លោក ហុង សុហួរ ប្រតិភូរាជរដ្ឋាភិបាលទទួលបន្ទុកជាអគ្គនាយកផ្សារមូលបត្រកម្ពុជាមានប្រសាសន៍ថា “ក្រុមហ៊ុន ដូនពេញ អាហ្វ្រិកូ បានកៀរគរទុនក្នុងទំហំ ៤៩ លានដុល្លារ ពីវិនិយោគិនគុណវុឌ្ឍិ ដោយមានអត្រាគូប៉ុង ៥,២៥% ជាមួយឥណប្រតិទាន ៨ ឆ្នាំ និង មានការធានាពីក្រុមហ៊ុន GuaranCo ។ ទុនរយៈពេលវែងនេះ នឹងត្រូវចំណាយទៅលើការពង្រីកសក្តានុពលផ្គត់ផ្គង់ ដូចជាបន្តពង្រីកផ្ទៃដីដាំដុះ វិនិយោគលើប្រព័ន្ធធារាសាស្ត្រ និង វិនិយោគលើគ្រឿងចក្រធុនធ្ងន់ ដែលមានបច្ចេកវិទ្យាទំនើប ដើម្បីពន្លឿនខ្សែច្រវាក់ផលិតកម្ម ពង្រីកឃ្លាំងស្តុក និង រោងចក្រកែច្នៃជាដើម” ។

លោក ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា “មានប្រសាសន៍ថាភាពជោគជ័យនៃការបោះផ្សាយលក់មូលបត្របំណុល របស់ក្រុមហ៊ុន ដូនពេញ អាហ្វ្រិកូ សម្រាប់វិនិយោគិនគុណវុឌ្ឍិ បានបង្ហាញឱ្យឃើញយ៉ាងច្បាស់ថា ទីផ្សារមូលបត្រអាចបំពេញបន្ថែមទៅលើហិរញ្ញប្បទានពីធនាគារ ដោយផ្តល់នូវប្រភពទុនរយៈពេលវែង និង មានចីរភាព ដែលសមស្របសម្រាប់ក្រុមហ៊ុន ក្នុងការប្រើប្រាស់លើ ការសាងសង់ហេដ្ឋារចនាសម្ព័ន្ធ និង ប្រព័ន្ធធារាសាស្ត្រ, ការផ្គត់ផ្គង់ថាមពលអគ្គិសនី, គ្រឿងចក្រធុនធ្ងន់ ដើម្បីពង្រីកអាជីវវកម្ម បង្កើនផលិតភាព និង អភិវឌ្ឍខ្សែសង្វាក់តម្លៃកសិកម្ម, និង ការលើកកម្ពស់សមត្ថភាពនាំចេញផលិតផលទៅក្រៅប្រទេស របស់ក្រុមហ៊ុន” ។

លោកបណ្ឌិតសភាចារ្យ ហ៊ាន សាហ៊ីប រដ្ឋលេខាធិការនៃក្រសួងសេដ្ឋកិច្ច និងហិរញ្ញវត្ថុ និង ជាប្រធានក្រុមប្រឹក្សាភិបាលនៃផ្សារមូលបត្រកម្ពុជាមានប្រសាសន៍ថា ការសម្រេចចិត្តរបស់ ក្រុមហ៊ុន ដូនពេញ អាហ្គ្រីកូ ក្នុងការបោះផ្សាយលក់មូលបត្របំណុល នាពេលនេះ គឺជាគំរូដ៏ល្អមួយ សម្រាប់សហគ្រាសក្នុងស្រុកផ្សេងទៀត ក្នុងការស្វែងរកប្រភពទុន រយៈពេលវែង ដែលមានតម្លៃទាប តាមរយៈទីផ្សារមូលបត្រកម្ពុជា ដែលជាជម្រើសដ៏ល្អមួយ ផ្តល់ភាពងាយស្រួល រហ័ស និង ភាពបត់បែនខ្ពស់ ដល់ម្ចាស់សហគ្រាស, ទាំងក្នុង និង ក្រៅប្រទេស ដោយផ្តល់លទ្ធភាពដល់ក្រុមហ៊ុន អាចកៀរគរទុនក្នុងទំហំធំ អត្រាការប្រាក់ទាប និង អាចប្រើប្រាស់បានរយៈពេលវែង ដើម្បីបម្រើទៅដល់ការពង្រឹង និង ពង្រីកសក្តានុពលអាជីវកម្មរបស់ខ្លួន, ពិសេស បង្កើនសមត្ថភាពប្រតិបត្តិការ និង វិនិយោគលើហេដ្ឋារចនាសម្ព័ន្ធ និង បច្ចេកវិទ្យា ។

លោកបណ្ឌិតលើកឡើងថា “ក្នុងរយៈពេលប៉ុន្មានឆ្នាំចុងក្រោយនេះ វិស័យកសិកម្ម កសិ-ឧស្សាហកម្ម នៅកម្ពុជា បានបោះជំហានទៅមុខយ៉ាងលឿន, ជាពិសេស ការនាំចេញកសិផលហូបផ្លែ និង ផលិតផលកសិកម្មនានា ។ ជាក់ស្តែង, ក្រុមហ៊ុន ដូនពេញ អាហ្គ្រីកូ បានដើរតួនាទីយ៉ាងសំខាន់ ក្នុងការនាំយកនូវ “មាសបៃតង” របស់កម្ពុជា គឺចេកអំបូងលឿង ជាដើម ទៅកាន់ទីផ្សារធំៗ ដូចជា ប្រទេសចិន និង ប្រទេសជប៉ុន ។ ការនាំចេញទៅកាន់ទីផ្សារ ដែលមានស្តង់ដាខ្ពស់ ដូចជា ជប៉ុន និង ចិន បានបង្ហាញឱ្យពិភពលោកឃើញ ពីសមត្ថភាពរបស់កម្ពុជា ក្នុងការផលិតកសិផល ដែលមានគុណភាព សុវត្ថិភាព និង អនុលោមតាមបទដ្ឋានអន្តរជាតិ” ។

