គួររំឭកថា ឯកឧត្តម គីម រិទ្ធី ត្រូវបានព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ត្រាស់បង្គាប់តែងតាំងជា អភិបាលខេត្តព្រះវិហារថ្មី (អាណត្តិទី១) នៅថ្ងៃទី២៧ ខែកក្កដា ឆ្នាំ២០២២ បន្ទាប់​ពីលោក ប្រាក់ សុវណ្ណ ត្រូវបានដាក់ឱ្យចូលនិវត្តន៍។

បទពិសោធន៍ការងារ

មុនពេលកាន់តំណែងជាអភិបាលខេត្តព្រះវិហារ ឯកឧត្តម គីម រិទ្ធី ធ្លាប់កាន់តំណែងជាច្រើនទាំងក្នុងក្របខណ្ឌមន្ត្រីរដ្ឋបាលសាធារណៈ ក្របខណ្ឌនគរបាលជាតិ និងក្របខណ្ឌកងយោធពលខេមរភូមិន្ទ។

នៅក្នុងឆ្នាំ២០០៥ លោកកាន់តួនាទីជាស្នងការរងនៃស្នងការដ្ឋាននគរបាលខេត្តកណ្ដាល ទទួលបន្ទុកផ្នែកព្រហ្មទណ្ឌ និងប្រតិបត្តិការ។ បន្ទាប់ពីបានបំពេញការងារជាមន្ត្រីនគរបាលជិត ២ឆ្នាំ លោកក៏ផ្លាស់ប្ដូរក្របខណ្ឌ ដោយត្រូវមកបំពេញការងារជាមន្ត្រីយោធាវិញនៅក្នុងឆ្នាំ ២០០៧។

នៅឆ្នាំ២០១១ លោកត្រូវបានដំឡើងឋានន្តរស័ក្តិជាឧត្តមសេនីយទោ (ផ្កាយ២) ជាមួយនឹងមុខតំណែងជានាយរងសេនាធិការចម្រុះនៃកងយោធពលខេមរភូមិន្ទ។

លុះនៅអំឡុងខែធ្នូ ឆ្នាំ២០១៤ លោកត្រូវតែងតាំងជាអភិបាលរងខេត្តកណ្ដាល រហូតដល់ខែកុម្ភៈ ឆ្នាំ២០២២ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសម្រេចផ្ទេរភារកិច្ចលោក គីម រិទ្ធី ពីអភិបាលរងខេត្តកណ្តាល ឲ្យមកកាន់តំណែងជាអគ្គនាយករងនៃអគ្គនាយកដ្ឋានរដ្ឋបាលក្រសួងមហាផ្ទៃ។

ប្រវត្តិសិក្សា

លោក គីម រិទ្ធី ជាយុវជនម្នាក់ដែលបានទទួលការអប់រំ និងបណ្ដុះបណ្ដាលពីក្រៅប្រទេស ដូចជា សហរដ្ឋអាមេរិក និងសិង្ហបុរី។ នៅក្នុងនោះឆ្នាំ១៩៩១-១៩៩៥ លោកចូលរៀននៅវិទ្យាល័យ ហ៊ុន សែន សេរីភាព ក្រុងតាខ្មៅ ហើយលោកផ្លាស់ទៅរៀននៅអនុវិទ្យាល័យ Bukit Merah នៅប្រទេសសិង្ហបុរី ក្នុងឆ្នាំ១៩៩៥-១៩៩៨។

ក្រោយបញ្ចប់កម្រិតវិទ្យាល័យនេះ គឺលោកសិក្សានៅមហាវិទ្យាល័យនីតិព្រហ្មទណ្ឌ នៅទីក្រុង New York សហរដ្ឋអាមេរិក ដោយលោកទទួលបានសញ្ញាបត្រកម្រិតបរិញ្ញាបត្រវិទ្យាសាស្ត្រ ក្នុងឆ្នាំ២០០២ និងសញ្ញាបត្រអនុបណ្ឌិតផ្នែកព្រហ្មទណ្ឌ ឆ្នាំ២០០៤។ ទន្ទឹមគ្នានេះ នៅឆ្នាំ២០១២-២០១៣ លោកក៏បន្តយកសញ្ញាបត្រអនុបណ្ឌិតផ្នែកគ្រប់គ្រងសាធារណៈ នៅសាលាគោលនយោបាយ លីក្វាន់យូ ប្រទេសសិង្ហបុរី ថែមទៀតផងដែរ៕

The post ប្រមុខរដ្ឋស្តីទី ចេញព្រះរាជក្រឹត្យតែងតាំង ឯកឧត្តម គីម រិទ្ធី កូនប្រុសច្បងទេសរដ្ឋមន្ត្រី គន់ គីម ជាអភិបាល​ខេត្តព្រះវិហារ សម្រាប់អាណត្តិទី២ appeared first on .

