លោក ថាយ សុមុន្នី ស្ថាបនិក កសិដ្ឋានមុន្នីមានប្រសាសន៍ថា ក្ដីស្រម៉ៃនិង គោលបំណងក្នុងការបង្កើតកសិដ្ឋាននេះឡើងដើម្បីចូលរួមផលិតត្រី បង្កងក្នុងស្រុក និងដាំដើមប្រភេទដើមឈើមានតម្លៃទុកឱ្យកូនចៅជំនាន់ក្រោយ។
លោកបន្តថា “២ឆ្នាំមកនេះយើងបានធ្វើការផ្សាំកូនត្រីប្រា ឱ្យក្លាយជាកូនត្រីប្រាពូជ ផ្គត់ផ្គង់ជូនអតិថជន ដែលចង់ចិញ្ចឹមកូនត្រីប្រាក្នុងស្រុកយើងឱ្យទទួលបានកូនត្រីដែលមានសុវត្ថិភាព សុខភាពល្អកសិករយកចិញ្ចឹមបន្តឆាប់ធំមិនមានជំងឺ ។ មួយទៀតយើងមានការផ្សាំកូនបង្កងឈ្មោលលក់ជូនបងប្អូនអាជីករដែលមានបំណងចិញ្ចឹមបង្កងសាច់ផងដែរ ក្រៅពីចិញ្ចឹមបង្កងសាច់លក់ជូនអតិថជននៅក្នុងស្រុក”។

លោកបន្តថា ការផ្សាំកូនត្រីប្រារនៅឆ្នាំនេះសង្ឃឹមថាមានការកើនឡើងប្រហែលជា៣០%ទៀត ឬមានប្រមាណ២ទៅ៣លានកូន ព្រោះឆ្នាំទៅយើងផ្សាំកូនត្រីបានជាង១លានកូន ខណៈក្នុងផែនការនិងទិសដៅរបស់កសិដ្ឋានចង់ផ្សាំឱ្យបានរហូតដល់៥លានកូននៅពេលខាងមុខ។ ចំពោះការចិញ្ចឹមបង្កងសាច់ក្នុងរយៈពេល២ឆ្នាំកន្លងមកនេះ ផលិតបានបង្កងសាច់បានជាង១តោន ហើយនៅក្នុងទិសដៅលោកចង់បានបង្កងសាច់ពី៣ទៅ៥តោន តែត្រូវការផ្ទៃដីធំ និងមានការចាប់ដៃជាមួយបងប្អូនវារីរប្បករដែលមានទីតាំងសមស្របអាចពង្រីកការចិញ្ចឹមបង្កងបន្ថែមបាន ដើម្បីឱ្យការចិញ្ចឹមបង្កងនៅខេត្តតាកែវមានទីផ្សារល្អ អ្នកប្រើប្រាស់ក្នុងប្រទេសទទួលស្កាល់ថាបង្កងមានរស់ជាតិឆ្ងាញ់ ដូចទៅនិងបង្កងធម្មជាតិដែរ។

បើតាមលោក ថាយ សុមុន្នី ទន្ទឹមនិងបង្កងធម្មជាតិមានការធ្លាក់ចុះខ្លាំង កម្ពុជាមានតម្រូវការនាំចូលបង្កងសាច់មកពីប្រទេសជិតខាងបន្ថែមដើម្បីបំពេញនូវតម្រូវការបរិភោគរបស់ពលរដ្ឋក្នុងស្រុក។ តែទន្ទឹមនិងនេះវាក៏ជាឱកាសសម្រាប់ប្រជាកសិករដែលចូលចិត្តចិញ្ចឹមបង្កងបែបធម្មជាតិ រួមនិងកសិដ្ឋានមុន្នីនៅក្នុងខេតត្តតាកែវ និងកសិករនៅតាមបណ្ដាលខេត្តផ្សេងទៀតស្ថិតក្នុងដីសណ្ដរទន្លេមេគង្គកម្ពុជា អាចពង្រីកសក្តានុពលនៃចិញ្ចឹមបង្កងសាច់ផងដែរ។

លោក ថាយ សុមុន្នី ទទួលស្គាល់ថាក្នុងដំណើរការកសិដ្ឋានរយៈពេល២ឆ្នាំមកនេះ យើងមិនទាន់បានផលអ្វីជាដុំកំភួននៅឡើយ។ ប៉ុន្តែកសិដ្ឋានបានចូលរួមបង្ហាញជូនដល់ប្រជាកសិកររស់នៅក្នុងតំបន់ដែលចាប់អារម្មណ៍និងការងារវារីវប្បកម្មនេះបានច្រើន។ ពិសេសយើងបានផ្ដល់ឱកាសដល់និស្សិតខាងវិទ្យាស្ថានជាតិកសិកម្មព្រៃកលៀប វិទ្យាស្ថានជាតិកសិកម្មកំពង់ចាម និងខាងវិទ្យាល័យខេត្តកំពង់ឆ្នាំងដែលស្ថិតនៅមន្ទីអប់រំខេត្តកំពង់ឆ្នាំងបានបញ្ជូននិស្សិតមកបន្ថែមទៀតបានសិក្សាផ្ទាល់ ពីលក្ខណៈបច្ចេកទេសគ្រប់គ្រងកសិដ្ឋាន បច្ចេកទេសនៃការចិញ្ចឹម ការគ្រប់គ្រងធនធានទឹកនិងការឱ្យចំណី ការប្រមូលផល ការវិចខ្ចប់និងទីផ្សារផងដែរ៕

The post ស្ថាបនិកកសិដ្ឋានមុន្នីបង្កើនការផ្សាំកូនត្រីប្រាឱ្យកើនដល់៣លានកូន និងផ្គត់ផ្គង់បង្កងសាច់លើផ្សារបានដល់៥តោន appeared first on .

លោក អ៊ុក ហាក់ នាយរងខណ្ឌរដ្ឋបាលជលផលនៃមន្ទីរកសិកម្មខេត្តតាកែវ បានឱដឹងថាមុខរបរចិញ្ចឹមបង្កងបែបធម្មជាតិរបស់ប្រជាពលរដ្ឋក្នុងខេត្តតាកែវ បើកសិករប្រៀបធៀបទៅនិងការធ្វើស្រែ ពួកគាត់គំនិតខុសប្លែកពីមុន ដោយសារមុខរបរចិញ្ចឹមបង្កងនេះវាមានរយៈពេលខ្លី ដូចទៅនិងការធ្វើស្រែប្រាំង បើកសិករទិញកូនបង្កងដែលមានទំហំធំស្រាប់យកមកចិញ្ចឹមបន្តរយៈពេលតែ២ទៅ៣ខែទៀត កសិករអាចប្រមូលផលបាន។ ដូចនេះកសិករ នឹងពង្រីកមុខរបរចិញ្ចឹមបង្កងរបស់ពួកគាត់ថែមទៀតដោយសារ មុខរបរចិញ្ចឹមបង្កងធម្មជាតិមួយនេះ វាមានលក្ខណៈងាយស្រួលជាងមុខរបរធ្វើស្រែ។

លោក បន្តថា ការកើនឡើងនូវទំនុកចិត្តលើមុខរបរចិញ្ចឹមបង្កងរបស់កសិករក្នុងតំបន់នេះ ដោយសារតែតម្លៃបង្កងនៅលើទីផ្សារសព្វថ្ងៃនេះនៅតែលក់បានថ្លៃ ហើយលើសពីនេះមានក្រុមហ៊ុនក្នុងស្រុកមួយបានប្រមូលទិញបង្កងសាច់នៅតាមតំបន់ ស្របពេលការផ្គត់ផ្គង់នៅមិនទាន់ឆ្លើយតបតម្រូវការនៅឡើយ ទើបធ្វើឱ្យកសិករមានជំនឿចិត្តកាន់តែខ្ពស់។

