ការលើកឡើងបែបនេះ ក្នុងឱកាសអញ្ជើញជាអធិបតីក្នុងពិធីប្រកាសលទ្ធផលប្រឡងសញ្ញាបត្រទុតិយភូមិ (បាក់ឌុប)ឆ្នាំ២០២៦ ខេត្តកំពង់ស្ពឺនៅថ្ងៃទី២ ខែកញ្ញា ឆ្នាំ២០២៦ ដែលមានបេក្ខជនចំនួន ៥០២៨នាក់ បានជាប់ និង៣១នាក់(ស្រី២២នាក់) ទទួលបាននិទ្ទេសA។

នាឱកាសនោះ លោក ជាម ចន្ទ័សោភ័ណ អភិបាល នៃគណៈអភិបាលខេត្តកំពង់ស្ពឺ បានលើកឡើងថា ថ្វីត្បិតលទ្ធផលបេក្ខជនប្រឡងទទួលបាននិទ្ទេសAបានត្រឹមតែ៣១នាក់ ថយជាងឆ្នាំ២០២៥ ដែលមានរហូតដល់ទៅ ៧៩នាក់ តែចំនួនអ្នកជាប់ក្នុងការប្រឡងគឺមានចំនួនច្រើនលើសលុប ដែលគិតជាភាគរយរហូតដល់ទៅជិត៩០%។

លោកអភិបាលខេត្ត ក៏បានចាត់ទុកលទ្ធផលប្រឡងសញ្ញាបត្រមធ្យមសិក្សាទុតិយភូមិ(បាក់ឌុប)ដែលមានសិស្សជាប់ច្រើន គឺបានបង្ហាញពីការខិតខំប្រឹងប្រែង និងការកែលម្អគុណភាពនៃការបង្រៀនរបស់លោកគ្រូ អ្នកគ្រូ និងការខិតខំរៀនសូត្រនៅតាមគ្រឹះស្ថានសិក្សានានាទូទាំងខេត្តផងដែរ។ បន្ថែមពីនេះក៏បានពីកំណែទម្រង់ស៊ីជម្រៅរបស់ក្រសួងអប់រំ យុវជននិងកីឡា ផងដែរ ក្នុងការធានាការប្រឡងប្រព្រឹត្តទៅដោយរលូននិងស្របតាមគោលការណ៍(អ្នកចេះគឺជាប់)។

មួយវិញទៀត លោកអភិបាលខេត្តកំពង់ស្ពឺ ក៏បានបញ្ជាក់បន្ថែមដែរថា ចំនួនអ្នកជាប់និទ្ទេសខ្ពស់ក៏ជាសក្ខីភាពបញ្ជាក់ពីការលើកទឹកចិត្ត ការពង្រឹងសមត្ថភាពបង្រៀនរបស់លោកគ្រូអ្នកគ្រូ និងការចូលរួមពីអាជ្ញាធរពាក់ព័ន្ធ ពិសេសមាតាបិតា ដែលបានជំរុញ តាមដាន និងផ្តល់កម្លាំងចិត្តដល់កូនៗ។ ដូចអ្វីដែលបានសន្យា អ្នកដែលទទួលបាននិទ្ទេសA ក្នុងសម័យប្រឡងថ្ងៃទី១០ សីហា ឆ្នាំ២០២៦ នឹងទទួលបានការលើកទឹកចិត្តពីឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ ប្រធានក្រុមការងាររាជរដ្ឋាភិបាលចុះជួយខេត្តកំពង់ស្ពឺ៕ អត្ថបទ៖ហ្សាលីន

The post អភិបាលខេត្តកំពង់ស្ពឺ៖ ចំនួនអ្នកជាប់និទ្ទេសខ្ពស់ ក៏ជាសក្ខីភាពបញ្ជាក់ពីការលើកទឹកចិត្តពីភាគីពាក់ព័ន្ធ appeared first on .