ពិធីចុះហត្ថលេខានេះ បានធ្វើឡើងក្រោមវត្តមាន លោក ប្រាក់ សោភ័ណ អភិបាល នៃគណៈអភិបាលខេត្តសៀមរាប និងលោក គីម រិទ្ធី អភិបាល នៃគណៈអភិបាលខេត្តព្រះវិហារ។

លោកអភិបាលខេត្តទាំងពីរ បានឱ្យដឹងថា ការចុះហត្ថលេខាលើសំណើសុំកែសម្រួលព្រំប្រទល់រដ្ឋបាលរវាងខេត្តសៀមរាប និងខេត្តព្រះវិហារ គឺដើម្បីងាយស្រួលក្នុងការគ្រប់ប្រជាជន និងភាពងាយស្រួលក្នុងការផ្តល់សេវាសាធារណៈជូនប្រជាពលរដ្ឋ។

សូមបញ្ជាក់ថា ដោយផ្អែកលើគោលការណ៍ច្បាប់ និងបន្ទាប់ពីចុះសិក្សា និងពិនិត្យ ផ្ទៀងផ្ទាត់នៅទីតាំង ជាក់ស្តែង រដ្ឋបាលខេត្តទាំងពីរបានប្រជុំពិភាក្សា និង សម្រេចឯកភាពគ្នា ដោយរៀបចំសំណើសុំកែសម្រួលព្រំប្រទល់រដ្ឋបាលរវាងខេត្តសៀមរាប និងខេត្តព្រះវិហារ។ ការរៀបចំនេះ ត្រូវបានរៀបចំឡើងតាមសេចក្តីជូនដំណឹងរបស់ក្រសួងមហាផ្ទៃ ស្តីពីការកំណត់ព្រំប្រទល់រដ្ឋបាលរាជធានី-ខេត្ត ក្រុង-ស្រុក និងឃុំ-សង្កាត់ ដែលពុំទាន់មានភាពច្បាស់លាស់ ដើម្បីធានាឱ្យការគ្រប់គ្រងរដ្ឋបាលនៅតំបន់ព្រំប្រទល់នោះមានភាពច្បាស់លាស់ ប្រសិទ្ធភាព និងស្របតាមស្ថានភាពជាក់ស្តែង៕អត្ថបទ៖ហ្សាលីន

The post រដ្ឋបាលខេត្តសៀមរាប និងរដ្ឋបាលខេត្តព្រះវិហារ សម្រេចចុះហត្ថលេខាកែសម្រួលព្រំប្រទល់រដ្ឋបាល appeared first on .

នាឱកាសនោះ បើតាមរបាយការណ៍របស់ លោក គីម រិទ្ធី អភិបាលនៃគណៈអភិបាលខេត្តព្រះវិហារបានឱ្យដឹងថា ខេត្តព្រះវិហារស្ថិតនៅភាគឧត្តរនៃព្រះរាជាណាចក្រកម្ពុជាមានក្រឡាផ្ទៃប្រមាណជាង១៣ពាន់គីឡូម៉ែត្រក្រឡាបែងចែកជា១ក្រុង ៧ស្រុក ៤៩ឃុំ២សង្កាត់ និង២៣២ភូមិ។ ខេត្តព្រះវិហារមានសម្បត្តិធនធានធម្មជាតិព្រៃឈើ និងប្រាសាទបុរាណជាច្រើនក្នុងនោះមានប្រាសាទបុរាណដែលបានចុះក្នុងបញ្ជីបេតិកភណ្ឌពិភពលោកចំនួន២ គឺប្រាសាទព្រះវិហារ និងប្រាសាទកោះកេរ។

