ក្រសួងសុខាភិបាលសាធារណៈរបស់ប្រទេសថៃ បានកោះប្រជុំបន្ទាន់មួយតាមអ៊ីនធើណិត នៅថ្ងៃទី២៥ ខែវិច្ឆិកា ដើម្បីវាយតម្លៃពីផលប៉ះពាល់កាន់តែធ្ងន់ធ្ងរឡើងៗ នៃគ្រោះទឹកជំនន់ ព្យុះ និងការរអិលបាក់ដី នៅក្នុងខេត្តភាគខាងត្បូងនៃប្រទេសនេះ ដោយសារតែមន្ទីរពេទ្យ Hat Yai ក្នុងខេត្តសុងក្លា ត្រូវបានព្រមានថា ស្ថិតក្នុងស្ថានភាពធ្ងន់ធ្ងរ ខណៈពេលដែលអុកស៊ីសែនបម្រុងសម្រាប់អ្នកជំងឺ កាន់តែជិតអស់ហើយ។

គួរឲ្យដឹងថា ស្ថានភាពទឹកជំនន់នៅក្នុងស្រុក Hat Yai ត្រូវបានចាត់ទុកថាជាស្ថានភាពគួរឱ្យព្រួយបារម្ភបំផុត នៅក្នុងខេត្តសុងក្លា។ ហើយក្នុងនោះ មន្ទីរពេទ្យ Hat Yai នៅថ្ងៃទី២៤ ខែវិច្ឆិកា បានប្រកាសជាបន្ទាន់នៅលើបណ្តាញសង្គមហ្វេសប៊ុករបស់ខ្លួនថា ទឹកជំនន់បានហូរចូលបរិវេណពេទ្យ នឹងបានណែនាំឲ្យមនុស្សប្តូរទៅពិនិត្យកន្លែងផ្សេង ដើម្បីកាត់បន្ថយបន្ទុក និងធានាសុវត្ថិភាព។

ទន្ទឹមនឹងនេះ អភិបាលខេត្តសុងក្លា លោក Ratthasart Chidchoo បានប្រកាសពីគ្រោះមហន្តរាយនៅក្នុងស្រុកទាំង ១៦ ខណៈពេលដែលទឹកជំនន់ ក៏បានបង្កការបំផ្លិចបំផ្លាញនៅក្នុងខេត្តNarathiwat ដោយមានស្រុកចំនួនប្រាំបួន និងមនុស្សជិត ១៥៤ ០០០ នាក់រងផលប៉ះពាល់ ផងដែរ៕

The post មន្ទីរពេទ្យថៃ ស្រែករកជំនួយ ក្រោយកង្វះអុកស៊ីសែនដោយសារគ្រោះទឹកជំនន់ appeared first on .

លោក Sugunyanee Yavinchan ប្រធាននាយកដ្ឋានឧតុនិយម និងជលសាស្ត្រថៃ បាននិយាយថា ឥទ្ធិពលព្យុះ Matmo នឹងបន្តបណ្តាលឲ្យមានភ្លៀងធ្លាក់ខ្លាំងនៅភាគខាងជើង ឦសាន និងខាងកើតនៃប្រទេស ចាប់ពីថ្ងៃទី៧ ខែតុលា។

នាយកដ្ឋានបង្ការ និងកាត់បន្ថយគ្រោះមហន្តរាយថៃ បានប៉ាន់ប្រមាណនៅថ្ងៃតែមួយថា មនុស្សប្រហែល ៣៧ម៉ឺននាក់ក្នុងខេត្តចំនួន ១៩ បានរងផលប៉ះពាល់ដោយទឹកជំនន់ ដោយក្នុងនោះខេត្ត Uttaradit និងអយុធ្យា ជាតំបន់រងគ្រោះខ្លាំងជាងគេ។ យោងតាមអាជ្ញាធរថៃ ទឹកជំនន់បានសម្លាប់មនុស្សយ៉ាងតិច ២២នាក់។

ទន្ទឹមនឹងនេះ ទំនប់​នៅ​តាម​ដង​ទន្លេ Chao Phraya ក៏កំពុងប្រឈមមុខខ្លាំងទៅនឹង​ទឹកជំនន់​។ ជាពិសេសកម្មករក្នុងទីក្រុងបាងកកក៏កំពុងដាក់ពង្រាយថង់ខ្សាច់ដើម្បីការពារទឹកជំនន់កុំឲ្យប៉ះពាល់ដល់គ្រួសារចំនួន ៣២០ នៅក្នុងតំបន់ចំនួន ១១ ដែលគ្មានទំនប់៕

The post យ៉ាងហោចណាស់មនុស្ស ២២ នាក់បាត់បង់ជីវិត ដោយសារគ្រោះទឹកជំនន់នៅថៃ appeared first on .

