ក្នុងកិច្ចជំនួបនោះ លោករដ្ឋមន្ត្រី បានស្វាគមន៍គណៈប្រតិភូធនាគារអភិវឌ្ឍន៍អាស៊ី(ADB) ដែលបានមក ពិភាក្សាការងារស្ដីពីអាទិភាពនៃការអភិវឌ្ឍវិស័យធនធានទឹកនៅកម្ពុជាទាំងក្នុងពេលបច្ចុប្បន្ន និងទៅអនាគត ហើយដែលដើរតួនាទីយ៉ាងសំខាន់ក្នុងការគាំទ្រដល់ការអភិវឌ្ឍសេដ្ឋកិច្ចជាតិលើគ្រប់វិស័យ និងការលើកកម្ពស់ជីវភាពរស់នៅរបស់ប្រជាពលរដ្ឋនៅតំបន់ជនបទ។

លោកបន្តថា ក្រសួងធនធានទឹក កំពុងបន្តការកសាងហេដ្ឋារចនាសម្ព័ន្ធធារាសាស្ត្រពេញលេញ និងការធ្វើទំនើបកម្មលើការគ្រប់គ្រងធនធានទឹក ដើម្បីគាំទ្រដល់ការកែទម្រង់របស់រាជរដ្ឋាភិបាល និងពង្រឹងការអភិវឌ្ឍវិស័យធនធានទឹក និងឧតុនិយមប្រកបដោយប្រសិទ្ធភាព និរន្តរភាព និងបរិយាបន្ន ព្រមទាំងការកសាងភាពធន់ទៅនឹងការប្រែប្រួលអាកាសធាតុ។

តាមរយៈជំនួបនោះ ភាគីទាំងពីរ បានពិភាក្សាអំពីអាទិភាពនៃការអភិវឌ្ឍវិស័យធនធានទឹកនិងបញ្ហាប្រឈមសំខាន់ៗ និងពិនិត្យមើលវឌ្ឍនភាពនៃគម្រោងកំពុងអនុវត្តដែលមានការគាំទ្រពីធនាគារអភិវឌ្ឍន៍អាស៊ីនិងជម្រើសនានាសម្រាប់ការកែលម្អប្រសិទ្ធភាពការងារ ព្រមទាំងធ្វើការផ្លាស់ប្តូរទស្សនៈ និងស្វែងរកឱកាស ដើម្បីពង្រឹង និងពង្រឹកកិច្ចសហប្រតិបត្តិការបន្ថែមទៀត រវាងក្រសួងធនធានទឹក និងឧតុនិយម និងធនាគារអភិវឌ្ឍន៍អាស៊ី(ADB)។

សូមជម្រាបថា បច្ចុប្បន្ន ធនាគារអភិវឌ្ឍន៍អាស៊ី(ADB) បានផ្តល់ហិរញ្ញប្បទានសម្រាប់គម្រោងយុទ្ធសាស្ត្រ ចំនួន ៤ ដើម្បីគាំទ្រដល់ការគ្រប់គ្រងធនធានទឹក និងការអភិវឌ្ឍហេដ្ឋារចនាសម្ព័ន្ធធារាសាស្ត្រនៅកម្ពុជា ក្នុងនោះគម្រោងចំនួន ៣ កំពុងស្ថិតក្នុងដំណាក់កាលអនុវត្តគឺគម្រោងខ្សែច្រវាក់ផលិតកម្មប្រកបដោយភាតរបរិស្ថាន(CFAVC) គម្រោងកែលម្អវិស័យធារាសាស្ត្រកសិកម្ម(IAIP) គម្រោងគ្រប់គ្រងធនធានទឹកចម្រុះ(IWRM) និងគម្រោងចំនួន ១ កំពុងស្ថិតក្នុងដំណាក់កាលរៀបចំគម្រោង ការសិក្សាសមិទ្ធិលទ្ធភាព និងការរៀបចំគំនូសប្លង់វិស្វកម្មលម្អិត គឺគម្រោងគ្រប់គ្រងធនធានទឹកចម្រុះជំហានពីរ(SIWRMP) ៕ អត្ថបទ៖ហ្សាលីន

The post បច្ចុប្បន្ន៖ ADB បានផ្តល់ហិរញ្ញប្បទានសម្រាប់គម្រោងយុទ្ធសាស្ត្រចំនួន ៤ ដើម្បីគាំទ្រលើវិស័យធនធានទឹកនៅកម្ពុជា appeared first on .

កិច្ចពិភាក្សានេះ ធ្វើឡើងនាព្រឹកថ្ងៃទី៦ ខែតុលា ឆ្នាំ២០២៦ ក្រោមវត្តមានលោក​ ឌិត​ ទីណា រដ្ឋមន្ត្រីក្រសួងកសិកម្ម​ រុក្ខាប្រមាញ់​ និងនេសាទ ជាមួយ លោកស្រី​ Stefania Dina នាយិកាទទួលបន្ទុកកសិកម្ម​ ស្បៀងអាហារ​ ធម្មជាតិ​ និងអភិវឌ្ឍន៍ជនបទ(AFNR)​ នៃធនាគារអភិវឌ្ឍន៍អាស៊ី(ADB) និងគណៈប្រតិភូអមដំណើរ។

