ថ្លែងក្នុងពិធីជួបសំណេះសំណាលជាមួយនឹងសិស្សនិទ្ទេស A និងការប្រឡងសញ្ញាបត្របច្ចេកទេសនិងវិជ្ជាជីវៈកម្រិត ៣ ឆ្នាំ២០២២ នាព្រឹកថ្ងៃទី២ ខែកុម្ភៈ ឆ្នាំ២០២៣ នៅសាល OCIC ជ្រោយចង្វារ សម្ដេចតេជោ ហ៊ុន សែន បានជំរុញដល់លោក ឃួង ស្រេង  អភិបាលរាជធានីភ្នំពេញ  និងលោក ហង់ ជួនណារ៉ុន ពិនិត្យសាងសង់អន្តេវាសិកដ្ឋានមួយកន្លែងទៀត សម្រាប់ផ្តល់ជូនសិស្សក្រីក្រមកពីបណ្តាខេត្ត ជាពិសេសសិស្ស និស្សិតជានារី និងសិស្សបរទេសផងដែរ។

សម្តេចតេជោ បានបញ្ជាថា៖«ខ្ញុំសូមឱ្យរាជធានីភ្នំពេញ ក្រសួងអប់រំ យុវជន និងកីឡា ពិនិត្យមើលទីតាំងដីនៅម្តុំពហុកីឡដ្ឋានមរតកតេជោ ដើម្បីរៀបចំកសាងអន្តេវាសិកដ្ឋានសម្រាប់សិស្សមកពីបណ្តាខេត្តនានា ជាពិសេសសិស្សស្រីស្នាក់នៅ ដើម្បីសិក្សារៀនសូត្រឱ្យបានកាន់តែខ្ពស់ ហើយជាជំហានដំបូងខ្ញុំចង់បានអន្តេវាសិកដ្ឋានដែលផ្តើមឡើងដំបូង ចាប់ពី២០០- ៣០០គ្រែ និងបន្តកើនឡើងជាបន្តបន្ទាប់ទៀត»។

គួរបញ្ជាក់ដែរថា សម្ដេចតេជោ ហ៊ុន សែន បានលើកឡើងថា ការបណ្តុះបណ្តាលធនធានមនុស្ស គឺជារឿងសំខាន់ និងមិនអាចមើលរំលងបាន ដើម្បីបំពេញសេចក្តីត្រូវការលើការអភិវឌ្ឍ។ ហេតុនេះ ការជំរុញឱ្យមានកន្លែងស្នាក់នៅរបស់សិស្សនិស្សិត ដើម្បីស្នាក់នៅរៀនសូត្រ គឺរឿងចាំបាច់ដើម្បីបង្កើនធនធានមនុស្សកម្ពុជា ពិសេសជំរុញកំណើនសិស្សស្រីនៅកម្រិតឧត្តមសិក្សា៕ អត្ថបទ៖ ពិសី

The post រដ្ឋាភិបាល គ្រោងយកដីមួយផ្នែកនៅតំបន់ស្តាតមរតកតេជោ សាងសង់អន្តេវាសិកដ្ឋានសម្រាប់សិស្សស្រី appeared first on .

ចំពោះលទ្ធផលសិស្សប្រឡងប្រមាណជា ៧២,៣៣ភាគរយនេះ លោក មុំ វ៉ារិន អគ្គនាយកសាលាអន្តរជាតិ Asia-Pacific Fredfort International School (AFIS)  បានបញ្ជាក់ថា ជាផលល្អសម្រាប់ប្រទេសជាតិ  ផ្ទុយទៅវិញប្រសិនបើធ្លាក់ច្រើនពេក គឺជាបញ្ហារបស់សង្គម ។

លោក បានបន្តថា  បើចង់ឱ្យប្រទេសជាតិមួយមានធនធានមនុស្ស មិនគួររឹតបន្តឹងនៅតែថ្នាក់ទី១២ នោះទេ អ្វីដែលគួរពិនិត្យនោះគឺ ការពង្រឹងគុណភាពអប់រំក្នុងកម្រិតបឋម អនុវិទ្យាល័យ ដែលជាឫសគល់សំខាន់សម្រាប់គុណភាពនៃធនធានមនុស្ស។ នៅពេលដែលក្មេងមានប្រព័ន្ធអប់រំ រឹតបន្តឹងពីកម្រិតក្រោមមក ទោះជាប់ឬមិនជាប់បាក់ឌុប ក៏គាត់មានសមត្ថភាពធ្វើការដោយពេញលេញដែរ។

