នៅក្នុងសេចក្តីប្រកាសព័ត៌មាននោះ ក្រុមប្រឹក្សាអភិវឌ្ឍន៍កម្ពុជា បានប្រកាសចូលរួមអបអរសាទរដល់ប្រជាពលរដ្ឋស្រុកគងពិសី ខេត្តកំពង់ស្ពឺ ដែលទទួលបានគម្រោងវិនិយោគបង្កើតរោងចក្រផលិតសំបកកំប៉ុង និងគម្របកំប៉ុង (ពីអាលុយមីញ៉ូម និងដែក) ក្នុងទំហំទុនវិនិយោគប្រមាណ ១៨,៧លានដុល្លារអាម៉េរិក និងអាចបង្កើតការងារបានចំនួន ១២៧កន្លែង។

សូមជម្រាបដែរថា គម្រោងវិនិយោគបង្កើត រោងចក្រផលិតសំបកកំប៉ុង និងគម្របកំប៉ុង (ពីអាលុយមីញ៉ូម និងដែក) ដែលមានទីតាំងស្ថិតនៅភូមិអូរតាពូង ឃុំរកាកោះ ស្រុកគងពិសី ខេត្តកំពង់ស្ពឺ នឹងវិនិយោគដោយក្រុមហ៊ុន GAO SEN PACKAGING (CAMBODIA) CO., LTD.៕ អត្ថបទ៖ហ្សាលីន

The post កំពង់ស្ពឺ នឹងមានរោងចក្រផលិតសំបកកំប៉ុងពីអាលុយមីញ៉ូម តម្លៃជិត២០លានដុល្លារឆាប់ៗនេះ appeared first on .

យោងតាមហ្វេសប៊ុករបស់ក្រុមប្រឹក្សាអភិវឌ្ឍន៍កម្ពុជាកាលថ្ងៃទី១៧ ខែវិច្ឆិកា ឆ្នាំ២០២៥ បានប្រកាស ចូលរួមអបអរសាទរដល់ប្រជាពលរដ្ឋស្រុកសាមគ្គីមុនីជ័យ ខេត្តកំពង់ស្ពឺ ដែលទទួលបានគម្រោងវិនិយោគបង្កើតរោងចក្រកែច្នៃកសិផល និងផលិតចំណីអាហារពីកសិផល ក្នុងទំហំទុនវិនិយោគប្រមាណ ៣២លានដុល្លារអាម៉េរិក និងអាចបង្កើតការងារបានចំនួន ៦៧៥កន្លែង។

បើយោងតាមច្បាប់ស្តីពីវិនិយោគនៃព្រះរាជាណាចក្រកម្ពុជា ក្រុមប្រឹក្សាអភិវឌ្ឍន៍កម្ពុជា “ក.អ.ក.” បានសម្រេចចេញវិញ្ញាបនបត្រចុះបញ្ជីគម្រោងវិនិយោគបង្កើត រោងចក្រកែច្នៃកសិផល និងផលិតចំណីអាហារពីកសិផល ដែលបោះទីតាំងស្ថិតនៅក្បាលដីលេខ 1452, 1453, 1642 ផ្លូវជាតិលេខ៥១ ភូមិស្តុកស្អាត ឃុំភ្នំតូច ស្រុក សាមគ្គីមុនីជ័យ ខេត្តកំពង់ស្ពឺ ជាគម្រោងវិនិយោគមានលក្ខណៈសម្បត្តិគ្រប់គ្រាន់។

គម្រោងវិនិយោគខាងលើនេះ គឺវិនិយោគដោយក្រុមហ៊ុន ហ្គ្រីន អ៊ិនដាសស្ទៀល ផាក អ៊ិនវេសម៉ិន ឯ.ក – GREEN INDUSTRIAL PARK INVESTMENT CO., LTD.។