ក្រសួងកសិកម្ម​ រុក្ខាប្រមាញ់​ និងនេសាទ បានបញ្ជាក់ថា នាឱកាសនៃជំនួបនោះ ភាគីទាំងពីរ បានផ្លាស់ប្តូរទស្សនៈ និងពិភាក្សាអំពីលទ្ធភាពនៃការពង្រឹងនិងពង្រីកកិច្ចសហប្រតិបត្តិការបន្ថែម តាមរយៈគម្រោងមានស្រាប់ និងគំនិតផ្តួចផ្តើមថ្មីៗ ស្របតាមអាទិភាពសំខាន់ៗសំដៅជំរុញអភិវឌ្ឍន៍ទំនេីបកម្មកសិកម្ម និងបង្ហាញពីការប្តេជ្ញាចិត្តក្នុងការជំរុញការតភ្ជាប់ខ្សែច្រវាក់ផលិតកម្ម​កសិកម្ម និងការលេីកកម្ពស់ជីវភាពប្រជាពលរដ្ឋ​។

សូមរម្លឹកដែរថា រាជរដ្ឋាភិបាលកម្ពុជា និងក្រសួងស្ថាប័នពាក់ព័ន្ធ បាននិងកំពុងជំរុញការតភ្ជាប់ខ្សែច្រវាក់ផលិតកម្មកសិកម្ម តាមរយៈការអនុវត្តកិច្ចសន្យាកសិកម្ម ការបង្កើតសហគមន៍កសិកម្មទំនើប និងការផ្តល់ការលើកទឹកចិត្តផ្នែកពន្ធដារ ដើម្បីបង្កើនតម្លៃបន្ថែម និងទីផ្សារកសិផល។វិធានការសំខាន់ៗក្នុងការជំរុញខ្សែច្រវាក់ផលិតកម្មកសិកម្មនេះ ក្នុងនោះមាន៖ កសិកម្មតាមកិច្ចសន្យា៖ ក្រុមហ៊ុនឯកជន សហគមន៍កសិកម្ម និងកសិករ ចាប់ដៃគូគ្នាធានាទាំងបរិមាណ គុណភាព និងទីផ្សារប្រមូលទិញច្បាស់លាស់។សហគមន៍កសិកម្មទំនើប៖ ប្រមូលផ្តុំកសិកររាយប៉ាយឱ្យមកជាបណ្តុំតែមួយ ដើម្បីងាយស្រួលទទួលបានបច្ចេកទេស ធាតុចូល និងដើមទុន។ ការលើកទឹកចិត្តពន្ធដារ និងវិនិយោគ៖ រដ្ឋបានដាក់ចេញនូវកញ្ចប់លើកទឹកចិត្តពន្ធដារ និងគាំទ្រទុន (ដូចជាតាមរយៈធនាគារអភិវឌ្ឍន៍ជនបទ និងកសិកម្ម – ARDB) ដើម្បីកាត់បន្ថយថ្លៃដើម និងពង្រីកឃ្លាំងស្តុក ឡសម្ងួត។និងវេទិកា និងពិព័រណ៍កសិកម្ម (CAFE26)៖ រៀបចំឡើងដើម្បីទាក់ទាញវិនិយោគិន និងជំរុញការកែច្នៃកសិ-ស្បៀងអាហារឆ្ពោះទៅទីផ្សារអន្តរជាតិ៕ អត្ថបទ៖ហ្សាលីន

The post ក្រសួងកសិកម្ម និង ADB ប្តេជ្ញាចិត្តក្នុងការជំរុញការតភ្ជាប់ខ្សែច្រវាក់ផលិតកម្ម​កសិកម្មនៅកម្ពុជា appeared first on .

គម្រោងបោះទុនវិនិយោគនេះ ត្រូវបានធ្វើឡើងតាមរយៈ គម្រោង ADB Frontier ដែលជាគំនិតផ្តួចផ្តើមមួយក្នុងការគាំទ្រ និងលើកកម្ពស់ដល់សហគ្រាសធុនតូច និងមធ្យម (SMEs) ណាដែលមានសក្តានុពលខ្ពស់ក្នុងការរីកចម្រើនលឿន។ទឹកប្រាក់វិនិយោគនេះ នឹងត្រូវបែងចែកទៅជួយសម្រាល និងពង្រីកសក្តានុពលរបស់ក្រុមហ៊ុនឆ្នើមចំនួនពីរ រួមមាន៖សហគ្រាស សេកពីរ គឺជាក្រុមហ៊ុនកែច្នៃអាហារកម្ពុជាដ៏លេចធ្លោ ដែលដឹកនាំដោយស្ត្រី។ក្រុមហ៊ុន Khmer Milky Food (KMF) គឺជាក្រុមហ៊ុនកែច្នៃទឹកដោះគោក្នុងស្រុក ដែលមានស្ត្រីជាសហកម្មសិទ្ធិ។

តាមរយៈការគាំទ្រផ្នែកហិរញ្ញវត្ថុពី ADB ក្រុមហ៊ុនកសិពាណិជ្ជកម្មទាំងពីរនេះ នឹងមានលទ្ធភាពកាន់តែទូលំទូលាយក្នុងការពង្រីកចង្វាក់ផលិតកម្មរបស់ខ្លួន ឱ្យកាន់តែធំជាងមុន ព្រមទាំងពង្រឹងខ្សែច្រវាក់តម្លៃក្នុងស្រុក ឱ្យកាន់តែរឹងមាំ និងឆ្លើយតបទៅនឹងតម្រូវការទីផ្សារ។ អ្វីដែលជាផលវិជ្ជមានដ៏ធំធេងសម្រាប់សង្គមជាតិ គឺការវិនិយោគនេះ នឹងជួយបង្កើតឱកាសការងារថ្មីៗជាច្រើន ដល់ប្រជាពលរដ្ឋកម្ពុជា ដែលជារុញច្រានមួយជួយលើកកម្ពស់សេដ្ឋកិច្ចគ្រួសារ និងសេដ្ឋកិច្ចជាតិទាំងមូលឱ្យមានភាពធន់ និងនិរន្តរភាព។