លោកបន្តថា ខេត្តព្រះវិហារមានសក្តានុពលនិងពឹងផ្អែកលើវិស័យកសិកម្មជាពិសេសគឺការជំរុញផលិតកម្មស្រូវសរីរាង្គដែលបានចងក្រងជាសហគមន៍កសិកម្មចំនួន ៤៧សហគមន៍ ដើម្បីចុះកិច្ចសន្យាទិញលក់ជាមួយក្រុមហ៊ុនសហគ្រាសចំនួន៩ក្រុមហ៊ុន។ ក្រៅពីនេះខេត្តមានដាំដំណាំយុទ្ធសាស្ត្រសំខាន់ៗដូចជាស្វាយចន្ទីប្រមាណ៣ម៉ឺនហិកតា,ដំណាំស្វាយប្រមាណ៨ពាន់ហិកតា,ដំឡូងមីប្រមាណ៤ម៉ឺនហិកតា និងកៅស៊ូប្រមាណ៣ម៉ឺនហិកតា ដាំលក្ខណៈជាក្រុមហ៊ុនសម្បទានសេដ្ឋកិច្ចចំនួន១៥ក្រុមហ៊ុន និងលក្ខណៈជាគ្រួសារ។

ក្នុងភូមិសាស្ត្រខេត្តព្រះវិហារនេះដែរ ក៏មានធនធានរ៉ែសំខាន់ៗ ដូចជារ៉ែមាស រ៉ែដែក រ៉ែលោហៈ ដែលមានអាជ្ញាបណ្ណធនធានរ៉ែ៥អាជ្ញាបណ្ណស្មើនឹង៣ក្រុមហ៊ុន,អាជ្ញាបណ្ណអណ្តូងរ៉ែ និងការដ្ឋានវាយថ្ម១២អាជ្ញាបណ្ណស្មើនឹង១០ក្រុមហ៊ុន។

ថ្លែងក្នុងឱកាសនេះ សម្តេចតេជោ ហ៊ុន សែន បានបង្ហាញនូវក្តីរីករាយដែលបានវិលមកជួបជាមួយថ្នាក់ដឹកនាំមន្ត្រីរាជការក្នុងខេត្តព្រះវិហារសាជាថ្មី។ សម្តេចបានកោតសរសើរ និងវាយតម្លៃខ្ពស់ចំពោះថ្នាក់ដឹកនាំខេត្ត មន្ត្រីរាជការ និងក្រុមការងារមូលដ្ឋានខេត្ត ដែលបានខិតខំក្នុងកិច្ចការងារកន្លងមក៕អត្ថបទ៖ហ្សាលីន

The post ខេត្តព្រះវិហារ មានធនធានរ៉ែសំខាន់ៗ ៣ ប្រភេទ និងមាន ១៣ ក្រុមហ៊ុន បានអាជ្ញាបណ្ណវិនិយោគ appeared first on .

ឯកឧត្តម គីម រិទ្ធី អភិបាលខេត្តព្រះវិហារ បានបង្ហោះសារលើបណ្តាញសង្គម នៅថ្ងៃទី២៦ ខែឧសភា បែបនេះថា៖ “ប៉ានិងម៉ាក់ ពិតជាមានមោទនភាពខ្លាំងណាស់ ចំពោះកូនស្រី ខាលីឌីនីត (Calidinith) ដែលបានបញ្ចប់ការសិក្សាថ្នាក់វិទ្យាល័យ ដោយជោគជ័យពីសាលាអន្តរជាតិភ្នំពេញ (ISPP)។

គោលដៅបន្ទាប់របស់កូនគឺ បន្តការសិក្សាផ្នែកច្បាប់។ ប៉ាម៉ាក់ជឿជាក់យ៉ាងមុតមាំថា ភាពឆ្លាតវៃ និងទឹកចិត្តដ៏ល្អប្រពៃរបស់កូន នឹងនាំកូនទៅរកភាពជោគជ័យ និងក្លាយជាអ្នកច្បាប់ដ៏ល្អម្នាក់នាពេលអនាគត! កូនជាក្មេងស្រីម្នាក់ដែលមានទឹកចិត្តស្រឡាញ់ យកចិត្តទុកដាក់ និងគិតគូរដល់អ្នកជុំវិញខ្លួន ទាំងគ្រួសារ មិត្តភក្តិ និងសង្គមជាតិ។

ខ្ញុំក៏សូមសម្តែងនូវអំណរគុណយ៉ាងជ្រាលជ្រៅបំផុត ចំពោះភរិយាដ៏ល្អរបស់ខ្ញុំ ពិសី (Pisey) និងជាអ្នកម្តាយដ៏អស្ចារ្យ។ អរគុណអូនដែលបានលះបង់ កម្លាំងកាយចិត្ត ផ្តល់ក្តីស្រឡាញ់ និងការអប់រំដ៏ល្អ រហូតដល់យើងអាចចិញ្ចឹមបីបាច់ថែរក្សាកូនៗទាំង ៣នាក់របស់យើង ឱ្យធំធាត់ឡើងប្រកបដោយចំណេះដឹង សីលធម៌ និងគុណធម៌ខ្ពស់បែបនេះ”។

