យោងតាមការចុះផ្សាយពី Forbes បានបង្ហាញឲ្យដឹងថា អ្នកទិញយកភាគហ៊ុននេះ ត្រូវបានគេរំពឹងថាជាម្ចាស់ក្រុមហ៊ុន Jhonlin Group លោក Andi Syamsuddin Arsyad ដែលត្រូវបានគេស្គាល់ជាទូទៅថា Haji Isam។

លោក Haji Isam កំពុងទិញប្រហែលពាក់កណ្តាលនៃភាគហ៊ុនចំនួន ៦២% របស់លោក Low នៅក្នុងក្រុមហ៊ុន Bayan ខណៈពេលដែលក្រុមហ៊ុនរ៉ែធ្យូងថ្មដែលចុះបញ្ជីនៅទីផ្សារហ៊ុនហ្សាកាតាមួយនេះ បាននិងកំពុងប្រកាសរៀបចំកែសម្រួលអាជីវកម្មរបស់ខ្លួនឡើងវិញ។

គួរឲ្យដឹងថាក្រុមហ៊ុន Bayan ដែលប្រតិបត្តិការនៅក្នុងអណ្តូងរ៉ែធ្យូងថ្មធំជាងគេក្នុងប្រទេស Tabang/Pakar មិនបានបង្ហាញព័ត៌មានលម្អិតអំពីតម្លៃនៃការទិញយក ឬកាលបរិច្ឆេទកំណត់បញ្ចប់ប្រតិបត្តិការនេះនៅឡើយទេ។

ប៉ុន្តែទោះជាយ៉ាងណា យោងតាមសេចក្តីរាយការណ៍មួយបង្ហាញថា លោក Haji Isam បានផ្ដល់សំណើទិញភាគហ៊ុនគ្រប់គ្រងទាំងមូលរបស់លោក Low នៅក្នុងក្រុមហ៊ុន Bayan ក្នុងតម្លៃ ៣ពាន់លានដុល្លារ។

យោងតាមកាសែត The Business Times លោក Haji Isam ដែលត្រូវបានគេស្គាល់ថាជាសម្ព័ន្ធមិត្តដ៏ជិតស្និទ្ធរបស់ប្រធានាធិបតីឥណ្ឌូណេស៊ី លោក Prabowo Subianto បាននិងកំពុងស្វែងរកការគ្រប់គ្រងលើក្រុមហ៊ុន Bayan នៅក្នុងកិច្ចព្រមព្រៀងមួយដែលនឹងធ្វើឱ្យលោកក្លាយជាអ្នកផលិតធ្យូងថ្មកំពូលមួយរូបក្នុងពិភពលោក៕

The post អ្នកមានបំផុតរបស់ឥណ្ឌូណេស៊ី ត្រៀមលក់ភាគហ៊ុនតម្លៃរាប់ពាន់លានដុល្លារ ក្នុងក្រុមហ៊ុនរ៉ែធ្យូងថ្មធំបំផុតរបស់ប្រទេស appeared first on .

វៀតណាមដែលត្រូវបានចាត់ទុកថាជាមជ្ឈមណ្ឌលផលិតកម្មនៅអាស៊ីអាគ្នេយ៍ កំពុងស្វែងរកការបង្កើនសមត្ថភាពផលិតថាមពលរបស់ខ្លួន ដើម្បីគាំទ្រដល់សេដ្ឋកិច្ចដែលកំពុងរីកចម្រើនយ៉ាងឆាប់រហ័ស ដោយផ្តោតលើថាមពលកកើតឡើងវិញ និងឧស្ម័ន LNG។

យ៉ាងណាមិញ រដ្ឋាភិបាលវៀតណាម បាននិយាយនៅក្នុងសេចក្តីថ្លែងការណ៍មួយ នៅថ្ងៃទី៨ ខែកក្កដាថា៖”នាពេលថ្មីៗនេះ ជម្លោះដែលកំពុងកើតឡើងនៅមជ្ឈិមបូព៌ាបានជះឥទ្ធិពលដល់សន្តិសុខនៃការផ្គត់ផ្គង់ឧស្ម័ន LNG ដែលបង្កើតឱ្យមានតម្រូវការក្នុងការពង្រឹងសន្តិសុខថាមពលបន្ថែមទៀត”។