សូមជម្រាបជូនថា ដោយគិតត្រឹមថ្ងៃនេះ ផ្សារមូលបត្រកម្ពុជា បានទទួលក្រុមហ៊ុនចុះបញ្ជីលក់មូលបត្រសរុប ចំនួន ២៧ ដែលរួមមាន៖ ក្រុមហ៊ុនចុះបញ្ជីលក់មូលបត្រកម្មសិទ្ធិ ចំនួន ១២ និង ក្រុមហ៊ុនចុះបញ្ជីលក់មូលបត្របំណុល ចំនួន ១៥, ហើយក្រុមហ៊ុនចុះបញ្ជីលក់មូលបត្រ ទាំង ២៧ បានប្រមូលមូលធនសរុបពីទីផ្សារមូលបត្រ ក្នុងទំហំប្រមាណ ៧០៣ លានដុល្លារអាមេរិក ៕

The post ក្រុមហ៊ុនកសិកម្មមួយ បានកៀរគរទុនបានជិត៥០លានដុល្លារ ពីផ្សារមូលបត្រកម្ពុជា appeared first on .

តាមរបាយការណ៍របស់ក្រសួងសេដ្ឋកិច្ច និងហិរញ្ញវត្ថុ បានឲ្យដឹងកាលពីដើមសប្តាហ៍នេះ ទុនដែលបានប្រមូលក្នុងរយៈពេល៩ខែដំបូងមានចំនួនជាង ៦៥ ភាគរយនៃចំនួន ៤៤០ ពាន់លានរៀលឆ្នាំនេះ។

តួលេខចុងក្រោយនេះ ប្រៀបធៀបជាមួយនឹងទឹកប្រាក់ចំនួន៥៨.២៦ លានដុល្លារអាមេរិក ដែលបានកើនឡើងពេញមួយឆ្នាំមុន ដែលស្មើនឹង២៩ ភាគរយនៃពិដាន ៨១៣ ពាន់លានរៀល។

លោក ហុង សុហួរ អគ្គនាយកផ្សារមូលបត្រកម្ពុជា បានមានប្រសាសន៍ថា តួលេខចុងក្រោយនេះបង្ហាញថា ទីផ្សារមូលបត្ររដ្ឋគឺស្ថិតនៅលើមាគ៌ាកំណើន។មូលបត្ររដ្ឋដែលទើបតែបានបើកដំណើរការកាលពីពីរឆ្នាំមុន គឺជាយុទ្ធសាស្ត្រដ៏សំខាន់មួយក្នុងការកាត់បន្ថយការពឹងផ្អែករបស់កម្ពុជាលើប្រាក់កម្ចីពីបរទេស ដោយបន្ថែមថាអ្នកទិញភាគច្រើនជាអ្នកវិនិយោគក្នុងស្រុក។

រដ្ឋាភិបាលបានកំណត់គោលដៅចំនួន ៥០០ ពាន់លានរៀល (១២៥ លានដុល្លារអាមេរិក) សម្រាប់ឆ្នាំ២០២៥ ពោលគឺកើនឡើងជិត១៥ភាគរយ ហើយគ្រោងនឹងប្រមែប្រមូលទុនអោយបានរហូតដល់ ១ ពាន់លានដុល្លារអាមេរិកក្នុងរយៈពេល ៥ ឆ្នាំខាងមុខ៕ដោយៈសុភក្ត្រា

The post មូលបត្ររដ្ឋប្រមូលទុនបានប្រមាណ៧០ លានដុល្លារក្នុងរយៈពេល៣ត្រីមាសដំបូង appeared first on .

ក្នុងឱកាសទទួលជួបគណៈប្រតិភូជាន់ខ្ពស់នៃគណៈកម្មាធិការគោលនយោបាយជាតិ នៃរដ្ឋសភាសាធារណៈរដ្ឋកូរ៉េ គណៈកម្មការសេវាហិរញ្ញវត្ថុ និងផ្សារមូលបត្រកូរ៉េ កាលពីថ្ងៃទី៧ខែវិច្ឆិកា លោករដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ បានជម្រាបភាគីកូរ៉េថា៖ ទីផ្សារមូលបត្រកម្ពុជានៅក្មេងខ្ចី ទើបតែចាប់ផ្តើមដំណើរការបានជាង ១០ ឆ្នាំ ខណៈទំហំជួញដូរជាមធ្យមប្រចាំថ្ងៃមានប្រមាណ ២០ ម៉ឺនដុល្លារ ដែលទំហំនេះនៅតិចតួចបើធៀបជាមួយផ្សារមូលបត្រប្រទេសនៅក្នុងតំបន់។