លោក បានបញ្ជាក់ទៀតថា សាកលវិទ្យាល័យគ្រាន់តែជាកន្លែងមួយសម្រាប់ពង្រឹងទៅលើការងារ ជំនាញលើមុខវិជ្ជាអ្វីមួយ ប៉ុន្តែគ្រឹះនៃចំណេះដឹង ទេពកោសល្យមនុស្សម្នាក់ៗគឹពឹងលើពីកម្រិតក្រោម មិនមែនពឹងលើមហាវិទ្យាល័យឬសាកលវិទ្យាល័យនោះទេ ។ ការបណ្តុះបណ្តាលតែមហាវិទ្យាល័យ បរិញ្ញាបត្រ អនុបណ្ឌិត បណ្ឌិតច្រើនពេក នៅពេលចប់បរិញ្ញា អនុបណ្ឌិតឬបណ្ឌិត គឺមានតែសញ្ញាបត្រ ប៉ុន្តែគុណភាពមិនមានជាជំនាញ នេះជាវិបត្តិធនធានមនុស្ស។ 

ទន្ទឹមនឹងនេះដែរ លោក ជំរុញឱ្យមានការពង្រឹងគុណភាពពីកម្រិតបឋម មធ្យម ឱ្យខ្លាំង ព្រមទាំងពង្រឹងគុណភាពតាមសាកលវិទ្យាល័យឱ្យបានរឹងមាំ ផ្តោតលើការស្រាវជ្រាវ ចំណេះដឹងពិត ធ្វើយ៉ាងណាឱ្យសញ្ញាបត្រ និងគុណភាពមានតុល្យភាព ៕

The post លោក មុំ វ៉ារិន៖ សិស្សប្រឡងបាក់ឌុបជាប់ច្រើនជាផលល្អសម្រាប់ប្រទេសជាតិ appeared first on .

ឆ្លើយតបចំពោះសំណូមពរនឹងការតវ៉ារបស់បេក្ខជនដែលបានដាក់ពាក្យតវ៉ាចំពោះលទ្ធផលនៃការ ប្រឡងក្រសួងអប់រំ យុវជន និងកីឡា បានពិនិត្យយ៉ាងយកចិត្តទុកដាក់លើកិច្ចការរបស់បេក្ខជនពីសំណាក់ថ្នាក់ដឹកនាំ និងមន្ត្រីជំនាញ ធ្វើយ៉ាងណាឱ្យបេក្ខជន មាតាបិតា អ្នកអាណាព្យាបាល និងសាធារណជនមានការជឿទុកចិត្ត។

ក្រសួងអប់រំ យុវជន និងកីឡា បានអះអាងថា ការប្រឡងសញ្ញាបត្រមធ្យមសិក្សាទុតិយភូមិ បានប្រព្រឹត្តទៅដោយរលូន ស្របតាមគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន ក្រោមការយកចិត្តទុកដាក់ពី ប្រមុខរាជរដ្ឋាភិបាល និងការរៀបចំរបស់ក្រសួងអប់រំ យុវជន និងកីឡា ពិសេសមានកិច្ចសហការល្អរវាងក្រសួង ស្ថាប័ន អាជ្ញាធរ និងភាគីពាក់ព័ន្ធ ព្រមទាំងការខិតខំប្រឹងប្រែងរៀនសូត្រផ្ទាល់របស់បេក្ខជន ការអនុវត្តភារកិច្ច ប្រកបដោយភាពហ្មត់ចត់ ស្មោះត្រង់ និងស្មារតីទទួលខុសត្រូវខ្ពស់របស់គណៈមេប្រយោគ និងគណៈកម្មការ នានាគ្រប់ថ្នាក់។

ជាមួយគ្នានេះ ក្រសួង ក៏ផ្តល់ឱកាសចំពោះសិស្សប្រឡងធ្លាក់ ឱ្យប្រឡងឆ្នាំក្រោយទៀត និងលើកទឹកចិត្តឱ្យខិតខំរៀន សូត្របន្ត ដោយមានការជួយគាំទ្រពីសំណាក់លោកគ្រូ អ្នកគ្រូ មាតា បិតា អ្នកអាណាព្យាបាល និងសហគមន៍ ដើម្បីទទួលបានជោគជ័យនៅឆ្នាំខាងមុខ។

គួរបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៥ ធ្នូ ២០២២ បេក្ខជនចុះ ឈ្មោះប្រឡងសរុបចំនួនជាង១២ម៉ឺននាក់ ក្នុងនោះសិស្សប្រលងជាប់ជាង៩ម៉ឺននាក់៕

The post ក្រសួងអប់រំ ប្រកាសទទួលយកលទ្ធផលការប្រឡងបាក់ឌុប និងបញ្ចប់ការទទួលពាក្យតវ៉ាពីបេក្ខជន appeared first on .

