លើទំព័រហ្វេសប៊ុកកាលថ្ងៃពុធ ទី១៨ ខែកក្កដា លោក ឃួង ស្រេង បានប្រកាសអបអរសាទរកូនស្រីខ្លួន ដែលបានឈ្នះមេដាយមាសសម្រាប់ការប្រកួតសរសេរតែងសេចក្តីជាក្រុម, មេដាយប្រាក់សម្រាប់ការប្រកួតការជជែកវែកញែកជាក្រុម, មេដាយមាសសម្រាប់ការប្រកួតសរសេរតែងសេចក្តីជាបុគ្គល,មេដាយប្រាក់សម្រាប់ការប្រកួតការជជែកវែកញែកជាបុគ្គល និងទទួលបានសិទ្ធចូលប្រកួតផ្តាច់ព្រាត់ពានរង្វាន់នៅសកលវិទ្យាល័យយេល (Yale University) ក្នុងចំណោមសិស្សានុសិស្សជាង២០០០នាក់មកពីបណ្តាប្រទេសជាង២០ចូលរួម​ នៃសហរដ្ឋអាមេរិក​ ក្នុងកម្មវិធីប្រកួតពានរង្វាន់ពិភពលោក (World Scholar’s Cup) វគ្គពាក់កណ្តាលផ្តាច់ព្រ័ត្រ (Global Round) នៅទីក្រុងសេអ៊ូល ប្រទេសកូរ៉េខាងត្បូង។

កូនស្រីលោក ឃួង ស្រេង ដែលទទួលបានមេដាយមាស ប្រាក់ និងពាន់រង្វាន់ពីកម្មវិធីលំដាប់ពិភពលោកនេះ មានឈ្មោះថា ឃួង ស៊ីណាម៉ាលីន ជាអនាតភរិយាលោក អ៊ាង និតិភពដេនីស ទើបទទួល​សញ្ញាបត្រ​ថ្នាក់​អនុបណ្ឌិត​ផ្នែក​សិក្សា​អន្តរជាតិ និង​ការទូត (Masters of International Studies and Diplomacy) នៅ​សាកលវិទ្យាល័យ​ SOAS University of London នៃ​ចក្រភព​អង់គ្លេស ​​កាល​ពី​ថ្ងៃទី​៣០ ខែ​កក្កដា ឆ្នាំ​២០២២។

លោក និតិភពដេនីស ​​គឺជាកូន​ប្រុស​របស់​​លោក អ៊ាង សុផល្លែត រដ្ឋលេខាធិការ​ក្រសួង​បរិស្ថាន និង​ជា​ជំនួយ​ការ​ផ្ទាល់​របស់​សម្តេច​តេជោ ហ៊ុន សែន​ នាយករដ្ឋមន្ត្រីនិងភរិយា​​លោក​ជំទាវ ជា សុផាកន្នី ដែលជាកូនស្រីឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ លោក ជា សុផារ៉ា។

លោក និតិភពដេនីស បាន​ចូលរោង​សិរីមង្គល​ពិធី​ចូលចែចូវ​​ជាមួយ​​អនាគត​ភរិយា​របស់​ខ្លួន កញ្ញា ឃួន ស៊ីណា​ម៉ាលីន កូនស្រី របស់លោក ឃួង ស្រេង កាល​ពី​ថ្ងៃទី​០៦ ខែមិនា ឆ្នាំ២០២២៕

The post ចៅប្រសារលោក ជា សុផារ៉ា ឈ្នះមេដាយមាស ប្រាក់ និងពានរង្វាន់លំដាប់ពិភពលោក World Scholar’s Cup appeared first on .

នៅក្នុងលិខិតចំនួនពីរទំព័រចុះហត្ថលេខាដោយលោក ជា សុផារ៉ា កាលពីថ្ងៃទី៣ ខែមីនា ឆ្នាំ២០២៣នេះ បានសម្រេចកែសម្រួលសមាសភាពខុទ្ទកាល័យរដ្ឋមន្ត្រីក្រសួងរៀបចំដែនដីនគរូបនីយកម្មនិងសំណង់ ចំនួន៧រូប ក្នុងនោះលោកស្រី អ៊ាង និធិជ្ជនី ដឺណេ ជាសមាជិកាឈរលើលេខរៀងទី៧។