រដ្ឋាភិបាលបានបន្តថា ខ្លួនអាចនឹងកែសម្រួលផែនការថាមពលជាតិ ដើម្បីបន្ថែមថាមពលដែលផលិតចេញពីធ្យូងថ្មទៅក្នុងល្បាយថាមពលរួមមួយ។ កន្លងមក វៀតណាមបានកំណត់គោលដៅមានបណ្តុំរោងចក្រថាមពលដើរដោយឧស្ម័ន LNG ដែលមានសមត្ថភាពសរុប ២២,៥ ហ្គីហ្គាវ៉ាត់ (GW) ត្រឹមឆ្នាំ២០៣០។

ប៉ុន្តែទោះជាយ៉ាងណា រហូតមកដល់ពេលនេះ វៀតណាមសម្រេចបានត្រឹមតែ ៧,៣% នៃគោលដៅនោះប៉ុណ្ណោះ ដែលភាគច្រើនបណ្តាលមកពីឧបសគ្គផ្នែកបទប្បញ្ញត្តិ និងការខ្វះការចាប់អារម្មណ៍ពីអ្នកវិនិយោគ ចំពេលសង្គ្រាមអ៊ីរ៉ង់ក៏បានបង្កើតជាក្តីបារម្ភអំពីសន្តិសុខនៃការផ្គត់ផ្គង់ឧស្ម័ន LNG ផងដែរ៕​

The post វៀតណាម ពិចារណាសង់រោងចក្រថាមពលធ្យូងថ្មបន្ថែម ក្រោយរងសម្ពាធពីជម្លោះជម្ឈិមបូព៌ា appeared first on .

នៅថ្ងៃទី៤ មិថុនា លោក ត្រាំ បានប្រកាសពីការចំណាយទឹកប្រាក់យ៉ាងច្រើន ដើម្បីគាំទ្ររោងចក្រថាមពលដើរដោយធ្យូងថ្មចំនួន ១៤ និងអណ្តូងរ៉ែធ្យូងថ្មចំនួន ៤២។ ការចំណាយភាគច្រើនត្រូវបានលោក ត្រាំ សន្មតថាជាច្បាប់ផលិតកម្មការពារជាតិឆ្នាំ១៩៥០ ដែលជាច្បាប់ផ្តល់អំណាចបន្ទាន់ដល់ប្រធានាធិបតីលើឧស្សាហកម្មទាក់ទងនឹងសន្តិសុខជាតិ។

មិនតែប៉ុណ្ណោះ កញ្ចប់ជំនួយនេះរួមបញ្ចូលទាំងទឹកប្រាក់ចំនួន ៤២៥លានដុល្លារ ដើម្បីធ្វើឱ្យប្រសើរឡើងនូវរោងចក្រថាមពលដើរដោយធ្យូងថ្មចំនួន ១៣ និង ៧៥លានដុល្លារ ផ្សេងទៀត ដើម្បីគាំទ្រកំពង់ផែនាំចេញធ្យូងថ្មនៅរដ្ឋ California។

គួរជម្រាបជូនថា រដ្ឋាភិបាលសហរដ្ឋអាមេរិក មើលឃើញគោលនយោបាយថាមពលជាបញ្ហាសន្តិសុខជាតិ ដោយមានគោលបំណងធានាអគ្គិសនីសម្រាប់ផ្គត់ផ្គង់ទៅលើមជ្ឈមណ្ឌលផ្ទុកទិន្នន័យ។ នៅក្នុងព្រឹត្តិការណ៍មួយនៅក្នុងការិយាល័យ Oval លោក ត្រាំ រួមជាមួយរដ្ឋមន្ត្រីក្រសួងមហាផ្ទៃ លោក Doug Burgum និងរដ្ឋមន្ត្រីក្រសួងថាមពល លោក Chris Wright បាននិយាយថាធ្យូងថ្ម នឹងជួយកាត់បន្ថយការចំណាយលើការរស់នៅសម្រាប់ជនជាតិអាមេរិកទាំងអស់៕​

The post លោក ត្រាំ ប្រកាសបញ្ចេញកញ្ចប់ជំនួយ ៧០០លានដុល្លារ ដើម្បីស្តាឧស្សាហកម្មធ្យូងថ្មឡើងវិញ appeared first on .

