បើតាមក្រសួងការងារ បញ្ជាក់ឱ្យដឹងនៅថ្ងៃទី៣០ ខែវិច្ឆិកា ឆ្នាំ២០២៥នេះ ក្រុមហ៊ុនចំនួន ១១៦ នៅខេត្ដកំពង់ស្ពឺ បានផ្ដល់ឱកាសការងារជូនបងប្អូនប្រជាពលរដ្ឋ លើផ្នែកជាច្រើនដូចជា៖ ផ្នែកកាត់ដេរ, ផ្នែកវេចខ្ចប់, អ្នកបញ្ជារម៉ាស៊ីនដេរ, បុគ្គលិកទូទៅ, បុគ្គលិកចេះដេរម្ជុល១-២-៣, ផ្នែកឃ្លាំង-QC, តៃកុងឡាន, អ្នកបកប្រែ, អ្នកគ្រប់គ្រងការផលិត, ជាងផ្សារដែក និងមានផ្នែកផ្សេងៗជាច្រើនទៀត។

ក្រសួងការងារ ក៏បានបញ្ជាក់ផងដែរថា នៅសប្ដាហ៍ក្រោយនេះ ពោលគឺចាប់ពីថ្ងៃទី១ ខែធ្នូ នៅទូទាំងរាជធានី-ខេត្ត ទាំង២៥ បានផ្ដល់ឱកាសការងារជូនបងប្អូនប្រជាពលរដ្ឋសរុប ជាង៨ម៉ឺនកន្លែង។

សូមជម្រាបជូនផងដែរថា ចាប់តាំងពីខែកក្កដា រហូតមកដល់ពេលបច្ចុប្បន្ននេះ មានបងប្អូនពលករដែលទើបតែវិលត្រឡប់ពីប្រទេសថៃ ជិត២៩ម៉ឺននាក់ ទទួលបានការងារធ្វើនៅក្នុងប្រទេស។

សម្រាប់ព័ត៌មានលម្អិតជុំវិញការងារនៅទូទាំងរាជធានី-ខេត្ត ទាំង២៥ បងប្អូនអាចទំនាក់ទំនងទៅលេខ ១២៩៧៕

The post ការងារសម្រាប់អ្នកខេត្ដកំពង់ស្ពឺ! ក្រុមហ៊ុន រោងចក្រជាង១០០ បើកទ្វារផ្ដល់ឱកាសការងារ ជាង២ម៉ឺនកន្លែង appeared first on .

ជាមួយគ្នានេះដែរ ក្រសួងការងារ និងបណ្តុះបណ្តាលវិជ្ជាជីវៈ នាំយកឱកាសការងារ ២៣ម៉ឺនកន្លែង និងការបណ្ដុះបណ្ដាលជំនាញបច្ចេកទេស និងវិជ្ជាជីវៈដល់បងប្អូនប្រជាពលរដ្ឋ និងពលករខ្មែរ ដែលត្រឡប់មកកម្ពុជាវិញ។ 

នៅព្រឹកថ្ងៃទី១៦ ខែមិថុនានេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានចេញសារណែនាំដល់ ក្រសួង-ស្ថាប័នពាក់ព័ន្ធ និងអាជ្ញាធររាជធានី-ខេត្តទាំង៧ ជាប់ព្រំដែនថៃ ផ្តល់សេវា និងការសម្របសម្រួលដល់ពលករខ្មែរមានបំណងត្រឡប់មកកម្ពុជា។

សូមបញ្ជាក់ថា ក្នុងអំឡុងពេលដែលកម្ពុជា និងថៃ មានវិវាទព្រំដែនជាមួយគ្នានេះ មានជនជ្រុលនិយមថៃមួយចំនួន បានគំរាមដេញពលករខ្មែរត្រឡប់មកប្រទេសវិញ ហើយពលរដ្ឋថៃ ដែលមានភាពជ្រុលនិយមខ្លះ ក៏បានរើសអើង សម្រាប់ពលករខ្មែរផងដែរ៕

The post ក្រសួងការងារ ចេញសេចក្តីជូនដំណឹងពីឱកាសការងារ និងការបណ្តុះបណ្តាលជំនាញបច្ចេកទេស និងវិជ្ជាជីវៈដល់បងប្អូនប្រជាពលរដ្ឋ និងពលករខ្មែរ ត្រឡប់មកពីប្រទេសថៃ appeared first on .