សូមជម្រាបជូនថា ក្រសួងអប់រំ យុវជន និងកីឡា បានរៀបចំការប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២២ រយៈពេល ២ថ្ងៃ គឺថ្ងៃទី៥-៦ ធ្នូ ដោយគោរពតាមគោលការណ៍ទាំង៤ នៃការប្រឡង គឺគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន៕

The post លទ្ធផលប្រឡងបាក់ឌុបឆ្នាំនេះ មានសិស្សនិទ្ទេស A ជាង១ពាន់នាក់ appeared first on .

សេចក្តីជូនដំណឹងរបស់ក្រសួងអប់រំ នៅថ្ងៃទី១២ ខែកញ្ញានេះ បានបញ្ជាក់ថា ការសម្រេចផ្អាកដំណើរការគ្រឹះស្ថានសិក្សាសាធារណៈ និងឯកជនគ្រប់កម្រិតជាបណ្ដោះអាសន្ន នៅរាជធានីភ្នំពេញ ក្នុងគោលបំណងកាត់បន្ថយការស្ទះចរាចរណ៍ សម្រាប់ប្រជាជន និងជួយសម្រួលដល់ក្បួនរថយន្តរបស់គណៈប្រតិភូក្នុងអំឡុងពេលនៃកិច្ចប្រជុំកំពូលអាស៊ានលើកទី៤០-៤១ និងកិច្ចប្រជុំកំពូលពាក់ព័ន្ធ ដែលនឹងប្រព្រឹត្តទៅនៅថ្ងៃទី១០-១៣ ខែវិច្ឆិកា ឆ្នាំ២០២២៕

គួររម្លឹកថា ការ​ធ្វើជា​ម្ចាស់ផ្ទះ​នៃ​កិច្ចប្រជុំ​កំពូល​អា​ស៊ាន​ឆ្នាំ​ ​២​០​២​២​ ​គឺជា​លើក​ទី​ ​៣​ ​សម្រាប់​ប្រទេស​កម្ពុជា​ ​ហើយ​វា​ជា​កិច្ចប្រជុំ​កំពូល​ក្នុង​តំបន់​ដ៏​សំខាន់​មួយ​ ​បន្ទាប់ពី​បាន​ចូល​ជា​សមាជិក​អា​ស៊ាន​នៅ​ថ្ងៃ​ទី​ ​៣​០​ ​ខែ​មេសា​ ​ឆ្នាំ​១​៩​៩​៩​៕

The post លោក ហង់ជួនណារ៉ុន សម្រេចផ្អាកការសិក្សាសាលារដ្ឋ និងឯកជនបណ្ដោះអាសន្ន ៣ថ្ងៃពេលកិច្ចប្រជុំកំពូលអាស៊ាន appeared first on .

កិច្ចប្រជុំកាលពីថ្ងៃទី៩ ខែកញ្ញានេះ ដឹកនាំដោយឧកញ៉ា ហេង វ៉ាន់ដា សហប្រធានក្រុមការងារ “ដ” ផ្នែកឯកជន នៃសភាពាណិជ្ជកម្មកម្ពុជា រួមទាំងតំណាងគ្រឹះស្ថានអប់រំផ្នែកឯកជន, សមាគមឧត្តមសិក្សាកម្ពុជា ដែលចូលរួមប្រមាណជា ១០០នាក់ ទាំងផ្ទាល់ និងតាមរយៈអនឡាញ។

ក្នុងកិច្ចប្រជុំនេះ បានលើកឡើងអំពី សកម្មភាព និងសម្មិទ្ធិផលសម្រេចបាននាពេលកន្លងមករបស់ក្រុមការងារផ្នែកអប់រំ និងស្វែងរកបញ្ហាប្រឈម កង្វល់ ក៏ដូចជាសំណូមពរថ្មីៗ ដើម្បីដាក់ជូនអង្គប្រជុំទាំងមូល ដើម្បីធ្វើការពិគ្រោះពិភាក្សាក្នុងការដាក់ស្នើសុំដំណោះស្រាយពី ក្រសួងអប់រំ យុវជន និងកីឡា នាពេលខាងមុខ។