ជុំវិញការព្រមាននេះ ត្រូវបានដាក់ចេញសម្រាប់តំបន់មួយចំនួននៅក្នុងខេត្តឈៀងរ៉ៃ ដូចជា Huai Chomphu, Mae Yao, Doi Hang, Wiang, Rim Kok និងសាលាក្រុងឈៀងរ៉ៃ ដើម្បីផ្លាស់ទីទៅកាន់ទីទួលសុវត្ថិភាព។

កាលពីថ្ងៃទី២៩ ខែកក្កដា កម្ពស់ទឹកទន្លេ Kok ក្នុងខេត្តឈៀងរ៉ៃ នៅតែមានការព្រួយបារម្ភខ្លាំង ដោយសារកម្រិតបានកើនឡើងជាបន្តបន្ទាប់។ តាមការវាស់កម្រិតទឹកនៅស្ពាន Pho Khun Mengrai ក្នុងក្រុង Mae Yao បានបង្ហាញពីកម្រិតប្រកាសអាសន្ន ៦,០៣ ម៉ែត្រ និងបន្តកើនឡើងក្នុងអត្រាពី ៥ ទៅ ៨ សង់ទីម៉ែត្រ ក្នុងមួយម៉ោង។

យ៉ាងណាមិញ​ អាជ្ញាធរបានប្រាប់ប្រជាជនរស់នៅក្បែរមាត់ទន្លេ ឲ្យមានការតាមដានកម្រិតទឹកដោយយកចិត្តទុកដាក់ខ្ពស់ ស្របពេលគ្រួសារជាច្រើន បានចាប់ផ្តើមផ្លាស់ប្តូរទៅកាន់ទីទួលខ្ពស់រួចរាល់ហើយ។

ជម្រាបជូនផងដែរថា​ ក្នុងរយ:ពេលប៉ុន្មានថ្ងៃមកនេះ ប្រទេសថៃ​ ប្រឈមមុខទៅនឹងបញ្ហាអាកាសធាតុធ្ងន់ធ្ងរ ដោយសារតែភ្លៀងធ្លាក់ខ្លាំង បង្កជាទឹកជំនន់ ដោយប៉ះពាល់ទៅលើខេត្តជាច្រើន ក្នុងនោះរួមមាន Chiang Mai, Chiang Rai, Nan, Nakhon Phanom, Bungkan, Chanthaburi និង Trat ជាដើម៕​

The post ខេត្តឈៀងរ៉ៃប្រទេសថៃ​ កំពុងវាយប្រហារដោយគ្រោះទឹកជំនន់ធ្ងន់ធ្ងរ appeared first on .

លោក Sermsak បានបញ្ជាក់កាលពីថ្ងៃព្រហស្បតិ៍ ទី២៩ ខែសីហា ថាក្រសួងកំពុងតាមដានស្ថានភាពគ្រោះទឹកជំនន់នៅតំបន់ជាច្រើន ជាពិសេសខេត្តឈៀងរ៉ៃ ផាយ៉ាវ ណាន ប្រា សុខោថៃ និងអ៊ូតារ៉ាឌីត ។

រដ្ឋមន្ត្រីរូបនេះ ក៏បានបន្ថែមឲ្យដឹងទៀតថា ដោយសារតែគ្រោះទឹកជំនន់យ៉ាងធ្ងន់ធ្ងរ បានកាត់បន្ថយចំនួនភ្ញៀវទេសចរជាង ៥៧ ​០០០ នាក់ ដែលនាំឲ្យការចំណាយលើទេសចរណ៍ធ្លាក់ចុះប្រហែល ៥,៨លានដុល្លារ។

