ការប្រកាសរបស់លោក Huang នេះ ត្រូវបានធ្វើឡើងក្នុងអំឡុងពេលពិធីបើកការដ្ឋានសាងសង់ទីស្នាក់កណ្តាលរបស់ Nvidia នៅទីក្រុងតៃប៉ិ​។ តៃវ៉ាន់ ត្រូវបានចាត់ទុកថាជាមជ្ឈមណ្ឌលស្នូននៃការធ្វើបដិវត្តន៍បច្ចេកវិទ្យា AI របស់ពិភពលោក។

មិនតែប៉ុណ្ណោះ នាយកប្រតិបត្តិរូបនេះ បាននិយាយទៀតថា ទាំងបន្ទះឈីប ការវេចខ្ចប់ទំនើប ប្រព័ន្ធ AI និងប្រព័ន្ធកុំព្យូទ័រទំនើប AI សុទ្ធសឹងតែត្រូវបានផលិតឡើងនៅតៃវ៉ាន់ ខណៈពេលដែល Nvidia ក៏បានបង្ហាញផែនការជួលបុគ្គលិកបន្ថែមប្រហែល ៤ ០០០ នាក់ នាក់បន្ទាប់ពីការបញ្ចប់ទីស្នាក់ការកណ្តាលថ្មីរបស់ខ្លួននេះបញ្ចប់ការសាងសង់ នៅឆ្នាំ២០៣០ ខាងមុខ។

គួរជម្រាបជូនផងដែរថា កាលពីបួនទៅប្រាំឆ្នាំមុន Nvidia បានចំណាយប្រាក់ចំនួន ១០-១៥ពាន់លានដុល្លារជារៀងរាល់ឆ្នាំនៅតៃវ៉ាន់ ប៉ុន្តែឥឡូវនេះ បានកើនឡើងដល់ ១០០ពាន់លានដុល្លារ ហើយនៅពេលអនាគត អាចនឹងឈានដល់ ១៥០ពាន់លានដុល្លារក្នុងមួយឆ្នាំ៕​

The post ក្រុមហ៊ុន Nvidia ប្រកាសចាក់លុយវិនិយោគ ១៥០ពាន់លានដុល្លារ ជារៀងរាល់ឆ្នាំ នៅតៃវ៉ាន់ appeared first on .

នៅក្នុងសវនាការមួយនៅចំពោះមុខសភាអាមេរិកនៅថ្ងៃទី២១ ខែឧសភា រដ្ឋមន្ត្រីស្តីទីនៃកងទ័ពជើងទឹក លោក Hung Cao ត្រូវបានសួរនាំអំពីការលក់អាវុធតម្លៃ ១៤ពាន់លានដុល្លារដែលកំពុងជាប់គាំងទៅឲ្យតៃវ៉ាន់។

លោក Cao បាននិយាយថា ទីក្រុងវ៉ាស៊ីនតោនគ្រាន់តែ “ផ្អាកជាបណ្តោះអាសន្ន” នូវកិច្ចព្រមព្រៀងនេះ ដើម្បីធានាបាននូវគ្រាប់រំសេវគ្រប់គ្រាន់សម្រាប់ប្រតិបត្តិការវាយប្រហារនៅមជ្ឈិមបូព៌ា ប៉ុន្តែក្នុងនោះដែរ លោកក៏បានបញ្ជាក់ថា កងកម្លាំងអាមេរិកនៅតែមានអាវុធបម្រុងគ្រប់គ្រាន់។

យ៉ាងណាមិញ ចំពោះការកត់សម្គាល់នេះ បានជំរុញឱ្យមានការព្រួយបារម្ភកាន់តែខ្លាំងបន្ថែមទៀតអំពីការប្តេជ្ញាចិត្តរបស់ប្រធានាធិបតីអាមេរិក លោក ដូណាល់ ត្រាំ ក្នុងការគាំទ្រដល់តៃវ៉ាន់ ពោលគឺចាប់តាំងពីលោក បានទៅបំពេញទស្សនកិច្ចនៅប្រទេសចិន កាលពីពេលថ្មីៗនេះ។