លោកស្រី អ៊ាង និធិជ្ជនី ដឺណេ ជាចៅស្រីបង្កើតរបស់លោកឧបនាយករដ្ឋមន្រ្តី ជា សុផារ៉ា កូនស្រីរបស់លោកស្រី ​ជា សុផាកន្នី។ លោកស្រី និធិជ្ជនី ដឺណេ ទើបតែចូលរោងជ័យចាប់ដៃគ្នាជាប្តីប្រពន្ធនឹងលោក ប៉ែន សំអាត សុទ្ធចិត្ត ដែលស្គាល់ថាជាកូនប្រុសរបស់លោកស្រី ហាក់ ស្រីទូច និងលោក ប៉ែន សំអាត ទីប្រឹក្សាផ្ទាល់សម្តេចតេជោ ហ៊ុន សែន នាយករដ្ឋមន្ត្រី និងជាអនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអគ្គនាយករងគយ និងរដ្ឋាករកម្ពុជា កាលពីថ្ងៃទី៥ ខែធ្នូ ឆ្នាំ២០២២ នៅមជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វារ (OCIC) ៕

The post កូនលោក អ៊ាង សុផល្លែត តែងតាំងជាសមាជិកាខុទ្ទកាល័យរដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ appeared first on .

នាឱកាសនោះ លោក UENO Atsushi ឯកអគ្គរាជទូតវិសាមញ្ញនិងពេញសមត្ថភាពថ្មីនៃប្រទេសជប៉ុនប្រចាំកម្ពុជា បានបង្ហាញពីក្តីរីករាយដែលទំនាក់ទំនងរវាងប្រទេសទាំងពីរ កម្ពុជា-ជប៉ុន ត្រូវបានលើកកម្ពស់ទៅជាដៃគូរយុទ្ធសាស្ត្រគ្រប់ជ្រុងជ្រោយនៅក្នុងខួបលើកទី៧០ នៃការបង្កើតទំនាក់ទំនងការទូតរវាងជប៉ុននិងកម្ពុជា។ ក្នុងនាមជាឯកអគ្គរាជទូត លោកក៏មានបំណងចង់ធ្វើទស្សនកិច្ចនៅតាមបណ្ដាខេត្តនានាក្នុងប្រទេសកម្ពុជាដើម្បីយល់ដឹងបន្ថែមអំពីសង្គមនិងវប្បធម៌របស់ប្រទេសកម្ពុជា។

ជាមួយគ្នានេះ លោកក៏បានប្តេជ្ញាថា៖« រាជរដ្ឋាភីបាលជប៉ុននឹងនៅតែបន្តគាំទ្រកិច្ចសហប្រតិបត្តិការក្នុងការចូលរួមអភិវឌ្ឍន៍នៅក្នុងប្រទេសកម្ពុជាជាបន្តទៀតផងដែរ»។

ពាក់ព័ន្ធនឹងការលើកឡើងនេះ លោកជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ បានស្វាគមន៍វត្តមានឯកអគ្គរាជទូតជប៉ុនថ្មីនៃប្រទេសជប៉ុនប្រចាំកម្ពុជា។ ក្រសួងរៀបចំដែនដី ដែលជាដៃគូក្នុងការអភិវឌ្ឍន៍នៅកម្ពុជា ក្រសួងនឹងបង្កើនការរឹតចំណងសាមគ្គីភាពមិត្តភាពរវាងកម្ពុជានិងជប៉ុនបន្ថែមទៀត។ 

គួរបញ្ជាក់ដែរថា តាមរយៈជំនួបខាងលើបានឱ្យដឹងដែរថា ចាប់តាំងពីទសវត្សរ៍ឆ្នាំ ១៩៩០ មកប្រទេសជប៉ុនបានសហការជាមួយកម្ពុជាក្នុងការរៀបចំហេដ្ឋារចនាសម្ព័ន្ធ ដោយឡែកនាពេលបច្ចុប្បន្ននេះជប៉ុនបានសហការជាមួយក្រសួងរៀបចំដែនដីនគរូបនីយកម្មនិងសំណង់កម្ពុជាក្នុងការរៀបចំមូលដ្ឋានគ្រឹះនៃហេដ្ឋារចនាសម្ព័ន្ធនិងប្រព័ន្ធផ្សេងៗដូចជាច្បាប់សំណង់ គោលដៅនៃបច្ចេកវិទ្យាសំណង់ ឧបករណ៍ដែលទទួលប្រព័ន្ធ GPS និងឧបករណ៍ផ្សេងៗទៀតសម្រាប់វិស័យសំណង់ និងសហការក្នុងការចុះបញ្ជីដីធ្លីផងដែរ៕ អត្ថបទ៖ ពិសី

The post អគ្គរាជទូតជប៉ុនថ្មី ប្តេជ្ញាបន្តគាំទ្រកិច្ចសហប្រតិបត្តិការដល់ការអភិវឌ្ឍន៍នៅក្នុងប្រទេសកម្ពុជា appeared first on .