គួររំលឹកថា ការរៀបចំកិច្ចប្រជុំក្រុមការងា “ដ” ផ្នែកអប់រំ” នេះជាលេីកដំបូងក្នុងឆ្នាំ២០២២ ដោយឡែកនៅអគ្គនាយកដ្ឋានសភាពាណិជ្ជកម្មកម្ពុជា តែងតែសម្របសម្រួលជូនដល់វិស័យផ្សេងៗជាច្រេីនទៀត ដេីម្បីលេីកយកបញ្ហាមកពិគ្រោះពិភាក្សា និងដាក់ស្នើសុំដំណោះស្រាយពី ស្ថាប័នរដ្ឋដែលមានការពាក់ព័ន្ធ៕

The post ឧកញ៉ា ហេង វ៉ាន់ដា ដឹកនាំអ្នករកស៊ីក្នុងវិស័យអប់រំប្រមាណ ១០០នាក់ជួបគ្នាពិគ្រោះលើបញ្ហាប្រឈម ស្នើសុំទៅក្រសួងអប់រំដោះស្រាយ appeared first on .

លោកថា បរាជ័យកន្លែងណាងើបកន្លែងហ្នឹង ដោះស្រាយបញ្ហាកន្លែង​នោះ។ កុំភ័យ កុំខ្លាចក្នុងការកែតម្រូវនូវចំណុចខ្វះខាត។ លោក ស សុខា ថ្លែងយ៉ាងដូច្នេះធ្វើឡើងក្នុងពិធីសំណេះសំណាលជាមួយក្រុមការងារអភិវឌ្ឍយុវជនខេត្តបន្ទាយមានជ័យ កាលពីថ្ងៃទី២៧ ខែសីហា ឆ្នាំ២០២២។

សូមស្តាប់ប្រសាសន៍លោក ស សុខា៖

The post លោក ស សុខា ណែនាំកុំភ័យ កុំខ្លាចក្នុងការកែតម្រូវនូវចំណុចខ្វះខាត appeared first on .

លោកជារដ្ឋមន្ត្រី ដែលមាន​មហិច្ឆតា​ធ្វើកំណែ​ទម្រង់​ការ​អប់រំ​ដ៏​ពុក​ផុយ​នៅ​កម្ពុជា ឲ្យ​មាន​សក្ដានុភាព​​ឡើង​វិញ​។ ពង្រឹង​គុណភាព​អប់រំ រឹតបន្តឹង​ការ​ប្រឡង ដំឡើង​ប្រាក់​បៀវត្សរ៍​ឲ្យ​គ្រូ​បង្រៀន សុទ្ធ​សឹង​ជា​អ្វី​ដែល​លោក​រដ្ឋ​មន្ដ្រី​រូប​នេះ​បាន​ធ្វើ​រួច​ហើយ បើ​ទោះ​បី​ជា​ត្រូវ​រង​ការ​សង្ស័យ​ចំពោះ​សមត្ថភាព​ពី​ដំបូង​ក៏​ដោយ​ចុះ​។

ទន្ទឹមនឹងនោះ លោក ហង់ជួនណារ៉ុន គឺជាមន្ត្រីដែលចេះរហូតដល់ទៅ ៥ភាសា ឯណោះ ក្រៅពីភាសាខ្មែរ គឺភាសាអឺរ៉ុប ចំនួន ៣ភាសា និងភាសាអាស៉ី ចំនួន ៣ភាសា។

ជុំវិញបញ្ហាភាសានេះដែរ កាលពីពេលថ្មីៗនេះ លោក ហង់ជួន ណារ៉ុន បានបញ្ជាក់ថា៖ «តាមការស្រាវជ្រាវ ការចេះភាសាច្រើន ធ្វើឲ្យខួរក្បាលគិតបានល្អ ជាងអ្នកចេះភាសាតែមួយ និងមានការយល់ដឹងខាងផ្នែកវប្បធម៌ វិទ្យាសាស្ត្រ និងមានបំណិនទំនាក់ទំនងបានល្អជាង។ ក្នុងន័យនេះ លោក ហង់ជួនណារ៉ុន លើកទឹកចិត្តឲ្យយុវជនខ្មែរ រៀនភាសាខ្មែរឲ្យច្បាស់»៕

The post ក្រៅពីសាភាខ្មែរ រដ្ឋមន្ត្រីក្រសួងអប់រំ ហង់ជួន ណារ៉ុន ចេះភាសាចំនួន ៥ ឯណោះ appeared first on .