ទន្ទឹមនឹងនេះ ជីវភាព​របស់​ប្រជាជនដែលបម្រើការក្នុងវិស័យ​ទេសចរណ៍​ចំនួន ៦២៨ នាក់ ​ក៏​បាន​រង​ផល​ប៉ះពាល់​ផង​ដែរ ខណ:ទឹកជំនន់ និង​ការ​បាក់​ដី​ បាន​ធ្វើ​ឲ្យតំបន់​ទេសចរណ៍​មួយ​ចំនួន​ត្រូវ​បិទ​ជា​បណ្ដោះអាសន្ន។

ជុំវិញបញ្ហានេះ លោក Sermsak បាននិយាយថា ក្រសួង និងអាជ្ញាធរទេសចរណ៍របស់ប្រទេសថៃ បាននិងកំពុងរៀបចំផែនការស្តារទេសចរណ៍ នៅក្នុងខេត្តដែលរងផលប៉ះពាល់ដោយទឹកជំនន់ឡើងវិញហើយ ដោយយុទ្ធសាស្ត្រទាំងនោះ រួមមានការផ្តល់សិទ្ធិពិសេសដោយក្រុមហ៊ុនអាកាសចរណ៍ សណ្ឋាគារ និងភោជនីយដ្ឋានដែលចូលរួម រួមជាមួយនឹងយុទ្ធនាការផ្សព្វផ្សាយទេសចរណ៍ផ្សេងទៀត ដើម្បីទាក់ទាញភ្ញៀវទេសចរឲ្យមកកាន់តំបន់ដែលរងផលប៉ះពាល់ទាំងនោះវិញ៕

The post ថៃ ខាតបង់លុយជិត ១៥លានដុល្លារ ដោយសារគ្រោះទឹកជំនន់នៅខាងភាគជើងប្រទេស appeared first on .

ខេត្ត Hebei បានជួបប្រទះនូវគ្រោះទឹកជំនន់ដ៏អាក្រក់បំផុត មិនធ្លាប់មាន កាលពីដើមខែនេះ បន្ទាប់ពីរងឥទ្ធិពលដោយសារតែព្យុះទីហ្វុង Doksuri ដែលបានវាយលុកនៅតំបន់ភាគខាងជើងប្រទេសចិន ហើយបានបណ្តាលឱ្យមនុស្សយ៉ាងហោចណាស់ ២៩ នាក់ បាត់បង់ជីវិត និងខាតបង់ថវិកាសរុបអស់ ៩៥,៨ពាន់លានយ៉ន់ (១៣,៣ពាន់លានដុល្លារ) ផងដែរ ។

យ៉ាងណាមិញ មន្ត្រីខេត្តនេះ បាននិយាយថា ស្ទើតែ ៥% នៃអ្នកស្រុកចំនួន ៧៤,២ លាននាក់ នៅ Hebei ត្រូវបានរងផលប៉ះពាល់ដោយទឹកជំនន់ ជាមួយនឹងផ្ទះជាង ៤០ ០០០ ខ្នង ត្រូវបានបំផ្លាញទាំងស្រុង ខណ: ១៥៥ ០០០ ខ្នងផ្សេងទៀត បានរងការខូតខាតយ៉ាងធ្ងន់ធ្ងរ។

ជុំវិញបញ្ហានេះ បើតាមទូរទស្សន៍កណ្តាលចិន CCTV បាននិយាយថា រដ្ឋាភិបាល បានត្រៀមថវិកាសរុបចំនួន ៧,៧៤ពាន់លានយ៉ន់ (១,០៧ពាន់លានដុល្លារ) សម្រាប់មូលនិធិសង្គ្រោះបន្ទាន់ លើគ្រោះមហន្តរាយ នៅតំបន់ដែលរងគ្រោះដោយទឹកជំនន់ខ្លាំង រួមទាំងទីក្រុងប៉េកាំង, Tianjin , Hebei , Heilongjiang និង Jilin ផងដែរ ៕

The post ខេត្តធំមួយនៅចិន អាចប្រើពេលដល់ពីរឆ្នាំ ដើម្បីកសាងឡើងវិញ ក្រោយរងគ្រោះដោយទឹកជំនន់ appeared first on .