បើតាមមន្ត្រីជំនាញរូប សព្វថ្ងៃលោកកំពុងជំរុញធ្វើការផ្សព្វផ្សាយ និងកំពុងបញ្ជ្រៀបចំណេះដឹងដល់កសិករអំពីការចិញ្ចឹមបង្កង ហើយនៅពេលខាងមុខដ៏ខ្លីនេះ លោកនឹងបើកវគ្គបណ្តុះបណ្តាលពីបច្ចេកទេសចិញ្ចឹមបង្កង និងការរៀបចំផែនការនិងការគ្រប់គ្រង់អាជីវកម្មជូនដល់កសិករក្នុងតំបន់។

លោក អ៊ុក ហាក់ នាយរងខណ្ឌរដ្ឋបាលជលផលនៃមន្ទីរកសិកម្មខេត្តតាកែវគូសបញ្ជាក់ថា «បច្ចុប្បន្ននេះខេត្តដែលមានសក្តានុពលលើមុខរបរចិញ្ចឹមបង្កងធម្មជាតិ មានដូចជា ខេត្តតាកែវ ខេត្តកណ្តាល និងខេត្តព្រៃវែង ដែលស្ថិតនៅក្នុងទីតំាងជាប់ដែនធម្មជាតិ ហើយទាក់ទងនិងការចិញ្ចឹមបង្កងនេះដែរ ជាយុទ្ធសាស្ត្រក៏ដូចជាគោលការណ៍របស់ក្រសួងកំពុងឱ្យខេត្តតាកែវ កំពុងរៀបចំបង្កើតឱ្យមានសហគមន៍ចិញ្ចឹមបង្កងមួយ ដែលយើងកំពុងស្វះស្វែងចងក្រងក្រុមពួកគាត់ឱ្យដំណើរការ»៕ តាកែវ

The post តម្លៃនិងតម្រូវការបង្កងបែបធម្មជាតិលើទីផ្សារកំពុងធ្វើឱ្យកសិករកាន់តែមានទំនុកចិត្តខ្ពស់លើមុខរបរ appeared first on .

ប្រទេសជាសមាជិកអាស៊ានចំនួនបីគឺ ឥណ្ឌូនេស៊ី ថៃ និងវៀតណាម បាននិងកំពុងខិតខំប្រឹងប្រែងយ៉ាងខ្លាំង ដើម្បីដណ្តើមយកចំណែកទីផ្សារកាន់តែច្រើន ចំពោះការនាំចេញបង្កងរបស់ខ្លួន ទៅកាន់ប្រទេសចិន បន្ទាប់ពីបានមើលឃើញថាការនាំចេញរបស់ពួកគេ បានកើនឡើងជាបន្តបន្ទាប់ គិតចាប់តាំងពីឆ្នាំ២០១០ មក។

គួរឲ្យដឹងថា ប្រទេសជាសមាជិកទាំងបីនៃតំបន់អាស៊ាន បច្ចុប្បន្នកំពុងដណ្តើមបាន ៦,៨% នៃចំណែកទីផ្សារលើការនាំចូលបង្កងសរុបរបស់ប្រទេសចិន កាលពីឆ្នាំមុន ពោលគឺបានកើនឡើងទ្វេដងបើធៀបនឹងឆ្នាំ២០១៩ ។

យោងតាមទិន្នន័យគយចិន បានបង្ហាញឲ្យដឹងទៀតថា ឥណ្ឌូនេស៊ី ជាប់ចំណាត់ថ្នាក់ជាអ្នកនាំចេញបង្កងធំជាងគេទី៥ ទៅកាន់ប្រទេសចិន ជាមួយតម្លៃសរុបឈានដល់ ១៨,២៧លានដុល្លារ ក្នុងឆ្នាំ២០២៣ កើនឡើងជិត ៤៤% ឬស្មើនឹង ២,៩% នៃចំណែកទីផ្សារសរុប។

ជាមួយគ្នានេះផងដែរ ប្រទេសថៃ ក៏ត្រូវបានចាត់ទុកថាជាប្រទេសចេញអាហារសមុទ្រដ៏ធំបំផុតទីប្រាំពីរ ទៅកាន់ប្រទេសចិន ផងដែរ ដោយបានមើលឃើញថាការនាំចេញបង្កងរបស់ខ្លួនកើនឡើងដល់ ១៦០ ដង គិតចាប់តាំងពីឆ្នាំ២០១៩ មក ពីតម្លៃសរុប ៨៨ ១២៣ដុល្លារ ដល់ ១៤,១លានដុល្លារកាលពីឆ្នាំមុន ឬស្មើនឹង ២,២% នៃចំណែកទីផ្សារសរុប។

ឱកាសនៃការនាំចេញបង្កងរបស់ប្រទេសសមាជិកអាស៊ានទាំងបី ទៅកាន់ប្រទេសចិន នៅតែត្រូវបានគេរំពឹងទុកថាបន្តកើនឡើង ពោលគឺចាប់តាំងពីរដ្ឋាភិបាលទីក្រុងប៉េកាំង បានដាក់ចេញបម្រាមហាមឃាត់ការនាំចូលបង្កងពីប្រទេសអូស្រ្តាលីមក។

ជម្រាបជូនផងដែរថា យោងតាមរដ្ឋបាលទូទៅនៃគយចិន បានបង្ហាញឲ្យដឹងថា ប្រភពដ៏ធំរបស់ចិន សម្រាប់ការនាំចូលបង្កងនៅពេលនេះ គឺប្រទេសនូវែលសេឡង់ ដែលមានចំណែកទីផ្សារស្ទើរតែ ៤០% នៃចំណែកទីផ្សារសរុប ខណ:បន្ទាប់មកគឺម៉ិកស៊ិក មានចំណែកទីផ្សារ ២០% និងសហរដ្ឋអាមេរិកដែលមានចំណែកទីផ្សារ ១៦%៕

The post បីប្រទេសនៅតំបន់អាស៊ាន រំពឹងខ្ពស់លើការនាំចេញបង្កងទៅកាន់ប្រទេសចិន appeared first on .

លោក សាប់ សារុន កសិករចិញ្ចឹមបង្កងទឹកសាបនៅឃុំសំបួរ ស្រុកទ្រាំងខេត្តតាកែវ បានឱ្យដឹងថា នៅក្នុងរដូវបុណ្យភ្ជុំបិណ្ឌឆ្នំានេះ ចាប់ពីថ្ងៃបិណ្ឌទីមួយការលលក់បង្កងរបស់លោកចាប់ផ្តើមមានការកើន បើប្រៀបធៀបទៅនិងថ្ងៃធម្មតា។ ជាក់ស្តែងចាប់ពីបិណ្ឌទី៣តទៅថ្លៃខ្លះ លោកអាចលក់បង្កងរបស់ខ្លួនបានដល់២០គីឡូ។ ពិសេសជាងនេះទៅទៀតនៅថ្ងៃបិណ្ឌទី១៤និង១៥ អាចលក់បានរហូតដល់៦០គីឡូក្នុងមួយថ្ងៃ។