ការបើកការដ្ឋានសាងសង់តំបន់សេដ្ឋកិច្ចពិសេស Cambodia SuperPort នាពេលនេះ គឺជាសក្ខីភាពបញ្ជាក់យ៉ាងច្បាស់អំពីភាពប្រសើរឡើងនៃបរិយាកាសវិនិយោគនៅកម្ពុជា ក្រោមម្លប់នៃសុខសន្តិភាព ស្ថិរភាពនយោបាយ ការឯកភាពជាតិផ្ទៃក្នុងដ៏រឹងមាំ ព្រមទាំងគោលនយោបាយបើកចំហសេដ្ឋកិច្ចទៅកាន់ទីផ្សារពិភពលោក។ កត្តាអំណោយផលទាំងនេះ បាននិងកំពុងទាក់ទាញចំណាប់អារម្មណ៍វិនិយោគិនជាតិ និងអន្តរជាតិ ឱ្យមកបណ្ដាក់ទុននៅកម្ពុជាកាន់តែច្រើន សំដៅបង្កើនភាពប្រទាក់ក្រឡានៃខ្សែច្រវាក់ផលិតកម្ម និងសេវាកម្ម ដែលចូលរួមចំណែកយ៉ាងសំខាន់ក្នុងការកាត់បន្ថយភាពក្រីក្រ ទប់ស្កាត់ការចំណាកស្រុក និងផ្តល់ជម្រើសការងារកាន់តែប្រសើរជូនប្រជាពលរដ្ឋកម្ពុជា។

នៅក្នុងឱកាសនោះ ឯកឧត្តម ហ៊ុន ម៉ានី បានសម្តែងនូវក្តីសង្ឃឹមយ៉ាងមុតមាំថា តំបន់សេដ្ឋកិច្ចពិសេស Cambodia SuperPort នឹងក្លាយជាគំរូដ៏ជោគជ័យមួយនៃកិច្ចសហប្រតិបត្តិការរវាងរាជរដ្ឋាភិបាល វិស័យឯកជនក្នុងស្រុក និងដៃគូវិនិយោគអន្តរជាតិ ក្នុងការប្រែក្លាយចក្ខុវិស័យទៅជាសមិទ្ធផលជាក់ស្តែង ដែលនឹងនាំមកនូវអត្ថប្រយោជន៍យូរអង្វែងសម្រាប់កំណើនសេដ្ឋកិច្ចជាតិ និងការលើកកម្ពស់ជីវភាពប្រជាពលរដ្ឋកម្ពុជា។

គួរឱ្យដឹងថា គម្រោងតំបន់សេដ្ឋកិច្ចពិសេស Cambodia SuperPort នេះ មានទំហំទុនវិនិយោគប្រមាណ ៣០០លានដុល្លារអាមេរិក លាតសន្ធឹងលើផ្ទៃដីប្រមាណ ១៣២ហិកតា។ នេះមិនត្រឹមតែជាគម្រោងអភិវឌ្ឍន៍ហេដ្ឋារចនាសម្ព័ន្ធភស្តុភារកម្មដ៏ធំប៉ុណ្ណោះទេ ប៉ុន្តែថែមទាំងមានសក្ដានុពលខ្ពស់ក្នុងការលើកកម្ពស់សមត្ថភាពប្រកួតប្រជែងរបស់កម្ពុជា តាមរយៈការតភ្ជាប់ខ្សែច្រវាក់ផ្គត់ផ្គង់ និងការសម្រួលដល់ការចរាចរទំនិញពីមូលដ្ឋានផលិតកម្មក្នុងស្រុក ទៅកាន់ទីផ្សារតំបន់ និងអន្តរជាតិប្រកបដោយប្រសិទ្ធភាព។ គម្រោងនេះនឹងបង្កើតបានជាចំណុចប្រសព្វដ៏សំខាន់ ក្នុងការតភ្ជាប់តំបន់ឧស្សាហកម្ម និងមជ្ឈមណ្ឌលភស្តុភារកម្មទៅកាន់បណ្តាញដឹកជញ្ជូនពហុមធ្យោបាយ។ បន្ថែមពីនេះ វានឹងបង្កើតនូវប្រព័ន្ធអេកូឡូស៊ីរួមមួយ ដែលបន្ស៊ីគ្នារវាងហេដ្ឋារចនាសម្ព័ន្ធឧស្សាហកម្ម និងភស្តុភារកម្ម ដើម្បីឆ្លើយតបទៅនឹងតម្រូវការរបស់វិនិយោគិន និងធុរជនបានកាន់តែទូលំទូលាយ៕

The post តំបន់សេដ្ឋកិច្ចពិសេសថ្មីតម្លៃ ៣០០លានដុល្លារ បើកការដ្ឋានសាងសង់ជាផ្លូវការនៅខេត្តកំពង់ស្ពឺ appeared first on .

