ការប្រគំតន្រ្តី DAZZ CHARITY CONCERT ពិតជាទទួលបានការគាំទ្រខ្លាំងពីសំណាក់បងប្អូនទស្សនិកជនទូទាំងក្នុងនិងក្រៅប្រទេស រហូតមានការសំណូមពរច្រើនពីមហាជនឱ្យDAZZ CHARITY CONCERT ធ្វើកម្មវិធីតាមខេត្តក្រុងឱ្យបានច្រើន ។ ឆ្លើយតបតាមសំណូមពរពេលនេះ DAZZ CHARITY CONCERT បានទៅដល់ទឹកដីខេត្ត ព្រៃវែង ហើយ បន្ទាប់ពីចប់បេសសកម្មនៅខេត្ត សៀមរាប ។  

ការប្រគំតន្រ្តី DAZZ CHARITY CONCERT នឹងរៀបចំឡើងនៅភូមិឈើកាច់ ឃុំឈើកាច់ ស្រុកបាភ្នំ ខេត្តព្រៃវែង រយៈពេលពីរថ្ងៃជាប់គ្នា ដោយមានការចូលរូមសម្តែងនិងច្រៀងពីតារាចម្រៀងល្បីៗជាច្រើននៅក្នុងផលិតកម្ម ហ្គាឡាក់ស៊ី ណាវ៉ាត្រា មានទាំងបទចម្រៀងមនោរសញ្ចេតនា និងបទចម្រៀងញាក់កន្រ្តាក់អារម្មណ៍ដើម្បីបង្កើតបរិយាកាសសប្បាយរីករាយ ក្មេងចាស់ប្រុសស្រី អាចចូលរួមទស្សនាការប្រគំតន្រ្តី DAZZ CHARITY CONCERT បានទាំងអស់ជាពិសេសការប្រគំតន្រ្តីនេះចូលរួមទស្សនាដោយសេរី មិនគិតថ្លៃឡើយ ជាក់ស្តែងនៅថ្ងៃទី ១៤ ខែ មីនា ឆ្នាំ ២០២៦ ជួបជាមួយកំពូលតារាចម្រៀងល្បីៗដូចជា ព្រាប សុវត្ថិ , ខេម , សុវត្ថិ មុនីវណ្ណ , សុវណ្ណ សិរីវុឌ្ឍ , កញ្ញា ខាត់ សួស្តី និងតារាចម្រៀងវ៍យក្មេងជាច្រើនរូប ។ នៅថ្ងៃទី ១៥ ខែ មីនា ឆ្នាំ ២០២៦ ជួបជាមួយកំពូលតារាចម្រៀង ខេមរៈ សិរីមន្ត , ខាន់ ជេមស៌ , គូម៉ា , Tempo និងតារាចម្រៀងផ្សេងៗទៀត ។

DAZZ CHARITY CONCERT គឺជាព្រឹត្តិការណ៍ប្រគំតន្រ្តីដ៏ធំមួយ ដែលរៀបចំឡើងដើម្បីចូលរួមផ្សព្វផ្សាយពីសិល្បៈតន្ត្រី និងបន្តបើកឱកាសការងារដល់សិល្បករ-សិល្បការិនី និងរក្សាចរន្តសេដ្ឋកិច្ចឱ្យកាន់តែរឹងមាំ។ តន្រ្តី១ពាន់លានរៀលដើម្បីសប្បុរសធម៌ ។ កុំភ្លេចចូលរួមទស្សនាការប្រគំតន្រ្តី DAZZ CHARITY CONCERT នៅលើទឹកដីខេត្ត ព្រៃវែង ឱ្យបានច្រើនកុះករ ដើម្បីជាកម្លាំងចិត្តដល់សិល្បករ ក៏ដូចជាជួបជាមួយ Idol ក្នុងដួងចិត្តរបស់បងប្អូនផ្ទាល់៕

The post មិនទាន់ចប់ទេ ! បេសសកម្មនិងការប្រគំតន្រ្តី DAZZ CHARITY CONCERT នឹងធ្វើដំណើរទៅជួបបងប្អូនអ្នកស្រុកបាភ្នំ២ថ្ងៃជាប់គ្នា appeared first on .