លោក សាប់ សារុន បញ្ជាក់ថា «នៅក្នុងរដូវបុណ្យភ្ជុំបិណ្ឌឆ្នំា២០២៣នេះ ប្រជាពលរដ្ឋរស់នៅក្នុងតំបន់មកទិញផ្ទាល់នៅនិងកន្លែងចិញ្ចឹមមានច្រើនប្រហាក់ប្រហែលទៅនិងអ្នកកំម្ម៉ង់ទិញតាមទូរស័ព្ទ។ សម្រាប់បង្កងលេខ២លក់ក្នុងតម្លៃ៨ម៉ឺនរៀល និងលេខ៣ថ្លៃ៧ម៉ឺនរៀលក្នុងមួយគីឡូក្រាម»។

បើតាមកសិករចិញ្ចឹមបង្កង ខាងលើនៅក្នុងមួយរដូវបុណ្យភ្ជុំបិណ្ឌឆ្នាំ២០២៣ លោកលក់បានប្រហែល៥០០គីឡូក្រាម ហើយន្ទឹមនិងការលក់បង្កងនៅក្នុងរដូវភ្ជុំបិណ្ឌកើនឡើង បច្ចុប្បន្ននៅមានបង្កងបែបធម្មជាតិនៅក្នុងស្រែបង្កងប្រហែល២ម៉ឺនក្បាលសម្រាប់ផ្គត់ផ្គង់តម្រូវការទីផ្សារ ខណៈដែលថ្មីៗលោកសាប់សារុនក៏បាននិងដាក់កូនចិញ្ចឹមសម្រាប់ផ្គត់ផ្គង់សាច់ និងចែកចាយកូនបង្កងទៅដល់ប្រជាកសិករនៅក្នុងតំបន់រហូតដល់២០ម៉ឺនកូននៅក្នុងទីតំាងរបស់ខ្លួន។

លោក ថាយ សុមុនី ប្រធាននាយកដ្ឋានវារីវប្បកម្មនៃរដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទមានប្រសាសន៍ថា ក្រសួងកសិកម្មរុក្ខាប្រមាញ់និងនេសាទ ក៏ដូចជាមន្ទីរកសិកម្ម រដ្ឋបាលជលផលខេត្តតាកែវ ចង់ឃើញដីសណ្តទន្លេមេគង្គកម្ពុជា ពិសេសក្នុងខេត្តតាកែវ កណ្តាល ព្រៃវែង មានការពង្រីការចិញ្ចឹមបានកាន់តែច្រើន ដើម្បីចូលរួមកាត់បន្ថយការនាំចូលពីប្រទេសជិតខាង ឬអាចឈានដល់ការនាំចេញទៅថ្ងៃអនាគត។

លោកបញ្ជាក់ថា «ថ្មីៗនេះយើងបានអញ្ចើញអ្នកជំនាញការក៏ដូចជាសាស្ត្រាចិនចុះមកមើលទីតំាងចិញ្ចឹមបង្កងរបស់យើង និងបានភ្លក្សម្ហូបធ្វើពីបង្កងទឹកសាបហើយ គាត់ទទួលស្គាល់រសជាតិ និងមានការចាប់អារម្មណ៍ ហើយទីតំាងសមស្របអាចជំរុញការចិញ្ចឹមបង្កងទឹកសាប ។ជាទិសដៅរដ្ឋាបាលជលផលក៏បានស្នើសុំទៅក្រសួងកសិកម្មរុក្ខាប្រមាញ់និងនេសាទនៅការពង្រីកការចិញ្ចឹមបង្កងនៅតាមខេត្តគោលដៅ មានខេត្តតាកែវ កណ្តាលនិងខេត្តព្រៃវែង»៕ អត្ថបទ៖ សារេត

The post បង្កងចិញ្ចឹមបែបធម្មជាតិកំពុងក្លាយជាមុខម្ហូបពេញនិយមមួយសម្រាប់គ្រួសារនិងមិត្តភក្រ្ត័ក្នុងរដូវបុណ្យទាន appeared first on .

ក្រុមមន្ត្រីជំនាញខាងបច្ចេកទេសរបស់ចិនចាប់ផ្តើមចុះសិក្សាស្វែងយល់អំពីការគ្រប់គ្រងជលផលនិងវារីវប្បកម្មហើយកាលពីថ្ងៃទី១ខែឧសភានៅតាមបណ្តាខេត្តគោលដៅ ដើម្បីសរសេរផែនការឆ្លើយតបទៅនិងទិដ្ឋភាពជាក់ស្តែងរបស់កម្ពុជា ដើម្បីធ្វើការអភិវឌ្ឍនៅពេលបន្ទាប់ ខណៈបេសកម្មសិក្សាមានរយៈពេលមួយខែ។

បើយោងតាមមន្ត្រីជំនាញខាងជលផលនិងវារីវប្បកម្មរបស់កម្ពុជា ដែលដឹកនាំដោយ លោក ហាវ វិសិដ្ឋ អនុប្រធានរដ្ឋបាលជលផល និងលោក ថាយ សុមុនី ប្រធាននាយកដ្ឋានវារីវប្បកម្មនៃរដ្ឋបាលជលផល នៃក្រសួងកសិកម្មរុក្ខាប្រមាញ់ និងនេសាទ សម្រាប់ទឹកដីខេត្តតាកែវ បានឱ្យឧកញ៉ាញ៉ូស៍ដឹងថា ក្រុមមន្ត្រីបច្ចេកទេសចិននេះមកនៅពេលនេះ ដើម្បីសិក្សាស្វែងយល់អំពីការគ្រប់គ្រង ការអនុវត្តជលផលនិងវារីវប្បកម្មនៅកម្ពុជា ដើម្បីរៀបចំសរសេរផែនឱ្យឆ្លើយតបទៅនិងទិដ្ឋភាពរបស់កម្ពុជា។

លោក ថាយ សុមុនី ប្រធាននាយកដ្ឋានវារីវប្បកម្មនៃរដ្ឋបាលជលផល មានប្រសាសន៍ថា ក្រុមការងារជលផលនៃក្រសួងកសិកម្ម រុក្ខាប្រមាញ់និងនេសាទ សហការជាមួយមន្ទីរកសិកម្ម ខណ្ឌរដ្ឋបាលជលផលខេត្តតាកែវ កំពត កំពង់សោម សៀមរាប កំពង់ធំ កំពង់ឆ្នំា បាត់ដំបង បន្ទាយមានជ័យ ធ្វើកិច្ចសហការជាមួយគាត់(មន្ត្រីបច្ចេកទេសចិន)ចុះទៅមើលទាក់ទងគ្រប់គ្រងជលផល ការងារសហគមន៍នេសាទ សហគមន៍រក្សាជម្រកត្រី ការងារអនុវត្តវារីវប្បកម្ម ការងារស្រាវជ្រាវវារីវប្បកម្មនៅកម្ពុជា។

លោកបញ្ជាក់ថា «ក្រុមការងារជំនាញបច្ចេកទេសរបស់ចិន មានគ្រប់ផ្នែកដូចជាកសិកម្ម សត្វនិងផលិតកម្មសត្វ ពេទ្យសត្វ កៅស៊ូ ជលផលនិងវារីវប្បកម្ម អ៊ីចឹងក្រុមការងារនេះមានបេសកម្មរយៈពេលមួយខែ ដោយធ្វើការបែងចែកជាក្រុមជំនាញមួយៗ ចុះធ្វើការនៅតាមខេត្តគោលដៅដែលគាត់ត្រូវការស្វែងយល់»។

