លោកស្រី ចម និម្មល រដ្ឋមន្ត្រីក្រសួងពាណិជ្ជកម្មកម្ពុជា បានឱ្យដឹងថា កាលពីថ្ងៃទី១៩ ខែតុលា ឆ្នាំ២០២៦ លោកស្រី បានជួបពិភាក្សាការងារជាមួយ លោក Nicolas Forissier រដ្ឋមន្ត្រីប្រតិភូទទួលបន្ទុកពាណិជ្ជកម្មបរទេស និងការទាក់ទាញវិនិយោគ នៃសាធារណរដ្ឋបារាំង ដើម្បីពង្រឹងកិច្ចសហប្រតិបត្តិការទ្វេភាគី នៅពន្លាជាតិកម្ពុជា ក្នុងឱកាសដែលលោកស្រី រដ្ឋមន្ត្រី អញ្ជើញដឹកនាំគណៈប្រតិភូកម្ពុជាចូលរួមពិព័រណ៍ពាណិជ្ជកម្មម្ហូបអាហារអន្តរជាតិ Salon International de l’Alimentation (SIAL) Paris 2026។

នាឱកាសនោះ លោកស្រី បានស្វាគមន៍ លោករដ្ឋមន្ត្រីប្រតិភូ មកកាន់ពន្លាជាតិកម្ពុជា និងវាយតម្លៃខ្ពស់ចំពោះទំនាក់ទំនងដ៏ល្អរវាងប្រទេសទាំងពីរ។ លោកស្រី បានជម្រាបជូនថា នេះគឺជាលើកដំបូង ដែលក្រសួងពាណិជ្ជកម្ម រៀបចំពន្លាជាតិកម្ពុជា និងសម្របសម្រួលនាំមកជាមួយនូវបណ្តាក្រុមហ៊ុន-សហគ្រាសកម្ពុជាចំនួនប្រមាណ ៣០ ក្រុមហ៊ុនមកចូលរួមតាំងបង្ហាញ និងស្វែងរកដៃគូពាណិជ្ជកម្មថ្មីៗ បន្ថែមលើពន្លារបស់សហព័ន្ធស្រូវអង្ករកម្ពុជា ដែលមានក្រុមហ៊ុនសហគ្រាសនាំចេញអង្កររបស់កម្ពុជាចំនួន១២មកចូលរួមក្នុងពិព័រណ៍ SIAL Paris 2026 ផងដែរ។

នៅក្នុងឱកាសនោះដែរ លោករដ្ឋមន្ត្រីប្រតិភូ ក៏បានស្វាគមន៍គណៈប្រតិភូកម្ពុជា ក្នុងពិព័រណ៍ SIAL Paris 2026 និងបានបញ្ជាក់ថានឹងអាចពង្រឹងនិងពង្រីកកិច្ចសហប្រតិបត្តិការពាណិជ្ជកម្មលើវិស័យសំខាន់ៗជាច្រើនទៀត។ លោក ក៏បានជម្រាបជូនអំពីសក្តានុពល ចំណុចពិសេសៗ របស់ពិព័រណ៍ពាណិជ្ជកម្មម្ហូបអាហារអន្តរជាតិ SIAL Paris ដែលជានិច្ចកាលទាក់ទាញក្រុមហ៊ុនចូលរួមតាំងបង្ហាញប្រមាណជិត ៨,០០០ អ្នកទស្សនា និងអ្នកបញ្ជាទិញសក្តានុពលប្រមាណ ២៨៥,០០០នាក់ មកពីជាង ១៣០ ប្រទេសជុំវិញពិភពលោក។

តាមរយៈជំនួបនេះ ក្រសួងពាណិជ្ជកម្ម ក៏បានបញ្ជាក់អំពីជំហររបស់កម្ពុជាក្នុងការបន្តចូលរួមព្រឹត្តិការណ៍​ SIAL Paris នេះ នៅឆ្នាំបន្តបន្ទាប់ ដើម្បីនាំមកនូវផលិតផលសក្តានុពលរបស់កម្ពុជាជាច្រើនទៀតមកតាំងបង្ហាញ និងផ្សព្វផ្សាយលើឆាកអន្តរជាតិឱ្យបានកាន់តែច្រើនឡើងបន្ថែមទៀតផងដែរ៕ហ្សាលីន

The post ក្រសួង ដឹកនាំក្រុមហ៊ុនសហគ្រាសកម្ពុជាប្រមាណ ៣០ ទៅស្វែងរកដៃគូពាណិជ្ជកម្មថ្មីៗនៅបារាំង appeared first on .