យោងតាមការចុះផ្សាយពី VN Express បានបង្ហាញថា ក្រោមកិច្ចព្រមព្រៀងនេះ ក្រុមហ៊ុន Dhilmar ដែលមានមូលដ្ឋាននៅចក្រភពអង់គ្លេសនឹងត្រូវបង់ ២,៣ពាន់លានដុល្លារជាសាច់ប្រាក់ នៅពេលបញ្ចប់ប្រតិបត្តិការនៅត្រីមាសទីមួយនៃឆ្នាំ២០២៧ ជាមួយនឹងការទូទាត់បន្ថែមរហូតដល់ ១,៦ពាន់លានដុល្លារ នៅរយៈពេល ៥ឆ្នាំបន្ទាប់។

គួរឲ្យដឹងផងដែរថា ក្រុមហ៊ុនអណ្តូងរ៉ែ Anglo American មានអតិថិជននៅទូទាំងទ្វីបអាស៊ី អឺរ៉ុប និងអាមេរិកខាងត្បូង។ ក្រុមហ៊ុននេះដំណើរការអណ្តូងរ៉ែសរុបចំនួនប្រាំដែលបានផលិតធ្យូងថ្ម ចំនួន ៨,២ លានតោនកាលពីឆ្នាំមុន។ ប្រតិបត្តិការធំបំផុតពីររបស់ខ្លួនគឺ អណ្តូងរ៉ែ Moranbah North និងអណ្តូងរ៉ែ Grosvenor មានទីតាំងនៅរដ្ឋ Queensland ប្រទេសអូស្ត្រាលី។

ជម្រាបជូនថា លោក Ramlie បច្ចុប្បន្នមានទ្រព្យសម្បត្តិសរុបប្រមាណ ១,៤ពាន់លានដុល្លារ និងជាប់ចំណាត់ថ្នាក់ក្នុងចំណោមបុគ្គលដែលមានទ្រព្យសម្បត្តិច្រើនបំផុតរបស់ប្រទេសឥណ្ឌូណេស៊ី។ លោកបម្រើការជានាយកប្រតិបត្តិរបស់ Dhilmar ដែលធ្លាប់បានទិញអណ្តូងរ៉ែមាស Eleonore នៅប្រទេសកាណាដាពីក្រុមហ៊ុនផលិតមាសរបស់សហរដ្ឋអាមេរិក Newmont ក្នុងតម្លៃ ជិត ៨០០លានដុល្លា កាលពីឆ្នាំមុន ផងដែរ៕​

The post មហាសេដ្ឋីឥណ្ឌូណេស៊ី Ramlie ចាយលុយជិត ៤ពាន់លានដុល្លារ ទិញអណ្តូងរ៉ែធ្យូងថ្មនៅអូស្រ្តាលី​ appeared first on .

នៅក្នុងបទបញ្ជាប្រតិបត្តិមួយដែលត្រូវបានចុះហត្ថលេខាកាលពីថ្ងៃទី១១ ខែកុម្ភៈ លោក ត្រាំ បានដឹកនាំក្រសួងការពារជាតិអាមេរិក ឲ្យចុះហត្ថលខាលើកិច្ចព្រមព្រៀងទិញរយៈពេលវែង ជាមួយបណ្តារោងចក្រថាមពលធ្យូងថ្ម និងផ្តល់អាទិភាពដល់ការប្រើប្រាស់ជាយុទ្ធសាស្រ្តនៃថាមពលដែលទាញចេញពីធ្យូងថ្ម។

ប៉ុន្តែទោះជាយ៉ាងណាក៏ដោយ បទបញ្ជាថ្មីរបស់លោក ត្រាំ នេះ មិនបានបញ្ជាក់ថា មន្ទីរបញ្ចកោណនឹងទិញថាមពលប៉ុន្មាន ឬក្រោមលក្ខខណ្ឌហិរញ្ញវត្ថុអ្វីខ្លះនោះទេ។