មិនមែន​មាន​តែ​លោក ស សុខា ម្នាក់​នោះ​ទេ​ដែល​ត្រូវ​បានផ្តល់តួនាទីជាប្រធានក្រុមប្រឹក្សាភិបាល ឥស្សរជន ៥ ​រូប​ទៀត​ក៏​ត្រូវ​បានតែងតាំងជាសមាជិកដូចគ្នាផងដែរនៅសាកលវិទ្យាល័យ ជា ស៊ីម កំចាយមារ គឺលោក ពេជ្រ សម្បត្តិ អនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ លោក ឡៅ ហ៊ីម រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ លោកបណ្ឌិត សរ ចិត្រា អគ្គលេខាធិការរងនៃក្រសួងកសិកម្ម រុក្ខាប្រមាញ់ និងនេសាទ លោក សួន សុម៉ាលីន អភិបាលរងខេត្តព្រៃវែង និងលោកបណ្ឌិត សិត ខន សាកលវិទ្យាធិការនៃសាកលវិទ្យាល័យ ជា ស៊ីម កំចាយមារ។

លោក ស សុខា ជាកូន​ប្រុសច្បង​របស់​សម្តេចក្រឡាហោម ស ខេង ​ឧបនាយក​រដ្ឋមន្រ្តី និង​​រដ្ឋមន្រ្តី​ក្រសួង​មហាផ្ទៃ។ ក្រៅ​ពី​តួនាទី​ក្នុង​ជួរ​រដ្ឋាភិបាលកម្ពុជា សម្តេច​ក៏​​ជា​អនុប្រធាន​គណបក្ស​ប្រជាជន​កម្ពុជា។​

លោក ស សុខា បច្ចុប្បន្នកំពុងកាន់តួនាទីជា​រដ្ឋលេខាធិការ​ក្រសួង​អប់រំ យុវជន​ និង​កីឡា និងជាប្រធានសហព័ន្ធកីឡាប៊ូល និងប៉េតង់កម្ពុជា ជំនួស​ដំណែងសម្តេចក្រឡាហោម ស ខេង ដែលបានលាឈប់។ លើសពីនេះ លោកក៏ជាអនុប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ ព្រមទាំងអនុប្រធានសហភាពសព័ន្ធយុវជនកម្ពុជា ផងដែរ។

ចំណែកកូនទីពីររបស់សម្តេចក្រឡាហោម គឺ​លោក​ស្រី ស ស៊ីណា មិន​មាន​ប្រភព​បញ្ជាក់កំពុងកាន់​តួនាទី​នៅ​ក្រសួង​ ឬ​ស្ថាប័ន​ជាតិ​ណា​នោះ​ទេ។ ដោយឡែក ​កូន​ប្រុស​ពៅ ​គឺ​លោក ស រដ្ឋា មាន​តួនាទី​ជា​អគ្គនាយករង​នៃ​អគ្គ​នាយកដ្ឋាន​អន្តោប្រវេសន៍​នៃ​ក្រសួង​មហាផ្ទៃ និង​ក៏​ជា​ប្រធាន​សហភាព​សហព័ន្ធ​យុវជន​កម្ពុជា​ប្រចាំ​ខេត្ត​បាត់ដំបង​ផង​ដែរ​។

The post កូនប្រុសច្បងសម្តេច ស ខេង រដ្ឋាភិបាលតែងតាំងជាប្រធានក្រុមប្រឹក្សាភិបាលសាកលវិទ្យាល័យ ជា ស៊ីម ចំចាយមារ appeared first on .

