ក្នុងឱកាសជំនួបនោះ មានការទទួលដោយ លោកស្រី CHUMA Ai អ្នកឯកទេសជាន់ខ្ពស់ផ្នែកសហប្រតិបត្តិការអភិវឌ្ឍន៍កិច្ចការអន្តរជាតិ តំណាងក្រសួងអប់រំ វប្បធម៌ កីឡា​ វិទ្យាសាស្រ្ត និងបច្ចេកវិទ្យា (MEXT) នៃប្រទេសជប៉ុន។​

គួរឱ្យដឹងថា ទស្សនកិច្ចសិក្សា និងពិភាក្សាការងារនេះត្រូវបានរៀបចំឡើងក្នុងផ្ដោតលើគោលបំណងសំខាន់ៗ រួមមាន៖

១) បង្ហាញអំពីទិដ្ឋភាពទូទៅនៃប្រព័ន្ធអប់រំប្រទេសជប៉ុន

២) ពិភាក្សាអំពីប្រឈមនៃកំណែទម្រង់វិស័យអប់រំ

៣) ការបង្ហាញអំពីបទពិសោធន៍នៃការផ្ដល់សេវាអប់រំ (Japanese Style Education Tokkatsu) ។​

លោកអគ្គលេខាធិការក្រសួងអប់រំ បានពិភាក្សាអំពីការអនុវត្ដជាក់ស្ដែងរបស់ប្រព័ន្ធអប់រំក្នុងប្រទេសជប៉ុនដើម្បីជម្រុញការអភិវឌ្ឍកម្មវិធីសិក្សាដើម្បីស្របតាមការវិវត្ដនៃបរិបទបច្ចុប្បន្ន ការពង្រឹង Reskilling និង Upskilling។ លោកបានលើកឡើងពីការពង្រឹងកម្មវិធីសិក្សានៅកម្ពុជា ដើម្បីឆ្លើយតបទៅនឹងតេស្ដរង្វាយតម្លៃអន្តរជាតិPISA និងការបំប៉នបន្ថែមសមត្ថភាពគ្រូបង្រៀន ព្រមទាំងបញ្ហាប្រឈមនានា។

លោកបន្តថា កិច្ចសហប្រតិបត្តិការរវាងប្រទេសកម្ពុជា និងប្រទេសជប៉ុនបាន និងកំពុងបន្តរីកចម្រើនកាន់តែខ្លាំងឡើងដោយផ្អែកលើការជឿទុកចិត្តគ្នា ការគោរពគ្នាទៅវិញទៅមក និងការប្តេជ្ញាចិត្តរួមគ្នា ក្នុងការអភិវឌ្ឍយុវជនជំនាន់ក្រោយ។

ទន្ទឹមនឹងនេះ លោកក៏បានកោតសរសើរចំពោះការគាំទ្រជាបន្តបន្ទាប់របស់ប្រទេសជប៉ុនតាមរយៈ ក្រសួងអប់រំ វប្បធម៌ កីឡា​ វិទ្យាសាស្រ្ត និងបច្ចេកវិទ្យា (MEXT) និងស្ថាប័ននានា ព្រមទាំងភ្នាក់ងារជប៉ុនជាច្រើន ក្នុងការលើកកម្ពស់វិស័យអប់រំនៅប្រទេសកម្ពុជា។ កម្មវិធីអាហារូបករណ៍ MEXT បានដើរតួនាទីយ៉ាងសំខាន់ក្នុងការអភិវឌ្ឍធនធានមនុស្សរបស់ប្រទេសកម្ពុជា ដោយបានផ្តល់ឱកាសសម្រាប់និស្សិត និងមន្ត្រីរាជការនៃព្រះរាជាណាចក្រកម្ពុជាក្នុងការបន្តការសិក្សាថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ ថ្នាក់បណ្ឌិត និងការបណ្តុះបណ្តាលជំនាញផ្សេងៗនៅប្រទេសជប៉ុន៕

The post គណៈប្រតិភូក្រសួងអប់រំ ធ្វើទស្សនកិច្ចសិក្សានៅជប៉ុន ដើម្បីជម្រុញការអភិវឌ្ឍកម្មវិធីសិក្សា ស្របតាមការវិវត្ដនៃបរិបទបច្ចុប្បន្ន appeared first on .

ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានគូសបញ្ជាក់ចំពោះមុខលោកស្រី Meas Depuis Anne Sarinn ប្រធានក្រុមប្រឹក្សាភិបាល អង្គការទឹកស្អាត១០០១ នាថ្ងៃទី៨មិថុនាយ៉ាងច្បាស់ពីសារៈសំខាន់មិនអាចខ្វះបាន និងភាពចាំបាច់បំផុតនៃការប្រើប្រាស់ទឹកស្អាត ទាំងសម្រាប់ការបរិភោគប្រចាំថ្ងៃ និងសម្រាប់កិច្ចការអនាម័យ។ ការទទួលបានទឹកស្អាតប្រើប្រាស់គ្រប់គ្រាន់ គឺជាគន្លឹះក្នុងការកសាងសុខភាពរឹងមាំសម្រាប់កុមារ និងសហគមន៍ ហើយទន្ទឹមនឹងនេះ វាក៏បានចូលរួមចំណែកយ៉ាងធំធេងក្នុងការកាត់បន្ថយ និងសម្រាលបន្ទុកចំណាយប្រចាំថ្ងៃរបស់ក្រុមគ្រួសារនៅតាមជនបទផងដែរ។

ឈរលើស្មារតីយោគយល់ និងទស្សនវិស័យវែងឆ្ងាយនេះ ឯកឧត្តមបណ្ឌិតសភាចារ្យ បានប្រកាសគាំទ្រយ៉ាងពេញទំហឹងចំពោះការបន្តអនុស្សរណៈនៃការយោគយល់គ្នា (MoU) រវាងក្រសួងអប់រំ យុវជន និងកីឡា និងអង្គការទឹកស្អាត១០០១។ ការបន្តកិច្ចព្រមព្រៀងនេះ ធ្វើឡើងក្នុងគោលបំណងពង្រឹង និងពង្រីកវិសាលភាពនៃការអនុវត្តកម្មវិធីស្នូលចំនួនបី រួមមាន ទីមួយ គម្រោង «ទឹកស្អាតសម្រាប់សាលារៀន» (Water for Schools) ទីពីរ ការលើកកម្ពស់ការយល់ដឹងពីអនាម័យ និងទឹកស្អាត (WASH Education) និងទីបី ការចូលរួមចំណែកយ៉ាងសកម្មក្នុងផែនការសកម្មភាពជាតិស្តីពីការផ្គត់ផ្គង់ទឹក និងការសម្អាត។

ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានគូសបញ្ជាក់ថា ផ្លែផ្កានៃកិច្ចសហប្រតិបត្តិការប្រកបដោយផ្លែផ្ការវាងស្ថាប័នទាំងពីរក្នុងរយៈពេលកន្លងមកនេះ ពិតជាបានចូលរួមចំណែកយ៉ាងពិតប្រាកដក្នុងការកាត់បន្ថយអត្រាអវត្តមានរបស់សិស្សានុសិស្សនៅតាមសាលារៀន និងបានលើកកម្ពស់សុខុមាលភាពកុមារ តាមរយៈការផ្តល់ទឹកស្អាតដែលជាតម្រូវការមូលដ្ឋានគ្រឹះនៃជីវិត ព្រមទាំងការអប់រំដាស់តឿនស្មារតី «អនាម័យ» នៅតាមសាលារៀនក្នុងខេត្តគោលដៅជាច្រើននៅទូទាំងប្រទេសកម្ពុជា៕

The post ២១ឆ្នាំ នៃបេសកកម្មមនុស្សធម៌! ក្រសួងអប់រំ និងអង្គការទឹកស្អាត១០០១ ប្តេជ្ញាបន្តដៃគូយុទ្ធសាស្ត្រដើម្បីសុខុមាលភាពកុមារតាមសាលារៀនជនបទ appeared first on .

កិច្ចប្រជុំនេះ ប្រព្រឹត្តទៅនៅទីស្តីការក្រសួងអប់រំ យុវជន និងកីឡា ក្រោមអធិបតីភាពលោកជំទាវបណ្ឌិត គឹម សេដ្ឋានី ដោយមានការចូលរួមពីតំណាងក្រសួង-ស្ថាប័នពាក់ព័ន្ធ អភិបាលរាជធានី-ខេត្ត និងអង្គការដៃគូ សរុប ៧២រូប (រួមទាំងវត្តមាន លោកជំទាវ អឿន បញ្ចនាថ អនុរដ្ឋលេខាធិការក្រសួងបរិស្ថាន)។

ឆ្លើយតបទៅនឹងក្តីកង្វល់ជុំវិញការលួចលាក់ចែកចាយបារីអេឡិចត្រូនិកយ៉ាងសកម្មតាមបណ្តាញសង្គម អង្គប្រជុំបានឯកភាពជាឯកច្ឆន្ទលើចំណាត់ការ ៦ចំណុច ដែលជាចំណាត់ការដ៏ម៉ឺងម៉ាត់ និងឆ្លុះបញ្ចាំងពីការប្តេជ្ញាចិត្តយ៉ាងមុតមាំរបស់រាជរដ្ឋាភិបាល ក្នុងការលុបបំបាត់ផលិតផលញៀនថ្មី ដើម្បីការពារសុខុមាលភាពសាធារណៈ ជាពិសេសសការពារយុវជន និងសិស្សានុសិស្ស ដែលជាទំពាំងស្នងឫស្សីរបស់ជាតិ ពីគ្រោះថ្នាក់នៃផលិតផលទាំងនេះ៕

The post គណៈកម្មាធិការអន្តរក្រសួង ស្តីពីសុខភាពសិក្សា បានដាក់ចេញយន្តការ ៦ចំណុច ដើម្បីរឹតបន្តឹងការហាមឃាត់បារីអេឡិចត្រូនិក និងស៊ីស្សា appeared first on .