លោកស្រី Yasmin Siddiqi នាយិកា​ ADB ប្រចាំប្រទេសកម្ពុជា បានមានប្រសាសន៍ថា៖ «ការវិនិយោគលើសហគ្រាសដែលដឹកនាំដោយស្ត្រីអាចផ្តល់អត្ថប្រយោជន៍យ៉ាងច្រើនសម្រាប់សេដ្ឋកិច្ចកម្ពុជា។ តាម       រយៈការគាំទ្រ​ ដល់កំណើនរបស់សហគ្រាសទាំងនោះ ADB កំពុងពង្រឹងវិស័យកសិពាណិជ្ជកម្ម ឱ្យមានសមត្ថភាពប្រកួតប្រជែង និងភាពធន់កាន់តែខ្លាំង សំដៅបង្កើតឱកាសសម្រាប់ស្ត្រី កសិករ និងមនុស្សជំនាន់ក្រោយ។»

ជាមួយគ្នានេះ វិស័យផលិតម្ហូបអាហាររបស់កម្ពុជាកំពុងរីកចម្រើន ដោយមានអាជីវកម្មក្នុងស្រុកថ្មីៗផលិតផលិត ផល ដែលពីមុនពឹងផ្អែកលើការនាំចូល។ សហគ្រាស សេកពីរ គឺជាម៉ាកសញ្ញាផលិតផលកម្ពុជាដ៏លេចធ្លោមួយសម្រាប់ផលិតផលធ្វើពីម្សៅអង្ករ​ និង ជាសហគ្រាសដំបូងគេដែលផលិតមីធ្វើពីអង្ករ។ សហគ្រាស KMF​ ផលិត ឈីស និងយ៉ាអួ មានគុណភាព ពីទឹកដោះគោមានប្រភពក្នុងស្រុក ដោយផ្តល់នូវជម្រើសថ្មី ដែលមិនបន្ថែមសារធាតុរក្សាទុកទុកឲ្យបានយូរ។​ សហគ្រាសទាំងពីរ ប្រើវត្ថុធាតុដើមភាគច្រើនដែលមានប្រភពក្នុងប្រទេសកម្ពុជា ហើយកែច្នៃវាក្នុងស្រុកដែរ។

The post ធនាគារ ADB វិនិយោគទឹកប្រាក់ប្រមាណ ៦០ម៉ឺនដុល្លារ ជំរុញក្រុមហ៊ុនកសិពាណិជ្ជកម្មដឹកនាំដោយស្ត្រីពីរនៅកម្ពុជា appeared first on .

សិក្ខាសាលានេះបានប្រព្រឹត្តទៅនាព្រឹកថ្ងៃទី១៩ ខែសីហា ឆ្នាំ២០២៦ នៅសណ្ឋាគារ Rosewood Phnom Penh ក្រោមអធិបតីភាព លោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ព្រមទាំងមានការចូលរួមពី លោកស្រី យ៉ាស្មីន ស៊ីឌីគី (Yasmin Siddiqi) នាយិកា ADB ប្រចាំកម្ពុជា តំណាងរាជរដ្ឋាភិបាល អ្នកដឹកនាំវិស័យឧស្សាហកម្ម គ្រឹះស្ថានបណ្តុះបណ្តាល និងដៃគូអភិវឌ្ឍន៍ជាច្រើនរូប។

នៅក្នុងឱកាសនោះ លោករដ្ឋមន្រ្ដីបានថ្លែងអំណរគុណធនាគារអភិវឌ្ឍន៍អាស៊ី (ADB) ចំពោះភាពជាដៃគូដ៏រឹងមាំ ការគាំទ្រផ្នែកបច្ចេកទេសក្នុងការអនុវត្តការសិក្សាដ៏សំខាន់នេះ និងជំរុញការអភិវឌ្ឍធនធានមនុស្សនៅកម្ពុជា ហើយការរៀបចំសិក្ខាសាលានេះគឺពិតជាចំពេលវេលា ដែលបង្ហាញពីការប្តេជ្ញាចិត្តរួមក្នុងការកសាងកម្លាំងពលកម្មដែលមានភាពបត់បែន មានសមត្ថភាព និងត្រៀមខ្លួនសម្រាប់អនាគត ដើម្បីជំរុញការផ្លាស់ប្តូរឧស្សាហកម្មកម្ពុជា ជាពិសេសក្នុងវិស័យកែច្នៃកសិផលកម្រិតខ្ពស់ និងវិស័យយានយន្តអគ្គិសនី។ លើសពីនេះ គំនិតផ្តួចផ្តើមនេះក៏ស៊ីចង្វាក់ជាមួយក្របខ័ណ្ឌអភិវឌ្ឍន៍ជាតិ ខណៈការប្រើប្រាស់យានយន្តអគ្គិសនីនៅកម្ពុជាកំពុងកើនឡើងដែលបញ្ជាក់ពីតម្រូវការបន្ទាន់ក្នុងការបំពាក់កម្លាំងពលកម្មនូវជំនាញបច្ចេកទេសកម្រិតខ្ពស់ ដើម្បីគាំទ្រ ផ្តល់សេវា និងធានានិរន្តរភាពដល់ទីផ្សារដែលកំពុងផ្លាស់ប្តូរ។