បើយោងតាមប្រធាននាយកដ្ឋានវារីវប្បកម្មនៃរដ្ឋបាលជលផល បេសកម្មរបស់មន្ត្រីបច្ចេកទេសចិន ចុះធ្វើកម្មសិក្សានេះមានរយៈពេលតែពេល១០ថ្ងៃ ហើយក្រុមបច្ចេកទេសរបស់ចិនចំណាយពេលសរសេរផែនការនៅក្រុងភ្នំពេញជាមួយក្រុមជំនាញរបស់អគ្គនាយកដ្ឋាននីមួយៗនៃក្រសួងកសិកម្ម រុក្ខាប្រមាញ់និងនេសាទ ។

លោកលើកឡើងថា សម្រាប់ខេត្តតាកែវឃើញថាមានសក្តានុពល ពិសេសស្រុកនៅជាប់ដីសណ្តរទន្លេមេគង្គ ដូចជាស្រុកទ្រំាង ស្រុកជលសារ ស្រុកកោះអណ្តែតនិងស្រុកអង្គរបូរីនេះវាមានសក្តានុពលធ្វើកសិកម្មចម្រុះមានស្រូវ បង្កងនិងត្រី ដែលជាផ្នែកមួយបង្ហាញទៅខាងភាគីជំនាញបច្ចេកទេសរបស់ចិន ឱ្យបានយល់អំពីសក្តានុពលនៃខេត្តតាកែវ ពិសេសស្រុកទំាង៤ ដែលមានរបបទឹកល្អទំាងនៅរដូវប្រំាងនិង រដូវវស្សា។

លោក ថាយ សុមុនី មានប្រសាសន៍ថា «ឥលូវនេះយើងកំពុងពិភាក្សាជាមួយក្រុមជំនាញរបស់ភាគីចិន ហើយអ្វីដែលគាត់បានស្តាប់យើង ហើយគាត់យកទៅសរសេរជាផែនការឡើងនេះឃើញថាវាល្អ ព្រោះការគ្រប់គ្រងវារីវប្បកម្មនៅប្រទេសចិននេះមានការរីកចម្រើនខ្លំាងណាស់ហើយជាប់លេខមួយនៅលើពិភពលោក។ អ៊ីចឹងគាត់មកជួយយើង ដោយគាត់ចុះមកសរសេរពីបទពិសោធន៍ជាក់ស្តែង និងធ្វើបានជោគជ័យនៅប្រទេសចិន។ដូចនេះយើងសង្ឃឹមថាផែនការដែលគាត់សរសេរនេះនឹងឆ្លើយតបទៅនិងទិដ្ឋភាពជាក់ស្តែងរបស់ប្រទេសកម្ពុជា ហើយទាមទារឱ្យយើងស្វែងរកប្រភពថវិកាដើម្បីយកមកអនុវត្តនៅលើផែនការដែលយើងត្រូវធ្វើថ្ងៃខាងមុខ»៕ អត្ថបទ៖សារេត

The post ចិនចុះសិក្សាស្វែងយល់អំពីការគ្រប់គ្រងជលផលនិងវារីវប្បកម្មសម្រាប់កម្ពុជាធ្វើការអភិវឌ្ឍន៍នាពេលខាងមុខ appeared first on .

យោងតាមលិខិតរបស់ក្រសួងពាណិជ្ជកម្មបានឱ្យដឹងថា ក្រសួងពាណិជ្ជកម្ម នឹងសហការជាមួយក្រសួងឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍ និងក្រសួងវប្បធម៌និងវិចិត្រសិល្បៈ និងអង្គការដៃគូអភិវឌ្ឍន៍រៀបចំទិវាកម្មសិទ្ធិបញ្ញាពិភពលោកក្រោមមូលបទ«ស្ត្រី និងកម្មសិទ្ធិបញ្ញា៖ ពន្លឿនការបង្កើតថ្មី និងភាពច្នៃប្រឌិត»នៅសណ្ឋាគារភ្នំពេញ។

ក្រសួងពាណិជ្ជកម្មគូសបញ្ជាក់ថា «គោលបំណងនៃការរៀបចំទិវាកម្មសិទ្ធិបញ្ញាពិភពលោកនេះគឺសម្ពោធដាក់ឱ្យប្រើប្រាស់ជាផ្លូវការ និងប្រគល់វិញ្ញបនបត្រចុះបញ្ជីម៉ាកសម្គាល់ភូមិសាស្ត្រទំនិញដូចជា អំបិលកំពតកែប,ទឹកត្រីកំពតកែប និងបង្កងតាកែវ និងម៉ាកសមូហភាព៤ផ្សេងទៀតដូចជាដូងខ្ទិះបាត់ដំបង,នំបញ្ចុកសៀមរាប,ក្រូច្លុងកោះពីរនិងអំបុកកំពង់ធំ»។

ពាក់ព័ន្ធនិងម៉ាកសម្គាល់ភូមិសាស្ត្រទំនិញ,បើយោងតាមលោក ប៊ុន ណារិន ប្រធានសមាគមអ្នកផលិតម៉ាកសម្គាល់ភូមិសាស្ត្រទំនិញអំបិលកំពត-កែប ធ្លាប់ប្រាប់ឱ្យដឹងថា កាលណាអំបិលកំពត-កែប ក្លាយជាម៉ាកសម្គាល់ភូមិសាស្ត្រទំនិញត្រឹមត្រូវទៅតាមច្បាប់នោះតម្លៃរបស់វាខ្ពស់ជាងពេលមុនៗ តួយ៉ាងម្រេចកំពតកាលពីមុនមួយគីឡូក្រាមថ្លៃតែ ៤ដុល្លារអាមេរិក គ្មានអ្នកណាគេទិញផង តែដល់ពេលយើងបានចុះម៉ាកសម្គាល់ភូមិសាស្ត្រ គិតមកដល់ម៉ោងនេះម្រេចខ្មៅថ្លៃ២៥ដុល្លារអាមេរិកក្នុងមួយគីឡូក្រាម។ ដូចនេះខ្ញុំគិតថាប្រជាកសិករផលិតអំបិលនៅពេលខាងមុខនេះ អាចទទួលបានប្រាក់ចំណូលកើនឡើងជាងពេលមុនៗ តាមរយៈគុណប្រយោជន៍នៃការចុះបញ្ជីម៉ាកសម្គាល់ភូមិសាស្ត្រទំនិញនេះ។

លោកលើកឡើងថា កាលពីចុងឆ្នាំ២០២២ អំបិលធម្មតាមួយបាវទម្ងន់៥០គីឡូក្រាម ថ្លៃពី២៨.០០០ ទៅ៣០.០០០រៀល។ តែមកដល់សព្វថ្ងៃនេះ មានតម្លៃជាង ១៧.០០០រៀល ដោយសាររដូវកាលផលិតចូលមកដល់ធ្វើឱ្យឈ្មួញដើរទិញឱ្យតម្លៃទាប ហើយប្រជាកសិករដែលមិនមានដើមទុន ពួកគាត់លក់ដើម្បីយកលុយមកបន្តដំណើរការរបស់ខ្លួន។តែសម្រាប់យើង គឺចង់ពង្រឹងតម្លៃដោយសារអំបិលរបស់យើងផលិតបែបធម្មជាតិ ហើយនៅលើពិភពលោកនៅមានតិចកន្លែងណាស់ដែលផលិតបែបនេះ អ៊ីចឹង គឺយើងចង់បានតម្លៃមួយខ្ពស់។

លោកបន្តថា ជាទូទៅតម្រូវការអំបិលនៅក្នុងស្រុកក្នុងមួយឆ្នាំៗ មានប្រមាណ ៧ម៉ឺនតោន ប៉ុន្តែបើកម្ពុជាអាចផលិតអំបិលបានដល់ ៦ម៉ឺនតោនក្នុងមួយឆ្នាំ ឆ្លើយតបទៅនឹងតម្រូវការក្នុងស្រុកបានច្រើន បើត្រូវការនាំចូលបន្ថែមអាចមានបរិមាណតិចតួច។