លោក ហ៊ុន ម៉ាណែត លើកឡើងបែបនេះធ្វើធ្វើឡើងនៅក្នុងពិធីសម្ពោធអគារសិក្សា និងសមិទ្ធផលនានាក្នុងវិទ្យាល័យ ហ៊ុន សែន ព្រៃទទឹង ខេត្តកំពង់ចាម នាថ្ងៃទី២៧ ខែមករា ឆ្នាំ២០២២។

លោកបញ្ជាក់ថា ការបន្តុះបង្អាប់ណាមួយមកលើធនធានមនុស្សខ្មែរដោយអ្នកនយោបាយប្រជាភិថុតិ គឺជាការវាយប្រហារមកលើការខិតខំប្រឹងប្រែងរបសលោកគ្រូអ្នកគ្រូ និងឪពុកម្តាយ អាណាព្យាបាល ដែលបានខិតខំតស៊ូយ៉ាងលំបាក ហើយក៏ជាការមើលងាយជាតិខ្មែរផងដែរ។

យ៉ាងណាក៏ដោយ បើតាមលោក ហ៊ុន ម៉ាណែត សមិទ្ធផលជាច្រើននៅក្នុងវិស័យអប់រំ ដែលសម្រេចបានកន្លងមកនេះ គឺកើតឡើងដោយសារការខិតខំប្រឹងប្រែងនិងការបង្កលក្ខណៈរបសរាជរដ្ឋាភិបាល អាជ្ញាធរគ្រប់លំដាប់ថ្នាក់ និងការចូលរួមចំណែករបស់សប្បុរសជននានា ប៉ុន្តែកត្តាកំណត់ជោគជ័យដ៏ចម្បងចាំបាច់ គឺអាស្រ័យទៅនឹងតួអង្គ ៣សំខាន់ គឺ សិស្សខ្លួនឯង ឪពុកម្តាយ និងតួអង្គលោកគ្រូអ្នកគ្រូ។

លោកបានពន្យល់យ៉ាងដូច្នេះថា៖ ទី១ គឺតួអង្គសិស្ស ដែលបានខិតខំរៀនសូត្រ។ សម័យកាលមុន កម្ពុជាជួបការលំបាកច្រើនណាស់ទាំងការខ្វះខាតសាលាហើយប្រទេសក៏មានសង្គ្រាម ប៉ុន្តែបច្ចុប្បន្ននេះ ប្រទេសយើងមានសុខសន្តិភាព និងការអភិវឌ្ឍ ជាការបង្កលក្ខណៈឱ្យក្មួយៗមានឱកាសច្រើនគ្រប់បែបយ៉ាង និងនៅគ្រប់កន្លែងទាំងអស់ទាំងជម្រើសក្នុងការសិក្សា និងជម្រើសការងារ។ ដូច្នេះ អ្វីដែលសំខាន់ចាំបាច់សម្រាប់សិស្សានុសិស្សគឺការកសាងផ្នត់គំនិតនៃការតស៊ូម្ចាស់ការលើខ្លួនឯង ទាំងនៅក្នុងការសិក្សានិងការបំពេញការងារដើម្បីកសាងពង្រឹងសមត្ថភាព និងបង្កើតឱកាសឈានទៅជោគជ័យក្នុងជីវិត។

ទី២ តួអង្គឪពុកម្តាយអាណាព្យាបាលដែលចិញ្ចឹមបីបាច់ថែរក្សាដោយទំនុកបម្រុងគ្រប់បែបយ៉ាង។ ជោគជ័យលើការសិក្សា និងការងាររបស់សិស្សានុសិស្ស គឺជាការតបស្នងសងគុណមួយក៏ស័ក្តិសមបំផុតសម្រាប់ពួកគាត់ និងទី៣ តួអង្គលោកគ្រូ អ្នកគ្រូ ពេលមកដល់សាលា គឺមានលោកគ្រូ អ្នកគ្រូ ជាឪពុកម្តាយទី២។

លោកថ្លែងបញ្ជាក់បន្ថែមថា៖ “សិស្សៗម្នាក់មានសម្បកតួខ្លួនខាងក្រៅឯលោកគ្រូ អ្នកគ្រូ ជាអ្នកបំពេញឱ្យយើងនៅខាងក្នុង ទាំងចំណេះដឹង គុណធម៌ សីលធម៌ និងសមត្ថភាព ដើម្បីក្លាយជាធនធនសំខាន់សម្រាប់គ្រួសារ និងសង្គមជាតិ”៕

The post លោក ហ៊ុន ម៉ាណែត៖ កត្តាកំណត់ជោគជ័យក្នុងវិស័យអប់រំចាំបាច់ ត្រូវអាស្រ័យទៅនឹងតួអង្គ ៣សំខាន់ appeared first on .