ត្រា នៅក្នុងប្រទេសកូរ៉េខាងត្បូង appeared first on .

យោងតាមចុះផ្សាយពីកាសែត The Korea Times បានរាយការណ៍ថា ចំនួនទឹកប្រាក់ដែលមនុស្សម្នាក់ៗទទួលបាននឹងអាស្រ័យលើប្រាក់ចំណូលរបស់ពួកគេ និងកន្លែងដែលពួកគេរស់នៅ។

អ្នកដែលរស់នៅក្នុងតំបន់ទីប្រជុំជនសេអ៊ូលនឹងទទួលបានលុបអប្បបរមា ១០០,០០០វ៉ុន ខណៈពេលដែលប្រជាជនរស់នៅក្នុងតំបន់ដែលមានមនុស្សរស់នៅតិច នឹងទទួលបានរហូតដល់ ២៥០,០០០វ៉ុន។

ក្រុមងាយរងគ្រោះនឹងទទួលបានការគាំទ្រកាន់តែច្រើន ដោយគ្រួសារឪពុកម្តាយនៅលីវ និងគ្រួសារដែលនៅជិតបន្ទាត់នៃភាពក្រីក្រ នឹងទទួលបាន ៤៥០,០០០វ៉ុន និងអ្នកមានជីវភាពក្រខ្សត់បំផុត នឹងទទួលបាន ៥៥០,០០០វ៉ុន។ អ្នកដែលរស់នៅក្រៅតំបន់រដ្ឋធានីនឹងទទួលបាន ៥០,០០០វ៉ុនបន្ថែម។

ជម្រាបជូនថា គម្រោងផ្តល់ជំនួយចុងក្រោយបំផុតនេះ គឺជាផ្នែកមួយនៃសំណើស្នើសុំថវិកាបន្ថែមចំនួន ២៦,២ទ្រីលានវ៉ុន របស់ប្រធានាធិបតី លោក Lee Jae Myung ដែលមានគោលបំណងបន្ធូរបន្ថយសម្ពាធថ្លៃដើមនៃការរស់នៅដែលបណ្តាលមកពីការកើនឡើងនៃតម្លៃប្រេងក្នុងអំឡុងពេលជម្លោះនៅមជ្ឈិមបូព៌ា៕

The post កូរ៉េខាងត្បូង គ្រោងចែកលុយម្នាក់ ៣៩០ដុល្លារ ដល់ពលរដ្ឋចំនួន ៣៥,៨ លាននាក់ ចំពេលប្រេងឥន្ធនៈឡើងថ្លៃ​ appeared first on .

ការកើនឡើងនៃតម្លៃប្រេងដែលបង្កឡើងដោយសង្គ្រាមរវាងសហរដ្ឋអាមេរិក និងអ៊ីស្រាអែលលើអ៊ីរ៉ង់ បានបង្កើនហានិភ័យនៃកំណើន និងអតិផរណាសម្រាប់ប្រទេសដែលមានសេដ្ឋកិច្ចធំទីបួនរបស់អាស៊ី ក៏ដូចជាប្រទេសនាំចូលប្រេងធំជាងគេទីបួនរបស់ពិភពលោកផងដែរ ខណៈ ៧០% នៃការទិញប្រេងសរុបរបស់ខ្លួនគឺបានមកពីមជ្ឈិមបូព៌ា។

គួរឲ្យដឹងថា នេះគឺជាថវិកាបន្ថែមលើកទីពីរហើយក្នុងរយៈពេលតិចជាងមួយឆ្នាំ ក្រោមការដឹកនាំរបស់រដ្ឋបាលប្រធានាធិបតី លោក Lee Jae Myung ដែលបានសន្យាថានឹងបន្តគោលនយោបាយសារពើពន្ធពង្រីក ដើម្បីជំរុញកំណើនសេដ្ឋកិច្ច ចាប់តាំងពីចូលកាន់តំណែងកាលពីខែមិថុនាកន្លងទៅ។