ការប្រគំតន្រ្តីនឹងចាប់ផ្ដើមនៅថ្ងៃទី ១៣ និង ១៤ ខែមករា ឆ្នាំ២០២៤នេះ ទីតាំងភូមិស្វាយអន្ទរទី១ ឃុំស្វាយអន្ទរ ខេត្តព្រៃវែង ចាប់ពីម៉ោង ០៨:00 យប់ ដល់ម៉ោង១១:៣០យប់ ។នឹងមានការចូលសម្ដែងដោយកំពូលតារាចម្រៀងប្រចាំប្រទេសលោក ព្រាប សុវត្ថិ, លោក ឧកញ៉ា ខេមរៈ សិរីមន្ត, លោក ខេម, កញ្ញាតន់ ចន្ទសីម៉ា និងតារាចម្រៀងជាច្រើនរូបទៀត រួមមាន លោក Tempo Tris, លោក គូម៉ា, លោកនេនទុំ, កញ្ញា ខាត់ សួស្ដី, លោកNak Fake, កញ្ញា អ៊ុក សុវណ្ណារី, លោក យឿន ពិសី និងលោក រាជ ប្រាថ្នា។

ក្រៅពីការច្រៀង ពីសំណាក់កំពូលៗ តារាចម្រៀង ដែលបានរៀបរាប់ខាងលើ មហាព្រឹត្តការណ៍ប្រគំតន្រ្តីប្រចាំប្រទេស Exprez Tour Concert របស់ ក្រុមហ៊ុនខ្មែរ ប៊ែវើរីជីស សហការជាមួយផលិតកម្មដ៏ធំ Galaxy Navatra  ក៏មានអមមកជាមួយការសម្ដែងshowពិសេសៗ ឆាកតន្រ្តីដ៏ធំសម្បើម បច្ចេកទេសSoundទំនើបចុងក្រោយ និងភ្លើងចម្រុះពណ៌ដ៏អស្ចារ្យដែលមិនធ្លាប់មានពីមុនផងដែរ។

ព្រឹត្តការណ៍ដ៏អស្ចារ្យនេះ បងប្អូនអាចចូលរួមដោយសេរី៕

The post សុទ្ធតែកំពូលតារាចម្រៀង បងប្អូននៅខេត្តព្រៃវែង ដឹងតែកក្រើកទៀតហើយស្អែកនេះ appeared first on .

សិក្ខាសាលានេះ ក៏មានការចូលរួមពីអភិបាលរងខេត្ត ព្រមទាំងដៃគូសហការឧបត្ថម្ភនានា និងSMEប្រមាណ២៥៦នាក់ផងដែរ។

គោលបំណងនៃកម្មវិធីសិក្ខាសាលានេះ គឺដើម្បីចែករំលែកអំពីខ្សែសង្វាក់ទីផ្សារក្នុងស្រុក និងការនាំចេញ ព្រមទាំងជួយបំពេញបន្ថែមនូវចំណេះដឹងដែលម្ចាស់សហគ្រាសធុនតូច និងមធ្យមក្នុងខេត្តនៅមានចំណុចខ្វះខាត។

សូមជម្រាបថា សមាគមមូលនិធិសម្ដេចតេជោ ដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា និងសម្ព័ន្ធសមាគមសហគ្រាសធុនតូច និងមធ្យមកម្ពុជា(FASMEC) កន្លងមក តែងតែរៀបចំកម្មវិធីសិក្ខាសាលាស្តីពី «ការអភិវឌ្ឍន៍អាជីវកម្មក្រោយបរិបទកូវីដ-១៩» នៅបណ្តាខេត្តផ្សេងៗ ដើម្បីឱ្យម្ចាស់សហគ្រាស ឬអាជីវកម្មអាចលើកពីផលវិបាកដែលទាក់ទងនឹងការលក់ផលិតផលក្នុងស្រុក និងការនាំចេញ លើសពីនោះក៏ជាការចែករំលែកខ្សែសង្វាក់ទីផ្សារក្នុងការនាំចេញ និងចែករំលែកចំណេះដឹងផ្សេងៗដល់ម្ចាស់សហគ្រាសធុនតូច និងមធ្យមផងដែរ។