សូមជម្រាបជូនផងដែរថា ប្រទេសចិនតែងតែចាត់ទុកតៃវ៉ាន់ជាផ្នែកមួយដែលមិនអាចបំបែកចេញពីទឹកដីរបស់ខ្លួន ហើយត្រៀមខ្លួនរួចជាស្រេចដើម្បីប្រើប្រាស់គ្រប់មធ្យោបាយដើម្បីសម្រេចបាននូវការបង្រួបបង្រួមឡើងវិញ។ ជាមួយគ្នានេះ សហរដ្ឋអាមេរិកប្តេជ្ញាគោរពគោលការណ៍ “ចិនតែមួយ” ហើយមិនគាំទ្រឯករាជ្យភាពរបស់តៃវ៉ាន់នោះទេ៕​

The post សហរដ្ឋអាមេរិក លើកហេតុផលច្បាស់ៗ ជុំវិញការផ្អាកលក់អាវុធតម្លៃ ១៤ពាន់លានដុល្លារ ឲ្យតៃវ៉ាន់ appeared first on .

ក្រុមហ៊ុនបន្ទះឈីបលំដាប់កំពូលរបស់អាមេរិកនេះ នឹងសហការជាមួយក្រុមហ៊ុនតៃវ៉ាន់ ASE និង SPIL ដើម្បីអភិវឌ្ឍបច្ចេកវិទ្យាដែលមានប្រសិទ្ធភាពថាមពលកាន់តែច្រើន សម្រាប់ប្រព័ន្ធ AI និងឧបករណ៍ដំណើរការពាក់ព័ន្ធផ្សេងទៀត។

បើតាមលោកស្រី Lisa Su ប្រធាន និងជានាយកប្រតិបត្តិនៃក្រុមហ៊ុន AMD បាននិយាយថា ៖” ខណៈពេលដែលការទទួលយក AI កំពុងមានកើនឡើងយ៉ាងឆាប់រហ័ស អតិថិជនសកលរបស់យើងក៏កំពុងធ្វើមាត្រដ្ឋានហេដ្ឋារចនាសម្ព័ន្ធ AI យ៉ាងឆាប់រហ័សផងដែរ ដើម្បីបំពេញតម្រូវការកុំព្យូទ័រដែលកំពុងកើនឡើង”។

សូមជម្រាបជូនផងដែរថា ជុំវិញការវិនិយោគទឹកប្រាក់ដ៏ច្រើននេះ នឹងផ្តោតសំខាន់លើការអភិវឌ្ឍបច្ចេកវិទ្យាវេចខ្ចប់ 2.5D ដែលមានមូលដ្ឋានលើប្រព័ន្ធ EFB ដែលនឹងធ្វើឲ្យប្រសើរឡើងយ៉ាងខ្លាំងនូវកម្រិតបញ្ជូន និងប្រសិទ្ធភាពនៃការតភ្ជាប់សម្រាប់ CPU AMD EPYC ជំនាន់ទី៦ ថ្មី៕​

The post ក្រុមហ៊ុន AMD គ្រោងបោះលុយវិនិយោគជាង ១០ពាន់លានដុល្លារលើប្រព័ន្ធអេកូឡូស៊ី AI របស់តៃវ៉ាន់ appeared first on .

លោក Lai បានសរសេរនៅលើគណនីហ្វេសប៊ុករបស់ខ្លួន នៅថ្ងៃទី១៧ ខែឧសភាថា កិច្ចព្រមព្រៀងអាវុធ និងកិច្ចសហប្រតិបត្តិការសន្តិសុខរវាងតៃវ៉ាន់ និងសហរដ្ឋអាមេរិក គឺមានសារៈសំខាន់ណាស់សម្រាប់ការរក្សាសន្តិភាព និងស្ថិរភាពក្នុងតំបន់។