ថ្លែងនៅក្នុងឱកាសអញ្ជើញចូលរួមជាអធិបតីភាពក្នុងពិធីបើកសិក្ខាសាលាថ្នាក់ជាតិ ផ្សព្វផ្សាយអនុក្រឹត្យ ស្តីពីការគ្រប់គ្រងទារកដ្ឋាន នៅថ្ងៃទី១២ ខែមីនា ឆ្នាំ២០២៦ ឧបនាយករដ្ឋមន្ត្រី ហង់ជួន ណារ៉ុន បានបញ្ជាក់យ៉ាងដូច្នេះថា «បើសិនជាយើងចង់ឲ្យកម្ពុជា មានធនធានមនុស្ស មានគុណភាព ត្រូវតែវិនិយោគចាប់ពីកុមារទៅ ចាប់ពីអាយុ១០០០ថ្ងៃដំបូង ទាំងទារកដ្ឋាន ទាំងអនាម័យ ផ្លាស់ប្ដូរទម្លាប់ហូបចុក របស់មាតាបិតា និងផ្ដល់ការគាំទ្រថែទាំដល់កុមារ»។

បន្ថែមពីនោះទៀត ឧបនាយករដ្ឋមន្ត្រី ហង់ជួន ណារ៉ុន ក៏បានអំពាវនាវដល់អាណាព្យាបាលទាំងអស់ ត្រូវយកចិត្ដទុកដាក់ទៅលើទារកដ្ឋាន និងការថែទាំនៅពេលកុមារតូច មុនអាយុ៣ឆ្នាំ និងបង្កើនអត្រាចូលរៀនរបស់កុមារនៅក្នុងអាយុ៣ឆ្នាំ ៤ឆ្នាំ និង៥ឆ្នាំ ឲ្យបានកាន់តែច្រើនបន្ថែមទៀត។

ឧបនាយករដ្ឋមន្ត្រី ហង់ជួន ណារ៉ុន បានបន្ថែមថា ក្នុងបរិបទនេះ ការគាំពារ និងអភិវឌ្ឍកុមារតូច បានដើរតួនាទីយ៉ាងសំខាន់ ក្នុងការផ្តល់នូវមូលដ្ឋានគ្រឹះដ៏រឹងមាំ និងមិនអាចខ្វះបាន ក្នុងការអភិវឌ្ឍធនធានមនុស្ស ដោយផ្តើមចេញពីការគាំទ្រ ការអនុវត្តតាមបែបពហុវិស័យបញ្ចូលគ្នា។

ជាក់ស្តែងការស្រាវជ្រាវជាច្រើន បានឱ្យដឹងថា កុមារដែលបានទទួលសេវាថែទាំគាំពារប្រកបដោយវិជ្ជមាន និងឆ្លងកាត់ថ្នាក់មត្តេយ្យសិក្សា តែងតែបានចូលរៀន នៅសាលាបឋមសិក្សាដោយជោគជ័យ ដោយពុំមានការត្រួតថ្នាក់ និងបោះបង់ការសិក្សាឡើយ។ ជាពិសេសចាប់ពីកំណើតរហូត ដល់អាយុក្រោម៣ឆ្នាំ គឺជាអំឡុងពេលដែលមាតាបិតា និងអ្នកមើលថែកុមារតូច ត្រូវផ្តល់អាហារូបត្ថម្ភឱ្យបានគ្រប់គ្រាន់ ដើម្បីឱ្យកោសិកាខួរក្បាល មានការលូតលាស់បានល្អ ពីព្រោះក្នុងដំណាក់កាល ដំបូងនេះ កោសិកាខួរក្បាលកុមារ មានការលូតលាស់យ៉ាងឆាប់រហ័ស រហូតដល់៧០%៕

The post រដ្ឋមន្ត្រីក្រសួងអប់រំ៖ ប្រសិនបើចង់ឱ្យកម្ពុជាមានធនធានមនុស្សដែលសំបូរដោយគុណភាព ត្រូវចាប់ផ្តើមវិនិយោគចាប់ពីកុមារតូចទៅ appeared first on .

