របាយការណ៍ខាងលើបានឱ្យដឹងថា ចំណូលដែលអគ្គនាយកដ្ឋានពន្ធដារប្រមូលបានសរុបរយៈពេល៥ឆ្នាំនោះ នៅឆ្នាំ២០១៩ ទទួលបាន ១១ ២៧៧,៣២ ប៊ីលានរៀល ឬប្រមាណ ២៨១៩,៣៣លានដុល្លារ ស្មើនឹង ១២៣,២០%, រីឯឆ្នាំ២០២០ បានចំនួន១១ ៧០០,៥២ ប៊ីលានរៀល ឬប្រមាណ ២៨៨៩លានដុល្លារ ស្មើនឹង ១០១,៣៦%, ចំណែកឆ្នាំ២០២១ ទទួលបាន ១១ ២៦៦,៧៩ ប៊ីលានរៀល ឬប្រមាណ ២,៧ពាន់លានដុល្លារ ស្មើនឹង ១២៤,០២%, សម្រាប់ឆ្នាំ២០២២ មានចំនួន ១៣ ៩៩៣,២០ ប៊ីលានរៀល ឬប្រមាណជាង៣ពាន់លានដុល្លារ ស្មើនឹង ១២២,៥៤% និងឆ្នាំ២០២៣ ទទួលបាន១៤ ៦២៩,១០ ប៊ីលានរៀល ប្រមាណ ៣៦១២,១២លានដុល្លារ ស្មើនឹង ១០១,១៣%នៃផែនការ។

របាយការណ៍ដដែលបន្តថា ជោគជ័យនៃការគ្រប់គ្រងប្រមូលចំណូលពន្ធ ក្នុងរយៈពេល៥ឆ្នាំជាប់គ្នាដូចមានបញ្ជាក់ជូនខាងលើ គឺជាផ្លែផ្កាពិតៗនៃការពង្រឹងសមត្ថភាព និងប្រព័ន្ធគ្រប់គ្រងរបស់រដ្ឋបាល សារពើពន្ធ ការកើនឡើងនៃការយល់ដឹងវប្បធម៌បង់ពន្ធ និងការកើននៃកម្រិតអនុលោមភាពដោយអ្នកជាប់ពន្ធ។

គួររំលឹកផងដែរថា ឆ្នាំ២០២៣ គឺជាឆ្នាំទី៥ និងជាឆ្នាំចុងក្រោយនៃយុទ្ធសាស្ត្រកៀរគរចំណូលរយៈពេល៥ឆ្នាំ (២០១៩-២០២៣) ហើយឆ្នាំ២០២៤ គឺជាឆ្នាំទី១នៃការអនុវត្តយុទ្ធសាស្ត្រកៀរគរចំណូលដំណាក់កាល៥ឆ្នាំបន្ទាប់ (២០២៤-២០២៨)។ក្នុងនោះ អគ្គនាយកដ្ឋានពន្ធដារបានអនុវត្តប្រកបដោយជោគជ័យនូវយុទ្ធសាស្ត្រកៀរគរចំណូល (២០១៩-២០២៣) របស់រាជរដ្ឋាភិបាល ដែលផ្តោតសំខាន់ទៅលើការធ្វើបច្ចុប្បន្នភាពនិងទំនើបកម្មគោលនយោបាយ និងរដ្ឋបាលសារពើពន្ធជាបន្តបន្ទាប់ ដើម្បីជំរុញ បង្កើនសមត្ថភាព ប្រសិទ្ធភាព និងស័ក្តិសិទ្ធិភាពនៃការគ្រប់គ្រងប្រមូលចំណូលពន្ធ៕

The post រយៈពេល៥ឆ្នាំមកនេះ ពន្ធដាររកចំណូលបានប្រមាណ ៦២ ៨៦៦.៩៣ប៊ីលានរៀល appeared first on .