ជម្រាបបន្ថែមថា កម្មវិធីសិក្ខាសាលាស្តីពី «ការអភិវឌ្ឍន៍អាជីវកម្មក្រោយបរិបទកូវីដ-១៩» នេះរៀបចំឡើងដោយសមាគមមូលនិធិសម្ដេចតេជោ ដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា ព្រមទាំងដៃគូសហការឧបត្ថម្ភនានា មានដូចជា​ សហគ្រិនខ្មែរ​ ក្រុមហ៊ុនវៀតធេល​(ខេមបូឌា)និងដៃគូសហការផ្សេងៗទៀត​៕

The post ឧកញ៉ា តែ តាំងប៉ បន្តរៀបចំសិក្ខាសាលាការអភិវឌ្ឍន៍អាជីវកម្មក្រោយបរិបទកូវីដ១៩ ដល់សមាជិក FASMEC នៅខេត្តព្រៃវែង appeared first on .

បើតាមសេចក្តីសម្រេចកែសម្រួល និងតែងតាំងសមាសភាពប្រធាន-អនុប្រធានកិត្តិយសនៃសាខាកាកបាទក្រហមកម្ពុជាខេត្តព្រៃវែង ចុះហត្ថលេខាដោយសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន កាលថ្ងៃទី១៦ ខែតុលា ឆ្នាំ២០២៣នេះ បានតែងតាំងសមាសភាពសម្រាប់អាណត្តិទី៥ ចំនួន ៣៧រូប ក្នុងនោះមានរដ្ឋមន្រ្តីចំនួន ២រូប និងសប្បុរសជនមានគោរមងារឧកញ៉ា ៣រូប។

រដ្ឋមន្រ្តី និងឧកញ៉ាទាំំង ៥រូបនោះរួមមាន៖ លោក ស សុខា ឧបនាយករដ្ឋមន្រ្តីក្រសួងមហាផ្ទៃ ជាប្រធានកិត្តិយស, លោក ជា សុមេធី រដ្ឋមន្រ្តីសង្គមកិច្ច អតីតយុទ្ធជន និងយុវនីតិសម្បទា និងជាអតីតអភិបាលខេត្តព្រៃវែង, ឧកញ៉ា ឡេង ហ៊ួរ, ឧកញ៉ា ជួន កុសល និងឧកញ៉ា សា លាង ជាអនុប្រធានកិត្តិយស។

សេចក្តីសម្រេចដដែលក៏បានតែងតាំងលោក គង់ វិបុល រដ្ឋមន្រ្តីប្រតិភូមអមនាយករដ្ឋមន្រ្តី និងជាអគ្គនាយកនៃអគ្គនាយកដ្ឋានពន្ធដារ និងលោក ហ៊ី បាវី ប្រតិភូរាជរដ្ឋាភិបាលទទួលបន្ទុកជាប្រធានអគ្គនាយកកំពង់ផែស្វយ័តភ្នំពេញ ជាអនុប្រធានកិត្តិយសផងដែរ៕

The post សម្តេច ប៊ុន រ៉ានី តែងតាំងរដ្ឋមន្រ្តី និងឧកញ៉ា៥រូបជាប្រធាន-អនុប្រធានកិត្តិយសនៃសាខាកាកបាទក្រហមខេត្តព្រៃវែង appeared first on .