មិនតែប៉ុណ្ណោះ ដោយនិយាយនៅក្នុងព្រឹត្តិការណ៍មួយនៅសេតវិមាន ដែលមានការចូលរួមពីនាយកប្រតិបត្តិឧស្សាហកម្មធ្យូងថ្ម និងអ្នករុករករ៉ែជាច្រើន លោក ត្រាំ បានលើកឡើងថា ៖” អ្នកទាំងអស់គ្នាពិតជាបានចូលរួមចំណែកច្រើនណាស់។ យើងនឹងប្រែក្លាយធនធានធម្មជាតិទាំងនោះទៅជាទ្រព្យសម្បត្តិ និងក្តីសុបិនរបស់អាមេរិក”។

ជាមួយគ្នានេះ លោក ត្រាំ ក៏បានប្រកាសផងដែរថា ក្រសួងថាមពលអាមេរិក នឹងវិនិយោគទឹកប្រាក់ ១៧៥លានដុល្លារ ដើម្បីធ្វើឲ្យប្រសើឡើងនូវរោងចក្រថាមពលធ្យូងថ្មចំនួនប្រាំមួយ ស្ថិតនៅក្នុងរដ្ឋ North Carolina, Ohio, West Virginia, Kentucky និង Virginia។

ជម្រាបជូនថា ការផលិតធ្យូងថ្មនៅសហរដ្ឋអាមេរិក បានធ្លាក់ចុះអស់រយៈពេលជាច្រើនទសវត្សមកហើយ ដោយសារតែការប្រកួតប្រជែងកាន់តែខ្លាំងឡើងពីថាមពលឧស្ម័នធម្មជាតិ និងថាមពលកកើតឡើងវិញ រួមទាំងថាមពលខ្យល់ វារីអគ្គិសនី និងថាមពលព្រះអាទិត្យ ជាដើម៕​

The post លោក ត្រាំ បញ្ជាឲ្យមន្ទីរបញ្ចកោណទិញចូលថាមពលអគ្គិសនីដែលផលិតដោយធ្យូងថ្ម appeared first on .

យោងតាមអគ្គនាយកដ្ឋានគយវៀតណាម បានបង្ហាញឲ្យដឹងថា ការនាំចូលធ្យូងថ្ម ក្នុងត្រីមាសទី១ឆ្នាំនេះ កើនឡើង ១៦,៧% បើធៀបទៅនឹងរយ:ពេលដូចគ្នា កាលពីឆ្នាំមុន ប៉ុន្តែចំពោះតម្លៃវិញ បានធ្លាក់ចុះ ៧,៧% ដោយសារតែតម្លៃនាំចូលជាមធ្យមត្រឹមតែ ១០៥,១៨ដុល្លារ ក្នុងមួយតោន ប៉ុណ្ណោះ ពោលគឺធ្លាក់ចុះជាង ២០%។

គួរឲ្យដឹងផងដែរថា ឥណ្ឌូណេស៊ី បន្តជាអ្នកផ្គត់ផ្គង់ធ្យូងថ្មីធំជាងគេបំផុតដល់វៀតណាម នៅក្នុងចំនួន ៦,៩៨ លានតោន ឬស្មើជាង ៤០% នៃការនាំចូលសរុប នៅក្នុងត្រីមាសទីមួយនេះ។ អូស្ត្រាលីជាប់ចំណាត់ថ្នាក់លេខ២ ដែលមានបរិមាណជាង ៥,៣៦ លានតោន ឬស្មើនឹង ៣១% នៃចំនួននាំចូលសរុប។

ទន្ទឹមនឹងនេះ រុស្ស៊ី​ជា​ដៃគូ​ធំបំផុត​ទី​៣​ដែល​ផ្គត់ផ្គង់​ធ្យូងថ្ម​សរុប ១,៤៤​ លាន​តោន​ ដែល​មាន​តម្លៃ​ជាង​២០៦​ លាន​ដុល្លារ​។ ខណៈពេលដែលបរិមាណកើនឡើងបន្តិច តម្លៃវិញបានធ្លាក់ចុះជិត ២៨% មកត្រឹម ១៤២,៣ ដុល្លារ ក្នុងមួយតោន។

ជម្រាបជូនផងដែរថា ជុំវិញការថយចុះនៃតម្លៃ ប៉ុន្តែមានការកើនឡើងនៃបរិមាណនាំចូលនេះ បង្ហាញថា តម្រូវការប្រើប្រាស់ធ្យូងថ្មក្នុងស្រុក របស់វៀតណាម នៅតែមានកម្រិតខ្ពស់ ជាពិសេសនៅក្នុងបរិបទដែលថាមពលដុតកំដៅ នៅតែមានចំណែកធំនៃប្រព័ន្ធផ្គត់ផ្គង់ថាមពលជាតិ៕

The post ត្រឹមបីខែដំបូងឆ្នាំនេះ វៀតណាម ចាយលុយជិត ២ពាន់លានដុល្លារ លើការនាំចូលធ្យូងថ្ម appeared first on .