សូមរម្លឹកដែរថា ក្នុងរយៈពេល៩ខែនៃ ឆ្នាំ២០២៥នេះ ក្រុមប្រឹក្សាអភិវឌ្ឍន៍កម្ពុជា (CDC ) បានសម្រេចុះបញ្ជីគម្រោងវិនិយោគចំនួន ៥៤៦គម្រោង ក្នុងទំហំទុនវិនិយោគសរុប ប្រមាណ ៧,៨ប៊ីលានដុល្លារអាម៉េរិក។ នេះបើយោងតាមសេចក្តីប្រកាសព័ត៌មាន របស់ក្រុមប្រឹក្សាអភិវឌ្ឍន៍កម្ពុជា (CDC) នាថ្ងៃទី២ ខែតុលា ឆ្នាំ២០២៥៕ អត្ថបទ៖ហ្សាលីន

The post ខេត្តកំពង់ស្ពឺ នឹងមានរោងចក្រកែច្នៃកសិផល និងផលិតចំណីអាហារពីកសិផល តម្លៃជាង៣០លានដុល្លារ appeared first on .

ថ្លែងក្នុងកិច្ចប្រជុំ នៅទីស្តីការក្រុមប្រឹក្សាអភិវឌ្ឍន៍កម្ពុជា ដែលបានធ្វើឡើងនារសៀលថ្ងៃទី១២ ខែវិច្ឆិកា ឆ្នាំ២០២៥ លោក ជា វុទ្ធី គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានឱ្យដឹងថា គម្រោងវិនិយោគបង្កើតតំបន់សេដ្ឋកិច្ចពិសេសទាំងនេះ មានទុនវិនិយោគសរុបប្រមាណ ១៩៥ លានដុល្លារអាម៉េរិក នឹងក្លាយជាកម្លាំងចលករយ៉ាងសំខាន់ក្នុងការស្រូបយកគម្រោងវិនិយោគមកបណ្តាក់ទុននៅក្នុងតំបន់សេដ្ឋកិច្ចពិសេសទាំងនេះ។

ជាងនេះទៀត គម្រោងនេះ ក៏នឹងអាចបង្កើតការងារលើកកម្ពស់ជីវភាពរស់នៅរបស់ប្រជាពលរដ្ឋ, បង្កើនផលិតផលក្នុងស្រុក, បង្កើនការនាំចេញទៅកាន់ទីផ្សារអន្តរជាតិ ជាពិសេសចូលរួមចំណែកជំរុញកំណើនសេដ្ឋកិច្ចជាតិផងដែរ។

សូមជម្រាបថា គម្រោងវិនិយោគបង្កើតតំបន់សេដ្ឋកិច្ចពិសេសទាំងពីរខាងលើនេះ គឺមានទីតាំងស្ថិតនៅស្រុកជុំគីរី ខេត្តកំពត និងក្រុងច្បារមន ក្នុងខេត្តកំពង់ស្ពឺ៕អត្ថបទ៖ហ្សាលីន

The post ខេត្តចំនួន២ នឹងទទួលបានគម្រោងបង្កើតតំបន់សេដ្ឋកិច្ចពិសេស តម្លៃជិត២០០លានដុល្លារ appeared first on .

ក្រសួងបរិស្ថានបានឱ្យដឹងថា គម្រោងនេះវិនិយោគដោយ ក្រុមហ៊ុន XINAN HUAXIN NEW MATERIAL TECHNOLOGY TRADING CO., LTD និងសិក្សាដោយក្រុមហ៊ុនទីប្រឹក្សា GREEN ASSESSMENT CO., LTD។

ក្រសួងបានបន្ថែមថា កិច្ចប្រជុំនេះមានគោលបំណងធ្វើឱ្យរបាយការណ៍(EIA) មានភាពគ្រប់ជ្រុងជ្រោយតាមបច្ចេកទេស កំណត់វិធានការកាត់បន្ថយផលប៉ះពាល់ឱ្យច្បាស់លាស់ និងធានាថាគម្រោងអាចដំណើរការបានប្រកបដោយនិរន្តរភាព ដោយរក្សាតុល្យភាពរវាងសេដ្ឋកិច្ច បរិស្ថាន និងសង្គម។