លោក ហេង សួរបានបន្ដថា ដើម្បីសម្រេចបាននូវចក្ខុវិស័យឆ្នាំ២០៥០ កម្ពុជាមិនអាចពឹងផ្អែកតែលើកត្តាជំរុញកំណើនបែបប្រពៃណីនេះទេ គឺត្រូវធ្វើពិពិធកម្ម ទំនើបកម្ម និងឈានឡើងក្នុងខ្សែច្រវាក់តម្លៃសកល។ ទន្ទឹមនឹងការអភិវឌ្ឍការធ្វើដំណើរប្រកបដោយថាមពលបៃតង កម្ពុជាក៏កំពុងដឹកនាំបដិវត្តន៍ឧស្សាហកម្មកសិកម្មដ៏ទូលំទូលាយនៅទូទាំងប្រទេសផងដែរ។ ដូចដែល សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានបញ្ជាក់ថា ការកសាងសមត្ថភាពកែច្នៃក្នុងស្រុកដ៏រឹងមាំ មិនមែនគ្រាន់តែជាគោលដៅសេដ្ឋកិច្ចប៉ុណ្ណោះទេ ប៉ុន្តែជាកាតព្វកិច្ចយុទ្ធសាស្ត្រមួយ។ នេះគឺជាស្ពានភ្ជាប់មរតកកសិកម្មទៅនឹងសមត្ថភាពឧស្សាហកម្មទំនើប ដោយផ្តល់អំណាចដល់សហគ្រិនក្នុងស្រុក និងធ្វើឱ្យកម្ពុជាក្លាយជាប្រទេសនាំចេញទំនិញមានតម្លៃបន្ថែមខ្ពស់ដែលពិភពលោកអាចទុកចិត្តបាន។

លោកគូសបញ្ជាក់ថា ការប្រែក្លាយយុវជនទៅជាកម្លាំងពលកម្មដែលមានជំនាញខ្ពស់ និងត្រៀមខ្លួនសម្រាប់អនាគត ជាពិសេសក្នុងវិស័យយានយន្តអគ្គិសនី និងវិស័យកែច្នៃកសិផល ជាអាទិភាពដ៏សំខាន់បំផុតសម្រាប់ចក្ខុវិស័យសេដ្ឋកិច្ចជាតិ។ ហេតុនេះ កម្ពុជាកំពុងពន្លឿនការធ្វើទំនើបកម្មប្រព័ន្ធ TVET បន្ថែមទៀត ដើម្បីឆ្លើយតបទៅនឹងតម្រូវការឧស្សាហកម្ម និងការផ្លាស់ប្តូរបច្ចេកវិទ្យា ដើម្បីជួយបិទគម្លាតរវាងការអប់រំ និងការងារ ពង្រឹងគុណភាពស្ថាប័ន TVET និងផ្តល់ជំនាញត្រៀមសម្រាប់អនាគតដល់យុវជន។

លោករដ្ឋមន្រ្ដីជឿជាក់យ៉ាងមុតមាំថា តាមរយៈកិច្ចសហការរវាងរដ្ឋាភិបាល ស្ថាប័ន TVET និងវិស័យឯកជន កម្ពុជាអាចកសាងប្រព័ន្ធ TVET ដែលឆ្លើយតបនឹងតម្រូវការទីផ្សារ បង្កើនភាពប្រកួតប្រជែងរបស់កម្លាំងពលកម្ម និងគាំទ្រដល់កំណើនសេដ្ឋកិច្ចប្រកបដោយចីរភាព អព្យាក្រឹតកាបូន និងសម្រេចចក្ខុវិស័យកម្ពុជាឆ្នាំ២០៥០។

ជាមួយគ្នានេះ លោកស្រី យ៉ាស្មីន ស៊ីឌីគី នាយិកា ADB ប្រចាំកម្ពុជា បានលើកឡើងថា វិស័យទាំងពីរនេះផ្តល់ឱកាសយ៉ាងធំធេងសម្រាប់កម្ពុជាក្នុងការឈានទៅរកការផលិតដែលមានតម្លៃបន្ថែមខ្ពស់។ ADB បានប្តេជ្ញាចិត្តបន្តគាំទ្រកម្ពុជាក្នុងការអភិវឌ្ឍធនធានមនុស្ស ការធ្វើបច្ចុប្បន្នភាពប្រព័ន្ធជំនាញ និងការបំពាក់បំប៉នជំនាញបច្ចេកទេស និងឌីជីថល ដល់កម្លាំងពលកម្ម ដើម្បីលើកកម្ពស់សេដ្ឋកិច្ចបៃតង និងភាពប្រកួតប្រជែងរបស់កម្ពុជា៕

The post កម្ពុជា-ADB បង្ហាញលទ្ធផលសិក្សាលើវិស័យឧស្សាហកម្មកែច្នៃកសិផល និងឧស្សាហកម្មយានយន្តអគ្គិសនីនៅកម្ពុជា appeared first on .

លោកស្រីនាយិកាធនាគារអភិវឌ្ឍន៍អាស៊ី (ADB)  បានកត់សម្គាល់ពីវឌ្ឍនភាព និងកាលានុវត្តភាពក្នុងវិស័យពាណិជ្ជកម្មរបស់កម្ពុជា ព្រមទាំងបានបញ្ជាក់សាជាថ្មីនូវការប្តេជ្ញាចិត្តយ៉ាងមុតមាំរបស់ ADB ក្នុងការបន្តផ្តល់ជំនួយបច្ចេកទេស និងគាំទ្រកម្ពុជាបន្ថែមទៀត ជាពិសេសក្នុងដំណាក់កាលដែលកម្ពុជាកំពុងត្រៀមខ្លួនចាកចេញពីចំណាត់ថ្នាក់ប្រទេសអភិវឌ្ឍន៍តិចតួច (LDC)។

