ប្រភពដដែលនេះ បានបង្ហាញថាការនាំចេញទៅកាន់ប្រទេសកូរ៉េខាងជើង បានកើនឡើងដល់ ២២៨,១លានដុល្លារ កាលពីខែមុន ពោលគឺកើនឡើង ៣០,៧៥% ។

គួរឲ្យដឹងផងដែរថា ចំពោះទំនិញសំខាន់ៗដែលចិនបាននាំចេញទៅកាន់ប្រទេសផ្តាច់ការមួយនេះ នៅក្នុងខែកញ្ញា រួមមានប្រេងសណ្តែកសៀង សក់ពាក់ក្លែងក្លាយ រោមចៀមសម្រាប់ធ្វើសក់ ប្រេងកៅស៊ូ និងស្ករគ្រាប់ជាដើម។

ជម្រាបជូនថា ចិននៅតែជាដៃគូពាណិជ្ជកម្មដ៏សំខាន់បំផុតរបស់កូរ៉េខាងជើង និងជាខ្សែជីវិតសេដ្ឋកិច្ចសម្រាប់ប្រទេសដ៏ឯកោនេះ ដែលត្រូវរងនូវទណ្ឌកម្មអន្តរជាតិ ចំពោះកម្មវិធីអាវុធនុយក្លេអ៊ែររបស់ខ្លួន៕​

The post ការនាំចេញទំនិញរបស់ចិន ទៅកាន់ប្រទេសកូរ៉េខាងជើងហក់ឡើងខ្ពស់ខ្លាំង ក្នុងខែកញ្ញា appeared first on .

ទាក់ទងនិងការនាំចេញផ្លែមៀនស្រស់ទៅប្រទេសចិន បើយោងតាមលោក ឃឹម ហ្វីណង់ មន្ត្រីនាំពាក្យក្រសួងកសិកម្ម រុក្ខាប្រមាញ់និងនេសាទបានឱ្យ មកដល់បច្ចុប្បន្នកម្ពុជា មានក្រុមហ៊ុនវេចខ្ចប់  កែច្នៃផ្លែមៀនចំនួន១២កន្លែង។

គួរបញ្ជាក់ថាថ្មីៗនេះ ក្រសួងកសិកម្ម រុក្ខាប្រមាញ់ និងនេសាទ បានធ្វើទស្សនកិច្ចក្រុមហ៊ុន CHINA JINKWOAYUAN IMPORT EXPORT (CAMBODIA) CO. LTD) ដែលជាក្រុមហ៊ុនវេចខ្ចប់មៀនប៉ៃលិនសម្រាប់នាំចេញទៅប្រទេសចិន ហើយក៏ជាក្រុមហ៊ុនដំបូងគេក្នុងប្រទេសកម្ពុជា ដែលបានប្រើប្រាស់ប្រព័ន្ធបច្ចេកវិទ្យាទំនើប ដើម្បីបែងបែងចែកគ្រាប់មៀននីមួយៗ ទៅតាមប្រភេទទំហំ និងអាចវេចខ្ចប់ដោយម៉ាស៊ីនស្វ័យប្រវត្តិ។ ក្នុងមួយថ្ងៃៗ ក្រុមហ៊ុននេះបាននាំចេញមៀនប៉ៃលិនស្រស់ជាង១០០តោន ទៅកាន់ប្រទេសចិន។

យោងតាមរបាយការណ៍របស់អគ្គនាយកដ្ឋាកសិកម្ម បានឱ្យដឹងថា ក្នុងខែមករាឆ្នំា២០២៤នេះមានចំនួនជាង ៦៤៣៨តោន កើនឡើងជាង២៨៨% បើប្រៀបធៀបនឹងរយៈពេលដូចគ្នាឆ្នំា២០២៣៕ តាកែវ

The post ឆ្នាំ២០២៣កម្ពុជាសម្រេចការនាំចេញផ្លែមៀនស្រស់ទៅទីផ្សារចិនជាង១៨ពាន់តោននិងមានតម្លៃជាង២៤លានដុល្លារអាមេរិក appeared first on .