គួរឱ្យដឹងផងដែរថា ខេត្តកំពង់ស្ពឺ បានប្រែក្លាយពីខេត្តដែលឋិតនៅតំបន់គ្មានការអភិវឌ្ឍ លំបាកក្នុងការទាក់ទាញវិនិយោគ ប៉ុន្ដែបច្ចុប្បន្ន ខេត្តនេះមានហេដ្ឋារចនាសម្ព័ន្ធគ្រប់បែបយ៉ាង និងមានរោងចក្រសហគ្រាសជាង ១ពាន់កន្លែង មានកម្មករនិយោជិតជាង ២៥ម៉ឺននាក់ និងកំពុងមានតម្រូវការកម្លាំងពលកម្មប្រមាណជាង ៦ ម៉ឺននាក់បន្ថែមទៀត៕

The post ក្រុមហ៊ុនមួយបង្ហាញគម្រោងបង្កើតរោងចក្រកែច្នៃលោហធាតុគ្រប់ប្រភេទ នៅខេត្តកំពង់ស្ពឺ appeared first on .

នេះបើតាមរយៈកិច្ចប្រជុំអន្តរក្រសួងស្តីពីការពិនិត្យ និងផ្តល់យោបល់លើរបាយការណ៍វាយតម្លៃហេតុប៉ះពាល់បរិស្ថាន ពេញលេញ  (EIA) សម្រាប់គម្រោងបង្កើតស្ថានីយប្រព្រឹត្តកម្មសំណល់រាវ និងឡចំហាយខាងលើ ដែលដឹកនាំដោយលោក ហេង ណារ៉េត អនុរដ្ឋលេខាធិការនៃក្រសួងបរិស្ថាន កាលពីថ្ងៃទី២៧ ខែតុលា ឆ្នាំ២០២៥។

យោងតាមកិច្ចប្រជុំខាងលើបានឱ្យដឹងថា គម្រោងបង្កើតស្ថានីយប្រព្រឹត្តកម្មសំណល់រាវ និងឡចំហាយ នេះ នឹងវិនិយោគលើផ្ទៃដី ទំហំ ៤៦,៥៣៩ម៉ែត្រការ៉េ ដែលមានទីតាំងស្ថិតនៅក្នុងភូមិសាស្រ្តភូមិ ក្រាំងទ្រា ឃុំព្រះនិពា្វន ស្រុកគ ងពិសី ខេត្តកំពង់ស្ពឺ វិនិយោគដោយក្រុមហ៊ុន JIN LU YUAN ENERGY ENVIRONM ENT PROTEC TI O N INDUSTRY CO., LTD.។

គម្រោងនេះសិក្សា និងវាយតម្លៃហេតុប៉ះពាល់បរិស្ថានពេញលេញ ដោយក្រុមហ៊ុន ទីប្រឹក្សា E.S.A RESEARCH CO., LTD.។

កិច្ចប្រជុំដដែលបានបញ្ជាក់ថា សម្រាប់គម្រោងបង្កើតស្ថានីយប្រព្រឹត្តកម្មសំណល់រាវ និងឡចំហាយនេះ មានគោលបំណងក្នុងការគ្រប់គ្រងសំណល់រាវចេញពីរោងចក្រ និងធ្វើការកាត់បន្ថយការប៉ះពាល់ទៅដល់ប្រភពទឹកស្ទឹងតូច និងប្រភពទឹក ស្ទឹងព្រែកត្នោត ដែលស្ថិតនៅក្បែរតំបន់គម្រោង៕

The post ក្រុមហ៊ុនមួយមានគម្រោងបង្កើតស្ថានីយប្រព្រឹត្តកម្មសំណល់រាវ និងឡចំហាយ នៅខេត្តកំពង់ស្ពឺ appeared first on .

CDC បានប្រកាសចូលរួមអបអរសាទរដល់ប្រជាពលរដ្ឋស្រុកគងពិសី ខេត្តកំពង់ស្ពឺ ដែលទទួលបានគម្រោងវិនិយោគបង្កើតរោងចក្រផលិត ផ្គុំដំឡើងបរិក្ខារអគ្គិសនីបំភ្លឺ និងសម្ភារៈបរិក្ខារអគ្គិសនីប្រើប្រាស់ក្នុងផ្ទះ ក្នុងទំហំទុនវិនិយោគប្រមាណ ៦,១លានដុល្លារអាម៉េរិក និងអាចបង្កើតការងារបានចំនួន ៦០០កន្លែង។