សេចក្តីថ្លែងការណ៍នេះ ត្រូវបានចេញដោយមេដឹកនាំតៃវ៉ាន់ បន្ទាប់ពីប្រធានាធិបតីអាមេរិក លោក ត្រាំ ក្នុងបទសម្ភាសន៍មួយនៅថ្ងៃទី១៥ ខែឧសភា បាននិយាយថា ការពន្យារពេលលក់អាវុធតម្លៃ ១៤ពាន់លានដុល្លារទៅឱ្យតៃវ៉ាន់ គឺល្បិចនៃការចរចា ចំពេលលោកមានដំណើរទស្សនកិច្ចនៅប្រទេសចិន។ មេដឹកនាំសេតវិមានរូបនេះ ក៏បាននិយាយផងដែរថា តៃវ៉ាន់មិនគួរប្រកាសឯករាជ្យនោះទេ ហើយគួរតែរក្សាស្ថានភាពដើម។

យ៉ាងណាមិញ ជុំវិញបញ្ហានេះ លោក Lai បានលើកឡើងទៀតថា ប្រទេសចិន មិនដែលបោះបង់ចោលចេតនារបស់ពួកគេ ក្នុងការដាក់បញ្ចូលតៃវ៉ាន់ ដោយប្រើកងកម្លាំងយោធារបស់ពួកគេឡើយ។ ទង្វើនេះ អាចមានផលប៉ះពាល់យ៉ាងសំខាន់ទៅលើសន្តិសុខឥណ្ឌូ-ប៉ាស៊ីហ្វិក ខ្សែសង្វាក់ផ្គត់ផ្គង់សកល និងសេដ្ឋកិច្ចពិភពលោកទាំងមូល។

គួរជម្រាបជូនផងដែរថា ក្នុងអំឡុងពេលនៃដំណើរទស្សនកិច្ចទៅកាន់ទីក្រុងប៉េកាំងចាប់ពីថ្ងៃទី១៣ ដល់ថ្ងៃទី១៥ ខែឧសភា លោក ត្រាំ និយាយថា លោកបានពិភាក្សាអំពីបញ្ហាលម្អិតខ្លាំងណាស់ ជាមួយប្រធានាធិបតីចិន លោក ស៊ី ជិនពីង ទាក់ទងនឹងការលក់អាវុធរបស់សហរដ្ឋអាមេរិកទៅឱ្យតៃវ៉ាន់៕

The post តៃវ៉ាន់ ជំរុញឲ្យលោក ត្រាំ បន្តលក់អាវុធមកឲ្យខ្លួន ក្រោយទើបបញ្ចប់ទស្សនកិច្ចនៅចិន appeared first on .

លោក ត្រាំ បាននិយាយទៀតថា ៖” “ខ្ញុំមិនចង់ឃើញភាគីណាមួយប្រកាសឯករាជ្យទេ។ ខ្ញូំមិនចង់ឲ្យការប្រយុទ្ធគ្នាកើតមានឡើងនោះឡើយ។ ខ្ញុំចង់ឱ្យទាំងតៃវ៉ាន់ និងចិនបន្ធូរបន្ថយស្ថានការណ៍តានតឹងទាំងនេះ”។

ប្រទេសចិនតែងតែចាត់ទុកតៃវ៉ាន់ជាផ្នែកមួយដែលមិនអាចបំបែកចេញពីទឹកដីរបស់ខ្លួន ហើយត្រៀមខ្លួនរួចជាស្រេចដើម្បីប្រើប្រាស់មធ្យោបាយទាំងអស់ដើម្បីសម្រេចបាននូវការបង្រួបបង្រួមឡើងវិញ។

យ៉ាងណាមិញ ចំពោះសហរដ្ឋអាមេរិក បានប្តេជ្ញាគោរពគោលការណ៍ “ចិនតែមួយ” ហើយមិនគាំទ្រជាផ្លូវការចំពោះឯករាជ្យភាពរបស់តៃវ៉ាន់ទេ ប៉ុន្តែជាទូទៅប្រទេសមហាអំណាចនេះ ក៏តែងតែបានចៀសវាងការប្រកាសជាសាធារណៈណាមួយ ប្រឆាំងនឹងឯករាជ្យភាពរបស់កោះនេះផងដែរ។