ការប្រកាសចូលរួមជាមួយរាជរដ្ឋាភិបាល ពីសំណាក់អ្នកឧកញ៉ា ឡេង ណាវ៉ាត្រា ក្រោយឧបនាយករដ្ឋមន្ដ្រី ជា សុផារ៉ា ចង់ឲ្យក្រុមហ៊ុនសាងសង់ផ្ទះ ទៅផ្សាយគំរូផ្ទះនៅភូមិធម្មជាតិរុនតាឯក ខេត្តសៀមរាប ទីដែលពលរដ្ឋបានស្ម័គ្រចិត្តរុះរើសំណង់ខុសច្បាប់ ចេញពីតំបន់រណីយដ្ឋានអង្គរ ហើយទទួលបានដីឡូតិ៍ ដែលផ្តល់ពីរាជរដ្ឋាភិបាលនៅតំបន់នោះ។

ថ្មីៗនេះ រាជរដ្ឋាភិបាល បានផ្តល់ឲ្យប្រជាពលរដ្ឋដែលគ្រប់លក្ខខណ្ឌ និងស្ម័គ្រចិត្តរុះរើសំណង់ខុសច្បាប់ចេញពីតំបន់រណីយដ្ឋានអង្គរ ទៅចាប់ឆ្នោតជ្រើសរើសដីឡូតិ៍ នៅតំបន់រុនតាឯក ក្នុងមួយគ្រួសារទទួលបានដីចំនួន ១ឡូតិ៍ ទំហំ ២០ ម៉ែត្រ x ៣០ ម៉ែត្រ។

សូមជម្រាបថា ក្រុមការងារនេះដឹកនាំដោយឧបនាយករដ្ឋមន្ត្រី ជា សុផារ៉ា បាននិងកំពុងបើកយុទ្ធនាការទ្រង់ទ្រាយធំចុះវាស់វែង កំណត់និយាមកាក្បាលដី និងអត្តសញ្ញាណអ្នកកាន់កាប់ដី និងសំណង់ខុសច្បាប់ក្នុងតំបន់រមណីយដ្ឋានអង្គរ និងតំបន់ដទៃទៀតស្ថិតក្រោមការគ្រប់គ្រងរបស់អាជ្ញាធរជាតិអប្សរា៕

The post ឧបនាយករដ្ឋមន្ត្រី ជា សុផារ៉ា ថ្លែងអំណរគុណអ្នកឧកញ៉ា ឡេង ណាវ៉ាត់ត្រា បរិច្ចាគផ្ទះគំរូ២០ខ្នង ជូនរាជរដ្ឋាភិបាល appeared first on .

សេចក្តីប្រកាសព័ត៌មានរបស់ក្រសួងរៀបចំដែនដី បានដាក់លក្ខខណ្ឌដាច់ណាត់ឱ្យម្ចាស់សំណង់ខុសច្បាប់ទាំងអស់នេះ ត្រូវរុះរើចេញជាបន្ទាន់ដោយផ្ទាល់ខ្លួន។

ទន្ទឹមនឹងនេះ រដ្ឋបាលខេត្តសៀមរាប និងអាជ្ញាធរជាតិអប្សរា ត្រូវបន្តចាត់វិធានការទប់ស្កាត់ការសាងសង់ រុះរើសំណង់ខុសច្បាប់ ហាមឃាត់ការទិញលក់ដីនិងផ្ទះគ្រប់ប្រភេទ និងមិនផ្តល់លិខិតគតិយុត្តផ្សេងៗ នៅក្នុងតំបន់រមណីយដ្ឋានអង្គរ ជាដាច់ខាត។