លោក ប៊ុន ណារិន សង្កត់ធ្ងន់ថា៖ «មកដល់ឆ្នាំ២០២២ និង២០២៣នេះ ផ្ទៃដីផលិតអំបិលមានជាង ២ពាន់ហិកតា ហើយនៅពេលដែលផលិតផលសម្គាល់ភូមិសាស្ត្រទំនិញអំបិលកំពត-កែបអាចលក់បានថ្លៃ វានឹងធ្វើឱ្យប្រជាកសិករដែលបានបោះបង់ឬទុកស្រែអំបិលចោលកាលពីមុនៗពួកគាត់វិលមកផលិតអំបិលឡើងវិញ។ តែទន្ទឹមនឹងនេះ សមាគម ត្រូវពេលវេលាសម្រាប់ធ្វើការបណ្តុះបណ្តាលណែនាំទៅដល់សមាជិកទាំងអស់ ឱ្យបានយល់អំពីការផលិតអំបិលឱ្យមានគុណភាព និងមានអនាម័យខ្ពស់ស្របទៅតាមសៀវភៅបន្ទុកដែលបានកំណត់»។

លោក សួន វិជ្ជា ទីប្រឹក្សាក្រសួងពាណិជ្ជកម្ម ប្រធានលេខាធិការដ្ឋាននៃគណៈកម្មការជាតិគ្រប់គ្រងកម្មសិទ្ធបញ្ញា និងជាប្រធាននាយកដ្ឋានកម្មសិទ្ធបញ្ញាបានឱ្យដឹងថា «កាលពីដើមឡើយការផលិតបង្កងតាកែវនៅមានការរាយប៉ាយ ហើយការផលិតមិនគ្រប់គ្រាន់និងមិនបំពេញទៅតាមស្តង់ដារដែលធ្វើឱ្យអ្នកប្រើប្រាស់ អតិថិជនដែលចង់បរិភោគបង្កងតាកែវមិនជឿទុកចិត្ត។ប៉ុន្តែក្រោយពីការបង្កើតម៉ាកសម្គាល់ភូមិសាស្ត្រនេះហើយវានិងជួយបង្កើនជំនឿទុកចិត្តដល់អតិថជនចង់មកទិញបង្កងតាកែវឬចង់មកខេត្តតាកែវ។អត្ថប្រយោជន៍នេះតាមរយៈការបង្កើតសមាគមអាជីវករបង្កងទឹកសាបខេត្តតាកែវនៅថ្ងៃនេះគឺជាព្រិត្តិការណ៍មួយដ៏សំខាន់របស់ខេត្តតាកែវ។ បង្កងតាកែវនឹងក្លាយជាម៉ាកមួយដែលល្បីដូចទៅនិងក្រូចថ្លុងកោះទ្រង់ដែលគេស្គាល់ជាទូទៅអីចឹងនិងក្លាយជាគោលដៅទេសចរណ៍និងលើកកម្ពស់ជីវភាពរបស់ប្រជាពលរដ្ឋ»។

លោកជំទាវ គង់ សិទ្ធិកា អនុរដ្ឋលេខាធិការក្រសួងពាណិជ្ជមានប្រសាសន៍ថាកម្មសិទ្ធបញ្ញាមិនត្រឹមតែដើរតួនាទីយ៉ាងសំខាន់ទៅលើវិស័យជាច្រើនប៉ុណ្ណោះទេ ប៉ុន្តែមានសារសំខាន់ខ្លំាងផងដែរក្នុងការលើកកម្ពស់ផលិតផលកម្ពុជាតាមរយៈការកសាងកេរ្តិ៍ឈ្មោះម៉ាក ការកែច្នៃ ការវេចខ្ចប់ ការធ្វើទីផ្សារ ការគ្រប់គ្រងនិងការទប់ស្កាត់ពីការក្លែងបន្លំ ដោយក្នុងនោះក្រសួងពាណិជ្ជកម្មបង្កងតាកែវជាផលិតផលសក្តានុពលសម្រាប់ចុះបញ្ជីការពារម៉ាកសម្គាល់ភូមិសាស្ត្រទំនិញ ដើម្បីលើកកម្ពស់ភាពប្រកួតប្រជែង គុណភាពបង្កងរបស់កម្ពុជានៅលើទីផ្សារជាតិនិងអន្តរជាតិនិងសម្រាប់បញ្ជាក់អំពីអត្តសញ្ញាណនៃប្រភពដើមផលិតកម្ម បំពាក់លើផលិតផលបានដាក់លក់លើទីផ្សារ។

លោកជំទាវសង្កត់ធ្ងន់ថា «​ការណ៍នេះមិនត្រឹមតែផ្តល់ទំនុកចិត្តដល់អ្នកប្រើប្រាស់និងទីផ្សារប៉ុណ្ណោះទេបង្កងតាកែវនៅខាងក្រៅប្រទេសនោះទេប៉ុន្តែ ម៉ាកនេះនឹងក្លាយជាកម្លំាងស្នូលទាញទេសចរបរទេសឱ្យមកធ្វើទស្សនៈកិច្ចនៅក្នុងតំបន់ផលិតកម្មដែលជាឱកាសសម្រាប់សហគមន៍កសិកម្ម ឬយុវជនអាចបង្កើនប្រភពចំណូលបន្ថែមក្នុងការរៀបចំកញ្ចប់សេវាអេកូទេសចរណ៍ជូនដល់ភ្ញៀវដែលមកកម្សាន្តនៅក្នុងតំបន់របស់សហគមន៍»៕ អត្ថបទ៖សារេត

The post ម៉ាកផលិផលក្នុងស្រុក៧ប្រភេទនិងដាក់ឱ្យប្រើប្រាស់ជាផ្លូវការនៅថ្ងៃទី២៦មេសានេះ appeared first on .

ក្នុងពិធីនេះមានអញ្ចើញចូលរួមជាកិត្តិយសពី លោក សួន វិជ្ជា ទីប្រឹក្សាក្រសួងពាណិជ្ជកម្ម ប្រធានលេខាធិការដ្ឋាននៃគណៈកម្មការជាតិគ្រប់គ្រងកម្មសិទ្ធបញ្ញា និងជាប្រធាននាយកដ្ឋានកម្មសិទ្ធបញ្ញា, លោក អ៊ួច ភា អភិបាលនៃគណៈអភិបាលខេត្តតាកែវ, លោកជំទាវ គង់ សិទ្ធិកា អនុរដ្ឋលេខាធិការក្រសួងពាណិជ្ជកម្ម, លោក មាង សាវឿន អ្នកជំនាញម៉ាកសម្គាល់ភូមិសាស្ត្រទំនិញ។ លទ្ធផលស្មារតីនៃមហាសនិ្នបាតកំណើតដំបូងរបស់សមាគម បានបោះឆ្នោតជូន លោក សាប់ សារុន ម្ចាស់កសិដ្ឋានចិញ្ចឹមបង្កង និងត្រី តាមបែបធម្មជាតិ ស្ថិតនៅឃុំសំបួរ ស្រុកទ្រាំង ខេត្តតាកែវ ជាប់ជាប្រធានសមាគមអាជីវករបង្កងទឹកសាបខេត្តតាកែវជាផ្លូវការ។