សិក្ខាសាលាថ្នាក់ជាតិស្វែងរកការគាំទ្រ បានរៀបចំឡើងកាលពីព្រឹកថ្ងៃទី១២ ខែមីនា ដោយមានការចូលលរួមពី លោក ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ ឯកឧត្ដម ហង់ ជួនណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និងជាប្រធានគណៈកម្មាធិការជាតិគាំពារនិងអភិវឌ្ឍកុមារតូច។

ឯកឧត្ដមបណ្ឌិតសភាចារ្យ ហង់ ជួនណារ៉ុន បានលើកឡើងថា ការយកចិត្តទុកដាក់លើការពង្រឹងយន្តការគ្រប់គ្រងទារកដ្ឋាន គឺជាសមិទ្ធផលថ្មីមួយទៀតដែលឆ្លុះបញ្ចាំងពីការអនុវត្តតាមអនុសាសន៍ដ៏ខ្ពង់ខ្ពស់របស់ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ក្នុងគោលដៅផ្តល់អត្ថប្រយោជន៍ផ្ទាល់ដល់កុមារតូច ដែលជាអ្នកបន្តវេនដ៏មានសក្តានុពល។

ឯកឧត្ដម ក៏បានបញ្ជាក់បន្ថែមថា ការផ្តល់សេវាទារកដ្ឋានក្នុងយុគសម័យទំនើប មិនមែនគ្រាន់តែជាការមើលថែទាំកុមារធម្មតាប៉ុណ្ណោះទេ ប៉ុន្តែវាជាប្រព័ន្ធផ្តល់សេវាអប់រំក្នុងដំណាក់កាលដំបូងនៃជីវិត ដែលរួមបញ្ចូលនូវបំណិនគ្រប់ជ្រុងជ្រោយ តាមរយៈការរៀនសូត្រដោយការលេង ការអប់រំសង្គមនិងអារម្មណ៍ ព្រមទាំងការផ្តល់សេវាប្រកបដោយសុវត្ថិភាព សុខភាព អាហារូបត្ថម្ភ និងអនាម័យ។

នាឱកាសនោះដែរ លោករដ្ឋមន្រ្តី ហេង សួរ ក៏បានគូសបញ្ជាក់ថា ការជំរុញការយល់ដឹងដល់ភាគីពាក់ព័ន្ធ និយោជក និងអ្នករៀបចំដំណើរការទារកដ្ឋាន អំពីយន្តការគ្រប់គ្រងទារកដ្ឋានប្រកបដោយប្រសិទ្ធភាព គឺពិតជាមានសារៈសំខាន់បំផុត។ លោកក៏បានលើកឡើងពីការការពារសិទ្ធិស្ត្រីនៅកន្លែងធ្វើការ ឈរលើគោលការណ៍មិនរើសអើង ដូចជាការធានាការឈប់សម្រាកលំហែមាតុភាព ការអនុញ្ញាតឱ្យស្ត្រីមានផ្ទៃពោះចាប់ពី៣ខែឡើងទៅអាចចេញធ្វើការមុនម៉ោង ការរក្សាអតីតភាពការងារ និងការហាមឃាត់ដាច់ខាតនូវការបញ្ឈប់កម្មការិនីដោយសារការមានផ្ទៃពោះ។

ទន្ទឹមនឹងនោះ រដ្ឋមន្រ្តីក្រសួងអប់រំ និងរដ្ឋមន្រ្តីក្រសួងការងារ ក៏បានបានអំពាវនាវដល់គ្រប់ភាគីពាក់ព័ន្ធទាំងអស់ ឱ្យបន្តកិច្ចសហការ និងបង្កើនការវិនិយោគលើកុមារតូច តាមរយៈការរៀបចំទារកដ្ឋានប្រកបដោយស្តង់ដា ដើម្បីពង្រីកសេវាថែទាំ និងផ្តល់ឱកាសរៀនសូត្រក្នុងវ័យដំបូងដល់ទារកនិងកុមារតូច ប្រកបដោយសមធម៌ និងបរិយាបន្ន៕

The post ក្រសួងចំនួន២ ជំរុញការវិនិយោគលើការរៀបចំទារកដ្ឋាន ដើម្បីគាំពារ និងអភិវឌ្ឍកុមារតូចនៅកម្ពុជា appeared first on .

ក្រសួងអប់រំ យុវជន និងកីឡា បានឱ្យដឹងថា ដំណើរទស្សនកិច្ចនេះ មានគោលបំណងស្វែងយល់អំពីការអនុវត្តកម្មវិធីផ្តល់អាហារតាមសាលា រៀនដោយប្រើប្រាស់កសិផលក្នុងសហគមន៍ និងបង្ហាញពីសមិទ្ធផលនៃការអនុវត្តកម្មវិធី ក៏ដូចជាបង្ហាញ អំពីការយកចិត្តទុកដាក់របស់រាជរដ្ឋាភិបាលលើការអនុវត្តកម្មវិធីនេះដែលរួមចំណែកដល់ការកសាង មូលធនមនុស្ស ជាពិសេសការយកចិត្តទុកដាក់ខ្ពស់លើសុខភាព និងអាហារូបត្ថម្ភដល់កុមារនៅតាម សាលាបឋមសិក្សា។