លិខិតថ្លែងអំណរគុណរបស់រដ្ឋបាលខេត្តព្រែវែង បានថ្លែងអំណរគុណ និងសូមជូនពរ អ្នកឧកញ៉ា សំអាង វឌ្ឍនៈ អគ្គនាយកក្រុមហ៊ុន វឌ្ឍនៈ ប្រ៊ូវើរី ព្រមទាំងសហការី បានជួបនូវពុទ្ធពរទាំងបួនប្រការ ដែលចុះហត្ថលេខាដោយលោក សួន សុម៉ាលីន អភិបាលខេត្តព្រៃវែង។

ក្រុមហ៊ុន វឌ្ឍនៈ គ្រុប កន្លងទៅធ្លាប់បានចូលរួមឧបត្ថម្ភសម្ភារៈ និងភេសជ្ជៈជាច្រើនជូនរដ្ឋបាលខេត្តព្រៃវែង ក៏ដូចជានៅតាមបណ្តាខេត្តមួយចំនួនទៀតដើម្បីប្រើប្រាស់ក្នុងកិច្ចការរបស់រដ្ឋបាលខេត្តនីមួយៗ៕

The post អ្នកឧកញ៉ា សំអាង វឌ្ឍនៈ ឧបត្ថម្ភភេសជ្ជៈចំនួន ៧០០កេសជូនរដ្ឋបាលខេត្តព្រៃវែង appeared first on .

លោក ជា សុមេធី អភិបាល​ខេត្ត​ព្រៃវែង បានឱ្យដឹងថា កណើនសេដ្ឋកិច្ចនៅក្នុងខេត្តព្រៃវែង ក្នុងរយៈ៥ឆ្នាំកន្លងមកនេះ បច្ចុប្បន្នខេត្តមានផលិតផលក្នុងស្រុកសរុប ចំនួន១,៧៣៨លានដុល្លា បើប្រៀប ធៀបទៅនឹង៥ឆ្នាំមុន (មុនឆ្នាំ២០១៨) ផលិតផលក្នុងស្រុកសរុបមានចំនួន១.២៧៨លានដុល្លា មានការកើនឡើង ចំនួន៤៦០លានដុល្លា ស្មើនឹង៣៦%។

ជាងនេះទៀត លោកថា ក្នុងរយៈពេល៥ឆ្នាំនេះ GDP សម្រាប់ប្រជាពលរដ្ឋម្នាក់ៗ មានចំនួន ១.៣០៣,៥ដុល្លា ស្ថិតនៅលំដាប់លេខ១៩ ក្នុងចំណោម២៤ខេត្ត(មិនរាប់បញ្ចូលរាជធានីភ្នំពេញ) បើប្រៀបធៀប ទៅនឹង៥ឆ្នាំមុន (មុនឆ្នាំ២០១៨) GDP ប្រជាពលរដ្ឋម្នាក់ៗមានចំនួន ១.១៣៧,៩ដុល្លា ស្ថិតនៅលំដាប់លេខ២១ ក្នុងចំណោម២៤ខេត្ត។

គួរបញ្ជាក់ដែថា ខេត្តព្រៃវែង គឺមានទីតាំងស្ថិតនៅប៉ែកអាគ្នេយ៍នៃប្រទេសកម្ពុជា ទីរួមខេត្តមានចំងាយ ៩៥គីឡូម៉ែត្រ ពីរាជធានីភ្នំពេញនិងចម្ងាយ១០០គីឡូម៉ែត្រ តាមផ្លូវជាតិលេខ៨។​ ខេត្តមានស្រុកចំនួន១២ និងក្រុងចំនួន១. រួមមានឃុំចំនួន១១២ និងសង្កាត់ចំនួន៤ មានភូមិចំនួន១.១៦៨ និងមានផ្ទៃដីសរុប ៤.៨៨៣គម២ ។ខេត្តមានខ្សែបន្ទាត់ព្រំដែនកម្ពុជា-វៀតណាម ប្រវែង ៨៤,២គីឡូម៉ែត្រ។ ប្រជាពលរដ្ឋក្នុងខេត្ត សរុបចំនួន២៩៥,០៧៤គ្រួសារ ស្មើនឹងមនុស្ស ចំនួន១.២៦៣១៨២នាក់ សី៦៥២.៨៧៩នាក់ ក្នុងនោះប្រជាពលរដ្ឋដែលមានអាយុចាប់ពី ១៨ឆ្នាំឡើង ចំនួន៨១០.០៩១នាក់, ស្រី៤២៤.៩៦១នាក់៕ អត្ថបទ៖ ពិសី

The post ៥ឆ្នាំមកនេះ GDP របស់ប្រជាពលរដ្ឋខេត្តព្រៃវែងម្នាក់ៗ មានរហូតជាង ១.៣០០ដុល្លារ appeared first on .