លើកឡើងក្នុងពេលចុះវាស់វែង កំណត់និយាមកាក្បាលដី និងអត្តសញ្ញាណអ្នកកាន់កាប់ដីនិងសំណង់ខុសច្បាប់ក្នុងតំបន់រមណីយដ្ឋានអង្គរ និងតំបន់ដទៃទៀតស្ថិតក្រោមការគ្រប់គ្រងរបស់អាជ្ញាធរជាតិអប្សរា ឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ បានឱ្យដឹងថា ក្នុងឧទ្យានជាតិអង្គរសព្វថ្ងៃមានសំណង់ខុសច្បាប់ជាង ៨ពាន់ករណី។ លោកថា រយៈពេល៣ខែចុងក្រោយនេះ សំណង់ខុសច្បាប់ថ្មីកើតឡើងសរុប ៣៩៨ករណី ក្នុងនោះបានរុះរើចេញចំនួន ជាង ២០០ករណី។

ជាមួយគ្នានេះដែរ លោក ជា សុផារ៉ា ក៏បានព្រមានចាត់វិធានការច្បាប់ ចំពោះអ្នកចេញតវ៉ាការពារសំណង់ខុសច្បាប់ទាំងនេះផងដែរ។

The post រដ្ឋមន្ត្រី ជា សុផារ៉ា៖ ក្នុងឧទ្យានជាតិអង្គរសព្វថ្ងៃមានសំណង់ខុសច្បាប់ជាង ៨ពាន់ករណី appeared first on .

ក្នុងពិធីកាត់សក់បង្កក់សិរីនាព្រឹក​មិញ​នេះ​ ធ្វើ​ឡើង​នៅ​ភូមិគ្រឹះ​ដ៏​ស្កឹមស្កៃ​របស់​​លោក ជា សុផារ៉ា ​ដែល​មាន​ទីតាំង​នៅ​ក្នុង​​សង្កាត់​ទួល​សង្កែទី២ ​​ខណ្ឌ​ឫស្សីកែវ រាជធានីភ្នំពេញ និង​មាន​ការ​ចូល​រួម​ពី​ភ្ញៀវកិត្តិយស ​អ្នក​មុខ​អ្នកការ កំពូល​អ្នកជំនួញ​​ធំៗ​ប្រចាំ​ប្រទេស​ និង​មន្ត្រីជាន់ខ្ពស់ រួម​ទាំង​មន្ត្រីរាជការ នៃ​ក្រសួង​ស្ថាប័ន​ផ្សេងៗ​ជា​ច្រើន។

សូមជម្រាបជូនថា កូនប្រុសរបស់អ្នកឧកញ៉ា លាង ម៉េង និង​លោក​ជំទាវ​ គឹម ចាន់ណា​ ​​ដែល​ជា​កូន​កំលោះ មាន​ឈ្មោះ​ថា អ៊ឹង ឬទ្ធី និង​កូន​ក្រមុំ​​មាន​ឈ្មោះ​ថា ផន សុផានីសា ​​ជា​ចៅ​ស្រី​លោក ជា សុផារ៉ា ​​ដែល​ជា​កូន​​ស្រី​របស់​លោកជំទាវ ជា ជុតិម៉ា និង​លោក ម៉ឹង មករា អនុប្រធាន​ក្រុមការងារ​ចលនាកសិករ និង​​ជា​អនុរដ្ឋលេខាធិការ នៃ​ក្រសួង​សេដ្ឋកិច្ចនិង​ហិរញ្ញវត្ថុ ផង​ដែរ៕

The post សម្តេចតេជោ ហ៊ុន សែន បង្ហាញវត្តមានក្នុងពិធីកាត់សក់បង្កក់សិរីដល់ចៅស្រីលោក ជា សុផារ៉ា និងចៅប្រុសអ្នកឧកញ៉ា ភាព ហៀក appeared first on .

ឧបនាយករដ្ឋមន្ត្រី លោក ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីកម្ម និងសំណង់ បានចាត់ទុកការសាងសង់ «មជ្ឈមណ្ឌលភស្តុភារកម្ម និងកំពង់ផែពហុបំណងកំពត» គឺជាការបើកឡើងនូវទំព័រប្រវត្តិសាស្ត្រថ្មីមួយទៀតនៅក្នុងខេត្តកំពត និងប្រទេសកម្ពុជា។ លោកចាត់ទុកគម្រោងនេះ ជាគម្រោងដ៏ធំទីមួយលំដាប់អន្តរជាតិមិនធ្លាប់មាន ក្រោមការវិនិយោគដោយក្រុមហ៊ុនឯកជនក្នុងស្រុក ដែលនឹងបំពេញបន្ថែមទៅលើតម្រូវការនៃការអភិវឌ្ឍសេដ្ឋកិច្ច និងសង្គមជាតិ បើទោះបីកម្ពុជា មានកំពង់ផែធំពីររបស់រដ្ឋគឺ៖ កំពង់ផែស្វយ័តក្រុងព្រះសីហនុ និងកំពង់ផែស្វយ័តភ្នំពេញ ក៏ដូចជា កំពង់ផែឯកជនមួយចំនួនទៀតក៏ដោយ។