យោងតាមក្រសួងថវិកា បានបង្ហាញឲ្យដឹងថាផែនការចំណាយចំនួន ២៦,២ទ្រីលានវ៉ុន (១៧,៣ពាន់លានដុល្លារ) រួមមានវិធានការចំនួន ១០,១ទ្រីលានវ៉ុនសម្រាប់ឆ្លើយតបទៅនឹងតម្លៃប្រេងខ្ពស់ ការគាំទ្រចំនួន ២,៨ទ្រីលានវ៉ុនសម្រាប់អ្នកមានប្រាក់ចំណូលទាប និងយុវជន និង ២,៦ទ្រីលានវ៉ុន សម្រាប់ក្រុមហ៊ុនដែលរងផលប៉ះពាល់ដោយជម្លោះនៅមជ្ឈិមបូព៌ា។

ជាមួយគ្នានេះ រដ្ឋមន្ត្រីក្រសួងថវិកា លោក Park Hong-keun បាននិយាយថា ៖” ក្រៅពីទិន្នន័យសេដ្ឋកិច្ច ការលំបាក និងការថប់បារម្ភដែលប្រជាជន និងក្រុមហ៊ុនរបស់យើងកំពុងជួបប្រទះគឺខ្លាំងជាងពេលណាៗទាំងអស់។ ហើយការឆ្លើយតបជាមុនរបស់រដ្ឋាភិបាលយើង គឺសំខាន់ជាងអ្វីផ្សេងទៀត”៕​

The post កូរ៉េខាងត្បូង ស្នើថវិកាបន្ថែមចំនួន ១៧,៣ពាន់លានដុល្លារ ដើម្បីកាត់បន្ថយវិបត្តិ ដោយសារសង្គ្រាមមជ្ឈិមបូព៌ា appeared first on .

រដ្ឋាភិបាលបាននិយាយនៅក្នុងសេចក្តីថ្លែងការណ៍មួយកាលពីថ្ងៃទី២៦ ខែមីនាថា មន្ត្រីមានគោលបំណងរៀបចំថវិកាបន្ថែមដែលមានតម្លៃ ២៥ទ្រីលានវ៉ុន (១៦,៦ពាន់លានដុល្លារ) នៅខែក្រោយ ដែលទទួលមូលនិធិបានមកពីចំណូលពន្ធលើស ដើម្បីឆ្លើយតបទៅនឹងជម្លោះមជ្ឈិមបូព៌ាដែលកំពុងអូសបន្លាយ។

ទន្ទឹមនឹងនេះ រដ្ឋមន្ត្រីក្រសួងថវិកា លោក Park Hong-keun ក៏បាននិយាយផងដែរថា សេចក្តីព្រាងច្បាប់នេះមានគោលបំណងគាំទ្រដល់ក្រុមហ៊ុនខ្នាតតូច និងមធ្យម និងគ្រួសារងាយរងគ្រោះដែលរងផលប៉ះពាល់ដោយសង្គ្រាមដ៏អូសបន្លាយ។

លោក Park បាននិយាយថា ៖”ដំបូងយើងនឹងបន្ធូរបន្ថយបន្ទុកលើប្រជាពលរដ្ឋដែលបណ្តាលមកពីតម្លៃប្រេងខ្ពស់ និងគាំទ្រដល់ការអនុវត្តដោយរលូននៃប្រព័ន្ធកំណត់តម្លៃប្រេង ដើម្បីរក្សាស្ថិរភាពតម្លៃប្រេងឥន្ធនៈក្នុងស្រុក និងកាត់បន្ថយថ្លៃប្រេងឥន្ធនៈ”។

មិនតែប៉ុណ្ណោះ ប្រធានាធិបតីកូរ៉េខាងត្បូង លោក Lee Jae Myung កាលពីពេលមុននេះ ក៏បានជំរុញឲ្យរដ្ឋាភិបាលរៀបចំថវិកាបន្ថែមដែលមានគោលបំណងធ្វើឲ្យសេដ្ឋកិច្ចមានស្ថិរភាព គាំទ្រដល់ឧស្សាហកម្មដែលរងផលប៉ះពាល់ និងពង្រឹងភាពធន់នៃខ្សែសង្វាក់ផ្គត់ផ្គង់ផងដែរ៕​

The post កូរ៉េខាងត្បូង ដាក់ចេញថវិកាសង្គ្រោះបន្ទាន់ចំនួន ១៧ពាន់លានដុល្លារ សម្រាប់សម័យសង្គ្រាម appeared first on .