CDC បានឱ្យដឹងបន្ថែមថា រោងចក្រផលិត ផ្គុំដំឡើងបរិក្ខារអគ្គិសនីបំភ្លឺ និងសម្ភារៈបរិក្ខារអគ្គិសនីប្រើប្រាស់ក្នុងផ្ទះ នឹងបោះទីតាំងស្ថិតនៅភូមិព្រៃកែស ឃុំព្រៃវិហារ ស្រុកគងពិសី ខេត្តកំពង់ស្ពឺ ហើយវិនិយោគដោយក្រុមហ៊ុន CAMBODIAN STARIA ELECTRIC PRODUCTS CO., LTD.។

សូមជម្រាបថា នៅក្នុងរយៈពេល៩ខែនៃ ឆ្នាំ២០២៥នេះវិញ CDC បានសម្រេចុះបញ្ជីគម្រោងវិនិយោគចំនួន ៥៤៦គម្រោង ក្នុងទំហំទុនវិនិយោគសរុប ប្រមាណ ៧,៨ប៊ីលានដុល្លារអាម៉េរិក គឺគម្រោងវិនិយោគមានការកើនឡើងចំនួន ២៣១គម្រោង ស្មើនឹងប្រមាណ ៧៣% ខណៈទុនវិនិយោគមានការកើនឡើងប្រមាណ ២,៥ប៊ីលានដុល្លារអាម៉េរិក ស្មើនឹង ប្រមាណ ៤៧% បើប្រៀបធៀបនឹងរយៈពេលដូចគ្នាក្នុងឆ្នាំ២០២៤ ដែល CDC បានចុះបញ្ជីគម្រោង វិនិយោគត្រឹមតែ ៣១៥គម្រោង ក្នុងទំហំទុនវិនិយោគប្រមាណ ៥,៣ប៊ីលានដុល្លារអាម៉េរិក។

ជាការកត់សម្គាល់ ត្រឹមតែរយៈពេល៩ខែ CDC បានចុះបញ្ជីគម្រោងវិនិយោគលើសការចុះបញ្ជីគម្រោងវិនិយោគពេញ មួយឆ្នាំ២០២៤ រហូតដល់ទៅ ១៣២គម្រោង៕ អត្ថបទ៖ហ្សាលីន

The post ខេត្តកំពង់ស្ពឺ បន្តទទួលបានបង្កើតរោងចក្រផលិត ផ្គុំដំឡើងបរិក្ខារអគ្គិសនីបំភ្លឺ តម្លៃជាង ៦លានដុល្លារ appeared first on .

យោងតាមហ្វេសប៊ុករបស់ក្រុមប្រឹក្សាអភិវឌ្ឍន៍កម្ពុជា(CDC) នៅថ្ងៃទី១ ខែកញ្ញា ឆ្នាំ២០២៥ បានប្រកាសចូលរួមអបអរសាទរដល់ប្រជាពលរដ្ឋស្រុកភ្នំស្រួច ខេត្តកំពង់ស្ពឺ ដែលទទួលបានគម្រោងវិនិយោគបង្កើតរោងចក្រផលិតដើមណូអែល គ្រឿងលម្អ និងគ្រឿងបន្លាស់ដើមណូអែលគ្រប់ប្រភេទ ក្នុងទំហំទុនវិនិយោគប្រមាណ ១០,១លានដុល្លារអាម៉េរិក និងអាចបង្កើតការងារបានចំនួន ៥៦០កន្លែង។

គម្រោងរោងចក្រ ក្រោមទុនវិនិយោគប្រមាណ ១០,១លានដុល្លារអាម៉េរិកនេះ ត្រូវបានចេញវិញ្ញាបនបត្រដោយក្រុមប្រឹក្សាអភិវឌ្ឍន៍កម្ពុជា កាលថ្ងៃទី៣ ខែកញ្ញា ឆ្នាំ២០២៥។

គម្រោងវិនិយោគបង្កើត រោងចក្រផលិតដើមណូអែល គ្រឿងលម្អ និងគ្រឿងបន្លាស់ដើមណូអែលគ្រប់ប្រភេទ នឹងត្រូវបោះទីតាំងស្ថិតនៅភូមិត្រពាំងក្រឡឹង ឃុំគិរីវន្ត ស្រុកភ្នំស្រួច ខេត្តកំពង់ស្ពឺ ហើយវិនិយោគដោយក្រុមហ៊ុន REGAL COLLECTIONS CO., LTD។