លោក ជាម ច័ន្ទសោភ័ណ បានលើកឡើងថា នៅប៉ុន្មានថ្ងៃចុងក្រោយនេះ មន្ត្រីបរិស្ថានបានពិនិត្យឃើញសំណង់ និងផ្ទះលំហែជាច្រើន គឺបាននិងកំពុងសង់ដោយខុសច្បាប់ ដែលធ្វើឱ្យប៉ះពាល់ដល់យ៉ាងធ្ងន់ធ្ងរសណ្តាប់ធ្នាប់ របៀបរៀបរយ សោភ័ណភាព និងបរិស្ថាននៅក្នុងតំបន់ឧទ្យានជាតិ ពិសេសទេសចរណ៍ដែលមកលេងកម្សាន្តនៅក្នុងតំបន់នេះ។ មួយវិញទៀតសំណង់មិនរៀបរយទាំងនោះក៏បាននិងកំពុងសង់រំលោភចូលទៅក្នុងតំបន់ប្រវត្តិសាស្ត្រយោធាតេជោគីរីរម្យផងដែរ ដែលតម្រូវឱ្យមានការរុះរើចេញជាបន្ទាន់។

លោកបញ្ជាក់ថា ជុំវិញការរុះរើសំណង់អនាធិបតេយ្យនៅក្នុងតំបន់ឧទ្យានជាតិសុរាម្រិតកុសមៈ(គីរីរម្យ) ក៏មានការភ្ញាក់ផ្អើលផងដែរថាមានការរុះរើសាលាដូង ដោយសារតែបានសង់ចូលទៅក្នុងតំបន់ប្រវត្តិសាស្ត្រយោធាតេជោគីរីរម្យ ប៉ុន្តែក្រោយការពិនិត្យរបស់មន្ត្រីជំនាញបរិស្ថានបានបញ្ជាក់ថា សាលាដូងមិនមានការជាប់ពាក់ព័ន្ធនិងតំបន់ប្រវត្តិសាស្ត្រយោធាតេជោគីរីរម្យដែលតម្រូវឱ្យមានការរុះរើទេ។ប៉ុន្តែមានចំនុចមួយចំនួនតម្រូវឱ្យសាលាដូងត្រូវកែសម្រួលឡើងវិញ ដើម្បីបញ្ជៀសផលប៉ះពាល់ដល់បរិស្ថាន ដូចជារុះរើបណ្តាញខ្សែភ្លើង ហើយជំនួសមកវិញនូវសោឡាដែលអាចប្រើប្រាស់បានទូទៅក្រោមការឧបត្ថម្ភពីរដ្ឋមន្ត្រីបរិស្ថាន៕

ប្រភព៖ រដ្ឋបាលខេត្តកំពង់ស្ពឺ

The post អភិបាលខេត្តកំពង់ស្ពឺ ចាត់វិធានការផ្លូវច្បាប់ចំពោះសំណង់ទាំងឡាយណាដែលព្យាយាមបង្កើតថ្មី និងអ្នកដែលទន្រ្ទានឈូសឆាយដីធ្លីអនាធិបតេយ្យនៅក្នុងតំបន់គិរីរម្យ appeared first on .

ក្រុមប្រឹក្សាអភិវឌ្ឍន៍កម្ពុជា នៅថ្ងៃទី១០ ខែសីហា ឆ្នាំ២០២៦ បានប្រកាសអបអរសាទរដល់ប្រជាពលរដ្ឋស្រុកគងពិសី ខេត្តកំពង់ស្ពឺ ដែលទទួលបានគម្រោងវិនិយោគបង្កើតរោងចក្រផលិត និងផ្គុំដំឡើងបរិក្ខារអគ្គិសនីបំភ្លឺ ក្នុងទំហំទុនវិនិយោគប្រមាណ ៥.៥លានដុល្លារ។ជាមួយគ្នានេះ ក្រុមប្រឹក្សាអភិវឌ្ឍន៍កម្ពុជា ក៏បានប្រកាសចូលរួមអបអរសាទរដល់ប្រជាពលរដ្ឋស្រុកបាទី ខេត្តតាកែវផងដែរ  ដែលទទួលបានគម្រោងវិនិយោគបង្កើតរោងចក្រផលិតរទេះលើកដាក់ឥវ៉ាន់ ក្នុងទំហំទុនវិនិយោគប្រមាណ ៦លានដុល្លារអាម៉េរិក និងអាចបង្កើតការងារបានចំនួន២១២កន្លែង។