លោក សួន វិជ្ជា ទីប្រឹក្សាក្រសួងពាណិជ្ជកម្ម ប្រធានលេខាធិការដ្ឋាននៃគណៈកម្មការជាតិគ្រប់គ្រងកម្មសិទ្ធបញ្ញា និងជាប្រធាននាយកដ្ឋានកម្មសិទ្ធបញ្ញាបានឱ្យដឹងថា៖ ការចុះបញ្ជីម៉ាកសម្គាល់ភូមិសាស្ត្រទំនិញវាផ្តល់អត្ថប្រយោជន៍យ៉ាងធំធេង តួយ៉ាងដូចជាម្រេចកំពតធ្វើឱ្យម្រេចកំពតមានកេរ្តិ៍ល្បីល្បាញទូទាំងពិភពលោក ហើយក្នុងករណីសិក្សា និងនៅក្នុងប្រជុំនានាជាមួយ និងបរទេស គេតែងតែលើកឡើងពីកម្ពុជាទៅជាករណីបទពិសោធន៍ដ៏ល្អក្នុងការបណ្តុះបណ្តាលក្នុងកិច្ចប្រជុំ។

លោក សួន វិជ្ជា មានប្រសាសន៍ថា៖ «កាលពីដើមឡើយ ការផលិតបង្កងតាកែវ នៅមានការរាយប៉ាយ ហើយការផលិតមិនគ្រប់គ្រាន់ និងមិនបំពេញទៅតាមស្តង់ដារដែលធ្វើឱ្យអ្នកប្រើប្រាស់ អតិថិជនដែលចង់បរិភោគបង្កងតាកែវមិនជឿទុកចិត្ត។ ប៉ុន្តែក្រោយពីការបង្កើតម៉ាកសម្គាល់ភូមិសាស្ត្រនេះហើយ វានឹងជួយបង្កើនជំនឿទុកចិត្តដល់អតិថជនចង់មកទិញបង្កងតាកែវ ឬចង់មកខេត្តតាកែវ។ អត្ថប្រយោជន៍ តាមរយៈការបង្កើតសមាគមអាជីវករបង្កងទឹកសាបខេត្តតាកែវនៅថ្ងៃនេះ គឺជាព្រិត្តិការណ៍មួយដ៏សំខាន់របស់ខេត្តតាកែវ។ បង្កងតាកែវ នឹងក្លាយជាម៉ាកមួយដែលល្បីដូចក្រូចថ្លុងកោះទ្រង់ ដែលគេស្គាល់ជាទូទៅអុីចឹង ហើយក៏នឹងក្លាយជាគោលដៅទេសចរណ៍ លើកកម្ពស់ជីវភាពរបស់ប្រជាពលរដ្ឋថែមទៀតផង»។

លោកជំទាវ គង់ សិទ្ធិកា អនុរដ្ឋលេខាធិការក្រសួងពាណិជ្ជមានប្រសាសន៍ថា កម្មសិទ្ធបញ្ញាមិនត្រឹមតែដើរតួនាទីយ៉ាងសំខាន់ទៅលើវិស័យជាច្រើនប៉ុណ្ណោះទេ ប៉ុន្តែមានសារសំខាន់ខ្លាំងផងដែរ ក្នុងការលើកកម្ពស់ផលិតផលកម្ពុជាតាមរយៈការកសាងកេរ្តិ៍ឈ្មោះម៉ាក ការកែច្នៃ ការវេចខ្ចប់ ការធ្វើទីផ្សារ ការគ្រប់គ្រងនិងការទប់ស្កាត់ពីការក្លែងបន្លំ ដោយក្នុងនោះ ក្រសួងពាណិជ្ជកម្មបង្កងតាកែវជាផលិតផលសក្តានុពលសម្រាប់ចុះបញ្ជីការពារម៉ាកសម្គាល់ភូមិសាស្ត្រទំនិញ ដើម្បីលើកកម្ពស់ភាពប្រកួតប្រជែង គុណភាពបង្កងរបស់កម្ពុជានៅលើទីផ្សារជាតិនិងអន្តរជាតិ សម្រាប់បញ្ជាក់អំពីអត្តសញ្ញាណនៃប្រភពដើមផលិតកម្ម បំពាក់លើផលិតផលបានដាក់លក់លើទីផ្សារ។

លោកជំទាវសង្កត់ធ្ងន់ថា៖ «ការណ៍នេះមិនត្រឹមតែផ្តល់ទំនុកចិត្តដល់អ្នកប្រើប្រាស់ និងទីផ្សារ បង្កងតាកែវនៅខាងក្រៅប្រទេសនោះទេប៉ុន្តែ ម៉ាកនេះនឹងក្លាយជាកម្លាំងស្នូល ទាញទេសចរបរទេសឱ្យមកធ្វើទស្សនៈកិច្ចនៅក្នុងតំបន់ផលិតកម្ម ដែលជាឱកាសសម្រាប់សហគមន៍កសិកម្ម ឬយុវជន អាចបង្កើនប្រភពចំណូលបន្ថែមក្នុងការរៀបចំកញ្ចប់សេវាអេកូទេសចរណ៍ជូនដល់ភ្ញៀវដែលមកកម្សាន្តនៅក្នុងតំបន់របស់សហគមន៍»។ 

ក្រោយទទួលសេចក្ដីទុកចិត្ត បោះឆ្នោតគាំទ្រជាប់ជាប្រធានសមាគម លោក សាប់ សារុន ប្ដេជ្ញាថានឹងខិតខំប្រឹងប្រែងឱ្យអស់ពីសមត្ថភាព ដើម្បីចូលរួមដឹកនាំ និងជំរុញទីផ្សារបង្កងទឹកសាបនៅខេត្តតាកែវឱ្យកាន់តែល្បីរន្ទឺសាយសុស៕  អត្ថបទ៖ សារេត

The post អបអរសាទរ! បង្កងខេត្តតាកែវ មានសមាគមអាជីវករសម្គាល់ភូមិសាស្ត្រទំនិញគ្រប់គ្រងស្តង់ដារហើយ appeared first on .

លោកសុក សារ៉ង មានប្រសាសន៍ថា«ជាធម្មតានៅពេលយើងចុះបញ្ជីការពារហើយ យើងអាចទប់ស្កាត់ពីការក្លែងបន្លំនេះបាន ហើយជួយឱ្យអ្នកបរិភោគទិញបានបង្កងតាកែវពិត។ ដូចនេះអ្នកទិញអស់ក្តីបារម្ភថាបង្កងតាកែវ ជាបង្កងមកពីតំបន់ផ្សេងឬបង្កងតាកែវក្លែងក្លាយ ហើយការធ្វើបែបនេះវាជួយឱ្យអ្នកបរិភោគទិញបានបង្កងតាកែវពិតប្រាកដ និងមានរសជាតិឆ្ងាញ់»។

លោកលើកឡើងថា ទាក់ទងនិងរឿងតម្លៃតាមពិតទៅបង្កងតាកែវពិតប្រាកដនៅលើទីផ្សាសព្វថ្ងៃនេះវាមានតម្លៃខ្ពស់។ សម្រាប់អ្នកបរិភោគឱ្យតែទិញបានបង្កងតាកែវពិតប្រាកដ ទោះបីតម្លៃខ្ពស់បន្តិច ក៏គាត់ទទួលយកបាន។ដូចនេះនៅពេលចុះបញ្ជីបង្កងតាកែវនេះរួចហើយវានឹងជួយឱ្យអ្នកបរិភោគបង្កងតាកែវមានភាពងាយស្រួលជាងមុនហើយតម្លៃអាចកើនឡើងជាពេលមុនពី១០ទៅ១៥%ទៅតាមផលិតផល អីចឹងទោះបីតម្លៃឡើងថ្លៃបន្ថែមតិចតួចទៀតក៏អ្នកបរិភោគទិញយកទៅបរិភោគដែរ។