គួរឲ្យដឹងថា យោងតាមច្បាប់ទំនាក់ទំនងតៃវ៉ាន់ ដែលចុះហត្ថលេខាដោយប្រធានាធិបតី Jimmy Carter បន្ទាប់ពីទីក្រុងវ៉ាស៊ីនតោនបានបង្កើតទំនាក់ទំនងការទូតជាមួយទីក្រុងប៉េកាំងក្នុងឆ្នាំ១៩៧៩ សហរដ្ឋអាមេរិកមានកាតព្វកិច្ចគាំទ្រសមត្ថភាពការពារជាតិរបស់តៃវ៉ាន់។ តែទោះជាយ៉ាងណាក៏ដោយ សហរដ្ឋអាមេរិកនៅតែរក្សាជំហរមិនច្បាស់លាស់លើថាតើយោធារបស់ខ្លួននឹងធ្វើអន្តរាគមន៍ដើម្បីគាំទ្រកោះនេះឬអត់នោះឡើយ។

យ៉ាងណាមិញ លោក ត្រាំ បាននិយាយបន្ថែមទៀតថា ៖”យើងមិនចង់បានសង្គ្រាមទេ ហើយប្រសិនបើយើងរក្សាស្ថានភាពដើម ខ្ញុំគិតថាប្រទេសចិននឹងទទួលយកវា”។

គួរជម្រាបជូនថា ការអត្ថាធិប្បាយទាំងនេះបានកើតឡើងនៅពេលដែលលោក ត្រាំ បានវិលត្រឡប់មកពីដំណើរទស្សនកិច្ចផ្លូវរដ្ឋរយៈពេលបីថ្ងៃរបស់លោកទៅកាន់ប្រទេសចិន។ លោក បានសង្កត់ធ្ងន់ទៀតថា តៃវ៉ាន់គឺជាបញ្ហា “សំខាន់បំផុត” សម្រាប់ប្រធានាធិបតីចិន លោក ស៊ី ជិនពីង ក្នុងអំឡុងពេលជួបពិភាក្សារវាងមេដឹកនាំទាំងពីរនេះ៕​

The post លោក ត្រាំ និយាយថាតៃវ៉ាន់មិនគួរប្រកាសពីឯករាជ្យនោះឡើយ appeared first on .

ជុំវិញការលើកឡើងរបស់លោក Lai នេះ បានកើតឡើងបន្ទាប់ពីមន្ត្រីរដ្ឋបាលរបស់លោក ត្រាំ កាលពីថ្ងៃទី១២ ខែកុម្ភៈ បានចុះហត្ថលេខាលើកិច្ចព្រមព្រៀងពាណិជ្ជកម្មចុងក្រោយមួយ ដែលបានបញ្ជាក់អំពីការកាត់បន្ថយពន្ធគយមកនៅត្រឹម ១៥% របស់សហរដ្ឋអាមេរិក សម្រាប់ការនាំចូលពីតៃវ៉ាន់។

គួរឲ្យដឹងថាផ្នែកមួយនៃកិច្ចព្រមព្រៀងដែលសម្រេចបានកាលពីខែមុន រួមមានការសន្យាដោយតៃវ៉ាន់ថាក្រុមហ៊ុនរបស់ខ្លួននឹងវិនិយោគទឹកប្រាក់ ២៥០ពាន់លានដុល្លារដើម្បីជំរុញការផលិតឧបករណ៍អេឡិចត្រូនិក ថាមពល និងបញ្ញាសិប្បនិម្មិតនៅសហរដ្ឋអាមេរិក រួមទាំងការវិនិយោគ ១០០ពាន់លានដុល្លារ ដោយក្រុមហ៊ុនបន្ទះឈីបកំពូល TSMC ផងដែរ។