ថ្លែងក្នុងពិធីបូកសរុបលទ្ធផលការងារគ្រប់គ្រងប្រមូលចំណូលពន្ធប្រចាំខែធ្នូ និងឆ្នាំ២០២៣ និងលើកទិសដៅបន្ត កាលពីថ្ងៃទី២៣ ខែមករា ឆ្នាំ២០២៤ លោក គង់ វិបុល បានឱ្យដឹងថា កាលប្រមូលពន្ធក្នុងខែធ្នូ ឆ្នាំ២០២៣ ជាក់ស្តែងតាមប្រព័ន្ធគ្រប់គ្រងទិន្នន័យចំណូលអនឡាញរបស់អគ្គនាយកដ្ឋានពន្ធដារមាន ១ ០៧២,៣១ ប៊ីលានរៀល (ប្រមាណជា ២៦៤,៧៧ លានដុល្លារ) ស្មើនឹង ៧,៤១% នៃផែនការច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៣។

លោកបន្តថា បើគិតរយៈពេល ១២ខែ ឆ្នាំ២០២៣ ចំណូលពន្ធអាករ ដែលអគ្គនាយកដ្ឋានពន្ធដារប្រមូលបានមានចំនួន ១៤ ៦២៩,១០ ប៊ីលានរៀល (ប្រមាណជា ៣ ៦១២,១២ លានដុល្លារ) ស្មើនឹង ១០១,១៣% នៃផែនការច្បាប់ស្តីពីហិរញ្ញវត្ថុសម្រាប់ការគ្រប់គ្រងប្រចាំឆ្នាំ២០២៣ ធៀបនឹងចំណូលពន្ធអាករក្នុងរយៈពេលដូចគ្នានៃឆ្នាំ២០២២ គឺកើនឡើងចំនួន ៦២៨,២៨ ប៊ីលានរៀល (ប្រមាណជា ១៥៥,១៣ លានដុល្លារ) ស្មើនឹង ៤,៤៩%។

បើតាមលោក គង់ វិបុល លទ្ធផលដ៏ជោគជ័យ និងជាទីមោទនៈនេះ គឺជាការចូលរួមចំណែកដ៏សំខាន់ក្នុងការបន្តអភិវឌ្ឍប្រទេសជាតិ៕

The post ឆ្នាំ២០២៣ ពន្ធដារប្រមូលចំណូលបានប្រមាណជាង ៣ ៦១២លានដុល្លារ appeared first on .

ព្រិត្តិបត្រព័ត៌មាន របស់អគ្គនាយកដ្ឋានពន្ធដារ បានបង្ហាញថា តាមការប៉ាន់ស្មានរហូតដល់ដំណាច់ឆ្នាំ ២០២៣ ចំណូលពន្ធដារ នឹងសម្រេចបានប្រមាណជាង ១០៧ ភាគរយ នៃផែនការច្បាប់ ដែល ឆ្លុះបញ្ចាំងឱ្យឃើញពីប្រសិទ្ធភាពនៃកិច្ចខិតខំប្រឹងប្រែងក្នុងការអនុវត្តផែនការយុទ្ធសាស្ត្រ និងផែនការប្រតិបត្តិរបស់អគ្គនាយកដ្ឋានពន្ធដារ។

ជាក់ស្តែងក្នុងរយៈពេល ៧ ខែដើមឆ្នាំ២០២៣នេះ ពន្ធ-អាករសរុបដែលអគ្គនាយកដ្ឋានពន្ធដារ ប្រមូលបានមានចំនួនជាង ៩ ៣៦៧ ប៊ីលានរៀល ត្រូវប្រមាណជាង ២ ៣១២ លានដុល្លារ ស្មើជាង ៦៤ ភាគរយ នៃផែនការច្បាប់ ស្តីពីហិរញ្ញវត្ថុសម្រាប់ការគ្រប់គ្រងឆ្នាំ ២០២៣ ។

ប្រភពដដែលបន្តថា៖« ទោះជាយ៉ាងណា បើពិនិត្យពីលទ្ធផលនៃការប្រមូល ចំណូលពន្ធ តាមប្រភេទពន្ធវិញ មានប្រភេទពន្ធមួយចំនួននៅតែមានបញ្ហាប្រឈម ជាក់ស្ដែងក្នុង រយៈពេល ៧ ខែនេះ ការប្រមូលពន្ធលើអចលនទ្រព្យសម្រេច បានត្រឹម ៥៧ ប៊ីលានរៀល ត្រូវជាង ១៤ លានដុល្លារ បើប្រៀបធៀបនឹងផែនការប្រចាំឆ្នាំ ២០២៣ សម្រេចបានជិត ៣៧ ភាគរយ ប៉ុណ្ណោះ» ។