លោក Didi បានិយាយទៀតថា ការនាំចេញសរុបរបស់ឥណ្ឌូនេស៊ី ទៅកាន់ប្រទេសចិន ក្នុងអំឡុងខែមករា ដល់ខែវិច្ឆិកា ឆ្នាំ ២០២៣ កន្លងទៅ មានចំនួនសរុបប្រមាណ ៥៦,៥៧ពាន់លានដុល្លារ ខណ:តម្លៃនៃការនាំចេញពេញមួយឆ្នាំ ត្រូវបានព្យាករថានឹងកើនឡើងដល់ប្រហែល ៦០ពាន់លានដុល្លារ។

មន្ត្រីរដ្ឋាភិបាលរូបនេះ ក៏បានកត់សម្គាល់ទៀតផងដែរថា ប្រសិនបើកំណើននៃការនាំចេញជាមធ្យមមានចំនួន ២,៥% ក្នុងឆ្នាំ ២០២៤ នេះ នោះការនាំចេញរបស់ឥណ្ឌូនេស៊ី ទៅកាន់ប្រទេសចិនអាចមានចន្លោះពី ៦៥ពាន់លានដុល្លារ ទៅ ៧០ពាន់លានដុល្លារ មិនខាន។

ជម្រាបជូនផងដែរថា ក្រសួងពាណិជ្ជកម្មឥណ្ឌូនេស៊ី បានរៀបចំកម្មវិធីជាច្រើន ដើម្បីធ្វើការជំរុញការនាំចេញទៅកាន់ប្រទេសចិន ក្នុងឆ្នាំ ២០២៤ នេះ រួមទាំងការប្រារព្ធពិធីតាំងពិពណ៌ផលិតផលឥណ្ឌូនេស៊ី នៅក្នុងខេត្តមួយចំនួនរបស់ចិនផងដែរ៕

The post ឥណ្ឌូនេស៊ី ដាក់គោលដៅនាំចេញទំនិញទៅកាន់ចិន ច្រើនជាង ៦៥ពាន់លានដុល្លារ នៅឆ្នាំនេះ appeared first on .

ការបញ្ជាទិញទំនិញនៅក្នុងខែវិច្ឆិកា បានកើនឡើងដល់ចំនួន ៥០,៦៣ពាន់លានដុល្លារ ខណៈការបញ្ជាទិញទំនិញនៅរយៈពេល ១១ខែគឺចាប់ពីខែមករា ដល់ខែវិច្ឆិកាមានចំនួន ៥១៧,២៧ពាន់លានដុល្លារ។ ក៏ប៉ុន្តែទោះជាយ៉ាងណាក៏ដោយ តួលេខខែវិច្ឆិកាគឺមានចំនួនទាបជាង ៤,២% ធៀបនឹងខែតុលា ស្របពេលដែល ១១ខែដំបូងនៃឆ្នាំ២០២៣ បានធ្លាក់ចុះ១៥,៨% ធៀបនឹងរយៈពេលដូចគ្នាកាលពីក្នុងឆ្នាំ២០២២។

ក្នុងនោះ MOEA បាននិយាយថា កត្តាដែលនៅពីក្រោយការកើនឡើង ពីមួយឆ្នាំទៅមួយឆ្នាំនៃខែវិច្ឆិកាបែបនេះ ក៏ដោយសារតែការរឹតបន្តឹងការការពារជំងឺរាតត្បាតនៅក្នុងប្រទេសចិនកាលពីឆ្នាំមុន ក៏ដូចជាការរីកចម្រើននៃបញ្ញាសប្បនិម្មិត(AI) កម្មវិធីកំព្យូទ័រដំណើរការខ្ពស់ (HPC) និងបច្ចេកវិទ្យាថ្មីៗជាច្រើនផ្សេងទៀត។

បន្ថែមពីនោះ MOEA បាននិយាយថា ការបញ្ជាទិញទំនិញសម្រាប់ប្រើប្រាស់ក្នុងវិស័យអុបទិកបានកើនឡើង៩,៨% ដោយសារតែមូលហេតុថាតម្លៃសម្រាប់អេក្រង់ទូរទស្សន៍ នៅតែមានតម្លៃខ្ពស់ជាងកាលពីឆ្នាំ២០២២ ខណៈផលិតផលដែលប្រើប្រាស់ក្នុងវិស័យព័ត៌មាន និងទំនាក់ទំនង បានឃើញថាការបញ្ជាទិញរបស់ពួកគេកើនឡើង១០% ខណៈផលិតផលអេឡិចត្រូនិចកើនឡើងចំនួន៣,៥% ៕

The post ការបញ្ជាទិញទំនិញពីកោះតៃវ៉ាន់មានការកើនឡើងវិញ បន្ទាប់ពីធ្លាក់ចុះអស់រយៈពេល ១៤ខែជាប់ៗគ្នា appeared first on .