ក្នុងដំណើរទស្សនកិច្ចនោះ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ក៏បានផ្តល់កិត្តិយសដ៏ខ្ពស់ខ្ពស់ទស្សនា ការរៀបចំ ចម្អិន និងការហូបអាហាររបស់សិស្សានុសិស្ស, ជួបសំណេះសំណាលជាមួយគណៈគ្រប់គ្រង សាលា លោកគ្រូ អ្នកគ្រូ សហគមន៍ ចុងភៅ អ្នកផ្គត់ផ្គង់ស្បៀង អាណាព្យាបាលសិស្ស និង សិស្សានុសិស្ស ព្រមទាំងលើកទឹកចិត្តឱ្យបន្តពង្រឹងកិច្ចសហការរវាងស្ថាប័នជាតិ អាជ្ញាធរមូលដ្ឋាន និង ដៃគូអភិវឌ្ឍផងដែរ។

លោកជំទាវបណ្ឌិត បានបញ្ជាក់ថា កម្មវិធីផ្តល់អាហារតាម សាលារៀនដោយប្រើប្រាស់កសិផលក្នុងសហគមន៍ ជាកម្មវិធីជាតិជំនួយសង្គមដែលមិនត្រឹមតែផ្តល់អាហារដល់សិស្សប៉ុណ្ណោះទេ ប៉ុន្តែជាកម្មវិធីពហុវិស័យ ដែលបានផ្សារភ្ជាប់គ្នារវាងការអប់រំ សុខភាព អាហារូបត្ថម្ភ កសិកម្ម និងលើកកម្ពស់សេដ្ឋកិច្ចនិងសមធម៌នៅក្នុងសហគមន៍ផងដែរ។ កម្មវិធីនេះ ក៏បានជំរុញឱ្យមានការដាំបន្លែក្នុងសាលារៀន និងការផលិតអាហារដោយខ្លួនឯង ដែលចូលរួមបង្កើន បំណិនជីវិតសម្រាប់សិស្សានុសិស្ស បង្កើនសុវត្ថិភាពស្បៀង ភាពធន់សម្រាប់គ្រួសារ និងសហគមន៍។

បន្ថែមលើនេះ លោកជំទាវបណ្ឌិត បានលើកទឹកចិត្តឱ្យប្រើប្រាស់ផលិតផលក្នុងសហគមន៍ ការដាំបន្លែ ជុំវិញសាលារៀន ដើម្បីគាំទ្រជីវភាពកសិករ បង្កើនសេដ្ឋកិច្ចមូលដ្ឋាន និងបណ្តុះស្មារតីពង្រឹងសហគមន៍ ឱ្យពឹងផ្អែកលើខ្លួនឯងបានប្រសើរ។ លោកជំទាវបណ្ឌិត ក៏បានអំពាវនាវ និងលើក ទឹកចិត្តឱ្យសិស្សានុសិស្ស ខិតខំប្រឹងប្រែងរៀនសូត្រ និងអភិវឌ្ឍខ្លួន មិនមែនសម្រាប់តែអនាគតផ្ទាល់ ខ្លួនប៉ុណ្ណោះទេ ប៉ុន្តែជាការបង្កើតមូលដ្ឋានមួយសម្រាប់អភិវឌ្ឍគ្រួសារ និងសង្គមជាតិទាំងមូល ដើម្បី ក្លាយជាកម្លាំងរឹងមាំ ឈានទៅរកសន្តិភាព និងការអភិវឌ្ឍប្រកបដោយចីរភាព។

សូមជម្រាបជូនថា កម្មវិធីផ្តល់អាហារតាមសាលារៀន ត្រូវបានអនុវត្តនៅកម្ពុជា ចាប់តាំងពីឆ្នាំ ១៩៩៩មក ដោយមានការគាំទ្រពីកម្មវិធីស្បៀងអាហារពិភពលោក (WFP) ក្នុងគោលបំណងលើកកម្ពស់ អាហារូបត្ថម្ភកុមារ កាត់បន្ថយអត្រាបោះបង់ការសិក្សា និងបង្កើនការចូលរៀននៅតំបន់ជនបទ តំបន់ មានអត្រាភាពក្រីក្រខ្ពស់ និងងាយរងគ្រោះខ្លាំង។ គិតត្រឹម ឆ្នាំ២០២៥ កម្មវិធីនេះ បានគ្របដណ្តប់សាលាបឋមសិក្សាគោលដៅសរុប ១ ១១៤ សាលា ក្នុងខេត្តចំនួន ១០ ដែលមានសិស្សទទួលផលប្រមាណ ៣០០ ០០០នាក់ ដែលក្នុងនោះ សាលាចំនួន ៨១៦ និងសិស្សទទួលផលចំនួន ២៣២ ០០០នាក់ បាននិងកំពុងអនុវត្តដោយប្រើ ប្រាស់ថវិកាជាតិ ខណៈសាលាចំនួន ២៩៨ បាននិងកំពុងអនុវត្តក្រោមការគ្រប់គ្រងដោយកម្មវិធី ស្បៀងអាហារពិភពលោក៕

The post លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញទស្សនកិច្ចការអនុវត្តកម្មវិធីផ្តល់អាហារតាមសាលារៀននៅសាលាបឋមសិក្សាប្រាសាទជាងទង ខេត្តកំពង់ឆ្នាំង appeared first on .