ឯកឧត្តមអភិបាលខេត្តព្រះវិហារ បានបន្ថែមថា ជោគជ័យរបស់កូនៗនៅថ្ងៃនេះ គឺកើតចេញពីក្តីស្រឡាញ់ និងការលះបង់មិនអាចកាត់ថ្លៃបានរបស់ឧត្តមភរិយារបស់លោក។ សូមអបអរសាទរ កូនសម្លាញ់ ឌីនីត៕ 

The post កូនស្រីអភិបាលខេត្តព្រះវិហារ បញ្ចប់ការសិក្សាពីសាលាអន្តរជាតិភ្នំពេញ ISPP appeared first on .

គិតត្រឹមថ្ងៃទី១៤ ខែសីហានេះ អ្នកឧកញ៉ា ឡេង ណាវ៉ាត្រា បានបន្តដឹកនាំក្រុមយុវជនបន្តរៀបចំផ្គត់ផ្គង់ម្ហូបអាហារជូនដល់ប្រជាពលរដ្ឋភៀសសឹក ៤គោលដៅដោយសហការជាមួយឯកឧត្តម កិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ ឯកឧត្តម គីម រិទ្ធី អភិបាលខេត្តព្រះវិហារ។

នៅក្នុងបេសកកម្មដ៏មានអត្ថន័យនេះ ក្រុមការងារសហព័ន្ធយុវជនបូជាការពារយុត្តិធម៌ បាននឹងកំពុងបន្តផ្គត់ផ្គង់ជូនប្រជាពលរដ្ឋភៀសសឹករបស់យើងចំនួន ៤គោលដៅក្នុងនោះរួមមាន៖ វត្តពោធិ៍ ៥០០០ដើម វត្តត្រាវគៀត វត្តបាក់កាំ និងទួលអណ្តែត ដោយបំរើម្ហូបឲ្យបងប្អូនប្រជាពលរដ្ឋហូបចុកគ្រប់គ្រាន់ រង់ចាំពេលវេលាដែលរាជរដ្ឋាភិបាលអនុញ្ញាតិឲ្យត្រឡប់ទៅកាន់លំនៅឋានវិញនាពេលដ៏ឆាប់ខាងមុខ៕

The post អ្នកឧកញ៉ា ឡេង ណាវ៉ាត្រា សហការជាមួយឯកឧត្តមកិត្តិសង្គហបណ្ឌិត គន់ គីម និងឯកឧត្តម គីម រិទ្ធី បន្តរៀបចំផ្គត់ផ្គង់ម្ហូបដល់ជនភៀសសឹក ៤គោលដៅក្នុងខេត្តព្រះវិហារ appeared first on .

បើតាមប្រធានមន្ទីរកសិកម្មខាងលើ ក្រុមហ៊ុនចុះប្រមូលទិញគ្រាប់ស្វាយចន្ទីពីសហគមន៍កសិកម្មចំនួន១៣ក្នុងខេត្តព្រះវិហារនៅប៉ុន្មានថ្ងៃចុងក្រោយនេះ បន្ទាប់ពីបានចុះកិច្ចសន្យាផលិតកម្មជាមួយគ្នាកាលពីថ្ងៃទី៤ខែមីនាឆ្នាំ២០២៥។

បើតាមលោក ពឹង ទ្រីដា នេះជាឆ្នាំទី២ដែលក្រុមហ៊ុនចុះកិច្ចសន្យាប្រមូលទិញពីកសិករនៅក្នុងសហគមន៍កសិកម្ម។ ការចុះកិច្ចសន្យាស្តីពីការផ្គត់ផ្គង់គ្រាប់ស្វាយចន្ទី រវាងក្រុមហ៊ុន KAMPU NUTS ជាមួយបណ្ដាញសហគមន៍កសិកម្មស្វាយចន្ទីព្រះវិហារសាមគ្គី នេះវាជារឿងមួយដ៏ល្អសម្រាប់កសិករ ហើយក្រុមហ៊ុនហ៊ានទិញក្នុងតម្លៃមួយល្អ បើប្រៀបធៀបទៅនិងប្រទេសជិតខាង។