ក្រសួងហិរញ្ញវត្ថុរបស់ប្រទេសចិន កាលពីសប្តាហ៍មុនបាននិយាយថា ខ្លួននឹងយកពន្ធចំនួន ១៥% លើការនាំចូលធ្យូងថ្មរបស់សហរដ្ឋអាមេរិក។ ជុំវិញផែនការនេះ ត្រូវបានក្រុមមន្ត្រីជាច្រើន និយាយថា វានឹងអាចជំរុញឲ្យអ្នកក្រុមហ៊ុនរុករករ៉ែរបស់សហរដ្ឋអាមេរិក ផ្លាស់ប្តូរគោលដៅរបស់ខ្លួន ដោយធ្វើការដឹកជញ្ជូនមកកាន់ប្រទេសឥណ្ឌាជំនួសវិញ ខណ:ប្រទេសនេះ ត្រូវបានចាត់ទុកថាជាអ្នកនាំចូលធ្យូងថ្មធំជាងគេទីពីររបស់ពិភពលោក បន្ទាប់ពីប្រទេសចិន។

លោក Vasudev Pamnani នាយកក្រុមហ៊ុន I-Energy Natural Resources របស់ប្រទេសឥណ្ឌា បាននិយាយថា នាវាដឹកធ្យូងថ្មរបស់សហរដ្ឋអាមេរិកចំនួន ៣ គ្រឿងដែលសន្មត់ថាត្រូវដឹកជញ្ជូនទៅកាន់ប្រទេសចិន បែរជាបានប្តូរទិសដៅមកចុះចតនៅប្រទេសឥណ្ឌាជំនួសវិញ ហើយនាវាដឹកធ្យូងថ្មប្រហែល ១០ ទៀតកំពុងផ្លាស់ប្តូរគោលដៅរបស់ពួកគេ ផងដែរ។

ទន្ទឹមនឹងនេះ លោក Malcolm Roberts ប្រធានផ្នែកទីផ្សារនៃក្រុមហ៊ុនរុករករ៉ែធ្យូងថ្មដ៏ធំបំផុតរបស់សហរដ្ឋអាមេរិក Peabody Energy បាននិយាយនៅក្នុងសន្និសិទជាមួយអ្នកវិភាគកាលពីសប្តាហ៍មុនថា ធ្យូងថ្មរបស់សហរដ្ឋអាមេរិកកាន់តែច្រើនអាចនឹងត្រូវដឹកទៅកាន់ប្រទេសឥណ្ឌា ស្របពេលធ្យូងថ្មអូស្ត្រាលីជាច្រើន អាចដឹកទៅកាន់ប្រទេសចិន ដោយសារតែផែនការពន្ធគយថ្មីរបស់រដ្ឋភិបាលទីក្រុងប៉េកាំង។

ជម្រាបជូនថា យោងតាមទិន្នន័យគយរបស់ចិន បានបង្ហាញឲ្យថា សហរដ្ឋអាមេរិកមានចំណែកទីផ្សារ ៩% នៃទីផ្សារធ្យូងថ្មសរុបនៅក្នុងប្រទេសចិន ក្នុងឆ្នាំ២០២៤ ខណៈពេលដែលអូស្ត្រាលីមាន ៨% នៃការនាំចូលធ្យូងថ្មទាំងអស់៕

The post ការនាំចេញធ្យូងថ្មរបស់អាមេរិក ទៅឥណ្ឌា ទំនងកើនឡើងខ្លាំង ដោយសារផែនការពន្ធគយរបស់ចិន appeared first on .