លោក ជា សុមេធី អភិបាល នៃគណៈអភិបាល​ខេត្ត​ព្រៃវែង បានឱ្យដឹងថា យន្តការសម្រាប់ផ្តល់សេវាជូនប្រជាពលរដ្ឋមាន ០៣ថ្នាក់ ក្នុងគោលបំណងលើកកម្ពស់គុណភាព ប្រសិទ្ធភាព ប្រសិទ្ធផល តម្លាភាព និងគណនេយ្យភាព នៃការផ្តល់សេវារដ្ឋបាលលើវិស័យនានានៅកន្លែងតែមួយ។

ជាមួយគ្នានេះ លោកថា ដោយផ្អែកតាមស្មារតីនេះរដ្ឋបាលខេត្ត បានរៀបចំអគារអង្គភាពច្រកចេញ-ចូលតែមួយខេត្ត ដែលផ្តល់សេវាលើ ១៤វិស័យ ការិយាល័យច្រកចេញចូលតែមួយ ១៣ក្រុង-ស្រុក ផ្តល់សេវាលើ ១៣វិស័យ និងបានដាក់ឱ្យ ដំណើរការយន្តការផ្តល់សេវារដ្ឋបាលជូនប្រជាពលរដ្ឋ នៅតាមសាលាឃុំ-សង្កាត់ទាំង ១១៦ នៅក្នុងខេត្ត តាមគោលការណ៍ណែនាំរបស់ក្រសួងមហាផ្ទៃ។

លើសពីនេះ ការផ្តល់សេវាតាមយន្តការច្រកចេញ-ចូលតែមួយ ត្រូវបានទទួលការគាំទ្រ និងសាទរពីប្រជាពលរដ្ឋ ដែលជាអ្នកស្នើសុំសេវា ដោយរាជរដ្ឋាភិបាលបានបង្ខិតសេវាឱ្យ កាន់តែកៀកជិតប្រជាពលរដ្ឋ និងនីតិវិធីមានលក្ខណៈសាមញ្ញ តម្លាភាព គណនេយ្យភាព ភាពជឿជាក់ ទុកចិត្តបាន និងគ្មានអំពើពុករលួយ។ ជាក់ស្តែង ក្នុងរយៈពេល៥ឆ្នាំ(២០១៨-២០២២) ការផ្តល់សេវារដ្ឋបាលជូនប្រជាពលរដ្ឋតាមរយៈយន្តការច្រក ចូលតែមួយក្នុងខេត្តសរុបចំនួន៨៦,៦៤៣សេវា និងទទួលបានចំណូលសរុប២,០២លានដុល្លាផងដែរ។

គួរបញ្ជាក់ដែរថា ពាក់ព័ន្ធនឹងការងារកិច្ចសហប្រតិបត្តិការអន្តរជាតិ និងការងារគ្រប់គ្រងច្រកទ្វារព្រំដែនវិញ ខេត្តព្រៃវែង មានព្រំប្រទល់រដ្ឋបាលជាប់នឹងខេត្តចំនួន០៣ នៃសាធារណៈរដ្ឋសង្គមនិយមវៀតណាម គឺខេត្តតៃនិញ ខេត្តឡុងអាន និងខេត្តដុងថាប់ ។

ដោយក្នុងនោះដែរ ខេត្តនេះ មានច្រកទ្វារព្រំដែន ឆ្លងកាត់ចំនួន០៦ គឺច្រកទ្វារព្រំដែនអន្តរជាតិបន្ទាយចក្រី កោះរកាម៉ឺនជ័យ ច្រកទ្វារ ព្រំដែនទ្វេភាគីកោះសំពៅ និងច្រកទ្វារតំបន់ព្រំដែនពាមមន្ទារ ស្វាយអាង៉ោង។