ហេតុនេះ ដើម្បីជំរុញការប្រមូលពន្ធលើអចលនទ្រព្យ ថ្មីៗនេះ អគ្គនាយកដ្ឋានពន្ធដារ ក៏បានចេញ លិខិតជូនដំណឹង ស្តីពីការរំលឹក លើកទី ២ ការប្រកាសបង់ពន្ធលើអចលនទ្រព្យ ឬពន្ធលើដីធ្លីមិន បានប្រើប្រាស់សម្រាប់ឆ្នាំ ២០២៣ ដើម្បីក្រើនរំលឹក ម្ចាស់អចលន ទ្រព្យមួយចំនួន ដែលមិនទាន់ បានបំពេញកាតព្វកិច្ច ប្រកាស និងមកបង់ប្រាក់ពន្ធឱ្យបានរួសរាន់។

ដោយឡែក សម្រាប់ជាវិធានការណ៍វិញ, ក្នុងឆ្នាំនេះ អគ្គនាយកដ្ឋានពន្ធដារ នឹងបំពាក់បន្ថែមនូវឧបករណ៍ម៉ាស៊ីនស្កែនមុខ កត់វត្តមានរបស់ មន្ត្រី ទទួលបន្ទុក និងកាមេរ៉ាសុវត្ថិ ភាពនៅតាមចំណុចយុទ្ធសាស្ត្រមួយចំនួន នៅក្នុងរោងចក្រផលិត ស្រាបៀរ និងភេសជ្ជៈគ្មានជាតិសុរាទាំងអស់ក្នុងស្រុក៕

អត្ថបទ៖ ពិសី

The post ពន្ធដារ រំពឹងថា ចំណូលពន្ធ នឹងសម្រេចជាង ១០៧ % នៅដំណាច់ឆ្នាំ ២០២៣ appeared first on .

នេះបើតាមសេចក្តីប្រកាសព័ត៌មាន ស្តីពី កិច្ចប្រជុំបូកសរុបលទ្ធផលការងារប្រមូលចំណូលពន្ធប្រចាំខែមិថុនា និងប្រចាំឆមាសទី១ ឆ្នាំ២០២២ព្រមទាំងទិសដៅសម្រាប់អនុវត្តបន្ត របស់អគ្គនាយកដ្ឋានពន្ធដារ ដែលចេញផ្សាយកាលពីថ្ងៃទី១៩ ខែកក្កដា ឆ្នាំ២០២២។

ឯកឧត្តម គង់ វិបុល បានឱ្យដឹងក្នុងសេចក្តីប្រកាសនោះថា ទិន្នន័យនេះ បើធៀបទៅនឹងចំណូល-ពន្ធអាកររយៈពេលដូចគ្នាក្នុងឆ្នាំ ២០២១ មានការកើនឡើងចំនួន ១៨៣៣,៥៩ ប៊ីលានរៀល (ប្រមាណជា ៤៥២,៧៤ លានដុល្លារ) ដែលស្មើ នឹង ២៩,៨៧%។

ឯកឧត្តមបន្តថា គិតត្រឹមឆមាសទី១ ឆ្នាំ២០២២ អគ្គនាយកដ្ឋានពន្ធដារ ប្រមូលពន្ធ-អាករ បានចំនួន ៧៩៨០,៥៧ប៊ីលានរៀល  (ប្រមាណជា ១៩៧០,៥១ លានដុល្លារ) ដែលស្មើនឹង ៦៩,៨៩% នៃច្បាប់ផែនការហិរញ្ញវត្ថុប្រចាំឆ្នាំ។

អគ្គនាយកដ្ឋានពន្ធដាររូបនេះ បានបញ្ជាក់បន្ថែមថា ទិន្នន័យនេះ បើធៀបទៅនឹងចំណូល-ពន្ធអាកររយៈពេលដូចគ្នាក្នុងឆ្នាំ ២០២១ មានការកើនឡើងចំនួន ១៨៣៣,៥៩ ប៊ីលានរៀល (ប្រមាណជា ៤៥២,៧៤ លានដុល្លារ) ដែលស្មើ នឹង ២៩,៨៧%។