លោក ពឹង ទ្រីដា មានប្រសាសន៍ថា “ការចុះកិច្ចសន្យាផលិតកម្មរវាងក្រុមហ៊ុនឯកជនជាមួយក្រុមកសិករអ្នកផលិតស្វាយចន្ទីក្នុងខេត្តពេលនេះវាជោគជ័យមួយ ហើយក្នុងនោះរាជរដ្ឋាភិបាលដើរតួនាទីជាអ្នកសម្របសម្រួលនិងជាសាក្សីនៃការចុះកិច្ចសន្យា គឺធ្វើយ៉ាងណាឱ្យក្រុមហ៊ុនប្រមូលទិញបានផលចំណេញ ហើយកសិករដំណាំស្វាយចន្ទីទទួលបានប្រាក់ចំណេញដូចគ្នា។ ដូចនេះក្នុងនាមអាជ្ញាធរខេត្តយើងចង់ឃើញចំណុចនេះបានដើរដល់គ្រប់កន្លែងទាំងអស់គឺជួយដោះស្រាយបញ្ហាទីផ្សារជូនបងប្អូនប្រជាកសិករបានច្រើន”។

បើតាម លោក ពឹង ទ្រីដា ប្រធានមន្ទីរកសិកម្ម រុក្ខាប្រមាញ់និងនេសាទ បានឱ្យដឹងទៀតថា ដំណាំស្វាយចន្ទីនៅក្នុងខេត្តព្រះវិហានៅពេលបច្ចុប្បន្នបាននិងកំពុងផ្តល់ផលមានផ្ទៃដីជិត៣ម៉ឺនហិកតា ហើយមកទល់សព្វថ្ងៃនេះកសិករចាប់ផ្តើមប្រមូលផលបានប្រមាណ១០% ក្នុងចំណោមផ្ទៃដីសរុប៕ SL

The post ក្រុមហ៊ុនមួយកំពុងប្រមូលទិញគ្រាប់ស្វាយចន្ទីស្រស់១ ៥០០តោន ពីកសិករនៅខេត្តព្រះវិហារ ក្នុងតម្លៃ៥ ៧០០រៀល ក្នុងមួយគីឡូក្រាម appeared first on .

នេះបើយោងតាមប្រសាសន៍របស់ លោក ពឹង ទ្រីដា ប្រធានមន្ទីកសិកម្ម រុក្ខាប្រមាញ់ និងនេសាទខេត្ដព្រះវិហារ ថ្លែងប្រាប់ក្រុមអ្នកសារព័ត៌មានក្នុងដំណើរទស្សនកិច្ចសិក្សា ឈ្វែងយល់កសិអេកូឡូស៊ី នៅខេត្តព្រះវិហារ កាលថ្ងៃទី២១ ខែធ្នូ ឆ្នាំ២០២៤។

នាឱកាសនោះ លោកឱ្យដឹងថា បច្ចុប្បន្នវិស័យកសិកម្មបានរួមចំណែកចំណែកសំខាន់ដល់ការអភិវឌ្ឍន៍សេដ្ឋកិច្ចខេត្តព្រះវិហារ ជាក់ស្តែង នៅក្នុងឆ្នាំ២០២៤នេះ បើមិនគិតពីការប្រមូលផលទុកដាក់សម្រាប់បរិភោគ និងទុកពូជនោះ ដំណាំស្រូវ បាននាំចេញទៅកាន់ទីផ្សារក្រៅប្រទេសប្រមាណជាង២០ម៉ឺនតោន ក្នុងតម្លៃជាង៦០លានដុល្លារអាមេរិក។

ទន្ទឹមគ្នានេះ ចំពោះដំណាំ ដំឡូងមីវិញ លោកថា ក៏ជាដំណាំដែលមានសក្តានុពលមួយរបស់ខេត្តមិនចាញ់ដំណាំស្រូវប៉ុន្មានដែរ ខណៈបច្ចុប្បន្នខេត្តមានផ្ទៃដីដាំដុះដំឡូងមីជាង៥ម៉ឺនហិកតា ដោយបាននាំចេញទៅកាន់ទីផ្សារក្រៅប្រទេសដោយគិតជាទឹកប្រាក់ប្រមាណ៧០ លានដុល្លារ។  ក្រៅពីដំណាំដំឡូងមី ស្វាយចន្ទីក៏ជាដំណាំដែលបានជំរុញកំណើនសេដ្ឋកិច្ចប្រជាពលរដ្ឋក្នុងខេត្ត ដោយគិតត្រឹមមួយឆ្នាំ២០២៤នេះ ផលិតផលនេះ បាននាំចេញទៅកាន់ទីផ្សារបរទេស បានប្រមាណ ៤០ លានដុល្លារផងដែរ។