តាមរយៈការព្យាករអាកសាធាតុលើកទី១ សម្រាប់រដូវប្រាំង ឆ្នាំ២០២១-២០២២ និងដើមរដូវវស្សា ឆ្នាំ២០២២នេះ ក្រសួងធនធានទឹក បានបង្ហាញថា ចាប់ពីខែកុម្ភៈ ដល់ខែឧសភា ឆ្នាំ២០២២នេះ នៅកម្ពុជាបន្តទទួលរងនូវឥទ្ធិពលបាតុភូតឡានីណា ប្រមាណ ៨៥% និងថយចុះសន្សឹមៗឆ្ពោះទៅបាតុភូត Neutral ដែលជាបាតុភូតនៅចន្លោះរវាងអែលនីណូ ប្រភេទក្តៅ និងឡានីណា ប្រភេទត្រជាក់ ប្រមាណ ៧០%វិញ ព្រមជាមួយគ្នានឹងបាតុភូត អែលនីណូ មានប្រមាណ ១០%។ 

បើតាមក្រសួងធនធានទឹក សម្រាប់រដូវប្រាំង សីតុណ្ហភាពអាចទាបជាងធម្យមភាគច្រើនឆ្នាំ ខណៈខែកុម្ភៈនេះ តាមបណ្តាខេត្តតំបន់ទំនាបកណ្តាល សីតុណ្ហភាពអប្បបរមា នឹងអាចស្ថិតនៅក្នុងរង្វង់ពី ២១-២៤អង្សាសេ។ ដោយឡែក នៅតំបន់ខ្ពង់រាប និងតំបន់ជួរភ្នំ សីតុណ្ហភាពអប្បបរមា នឹងអាចស្ថិតនៅក្នុងរង្វង់ពី ១៨-២១អង្សាសេ ហើយតំបន់មាត់សមុទ្រសីតុណ្ហភាពអប្បបរមានឹងអាចស្ថិតក្នុងរង្វង់ពី ២០-២៣អង្សាសេ។

ទន្ទឹមនឹងនោះ ចាប់ពីខែមេសាដល់ខែឧសភា ធាតុអាកាសនឹងកើនកម្តៅជាបន្តបន្ទាប់។ ក្នុងនោះ តាមបណ្តាខេត្តតំបន់ទំនាបកណ្តាល សីតុណ្ហភាពអប្បបរមា នឹងអាចស្ថិតនៅក្នុងរង្វង់ពី ៣៥-៣៨អង្សាសេ និងនៅតំបន់ខ្ពង់រាប និងតំបន់ជួរភ្នំ សីតុណ្ហភាពអប្បបរមា នឹងអាចស្ថិតនៅក្នុងរង្វង់ពី ៣៤-៣៧អង្សាសេ  ដោយឡែក តំបន់មាត់សមុទ្រសីតុណ្ហភាពអប្បបរមានឹងអាចស្ថិតក្នុងរង្វង់ពី ៣២-៣៥ អង្សាសេ។

ជាមួយគ្នានេះដែរ ក្នុងខែមេសា និងខែឧសភា កម្រិតសីតុណ្ហភាពអតិបរមាអាចនឹងកើនឡើងខ្ពស់បំផុតក្នុងរង្វង់ពី ៣៧-៣៩អង្សាសេ។

បន្ថែមលើនេះ តាមការព្យាករបរិមាណទឹកភ្លៀង អាចនឹងមានកម្រិតខ្ពស់ជាងមធ្យមភាគច្រើនឆ្នាំ និងច្រើនជាងឆ្នាំ២០២១ ដោយចាប់ពីខែកុម្ភៈនេះ រហូតដល់ដើមខែឧសភា អាចនឹងមានភ្លៀងកក់ខែពីមធ្យមទៅច្រើន។ ទន្ទឹមនឹងនោះក៏មានការកើតឡើងនូវបាតុភូតផ្គរ រន្ទះ និងខ្យល់កន្ត្រាក់ច្រើនផងដែរ។

យ៉ាងណា សម្រាប់ដើមរដូវវស្សាខាងមុខនេះ នៅតំបន់វាលទំនាប និងតំបន់មាត់សមុទ្រ អាចនឹងចាប់ផ្តើមនៅសប្តាហ៍ទី ១ នៃខែឧសភា និងតំបន់ខ្ពង់រាប អាចនឹងចាប់ផ្តើមនៅសប្តាហ៍ទី ២ នៃឧសភា៕

The post ក្រសួងធនធានទឹក ស្នើឲ្យប្រជាពលរដ្ឋប្រើប្រាស់ទឹកចេះសន្សំសំចៃផង appeared first on .