លោកបានបន្ថែមថាៈទោះយ៉ាងណាក៏ដោយតាមរយៈការជួយជ្រោមជ្រែងរបស់រាជរដ្ឋាភិបាល កិច្ចខិតខំប្រឹងប្រែងគ្រប់តួអង្គពាក់ព័ន្ធក្នុងវិស័យមូលបត្រ និងកិច្ចសហប្រតិបត្តិការល្អជាមួយផ្សារមូលបត្រនានា ជាពិសេសផ្សារមូលបត្រកូរ៉េ ដែលជាដៃគូសហប្រតិបត្តិការ លោក មានសុទិដ្ឋិនិយមថា ទីផ្សារមូលបត្រកម្ពុជានឹងរកឃើញនូវកត្តាគន្លឹះថ្មីៗដើម្បីជំរុញសន្ទុះរីកចម្រើនកាន់តែខ្លាំងក្លា និងប្រកបដោយចីរភាព។

លោក ហ៊ាន សាហ៊ីប ក៏បានជម្រាបប្រតិភូកូរ៉េពីគោលនយោបាយរបស់រាជរដ្ឋាភិបាល ក្នុងការលើកទឹកចិត្តដល់វិនិយោគិនក្នុងស្រុក និងក្រៅស្រុកជាពិសេសពាក់ព័ន្ធពន្ធដារ និងការលើកទឹកចិត្តផ្សេងៗទៀត ដើម្បីជំរុញលើកទឹកចិត្តវិនិយោគិនមកបោះទុនវិនិយោគនៅក្នុងប្រទេសកម្ពុជា៕

The post ក្រុមហ៊ុនចំនួន ២៧ បានចុះបញ្ជីនៅផ្សារមូលបត្រកម្ពុជា ទំហំជួញដូរជាមធ្យមប្រចាំថ្ងៃមានប្រមាណ ២០ ម៉ឺនដុល្លារ appeared first on .

លោកបានបន្ថែមថា ជាង១០ឆ្នាំហើយដែលកម្ពុជាព្យាយាមអភិវឌ្ឍន៍វិស័យមូលបត្រ ដើម្បីឱ្យក្លាយជាបង្អែកដ៏រឹងមាំមួយសម្រាប់សេដ្ឋកិច្ចជាតិ។ បច្ចុប្បន្នទោះវិស័យនេះមានភាពរីកចម្រើនយឺតជាងប្រទេសជិតខាង ដូចជា វៀតណាម និងថៃក្តី ក៏ប៉ុន្តែក្នុងរយៈពេលប៉ុន្មានឆ្នាំចុងក្រោយនេះ វិស័យមូលបត្រកម្ពុជាមានសន្ទុះរីកចម្រើនខ្លាំងគួរកត់សម្គាល់។

នៅក្នុងវេទិកាក្រុមហ៊ុនចុះបញ្ជីក្រោមកិច្ចសហការរវាងផ្សារមូលបត្រកម្ពុជា និងធនាគារ អេស៊ីលីដា ភីអិលស៊ី នាព្រឹកថ្ងៃទី៤ ខែកញ្ញា ឆ្នាំ២០២៤ លោក ហុង សុហួរ បានថ្លែងឱ្យដឹងថា ចាប់តាំងពីចុងឆ្នាំ២០១៨មក វិស័យមូលបត្រកម្ពុជាទទួលបានការចាប់អារម្មណ៍ពីវិនិយោគិនយ៉ាងគំហុក ដោយកើននូវការជួញដូរប្រចាំថ្ងៃក្នុងទំហំប្រាក់ប្រមាណ១ម៉ឺនដុល្លារក្នុងឆ្នាំ២០១៧ កើនដល់ជាង២ម៉ឺនដុល្លារក្នុងមួយថ្ងៃសម្រាប់ឆ្នាំ២០១៨។ សម្រាប់ឆ្នាំ២០១៩ ទំហំជួញដូរភាគហ៊ុនជាមធ្យមនៅក្នុងទីផ្សារបានឡើងដល់១៥ម៉ឺនដុល្លារក្នុងមួយថ្ងៃ។ ទំហំនេះកើនដល់ជាង២៥ម៉ឺនដុល្លារក្នុងមួយថ្ងៃសម្រាប់ឆ្នាំ២០២០។

លោកអគ្គនាយកCSX បានលើកឡើងថា តួលេខទាំងនេះបានបង្ហាញឱ្យឃើញថា វិស័យមូលបត្ររបស់កម្ពុជា ជាពិសេសទីផ្សារភាគហ៊ុន គឺមានការកើនឡើងគួរឱ្យកត់សម្គាល់។ ក៏ប៉ុន្តែ កំណើននេះហាក់មានកម្រិតនៅឡើយបើធៀបទំហំសេដ្ឋកិច្ចជាតិដែលមានប្រមាណ៣០លានដុល្លារអាម៉េរិក។ក្នុងមួយឆ្នាំៗ ម្ចាស់អាជីវកម្មនៅយើងស្រុកកៀរគរទុនពីទីផ្សារមូលបត្របានមិនដល់១០០លានដុល្លារផង តែប្រទេសជិតខាងថៃ និងវៀតណាមវិញ គេកៀរគរទុនពីវិស័យនេះបានដល់រាប់ពាន់លានដុល្លារក្នុងមួយឆ្នាំៗ។ ទោះ វឌ្ឍនភាពនៃវិស័យមូលបត្រកម្ពុជានៅយឹតឆ្ងាយខ្លាំង ពីប្រទេសជិតខាងយ៉ាងនេះក្តីតែលោកអគ្គនាយកនៃផ្សារមូលបត្រកម្ពុជាមើលឃើញបញ្ហានេះគឺសក្តានុពល៕

The post អ្នកជំនាញផ្សារហ៊ុន៖ សេដ្ឋកិច្ច មិនអាចរីកចម្រើនអស់សក្តានុពល ប្រសិនបើវិស័យមូលបត្រមិនរីកចម្រើន appeared first on .