ភាគីទាំងពីរក៏បានផ្លាស់ប្តូរទស្សនៈ និងពិភាក្សាអំពីលទ្ធភាពនៃការពង្រឹងកិច្ចសហប្រតិបត្តិការបន្ថែម តាមរយៈការរៀបចំគម្រោងជំនួយបច្ចេកទេស និងគំនិតផ្តួចផ្តើមថ្មីៗ ស្របតាមអាទិភាពសំខាន់ៗរបស់វិស័យពាណិជ្ជកម្ម។ ក្នុងជំនួបនេះ បានឆ្លុះបញ្ចាំងពីការប្តេជ្ញាចិត្តរួមរវាងក្រសួងពាណិជ្ជកម្ម និងធនាគារអភិវឌ្ឍន៍អាស៊ី ក្នុងការជំរុញការអភិវឌ្ឍវិស័យពាណិជ្ជកម្មប្រកបដោយចីរភាព ពង្រឹងសមត្ថភាពស្ថាប័ន និងគាំទ្រដល់ការអភិវឌ្ឍសេដ្ឋកិច្ចរបស់កម្ពុជាជាបន្តបន្ទាប់។

សូមបញ្ជាក់ដែរថា ថ្មីៗនេះ កម្ពុជា ក៏ទើបទទួលបានឥណទានសម្បទាន ២៥០លានដុល្លារ ពី ADB សម្រាប់អនុវត្ត កម្មវិធីអន្តរាគមន៍បន្ទាន់ដើម្បីរក្សាស្ថិរភាពសេដ្ឋកិច្ច ក្នុងគោលបំណងជួយរក្សាស្ថិរភាពម៉ាក្រូសេដ្ឋកិច្ច បង្កើនភាពធន់របស់សេដ្ឋកិច្ច និងឆ្លើយតបផលប៉ះពាល់ពីភាពមិនមានស្ថិរភាពនៃសេដ្ឋកិច្ចសកល៕

The post ADB ប្តេជ្ញាបន្តផ្តល់ជំនួយបច្ចេកទេសដល់កម្ពុជាបន្ថែមទៀត ក្នុងដំណាក់កាលកម្ពុជាកំពុងត្រៀមខ្លួនចាកចេញពីចំណាត់ថ្នាក់ប្រទេសអភិវឌ្ឍន៍តិចតួច appeared first on .

ពិធីចុះហត្ថលេខាលើទំហំហិរញ្ញប្បទានសរុបចំនួន ២៥០ លានដុល្លារនេះ បានធ្វើឡើងកាលថ្ងៃទី ៣១ ខែ កក្កដា ឆ្នាំ ២០២៦ ក្រោមវត្តមាន លោក អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងលោកស្រី យ៉ាសមីន ស៊ីឌីភី នាយិកាស្ថានតំណាងធនាគារអភិវឌ្ឍន៍អាស៊ី (ADB) ប្រចាំកម្ពុជា។ពិធីចុះហត្ថលេខានេះ ក៏មានការ អញ្ជើញចូលរួមពីឯកឧត្តម ចាង ទៀនហ្សាន (Nianshan Zhang) អគ្គនាយកទទួលបន្ទុកនាយកដ្ឋានអាស៊ីអា គ្នេយ៍ នៃ ADB ផងដែរ ។

“កម្មវិធី RISE” មានគោលបំណងគាំទ្រដល់ការអនុវត្ត “កម្មវិធីអន្តរាគមន៍គ្រប់ជ្រុងជ្រោយ ឆ្លើយតបនឹង សភាពការណ៍ពហុវិបត្តិ” ដែលរាជរដ្ឋាភិបាលបានដាក់ចេញ ក្នុងគោលដៅបង្កើតមុខរបរ និងការងារ, ធានាលំនឹង ជីវភាពប្រជាជន និងពង្រឹងភាពធន់នៃសង្គម-សេដ្ឋកិច្ចកម្ពុជា ដើម្បីរក្សាស្ថិរភាពសេដ្ឋកិច្ចនឹងផលប៉ះពាល់អវិជ្ជមានជាបន្តបន្ទាប់ ដែលបណ្តាលមកពីពហុវិបត្តិ និងភាពមិនប្រាកដប្រជាខ្ពស់នៃស្ថានភាពសកល និងតំបន់ ។

“កម្មវិធី RISE” ផ្តោត លើសម្មិទ្ធិផលគន្លឹះចំនួន ៣ រួមមាន៖ ១. ការកាត់បន្ថយផលប៉ះពាល់ជាបណ្តោះអាសន្នពីការប្រែប្រួលខ្លាំងនៃថ្លៃ ប្រេងឥន្ធនៈលើសេដ្ឋកិច្ច ២. ការផ្តល់ជំនួយហិរញ្ញវត្ថុចំគោលដៅ និងការគាំទ្រសកម្មភាពកសិកម្មជូនគ្រួសារ ងាយរងគ្រោះ និង ៣. ការពន្លឿនអន្តរកាលបៃតង សំដៅពង្រឹងភាពធន់ និងភាពឆ្លើយតបចំពោះវិបត្តិថាមពលជា យថាហេតុនាពេលអនាគត ។ ការទទួលបានហិរញ្ញប្បទានសម្រាប់ “កម្មវិធី RISE” ក្រោមយន្តការ CSF នាពេលនេះ មិនត្រឹមតែជាការគាំទ្រផ្នែកហិរញ្ញវត្ថុដ៏មានតម្លៃប៉ុណ្ណោះទេ ប៉ុន្តែថែមទាំងជាដំណោះស្រាយទាន់ពេលវេលា ដើម្បីជួយ ទ្រទ្រង់សេដ្ឋកិច្ចកម្ពុជាឱ្យឆ្លងផុតពីកាលៈទេសៈដ៏លំបាកនេះ និងរក្សាសន្ទុះកំណើនសេដ្ឋកិច្ចប្រកបដោយចីរភាព ។