ក្នុងជំនួបនោះ លោកអគ្គនាយករង បានគូសបញ្ជាក់អំពីច្បាប់ស្តីពីវិនិយោគនៃព្រះរាជាណាចក្រកម្ពុជាថ្មី ដែលបានផ្តល់ការលើកទឹកចិត្តជាច្រើនដល់វិនិយោគិន ព្រមទាំងបានថ្លែងអំណរគុណដល់គណៈប្រតិភូធុរកិច្ចសម្រាប់ជំនួបដ៏មានអត្ថន័យនេះ និងបានលើកទឹកចិត្តឱ្យបន្តកិច្ចសហប្រតិបត្តិការជាមួយក្រសួងពាណិជ្ជកម្មបន្ថែមទៀត។

គណៈប្រតិភូធុរកិច្ចនៃក្រុមហ៊ុន Mekong Tay Ninh Co., Ltd. បានធ្វើបទបង្ហាញជូនថ្នាក់ដឹកនាំក្រសួងពាណិជ្ជកម្មស្តីពី ផែនការអនុវត្ត និងព័ត៌មានលម្អិតពាក់ព័ន្ធនឹងគម្រោង «Cambodia-Vietnam Factory Showroom (CVFS)» ដែលជាកន្លែងតាំងបង្ហាញ និងផ្សព្វផ្សាយផលិតផលរបស់កម្ពុជា និងវៀតណាម ព្រមទាំងជាទីតាំងសម្រាប់ជួយសម្របសម្រួលការភ្ជាប់ទំនាក់ទំនងរវាងអ្នកផលិត អ្នកផ្គត់ផ្គង់ អ្នកចែកចាយ និងអ្នកទិញនៃប្រទេសទាំងពីរ។

ជាមួយគ្នានេះ ក្រុមហ៊ុនគ្រោងនឹងបង្កើតអគារតាំងបង្ហាញនេះឡើង នៅអាសយដ្ឋានផ្ទះលេខ 14E0E1E2 ផ្លូវលេខ ២១៧ កែងផ្លូវលេខ ២៩០ សង្កាត់ទួលស្វាយព្រៃទី១ ខណ្ឌចំការមន រាជធានីភ្នំពេញ ដោយគ្រោងរៀបចំការតាំងបង្ហាញផលិតផលក្នុងសមាមាត្រ ៦០% ជាផលិតផលវៀតណាម និង ៤០% ជាផលិតផលកម្ពុជា៕

The post ក្រុមហ៊ុនមួយរបស់វៀតណាម គ្រោងសាងសង់អគារដាក់តាំងបង្ហាញផលិតផលវៀតណាម ៦០% និង ៤០% ជាផលិតផលកម្ពុជា appeared first on .

កិច្ចពិភាក្សាការងារនៅស្ថានអគ្គកុងស៊ុលកម្ពុជាប្រចាំទីក្រុងក្វាងចូវ ខេត្តក្វាងទុង នាលោកនេះ បានផ្តោតសំខាន់លើរបៀបវារៈធំៗ រួមមាន នីតិវិធីច្បាប់ និងរដ្ឋបាល ដោយផ្តោតលើការចុះបញ្ជីបង្កើតក្រុមហ៊ុន ការស្នើសុំអាជ្ញាប័ណ្ណពាណិជ្ជកម្ម និងការស្នើសុំវិនិយោគ។ ជាមួយគ្នានោះដែរ ក៏មានការស្វែងយល់ពីយន្តការលើកទឹកចិត្ត តាមរយៈគម្រោងវិនិយោគមានលក្ខណៈសម្បត្តិគ្រប់គ្រាន់ (QIP) ដើម្បីទទួលបានការលើកទឹកចិត្តផ្នែកពន្ធដារ និងអត្ថប្រយោជន៍ផ្សេងៗពីរាជរដ្ឋាភិបាលកម្ពុជា ព្រមទាំងការពិភាក្សាពីស្ថានភាពទូទៅនៃសេដ្ឋកិច្ច ពាណិជ្ជកម្ម និងសន្តិសុខសាធារណៈដែលជាកត្តាគន្លឹះសម្រាប់អ្នកវិនិយោគ។