លោក យឹម លាត ទេសាភិបាលរង ធនាគារជាតិនៃកម្ពុជា បានថ្លែងបញ្ជាក់ពីសារៈសំខាន់នៃការចូលរួមរបស់ក្រសួងការងារ និងបណ្តុះបណ្តាលវិជ្ជាជីវៈ តាមរយៈការសម្របសម្រួលជាមួយនិយោជក និងបុគ្គលិក-កម្មករ តាមរោងចក្រ-សហគ្រាសនៅទូទាំងប្រទេសកម្ពុជា។

លោកទេសាភិបាលរង ក៏បានស្នើឱ្យមានកិច្ចសហការសិក្សាពីលទ្ធភាពនៃការកំណត់ប្រាក់ឈ្នួលកម្មករ-និយោជិក ជាប្រាក់រៀល និងរៀបចំសិក្ខាសាលាផ្សព្វផ្សាយស្តីពីប្រាក់រៀល នៅតាមបណ្តារោងចក្រ-សហគ្រាសផងដែរ។
ឯកឧត្តមសោម ចំណាន រដ្ឋលេខាធិការក្រសួងការងារនិងបណ្តុះបណ្តាលវិជ្ជាជីវៈ បានស្វាគមន៍គំនិតផ្តួចផ្តើមពង្រឹងកិច្ចសហការលើកកម្ពស់ការប្រើប្រាស់ប្រាក់រៀល និងទទួលយកសំណើនេះទៅសិក្សាបន្ថែមអំពីលទ្ធភាពជាក់ស្តែង។

លោក យឹម លាត បានថ្លែងបញ្ជាក់ថា ដើម្បីសេដ្ឋកិច្ចកម្ពុជារឹងមាំ រាជរដ្ឋាភិបាលកម្ពុជាបានដាក់ចេញនូវគោលនយោបាយលើកកម្ពស់ការប្រើប្រាស់ប្រាក់រៀល ស្របពេលដែលស្ថានភាពម៉ាក្រូសេដ្ឋកិច្ចមានលំនឹងល្អប្រសើរ។

លោកបានអំពាវនាវដល់ក្រសួង-ស្ថាប័ន រោងចក្រ ក្រុមហ៊ុន-សហគ្រាស គ្រឹះស្ថានធនាគារនិងហិរញ្ញវត្ថុជាពិសេសបងប្អូនប្រជាពលរដ្ឋទូទៅ សូមបន្តរួមចំណែកប្រើប្រាស់ប្រាក់រៀលនៅក្នុងជីវភាពរស់នៅប្រចាំថ្ងៃរបស់ខ្លួន ដូចជាតាមរយៈការទូទាត់ ការបិទស្លាកថ្លៃទំនិញ និងការសន្សំជាប្រាក់រៀល៕

The post ធនាគារជាតិ និងក្រសួងការងារ រួមគ្នាលើកកម្ពស់ការប្រើប្រាស់ប្រាក់រៀល appeared first on .

លោកបណ្ឌិតគូសបញ្ជាក់ថា ចាប់តាំងពីមានគ្រឹះស្ថានបណ្តុះបណ្តាលតិចតួច បច្ចុប្បន្ននៅកម្ពុជាមានគ្រឹះស្ថានបណ្តុះបណ្តាលចំនួន៣២៥ ហើយនៅក្នុងឆ្នាំ២០២២កន្លងទៅមានសិក្ខាកាម សិស្ស និស្សិតបានបញ្ចប់ការសិក្សាគ្រប់កម្រិតចំនួន៨៩,៨៧៨នាក់ ហើយ ទទួលបានការងារធ្វើស្ទើរទាំងអស់ ដោយទទួលបានប្រាក់ឈ្នួលសមរម្យច្រើនជាងកម្មករនិយោជិតដែលមិនមានជំនាញ។ ទន្ទឹមនោះ សិក្ខាកាមមួយចំនួនក៏មានលទ្ធភាពបង្កើតមុខរបរដោយខ្លួនឯងប្រកបដោយជោគជ័យ រួមចំណែកបង្កើតការងារបន្ថែម។

លោកបណ្ឌិតលើកឡើងថា បច្ចុប្បន្នកម្ពុជាគ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈរបស់ក្រសួងការងារ និងបណ្តុះបណ្តាលវិជ្ជាជីវៈ បានចុះអនុស្សរណៈយោគយល់គ្នាជាមួយវិស័យឯកជនបានចំនួន២៣០ក្រុមហ៊ុន ដើម្បីសហការផ្ដល់ការបណ្តុះបណ្តាលជំនាញតាមតម្រូវការរបស់ក្រុមហ៊ុន ដោយធានាថាសិក្ខាកាម សិស្ស និស្សិត ដែលបានបញ្ចប់ការសិក្សាទទួលបានការងារល្អនៅក្រុមហ៊ុនទាំងនេះ។