យោងតាមការចុះផ្សាយពីសារព័ត៌មាន RT បានបង្ហាញថា ដើម្បីជាការឆ្លើយតបទៅនឹងការ​ដាក់ទណ្ឌកម្មសេដ្ឋកិច្ចពីលោកខាងលិច រុស្ស៊ីបានបង្វែទិសដៅពាណិជ្ជកម្មរបស់ពួកគេ រួមទាំងការផ្គត់ផ្គង់ថាមពលជាដើម ទៅកាន់ប្រទេសមិត្តសម្លាញ់ផ្សេងៗ ជាពិសេសគឺចិន​តែម្ដង។

ជាមួយគ្នានេះ រដ្ឋមន្ត្រីហិរញ្ញវត្ថុរុស្ស៊ី Anton Siluanov (អាន់តន់ ស៊ីលូអាណូវ) បានលើកឡើងថា ការនាំចូលទំនិញពីចិន ទៅកាន់ប្រទេសរុស្ស៊ី ក៏មានការកើនឡើងគួរឲ្យកត់សម្គាល់ផងដែរ។

បន្ថែមពីនោះ តាមទិន្នន័យពីគយចិន បានបង្ហាញឲ្យឃើញថា ទំហំពាណិជ្ជកម្មរវាងចិន និងរុស្ស៊ី រយៈពេល ១១ខែ ក្នុងឆ្នាំ២០២៣នេះ កើនឡើង ២៦,៧% សរុបជាទឹកប្រាក់ ២១៨,១៧ពាន់លានដុល្លារ៕

The post ទីផ្សារអាស៊ី កំពុងក្លាយជាគោលដៅនាំចេញទំនិញធំបំផុតរបស់រុស្ស៊ី appeared first on .

មិនតែប៉ុណ្ណោះ ទិន្នន័យដែលត្រូវបានចេញផ្សាយដោយរដ្ឋបាលគយចិន បានបង្ហាញឱ្យដឹងទៀតថា ការនាំចេញទំនិញពីចិន ទៅកាន់ប្រទេសផ្តាច់ការមួយនេះ បានកើនឡើងដល់ ៦៩% នៅក្នុងតម្លៃសរុប ១៦៦លានដុល្លារ នៅក្នុងខែមេសា ។

យ៉ាងណាមិញ សម្រាប់ទំនិញដែលចិន បាននាំចេញទៅច្រើនជាងគេ គឺសក់ពាក់ក្លែងក្លាយ និងរោមចៀម ដែលមានតម្លៃសរុប ១១,៦លានដុល្លារ និងជីកសិកម្ម ដែលមានតម្លៃ ៨,៨៤លានដុល្លារ ស្របពេលរដ្ឋាភិបាលទីក្រុងព្យុងយ៉ាង ក៏បានទិញយកអង្ករពីចិន ចំនួន ៥,០៧ លានដុល្លារ ផងដែរ កាលពីខែមេសា ។

គួរឱ្យដឹងថា គិតពីខែមករា ដល់ខែមេសា ឆ្នាំ ២០២៣ នេះ ការនាំចេញរបស់ចិន ទៅកាន់ប្រទេសកូរ៉េខាងជើង បានហក់ឡើងដល់ ៦០៣លានដុល្លារ ពីចំនួន ២៧០,៥៩លានដុល្លារ ក្នុងរយ:ពេលដូចគ្នា កាលពីឆ្នាំមុន ។

ជម្រាបជូនផងដែរថា ប្រទេសកូរ៉េខាងជើង បានទទួលរងនូវអសន្តិសុខស្បៀងជាយូរមកហើយ ខណ:កាសែត DongA Ilbo របស់កូរ៉េខាងត្បូង បានរាយការណ៍កាលពីពាក់កណ្តាលខែកុម្ភៈកន្លងទៅថា វិបត្តិស្បៀងអាហាររបស់ទីក្រុងព្យុងយ៉ាង អាចនឹងកាន់តែមានភាពយ៉ាប់យ៉ឺន៕

The post ការនាំចេញទំនិញរបស់ចិន ទៅកាន់កូរ៉េខាងជើង នៅតែបន្តកើនឡើងខ្លាំង ក្នុងខែមេសា appeared first on .