នៅលើផេកហ្វេសប៊ុកផ្លូវការរបស់ក្រសួង បានបញ្ជាក់យ៉ាងដូច្នេះថា ស្ថានភាពទឹកនៅទំនប់អាងទឹកចំការតែ (គីរីរម្យ) បានបើកទ្វារទឹក(១=០,៥០ម៉ែត្រ) ឃុំចំបក់ និងទំនប់អាងទឹកពាមពូល ទឹកមានកម្ពស់ ២,៤០ ម៉ែត្រ ទឹកហូរលើទំនប់បង្ហៀរកម្ពស់ ០,៤៣ម៉ែត្រ (ទំនប់បង្ហៀរប្រវែង ៦០ ម៉ែត្រ) និងបើកទ្វារទឹកចំនួន ៥ទ្វារ/ ៨ទ្វារ ស្ថិតឃុំក្រាំងដឺវ៉ាយ ស្រុកភ្នំស្រួច។

គួររំឮកផងដែរថា តាមការជូនដំណឹងស្ដីពីអាកាសធាតុរបស់ក្រសួងធនធានទឹក និងឧតុនិយម កាលពីពេលថ្មីៗនេះ បានបញ្ជាក់ថា ចាប់ពីថ្ងៃទី ២០ ដល់ថ្ងៃទី ២៣ ខែកញ្ញា ឆ្នាំ ២០២១ ប្រទេសកម្ពុជានឹងទទួលរងឥទ្ធិពលជ្រលងសម្ពាធទាបឥណ្ឌា និងខ្យល់មូសុងនិរតី។ កត្តាទាំងអស់នេះ នឹងបណ្ដាលឱ្យខេត្តនៅតាមតំបន់វាលទំនាបចំនួន ៦ អាចនឹងទទួលរងនូវជំនន់ទឹកភ្លៀងផងដែរ។ អាស្រ័យហេតុនេះ សូមបងប្អូនប្រជាពលរដ្ឋបង្កើនការប្រុងប្រយ័ត្នឱ្យខ្ពស់បំផុត!

The post ក្រសួងសម្រេចបើកទ្វារទឹកធំៗ៣កន្លែងក្នុងខេត្តកំពង់ស្ពឺ ក្នុងនោះក៏មានអាងទឹកចំការតែគីរីរម្យដែរ appeared first on .

សូមបញ្ជាក់ថា ក្នុងភូមិសាស្រ្តខេត្តពោធិ៍សាត់ បានទទួលរងគ្រោះនូវជំនន់ទឹកភ្លៀង ដែលហូរធ្លាក់ពីស្រុកវាលវែង និងស្រុកភ្នំក្រវាញ បានធ្វើឱ្យប៉ះពាល់ប្រជាពលរដ្ឋចំនួន៦ក្រុង-ស្រុក ក្នុងនោះមានស្រុកវាលវែង ស្រុកភ្នំក្រវាញ ស្រុកបាកាន ស្រុកកណ្តៀង និងក្រុងពោធិ៍សាត់ ស្មើនឹង៣៤ឃុំ-សង្កាត់៕ 

The post ឧត្តមសេនីយ៍ឯក ហ៊ុន ម៉ាណែត តំណាងសម្ដេចតេជោ នាំអំណោយជូនប្រជាពលរដ្ឋរងគ្រោះដោយទឹកជំនន់ចំនួន ១៣០៤៧គ្រួសារ appeared first on .