លោកឧបនាយករដ្ឋមន្រ្តីថ្លែងថា៖ «យើងសង្ឃឹមថា គម្រោងវិនិយោគអភិវឌ្ឍន៍មជ្ឈមណ្ឌលភស្តុភារកម្ម និងកំពង់ផែពហុបំណងកំពតនេះ នឹងលើកកម្ពស់សេវាភស្តុភារកម្ម និងកំពង់ផែរបស់កម្ពុជាឱ្យកាន់តែសម្បូរបែប និងអាចប្រកួតប្រជែងជាមួយនឹងកំពង់ផែប្រទេសជិតខាងបានផងដែរ»។

ជាមួយគ្នានេះ លោក ជា សុផារ៉ា ក៏បានលើកឡើងផងដែរថា រាជរដ្ឋាភិបាលកម្ពុជា កំពុងរៀបចំ «ផែនការមេដើម្បីអភិវឌ្ឍខេត្ដព្រះសីហនុ ទៅជាតំបន់សេដ្ឋកិច្ចពិសេសគំរូពហុបំណង» ដែលបានកំណត់ក្នុងគោលនយោបាយអភិវឌ្ឍន៍វិស័យឧស្សាហកម្មកម្ពុជាឆ្នាំ២០១៥-២០២៥។ ដូច្នេះគម្រោងវិនិយោគអភិវឌ្ឍន៍មជ្ឈមណ្ឌលភស្តុភារកម្ម និងកំពង់ផែពហុបំណងកំពត ក៏នឹងជាផ្នែកមួយដើរតួនាទីយ៉ាងសំខាន់ក្នុងការជួយអនុវត្តឱ្យសម្រេចជោគជ័យនូវផែនការមេនេះ ដែលនឹងជួយប្រែក្លាយកម្ពុជាទៅជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសដែលមានចំណូលខ្ពស់នៅឆ្នាំ ២០៥០។

សូមជម្រាបថា កំពង់ផែនេះ ត្រូវបានគេប្រសិទ្ធនាមថា «មជ្ឈមណ្ឌលភស្តុភារកម្ម និងកំពង់ផែពហុបំណងកំពត» ត្រូវបានវិនិយោគដោយក្រុមហ៊ុន «កំពត ឡូជីស្ទីក អេន ផត»។ «មជ្ឈមណ្ឌលភស្តុភារកម្ម និងកំពង់ផែពហុបំណងកំពត» មានទីតាំងនៅភូមិចង្ហោន សង្កាត់ព្រែកត្នោត ក្រុងបូកគោ ខេត្តកំពត។

គម្រោងវិនិយោគអភិវឌ្ឍន៍មជ្ឈមណ្ឌលភស្តុភារកម្ម និងកំពង់ផែពហុបំណងកំពត នឹងផ្តល់ឱកាសការងារដោយផ្ទាល់ និងដោយប្រយោលជូនប្រជាពលរដ្ឋប្រមាណ ១០,០០០កន្លែង នៅពេលគម្រោងវិនិយោគនេះ ត្រូវបានសាងសង់រួច និងដាក់ឱ្យដំណើរការនាពេលខាងមុខ៕

The post លោក ជា សុផារ៉ា ចាត់ទុកគម្រោងកំពង់ផែទឹកជ្រៅខេត្តកំពត ជាគម្រោងដ៏ធំទីមួយលំដាប់អន្តរជាតិមិនធ្លាប់មាន appeared first on .