ទិន្នន័យដែលត្រូវបានចេញផ្សាយដោយរដ្ឋបាលគយចិន បានបង្ហាញថា ការនាំចេញរបស់ប្រទេសខ្លួន ទៅកាន់កូរ៉េខាងជើង បានកើនឡើង ១៤១,៧% នៅក្នុងខែមីនា ធៀបទៅនឹងឆ្នាំមុន បន្ទាប់ពីការកើនឡើង ១៦១,៥% នៅក្នុងខែមករា ដល់ខែកុម្ភ: ។

គួរឱ្យដឹងថា អង្ករជាទំនិញនាំចូលទៅកាន់កូរ៉េខាងជើងច្រើនជាងគេ ដោយគិតជាតម្លៃសរុប ២២លានដុល្លារ ស្របពេលប្រទេសផ្តាច់ការមួយនេះ ក៏បាននាំចូលសក់សិប្បនិម្មិត តម្លៃប្រហែល ៨លានដុល្លារ និងថ្នាំជក់តម្លៃ ៧លានដុល្លារ ផងដែរ ។

មិនតែប៉ុណ្ណោះ ក្រសួងការបរទេសចិន បាននិយាយពីខែមុនថា ទំនាក់ទំនងរវាងចិន និងកូរ៉េខាងជើង បានឈានចូលដល់ដំណាក់ការប្រវត្តិសាស្រ្តថ្មីមួយ ក្នុងរយ:ពេលប៉ុន្មានឆ្នាំចុងក្រោយនេះ ហើយបានបន្តអភិវឌ្ឍ ក្រោមការដឹកនាំជាយុទ្ធសាស្រ្ត នៃប្រទេសទាំងពីរ៕

The post ការនាំចេញរបស់ចិន ទៅកាន់ប្រទេសកូរ៉េខាងជើងកើនឡើងខ្លាំង នៅក្នុងខែមីនា appeared first on .

ការនាំចេញ ដែលត្រូវបានគេចាត់ទុកថាជាកក្តាជំរុញកំណើនសេដ្ឋកិច្ចដ៏សំខាន់របស់ប្រទេសថៃ នៅក្នុងខែវិច្ឆិកាឆ្នាំនេះ បានមើលឃើញថាមានការថយចុះខ្លាំង ដល់ ៦% ពោលគឺជាកម្រិតខ្ពស់ជាងការព្យាករទុករបស់ Reuter ថាមានត្រឹមតែ ៥,២% ប៉ុណ្ណោះ ។

មិនតែប៉ុណ្ណោះ នៅក្នុងខែតុលា ឆ្នាំ ២០២២ នេះវិញ ការនាំចេញរបស់ប្រទេសថៃ ក៏មានការធ្លាក់ចុះខ្លាំងផងដែរ ដល់ ៤,៤% ។

លើសពីនេះ បើតាមក្រសួងពាណិជ្ជកម្មថៃ បានបង្ហាញថា ការនាំចេញផលិតផលកសិកម្ម នៅក្នុងខែវិច្ឆិកា បានធ្លាក់ចុះ ២% ស្របពេលផលិតផលឧស្សាហកម្មវិញ បានធ្លាក់ចុះរហូតដល់ ៥,១% ។

គួរឱ្យដឹងថា ក្នុងចំណោមទីផ្សារសំខាន់ៗសម្រាប់ប្រទេសថៃ នៅក្នុងខែវិច្ឆិកា ឆ្នាំ ២០២២ នេះ ការនាំចេញទៅកាន់សហរដ្ឋអាមេរិក បានកើនឡើង ១,២% ប៉ុន្តែសម្រាប់ការនាំចេញទៅកាន់ទីផ្សារអាស៊ីអាគ្នេយ៍វិញ បានធ្លាក់ចុះ ៩,៥% និងការ​នាំ​ចេញ​ទៅ​ប្រទេស​ចិន​បាន​ធ្លាក់​ចុះ ៩,៩%។

ជម្រាបជូនផងដែរថា ក្នុងរយៈពេល ១១ ខែដំបូងនៃឆ្នាំ ២០២២ នេះ ការនាំចេញសរុបរបស់ប្រទេសថៃ បានកើនឡើង ៧,៦% ពីមួយឆ្នាំទៅមួយឆ្នាំ ពោលគឺជាកម្រិតខ្ពស់ជាង បើធៀបនឹងគោលដៅ ៤% ដែលព្យាករដោយក្រសួងពាណិជ្ជកម្ម សម្រាប់ឆ្នាំ ២០២២ ៕

The post ការនាំចេញរបស់ប្រទេសថៃ បន្តធ្លាក់ចុះខ្លាំង នៅក្នុងខែវិច្ឆិកា ឆ្នាំ ២០២២ នេះ appeared first on .