ក្នុងនោះ ចំណូលពីប្រភេទពន្ធសំខាន់ៗបានរក្សាកំណើន ធៀបនឹងរយៈពេលដូចគ្នាក្នុងឆ្នាំ ២០២១ ដោយក្នុងនោះ ពន្ធលើប្រាក់ចំណូល២៧,១៩% អាករលើតម្លៃបន្ថែម ៣៣,៣៧% ពន្ធលើប្រាក់បៀវត្ស ២៥,១៦% អាករពិសេស ៣៤,០១% ពន្ធប្រថាប់ត្រាលើការផ្ទេរកម្មសិទ្ធអចលនទ្រព្យ ៤៤,៣៨% និងពន្ធលើឈ្នួលផ្ទះ និងដី ១០,១២%។

គួរបញ្ជាក់ថា នៅឆមាសទី១ ឆ្នាំ២០២១ កន្លងទៅ អគ្គនាយកដ្ឋានពន្ធដារ ប្រមូលចំណូលបាន ៦១៣៩,៤១ប៊ីលានរៀល (ប្រមាណជា ១៥១៥,៩០ លានដុល្លារ) ដែលស្មើនឹង ៦៧,៥៨% នៃផែនការ ច្បាប់ហិរញ្ញវត្ថុប្រចាំឆ្នាំ ២០២១។

យ៉ាងណា ឯកឧត្តម អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ ក៏បានថ្លែងកោតសរសើរ និងវាយតម្លៃខ្ពស់ ចំពោះកិច្ចខិតខំប្រឹងប្រែងរបស់ថ្នាក់ដឹកនាំគ្រប់លំដាប់ថ្នាក់ និងមន្ត្រីទាំងអស់នៃអគ្គនាយកដ្ឋានពន្ធដារទាំងអស់ ក្នុងការចូលរួមចំណែកបំពេញភារកិច្ចអស់ពីកម្លាំងកាយចិត្ត និងសម្រេចបានលទ្ធផលការងារគ្រប់គ្រង ប្រមូលចំណូលពន្ធយ៉ាងល្អប្រសើរ ទោះបីជាស្ថិតក្នុងសភាពការណ៍លំបាក ប្រឈមនឹងហានិភ័យ និងភាពមិនប្រាកដប្រជាយ៉ាងណាក៏ដោយ ដែលលទ្ធផលទាំងនេះ គឺជាផ្លែផ្កានៃកំណែទម្រង់ ទំនើបកម្មរដ្ឋបាលសារពើពន្ធ និងការយកចិត្តទុកដាក់ក្នុងការកសាង និងពង្រឹងសមត្ថភាពមន្ត្រី៕

អត្ថបទ៖រង្សី

The post ចំណូលពន្ធកម្ពុជា បានហក់ឡើងដល់ជិត២ពាន់លានដុល្លារ ត្រឹមឆមាសទី១ ឆ្នាំនេះ appeared first on .

បើតាមរបាយការណ៍ស្តីពីលទ្ធផលការងារប្រមូលចំណូលពន្ធឆ្នាំ ២០២១ និងទិសដៅការងារឆ្នាំ ២០២២ របស់អគ្គនាយកដ្ឋានពន្ធដារ បានឲ្យដឹងថា ក្នុងរយៈពេលពេញមួយឆ្នាំ២០២១ កម្ពុជាសម្រេចបានចំណូលពន្ធ-អាករសរុបចំនួនជាង២,៧ពាន់លានដុល្លារ(២៧៨១,៩២លានដុល្លារ)  ស្មើនឹង១២៤,០២% នៃផែនការច្បាប់ហិរញ្ញវត្ថុសម្រាប់ការគ្រប់គ្រងក្នុងឆ្នាំ២០២១។ របាយការណ៍បន្តទៀតថា ចំនួននេះ គឺលើសផែនការឆ្នាំ២០២១ ចំនួន៥៣៨,៨៥លានដុល្លារ ស្មើ២៤ ,០២% ដែលអគ្គនាយកដ្ឋានបានកំណត់ប្រមូលចំណូលពន្ធចំនួនតែជាង២,២ពាន់លានដុល្លារ (២២៤៣,០៧លានដុល្លារ)ប៉ុណ្ណោះ។