ក្នុងជំនួបនោះ លោកអនុព័ន្ធពាណិជ្ជកម្ម ក៏បានផ្តល់ព័ត៌មានបឋមយ៉ាងលម្អិត និងបានបង្ហាញពីការស្វាគមន៍យ៉ាងកក់ក្តៅចំពោះបំណងវិនិយោគរបស់ភាគីចិន។ ជាការឆ្លើយតប លោកនាយកប្រតិបត្តិ Andy Lee បានទម្លាយឱ្យដឹងពីផែនការច្បាស់លាស់មួយ ដោយលោកមានបំណងដឹកនាំប្រតិភូតំណាងក្រុមហ៊ុនចិនជាង ២០ ក្រុមហ៊ុន មកធ្វើទស្សនកិច្ចការងារដោយផ្ទាល់នៅកម្ពុជា នាខែធ្នូ ឆ្នាំ២០២៦ ខាងមុខនេះ។

ដើម្បីឱ្យដំណើរទស្សនកិច្ចធុរកិច្ចនេះទទួលបានផ្លែផ្កាខ្ពស់ លោក Andy Lee ក៏បានស្នើសុំការិយាល័យអនុព័ន្ធពាណិជ្ជកម្ម ជួយសម្របសម្រួលក្នុងការរៀបចំជំនួបពិភាក្សាការងារជាមួយស្ថាប័នគន្លឹះរបស់រាជរដ្ឋាភិបាលកម្ពុជាចំនួន ៣ រួមមាន ក្រសួងពាណិជ្ជកម្ម ក្រុមប្រឹក្សាអភិវឌ្ឍន៍កម្ពុជា (CDC) និងក្រសួងអប់រំ យុវជន និងកីឡា។

ជំនួបត្រៀមលក្ខណៈជាផ្លូវការជាមួយស្ថាប័នទាំងបីនេះ នឹងជួយឱ្យប្រតិភូចិនទទួលបានព័ត៌មានស៊ីជម្រៅបន្ថែមទៀត ពាក់ព័ន្ធនឹងស្ថានភាពសេដ្ឋកិច្ច សង្គម នីតិវិធីចុះបញ្ជីពាណិជ្ជកម្ម និងការផ្តល់អាជ្ញាប័ណ្ណនានា ស្របតាមក្របខ័ណ្ឌច្បាប់នៃព្រះរាជាណាចក្រកម្ពុជា ដែលនេះជាសញ្ញាណវិជ្ជមានថ្មីមួយទៀតក្នុងការទាក់ទាញទុនវិនិយោគបរទេសចូលមកកម្ពុជាកាន់តែច្រើនឡើង។

The post ក្រុមហ៊ុន Supernova Think Tank ត្រៀមដឹកនាំប្រតិភូចិនជាង ២០ ក្រុមហ៊ុន មកស្វែងរកឱកាសវិនិយោគនៅកម្ពុជានាខែធ្នូខាងមុខ appeared first on .

នេះបើយោងតាមជំនួបពិភាក្សារវាង លោកស្រី ចម​ និម្មល រដ្ឋមន្ត្រីក្រសួងពាណិជ្ជកម្ម បានអនុញ្ញាតជូន ឯកឧត្ដម ដូមីនិក វីល្លៀម ឯកអគ្គរាជទូតព្រីតថេនប្រចាំព្រះរាជាណាចក្រកម្ពុជា ចូលជួបសម្តែងការគួរសម និងពិភាក្សាការងារ កាលថ្ងៃទី៦ ខែតុលា ឆ្នាំ២០២៦។

ក្រសួងពាណិជ្ជកម្ម បានឱ្យដឹងថា ជំនួបនេះត្រូវបានរៀបចំឡើងក្នុងគោលបំណងពិនិត្យវឌ្ឍនភាពនៃកិច្ចសហប្រតិបត្តិការទ្វេភាគី និងពិភាក្សាអំពីទិសដៅការងារបន្តពាក់ព័ន្ធនឹងការត្រៀមសហការរៀបចំវេទិកាពាណិជ្ជកម្ម និងវិនិយោគរួមគ្នារវាងកម្ពុជា និងព្រីតថេន លើកទី៤ ដែលគ្រោងនឹងប្រព្រឹត្តទៅក្នុងអំឡុងដើមឆ្នាំ២០២៧ ខាងមុខនេះ។