សូមជម្រាបដែរថា ក្នុងរយៈពេល៦ខែដើមឆ្នាំ២០២៦ កម្ពុជាបានអនុម័តគម្រោងវិនិយោគសរុបចំនួន ២៧៦គម្រោង ក្នុងទំហំទុនវិនិយោគប្រមាណ ៤,៧ប៊ីលានដុល្លារអាម៉េរិក ដែលអាចបង្កើតការងារថ្មីជូនប្រជាពលរដ្ឋជាង ១៦ម៉ឺនកន្លែង តាមរយៈការចុះបញ្ជីរបស់ ក្រុមប្រឹក្សាអភិវឌ្ឍន៍កម្ពុជា (CDC) និងអនុគណៈកម្មាធិការវិនិយោគរាជធានី-ខេត្ត៕ អត្ថបទ​៖ ហ្សាលីន

The post ខេត្តកំពង់ស្ពឺ និងខេត្តតាកែវ ទទួលបានគម្រោងរោងចក្រថ្មី តម្លៃជាង១១ លានដុល្លារអាមេរិក appeared first on .

ដកស្រង់សម្តីលោក ហុង ចាន់សុខា ប្រធានមន្ទីរសាធារណការនិងដឹកជញ្ជូនខេត្តកំពង់ស្ពឺ តាមរយៈរដ្ឋបាលខេត្តកំពង់ស្ពឺ បានឱ្យដឹងថា រមណីយដ្ឋានព្រះសុរាម្រិតកុសមៈ(ឧទ្យានជាតិគីរីរម្យ) គឺជារមណីយដ្ឋានធម្មជាតិមួយដែលបាននិងកំពុងទទួលបានការចាប់អារម្មណ៍ខ្លាំងពីសំណាក់ភ្ញៀវជាតិ អន្តរជាតិទៅលេងច្រើនក្នុងមួយថ្ងៃៗ ដែលធ្វើឱ្យផ្លូវមួយនេះមានភាពមមាញឹក។ ដោយមើលឃើញពីស្ថានភាពតូចចង្អៀតនិងការប៉ោង ស្រុត ប្រេះ នៃផ្លូវធ្វើឱ្យភ្ញៀវទេសចរមានកកស្ទះនិងពិបាកក្នុងការធ្វើដំណើរ មន្ទីរបានដាក់គ្រឿងចក្រជាច្រើនដើម្បីជួសជុល កែលំអរ ឡើងវិញ។ ទន្ទឹមនិងការជួសជុលកែលំអរឡើងវិញនេះដែរ មន្ទីរជំនាញក៏បានធ្វើការពង្រីកតួផ្លូវឱ្យបានធំទូលាយជាងមុនផងដែរ ប្រយោជន៍ជួយកាត់បន្ថយនូវការកកស្ទះនិងគ្រោះថ្នាក់ចរាចរណ៍ដោយការវ៉ាជែងមិនគោរពនូវសិទ្ធិអទិភាពនិងវ៉ាជែងក្នុងស្ថានភាពគ្រោះថ្នាក់ជាដើម។