នៅក្នុងសេចក្តីប្រកាសនោះ លោកNianshan Zhang បានវាយតម្លៃខ្ពស់ចំពោះរាជរដ្ឋាភិបាលក្នុងភាពជាម្ចាស់ និងកិច្ចខិតខំប្រឹង ប្រែងរក្សាស្ថិរភាពសេដ្ឋកិច្ច និងលំនឹងជីវភាពប្រជាជនក្នុងកាលៈទេសៈដ៏លំបាកនេះ ដោយបានគិតគូរ និងដាក់ ចេញនូវវិធានការយ៉ាងឆាប់រហ័ស ដោះស្រាយបញ្ហាប្រឈម សំដៅកាត់បន្ថយផលប៉ះពាល់លើជីវភាពប្រជាជន និងសេដ្ឋកិច្ច ព្រមទាំងពង្រឹងភាពធន់ និងភាពឆ្លើយតបរបស់កម្ពុជា ចំពោះវិបត្តិថាមពលជាយថាហេតុនា ពេលអនាគត ។ ADB បន្តផ្តល់ការគាំទ្រយ៉ាងពេញទំហឹងដល់កម្ពុជា រួមគ្នាដោះស្រាយ បញ្ហាប្រឈមនានា ដើម្បីធានាបាននូវកិច្ចអភិវឌ្ឍន៍ប្រកបដោយ និងចីរភាព ។

ជាមួយគ្នានេះ លោកឧបនាយករដ្ឋមន្ត្រីក្រសួងសេដ្ឋកិច្ច ក៏បានស្នើ ADB បន្តផ្តល់ហិរញ្ញប្បទានសម្បទានដែល មានភាពបត់បែនខ្ពស់សម្រាប់កម្ពុជា ក្នុងដំណាក់កាលអន្តរកាល បន្ទាប់ពីការចាកចេញរបស់កម្ពុជាពីចំណាត់ ថ្នាក់ក្រុមប្រទេសអភិវឌ្ឍន៍តិចតួច (LDC Graduation) ដើម្បីបន្តគាំទ្រដល់ការវិនិយោគលើវិស័យអាទិភាព និង រក្សាសន្ទុះនៃការអភិវឌ្ឍប្រកបដោយចីរភាព។

កម្ពុជា ជាប្រទេសសមាជិកទី ១ ដែលទទួលបានការគាំទ្រពី ADB លើ “កម្មវិធី RISE” នេះ, ដែលត្រូវបាន អនុម័តដោយក្រុមប្រឹក្សាភិបាល ADB កាលពីថ្ងៃទី ៣០ ខែ កក្កដា ឆ្នាំ ២០២៦ និងចុះហត្ថលេខាលើកិច្ចព្រមព្រៀង ឥណទានក្នុងថ្ងៃទី ៣១ ខែ កក្កដា ឆ្នាំ ២០២៦៕អត្ថបទ៖ហ្សាលីន

The post ADB ផ្តល់កម្ចី ២៥០ លានដុល្លារ ជួយរក្សាស្ថិរភាពសេដ្ឋកិច្ចកម្ពុជា ឆ្លើយតបផលប៉ះពាល់មកពីពហុវិបត្តិ appeared first on .

ថ្លែងក្នុងពិធីសម្ពោធការិយាល័យជលផលខេត្តកែប កាលពីថ្ងៃពុធកន្លងទៅនេះ លោកស្រី Yasmin Siddiqi នាយិកាធនាគារអភិវឌ្ឍន៍អាស៊ី (ADB) ប្រចាំកម្ពុជា បានគូសបញ្ជាក់ថា ពិធីនេះមិនមែនគ្រាន់តែជាការបញ្ចប់ការសាងសង់អគាររដ្ឋបាលថ្មីមួយប៉ុណ្ណោះទេ។ លោកស្រីបានមានប្រសាសន៍បន្ថែមថា៖ «ថ្ងៃនេះ យើងអបអរសាទរមិនត្រឹមតែការបញ្ចប់ការសាងសង់អគារថ្មីមួយប៉ុណ្ណោះទេ ប៉ុន្តែយើងអបអរសាទរការប្តេជ្ញាចិត្តរួមគ្នាក្នុងការគ្រប់គ្រងជលផលប្រកបដោយចីរភាព ប្រព័ន្ធអេកូឡូស៊ីសមុទ្រដែលមានសុខភាពល្អ និងការលើកកម្ពស់ជីវភាពរស់នៅរបស់សហគមន៍តំបន់ឆ្នេរកម្ពុជា»។

គួរោ្យដឹងថា ពិធីសម្ពោធដ៏មានសារៈសំខាន់នេះ ត្រូវបានរៀបចំឡើងក្រោមអធិបតីភាពដ៏ខ្ង់ខ្ពស់របស់ លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ដោយមានការចូលរួមពីមន្ត្រីជំនាញ និងភាគីពាក់ព័ន្ធជាច្រើនរូប ដើម្បីជម្រុញការអភិវឌ្ឍវិស័យជលផលសមុទ្រកម្ពុជាឲ្យកាន់តែមាននិរន្តរភាព។

លោកស្រីនាយិកាធនាគារអភិវឌ្ឍន៍អាស៊ី (ADB) ក៏បានបញ្ជាក់បន្ថែមថា ការិយាល័យជលផលថ្មីនេះ គឺជាការវិនិយោគដ៏សំខាន់លើសមត្ថភាពស្ថាប័ន ដោយផ្តល់ឱ្យមន្ត្រីជលផលនូវមូលដ្ឋានកាន់តែប្រសើរ សម្រាប់ពង្រឹងការសម្របសម្រួល ការត្រួតពិនិត្យ និងការអនុវត្តច្បាប់ ព្រមទាំងផ្តល់សេវាកាន់តែប្រសើរដល់សហគមន៍នេសាទនៅខេត្តកែប និងតំបន់ជុំវិញ។យោងតាមលោកស្រី ការិយាល័យនេះជាផ្នែកមួយនៃគម្រោង SCMF ដែលទទួលបានការគាំទ្ររួមពីរាជរដ្ឋាភិបាលកម្ពុជា ទីភ្នាក់ងារបារាំងសម្រាប់ការអភិវឌ្ឍ (AFD) និង ADB។

The post កម្ពុជា ទទួលបានគម្រោង ៧៣លានដុល្លារ ដើម្បីស្តារធនធានជលផលសមុទ្រ និងលើកកម្ពស់ជីវភាពប្រជាជនតំបន់ឆ្នេរ ២០ម៉ឺននាក់ appeared first on .