របាយការណ៍ដដែលបញ្ជាក់ថា ទោះបីជាលទ្ធផលប្រមូលពន្ធរបស់អគ្គនាយកដ្ឋានពន្ធដារក្នុងឆ្នាំ២០២១កន្លងទៅ មានភាពប្រសើរច្រើនយ៉ាងណាក្តី ប៉ុន្តែបើធៀបជាមួយនឹងចំណូលពន្ធក្នុងរយៈពេលដូចកាលពីឆ្នាំ២០២០ គឺថយចុះប្រមាណជាង១០៧,០៩លានដុល្លារ ស្មើនឹង-៣,៧១% ខណៈទំហំចំណូលពន្ធក្នុងឆ្នាំ២០២០មានចំនួនជិត៣ពាន់លានដុល្លារ (២ ៨៨៩,០២ ​លាន​ដុល្លារ)។ 

ដោយឡែក ចំពោះលទ្ធផលប្រមូលពន្ធសម្រាប់ខែធ្នូឆ្នាំ២០២១ អគ្គនាយកដ្ឋានពន្ធដារសម្រេចបានចំនួនជាង២២១,៦៨លានដុល្លារ ស្មើនឹង៩ ៨៨% បើធៀបនឹងរយៈពេលដូចគ្នាក្នុងឆ្នាំ២០២០ គឺមានចំនួនជាង២៤០លានដុល្លារ។

សម្រាប់ទិសដៅផែនការគ្រប់គ្រងនិងការប្រមូលចំណូលពន្ធក្នុងឆ្នាំ២០២២នេះវិញ អគ្គនាយកដ្ឋានពន្ធដារ ក៏បានដាក់ចេញនូវគោលការណ៍យុទ្ធសាស្ត្រសំខាន់ៗមួយចំនួនថែមទៀតផងដែរ ដូចជា៖ បន្តរៀបចំយន្តការគ្រប់គ្រងចំណូលពន្ធក្នុងវិស័យធំៗ ដែលមានសក្តានុពលសម្រាប់ចំណូលពន្ធ ការបន្តរៀបចំសេចក្តីព្រាងច្បាប់ថ្មីស្តីពីសារពើពន្ធថ្មី  បន្តអនុវត្តវិធានការទារបំណុលពន្ធរុំាំរ៉ៃ ដែលសហគ្រាសរឹងរូសពុំព្រមចូលមកទូទាត់បំណុលពន្ធ ការបន្តធ្វើទំនើបកម្មប្រព័ន្ធបច្ចេកវិទ្យាព័ត៌មាន និងជំរុញសហគ្រាសក្នុងវិស័យល្បែងពាណិជ្ជកម្ម(កាស៊ីណូ) ចូលខ្លួនមកចុះបញ្ជីពន្ធដារជាដើម៕

The post ឆ្នាំ២០២១ រដ្ឋប្រមូលពន្ធដារបានជាង ២ពាន់លានដុល្លារអាមេរិក លើសផែនការកំណត់ appeared first on .

ប្រមុខរាជរដ្ឋាភិបាល ក៏បានសង្កត់ធ្ងន់ក្នុងសារពិសេសរបស់សម្ដេចទៀតថា បើគិតត្រឡប់ក្រោយ បូកសរុបចាប់ពី ខែមករា ខែកុម្ភៈ និងខែមីនា ឆ្នាំ២០២១ រយៈពេលបីខែចំណូលផ្នែកពន្ធដារតែមួយមុខ រដ្ឋទទួលបានថវិកា បានដល់ជាង ១ពាន់លានដុល្លារសហរដ្ឋអាមេរិច។ ដោយឡែក ផ្នែកគយ ប្រមូលថវិកាបាន ជាង ៦០០លានដុល្លារ សម្រាប់រយៈពេល ៣ខែ ដើមឆ្នាំ២០២១ នេះដូចគ្នា។ ​

The post ក្នុងខែមីនា ឆ្នាំ២០២១ ចំណូលថវិការដ្ឋពីផ្នែកពន្ធដារ និងពន្ធគយសរុបជាង ៨០០ លានដុល្លារអាមេរិច appeared first on .