លោក Lai បាននិយាយប្រាប់ទៅកាន់អ្នកយកព័ត៌មានថា ៖”មិនថាវាជា TSMC ឬឧស្សាហកម្មផ្សេងទៀតទេ ដរាបណាមជ្ឈមណ្ឌលស្រាវជ្រាវ និងអភិវឌ្ឍរបស់ពួកគេស្ថិតនៅតៃវ៉ាន់ ដំណើរការផលិតកម្មទំនើបរបស់ពួកគេគឺនឹងបន្តស្ថិតនៅតៃវ៉ាន់ ហើយសមត្ថភាពផលិតធំបំផុតរបស់ពួកគេស្ថិតនៅតៃវ៉ាន់ ដូច្នេះតៃវ៉ាន់អាចបន្តអភិវឌ្ឍជាលំដាប់”។

ប្រធានាធិបតីតៃវ៉ាន់ សង្កត់ធ្ងន់ថា រដ្ឋាភិបាលនឹងគោរពការសម្រេចចិត្តចំពោះការវិនិយោគរបស់ក្រុមហ៊ុនតៃវ៉ាន់ ដោយសម្រេចថានឹងត្រូវបែងចែកទឹកប្រាក់ ២៥០ពាន់លានដុល្លារនោះ នៅលើទឹកដីសហរដ្ឋអាមេរិកតាមរបៀបណាខ្លះ៕​

The post ក្រុមហ៊ុនតៃវ៉ាន់ នឹងជាអ្នកសម្រេចដោយខ្លួនឯង ចំពោះការវិនិយោគ ២៥០ពាន់លានដុល្លារ លើទឹកដីអាមេរិក appeared first on .

នៅក្នុងបទសម្ភាសជាមួយប៉ុស្តិ៍ទូរទស្សន៍តៃវ៉ាន់ CTS លោកស្រី Cheng Li-chiun ដែលជាអ្នកនយោបាយជាន់ខ្ពស់របស់តៃវ៉ាន់ បានបញ្ជាក់យ៉ាងច្បាស់ទៅកាន់ទីក្រុងវ៉ាស៊ីនតោនថា ប្រព័ន្ធអេកូឡូស៊ីបន្ទះឈីបរបស់តៃវ៉ាន់ ដែលបានបង្កើតឡើងអស់រយៈពេលជាច្រើនទសវត្សមកហើយនោះ មិនអាចផ្លាស់ប្តូរទីតាំងបាននោះទេ។

លើសពីនេះ លោកស្រី Cheng បាននិយាយទៀតថា ប្រព័ន្ធអេកូឡូស៊ីបន្ទះឈីបនឹងបន្តរីកចម្រើននៅតៃវ៉ាន់ ដោយមិនចាំបាច់ត្រូវផ្លាស់ប្តូរទីតាំងនោះឡើយ ប៉ុន្តែចំពោះការវិនិយោគលើឧស្សាហកម្មប្រភេទនេះ នឹងត្រូវបន្តធ្វើឡើងនៅក្រៅស្រុកបានដដែល។

យ៉ាងណាមិញ ជុំវិញការលើកឡើងរបស់លោកស្រី Cheng បែបនេះ ត្រូវបានធ្វើឡើង បន្ទាប់ពីរដ្ឋមន្ត្រីពាណិជ្ជកម្មអាមេរិក លោក Howard Lutnick បានស្នើឲ្យមានការផ្ទេរផលិតកម្មបន្ទះឈីប ៤០% របស់តៃវ៉ាន់ ទៅកាន់ទឹកដីសហរដ្ឋអាមេរិក ជាផ្នែកមួយនៃការចរចាពន្ធគយ។

គួរឲ្យដឹងថា កន្លងមកតៃវ៉ាន់ និងសហរដ្ឋអាមេរិក បានឈានដល់កិច្ចព្រមព្រៀងពាណិជ្ជកម្មមួយកាលពីខែមុន ដើម្បីបន្ថយពន្ធលើការនាំចេញរបស់ដីកោះនេះ មកត្រឹម ១៥% ពី ២០% ខណៈតៃវ៉ាន់ បានសន្យាបង្កើនការវិនិយោគរបស់ខ្លួននៅក្នុងទឹកដីសហរដ្ឋអាមេរិកវិញ។ ក្នុងនោះ TSMC ដែលជាក្រុមហ៊ុនផលិតបន្ទះឈីបតាមកិច្ចសន្យាធំជាងគេបំផុតរបស់ពិភពលោក កំពុងបោះទុនវិនិយោគ ១៦៥ពាន់លានដុល្លារដើម្បីសាងសង់រោងចក្រនៅក្នុងរដ្ឋ Arizona របស់សហរដ្ឋអាមេរិក៕​

The post តៃវ៉ាន់ ថាជារឿងមិនអាចទៅរួច ក្រោយអាមេរិកស្នើផ្ទេរផលិតកម្មបន្ទះឈីប ៤០% ទៅកាន់ទឹកដីអាមេរិក appeared first on .