ក្នុងលិខិតជម្រាបជូនទៅកាន់​អភិបាលរាជធានី ខេត្ត  លោក ជា សុផារ៉ា  បានបញ្ជាក់ថា ក្រសួង រៀបចំដែនដី នគរូបនីយកម្ម និង​សំណង់ មិនអនុញ្ញាតឱ្យមានការដ្ឋានសំណង់ ចាប់ផ្តើម​ដំណើរ​ការសាងសង់ ឬរុះរើ ដោយគ្មានប្លង់ស្ថាបត្យកម្មនិងប្លង់គ្រឿងផ្គុំសំណង់ដែលទទួលបាន ការ​យល់​​ព្រម​ពីអាជ្ញាធរមានសមត្ថកិច្ចនោះឡើយ។

លោក ជា សុផារ៉ា  បានសង្កត់ធ្ងន់ថា សកម្មភាពទាំងនេះជាអំពើខុស​ច្បាប់ ដែល​អាចបង្កឱ្យ ប៉ះពាល់​ដល់​បទ​ប្បញ្​ញត្តិស្តី​ពីធ្លាគម្លាត គុណភាព សន្តិសុខ សុវត្ថិភាពសំណង់ សណ្ដាប់​ធ្នាប់សាធារណះ សោភ​ណភាព ការរស់នៅ​ប្រកបដោយចីរភាព និងអាចបង្ក​ឱ្យមានវិវាទ។

ជាមួយគ្នានោះ លោករដ្ឋមន្រ្តី ក៏ស្នើឲ្យអភិបាលរាជធានី ខេត្ត ជំរុញការតាមដានត្រួតពិនិត្យចាត់ វិធានការទប់ស្កាត់​ការ​សាងសង់ឬរុះរើសំណង់ដែលគ្មានលិខិតអនុញ្ញាត និងចាត់ចែង​ដាក់​ទណ្ឌ​កម្មចំពោះ ជនដែល​ប្រព្រឹត្តអំពើល្មើសនឹងបទប្បញ្ញត្តិស្តីពីសំណង់ មានជាអាទិ៍ ការតម្រូវ​ឱ្យម្ចាស់​​សំណង់​កែសម្រួល ឬរុះរើសំណង់ ការហាមឃាត់ការប្រើប្រាស់ ការប្រកបអាជីវកម្ម ការចាត់​ចែង និងការធ្វើចរន្តការ​នានា ដូចជាការមិនអនុញ្ញាតឱ្យធ្វើការបញ្ជាក់ ការដាក់ហ៊ីប៉ូតែក ការ​ផ្ទេរ ឬលក់-ទិញពាក់​ព័ន្ធនឹង​សំណង់ដែល គ្មានលិខិតអនុញ្ញាត និងការកសាង​សំណុំរឿង​បញ្ជូនទៅតុលាការ ដើម្បីស្នើសុំរឹបអូសសម្ភារៈ បរិក្ខារ និង ឧបករណ៍ផ្សេងៗទៀត ការផ្តន្ទា​ទោសពិន័យជាប្រាក់ ការផ្តន្ទាទោសដាក់ពន្ធនាគារ ការរំលាយ ក្រុមហ៊ុនការដាក់ឱ្យ​ស្ថិត​ក្រោមការ​ត្រួត​ពិនិត្យតាមដានរបស់តុលាការ ការហាមឃាត់ចំពោះការ ធ្វើសកម្មភាព ការ​បណ្តេញ​ចេញ​ពីលទ្ធកម្មសាធារណៈ ការបិទផ្សាយសេចក្តីសម្រេចផ្តន្ទាទោស និងការ ផ្សាយសេច​ក្តី​សម្រេចផ្តន្ទាទោសជាសាធារណៈ។

គួរបញ្ជា់ថា គិតពីចាប់ឆ្នាំ២០០០ ដល់ដំណាច់ឆ្នាំ២០២១ ក្រសួងរៀបចំដែនដី នគរូបនីយកម្ម និង​សំណង់ បានចេញលិខិតអនុញ្ញាតសាងសង់នៅទូទាំងប្រទេសចំនួន ៥៧ ៥៩០គម្រោង ផ្ទៃ​ក្រឡាកម្រាលសំណង់សរុបចំនួន១៦៦ ៦២៣ ៨៩១ម៉ែត្រក្រឡា និងតម្លៃប៉ាន់​ស្មានទុន​វិនិ​យោគសរុបប្រមាណ៦៦ ២០៥ ៨៤១ ៩៣៦ដុល្លារ។       

The post រដ្ឋមន្ត្រីក្រសួងរៀបចំ​​ដែនដី ប្រាប់​ឲ្យ​​អភិបាល​រាជធានី ខេត្ត ទប់ស្កាត់ការ​សាងសង់​​សំណង់​​​ដែល​គ្មាន​លិខិតអនុ​​​ញ្ញាត appeared first on .