ដោយឡែក ក្រៅពីដំណាំទាំង៣មុខនេះ ខេត្តព្រះវិហារក៏មានដំណាំជាច្រើនទៀត ដូចជា ល្ពៅ កៅស៊ូ(ផ្ទៃដីដាំដុះចំនួនជាង៣ម៉ឺនហិកតា) និងដំណាំចេក (ចំនួនជិត១ម៉ឺនហិកតា) ក៏បានកំពុងឆ្លើយតបទីផ្សារក្នុងស្រុក និងរួមចំណែកលើកកម្ពស់សេដ្ឋកិច្ចគ្រួសាររបស់ប្រជាកសិករក្នុងខេត្តផងដែរ។នេះបើតាមការបញ្ជាក់បន្ថែមពី លោក ពឹង ទ្រីដា ប្រធានមន្ទីកសិកម្មខេត្តព្រះវិហារ។

សូមជម្រាប់ជូនដែរថា បើតាមរបាយការណ៍ពីមន្ទីកសិកម្មខេត្តព្រះវិហារ បច្ចុប្បន្នប្រជាពលរដ្ឋនៅទូទាំងខេត្តដែលដាំដំណាំសរីរាង្គ បានកើនឡើងដល់ជិត៥ពាន់គ្រួសារ លើផ្ទៃដីប្រមាណជាង ២ម៉ឺនហិកតា លើផ្ទៃដីប្រមាណពី៣០០ ហិកតា ទៅជាង២ម៉ឺនហិកតា។

ដោយមើលឃើញពីគុណតម្លៃរបស់ដំណាំទាំង៣ មុខនេះ មន្ទីកសិកម្មខេត្តព្រះវិហារ បានសង្កត់ធ្ងន់ទៀតថា ខេត្តព្រះវិហារ នឹងបន្តខិតខំពង្រីកទាំងការផ្សព្វផ្សាយ និងជំរុញការដាំដុះតាមបែបសរីរាង្គ នៅតាមឃុំ ថែមទៀត ដើម្បីពន្លឿនខេត្តព្រះវិហារឱ្យក្លាយជាខេត្តសរីរាង្គបានឆាប់រហ័ស។ មន្ទីកសិកម្ម ជឿជាក់ថា តាមរយៈការដាំដុះតាមបែបសរីរាង្គនេះ នឹងជួយធានាទីផ្សារផលិតផលជូនប្រជាពលរដ្ឋឱ្យបានកាន់តែប្រសើរ៕

The post ឆ្នាំ២០២៤៖ ខេត្តព្រះវិហារ រកចំណូលបានជាង១៧០លានដុល្លារ ពីការនាំចេញទន្និផលកសិកម្មចំនួន ៣មុខ appeared first on .

ក្នុងសិក្ខាសាលានេះ ក៏មានការចូលរួមដោយលោក មុត ភិសិទ្ធនា អភិបាលរង ខេត្តព្រះវិហារ ព្រមទាំងដៃគូសហការឧបត្ថម្ភនានា មានដូចជា សមាគមមូលនិធិសម្តេចតេជោ, សហគ្រិនខ្មែរ,ធនាគារវីង ម.ក ព្រមទាំងដៃគូសហការផ្សេងៗទៀត ដោយមានSMEចូលរួមចំនួន ២០០នាក់ផងដែរ។

គោលបំណងនៃកម្មវិធីសិក្ខាសាលាខាងលើ គឺដើម្បីចែករំលែកអំពីខ្សែសង្វាក់ទីផ្សារក្នុងស្រុក និងការនាំចេញ ព្រមទាំងជួយបំពេញបន្ថែមនូវចំណេះដឹងដែលម្ចាស់សហគ្រាសធុនតូច និងមធ្យមក្នុងខេត្តនៅមានចំណុចខ្វះខាត។

គួររម្លឹកថា កន្លងមកសមាគមមូលនិធិសម្ដេចតេជោ ដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា និងសម្ព័ន្ធសមាគមសហគ្រាសធុនតូច និងមធ្យមកម្ពុជា(FASMEC) តែងតែរៀបចំកម្មវិធីសិក្ខាសាលាស្តីពី «ការអភិវឌ្ឍន៍អាជីវកម្មក្រោយបរិបទកូវីដ-១៩» នៅបណ្តាខេត្តមួយចំនួន ដើម្បីជាការចែករំលែកខ្សែសង្វាក់ទីផ្សារក្នុងការនាំចេញ និងចែករំលែកចំណេះដឹងដល់ម្ចាស់សហគ្រាសធុនតូច និងមធ្យម៕

The post ឧកញ៉ា តែ តាំងប៉ ដឹកនាំ និងរៀបចំសិក្ខាសាលាដល់ម្ចាស់អាជីវកម្មធុនតូច និងមធ្យមនៅខេត្តព្រះវិហារ appeared first on .