តៃវ៉ាន់ ដែលមានអតិរេកពាណិជ្ជកម្មជាច្រើនជាមួយសហរដ្ឋអាមេរិក បានបង្ហាញចំណាប់អារម្មណ៍លើគម្រោងឧស្ម័នធម្មជាតិរាវ ថ្មីដ៏ធំមួយនៅក្នុងរដ្ឋ Alaska ដែលរដ្ឋបាលរបស់ប្រធានាធិបតី លោក ដូណាល់ ត្រាំ បានជំរុញយ៉ាងខ្លាំងដល់ តៃវ៉ាន់ដែលជាសម្ព័ន្ធមិត្តនៅអាស៊ី ជាជម្រើសសម្រាប់ការផ្គត់ផ្គង់។

យ៉ាងណាមិញ បើតាមរដ្ឋមន្ត្រីសេដ្ឋកិច្ចតៃវ៉ាន់ លោក Kung Ming-hsin បានប្រាប់ទៅកាន់អ្នយកព័ត៌មាននៅទីក្រុងតៃប៉ិថា តៃវ៉ាន់ចង់បានឧស្ម័នបន្ថែមទៀតពីសហរដ្ឋអាមេរិក ជាជាងប្រទេសដទៃផ្សេងទៀត។

មិនតែប៉ុណ្ណោះ លោក Fang Jeng-zen ប្រធាន​ក្រុមហ៊ុន​ចម្រាញ់​ប្រេង​ CPC Corp របស់​រដ្ឋ​តៃវ៉ាន់ បាន​និយាយ​នៅក្នុង​សន្និសីទ​សារព័ត៌មាន​ដដែល​នោះថា៖” យើងមានគម្រោងបង្កើនការទិញឧស្ម័នធម្មជាតិរាវពិសហរដ្ឋអាមេរិកដល់ ៣០% ទៅ ៣៣% នៅឆ្នាំនេះ ពោលគឺកើនឡើងពីចំនួន ១០% ក្នុងពេលបច្ចុប្បន្ន”។

ជម្រាបជូនផងដែរថា កន្លងមកប្រទេសកាតា និងអូស្រ្តាលី គឺជាអ្នកផ្គត់ផ្គង់ឧស្ម័នធំជាងគេបំផុតរបស់តៃវ៉ាន់ ក្នុងឆ្នាំ២០២៥ ដោយប្រទេសនីមួយៗមានចំនួនមួយភាគបីនៃការនាំចូលឧស្ម័នសរុបដែលមានចំនួន ២៣,៨១ លានតោន៕​

The post តៃវ៉ាន់ ​នឹង​បង្កើន​ការទិញ​យកឧស្ម័ន​ធម្មជាតិ​ពី​សហរដ្ឋអាមេរិក ​នៅ​ឆ្នាំនេះ appeared first on .

ក្រុមហ៊ុន Mrcron បាននិយាយថា ខ្លួនបានចុះហត្ថលេខាលើកិច្ចព្រមព្រៀងមួយ ដើម្បីទិញយករោងចក្រផលិតបន្ទះឈីប P5 របស់ក្រុមហ៊ុន Powerchip នៅតំបន់ Tongluo ស្រុក Miaoli កោះតៃវ៉ាន់ ក្នុងតម្លៃសរុបប្រមាណ ១,៨ពាន់លានដុល្លារ។