នេះបើតាមរយៈជំនួបសម្តែងការគួរសម និងពិភាក្សាការងារ រវាងឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានទទួលជួបសម្ដែងការគួរសម និងពិភាក្សាការងារ ជាមួយគណៈប្រតិភូសភាពាណិជ្ជកម្មអ៊ីស្រាអែល (CICC) ដឹកនាំដោយ លោក Moran Hadad ប្រធានសភាពាណិជ្ជកម្មអ៊ីស្រាអែល (CICC) កាលពីថ្ងៃទី១៦ ខែកុម្ភៈ ឆ្នាំ២០២៦។

ក្នុងឱកាសនេះ លោក ប្រធានសភាពាណិជ្ជកម្មអ៊ីស្រាអែល (CICC) បានលើកឡើងពីគោលបំណងក្នុងការចូលរួមចំណែកជំរុញសន្ទុះនៃការអភិវឌ្ឍវិស័យអប់រំនៅកម្ពុជា ដោយការនាំយកនូវជំនាញឈានមុខគេផ្នែកបច្ចេកវិទ្យា និងនវានុវត្តន៍របស់អ៊ីស្រាអែលមកកាន់កម្ពុជា តាមរយៈកម្មវិធីភាពជាដៃគូដែលមានរចនាសម្ព័ន្ធរវាងស្ថាប័នឧត្តមសិក្សាអ៊ីស្រាអែល និងកម្ពុជា ដែលផ្តោតសំខាន់លើការរៀបចំកម្មវិធីបណ្តុះបណ្តាល និងកិច្ចសហការជាមួយគ្រឹះស្ថានឧត្តមសិក្សាដែលមានកិត្យានុភាព ក្នុងគោលដៅពង្រឹងសមត្ថភាព និងផ្លាស់ប្តូរជំនាញដល់យុវជនកម្ពុជា អភិវឌ្ឍធនធានមនុស្សកម្ពុជា ស្របតាមចក្ខុវិស័យរបស់រាជរដ្ឋាភិបាល។

ជាការឆ្លើយតប ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានថ្លែងអំណរគុណចំពោះកិច្ចសហប្រតិបត្តិការរវាងប្រទេសទាំងពីរនាពេលកន្លងមក ជាពិសេសក្នុងវិស័យអប់រំ និងបានសម្តែងនូវការស្វាគមន៍ចំពោះគំនិតផ្តួចផ្តើមនេះ ដែលនឹងផ្តល់ឱកាសឱ្យភាគីទាំងពីរបានស្វែងយល់ពីវប្បធម៌ការងារគ្នាទៅវិញទៅមក និងពង្រឹងកិច្ចសហការក្នុងជំនាញជាច្រើន ជាពិសេសក្នុងជំនាញបច្ចេកវិទ្យា។

ក្នុងស្មារតីនេះ ឯកឧត្តមបញ្ជាក់ថាក្រសួងនឹងពិនិត្យមើលលទ្ធភាពនៃកិច្ចសហប្រតិបត្តិការឱ្យបានគ្រប់ជ្រុងជ្រោយ ដើម្បីជំរុញការកសាងហេដ្ឋារចនាសម្ព័ន្ធ និងការរៀបចំការបណ្តុះបណ្តាលតាមបែបផ្លូវការឱ្យកាន់តែប្រសើរឡើង ដោយជឿជាក់ថា នេះគឺជាជំហានដ៏វិជ្ជមានមួយក្នុងការបង្កើនលទ្ធភាពទទួលបានចំណេះដឹង និងការស្រាវជ្រាវថ្មីៗ ដែលនឹងក្លាយជាគ្រឹះដ៏សំខាន់សម្រាប់យុវជនកម្ពុជាក្នុងការត្រៀមខ្លួនសម្រាប់នាពេលអនាគត ក្នុងយុគសម័យឌីជីថលនេះ៕

The post សភាពាណិជ្ជកម្មអ៊ីស្រាអែល មានបំណងនាំយកជំនាញឈានមុខគេផ្នែកបច្ចេកវិទ្យា និងនវានុវត្តន៍របស់អ៊ីស្រាអែលមកកាន់កម្ពុជា appeared first on .

គណៈគ្រប់គ្រងសាលាអន្តរជាតិ គ្រីនហ្វៀល បានមានប្រសាសន៍ថា ការចូលរួមនេះគឺជាទឹកចិត្ត និងសប្បុរសធម៌​ជួយគ្នានៅក្នុងគ្រាដែលប្រទេសជាតិកំពុងជួបការលំបាក ខណ:ពេលបច្ចុប្បន្នប្រមុខរាជរដ្ឋាភិបាលកំពុងបំពេញ​ភារកិច្ចយ៉ាងសកម្មដើម្បីជាតិ និងប្រជាជន។