ADB បានឱ្យដឹងបន្តថា គម្រោងផ្ទុកថាមពលថ្មខ្នាតធំភ្ជាប់បណ្តាញអគ្គិសនីនៅកម្ពុជា នេះ នឹងគាំទ្រដល់ការសាងសង់ប្រព័ន្ធផ្ទុកថាមពលថ្ម (battery energy storage system) ដែលមានកម្រិតថាមពល ២៥០ មេហ្គាវ៉ាត់ ជាមួយនឹងសមត្ថភាពផ្ទុក ៥០០ មេហ្គាវ៉ាត់ម៉ោងនៅស្ថានីយ៍រងខេត្តតាកែវ។ ប្រព័ន្ធនេះនឹងរក្សាទុកថាមពលកកើតឡើងវិញដែលសល់ ហើយបញ្ជូនវាត្រឡប់ទៅបណ្តាញវិញនៅពេលតម្រូវការថាមពលកើនឡើង និងជួយរក្សាស្ថេរភាពថាមពល។

តាមរយៈគម្រោងនេះ នឹងជួយបំពេញតម្រូវការអគ្គិសនីដែលកំពុងកើនឡើងដោយសារ តំបន់ឧស្សាហកម្ម ទីតាំងកែច្នៃកសិផល និងសង្កាត់ក្នុងទីក្រុង ដែលកំពុងរីកលូតលាស់យ៉ាងឆាប់រហ័សនៅភាគខាងត្បូងនៃប្រទេសកម្ពុជា។ វាក៏នឹងជំរុញពាណិជ្ជកម្មអគ្គិសនីឆ្លងដែន និងការតភ្ជាប់បណ្តាញអគ្គិសនីជាមួយប្រទេសវៀតណាម រួមទាំងការនាំចូលថាមពលរបស់កម្ពុជា ដែលរួមចំណែកដល់គោលដៅនៃបណ្តាញអគ្គិសនីអាស៊ាន (ASEAN Power Grid) ក្នុងការសម្រេចបាននូវប្រតិបត្តិការបណ្តាញអគ្គិសនីរួមបញ្ចូលគ្នាយ៉ាងពេញលេញនៅទូទាំងអាស៊ីអាគ្នេយ៍នៅឆ្នាំ ២០៤៥ផងដែរ៕ អត្ថបទ៖ហ្សាលីន

The post ADB អនុម័តកញ្ចប់ហិរញ្ញប្បទានជាង ៦៣ លានដុល្លារ ពង្រឹងបណ្តាញអគ្គិសនី និងសន្តិសុខថាមពលកម្ពុជា appeared first on .

ធនាគារអភិវឌ្ឍន៍អាស៊ី(ADB) បានឱ្យដឹងបន្តថា បន្ទាប់ពីមានជំនួបជាមួយ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងកិច្ចប្រជុំកំពូលអាស៊ានលើកទី៤៨ នៅទីក្រុងសេប៊ូ ប្រទេសហ្វីលីពីន លោក Masato Kanda ប្រធាន ADB បានសរសេរនៅលើទំព័រ LinkedIn របស់លោកថា៖«កម្ពុជាបន្តវឌ្ឍនភាពនៃការអភិវឌ្ឍដ៏រឹងមាំ។

ADB បានដកស្រង់សម្តីរបស់លោកដូច្នេះថា៖«ខ្ញុំបានជួបពិភាក្សាការងារប្រកបដោយផលិតភាពខ្ពស់ជាមួយសម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីអបអរសាទរសម្តេចចំពោះសមិទ្ធិផលទាំងនេះ និងអរគុណសម្តេចចំពោះភាពជាដៃគូយូរអង្វែងរវាងកម្ពុជា និងធនាគារអភិវឌ្ឍន៍អាស៊ី។ ខណៈដែលយើងឆ្លងកាត់វិបត្តិសកលរួម ADB ត្រៀមខ្លួនជាស្រេចដើម្បីបង្កើនការគាំទ្ររបស់យើង។ ADB ប្តេជ្ញាពង្រឹងកិច្ចសហប្រតិបត្តិការរបស់យើង ដើម្បីជួយកម្ពុជាគ្រប់គ្រងបញ្ហាប្រឈមនាពេលបច្ចុប្បន្ន ជំរុញអាទិភាពជាតិ និងផ្តល់ឱកាសពិតប្រាកដសម្រាប់ប្រជាពលរដ្ឋកម្ពុជា»។

សូមជម្រាបដែរថា យោងតាមធនាគារអភិវឌ្ឍន៍អាស៊ី (ADB) សេដ្ឋកិច្ចកម្ពុជា ត្រូវបានព្យាករថា នឹងកើន ៤,៥% នៅក្នុងឆ្នាំ ២០២៦ ប្រសិនបើការរំខានដល់ទីផ្សារទំនិញសកល ដែលបង្កឡើងដោយជម្លោះនៅមជ្ឈិមបូព៌ា មិនត្រូវបានអូសបន្លាយយូរ៕អត្ថបទ៖ហ្សាលីន

The post ADB ប្តេជ្ញាពង្រឹងកិច្ចសហប្រតិបត្តិការ ដើម្បីជួយកម្ពុជាគ្រប់គ្រងបញ្ហាប្រឈមនាពេលបច្ចុប្បន្ន appeared first on .