មិនតែប៉ុណ្ណោះ​ ក្រុមហ៊ុន Micron បាននិយាយថា ការទិញនេះនឹងបន្ថែមសមត្ថភាពដែលមានការគ្រប់គ្រងខ្ពស់ សម្រាប់ការផលិតបន្ទះឈីបឲ្យកាន់តែមានភាពខ្លាំងក្លាជាងមុន។ ក្រុមហ៊ុនបានបន្ថែមថា វានឹងអនុញ្ញាតឱ្យក្រុមហ៊ុន Micron បង្កើនការផលិតបន្ទះឈីប DRAM ជាដំណាក់កាល នៅពេលដែលតម្រូវការសកលសម្រាប់អង្គចងចាំនៅតែបន្តលើសពីការផ្គត់ផ្គង់។

ជម្រាបជូនថា ក្រុមហ៊ុន Micron បានដំណើរការនៅតៃវ៉ាន់អស់រយៈពេលជាង ៣០ឆ្នាំមកហើយ ហើយជាអ្នកវិនិយោគផ្ទាល់ពីបរទេសធំជាងគេរបស់កោះនេះផងដែរ។ រោងចក្ររបស់ Micron នៅតំបន់ Taichung កោះតៃវ៉ាន់ គឺជាមជ្ឈមណ្ឌលផលិតកម្មដ៏សំខាន់សម្រាប់ផលិតផលបន្ទះឈីបអង្គចងចាំ DRAM និង HBM៕​

The post ភាគហ៊ុនបន្ទះឈីបហក់ឡើងកប់ពពក ក្រោយ Micron ជះលុយជិត ២ពាន់លានដុល្លារ ទិញរោងចក្រនៅតៃវ៉ាន់ appeared first on .

ជាផ្នែកមួយនៃកិច្ចព្រមព្រៀងនេះ ក្រុមហ៊ុនផលិតបន្ទះឈីប និងបច្ចេកវិទ្យាតៃវ៉ាន់ នឹងបោះទុនវិនិយោគទឹកប្រាក់យ៉ាងហោចណាស់ ២៥០ពាន់លានដុល្លារ លើសមត្ថភាពផលិតរបស់ខ្លួន នៅសហរដ្ឋអាមេរិក ស្របពេលរដ្ឋភិបាលរបស់តៃវ៉ាន់ ក៏នឹងធានានូវការផ្តល់ឥណទានចំនួន ២៥០ពាន់លានដុល្លារ សម្រាប់ក្រុមហ៊ុនទាំងនេះផងដែរ។

យ៉ាងណាមិញ ជាថ្នូរទៅនឹងការវិនិយោគដ៏ធំនេះ សហរដ្ឋអាមេរិក នឹងបន្ធូរបន្ថយការដាក់ពន្ធលើតៃវ៉ាន់មកនៅត្រឹម ១៥% ពោលគឺបានធ្លាក់ចុះពីកម្រិត ២០% ហើយប្តេជ្ញានឹងមិនយកពន្ធបដិការទៅលើឱសថទូទៅ គ្រឿងផ្សំឱសថ គ្រឿងបន្លាស់យន្តហោះ និងធនធានធម្មជាតិមួយចំនួនទៀតនោះឡើយ។

ជម្រាបជូនផងដែរថា ក្នុងចំណោមនោះ ក្រុមហ៊ុន Taiwan Semiconductor Manufacturing Co. (TSMC) ដែលជាក្រុមហ៊ុនផលិតបន្ទះឈីបលំដាប់កំពូលរបស់ពិភពលោក បានទិញដីបន្ថែម ដើម្បីពង្រីករោងចក្ររបស់ខ្លួននៅក្នុងរដ្ឋអារីហ្សូណា ដែលជាផ្នែកមួយនៃកិច្ចព្រមព្រៀងនេះ។ នេះបើតាមការលើកឡើងរបស់រដ្ឋមន្ត្រីក្រសួងពាណិជ្ជកម្ម លោក Howard Lutnick​៕

The post តៃវ៉ាន់ បោះលុយវិនិយោគ ២៥០ពាន់លានដុល្លារនៅអាមេរិក ក្រោមកិច្ចព្រមព្រៀងពាណិជ្ជកម្មថ្មី​ appeared first on .