គម្រោង​ដែលនឹងត្រូវចំណាយទឹកប្រាក់ដ៏ច្រើននេះ ​គ្រោង​នឹង​ចាប់ផ្តើម​ផលិត​ជាផ្លូវការ នៅក្នុង​ឆ្នាំ២០២៧ ជាមួយ​គោលបំណងធំ ក្នុងការ​បំប្លែង​ធ្យូងថ្ម​ប្រើប្រាស់ហើយ ​ទៅជា​ផលិតផល​ប្រេង។

ទន្ទឹមនឹងនេះ យោងតាមសារព័ត៌មាន Bloomberg បានបង្ហាញឲ្យដឹងទៀតថា រោងចក្រថ្មីនេះ នឹងមានសមត្ថភាពក្នុងបំប្លែង​ធ្យូងថ្ម​ ទៅជាផលិតឥន្ធន:សំយោគដូចជា សាំង និងម៉ាស៊ូត ដោយប្រើបច្ចេកវិទ្យាដ៏ទំនើប ខណ:វាក៏នឹងជួយកាត់បន្ថយការពឹងផ្នែករបស់ចិន លើការនាំចូលប្រេងពីក្រៅប្រទេស បានមួយផ្នែកធំ ផងដែរ។

ប្រទេសចិន បានផលិតធ្យូងថ្មសរុបចំនួន ៤,៧ ពាន់លានតោន ក្នុងឆ្នាំ២០២៣ ខណៈពេលដែលការប្រើប្រាស់ធ្យូងថ្មរបស់ខ្លួន ក្នុងការផលិតជាថាមពលអគ្គិសនី បានចាប់ផ្តើមធ្លាក់ចុះ ដោយសារតែការយកចិត្តទុកដាក់កាន់តែខ្លាំង ទៅលើថាមពលស្អាតជំនួសវិញ។

ជម្រាបជូនផងដែរថា ប្រទេស​ចិន ​បាន​និង​កំពុង​បង្កើន​គម្រោង​កែច្នៃធ្យូង​ថ្ម​ ទៅ​ជាប្រេង​របស់​ខ្លួន យ៉ាងច្រើន ក្នុងរយ:ពេលប៉ុន្មានឆ្នាំចុងក្រោយនេះ។ គិតចាប់ពីឆ្នាំ២០១៩ ដល់ឆ្នាំ២០២៣ សមត្ថភាពផលិតធ្យូងថ្មទៅជាប្រេង បានកើនឡើង ២៤% និងឈានដល់ ១១ លានតោនជារៀងរាល់ឆ្នាំ៕

The post ចិន គ្រោងចាយលុយជាង ២០ពាន់លានដុល្លារ កែច្នៃធ្យូងថ្មទៅជាប្រេង ដើម្បីកាត់បន្ថយការនាំចូល appeared first on .

ហ្វីលីពីន ក៏ជាប្រទេសដែលមានការប្រើប្រាស់ធ្យូងថ្មច្រើនជាងបំផុត នៅក្នុងតំបន់អាស៊ីអាគ្នេយ៍ផងដែរ នៅក្នុងឆ្នាំ២០២៣ ដោយសារតែការផលិតអគ្គិសនីពីថាមពលកកើតឡើងវិញ នៅក្នុងប្រទេសនេះ ហាក់នៅតែមានកម្រិតទាបបខ្លាំង។ ចំណែកឯការផលិតអគ្គិសនីចេញពីធ្យូងថ្មវិញ បានកើនឡើងដល់ ៦១,៩% កាលពីឆ្នាំមុន បើធៀបទៅនឹងការកើនឡើង ៥៩,១% នៅក្នុងឆ្នាំ២០២២។

ទន្ទឹមនឹងនេះ បើតាមលោកស្រី Dinita Setyawati អ្នកវិភាគគោលនយោបាយអគ្គិសនីជាន់ខ្ពស់សម្រាប់អាស៊ីអាគ្នេយ៍នៅ Ember Climate បានប្រាប់ទៅកាន់សារព៏ត៌មាន CNBC ថា ធ្យូងថ្មបានដើរតួនាទីយ៉ាងសំខាន់ក្នុងសន្តិសុខថាមពលរបស់ប្រទេសហ្វីលីពីន។ ចាប់តាំងពីទសវត្សរ៍ឆ្នាំ១៩៩០ មក រោងចក្រថាមពលធ្យូងថ្មថ្មីៗជាច្រើនត្រូវបានសាងសង់ឡើង ដើម្បីបំពេញតម្រូវការអគ្គិសនីដែលមានកើនឡើងខ្លាំង។ ហើយរហូតមកដល់ពេលបច្ចុប្បន្ននេះ ការពឹងផ្អែកលើរោងចក្រថាមពលធ្យូងថ្មទាំងនេះនៅតែបន្ត។