បើតាមអ្នកជំនាញខាងម៉ាកសម្គាល់ភូមិសាស្ត្រទំនិញរូបនេះ ថា បង្កងដែលគ្រោងចុះបញ្ជីនៅពេលខាងមុខនេះគឺជាបង្កងប្រមូលមកពីទន្លេនិងបឹងបួរ។ប៉ុន្តែមានការកំណត់អំពីទំហំបង្កងប៉ុណ្ណាអាចដាក់លក់បានដើម្បីចូលរួមអភិរក្សបង្កងធម្មជាតិ។យោងទៅតាមសៀវភៅបន្ទុកបង្កងធម្មជាតិអាចប្រមូលបានមាននៅស្រុកទ្រាំង ស្រុកអង្គរបុរី ស្រុកបុរីជលសារ និងស្រុកកោះអណ្តែត ហើយសម្រាប់ការចិញ្ចឹមបង្កងតាមបែបធម្មជាតិនៅទីតាំងមួយណាក៏បានដែរឱ្យតែស្ថិតនៅក្នុងខេត្តតាកែវ។

សម្រាប់អ្នកចិញ្ចឹមបែបធម្មជាតិអាចចូលជាសមាជិកសមាគមហើយដាក់លក់ជាបង្កងតាកែវអាចទទួលបានតម្លៃប្រហាក់ប្រហែលគ្នាទៅតាមទំហំរបស់បង្កង។អ្នកចិញ្ចឹមបង្កងតាមបែបធម្មជាតិជួយឱ្យការលក់ដូររបស់កសិករមានភាពងាយស្រួល ឱ្យតែអនុវត្តបានទៅតាមសៀវភៅបន្ទុកដើម្បីធានាដល់គុណភាពសាច់បង្កង។

លោក សាប់ សារុន កសិករចិញ្ចឹមបង្កងបែបធម្មជាតិស្ថិតនៅក្នុងឃុំសំបួរស្រុកទ្រាំងខេត្តតាកែវមានការសប្បាយចិត្តនិងបានត្រៀមចូលជាសមាជិករបស់សមាគមអាជីវករបង្កងទឹកសាបខេត្តតាកែវនាពេលខាងមុខ  ព្រោះការចិញ្ចឹមបង្កងកាលណាមានទីផ្សារច្បាស់លាស់ វាល្អសម្រាប់កសិករ។

លោកបន្តថា «ក្រសួងពាណិជ្ជកម្មបង្កើតឱ្យមានសមាគមអាជីវករបង្កងទឹកសាបតាកែវនេះឡើង ខ្ញុំសប្បាយចិត្ត នៅពេលណាខ្ញុំចិញ្ចឹមបង្កងបានច្រើន ងាយស្រួលក្នុងការលក់ដូរ ស្របពេលបច្ចុប្បន្នខ្ញុំកំពុងចាប់ផ្តើមលក់បង្កងទៅដល់ពលរដ្ឋនៅក្នុងតំបន់មួយគីឡូក្រាមថ្លៃ២០ដុល្លារអាមេរិក ខណៈការប្រមូលផលវគ្គក្រោយអាចចូលមកដល់នៅមិថុនាឆ្នំា២០២៣»។

បើតាមកសិករ លោក សាប់ សារុន អះអាងថា លោកចាប់ផ្តើមចិញ្ចឹមបង្កងនិងចិញ្ចឹមត្រីដំបូងនៅឆ្នំា២០២១លើទំហំផ្ទៃដីប្រមាណ១០ហិកតាហើយនៅក្នុងរយៈពេល២ឆ្នំាកន្លងមកនេះជីវភាពគ្រួសារហាក់មានភាពល្អជាងការធ្វើស្រែ បើទោះបីតម្លៃបង្កងលក់ក្រោមថ្លៃ២០ដុល្លារអាមេរិកក្នុងមួយគីឡូក្រាមក៏ដោយ។

យោងតាមក្រសួងពាណិជ្ជកម្ម បានឱ្យដឹងថា ក្រសួងពាណិជ្ជកម្មនឹងសហការជាមួយរដ្ឋបាលខេត្តតាកែវ និងមន្ទីរពាណិជ្ជកម្មខេត្តតាកែវ ដើម្បីរៀបចំមហាសន្និបាតកំណើតដំបូងរបស់សមាគមអាជីវករបង្កងទឹកសាបខេត្តតាកែវដែលនឹងប្រព្រឹត្តទៅនៅថ្ងៃទី២៧ ខែមីនា ឆ្នាំ២០២៣វេលាម៉ោង ៨ព្រឹក នៅសាលាខេត្តតាកែវ ក្នុងខេត្តតាកែវ ក្នុងគោលបំណងដើម្បីអនុម័តលើសៀវភៅលក្ខន្តិកៈសមាគមអាជីវករបង្កងទឹកសាបខេត្តតាកែវ សៀវភៅបន្ទុកម៉ាកសម្គាល់ភូមិសាស្ត្រទំនិញ “បង្កងតាកែវ” និងការបោះឆ្នោតជ្រើសរើសប្រធាន និងអនុប្រធានគណៈកម្មាធិការប្រតិបត្តិរបស់សមាគមអាជីវករបង្កងទឹកសាបខេត្ត៕ អត្ថបទ៖សារេត

The post អ្នកជំនាញ៖ ប្រជាពលរដ្ឋអស់ក្តីបារម្ភទៅលើការទិញបង្កងតាកែវយកទៅបរិភោគថាប៉ះចំបង្កងក្លាងក្លាយ appeared first on .

នាឱកាសនោះ លោក អ៊ូច ភា អភិបាលខេត្តតាកែវ បានលើកឡើងថា ក្រោមការដឹកនាំរបស់រាជរដ្ឋាភិបាលដែលមានសម្តេចតេជោ ហ៊ុន សែន ជាប្រមុខ ប្រជាពលរដ្ឋខេត្តតាកែវ មានចំណូលជាមធ្យមសម្រាប់មនុស្សម្នាក់ៗ(GDP)កើនឡើងជាលំដាប់ចាប់ពី១.៣៦៤ដុល្លារ/ម្នាក់នៅឆ្នាំ២០១៨ ទៅដល់១.៥២៦ដុល្លារ/ម្នាក់ នៅឆ្នាំ២០២១។

ជាមួយគ្នានោះ លោកថា៖«បច្ចុប្បន្នខេត្តតាកែវ មានកសិដ្ឋានចិញ្ចឹមបង្កងចំនួន ១០កន្លែង និងបរិមាណផលបង្កងមានក្នុងមួយឆ្នាំសរុប ៦៧តោន ខណៈបើគិតត្រឹមរយៈពេល៥ឆ្នាំចុងក្រោយ ពោលចាប់ពីឆ្នាំ ២០១៨ ដល់ឆ្នាំ២០២២ កសិដ្ឋានទាំង១០នេះ អាចផលិតបរិមាណផលបង្កងបានចំនួន ៣៣៥ តោន» ។ 