សម្តេច​បាន​ប្រាប់​រដ្ឋមន្រ្តី​ទាំង​ ៤ រូប មាន​ឯកឧត្តម​ស៊ុន ចាន់​ថុល រដ្ឋមន្រ្តី​ក្រសួងសាធារណៈការ មាន​ក្រសួងសាធារណៈការ និងដឹកជញ្ជូន ឯកឧត្តម​អ៊ុក រ៉ាប៊ុន រដ្ឋមន្រ្តី​ក្រសួងអភិវឌ្ឍជនបទ ឯកឧត្តម​លឹម គានហោ រដ្ឋមន្រ្តី​ក្រសួងធនធានទឹក និងឧត្តុនិយម និង​ឯកឧត្តម​ វេង​ សាខុន រដ្ឋមន្រ្តី​ក្រសួងកសិកម្មរុក្ខាប្រមាញ់ និងនេសាទ ត្រូវ​ចាត់​កម្លាំង​ចុះ​ជួសជុល​ផ្លូវ ស្ពាន និង​ទំនប់ទឹក ដែល​ខូចខាត​ដោយ​ជំនន់​ទឹកភ្លៀង​។

​សម្តេច​តេ​ជោ ហ៊ុន សែន មាន​ប្រសាសន៍ណែនាំ​ថា ​សភាពការណ៍​មិនធម្មតា ត្រូវមាន​នីតិវិធី​ដោះស្រាយ​មិនធម្មតា​ដែរ មិនត្រូវ​រង់ចាំ​មន្ត្រី​ចុះ​ពិនិត្យ វាយតម្លៃ​អ្វី​នោះទេ គឺ​ត្រូវ​ចាត់​មន្ត្រី​ជំនាញ ចុះ​ជួសជុល​ផ្លូវ ស្ពាន ដែល​ខូច​ដោយ​ទឹកជំនន់​នោះភ្លាមៗ​ឡើងវិញ​។

សម្តេច​ថា ​​មាន​ថវិកា​ត្រៀម​បម្រុង ១៥០​លាន​ដុល្លារ ចឹង​​កុំ​ឲ្យ​ប្រជាពលរដ្ឋ​លំបាក​ពេល​ទឹក​ជំនន់​ផង និង​ពេលទឹកស្រកហើយ​ផង ​ត្រូវ​ការចាយ​ថវិកា​ប៉ុន្មាន ត្រូវ​ស្នើ​ទៅ​ក្រសួង​សេដ្ឋកិច្ច មាន​ខ្ទង់​ថវិកាបម្រុង​ដើម្បី​ដោះស្រាយ​ក្នុង​គ្រា​អាសន្ន៕ ​

The post ថវិកា ១៥០ លាន​ដុល្លារ ត្រៀម​​យក​ទៅ​ជួសជុល​ហេដ្ឋារចសម្ព័ន្ធ​ឡើង​វិញ ក្រោយ​ទឹកស្រក​ភ្លាម appeared first on .

លោកឧកញ៉ាបានថ្លែងថា៖ “សូមជួយ SHARE! នេះគឺជាពេលដែលយើងត្រូវសាមគ្គីរួមរួបគ្នាដើម្បីជួយពូមីងបងប្អូនយើងក្នុងស្មារតីអ្នកជាតិនិយមដែលស្នេហាជាតិ និងប្រជាជាតិ។ ព្រះអង្គ គូ សុភាព លោកនឹងអញ្ជើញជាធីបតីតំណាងអោយយើងទាំងអស់គ្នាដើម្បីចុះចែកអំណោយជំនួយរបស់ពូមីងបងប្អូនទាំងអស់គ្នា ពិតជាមហាកិត្តិយសណាស់សំរាប់រូបខ្ញុំបាទ”។

សូមបញ្ជាក់ថា បើបងប្អូនមានសទ្ធាចង់ចូលរួមអាចទំនាក់ទំនងនិងបរិច្ចាគតាមគណនីដូចខាងក្រោម៖
#ខ្មែរជួយខ្មែរ #សង្គមដែលគួរអោយរស់នៅគឺចាប់ផ្តើមពីយើងទាំងអស់គ្នាក្នុងន័យមនុស្សធម៍

ABA 001660000 Duong Chay 015688668

ផែនការ 20,000$ ប្រមូលបាន 45,165$។

The post លោកឧកញ៉ា ឌួង ឆាយ ចុះចែកអំណោយជូនបងប្អូនរងគ្រោះទឹកជំនន់ចំនួន ១២០០គ្រួសារ នៅខេត្តពោធិ៍សាត់ appeared first on .