យ៉ាងណាមិញ បើតាមលោកអភិបាលខេត្តព្រៃវែង អះអាងដែរថា ចំពោះកិច្ចសហប្រតិបត្តិការទៅវិញទៅមករវាងអាជ្ញាធរ និងសមត្ថកិច្ចទាំងសងខាង ខេត្តក៏បានយកចិត្តទុកដាក់ ក្នុងការបង្កើនទំនាក់ទំនង និងកិច្ចសហការល្អ ក្នុងគោលដៅពង្រឹងការងារសន្តិសុខ សេដ្ឋកិច្ច ការប្រកបរបរ អាជីវកម្ម របស់ប្រជាពលរដ្ឋ និងការងារអភិវឌ្ឍព្រំដែនមិត្តភាព សន្តិភាពឱ្យបានកាន់តែល្អប្រសើរ៕ អត្ថបទ៖​ពិសី

The post ការផ្តល់សេវាតាមរយៈច្រកចេញ-ចូលតែមួយក្នុងខេត្តព្រៃវែង បានជិត៩ម៉ឺនសេវា ត្រឹមរយៈពេល៥ឆ្នាំ appeared first on .

លោក ភោគ សុខហឿន លើកឡើងថាមូលហេតុដែលជំរុញឧ្យខ្ញុំចាប់យកមុខរបរចិញ្ចឹមបង្កងជិតមួយឆ្នំាមកនេះដោយសារតែនៅឆ្នំា២០២០និង២០២១យើងជួបនិងវិបត្តិជំងឺកូវីដ១៩ វាធ្វើឱ្យប៉ះពាល់ទៅដល់ការប្រកបការងារសំណង់និងម៉ៅការសំណង់ក៏ដូចជាមានភាពរអាក់រអួលទៅនិងការងារហើយរកចំណូលមិនសូវបានខ្ញុំគិតថាត្រូវរកប្រភពចំណូលមួយផ្សេងទៀតបន្ទាប់ពីការងារធ្វើសំណង់។អីចឹងខ្ញុំក៏សម្រេចចិត្តថាត្រូវរកមុខរបរណាមួយដើម្បីយកមកផ្គត់ផ្គង់ជីវភាពគ្រួសារ។ 

លោកបន្តថា បន្ទាប់មកខ្ញុំក៏អង្គុយវីដេអូតាមយូរធូបតាមទូរស័ព្ទដៃរាល់ថ្ងៃ លុះដល់ថ្ងៃមួយ ខ្ញុំបើកចុះបើកឡើងក៏បានឃើញមុខរបរក្នុងវិស័យវារីវប្បកម្មទាក់ទងនិងការចិញ្ចឹមបង្កងក៏ចាប់អារម្មណ៍ហើយនឹងឃើញថាដើម្បីប្រកបមុខចិញ្ចឹមបង្កងនេះបានទាល់តែយើងមានទីតំាងអំណោយផល។អីចឹងខ្ញុំមានទីតំាងមួយកន្លែងដែរនៅខាងស្រុកមេសាងខេត្តព្រៃវែងសមស្របនិងមានប្រភពទឹកអាចចាប់ផ្តើមមុខរបរចិញ្ចឹមបង្កងបាន។ 

លោកសង្កត់ធ្ងន់ថា «មុខរបរចិញ្ចឹមបង្កងនេះវាមានអត្ថប្រយោជន៍ច្រើន បង្កងមានទីផ្សារខ្ពស់ហើយមិនសូវមានប្រជាពលរដ្ឋចិញ្ចឹមច្រើននោះទេ ។ដូចនេះវាជាមូលហេតុមួយដែលខ្ញុំគិតថាខ្ញុំអាចប្រយោជន៍ពីការចិញ្ចឹមបង្កងនេះ ទទួលបានប្រាក់ចំណូលសម្រាប់ផ្គត់ផ្គង់ជីវភាពគ្រួសារ»។ 