ការនាំចេញផលិតផលកសិកម្មសរុបនៅឆ្នាំ ២០១៩ មានប្រមាណជិត ៥លានតោន ក្នុងនោះ ការនាំចេញអង្ករជាផ្លូវការមានប្រមាណ ៦២ម៉ឺនតោន ធ្លាក់ចុះ ០,៩% បើធៀបនឹងឆ្នាំ ២០១៨។ នេះបើតាមការបញ្ជាក់របស់ឯកឧត្តម ស្រី វុឌ្ឍី អ្នកនាំពាក្យ​ក្រសួងកសិកម្ម រុក្ខាប្រមាញ់ និងនេសាទ នៅក្នុងសន្និសីទស្តីអំ​ពី«បច្ចុប្បន្នភាព និងវឌ្ឍនភាពរបស់ក្រសួងកសិកម្ម នៅទីស្តីការគណៈរដ្ឋមន្រ្តី។ ឯកឧត្តមបន្តថា អង្ករកម្ពុជា បាននាំចេញទៅកាន់ប្រទេសចំនួន ៥៩ ក្នុងនោះប្រទេសចិន មានប្រមាន ៤០,៧៣% អឺរ៉ុប ៣២,០១% អាស៊ាន ១៣,៤១% និងប្រទេសផ្សេងៗទៀត ១៣,៨៤% តាមរយៈក្រុមហ៊ុននាំចេញ ចំនួន ៨៩ក្រុមហ៊ុន។ ចំណែកស្រូវនាំចេញក្រៅ​ផ្លូវការទៅ​កាន់ប្រទេសវៀតណាម មានចំនួន ២,១៥លានតោន។

តាមរបាយការណ៍របស់ក្រសួងកសិកម្ម បានបង្ហាញអំពីបញ្ហាប្រឈម​មួយចំនួននៅ​កម្ពុជា មានដូចជា កសិកម្មពឹងផ្អែកខ្លាំងលើកត្តាអាកាសធាតុ(ទឹកជំនន់ រាំងស្ងួត ព្រមទាំងការបំផ្លាញដោយជំងឺ និងសត្វល្អិត)។ កសិករនៅជួបបញ្ហាផលិតភាព គុណភាពទាប និងពិបាកក្នុងការប្រកួតប្រជែងជាមួយផលិតផលកសិកម្មពីបរទេស។ កត្តាបច្ចេកទេសមិនទាន់គ្រប់គ្រាន់ ថ្លៃដើមផលិតខ្ពស់រួមកង្វះពលកម្មកសិ​កម្មនៅ​មូលដ្ឋានផលិត។ ខ្វះខាតដើមទុន ផលិតជាទ្រង់ទ្រាយធំ ឬកសិដ្ឋានធំ។

អ្នកនាំពាក្យក្រសួងកសិកម្ម បានឲ្យដឹងថា គោលដៅយុទ្ធសាស្រ្តរបស់ក្រសួងកសិកម្ម គឺជំរុញកំណើនផលិផលកសិកម្មក្នុងរង្វង់៥%/ឆ្នាំ ត្រូវកើនពី ២៧លានតោន ឆ្នាំ២០១៧ ដល់ ៣៦លានតោន នៅឆ្នាំ​ ២០២៣។ ចំពោះការនាំចេញផលិតផលកសិកម្មត្រូវជំរុញ ឲ្យកើនដល់ ៧%ក្នុង១ឆ្នាំ ពោលគឺកើនពី ៥,៨លានតោន នៅឆ្នាំ ២០១៩ ដល់ ៧,៧លានតោន នៅឆ្នាំ ២០២៣។

ជាមួយគ្នានេះ ក្រសួងកសិកម្ម រុក្ខាប្រមាញ់ និងនេសាទ មានគោលដៅបន្តគ្រប់​គ្រងព្រៃ​ឈើ និងសត្វព្រៃប្រកបដោយចីរភាព ចូលរួមថែរក្សាគម្របព្រៃឈើឲ្យបានល្អប្រសើរ និងបង្កើនចំណូលរបស់សហគមន៍ព្រៃឈើឲ្យកើន ២០% ក្នុងមួយឆ្នាំ ពិសេសជំ​រុញការស្តាព្រៃឈើឡើងវិញ ដោយអនុវត្តនូវវិធានការចាំបាច់នានា ដើម្បចូល​រួមចំណែកធ្វើឲ្យប្រព័ន្ធអេកូឡូស៊ីមានចីរភាព៕

The post កម្ពុជា នាំចេញ​អង្ករ​ជាង ៦២ម៉ឺន​តោ​ន ទៅ​កាន់ ៥៩​ប្រទេ​ស​ឆ្នាំ ២០១៩ appeared first on .