សូមជម្រាបដែរថា បើគិតត្រឹមក្នុងរយៈពេល ៨ខែ ដើមឆ្នាំ ២០២៦ កម្ពុជាបានអនុម័តគម្រោងវិនិយោគចំនួន ៣៤៦ ជាមួយនឹងទុនវិនិយោគសរុបប្រមាណ ៥,៤ពាន់លានដុល្លារអាម៉េរិក។នេះបើយោងតាមរបាយការណ៍ ៨ខែដើមឆ្នាំ ២០២៦ របស់ក្រុមប្រឹក្សាអភិវឌ្ឍន៍កម្ពុជា កាលពីពេលៗថ្មីនេះ៕ អត្ថបទ៖ហ្សាលីន

The post កម្ពុជា-ព្រីតថេន គ្រោងបង្កើតវេទិកាពាណិជ្ជកម្ម និងវិនិយោគរួមគ្នា នៅដើមឆ្នាំ២០២៧ appeared first on .

វេទិកាធុរកិច្ចអូស្ត្រាលី-អាស៊ានឆ្នាំនេះ បានប្រព្រឹត្តទៅរយៈពេលពីរថ្ងៃ គឺចាប់ពីថ្ងៃទី២៩ ដល់ថ្ងៃទី៣០ ខែកញ្ញា ឆ្នាំ២០២៦ នៅទីក្រុងអាដេឡែត (Adelaide) ប្រទេសអូស្ត្រាលី។ ព្រឹត្តិការណ៍ នេះត្រូវបានរៀបចំឡើងក្រោមអធិបតីភាពដ៏ខ្ពង់ខ្ពស់របស់ លោក កៅ គឹមហួន អគ្គលេខាធិការអាស៊ាន និង លោក Chris Picton សមាជិកសភា និងជារដ្ឋមន្ត្រីក្រសួងអភិវឌ្ឍន៍ នៃរដ្ឋអូស្ត្រាលីខាងត្បូង (South Australia)។

វេទិកាធុរកិច្ចកម្រិតតំបន់នេះ បានទាក់ទាញការចូលរួមយ៉ាងកុះករពីសំណាក់តំណាងរដ្ឋាភិបាល ឯកអគ្គរាជទូត ឯកអគ្គរដ្ឋទូត អ្នកវិនិយោគ និងថ្នាក់ដឹកនាំធុរកិច្ចកំពូលៗ មកពីប្រទេសអូស្ត្រាលី និងបណ្តាប្រទេសជាសមាជិកអាស៊ានជាច្រើនរូប។

នេះគឺជាឱកាសដ៏វិសេសវិសាលក្នុងការផ្លាស់ប្តូរទស្សនៈ ពង្រឹងភាពជាដៃគូយុទ្ធសាស្ត្រ និងស្វែងរកឱកាសថ្មីៗ ក្នុងគោលបំណងជម្រុញ និងពង្រឹងកិច្ចសហប្រតិបត្តិការសេដ្ឋកិច្ច ក៏ដូចជាពាណិជ្ជកម្មរវាងអូស្ត្រាលី និងអាស៊ានឱ្យកាន់តែរឹងមាំ និងរីកចម្រើនឥតឈប់ឈរសម្រាប់ទសវត្សរ៍ខាងមុខ។

The post កម្ពុជា បង្ហាញសក្តានុពលលើឆាកអន្តរជាតិ៖ ឱកាសវិនិយោគដ៏ធំធេងក្នុងតំបន់អាស៊ាន ត្រូវបានលាតត្រដាងនៅប្រទេសអូស្ត្រាលី appeared first on .

តាមសេចក្ដីជូនដំណឹងដដែលនេះ ក្រសួងពាណិជ្ជកម្មបានឱ្យដឹងបន្ថែមថា រាជរដ្ឋាភិបាលបាន ១. បន្ទុះចំនួន ៦,៥សេនដុល្លារ/លីត្រ ក្នុងគោលបំណងជួយសម្រួលដល់ជីវភាពរបស់ប្រជាពលរដ្ឋ ២. បន្ថយពន្ធ ១សេនដុល្លារ/លីត្របន្ថែមទៀត ដោយសារថ្លៃប្រេងសាំងអន្តរជាតិឡើងលើសពី ៩០ដុល្លារ/បារ៉ែល និងប្រេងម៉ាស៊ូតអន្តរជាតិឡើងលើស ១០០ដុល្លារ/បារ៉ែល ៣. ពន្ធគយ ០ (សូន្យ) ដុល្លារ។