របាយការណ៍ដដែលនេះបានឱ្យដឹងថា នាពេលបច្ចុប្បន្ន ផ្សារមូលបត្រកម្ពុជា (ផមក) មានផលិតផលចំនួន ២ប្រភេទ គឺមូលបត្រកម្មសិទ្ធិ (ភាគហ៊ុន) និងមូលបត្របំណុលដែលកំពុងត្រូវបានជួញដូរនៅលើទីផ្សារ។ ចំពោះទីផ្សារមូលបត្រកម្មសិទ្ធិមានក្រុមហ៊ុនចុះបញ្ជីសរុបចំនួន ១១ ក្រុមហ៊ុន ដោយនៅក្នុងនោះមានក្រុមហ៊ុនចំនួន ៩ បានចុះបញ្ជីនៅទីផ្សារគោល និងក្រុមហ៊ុនចំនួន ២ បានចុះបញ្ជីនៅទីផ្សារកំណើន។ រីឯទីផ្សារមូលបត្របំណុលមានក្រុមហ៊ុនចំនួន ១២ បានបោះផ្សាយលក់មូលបត្របំណុល (ក្នុងនោះមូលបត្របំណុលដែលកំពុងចុះបញ្ជីមានចំនួន ១០ ហើយមានមូលបត្របំណុលចំនួន ៧ បានដល់ឥណប្រតិទាន)។

របាយការណ៍បានបង្ហាញថា គិតត្រឹមចុងត្រីមាសទី២ ឆ្នាំ២០២៤ ទំហំមូលធនូបនីយកម្មទីផ្សារសរុបនៃទីផ្សារមូលបត្រកម្មសិទ្ធិមានចំនួនប្រហែល ១១,២២ ទ្រីលានរៀល (ប្រហែល ២,៧៣ ប៊ីលានដុល្លារអាមេរិក) និងទំហំជួញដូរភាគហ៊ុនសរុបមានចំនួន ១០.៥៨៧.០៣៧ ភាគហ៊ុន ដែលទំហំជួញដូរនៅក្នុងទីផ្សារគោលមានប្រហែល ៩២,៣៩% និងទីផ្សារកំណើនមានចំនួនប្រហែល ៧,៦១% នៃទំហំជួញដូរសរុប។ ដោយឡែកចំពោះ ទីផ្សារមូលបត្របំណុលពុំមានការជួញដូរលើសញ្ញាបណ្ណសាជីវកម្មណាមួយទេ។

លោក ស៊ូ សុជាតិ អគ្គនាយកនៃនិយ័តករមូលបត្រកម្ពុជា បានមានប្រសាសន៍ថា ទីផ្សារមូលបត្របាន និងកំពុងតែមានការរីកចម្រើន និងបានឆ្លុះបញ្ចាំងឱ្យឃើញថា ទាំងក្រុមហ៊ុន និងវិនិយោគិនកំពុងផ្តល់ទំនុកចិត្តដល់ទីផ្សារមួយនេះ ខណៈដែលទីផ្សារមូលបត្រនេះបានក្លាយជាច្រកមួយសម្រាប់ការធ្វើពិពិធកម្មហិរញ្ញប្បទានដល់ក្រុមហ៊ុន និងជាឱកាសវិនិយោគសម្រាប់វិនិយោគិនផងដែរ។

គិតត្រឹមចុងឆ្នាំ២០២៣ ផ្សារមូលបត្រកម្ពុជាមានក្រុមហ៊ុនចុះបញ្ជីចំនួន២២ ដែលរួមមានក្រុមហ៊ុនចំនួន១១ បានចុះបញ្ជីជាមូលបត្រកម្មសិទ្ធិ និងក្រុមហ៊ុន១១ ទៀតបានចុះបញ្ជីជាសញ្ញាបណ្ណសាជីវកម្ម ហើយក្រុមហ៊ុនទាំង ២២ នេះ បានប្រមូលទុនពីផ្សារមូលបត្រសរុបប្រមាណជា ៣៥៩ លានដុល្លារអាមេរិក៕

The post រយៈពេល៦ខែ ទីផ្សារមូលបត្រកម្មសិទ្ធិនៅកម្ពុជាមានទំហំប្រមាណ ២,៧ ប៊ីលានដុល្លារ appeared first on .