សូមបញ្ជាក់ថា កំណាត់ផ្លូវមួយខ្សែនេះគឺតភ្ជាប់ពីចំនុចផ្លូវកៅស៊ូACចន្លោះគីឡូម៉ែត្រ៧+០០ ដល់ គីឡូម៉ែត្រ៨+៩០០ ប្រវែងសរុប ១៩០០ម៉ែត្រ ស្ថិតក្នុងឃុំយាយម៉ៅពេជ្រនិលនិងឃុំត្រែងត្រយឹងក្នុងស្រុកភ្នំស្រួច ក្រុមការងារបច្ចេកទេសបានជួសជុលកន្លែងខូចខាត ស្រុតប៉ោង រួចក្រាលកៅស៊ូបន្ថែមពីលើ(Reseal DBST) ដោយ កន្លែងខ្លះត្រូវក្រាលកៅស៊ូ២ជាន់ទៅ៣ជាន់ ដើម្បីអោយផ្ទៃផ្លូវបានល្អ បាត់រលក និងចាក់ពង្រឹងគ្រឹះក្រោមឱ្យបានរឹងមាំ ពង្រីកតួផ្លូវធានាដល់ការប្រើប្រាស់យូរអង្វែងនិងធំទូលាយ។

ប្រភព៖ រដ្ឋបាលខេត្តកំពង់ស្ពឺ

The post អភិបាលខេត្តកំពង់ស្ពឺ ជម្រុញការជួសជុលពង្រីកបន្ថែមតួផ្លូវជាតិលេខ៤៦ ទៅឧទ្យានជាតិគីរីរម្យ ដើម្បីសម្រួលដល់ភ្ញៀវទេសចរទៅលេងកម្សាន្ត appeared first on .

លោក ជា វុទ្ធី អគ្គលេខាធិការ គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា នៅថ្ងៃទី៣០ ខែមិថុនា ឆ្នាំ២០២៦ បានដឹកនាំគណៈកម្មការអន្តរក្រសួង ស្ថាប័ន ចុះពិនិត្យស្ថានភាពជាក់ស្ដែង របស់គម្រោងវិនិយោគ ផលិតសំបកកង់យានយន្ត យ៉ាន់ គ្រឿងបង្គំយ៉ាន់ និងផ្គុំដំឡើងកង់រថយន្ត របស់ក្រុមហ៊ុន SUNDANCE INDUSTRIES CO., LTD. នេះ ដែលមានទីតាំអស្ថិតក្នុងភូមិទំពាម ឃុំតាំងក្រូច ស្រុកសំរោងទង ខេត្តកំពង់ស្ពឺ។

ដំណើរចុះពិនិត្យនេះ ក៏មានការចូលពីតំណាងក្រសួង ស្ថាប័នពាក់ព័ន្ធ និងអាជ្ញាធរដែនដី ដើម្បីពិនិត្យលើវឌ្ឍនភាពនៃការអនុវត្តគម្រោងវិនិយោគ និងស្វែងយល់ពីបញ្ហាប្រឈមផ្សេងៗរបស់ក្រុមហ៊ុនផងដែរ។

សូមបញ្ជាក់ផងដែលថា ក្រុមហ៊ុនទទួលបានគោលការណ៍វិនិយោគ ពី គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី១ ខែមេសា ឆ្នាំ២០២០ កន្លងទៅ និងបច្ចុប្បន្នកំពុងដំណើរការផលិតកម្ម ដោយចូលរួមបង្កើតការងារបានប្រមាណជាង១០០កន្លែង។

បច្ចុប្បន្នក្នុងជំហានដំបូង ក្រុមហ៊ុនកំពុងដំណើរការផលិតសំបកកង់រថយន្ត (សំបកកង់រថយន្តដឹកទំនិញ និងសំបកកង់រ៉ឺម៉កសណ្តោង) ដែលមានសមត្ថភាពផលិតប្រមាណ៦២.៥០០សំបក ក្នុងមួយខែ សម្រាប់នាំចេញទៅកាន់ទីផ្សារបរទេស៕ អត្ថបទ៖ហ្សាលីន

The post ខេត្តកំពង់ស្ពឺ កំពុងដំណើរការគម្រោងវិនិយោគផលិតសំបកកង់យានយន្ត អាចផលិតប្រមាណ៦២.៥០០សំបក ក្នុងមួយខែ appeared first on .