លោករបណ្ឌិត អ៊ិត សំហេង មានប្រសាសន៍ថា«រាជរដ្ឋាភិបាលបានត្រៀមរៀបចំផែនការបណ្តុះបណ្តាលជំនាញបច្ចេកទេស និងវិជ្ជាជីវៈដល់យុវជននៅគ្រួសារក្រីក្រ និងងាយរងគ្រោះទូទាំងប្រទេសចំនួន១លាន៥សែននាក់ ដោយរដ្ឋធានាផ្តល់ប្រាក់ឧបត្ថម្ភចាប់ពីឆ្នាំ២០២៣នេះតទៅ ដើម្បីផ្តល់ឱកាសឱ្យពួកគេមានជំនាញសម្រាប់យកទៅធ្វើការងារ ឬបង្កើតមុខរបរដោយខ្លួនឯង និងបំពេញតម្រូវការនៃកម្លាំងពលកម្មជំនាញសម្រាប់ការវិនិយោគថ្មីៗនៅកម្ពុជា»៕

អត្ថបទ៖សារេត

The post រដ្ឋមន្ត្រីក្រសួងការងារ អំពាវនាវដល់យុវជនងាកមកចាប់យកជំនាញបច្ចេកទេស និងវិជ្ជាជីវៈសម្រាប់ស្វែងរការងារនិងបង្កើតមុខរបរ appeared first on .

ក្រសួងការងារបានបញ្ជាក់ថា ការពិភាក្សាអំពីការដំឡើងប្រាក់ឈ្នួល នឹងធ្វើទៅ​តាមកាល​បរិច្ឆេទ​ដូច​ខាងក្រោម៖

* ខែកក្កដា ឆ្នាំ២០២២ ជាការចាប់ផ្តើមពិភាក្សា ជាលក្ខណៈផ្ទៃក្នុងរបស់ភាគីនីមួយៗ

* ខែសីហា ឆ្នាំ២០២២ ជាការចាប់ផ្តើមពិភាក្សា ជាលក្ខណៈទ្វេភាគី និងត្រីភាគី

* ខែកញ្ញា ឆ្នាំ២០២២ បើកកិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមា ដើម្បីសម្រេច​​ប្រាក់ឈ្នួលអប្បបរមាផ្នែក​វាយន​ភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរនិងកាបូប សម្រាប់ឆ្នាំ២០២៣

* ថ្ងៃទី១ ខែមករា ឆ្នាំ២០២៣ ជាកាលបរិច្ឆេទចូលជាធរមានប្រាក់ឈ្នួលអប្បបរមា។

ក្រសួងការងារ បានណែនាំឱ្យ គ្រប់ភាគីទាំងអស់ត្រូវប្រើប្រាស់ទិន្នន័យផ្លូវការស្របច្បាប់ និងការស្រាវ​ជ្រាវបែបវិទ្យា​សា​ស្រ្ត ដោយយោងលើលក្ខណវិនិច្ឆ័យបែបសង្គម (ស្ថានភាពគ្រួសារ អាត្រាអតិផរណា និងការចំណាយក្នុងការរស់នៅ) និង​លក្ខណ​​វិនិច្ឆ័យបែបសេដ្ឋកិច្ច (ផលិតភាព ភាពប្រកួតប្រជែង​របស់​ប្រទេស ស្ថានភាពទីផ្សារការងារ និងកម្រិតចំណេញ​របស់វិស័យ) ដូចមានកំណត់ក្នុងមាត្រា៥ នៃច្បាប់​ស្តីពីប្រាក់ឈ្នួលអប្បបរមា ដើម្បីធ្វើជាមូលដ្ឋានក្នុងការពិភាក្សា សម្រប​សម្រួលផ្ទៃក្នុង និងទទួល​បាន​គោលជំហររួមមួយ។

គ្រប់ភាគីទាំងអស់ក៏ត្រូវអនុវត្តតាមការណែនាំ និងវិធានការរបស់ក្រសួងសុខាភិបាល នៅគ្រប់កិច្ច​ប្រជុំ​របស់ខ្លួន ដើម្បី​​បន្តចូល​​រួម​ទប់​​ស្កាត់កុំឱ្យមានការឆ្លង និងរីករាលដាលនៃជំងឺកូវីដ-១៩ ក្នុងប្រទេស​កម្ពុជា៕

The post ក្រសួងការងារ បង្ហាញ​កាល​​​វិភាគ​នៃ​ការចរចាប្រាក់​ឈ្នួល​​អប្ប​បរមារបស់កម្មកររោងចក្រកាត់ដេរ សម្រាប់​ឆ្នាំ​២០​២៣ appeared first on .