សូមជម្រាបថា ​បើគិត​ក្នុងរយៈពេល៨ខែ នៃឆ្នាំ២០២៥  CDC បានសម្រេចុះបញ្ជីគម្រោងវិនិយោគចំនួន ៤៩១គម្រោង ក្នុងទំហំទុនវិនិយោគសរុប​ប្រមាណ ៧,២ ប៊ី(ពាន់)​លានដុល្លារ គឺគម្រោងវិនិយោគបាន​កើនឡើងចំនួន ២០៤គម្រោង ស្មើនឹងប្រមាណ ៧១% ខណៈទុនវិនិយោគបាន​កើនឡើងប្រមាណ ២,៥ ពាន់​លានដុល្លារ ស្មើនឹង​ប្រមាណ ៥០% បើប្រៀបធៀបនឹងរយៈពេលដូចគ្នាក្នុងឆ្នាំ២០២៤។

ដោយឡែកក្នុងខែសីហា ឆ្នាំ២០២៥វិញ CDC បានបញ្ជាក់ថា បានសម្រេច​ចុះបញ្ជីឱ្យ​គម្រោងវិនិយោគសរុបចំនួន ៥១គម្រោង ក្នុងទំហំទុនវិនិយោគសរុបប្រមាណ ៦០៨ លានដុល្លារអាមេរិក និងអាចបង្កើតការងារបាន ២៧ ពាន់កន្លែង។ ទុន​វិនិយោគ​ពី​សំណាក់​វិនិយោគិន​កម្ពុជាបាន​ឈាន​មុខគេ​ដោយ​មាន​ចំណែក ៤៥,៤៨% តាម​ពី​ក្រោយ​ដោយ​ប្រទេស​ចិន សិង្ហបុរី, អង់គ្លេសជាដើម​។៕ អត្ថបទ៖ហ្សាលីន

The post ខេត្តកំពង់ស្ពឺ នឹងមានរោងចក្រផលិតដើមណូអែល គ្រឿងលម្អ និងគ្រឿងបន្លាស់តម្លៃជាង១០លានដុល្លារ appeared first on .

យោងតាមហ្វេសប៊ុករបស់ក្រុមប្រឹក្សាអភិវឌ្ឍន៍កម្ពុជា កាលចុងសប្តាហ៍ បានប្រកាស ចូលរួមអបអរសាទរដល់ប្រជាពលរដ្ឋស្រុកសំរោងទង ខេត្តកំពង់ស្ពឺ ដែលទទួលបានគម្រោងវិនិយោគបង្កើតរោងចក្រផលិតក្រដាសកាតុង ក្នុងទំហំទុនវិនិយោគប្រមាណ ១៤,១លានដុល្លារអាម៉េរិក និងអាចបង្កើតការងារបានចំនួន ២៧២តកន្លែង។

គម្រោងវិនិយោគបង្កើតរោងចក្រផលិតក្រដាសកាតុង តម្លៃ ១៤,១លានដុល្លារអាម៉េរិកនេះ បានចុះបញ្ជីគម្រោងវិនិយោគមានលក្ខណៈសម្បត្តិគ្រប់គ្រាន់ កាលទី៣ ខែកញ្ញា ឆ្នាំ២០២៥។គម្រោងរោងចក្រនេះដែរ គឺមានទីតាំងស្ថិតនៅភូមិច្រកបានសុខ ឃុំខ្ញុំក្រាំង ស្រុកសំរោងទង ខេត្តកំពង់ស្ពឺ ហើយវិនិយោគដោយ ក្រុមហ៊ុន RONGFA PAPER INDUSTRY CO., LTD.។