គួរបញ្ជាក់ដែរថា បើតាមរបាយការណ៍លទ្ធផល៥ឆ្នាំ របស់រដ្ឋបាលខេត្តតាកែវ បានបង្ហាញដែរថា ក្រៅពី បានជំរុញចលនាចិញ្ចឹមសត្វ  ចិញ្ចឹមត្រីចិញ្ចឹមបង្កង ទាំងនៅតាមសហគមន៍ និងនៅតាមស្រះរបស់ប្រជាពលរដ្ឋ និងឡភ្ញាស់ពងទាកូនឱ្យមានសកម្មភាពយ៉ាងផុលផុសហើយនោះ បច្ចុប្បន្ននៅក្នុងខេត្តតាកែវ ក៏មានស្រះចិញ្ចឹមត្រីកំពុងដំណើរការចំនួន ៩.១៥៥ស្រះ កសិដ្ឋានចិញ្ចឹមជ្រូកចំនួន ៥២ កន្លែង កសិដ្ឋានចិញ្ចឹមគោចំនួន ០២កន្លែង កសិដ្ឋានចិញ្ចឹមបក្សីចំនួន ៣៧កន្លែង  កសិដ្ឋានចិញ្ចឹមមាន់មានចំនួន ៣២កន្លែង ឡភ្ញាស់កូនមាន់ចំនួន ០២កន្លែង និងឡភ្ញាស់ពងទាកូនចំនួន ៧៦កន្លែង បរិមាណស៊ុតទា(សាប ប្រៃ និងកូន)នាំចេញទៅកាន់ទីផ្សារក្នុងខេត្តថែមទៀត៕ អត្ថបទ៖ ពិសី 

The post រយៈពេល៥ឆ្នាំ កសិដ្ឋានចិញ្ចឹមបង្កង១០កន្លែងនៅខេត្តតាកែវ ទទួលបានផលបង្កងជាង៣០០តោន appeared first on .

លោក ភោគ សុខហឿន លើកឡើងថាមូលហេតុដែលជំរុញឧ្យខ្ញុំចាប់យកមុខរបរចិញ្ចឹមបង្កងជិតមួយឆ្នំាមកនេះដោយសារតែនៅឆ្នំា២០២០និង២០២១យើងជួបនិងវិបត្តិជំងឺកូវីដ១៩ វាធ្វើឱ្យប៉ះពាល់ទៅដល់ការប្រកបការងារសំណង់និងម៉ៅការសំណង់ក៏ដូចជាមានភាពរអាក់រអួលទៅនិងការងារហើយរកចំណូលមិនសូវបានខ្ញុំគិតថាត្រូវរកប្រភពចំណូលមួយផ្សេងទៀតបន្ទាប់ពីការងារធ្វើសំណង់។អីចឹងខ្ញុំក៏សម្រេចចិត្តថាត្រូវរកមុខរបរណាមួយដើម្បីយកមកផ្គត់ផ្គង់ជីវភាពគ្រួសារ។ 

លោកបន្តថា បន្ទាប់មកខ្ញុំក៏អង្គុយវីដេអូតាមយូរធូបតាមទូរស័ព្ទដៃរាល់ថ្ងៃ លុះដល់ថ្ងៃមួយ ខ្ញុំបើកចុះបើកឡើងក៏បានឃើញមុខរបរក្នុងវិស័យវារីវប្បកម្មទាក់ទងនិងការចិញ្ចឹមបង្កងក៏ចាប់អារម្មណ៍ហើយនឹងឃើញថាដើម្បីប្រកបមុខចិញ្ចឹមបង្កងនេះបានទាល់តែយើងមានទីតំាងអំណោយផល។អីចឹងខ្ញុំមានទីតំាងមួយកន្លែងដែរនៅខាងស្រុកមេសាងខេត្តព្រៃវែងសមស្របនិងមានប្រភពទឹកអាចចាប់ផ្តើមមុខរបរចិញ្ចឹមបង្កងបាន។ 

លោកសង្កត់ធ្ងន់ថា «មុខរបរចិញ្ចឹមបង្កងនេះវាមានអត្ថប្រយោជន៍ច្រើន បង្កងមានទីផ្សារខ្ពស់ហើយមិនសូវមានប្រជាពលរដ្ឋចិញ្ចឹមច្រើននោះទេ ។ដូចនេះវាជាមូលហេតុមួយដែលខ្ញុំគិតថាខ្ញុំអាចប្រយោជន៍ពីការចិញ្ចឹមបង្កងនេះ ទទួលបានប្រាក់ចំណូលសម្រាប់ផ្គត់ផ្គង់ជីវភាពគ្រួសារ»។ 

លោកលើកឡើងថា ការចិញ្ចឹមបង្កងនេះយើងចាប់ផ្តើមរៀបចំកន្លែងចិញ្ចឹមបង្កងនៅដើមឆ្នំា២០២២ ហើយមកដល់ខែឧសភាយើងក៏បានដាក់កូនបង្កង ហើយរហូតមកដល់ពេលនេះការចិញ្ចឹមបង្កតវគ្គដំបូងរបស់ខ្ញុំបានរយៈពេលជាង៨ខែ ហើយយើងរំពឹងថាលទ្ធផលដែលយើងទទួលបានវានឹងល្អ ដោយសារយើងបានចាប់ផ្តើមលក់ជាបន្តើរៗហើយដោយក្នុងមួយគីឡូក្រាមថ្លៃចន្លោះពី១២ដុល្លារទៅ១៨ដុល្លារ។ 

លោកបន្តថា ផ្អែកលើទីតាំងអំណោយផលយើងចាប់ផ្តើមចិញ្ចឹមបង្កងវគ្គដំបូងចំនួន១០ម៉ឺនកូនលើទំហំផ្ទៃដីជាងមួយហិកតា ហើយលទ្ធផលដំបូងដែលយើងត្រៀមទទួលបាននេះយើងមិនទាន់រំពឹងថាវាបាន១០០%នោះទេ បានត្រឹមតែ៤០ឬ៦០%គឺយើងអាចទទួលយកបាន ដោយសារយើនៅខ្វះខាតបច្ចេកទេសចិញ្ចឹមច្រើន។ មុខរបរចិញ្ចឹមបង្កងនេះយើងមានគោលដៅច្បាស់លាស់បើទោះបីមិនទទួលបានលទ្ធផលខ្ពស់ក៏ដោយតែយើងនៅអាចរកប្រាក់ចំណូលបានមួយចំនួន តាមរយៈ បង្កងមានតម្លៃខ្ពស់គួរសមនៅលើទីផ្សារ។ 

លោកថា ទោបីការចិញ្ចឹមបង្កងទទួលបានជោគជ័យខ្ញុំអត់ចោលការងារជាអ្នកម៉ៅការសំណង់ដែរ ព្រោះវាជាអាជីពរបស់ខ្ញំ ហើយការងារចិញ្ចឹមបង្កងនៅវគ្គដំបូងនេះបើទទួលបានប្រាក់ចំណូលបានត្រឹមទប់ទល់ ឬសល់បានតិចតួច ក៏ខ្ញុំទទួលយកបានដែរ ហើយបន្តការចិញ្ចឹមបន្ថែមទៀត ។ បើតាមលោក សុខហឿន ថា ការចាប់ផ្តើមចិញ្ចឹមបង្កងនៅវគ្គដំបូងនេះលោកត្រូវការចំណាយដើមទុនទៅលើ ការរៀបចំស្រះដាក់បង្កង ទិញកូនបង្កង ទិញចំណី អស់ប្រាក់ជាង៣ម៉ឹនដុល្លារ៕  អត្ថបទ៖ សារេត

The post អ្នកម៉ៅការសំណង់ក្នុងខេត្តព្រៃវែងម្នាក់ងាកមករកប្រាក់ចំណូលពីចិញ្ចឹមបង្កង appeared first on .