 ទន្ទឹមនឹងនោះ ផ្អែកតាមសភាពការណ៍ និងថ្លៃប្រេងឥន្ធនៈបន្តកើនឡើងនៅលើទីផ្សារអន្តរជាតិ ក៏ដូចជាថ្លៃដឹកជញ្ជូននិងថ្លៃធានារ៉ាប់រងមានការកើនឡើងខ្ពស់ សម្តេចធិបតីនាយករដ្ឋមន្ត្រី បានសម្រេច បញ្ចុះអាករបន្ថែមលើប្រេងសាំង និងប្រេងម៉ាស៊ូតមក ០ (សូន្យ) ដុល្លារ, បញ្ចុះអាករពិសេសលើប្រេងសាំងពី ៣០% មក ១៥% និងប្រេងម៉ាស៊ូត ពី ៤% មក ០% និង បញ្ចុះអាករលើតម្លៃបន្ថែមលើប្រេងសាំងពី ១០% មក ៤% និងប្រេងម៉ាស៊ូត ពី ១០% មក ០% ដោយរាជរដ្ឋាភិបាលទទួលបន្ទុកជំនួសសរុបចំនួន ៦% សម្រាប់ប្រេងសាំង និង ១០% សម្រាប់ប្រេងម៉ាស៊ូត៕

The post តើថ្លៃប្រេងសាំង និងម៉ាស៊ូតនៅកម្ពុជាឡើង ឬចុះ? ក្រោយរដ្ឋាភិបាលសម្រេចទម្លាក់ពន្ធអាករជាច្រើនមុខ ចាប់ពីថ្ងៃទី១ ខែតុលានេះ appeared first on .

កិច្ចពិភាក្សានេះ បានធ្វើឡើងកាលថ្ងៃចន្ទ ទី២៨ ខែកញ្ញា ឆ្នាំ២០២៦ នៅទីស្តីការក្រសួងពាណិជ្ជកម្ម ក្រោមវត្តមាន លោក វ៉ា រុតសាន រដ្ឋលេខាធិការក្រសួងពាណិជ្ជកម្ម។

ក្រសួងពាណិជ្ជកម្ម បានបញ្ជាក់ថា កិច្ចប្រជុំនេះត្រូវបានរៀបចំឡើងក្នុងគោលបំណងពិគ្រោះយោបល់ និងពិនិត្យលទ្ធភាពបង្កើតស្ថាប័នតំណាងវិស័យឯកជនថ្នាក់ជាតិមួយ សម្រាប់សម្របសម្រួល ប្រមូលផ្តុំ និងតំណាងឱ្យតួអង្គពាក់ព័ន្ធក្នុងខ្សែច្រវាក់តម្លៃទុរេន ព្រមទាំងគាំទ្រដល់ការអភិវឌ្ឍ និងលើកកម្ពស់វិស័យទុរេនកម្ពុជា ទាំងផ្នែកផលិតកម្ម គុណភាព និងស្តង់ដា ការកែច្នៃ ទីផ្សារ និងការនាំចេញ។

សូមជម្រាបដែរថា ​បើតាមមន្រ្តីក្រសួងកសិកម្មបច្ចុប្បន្ននេះ ផ្ទៃដីដាំទុរេននៅកម្ពុជា មានទំហំ ១៦ ១៩៣ ហិកតា ​ក្នុងនោះផ្ទៃដីដាំទុរេន ក្នុងខេត្តកំពង់ចាម មានចំនួន ១ ៨​៤៩ ​ហិកតា។ចំណែក ចម្ការទុរេនដែលត្រូវបានចុះបញ្ជីទទួលស្គាល់មានលក្ខណៈសម្បត្តិគ្រប់គ្រាន់ សម្រាប់ការនាំចេញផ្លែទុរេនស្រស់ដោយត្រង់ពីកម្ពុជា ទៅកាន់ទីផ្សារចិន មានចំនួន១១២កន្លែង និងរោងចក្រវេចខ្ចប់ចំនួន៣០ទីតាំង​​ ប៉ុន្តែក្រុមហ៊ុនខ្លះមិនទាន់អាចបំពេញលក្ខខណ្ឌបាននៅឡើយ ទើបក្រុមហ៊ុនមិនទាន់ហ៊ាននាំចេញ​៕ អត្ថបទ៖ហ្សាលីន

The post អន្តរក្រសួង ពិនិត្យលទ្ធភាពបង្កើតស្ថាប័នតំណាងវិស័យឯកជនថ្នាក់ជាតិមួយ ដើម្បីលើកកម្ពស់វិស័យទុរេនកម្ពុជា appeared first on .