នៅក្នុងដំណើរទស្សនៈកិច្ចរបស់លោកបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទនិងកសិកម្ម ថ្មីៗនេះបានចុះពិនិត្យនិងស្វែងយល់អំពីការចិញ្ចឹមគោ និងក្របីនេះ។ បើយោងតាម ម្ចាស់កសិដ្ឋានបានឱ្យដឹងថា មុខរបរចិញ្ចឹមគោ និងក្របីដែលបានចំណាយពេល៦ឆ្នំា រហូតមកដល់បច្ចុប្បន្នអ្នកស្រីមានគោជាង៥០០ក្បាលនិង ក្របីជាង៣០០ក្បាល។

អ្នកស្រី នូ ស៊ីណា បានឱ្យដឹងថា ការចិញ្ចឹមគោ និងក្របីមកដល់សព្វថ្ងៃនេះមានគោលបំណងចង់ចិញ្ចឹមឱ្យបានរាប់ពាន់ក្បាលសម្រាប់ផ្គត់ផ្គង់ពូជគោនៅក្នុងស្រុក និងនាំចេញទៅលក់ទីផ្សារប្រទេសម៉ាឡេស៊ីនិងប្រទេសចិន ហើយនៅពេលខាងមុខនេះដៃគូសហការនៅខាងប្រទេសម៉ាឡេស៊ីគេនឹងមកជួបពិភាក្សាគ្នាបន្តដើម្បីត្រៀមធ្វើការនាំចេញ ស្របពេលកសិដ្ឋានទើបមានគោឈ្មួលប្រហែល៣០% នៃចំនួនគោសរុបជាង៥០០ក្បាល និងកំពុងរៀបចំការដំាដុះស្មៅដើម្បីពង្រីកការចិញ្ចឹមគោឱ្យបានច្រើនទៅតាមផែនការ។

សម្រាប់ទីផ្សារក្របី, អ្នកស្រី លើកឡើងថា កន្លងមកខាងឈ្មួញចិនបានធ្វើការទំនាក់ទំនង ចង់នាំចេញទៅតាមប្រទេសឡាវ ប៉ុន្តែយើងអត់មានលទ្ធភាពផ្គត់ផ្គង់ទៅតាមតម្រូវការទីផ្សាររបស់គេនាំចេញម្តង ចាប់ពី៥០០ ទៅ១០០០ក្បាល។

ទន្ទឹងនិងផែនការនាំចេញ គោ ក្របី ស្ថិតក្នុងដំណាក់កាលត្រៀមខ្លួន ហើយរំពឹងថាអាចនាំចេញបានក្នុងពេលខាងមុខ ។សម្រាប់ទីផ្សារក្នុងស្រុក នៅក្នុង១ឆ្នំាកន្លងមកនេះអ្នកស្រី បានផ្គត់ផ្គង់គោបានជាង២០០ក្បាល ក្នុង១ក្បាលអាចលក់បានថ្លៃចន្លោះពី២លានទៅ៣លានរៀល។ ចំណែកក្របីបានលក់ចេញទៅប្រទេសវៀតណាមបានជាង១០០ក្បាល ក្នុង១ក្បាលលក់បានថ្លៃពីជាង៣លានទៅជិត៥លានរៀល៕ អត្ថបទ៖ SARETH

The post កសិដ្ឋានចិញ្ចឹមគោ-ក្របី នៅខេត្តព្រះវិហារ១កន្លែង កំពុងរៀបចំខ្លួនផ្គត់ផ្គង់សត្វទៅទីផ្សារម៉ាឡេស៊ីនិងចិន appeared first on .