លោកលើកឡើងថា ការចិញ្ចឹមបង្កងនេះយើងចាប់ផ្តើមរៀបចំកន្លែងចិញ្ចឹមបង្កងនៅដើមឆ្នំា២០២២ ហើយមកដល់ខែឧសភាយើងក៏បានដាក់កូនបង្កង ហើយរហូតមកដល់ពេលនេះការចិញ្ចឹមបង្កតវគ្គដំបូងរបស់ខ្ញុំបានរយៈពេលជាង៨ខែ ហើយយើងរំពឹងថាលទ្ធផលដែលយើងទទួលបានវានឹងល្អ ដោយសារយើងបានចាប់ផ្តើមលក់ជាបន្តើរៗហើយដោយក្នុងមួយគីឡូក្រាមថ្លៃចន្លោះពី១២ដុល្លារទៅ១៨ដុល្លារ។ 

លោកបន្តថា ផ្អែកលើទីតាំងអំណោយផលយើងចាប់ផ្តើមចិញ្ចឹមបង្កងវគ្គដំបូងចំនួន១០ម៉ឺនកូនលើទំហំផ្ទៃដីជាងមួយហិកតា ហើយលទ្ធផលដំបូងដែលយើងត្រៀមទទួលបាននេះយើងមិនទាន់រំពឹងថាវាបាន១០០%នោះទេ បានត្រឹមតែ៤០ឬ៦០%គឺយើងអាចទទួលយកបាន ដោយសារយើនៅខ្វះខាតបច្ចេកទេសចិញ្ចឹមច្រើន។ មុខរបរចិញ្ចឹមបង្កងនេះយើងមានគោលដៅច្បាស់លាស់បើទោះបីមិនទទួលបានលទ្ធផលខ្ពស់ក៏ដោយតែយើងនៅអាចរកប្រាក់ចំណូលបានមួយចំនួន តាមរយៈ បង្កងមានតម្លៃខ្ពស់គួរសមនៅលើទីផ្សារ។ 

លោកថា ទោបីការចិញ្ចឹមបង្កងទទួលបានជោគជ័យខ្ញុំអត់ចោលការងារជាអ្នកម៉ៅការសំណង់ដែរ ព្រោះវាជាអាជីពរបស់ខ្ញំ ហើយការងារចិញ្ចឹមបង្កងនៅវគ្គដំបូងនេះបើទទួលបានប្រាក់ចំណូលបានត្រឹមទប់ទល់ ឬសល់បានតិចតួច ក៏ខ្ញុំទទួលយកបានដែរ ហើយបន្តការចិញ្ចឹមបន្ថែមទៀត ។ បើតាមលោក សុខហឿន ថា ការចាប់ផ្តើមចិញ្ចឹមបង្កងនៅវគ្គដំបូងនេះលោកត្រូវការចំណាយដើមទុនទៅលើ ការរៀបចំស្រះដាក់បង្កង ទិញកូនបង្កង ទិញចំណី អស់ប្រាក់ជាង៣ម៉ឹនដុល្លារ៕  អត្ថបទ៖ សារេត

The post អ្នកម៉ៅការសំណង់ក្នុងខេត្តព្រៃវែងម្នាក់ងាកមករកប្រាក់ចំណូលពីចិញ្ចឹមបង្កង appeared first on .

គួរបញ្ជាក់ថា រដ្ឋបាលខេត្តព្រៃវែង បានដាក់ចេញនូវវិធានការបន្ទាន់ភ្លាមៗ ផ្អាកចរាចរណ៍ប្រជាពលរដ្ឋក្នុងឃុំចំនួន ៤ រួមមាន ឃុំព្រែកខ្សាយ ឃុំព្រែកខ្សាយ ឃុំអ្នកលឿង និងឃុំពាមរក៍ នៃស្រុកពាមរក៍ បន្ទាប់ពីរកឃើញករណីវិជ្ជមានកូវីដ១៩ លើប្រជាប្រពលរដ្ឋក្នុងស្រុកនេះ ចំនួន ៣៦នាក់។ ដោយឡែក សម្រាប់ខេត្តព្រៃវែងទាំងមូល ចំនួនអ្នកឆ្លងកូវីដ១៩ សរុបមានចំនួន ៤៥នាក់ ដែលជាសញ្ញាមិនល្អ និងត្រូវប្រុងប្រយ័ត្នខ្ពស់បំផុត។