ក្រសួងអប់រំ យុវជន និងកីឡា នៅតែបន្តទទួលរាល់សម្ភារៈ ថវិកា កញ្ចប់សម្ភារៈសិក្សា សម្ភារៈ ប្រើប្រាស់ចាំបាច់ និងគ្រឿងឧបភោគបរិភោគនានាពីសប្បុរសជនគ្រប់មជ្ឈដ្ឋានទាំងអស់ ដើម្បីបែងចែក និងដឹកជញ្ជូនបន្តទៅដល់​បុគ្គលិកអប់រំ លោកគ្រូអ្នកគ្រូ និងសិស្សភៀសសឹកនៅតាមបណ្ដាខេត្ត ដែលរងផល ប៉ះពាល់ជាបន្តបន្ទាប់។

សូមជម្រាបថា សាលាអន្តរជាតិគ្រីនហ្វៀល ជាសាលា ៣ភាសា ដែលផ្ដល់ការអប់រំចាប់ពីកម្រិតថ្នាក់មតេ្តយ្យ រហូតដល់ថ្នាក់ទី១២ ដោយចាប់ទទួលសិស្សចាប់ពីអាយុ ២ឆ្នាំឡើងទៅដល់ថ្នាក់ទី១២។ សាលាមានកម្មវិធី​ជាច្រើន កម្មវិធីសិក្សាថ្នាក់ជាតិ និងកម្មវិធីសិក្សាថ្នាក់អន្តរជាតិខេមប្រ៊ីក និងភាសាចិន។ ក្រៅពីថ្នាក់ ៣ ភាសា សាលាក៏មានថ្នាក់បន្ថែមដោយឥតគិតថ្លៃទៅលើ បង្រៀនហែលទឹក តន្រ្តី  កុំព្យូទ័រ គូរគំនូរ កីឡា តារាងបាល់ សួនដាំដំណាំ បន្ទប់ពិសោធន៍ និង បណ្ណាល័យធំទូលលាយផងដែរ។

បច្ចុប្បន្នសាលាកំពុងមានប្រម៉ូសិន ២៥% ទៅលើថ្លៃសិក្សារយៈពេល ៥ឆ្នាំ ហើយបន្ទាប់មក ១៥% រហូតដល់​ថ្នាក់ទី១២ និង ៥០% ទៅលើថ្លៃចុះឈ្មោះ។

សម្រាប់ព័ត៌មានលម្អិត សូមធ្វើការទំនាក់ទំនង៖

សាខាឫស្សីកែវ៖ អាស័យដ្ឋានផ្ទះលេខ ៩៨៩ ខណ្ឌឫស្សីកែវ រាជធានីភ្នំពេញ។

លេខទូរស័ព្ទ៖ 089 777 138, 098 777 138, 068 777 138

The post សាលាអន្តរជាតិគ្រីនហ្វៀល ចូលរួមចំណែកឧបត្ថម្ភដល់បុគ្គលិកអប់រំ លោកគ្រូអ្នកគ្រូ និងសិស្សភៀសសឹក ដែលរងផលប៉ះពាល់ពីសង្គ្រាមឈ្លានពានពីប្រទេសថៃ appeared first on .

ក្រសួងព័ត៌មានបានឱ្យដឹងថា លោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានអំពាវនាវដល់មាតាបិតា អាណាព្យាបាលភៀសសឹកទាំងអស់ នាំកូនទៅចុះឈ្មោះចូលរៀនបណ្ដោះអាសន្ននៅតាមគ្រឹះស្ថានសិក្សានានាដែលមានទីតាំងនៅជិតបំផុតនឹងទីជម្រកសុវត្ថិភាពបណ្ដោះអាសន្នរបស់លោកអ្នកឱ្យបានគ្រប់ៗ គ្នា ស្ថិតក្នុងគ្រាដ៏លំបាក នៃជម្លោះព្រំដែនរវាងកម្ពុជា-ថៃ។

លោកឧបនាយករដ្ឋមន្ត្រី បានអំពាវនាវសូមបន្តពង្រឹងសាមគ្គីភាពគ្នារក្សាស្មារតីជាតិដ៏រឹងមាំ និងជឿទុកចិត្តលើរាជរដ្ឋាភិបាលកម្ពុជាក្នុងការប្រយុទ្ធប្រឆាំងនឹងខ្មាំងឈ្លានពានដែលរំលោភបូរណភាពដែនដីរបស់កម្ពុជា។

លោកក៏បានណែនាំថា សូមកុំខ្លបខ្លាច សូមមានភាពក្លាហាន ហើយងើបឈរឡើង ដើម្បីគាំទ្ររាជរដ្ឋាភិបាល គាំទ្រកងកម្លាំងប្រដាប់អាវុធវីរយុទ្ធជនយើង ដើម្បីប្រយុទ្ធប្រឆាំងខ្មាំងឈ្លានពាន និងត្រូវខិតខំប្រឹងប្រែងបណ្តុះបណ្តាលធនធានមនុស្សឱ្យមានគុណភាព មានតែធនធានមនុស្សដែលមានគុណភាពទេ ទើបយើងអាចកសាងកម្ពុជាមួយដែលមានសេដ្ឋកិច្ចការអភិវឌ្ឍមានភាពរុងរឿង និងយកឈ្នះមាសត្រូវរបស់យើង។