អ្នកស្រី គឹម សុផានីតា ប្រធាននាយកដ្ឋានប្រតិបត្តិការទីផ្សារមូលបត្រកម្ពុជា ហៅកាត់ថាCSX បានឱ្យដឹងថា ភាគហ៊ុនរបស់ក្រុមហ៊ុនអ្នកឧកញ៉ាទាំងពីរនៅថ្ងៃដំបូងបានទាក់ទាញអ្នកចូលរួមច្រើនដូចគ្នា ហើយក្រុមហ៊ុននីមួយៗប្រមូលទុនបានប្រហែល១ពាន់លានរៀលឬស្មើប្រមាណ២៥ម៉ឺនដុល្លារអាមេរិកដូចគ្នាតែបើគិតជាភាគហ៊ុនរបស់ក្រុមហ៊ុនអ្នកឧកញ៉ាគិតម៉េងមានប្រហែល៤៨ម៉ឺនហ៊ុននិងភាគហ៊ុនរបស់អ្នកឧកញ៉ាគួចម៉េងលីមាន៤៦ម៉ឺនហ៊ុន។

ចំពោះតម្លៃនៅថ្ងៃជួញដូរដំបូងរបស់ក្រុមហ៊ុនអ្នកឧកញ៉ាគិតម៉េងវាមានការកើនឡើងប្រហែល៤%បើប្រៀបធៀបទៅនិងថ្លៃIPO(ថ្លៃបោះលក់ដំបូង)២២៧០រៀលកើនដល់២៣៣០រៀលក្នុងមួយភាគហ៊ុន ហើយខាងភាគហ៊ុនរបស់ក្រុមហ៊ុនគួចម៉េងលីឡើងថ្លៃជិត៦%ថ្លៃពី២០២០ទៅដល់២០៨០រៀល។

អ្នកស្រី គឹម សុផានីតា មានប្រសាសន៍ថា«បន្ទាប់ពីថ្ងៃបើកជួញដូរដំបូងនៅផ្សារមូលបត្រកម្ពុជារហូតមកដល់សប្តាហ៍ទី១ខែកក្កដានេះយើងសង្កេតឃើញថាសន្ទុះនៃការជួញដូររបស់ភាគហ៊ុនទំាងពីរមានតម្លៃខុសគ្នាតិចតួច។ភាគហ៊ុនរបស់ក្រុមហ៊ុនអ្នកឧកញ៉ាគិតម៉េងមានតម្រូវការចង់ទិញមានចំនួនច្រើន ដោយតម្លៃភាគហ៊ុនរបស់គាត់កើនឡើងស៊ឹងតែរាល់ថ្ងៃ ។ ជាក់ស្តែងនៅរយៈពេល២ថ្ងៃចុងក្រោយនេះតម្លៃភាគហ៊ុនគាត់បានឡើងដល់កម្រិតកំពូលដោយក្នុង១ភាគហ៊ុនមានតម្លៃ៣០០០រៀល ខណៈតម្លៃជួញដូរនៅថ្ងៃបិទផ្សារកាលពីថ្ងៃទី៦កក្កដាម្សិលមិញថ្លៃ២៧៣០រៀល។ដោយឡែកភាគហ៊ុនរបស់ក្រុមហ៊ុនអ្នកឧកញ៉ាគួចម៉េងលីវិញមានការជួញដូរសកម្មដូចគ្នា តែតម្លៃភាគហ៊ុនចុះមកត្រឹម២១០០រៀលក្នុងមួយហ៊ុនគិតត្រឹមថ្ងៃបិទផ្សារថ្ងៃទី៧កក្កដានេះ»។

បើតាមមន្ត្រីជំនាញរបស់CSX តម្លៃភាគហ៊ុនរបស់ក្រុមហ៊ុនអ្នកឧកញ៉ា គិត ម៉េង បន្តឡើងថ្លៃ អាចមកពីសក្តានុពលរបស់ក្រុមហ៊ុន ហើយក្រុមហ៊ុនមានភាពទាក់ទាញត្រង់ចែកភាគលាភក្នុងរយៈពេល៣ខែម្តង ហើយខាងក្រុមហ៊ុនធានាភាគលាភរហូតដល់៧%ក្នុងមួយឆ្នំា។

អ្នកស្រីសង្កត់ធ្ងន់ថា«ខ្ញុំសង្កេតឃើញថាក្រោយពេលមានវត្តមានរបស់ក្រុមហ៊ុនអ្នកឧកញ៉ា គួចម៉េងលី និងក្រុមហ៊ុនអ្នកឧកញ៉ា គិត ម៉េងចូលមកផ្សារមូលបត្រកម្ពុជាមកបាន ធ្វើឱ្យទីផ្សារយើងមានភាពគគ្រឹង គគ្រេងខ្លំាងជាងមុន ហើយចំណុចល្អដែលធ្វើឱ្យភាគហ៊ុនទំាងពីរនេះមានអ្នកចូលរួមវិនិយោគខ្លំាងនេះដោយសារតែជាក្រុមហ៊ុនធំល្បីហើយមានកេរ្តិ៍ឈ្មោះបោះសម្លេងហើយប្រជាពលរដ្ឋស្គាល់ច្បាស់ អីចឹងទៅធ្វើឱ្យពួកគាត់កាន់តែចាប់អារម្មណ៍ចង់ចូលរួមវិនិយោគជាមួយក្រុមហ៊ុនទំាងពីរ។លើសពីនេះក្រុមហ៊ុនទំាងពីរនៅពេលគាត់ធ្វើIPOមានអ្នកចូលរួមទិញសុទ្ធតែជាឯកបុគ្គលឬវិនិយោគិនរាយនេះមានការជួញដូរប្រចំាថ្ងៃច្រើនជាងIPOមុនៗដែលមានអ្នកទិញជាប្រភេទក្រុមហ៊ុនហើយមិនមានការជួញដូរប្រចំាថ្ងៃ»៕ អត្ថបទ៖សារេត

The post ភាគហ៊ុនរបស់ក្រុមហ៊ុនអ្នកឧកញ៉ា២រូបកំពុងធ្វើការជួញដូរយ៉ាងគគ្រឹងគគ្រេងនៅលើទីផ្សារមូលបត្រកម្ពុជា appeared first on .