ខាងក្រោមនេះ ជាទិដ្ឋភាពខ្លះៗក្នុងទីរួមខេត្តព្រៃវែង ដែលក្រុមការងារ Oknha News យើងខ្ញុំ ទទួលបានពីផេកហ្វេសប៊ុក ខេត្តព្រៃវែង ៖

The post ទិដ្ឋភាពដ៏ស្ងប់ស្ងាត់ក្នុងទីរួមខេត្តព្រៃវែងព្រឹកនេះបន្ទាប់ពីអាជ្ញាធរប្រកាសផ្អាកចរាចរណ៍ក្នុងឃុំចំនួន៤ appeared first on .

តាមរយៈវីដេអូចែកចាយក្នុងបណ្ដាញសង្គមនោះ យុវតីខាងលើមានបក្ខពួកជាច្រើននាក់ បានស្ទាក់ម៉ូតូរបស់យុវតីចំនួន ៤នាក់ផ្សេងទៀត ដែលអះអាងថា ជាអ្នកមកពីស្រុកផ្សេង មិនមែននៅស្រុកមេសាងនោះទេ។ ហើយមូលហេតុដែលក្រុមយុវតីខាងលើ ស្ទាក់សួរនាំ និងគំរាមរកវាយគេនោះ ដោយសារតែភាគីម្ខាងទៀត បានមើលមុខឌឺដងដាក់ខ្លួន។

លោក នៅ ហាច អធិការនគរបាលស្រុកមេសាង ឲ្យដឹងនៅរសៀលថ្ងៃនេះថា ក្រោយឃើញវីដេអូមិនសមរម្យដែលត្រូវបានចែកចាយ ក្នុងលក្ខណៈមិនសមរម្យដែលអាចប៉ះពាល់ដល់សន្ដិសុខ សណ្ដាប់ធ្នាប់សង្គម លោកបានធ្វើការស្រាវជ្រាវ និងឈានដល់ការឃាត់ខ្លួនយុវតីខាងលើយកមកសួរនាំ។

យុវតីដែលអ្នកប្រើប្រាស់បណ្ដាញសង្គមឲ្យរហ័សនាមថា «បងធំមេសាង» នោះ មានឈ្មោះ ចាន់រី ជាសិស្សថ្នាក់ទី១១ នៅវិទ្យាល័យមេសាង ហើយថ្ងៃកើតហេតុនោះ តាំងពីថ្ងៃទី១១ ខែមករា ឆ្នាំ២០២០កន្លងទៅថ្មីៗនេះ បន្ទាប់ពីយុវតីទាំងអស់នោះ មកពីមើលគេប្រកួតបាល់នៅវិទ្យាល័យមេសាង។

អធិការនគរបាលស្រុកមេសាង បានបញ្ជាក់ថា បន្ទាប់ពីឃាត់ខ្លួនមកសួរនាំ កម្លាំងសមត្ថកិច្ចជំនាញបានធ្វើការអប់រំយុវតីខាងលើ ហើយមានការធានាពីអាណាព្យាបាល និងធ្វើកិច្ចសន្យាឲ្យបញ្ឈប់សកម្មភាពបែបនេះ ទើបអនុញ្ញាតឲ្យត្រឡប់ទៅផ្ទះវិញ មិនបានកសាងសំណុំរឿងបញ្ជូនទៅតុលាការអ្វីនោះទេ។

បើតាមលោកអធិការ សម្រាប់យុវតីម្នាក់នេះ កន្លងទៅមិនធ្លាប់បានធ្វើសកម្មភាពបែបនេះឡើយ ពោលទើបតែលើកទី១នោះទេ៕

The post សមត្ថកិច្ច​​មិន​​ឃាត់ខ្លួនទេ គ្រាន់​តែ​ហៅមកអប់រំហើយត្រឡប់ទៅផ្ទះវិញ appeared first on .