គួរបញ្ជាក់ថា សង្គ្រាមឈ្លានពានពីសំណាក់ទ័ពសៀមចាប់ពីថ្ងៃទី ៧ រហូតដល់ថ្ងៃទី ១៧ ខែធ្នូ ឆ្នាំ ២០២៥ មានសាលារៀនជាប់បន្ទាត់ព្រំដែនចំនួន ១ ០៩១ សាលា នៃខេត្តចំនួន ៧ ត្រូវបានបិទទ្វារ ប៉ះពាល់គ្រូបង្រៀន ១១ ៩២២ នាក់ និង សិស្សានុសិស្ស ២៥៤ ៤៨០ នាក់ ខណៈមានជនភៀសសឹកកើនដល់ ១៣១ ៦៧២ គ្រួសារ ស្មើនឹង ៤៣៨ ៩៥៣ នាក់ ក្នុងនោះ ស្ត្រីមាន ២២៥ ៥៧២ នាក់ និងកុមារមាន ១៣៤ ៦០២ នាក់៕

The post សិស្សភៀសសឹកជាង៩ពាន់នាក់ បានចូលរៀនបណ្ដោះអាសន្នតាមគ្រឹះស្ថានសិក្សា ជាង ១ ៦០០កន្លែង appeared first on .

លោកបណ្ឌិតសភាចារ្យ បានឱ្យដឹងថា តាមរយៈកិច្ចព្រមព្រៀងនេះ ក្រុមហ៊ុន Grab (Cambodia) Co., Ltd បរិច្ចាគថវិកាចំនួន ១២៩,៩០០ ដុល្លារអាមេរិក ជូនដល់ក្រសួងអប់រំ យុវជន និងកីឡា ដើម្បីប្រើប្រាស់សម្រាប់គម្រោងសាងសង់អគារសិក្សា និងហេដ្ឋារចនាសម្ព័ន្ធចាំបាច់នៅសាលាបឋមសិក្សាមនោរម្យ ១+២ ដែលស្ថិតក្នុងភូមិសែនមនោរម្យ ២ ឃុំគោកខ្ពស់ ស្រុកបន្ទាយអំពិល ខេត្តឧត្តរមានជ័យ។ សមាសភាគសំខាន់ៗនៃគម្រោងសាងសង់រួមមាន៖  អគារសិក្សាថ្មី ចំនួន ៦ បន្ទប់, ការបំពាក់គ្រឿងបរិក្ខារសិក្សា រួមមាន តុ កៅអី និងក្តារខៀន, អគារបង្គន់អនាម័យ ចំនួន ៥ បន្ទប់, អាងស្តុកទឹកកម្ពស់ខ្ពស់ដែលមានចំណុះ ១០,០០០ លីត្រ, ដងទង់ជាតិ។

តាងនាមក្រសួងអប់រំ យុវជន និងកីឡា លោកបណ្ឌិតសភាចារ្យ ឧបនាយករដ្ឋមន្ត្រី បានថ្លែងអំណរគុណយ៉ាងជ្រាលជ្រៅចំពោះការចូលរួមគាំទ្រដល់ការសាងសង់សាលារៀននេះ និងសូមវាយតម្លៃខ្ពស់ចំពោះទឹកចិត្តមនុស្សធម៌របស់ក្រុមហ៊ុន Grab ។ ដោយលោកបញ្ជាក់ថា  គម្រោងនេះមិនត្រឹមតែផ្ដល់នូវអគារសិក្សាប៉ុណ្ណោះទេ ប៉ុន្តែថែមទាំងជានិមិត្តរូបនៃកិច្ចសហការរវាងវិស័យរដ្ឋ និងឯកជន ក្នុងការលើកកម្ពស់លទ្ធភាពទទួលបានការអប់រំសម្រាប់កុមារនៅតាមតំបន់ព្រំដែន ជាពិសេសផ្តល់ក្តីសង្ឃឹមឡើងវិញដល់កុមារដែលរស់នៅតាមតំបន់ព្រំដែន។

គួរបញ្ជាក់ថា មកទល់ពេលនេះមានសាលារៀនជាប់បន្ទាត់ព្រំដែន៧ខេត្ត បានបិទទ្វារសរុប១០៩១សាលា ធ្វើឱ្យប៉ះពាល់ដល់គ្រូបង្រៀន១១៩២២នាក់ និងសិស្ស២៥៤៤៨០នាក់៕

The post ក្រសួងអប់រំ និងក្រុមហ៊ុនមួយចុះហត្ថលេខាបរិច្ចាគថវិកា សាងសង់ឡើងវិញនូវហេដ្ឋារចនាសម្ព័ន្ធអប់រំ ដែលរងការប៉ះពាល់ដោយសង្គ្រាម appeared first on .