ជម្រាបជូនផងដែរថា ហ្វីលីពីន ឈរនៅពីលើឥណ្ឌូណេស៊ី ដែលជាប្រទេសផលិតធ្យូងថ្មធំជាងគេទីប្រាំរបស់ពិភពលោកជាមួយនឹងចំណែកថាមពលដែលបានមកពីធ្យូងថ្មបានកើនឡើងដល់កម្រិតខ្ពស់បំផុតចំនួន ៦១,៨% ស្របពេលប្រទេសចិន បានបោះជំហានយ៉ាងល្អក្នុងការកាត់បន្ថយការពឹងផ្នែកលើធ្យូងថ្ម សម្រាប់ផលិតអគ្គិសនី ជាមួយនឹងតម្រូវការធ្លាក់ចុះមកនៅត្រឹម ៦០,៧% ប៉ុណ្ណោះ៕

The post ហ្វីលីពីន វ៉ាដាច់ចិន និងឥណ្ឌូណេស៊ី ក្លាយជាប្រទេសប្រើប្រាស់ធ្យូងថ្មច្រើនបំផុតមួយ appeared first on .

ប្រទេសឥណ្ឌូណេស៊ីទំនងជានឹងនាំចេញធ្យូងថ្មកម្តៅបានខ្ទង់ចំនួន ៩០លានតោននៅចន្លោះពីខែមករា រហូតដល់ដំណាច់ខែកុម្ភៈឆ្នាំនេះ​ ពោលស្មើនឹងការកើនឡើងជាង២៤% បើធៀបនឹងខែដូចគ្នាកាលពីក្នុងឆ្នាំ២០២៣ ។ យ៉ាងណាបើក្រឡេកមកមើលអំពីសមិទ្ធិផលនាំចេញសរុបក្នុងឆ្នាំ២០២៣ វិញប្រទេសឥណ្ឌូណេស៊ីបាននាំចេញធ្យូងថ្មក្នុងចំនួន​ ៥០៤,៦លានតោន ដូច្នេះហើយប្រសិនបើការនាំចេញមាននិរន្តរភាពបែបនេះរហូតនោះ ការនាំចេញធ្យូងថ្មនៅក្នុងឆ្នាំ២០២៤ អាចនឹងឈានដល់ចំណុចបំបែកកំណត់ត្រាជាក់ជាមិនខាន។

គិតមកដល់ពេលនេះ ឥណ្ឌូណេស៊ីមានចំណែកទីផ្សារនាំចេញទៅកាន់បណ្តាប្រទេសជាច្រើន ក្នុងនោះទីផ្សារចម្បងជាងគេគឺប្រទេសចិនដែលមានចំនួន៣៣% ឥណ្ឌាមាន១៥% ឯកូរ៉េខាងត្បូងមានចំនួន៥,៨% ចំណែកហ្វីលីពីនវិញមាន៥,១%ផងដែរ។ យ៉ាងណា បរិមាណនៃការនាំចេញទៅកាន់ប្រទេសកូរ៉េខាងត្បូង ហ្វីលីពីន ជប៉ុន និងម៉ាឡេស៊ីជាដើម បានធ្លាក់ចុះបន្តិចបើធៀបនឹងរយៈពេលដូចគ្នាកាលពីក្នុងឆ្នាំ២០២៣ ប៉ុន្តែវាទំនងជានឹងកើនឡើងម្តងទៀតនៅដំណាច់ខែកុម្ភៈនេះ៕

The post ពីរខែដំបូងឆ្នាំនេះ ឥណ្ឌូណេស៊ីទំនងបំបែកកំណត់ត្រានាំចេញធ្យូងថ្មកម្តៅដល់ ៩០លានតោន appeared first on .