លោកបន្តថា ទាក់ទងវិស័យឧស្សាហកម្មកាលពីឆ្នាំ២០២៥កន្លងទៅ គឺទទួលបានគម្រោងវិនិយោគក្រោម៥លានដុល្លារចំនួន ១២៦គម្រោង។

លោកបន្តទៀតថា ដោយឡែក គិតត្រឹមខែមេសា ឆ្នាំ២០២៦នេះ ខេត្តកំពង់ស្ពឺ ក៏ទទួលបានគម្រោងវិនិយោគក្រោម៥លានដុល្លារ ចំនួន៣៥គម្រោងបន្ថែមទៀត។

គួរបញ្ជាក់ថា ខេត្តកំពង់ស្ពឺជាទីកន្លែងអនុវត្តនូវយោបាយ ឈ្នះ ឈ្នះ ដ៏សកម្ម ដែលនាំឱ្យកម្ពុជាបញ្ចប់ភ្លើងសង្គ្រាម និងមានសន្តិភាពដល់សព្វថ្ងៃនេះ ហើយខេត្តកំពង់ស្ពឺបច្ចុប្បន្ននេះ គឺខេត្តដែលមានរោងចក្រសហគ្រាសច្រើនជាងគេ។ នេះបើតាមការរំឭកឡើងវិញរបស់ សម្តេចតេជោ ហ៊ុន សែន ប្រមុខរដ្ឋស្ដីទីនៃព្រះរាជាណាចក្រកម្ពុជា កាលពីពេលថ្មីៗនេះ៕

The post គិតត្រឹមខែមេសា ឆ្នាំ២០២៦ ខេត្តកំពង់ស្ពឺ ទទួលបានគម្រោងវិនិយោគក្រោម៥លានដុល្លារ ចំនួន៣៥គម្រោង appeared first on .

នៅក្នុងសេចក្តីប្រកាសព័ត៌មាននោះ ក្រុមប្រឹក្សាអភិវឌ្ឍន៍កម្ពុជា បានប្រកាសចូលរួមអបអរសាទរដល់ប្រជាពលរដ្ឋស្រុកគងពិសី ខេត្តកំពង់ស្ពឺ ដែលទទួលបានគម្រោងវិនិយោគបង្កើតរោងចក្រផលិតសំបកកំប៉ុង និងគម្របកំប៉ុង (ពីអាលុយមីញ៉ូម និងដែក) ក្នុងទំហំទុនវិនិយោគប្រមាណ ១៨,៧លានដុល្លារអាម៉េរិក និងអាចបង្កើតការងារបានចំនួន ១២៧កន្លែង។

សូមជម្រាបដែរថា គម្រោងវិនិយោគបង្កើត រោងចក្រផលិតសំបកកំប៉ុង និងគម្របកំប៉ុង (ពីអាលុយមីញ៉ូម និងដែក) ដែលមានទីតាំងស្ថិតនៅភូមិអូរតាពូង ឃុំរកាកោះ ស្រុកគងពិសី ខេត្តកំពង់ស្ពឺ នឹងវិនិយោគដោយក្រុមហ៊ុន GAO SEN PACKAGING (CAMBODIA) CO., LTD.៕ អត្ថបទ៖ហ្សាលីន

The post កំពង់ស្ពឺ នឹងមានរោងចក្រផលិតសំបកកំប៉ុងពីអាលុយមីញ៉ូម តម្លៃជិត២០លានដុល្លារឆាប់ៗនេះ appeared first on .

យោងតាមហ្វេសប៊ុករបស់ក្រុមប្រឹក្សាអភិវឌ្ឍន៍កម្ពុជាកាលថ្ងៃទី១៧ ខែវិច្ឆិកា ឆ្នាំ២០២៥ បានប្រកាស ចូលរួមអបអរសាទរដល់ប្រជាពលរដ្ឋស្រុកសាមគ្គីមុនីជ័យ ខេត្តកំពង់ស្ពឺ ដែលទទួលបានគម្រោងវិនិយោគបង្កើតរោងចក្រកែច្នៃកសិផល និងផលិតចំណីអាហារពីកសិផល ក្នុងទំហំទុនវិនិយោគប្រមាណ ៣២លានដុល្លារអាម៉េរិក និងអាចបង្កើតការងារបានចំនួន ៦៧៥កន្លែង។