នៅក្នុងនោះ លោក ហុង សុខហួរ បានឱ្យដឹងថា «បច្ចុប្បន្ននេះ មានអ្នកមានធនធានបានកប់ថវិកាទៅលើវិស័យអចលនទ្រព្យច្រើនណាស់ បើដកតែ ៣ ទៅ ៤ភាគរយ ពីការវិនិយោគពីវិស័យអចលនទ្រព្យក៏បាន»។ ការណ៍នេះ លោកចង់មានន័យថា បើអ្នកមានធនធាន ចូលរួមវិនិយោគក្នុងផ្សារមូលបត្រកម្ពុជា ដែលកាត់បន្ថយការវិនិយោគទៅលើវិស័យអចលនទ្រព្យ ដើម្បីឱ្យការជួញដូរប្រចាំថ្ងៃកើនដល់ ១០០លានដុល្លារអាមេរិក នៅឆ្នាំ២០៣០។

បើតាម អគ្គនាយកផ្សារមូលបត្រកម្ពុជា បានឱ្យដឹងទៀតថា ទំហំនៃការជួយដូរក្នុងផ្សារមូលបត្រប្រចាំថ្ងៃនៅកម្ពុជាជាមធ្យម ក្នុងឆ្នាំ២០២២ បានកើនឡើងដល់ជាង ៥០០,០០០ ដុល្លារអាម៉េរិក នៅមានកម្រិតទាបខ្លាំងបើធៀបនឹងស្រុកគេ ពោលបើធៀបនឹងប្រទេសថៃ មានទំហំជិត ២,០០០លានដុល្លារឯណោះ។

លោក ហុង សុខហួរ បានបន្តថា បច្ចុប្បន្នផ្សារមូលបត្រកម្ពុជា មានវិនិយោគិនប្រមាណ ៣៨,០០០នាក់(ឬគណនី) ត្រូវបានបើក ហើយលោករំពឹងថា នឹងកើនដល់ ៥០,០០០ គណនី នៅចុងឆ្នាំ២០២៣នេះ។

គួរឱ្យដឹងថា បច្ចុប្បន្នផ្សារមូលបត្រកម្ពុជា មានក្រុមហ៊ុនចុះបញ្ជីចំនួន១៨ ក្រុមហ៊ុន ដោយក្រុមហ៊ុន ៩ បានចុះបញ្ជីជាភាគហ៊ុន និង៩ទៀត បានចុះបញ្ជីលក់សញ្ញាបណ្ណ។ ដែលក្រុមហ៊ុនទាំង១៨នេះ បានកៀរគរទុនពីទីផ្សារមូលបត្របានប្រមាណ ៣១៧លានដុល្លារអាម៉េរិក។នេះបើតាមការបញ្ជាក់បន្ថែម របស់អគ្គនាយកផ្សារមូលបត្រកម្ពុជា៕

The post អគ្គនាយកផ្សារមូលបត្រកម្ពុជា ជំរុញឲ្យអ្នកមានធនធានវិនិយោគក្នុងផ្សារមូលបត្រ appeared first on .

យោងតាមសេចក្តីជូនដំណឹងរបស់ផ.ម.ក. ដើម្បីអាចចុះបញ្ជី និងជួញដូរជាផ្លូវការនៅ មក ក្រុមហ៊ុនទាំងពីរត្រូវតែទទួលបានការអនុញ្ញាតឱ្យបោះផ្សាយលក់មូលបត្រជាសាធារណៈពីនិយ័តករមូលបត្រកម្ពុជា ( ន. ម.ក) និងត្រូវបំពេញនូវលក្ខខណ្ឌផ្សេងៗមួយចំនួនទៀតពាក់ព័ន្ធនឹងការចុះបញ្ជីនៅ ផមក។

បើតាមផ្សារមូលបត្រកម្ពុជាបញ្ជាក់ថា ក្រុមហ៊ុន ម៉េងលី ជេ. គួច អេឌៀខេអិន ( ម ក) ជាក្រុមហ៊ុនទីដប់ដែលទទួលបានការឯកភាពជាគោលការណ៍លើពាក្យស្នើសុំពិនិត្យលទ្ធភាពអាចចុះបញ្ជីលក់មូលបត្រកម្មសិទ្ធិនៅ ផមក ។ក្រុមហ៊ុនត្រូវបានបង្កើតឡើងនៅក្នុងឆ្នាំ ២០១២ ដែលមានអាជីវកម្មចម្បងក្នុងវិស័យអប់រំ។

ដោយឡែក ក្រុមហ៊ុន ហ្គ្រីន សីសែនណេបិលវេនល័រ (ខេមបូឌា) ឯ.ក ជាក្រុមហ៊ុនទីដប់ដែលទទួលបានការឯកភាពជាគោលការណ៍លើពាក្យស្នើសុំពិនិត្យលទ្ធភាពអាចចុះបញ្ជីលក់មូលបត្របំណុល និងជាក្រុមហ៊ុនទីពីរដែលគ្រោងធ្វើការបោះផ្សាយលក់សមរកើត ក្រុមហ៊ុនត្រូវបានបង្កើតឡើងតាំងពីឆ្នាំ ២០១៩ ជាមួយនឹងអាជីវកម្មចម្បងក្នុងការផលិតអគ្គិសនីដើរដោយថាមពលព្រះអាទិត្យកម្លាំង ២០មេហ្គាវ៉ាត់ និងមានទីតាំងនៅខេត្តស្វាយរៀង៕ អត្ថបទ៖សារេត

The post ផ្សារមូលបត្រកម្ពុជា ឯកភាពលើពាក្យស្នើសុំពិនិត្យលទ្ធភាពចុះបញ្ជីលក់មូលបត្ររបស់ក្រុមហ៊ុនចំនួន២ appeared first on .