សូមរម្លឹកថា កាលពីឆ្នាំ២០២៤ កម្ពុជាសម្រេចទទួលបានគម្រោងចំនួន៤១៤គម្រោង ដែលមានទុនប្រមាណ ៦,៩ពាន់លានដុល្លារ កើនឡើង៤០% បើធៀបនឹងឆ្នាំ២០២៣។ ដោយឡែក ក្នុងរយៈពេល ៨ខែដំបូងនៃឆ្នាំ២០២៥ កម្ពុជាបានអនុម័តគម្រោងវិនិយោគចំនួន ៤៩១គម្រោង មានទុន ៧,២ពាន់លានដុល្លារ ដោយរំពឹងថាចំនួនគម្រោងវិនិយោគនៅឆ្នាំ២០២៥នេះនឹងកើនឡើងជាបន្តបន្ទាប់បន្ថែមទៀតដែលអាចបង្កើតការងារបានជាង ៤០ម៉ឺនកន្លែងជូនប្រជាពលរដ្ឋ៕ អត្ថបទ៖ហ្សាលីន

The post ស្រុកសំរោងទង ខេត្តកំពង់ស្ពឺ ទទួលបានរោងចក្រផលិតក្រដាសកាតុង តម្លៃជាង១៤ លានដុល្លារ appeared first on .

យោងតាមការប្រកាសរបស់ក្រុមប្រឹក្សាអភិវឌ្ឍន៍កម្ពុជា នៅថ្ងៃទី១៥ ខែកញ្ញា ឆ្នាំ២០២៥​ បានចូលរួ​មអបអរសាទរដល់ប្រជាពលរដ្ឋស្រុកគងពិសី ខេត្តកំពង់ស្ពឺ ដែលទទួលបានគម្រោងវិនិយោគបង្កើតរោងចក្រផលិតសម្ភារៈប្រើប្រាស់ និងសម្ភារៈសម្រាប់ពិធីបុណ្យគ្រប់ប្រភេទពីប្លាស្ទិក ក្នុងទំហំទុនវិនិយោគប្រមាណ ៧លានដុល្លារអាម៉េរិក និងអាចបង្កើតការងារបានចំនួន ៣៩០កន្លែង។

ទន្ទឹមគ្នានេះ CDC ក៏បានអបអរសាទរដល់ប្រជាពលរដ្ឋស្រុកសំរោងទង ខេត្តកំពង់ស្ពឺ ដែលទទួលបានគម្រោងវិនិយោគបង្កើតរោងចក្រផលិតផលិតផលពីលោហៈ ក្នុងទំហំទុនវិនិយោគប្រមាណ ៩,៨លានដុល្លារអាម៉េរិក និងអាចបង្កើតការងារបានចំនួន ៣៣០កន្លែងថែមទៀតផងដែរ។

សូមរម្លឹកដែរថា ក្នុងរយៈពេល ៨ខែដំបូងនៃឆ្នាំ២០២៥ កម្ពុជាបានអនុម័តគម្រោងវិនិយោគចំនួន ៤៩១គម្រោង មានទុន ៧,២ពាន់លានដុល្លារ ដោយរំពឹងថាចំនួនគម្រោងវិនិយោគនៅឆ្នាំ២០២៥នេះនឹងកើនឡើងជាបន្តបន្ទាប់បន្ថែមទៀតដែលអាចបង្កើតការងារបានជាង ៤០ម៉ឺនកន្លែងជូនប្រជាពលរដ្ឋ។នេះបើតាមបញ្ជាក់របស់ លោក ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជាថ្លែងនៅក្នុងពិធីបើកពិព័រណ៍អន្តរជាតិចិនលើកទី២៥ សម្រាប់ការវិនិយោគ និងពាណិជ្ជកម្ម (CIFIT)នាខេត្តហ្វូជៀន ប្រទេសចិន កាលថ្ងៃទី៨ ខែកញ្ញា ឆ្នាំ២០២៥៕ អត្ថបទ៖ហ្សាលីន

The post ស្រុកចំនួន២ នៃខេត្តកំពង់ស្ពឺ ទទួលបានគម្រោងរោងចក្រថ្មី ក្រោមទុនវិនិយោគជិត២០លានដុល្លារ appeared first on .