យោងតាមបណ្តាញបណ្តាញទំនាក់ទំនងសង្គមផ្លូវការរបស់ លោក ពឹង ទ្រីដា ថ្មីៗបង្ហាញថា ក្នុងឆ្នាំនេះ គម្រោងចន្ទីបៃតងបានគាំទ្រដោយជោគជ័យលើគម្រូអាជីវកម្មកិច្ចសន្យាទិញលក់គ្រាប់ស្វាយចន្ទីស្ងួតរវាងត្រីភាគី រួមមានសហគមន៍កសិកម្ម ក្រុមហ៊ុនអន្តរជាតិ និងក្រុមហ៊ុនក្នុងស្រុក។ យើងមានក្ដីរីករាយដោយក្នុងសប្ដាហ៍នេះ គ្រាប់ស្វាយចន្ទីស្ងួត ចំនួន២៧តោន ត្រូវបាននាំចេញទៅកាន់ប្រទេសវៀតណាម។

លោកប្រធានមន្ទីរសង្កត់ធ្ងន់ថា«កិច្ចសហការនេះបានផ្ដល់អត្ថប្រយោជន៍ដល់កសិករដាំស្វាយចន្ទីខ្នាតតូចចំនួន៧៧គ្រួសារ ដែលជាសមាជិកសហគមន៍កសិកម្មចំនួនបួនក្នុងខេត្តព្រះវិហារ បានលក់គ្រាប់ចន្ទីក្នុងតម្លៃខ្ពស់។គម្រោងចន្ទីបៃតងនឹងបន្តសម្របសម្រួលដើម្បីពង្រីកគម្រូអាជីវកម្មនេះ ទៅជាប្រតិបត្តិការពេញលេញ ក្នុងគោលបំណងបង្កើតជាខ្សែច្រវាក់ផ្គត់ផ្គង់គ្រាប់ស្វាយចន្ទីស្ងួតប្រកបដោយនិរន្តរភាព»។

បើតាមប្រធានសមាគស្វាយចន្ទីកម្ពុជា លោក អួន ស៊ីឡុត ថាគម្រោងខាងលើសមាគមស្វាយចន្ទីកម្ពុជា បានដឹងនិងបានធ្វើកិច្ចសហការជាមួយអង្គការក្រៅរដ្ឋាភិបាល ដើម្បីសម្របសម្រួលក្នុងគម្រោងចន្ទីបៃតងនៅក្នុងខេត្តព្រះវិហារ ហើយខាងសមាគមបានប្រជុំជាមួយសហគមន៍ទំាងអស់នោះនៅទីស្នាក់ការកណ្តាលរបស់សមាគមក្នុងខេត្តកំពង់ធំ។

លោក អួន ស៊ីឡុត មានប្រសាសន៍ថា «គម្រោងនេះគឺជាគម្រោងស្វាយចន្ទីសរីរាង្គហើយស្វាយចន្ទីសរីរាង្គពិបាកធ្វើហើយតម្លៃក៏មិនលើសពីស្វាយចន្ទីធម្មតាច្រើនដែរ។វាជាការជោគជ័យប៉ុន្តែយើងបាត់ផលច្រើន តែប្រសិនបើចន្ទីសរីរាង្គនឹងលក់បានថ្លៃជាងគ្រាប់ចន្ទីធម្មតា២០%ទើបធ្វើឱ្យកសិករចំណេញល្អ(ច្រើន)»។

យោងតាមសមាគមស្វាយចន្ទីកម្ពុជា គិតត្រឹមឆមាសទី១ដើមឆ្នំា២០២៣នេះ កម្ពុជាផលិតស្វាយចន្ទីឆៅបានប្រមាណ៦១ម៉ឺនតោន ហើយបាននាំចេញទៅប្រទេសវៀតណាមបានជាង៥៧ម៉ឺនតោន គិតជាទឹកប្រាក់មានប្រមាណ៧៨៥ លានដុល្លាអាមេរិកថយចុះ ១៣,៩៤% បើធៀបរយៈកាលដូចគ្នាទៅនឹង២០២២។

យោងតាមក្រសួងកសិកម្ម រុក្ខាប្រមាញ់ និងនេសាទ ផលិតកម្មស្វាយចន្ទីឆ្នាំ២០២២ មានផ្ទៃដីដាំដុះ ៤៣៥.៧៣៣ ហិកតា ផ្ទៃដីប្រមូលផលមាន ៣៣០.៨៦១ហិកតា បរិមាណទិន្នផលមាន ៥០៨.២៨៣តោន ហើយការនាំចេញគ្រាប់ស្វាយចន្ទីឆៅបាន ៤៧១.៥២០តោន និងការនាំចេញគ្រាប់ស្វាយចន្ទីកែច្នៃបាន ១.៥៥៧តោន៕

អត្ថបទ៖សារេត

The post គម្រោងចន្ទីបៃតង កំពុងផ្តល់អត្ថប្រយោលជន៍ដល់កសិករដំាដុះស្វាយចន្ទីខ្នាតតូច ក្នុងខេត្តព្រះវិហារ appeared first on .