ពិធីបើកជាផ្លូវការនៃព្រឹត្តិការណ៍នេះ បានប្រព្រឹត្តទៅក្រោមអធិបតីភាព លោក YAB Dato’ Seri Dr. Ahmad Zahid bin Hamidi ឧបនាយករដ្ឋមន្ត្រីទី១ និងជារដ្ឋមន្ត្រីក្រសួងអភិវឌ្ឍន៍ជនបទ និងតំបន់ម៉ាឡេស៊ី តំណាងដ៏ខ្ពង់ខ្ពស់ លោក Dato’ Seri Anwar Ibrahim នាយករដ្ឋមន្ត្រីម៉ាឡេស៊ី ដោយមានការចូលរួមពីសំណាក់ ឯកឧត្តម លោកជំទាវ និងភ្ញៀវកិត្តិយសជាតំណាងរដ្ឋាភិបាល អង្គទូត អ្នកវិនិយោគិន និងថ្នាក់ដឹកនាំធុរកិច្ច ជាច្រើនរូប។

សូមបញ្ជាក់ផងដែរថា ពិព័រណ៍ MIHAS 2026 ជាព្រឹត្តិការណ៍ពាណិជ្ជកម្មផលិតផលហាឡាលអន្តរជាតិលើកទី២២ ក្រោមមូលបទ «កសាងទំនុកចិត្ត និងជំរុញភាពធន់» (Shaping Trust, Driving Resilience) ដែលរៀបចំដោយ អង្គភាពអភិវឌ្ឍន៍ពាណិជ្ជកម្មក្រៅប្រទេសម៉ាឡេស៊ី (MATRADE) ដោយមានការគាំទ្រពី ក្រសួងវិនិយោគ ពាណិជ្ជកម្ម និងឧស្សាហកម្មម៉ាឡេស៊ី (MITI)។ ព្រឹត្តិការណ៍នេះ មានអ្នកចូលរួមទស្សនាប្រមាណ ៥០.០០០ នាក់, អ្នកតាំងពិព័រណ៍អន្តរជាតិ និងអ្នកទិញសក្តានុពល មកពី ៥៨ ប្រទេស, ពន្លាពិព័រណ៍អន្តរជាតិចំនួន ១៣, ក្រុមហ៊ុនចូលរួមតាំងពិព័រណ៍ចំនួន ១.៧០០ ក្រុមហ៊ុន ព្រមទាំងស្តង់ពិព័រណ៍សរុបចំនួន ២.០០០ ស្តង់។

ក្នុងដំណើរបេសកកម្មនេះ ប្រតិភូក្រសួងពាណិជ្ជកម្មកម្ពុជា ក៏បានដឹកនាំគណៈប្រតិភូ ជួបសម្តែងការគួរសមជាមួយ YBhg. Dato’ Indera Abu Bakar Yusof នាយកប្រតិបត្តិ MATRADE និងបានជួបប្រជុំជាមួយតំណាងវិស័យឯកជនមួយចំនួន ដើម្បីជំរុញការនាំចេញ និងពង្រីកវត្តមានផលិតផលខ្មែរនៅលើទីផ្សារម៉ាឡេស៊ី។ ជាពិសេស គណៈប្រតិភូកម្ពុជា បានចុះពិនិត្យមើលផលិតផលអង្ករខ្មែរម៉ាក «ផ្កាខ្ញី» (ទម្ងន់ ១ គីឡូក្រាម និង ៥ គីឡូក្រាម) ដែលបានដាក់តាំងលក់ក្នុងផ្សារ KK Super Mart នៅអគារទីស្នាក់ការកណ្តាល Menara KK (HQ) ក្នុងទីក្រុងគូឡាឡាំពួរ។ ផ្សារ KK Super Mart បច្ចុប្បន្នមានសាខាជាង ១.០០០ ទីតាំង នៅទូទាំងប្រទេសម៉ាឡេស៊ីផងដែរ៕ អត្ថបទ៖ហ្សាលីន

The post ក្រសួងពាណិជ្ជកម្ម ជំរុញការនាំចេញ និងពង្រីកវត្តមានផលិតផលខ្មែរនៅលើទីផ្សារម៉ាឡេស៊ី appeared first on .