រដ្ឋបាលខេត្តកំពង់ស្ពឺបានស្រង់សម្តីលោក ជាម ច័ន្ទសោភ័ណ អភិបាលខេត្តកំពង់ស្ពឺ ថា រដ្ឋបាលខេត្តតាមរយ:មន្ទីរកសិកម្មនិងរុក្ខាប្រម៉ាញ់បានចុះអនុស្សារណ:នៃការយោគយល់ជាមួយ ក្រុមហ៊ុនThanks Carbon Inc., និងអង្គការសម្ព័ន្ធភាពដៃគូដើម្បីការអភិវឌ្ឍតាមបែបប្រជាធិបតេយ្យ (សម្ព័ន្ធភាពCPDD)ដើម្បីបង្ហាញអំពីទស្សនទាន និងគោលដៅគម្រោងស្ងួត-សើម (AWD) ក្នុងការស្វែងរកកិច្ចសហការសម្រាប់ការអនុវត្តគម្រោង។

តាមរយៈការចុះអនុស្សរណៈខាងលើនេះ ក៏បានកំណត់នូវឱកាស បញ្ហាប្រឈមនិងអនុសាសន៍នានាពាក់ព័ន្ធនឹងគម្រោងស្ងួត-សើម ជាពិសេសដើម្បីឱ្យការអនុវត្តគម្រោងបានចូលរួមចំណែកក្នុងការផ្សាភ្ជាប់ និងគាំទ្រផ្នែកច្បាប់ គោលនយោបាយ និងបទដ្ឋានគតិយុត្តិរបស់រាជរដ្ឋាភិបាលកម្ពុជាដែលមានជាធរមាន ក្នុងការលើកកម្ពស់ជីវភាពរស់នៅឱ្យកាន់តែប្រសើរឡើងរបស់ប្រជាកសិករទូទៅ។

អភិបាលខេត្តកំពង់ស្ពឺ បានគូសបញ្ជាក់ថា ខេត្តកំពង់ស្ពឺគឺជាខេត្តមួយដែលមានសក្តានុពលខ្លាំងលើវិស័យកសិកម្ម ពិសេសគឺដំណាំស្រូវ។ លោកថា ក្នុងមួយឆ្នាំប្រជាកសិករក្នុងខេត្តនេះអាចផលិតស្រូវបានជាងមួយលានតោនដើម្បីផ្គត់ផ្គង់ដល់ទីផ្សារ។ ដូច្នេះគម្រោងកសិកម្មស្ងួត-សើមរបស់ក្រុមហ៊ុននិងអង្គការសម្ព័ន្ធភាពដែលជ្រើសយកឃុំគោលដៅទាំង៥ក្នុងស្រុកបសេដ្ឋមាន១.ឃុំពោធិម្រាល ២.ឃុំនិទាន ៣.ឃុំពោធិចំរើន ៤.ឃុំពោធិអង្រ្កង ៥.ឃុំព្រះខែនិងធ្វើឱ្យមានទំនើបកម្មលើវិស័យកសិកម្មនៅក្នុងស្រុកនេះមានលក្ខណៈប្រកួតប្រជែង បរិយាប័ន្ន ធន់នឹងការប្រែប្រួលអាកាសធាតុ និង និរន្តរភាព បង្កើនប្រាក់ចំណូលគ្រួសារកសិករ វិបុលភាព និងសុខុមាលភាពរបស់ប្រជាពលរដ្ឋ តាមអភិក្រមនិងវិសាលភាពថ្មី ដើម្បីប្រែក្លាយវិស័យនេះ ពីដំណាក់កាលនៃការអភិវឌ្ឍតាមបែបវិបុលកម្ម ពោលគឺពឹងផ្អែកជាសំខាន់លើធនធានដែលមានស្រាប់(ធនធានដី និងធនធានធម្មជាតិផ្សេងៗទៀត) ឈានទៅរកដំណាក់កាលថ្មីដែលផ្តោតលើ ប្រពលវប្បកម្ម ពោលគឺពឹងផ្អែកជាសំខាន់លើការប្រើប្រាស់បច្ចេកទេស បច្ចេកវិទ្យាថ្មី កសិកម្មវៃឆ្លាត ការស្រាវជ្រាវនិងការអភិវឌ្ឍយន្តូបនីយកម្មផងដែរ៕

The post ឃុំចំនួន៥នៃស្រុកបសេដ្ឋ ខេត្តកំពង់ស្ពឺ នឹងក្លាយជាគោលដៅក្នុងការអនុវត្តគម្រោងកសិកម្មស្ងួត-សើម(AWD)បែបទំនើប appeared first on .