បើយោងតាមច្បាប់ស្តីពីវិនិយោគនៃព្រះរាជាណាចក្រកម្ពុជា ក្រុមប្រឹក្សាអភិវឌ្ឍន៍កម្ពុជា “ក.អ.ក.” បានសម្រេចចេញវិញ្ញាបនបត្រចុះបញ្ជីគម្រោងវិនិយោគបង្កើត រោងចក្រកែច្នៃកសិផល និងផលិតចំណីអាហារពីកសិផល ដែលបោះទីតាំងស្ថិតនៅក្បាលដីលេខ 1452, 1453, 1642 ផ្លូវជាតិលេខ៥១ ភូមិស្តុកស្អាត ឃុំភ្នំតូច ស្រុក សាមគ្គីមុនីជ័យ ខេត្តកំពង់ស្ពឺ ជាគម្រោងវិនិយោគមានលក្ខណៈសម្បត្តិគ្រប់គ្រាន់។

គម្រោងវិនិយោគខាងលើនេះ គឺវិនិយោគដោយក្រុមហ៊ុន ហ្គ្រីន អ៊ិនដាសស្ទៀល ផាក អ៊ិនវេសម៉ិន ឯ.ក – GREEN INDUSTRIAL PARK INVESTMENT CO., LTD.។

សូមរម្លឹកដែរថា ក្នុងរយៈពេល៩ខែនៃ ឆ្នាំ២០២៥នេះ ក្រុមប្រឹក្សាអភិវឌ្ឍន៍កម្ពុជា (CDC ) បានសម្រេចុះបញ្ជីគម្រោងវិនិយោគចំនួន ៥៤៦គម្រោង ក្នុងទំហំទុនវិនិយោគសរុប ប្រមាណ ៧,៨ប៊ីលានដុល្លារអាម៉េរិក។ នេះបើយោងតាមសេចក្តីប្រកាសព័ត៌មាន របស់ក្រុមប្រឹក្សាអភិវឌ្ឍន៍កម្ពុជា (CDC) នាថ្ងៃទី២ ខែតុលា ឆ្នាំ២០២៥៕ អត្ថបទ៖ហ្សាលីន

The post ខេត្តកំពង់ស្ពឺ នឹងមានរោងចក្រកែច្នៃកសិផល និងផលិតចំណីអាហារពីកសិផល តម្លៃជាង៣០លានដុល្លារ appeared first on .

ថ្លែងក្នុងកិច្ចប្រជុំ នៅទីស្តីការក្រុមប្រឹក្សាអភិវឌ្ឍន៍កម្ពុជា ដែលបានធ្វើឡើងនារសៀលថ្ងៃទី១២ ខែវិច្ឆិកា ឆ្នាំ២០២៥ លោក ជា វុទ្ធី គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានឱ្យដឹងថា គម្រោងវិនិយោគបង្កើតតំបន់សេដ្ឋកិច្ចពិសេសទាំងនេះ មានទុនវិនិយោគសរុបប្រមាណ ១៩៥ លានដុល្លារអាម៉េរិក នឹងក្លាយជាកម្លាំងចលករយ៉ាងសំខាន់ក្នុងការស្រូបយកគម្រោងវិនិយោគមកបណ្តាក់ទុននៅក្នុងតំបន់សេដ្ឋកិច្ចពិសេសទាំងនេះ។

ជាងនេះទៀត គម្រោងនេះ ក៏នឹងអាចបង្កើតការងារលើកកម្ពស់ជីវភាពរស់នៅរបស់ប្រជាពលរដ្ឋ, បង្កើនផលិតផលក្នុងស្រុក, បង្កើនការនាំចេញទៅកាន់ទីផ្សារអន្តរជាតិ ជាពិសេសចូលរួមចំណែកជំរុញកំណើនសេដ្ឋកិច្ចជាតិផងដែរ។

សូមជម្រាបថា គម្រោងវិនិយោគបង្កើតតំបន់សេដ្ឋកិច្ចពិសេសទាំងពីរខាងលើនេះ គឺមានទីតាំងស្ថិតនៅស្រុកជុំគីរី ខេត្តកំពត និងក្រុងច្បារមន ក្នុងខេត្តកំពង់ស្ពឺ៕អត្ថបទ៖ហ្សាលីន

The post ខេត្តចំនួន២ នឹងទទួលបានគម្រោងបង្កើតតំបន់សេដ្ឋកិច្ចពិសេស តម្លៃជិត២០០លានដុល្លារ appeared first on .