ការលើកឡើងយ៉ាងដូច្នេះរបស់លោកអគ្គនាយក ធ្វើ​ឡើង​ក្នុង​ពិធី​ចុះហត្ថាលេខា​លើ​អនុស្សរណៈ​នៃ​ការ​យោគ​យល់គ្នារវាង ក្រុមហ៊ុន ខេមបូឌា ស៊ីឃ្យួរឹធី ម.ក និងក្រុមហ៊ុន អេស៊ីលីដា ស៊ីឃ្យួរឹធី ភីអិលស៊ី នា​ពេល​ថ្មីៗនេះ។

លោក ហុង សុហួរ ប្រតិភូរាជរដ្ឋាភិបាលទទួលបន្ទុក ជាអគ្គនាយកក្រុមហ៊ុនផ្សារមូលបត្រកម្ពុជា (CSX) បានបង្ហាញឱ្យដឹងថា ទំហំជួញដូរ ក្នុងរយៈពេល៣ឆ្នាំចុងក្រោយ បានបង្ហាញសញ្ញញដ៏ល្អប្រសើរ ​ដែល​បាន​កើនឡើងទ្វេមួយជាពីរ ជារៀងរាល់ឆ្នាំ។ CSX នឹងខិតខំធ្វើការងារ ដើម្បី​ជំរុញ​ទំហំ​ជួញ​ដូរឱ្យ​បាន​កើន​ឡើងទ្វេមួយជាពីររៀងរាល់ឆ្នាំរហូតឆ្នាំ២០៣០ ដែលលោករំពឹងថា នៅ៧ឆ្នាំក្រោយការជួញដូរ នឹង​ឈាន​ដល់​១០០លានដុល្លារ។

​លោកបន្តថា នាពេលថ្មីៗនេះ ក្រុមហ៊ុនធំៗរបស់ឧកញ៉ាល្បីៗមួយចំនួននៅកម្ពុជា ក៏បាន​ត្រៀម​ខ្លួនឈាន​ជើងចូលក្នុងទីផ្សារផងដែរ ​ព្រមជាមួយនឹងការចាប់អារម្មណ៍ពីក្រុមហ៊ុន ដែលមានភាគហ៊ុនពីបរទេស។ ជាមួយគ្នា វិស័យមូលបត្រកម្ពុជាបាននិងបង្កើត ​ផលិតផលថ្មីៗដូចជាមូលនិធិវិនិយោគ ក្នុង​វិស័យ​អចលន​ទ្រព្យ ដែលគ្រោងនឹងដាក់ដំណើរការក្នុងទីផ្សារនៅឆ្នាំ២០២៣ខាងមុខ​។ តាមរយៈកំណើននៃការចុះបញ្ជីរបស់ក្រុមហ៊ុន និងផលិតផលថ្មីនេះ នឹង​ទាក់ទាញ​បានវិនិយោគគិន​កាន់​តែ​ច្រើនឱ្យចូលមកជួញដូរមូលបត្រនៅក្នុងទីផ្សារ កាន់តែទូលាយ​។

គួរបញ្ជាក់ថា បើតាមអគ្គនាយក CSX រូបនេះ ១០ខែដំបូង ក្នុងឆ្នាំ២០២២នេះ ទំហំ​ជួញ​ដូរភាគហ៊ុន​ប្រចាំ​ថ្ងៃមានជាង ៥០ម៉ឺនដុល្លារ ក្នុងនោះ​ការជួញដូរដោយវិនិយោគិនជាជនខ្មែរ មានចំនួនប្រមាណ៧៦% និង​វិនិយោគិន​បរទេសចំនួន២៤%។

​បច្ចុប្បន្នផ្សារមូលបត្រកម្ពុជា មានក្រុមហ៊ុនចុះបញ្ជី​ចំនួន ១៦ ក្រុមហ៊ុន ក្នុង​នោះ​មានក្រុម​ហ៊ុនចុះ​បញ្ជី​ផ្នែក​មូល

បត្រកម្មសិទ្ធិចំនួន ៩ ក្រុមហ៊ុន និងក្រុមហ៊ុនចុះបញ្ជី​បំណុលចំនួន ៧ ក្រុមហ៊ុន៕

The post អគ្គនាយ CSX៖ ត្រឹម១០ខែឆ្នាំនេះ ទំហំជួញដូរភាគហ៊ុនប្រចាំថ្ងៃមានជាង ៥០ម៉ឺនដុល្លារ appeared first on .