ជាកិច្ចចាប់ផ្តើម លោកស្រី ចម និម្មល រដ្ឋមន្ត្រីក្រសួងពាណិជ្ជកម្ម បានសម្តែងនូវការស្វាគមន៍យ៉ាងកក់ក្តៅ និងអបអរសាទរជូនចំពោះ លោកជំទាវ Raylene Siale Tagaloa Liufalani ក្នុងឱកាសដែលត្រូវបានតែងតាំងជា ឯកអគ្គរដ្ឋទូតវិសាមញ្ញ និងពេញសមត្ថភាពនៃប្រទេសនូវែលសេឡង់ ប្រចាំព្រះរាជាណាចក្រកម្ពុជា។ លោកស្រីរដ្ឋមន្ត្រី ក៏បានវាយតម្លៃខ្ពស់ចំពោះការគាំទ្ររបស់នូវែលសេឡង់ក្នុងការអភិវឌ្ឍធនធានមនុស្សតាមរយៈកម្មវិធីអាហារូបករណ៍ ក៏ដូចជាជំនួយបច្ចេកទេសដែលបានជួយលើកកម្ពស់ការអនុវត្តកិច្ចព្រមព្រៀងពាណិជ្ជកម្មសេរីដូចជា RCEP និង AANZFTA។

ជាមួយគ្នានេះដែរ លោកស្រី Raylene Siale Tagaloa Liufalani ឯកអគ្គរដ្ឋទូតវិសាមញ្ញ និងពេញសមត្ថភាព នៃប្រទេសនូវែលសេឡង់ប្រចាំព្រះរាជាណាចក្រកម្ពុជា បានបញ្ជាក់ថា ភាគីនូវែលសេឡង់បានបង្ហាញការគាំទ្រសំណើកម្ពុជា ក្នុងការចូលជាសមាជិកនៃកិច្ចព្រមព្រៀងភាពជាដៃគូអន្តរប៉ាស៊ីហ្វិក (CPTPP) ផងដែរ។

តាមរយៈជំនួបនោះ កម្ពុជា-នូវែលសេឡង់ ក៏បានរំលឹកឡើងវិញនូវទំនាក់ទំនងមិត្តភាពដ៏យូរអង្វែង និងកិច្ចសហប្រតិបត្តិការដ៏ល្អប្រសើររវាងកម្ពុជា និងនូវែលសេឡង់ជាពិសេសលើវិស័យពាណិជ្ជកម្ម ព្រមទាំងបានកត់សម្គាល់ ចំពោះកំណើនទំហំពាណិជ្ជកម្មរវាងប្រទេសទាំងពីរផងដែរ។

ភាគីទាំងពីរ ក៏បានពិភាក្សាអំពីកាលានុវត្តភាព ក្នុងការជំរុញពាណិជ្ជកម្ម និងលើកកម្ពស់កិច្ចសហប្រតិបត្តិការទ្វេភាគីឱ្យកាន់តែជិតស្និទ្ធ និងរីកចម្រើនបន្ថែមទៀត តាមរយៈការអនុវត្តឱ្យបានពេញលេញនូវកិច្ចព្រមព្រៀងពាណិជ្ជកម្មសេរីនានាដែលភាគីទាំងពីរជាសមាជិកផងដែរ។