ការឯកភាពនេះ បានធ្វើឡើងនៅក្នុងជំនួបសម្តែង​ការគួរសមរវាងលោករដ្ឋមន្ត្រី និងលោក Preeda Chunwong អគ្គនាយ​ករងក្រុមហ៊ុនCP នៅកម្ពុជា នាព្រឹកថ្ងៃទី២៨ ខែមេសា ឆ្នាំ២០២២ នៅទីស្តីការ​ក្រសួងការងារ។

លោករដ្ឋមន្ត្រី បានលើកឡើងថា គណៈកម្មការផ្ដល់ភាពស្របច្បាប់ដល់​ពលករកម្ពុជាដែលកំពុង​ស្នាក់​នៅ និងធ្វើការនៅ​ប្រទេសថៃ នឹងបញ្ជូនក្រុមការងារបច្ចេកទេស ទៅបំពេញបេសកកម្មនៅប្រទេស​ថៃ ដើម្បីបន្តសុពលភាព​ប័ណ្ណពលករ​កម្ពុជា​ធ្វើការនៅបរទេស (OCWC) និងលិខិតធ្វើដំណើរ (TD)។ ដូច្នេះ​ប្រសិនជាពលករកម្ពុជាដែលកំពុងស្នាក់នៅ និង​​ធ្វើការ​នៅក្រុមហ៊ុនដែលផុតសុពលភាព ឬ​សុពលភាព​​នៅសល់​ក្រោម ៦ខែ អាចដាក់ពាក្យស្នើសុំបន្តសុពល​ភាពតាម​រយៈប្រព័ន្ធស្វ័យ​ប្រវត្តិកម្ម​របស់នាយកដ្ឋាន​មុខរបរនៃក្រសួងការងារថៃ។

ជាមួយគ្នានេះ លោក Preeda Chunwong អគ្គនាយករងក្រុមហ៊ុនCP នៅកម្ពុជា ក៏បានបញ្ជាក់ដែរថា បច្ចុប្បន្នក្រុមហ៊ុនCP មានពលករខ្មែរដែលកំពុងធ្វើការនៅប្រទេសថៃ ប្រមាណជាង១ម៉ឺននាក់ កន្លង មកពលករកម្ពុជាដែលបានធ្វើការ គឺមាន​ភាពស្មោះត្រង់ អត់ធ្មត់នឹងការងារ ដូច្នេះក្រុមហ៊ុនត្រូវការពលករកម្ពុជាចំនួន២ពាន់នាក់បន្ថែមទៀត ដើម្បីជួយ​ការងារ​របស់ក្រុមហ៊ុន។

លោកអគ្គនាយករង បន្តថា ពលករកម្ពុជានឹងទទួលអត្ថប្រយោជន៍ស្មើៗ​គ្នាទៅនឹងពលកររបស់​ប្រទេស​ដទៃ​ផ្សេងទៀត។ មិនតែប៉ុណ្ណោះ ខាងក្រុមហ៊ុន មានកម្មវិធីបណ្តុះបណ្តាល កសាងសមត្ថភាព ដោយ​ពលករធម្មតា ឲ្យក្លាយជាពលករជំនាញ និងផ្តល់អាហារូបករណ៍ដល់ពួកគេក្នុងការទទួល​បានការសិក្សា​រៀនសូត្រ បំប៉មសមត្ថភាពដើម្បីក្លាយខ្លួនជាអ្នកដឹកនាំនៅ​ក្នុងផ្នែក​នីមួយៗ របស់ក្រុមហ៊ុននាពេល​អនាគត។ ក្រុមហ៊ុន CP មានអាជីវកម្មជាច្រើន ដែលកំពុងបណ្តាក់ទុនវិនិយោគ ចំនួន២១ប្រទេស​ទូទាំងពិភពលោក។

គួរបញ្ជាក់ថា ក្រុមហ៊ុន CP កម្ពុជា មានវត្តមាននៅក្នុងប្រទេសកម្ពុជា ចំនួន ២៦ឆ្នាំមកហើយ ដំណើរការដ៏ជោគជ័យ​នេះ ក៏ដោយសារបានទទួលការជួយជ្រោមជ្រែងពីរាជរដ្ឋាភិបាលកម្ពុជា និងក្រសួងការងារ និងបណ្តុះ​បណ្តាលវិជ្ជាជីវៈ ទើប​ក្រុមហ៊ុនមានដំណើរការអាជីវកម្មរីកចម្រើន​មកទល់បច្ចុប្បន្ននេះ៕

The post រដ្ឋមន្ត្រី​ក្រសួងការងារ ឯកភាពសំណើរបស់ក្រុមហ៊ុនCP ដែលចង់បានពលករកម្ពុជា ២ពាន់នាក់ទៅបម្រើ​ការ​ងារ​​នៅប្រទេសថៃ appeared first on .