និយ័តករមូលបត្រកម្ពុជា បានបញ្ជាក់នៅថ្ងៃទី១៦ ខែវិច្ឆិកា ឆ្នាំ២០២២ថា នាពេលថ្មីនេះ កាលពីថ្មីៗនេះ មាន​​ជនឆ្លៀតឱកាស បានបង្កើតឱ្យមានគ្រុបតេលេក្រាម មួយឈ្មោះថា «CSX Khmer» ដែល​បាន​ប្រើ​ប្រាស់ឈ្មោះ និងរូបភាពអត្តសញ្ញាណក្លែងបន្លំធ្វើជា ផ្សារមូលបត្រកម្ពុជា​ ដោយគ្មានការអនុញ្ញាត ព្រម​ទាំង​បានផ្សព្វផ្សាយពីការវិនិយោគ ក្នុងវិស័យគ្រីបតូ (Crytorurrency) តាម​រយៈ​ការប្រមូល​សមាជិក​ជាច្រើន ដើម្បីធ្វើការឆបោក ដោយប្រមែប្រមូលដើមទុនជាសាច់ប្រាក់ មកវិនិយោគទៅក្នុងទីផ្សារគ្រីបតូ និងបានសន្យាថានឹងទទួលបានដើមទុន និងប្រាក់ចំំណេញក្នុងរយៈពេលដ៏ឆាប់រហ័ស។

ផ្សារមូលបត្រកម្ពុជា បានបញ្ជាក់យ៉ាងដូច្នេះថា«សូមបដិសេធចំពោះការផ្សព្វផ្សាយនេះ និង​អះ​អាង​ជាផ្លូវការថា គ្រុបតេលេក្រាមដែលមានឈ្មោះថា «CSX Khmer» មិនស្ថិតនៅក្រោមកម្មសិទ្ធិរបស់ ផ្សារ​មូលបត្រកម្ពុជានោះទេ។ សូមអតិថិជន និងសាធារណជន មេត្តាប្រុងប្រយ័ត្នរាល់ប្រតិបត្តិការ និង​សកម្មភាព​ទាំងអស់នេះ ចៀសវាងធ្លាក់ចុះក្នុងការបោកបញ្ឆោតអូសទាញវិនិយោគ ឬ​ជួញ​ដូរ​ឧបករណ៍​ហិរញ្ញវត្ថុដែលមិនមានសុវត្ថិភាព និងអាចនាំឱ្យមានការខាតបង់រាល់ទ្រព្យសម្បត្តិ​»។

គួរបញ្ជាក់ដែរថា បើតាមនិយ័តករមូលបត្រកម្ពុជាឱ្យដឹងដែរថា នាពេលថ្មីនេះ មានអង្គការ សមាគម ក្រុមហ៊ុន និងបុគ្គលមួយចំនួន បាននិងបន្តផ្សព្វផ្សាយ តាមប្រព័ន្ធអនឡាញ បណ្តាញសង្គមហ្វេសប៊ុក និងក្នុងក្រុមតេឡេក្រាម ដើម្បីកៀរគរសាធារណជន ឱ្យចូលជាសមាជិក ឬដាក់ប្រាក់ វិនិយោគដោយផ្ទាល់ ឬតាមរយៈគណនីធនាគារ នៅក្នុងគម្រោងនានា ឬគម្រោងវិនិយោគផ្សេងៗ ដោយ​សន្យា​ផ្តល់​មក​វិញ​ជា​ផលតបស្នង ឬប្រាក់ចំណេញប្រចាំខែខ្ពស់ខុសពីធម្មតា។

សេចក្តីជូនដំណឹងនេះបន្ថែមថា គម្រោងប្រភេទនេះនឹងដួលរលំក្នុងរយៈពេលដ៏ខ្លី ថ្វីត្បិតអ្នកដាក់ប្រាក់មុន បានទទួលប្រាក់ចំណូលមកក៍ពិតមែន ប៉ុន្តែអ្នកដាក់ប្រាក់បន្តក្រោយៗនឹងរងការខាតបង់ទាំងស្រុង។ ដូចនេះ ក្នុងទិសដៅការពារទ្រព្យសម្បត្តិ និងផលប្រយោជន៍សាធារណជន ជាពិសេសដើម្បីចៀសវាង ពី​ការ​បោកប្រាស់របស់ជនខិលខូចក្រោមរូបភាពណាមួយ ហើយធ្វើឱ្យប៉ះពាល់ដល់ទំនុកចិត្ត របស់​សាធារណ​ជន លើអាជីវកម្មគម្រោងវិនិយោគរួម ដែលជាប្រភេទមួយនៃមូលបត្រ ដែល​នឹង​ដាក់​ឱ្យ​បោះ​ផ្សាយ​ ក្នុងពេលខាងមុខនេះ។

ហេតុនេះ និយ័តករមូលបត្រកម្ពុជា សូមអំពាវនាវឱ្យសាធារណជនទាំងអស់ មានការប្រុងប្រយ័ត្នខ្ពស់បំផុត ក្នុងការដាក់ប្រាក់ជាមួយគម្រោងណាមួយ ដែលអាចឈានទៅដល់ការឆបោក ឬជាអាជីវកម្មគម្រោងវិនិយោគរួម ដោយខុសច្បាប់ ខណៈនិយ័តករមូលបត្រកម្ពុជា ក៏កំពុងសហការជាមួយអាជ្ញាធរពាក់ព័ន្ធ ដើម្បីចាត់វិធានការផ្លូវច្បាប់ ទៅលើក្រុមជនទាំងនោះផងដែរ៕

The post គ្រុបតេលេក្រាមឈ្មោះថា «CSX Khmer» មិនស្ថិតនៅក្រោមកម្មសិទ្ធិរបស់ផ្សារមូលបត្រកម្ពុជានោះទេ appeared first on .