របាយការណ៍សេដ្ឋកិច្ចពិសេសរបស់ធនាគារអភិវឌ្ឍន៍អាស៊ី (ADB) ដែលបានចេញផ្សាយនៅថ្ងៃទី១០ ខែមេសា បានបញ្ជាក់ថា ក្នុងសេណារីយោរបស់ ADB ករណីដែលស្ថានភាពនៅមជ្ឈិមបូព៌ាធូរស្រាលឆាប់រហ័ស កំណើនត្រូវបានគាំទ្រដោយដំណើរការវិស័យកម្មន្តសាលដែលមានភាពធន់។ កំណើនត្រូវបានព្យាករថានឹងកើនថែមទៀតដល់ ៥.០% នៅឆ្នាំ២០២៧ ដោយសារស្ថានភាពនៅក្រៅប្រទេសមានភាពប្រសើរឡើង ហើយកំណែទម្រង់ក្នុងស្រុកបន្តលើកកម្ពស់ផលិតភាពសេដ្ឋកិច្ច។

នាយិកាប្រចាំប្រទេសកម្ពុជារបស់ ADB លោកស្រី Yasmin Siddiqi លើកឡើងថា «កម្ពុជាបន្តបង្ហាញភាពធន់នឹងសម្ពាធពីខាងក្រៅ។ វិស័យកម្មន្តសាលនៅតែរឹងមាំ ហើយកិច្ចខិតខំប្រឹងប្រែងរបស់រាជរដ្ឋាភិបាលដែលកំពុងបន្តដើម្បីជំរុញវិស័យទេសចរណ៍នឹងជួយរក្សាសន្ទុះសេដ្ឋកិច្ច ទោះបីជាមានបញ្ហាប្រឈមជាសកលក៏ដោយ»។
របាយការណ៍ទស្សនវិស័យអភិវឌ្ឍន៍អាស៊ី (ADO) ព្យាករថា វិស័យកម្មន្តសាល នឹងនៅតែជាក្បាលម៉ាស៊ីនកំណើនសំខាន់របស់សេដ្ឋកិច្ច សម្រាប់ឆ្នាំ២០២៦ ខណៈដែលទិន្នផលឧស្សាហកម្មត្រូវបានរំពឹងថានឹងកើនឡើង ៧.៣% ដោយសារការបញ្ជាទិញសម្លៀកបំពាក់ច្រើនគួរសម និង កំណើននៃការរួមចំណែកពីវិស័យកម្មន្តសាលក្រៅពីវាយនភ័ណ្ឌ ដែលរួមមានគ្រឿងបង្គុំអគ្គិសនី សំបកកង់ និង គ្រឿងសង្ហារឹម។ កំណើនមធ្យមនៃវិស័យកសិកម្មត្រូវបានរំពឹងថានឹងបន្តទទួលបាន០.៩% ដែលគាំទ្រដោយតម្រូវការនាំចេញអង្ករ និងគ្រាប់ស្វាយចន្ទី។

រីឯកំណើនវិស័យសេវាកម្មត្រូវបានព្យាករថានឹងធ្លាក់ចុះពី ៣.៤% ក្នុងឆ្នាំ២០២៥ មកនៅត្រឹម២.៣% ក្នុងឆ្នាំ២០២៦ ដោយសារផលប៉ះពាល់នៃការបិទព្រំដែនជាមួយប្រទេសថៃ។ ការវិនិយោគផ្ទាល់ពីបរទេសនៅតែមានភាពរឹងមាំក្នុងឆ្នាំ២០២៥ ជាមួយនឹងការវិនិយោគលើទ្រព្យសកម្មថេរដែលបានអនុម័តកើនឡើង៤៥% ដែលឆ្លុះបញ្ចាំងពីទំនុកចិត្តរបស់វិនិយោគិន និងការបន្តធ្វើពិពិធកម្មផ្នែកផលិតកម្មដែលមានតម្លៃបន្ថែមតែខ្ពស់។

ការប៉ះទង្គិចតម្លៃប្រេងឥន្ធនៈ ដែលអូសបន្លាយពេលយូរអាចបង្កើនថ្លៃដើមនាំចូល និង ជះឥទ្ធិពលអវិជ្ជមានដល់វិស័យ កសិកម្ម ផលិតកម្ម និងទេសចរណ៍។ ឱនភាពសារពើពន្ធត្រូវបានព្យាករថានឹងកើនឡើងបន្ថែមទៀត នៅឆ្នាំ២០២៦ ដោយសារការកើនឡើងនៃការចំណាយ រួមទាំងការគាំទ្រដល់គ្រួសារងាយរងគ្រោះ ខណៈដែលកំណើនប្រាក់ចំណូលធ្លាក់ចុះដោយសារកំណើនសេដ្ឋកិច្ចថយ។

យ៉ាងណាការសម្រេចបាននូវគោលដៅរបស់កម្ពុជា ក្នុងការក្លាយជាប្រទេសដែលមានប្រាក់ចំណូលខ្ពស់នៅឆ្នាំ២០៥០ ទាមទារឱ្យមានការបង្កើនផលិតភាពប្រកបដោយនិរន្តរភាព ដែលគាំទ្រដោយការវិនិយោគលើមូលធនមនុស្ស៕

The post ADB៖ សេដ្ឋកិច្ចកម្ពុជាត្រូវបានព្យាករថានឹងកើនឡើង ៤.៥% ក្នុងឆ្នាំ២០២៦ appeared first on .