សូមជម្រាបដែរថា កម្ពុជា កំពុងស្វែងការចូលរួមជាសមាជិក នៃកិច្ចព្រមព្រៀងទូលំទូលាយ និងរីកចម្រើនសម្រាប់ភាពជាដៃគូអន្តរប៉ាស៊ីហ្វិក ហៅកាត់ថា CPTPP ដើម្បីលើកកម្ពស់ និងជំរុញការធ្វើពាណិជកម្មឱ្យកាន់តែល្អប្រសើរបន្ថែមទៀត។ បច្ចុប្បន្នកម្ពុជា កំពុងវាយតម្លៃពីឱកាស និងបញ្ហាប្រឈមនៃការចូលរួមជាសមាជិកនៃកិច្ចព្រមព្រៀងនេះ។ អ្នកជំនាញយល់ឃើញថា កម្ពុជា គួរតែចូលជាសមាជិកនៃកិច្ចព្រមព្រៀងនេះ ព្រោះវាជាច្រកមួយដ៏សំខាន់ក្នុងការជំរុញការធ្វើពាណិជ្ជកម្ម និងការធ្វើនយោបាយពាណិជ្ជកម្មរបស់កម្ពុជា នៅលើឆាកអន្តរជាតិ៕  អត្ថបទ៖ហ្សាលីន

The post នូវែលសេឡង់ គាំទ្រសំណើកម្ពុជាចូលជាសមាជិកនៃកិច្ចព្រមព្រៀងភាពជាដៃគូអន្តរប៉ាស៊ីហ្វិក appeared first on .

លោក កឹម ស៊ីថន រដ្ឋលេខាធិការប្រចាំការ ក្រសួងពាណិជ្ជកម្ម និងជាតំណាងរបស់ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអញ្ជើញចូលរួមក្នុង «ពិធីសម្ពោធការិយាល័យកណ្តាលថ្មី» របស់ក្រុមហ៊ុន TotalEnergies ក៏បានកោតសរសើរ និងវាយតម្លៃខ្ពស់ចំពោះក្រុមហ៊ុន TotalEnergies ដែលបានផ្តល់កិច្ចសហការយ៉ាងល្អប្រសើរជាមួយក្រសួងពាណិជ្ជកម្ម និងថ្លែងអំណរគុណដល់ក្រុមហ៊ុន ដែលជឿជាក់លើរាជរដ្ឋាភិបាលក្នុងការប្រកបធុរកិច្ចនៅព្រះរាជាណាចក្រកម្ពុជា អស់រយៈពេលជាង ៣ ទសវត្សរ៍កន្លងមកនេះ និងមានបំណងពង្រីកកិច្ចសហប្រតិបត្តិការបន្ថែមទៀត ដើម្បីអភិវឌ្ឍវិស័យថាមពល ក៏ដូចជាការផ្គត់ផ្គង់ឱ្យមាននិរន្តរភាព។

ជាមួយគ្នានេះ លោករដ្ឋលេខាធិការប្រចាំការ ក៏បានលើកទឹកចិត្តឱ្យក្រុមហ៊ុនបន្តពង្រឹងកិច្ចសហប្រតិបត្តិការជាមួយរាជរដ្ឋាភិបាល ក៏ដូចជាក្រសួង-ស្ថាប័នពាក់ព័ន្ធ ក្នុងស្មារតីភាពជាដៃគូយូរអង្វែង និងអនុវត្តឱ្យបានខ្ជាប់ខ្ជួននូវច្បាប់ និងលិខិតបទដ្ឋានគតិយុត្តជាធរមាន។

ជាមួយគ្នានេះ មន្រ្តីជាន់ខ្ពស់ក្រសួងពាណិជ្ជកម្មរូបនេះ ក៏បានជំរុញនិងលើទឹកចិត្តឱ្យក្រុមហ៊ុន ខិតខំអភិវឌ្ឍវិស័យថាមពល ដើម្បីសំដៅធានាបាននូវស្ថិរភាព និងនិរន្តរភាពនៃការផ្គត់ផ្គង់ប្រេងឥន្ធនៈ និងថាមពល និងការឆ្លើយតបយ៉ាងឆាប់រហ័ស ទាន់ពេលវេលា និងមានប្រសិទ្ធភាពទៅនឹងតម្រូវការទីផ្សារ ព្រមទាំងយកចិត្តទុកដាក់ខ្ពស់លើការការពារផលប្រយោជន៍របស់អ្នកប្រើប្រាស់ ដើម្បីរួមចំណែកដល់ការអភិវឌ្ឍវិស័យថាមពល និងសេដ្ឋកិច្ចកម្ពុជាប្រកបដោយចីរភាព៕ អត្ថបទ៖ហ្សាលីន

The post ក្រុមហ៊ុនមួយ មានបំណងពង្រីកកិច្ចសហប្រតិបត្តិការលើការអភិវឌ្ឍវិស័យថាមពលនៅកម្ពុជាបន្ថែមទៀត appeared first on .