នៅពេលបិទការជួញដូរនៅថ្ងៃទី២៦ ខែឧសភា ភាគហ៊ុនរបស់ក្រុមហ៊ុនផលិតបន្ទះឈីប Micron បានកើនឡើង ១៩,៣% ដែលជំរុញឲ្យតម្លៃមូលធនទីផ្សាររបស់ពួកគេ កើនឡើងដល់ ១,០១ទ្រីលានដុល្លារ។ នេះជាលើកដំបូងផងដែរសម្រាប់ក្រុមហ៊ុននេះ ដែលតម្លៃទីផ្សាររបស់ខ្លួនបានកើនឡើងលើសពី ១ទ្រីលានដុល្លារបែបនេះ។

ដោយឡែកភាគហ៊ុនរបស់ក្រុមហ៊ុនបន្ទះឈីបខ្នាតយក្សកូរ៉េខាងត្បូង SK Hynix វិញ ក៏បានកើនឡើងដល់ជាង ១១% ផងដែរ នៅពេលបើកការជួញដូរជាថ្មី នៅថ្ងៃទី២៧ ឧសភា ដោយជំរុញឲ្យតម្លៃមូលធនទីផ្សារពួកគេ កើនឡើងលើស ១ទ្រីលានដុល្លារ។ នេះជាក្រុមហ៊ុនរបស់កូរ៉េទីពីរហើយដែលបានចូលរួមជាមួយបញ្ជីឈ្មោះក្រុមហ៊ុនតម្លៃ ១ទ្រីលានដុល្លារនេះ បន្ទាប់ពីក្រុមហ៊ុន Samsung Electronic ។

ជម្រាបជូនផងដែរថា ក្រុមហ៊ុនផលិតបន្ទះឈីបធំៗ កំពុងទទួលបានអត្ថប្រយោជន៍យ៉ាងច្រើនពីដំណាក់កាលបន្ទាប់នៃការប្រណាំងប្រជែង AI សកល។ វិនិយោគិនកំពុងចាក់លុយរាប់ពាន់លានដុល្លារ ចូលទៅក្នុងភាគហ៊ុនដែលទាក់ទងនឹង CPU និងបន្ទះឈីបអង្គចងចាំ រួមទាំងសមាសធាតុដែលត្រូវការដើម្បីផ្តល់ថាមពល និងដំណើរការភារកិច្ច AI។ បច្ចុប្បន្ន ក្រុមហ៊ុនខ្នាតយក្សអាមេរិក Nvidia គ្រប់គ្រងទីផ្សារបន្ទះឈីប AI សកល៕​

The post ក្រុមហ៊ុនខ្នាតយក្ស ២ បន្ថែមទៀត កើនតម្លៃមូលធនទីផ្សារដល់ ១ទ្រីលានដុល្លារ appeared first on .

លោក Shuangquan ដែលជាប្រធានក្រុមហ៊ុន និងប្អូនប្រុសរបស់លោក ឈ្មោះ Shunquan ដែលបម្រើការជានាយកប្រតិបត្តិ កាន់កាប់ភាគហ៊ុនប្រហែល ១៥% ម្នាក់ នៅក្នុងក្រុមហ៊ុន។

យោងតាមការចុះផ្សាយពី Forbes បានបង្ហាញថាជុំវិញការកើនឡើងនៃភាគហ៊ុននេះ បានធ្វើឲ្យបងប្អូនត្រកូល Zhu ទាំងពីររូបនេះ កើនឡើងទ្រព្យសម្បត្តិផ្ទាល់ខ្លួន ប្រមាណ ១,៣ពាន់លានដុល្លារ ម្នាក់ ដោយផ្នែកលើតម្លៃទីផ្សារហ៊ុនដែលបានបិទកាលពីសប្តាហ៍មុន។

គួរជម្រាបជូនថា ក្រុមហ៊ុន Hubei Dinglong ដែលមានមូលដ្ឋាននៅទីក្រុង Wuhan ដើរតួនាទីយ៉ាងសំខាន់នៅក្នុងខ្សែសង្វាក់ផ្គត់ផ្គង់បន្ទះឈីបអេឡិចត្រូនិករបស់ប្រទេសចិន ក្នុងនាមជាអ្នកផ្គត់ផ្គង់តែមួយគត់របស់ប្រទេស ដែលគ្របដណ្តប់លើការប៉ូលាមេកានិចគីមី ឬ CMP ពេញលេញ ដែលជាដំណើរការធ្វើឲ្យផ្ទៃស៊ីលីកុនរលោង ដើម្បីងាយស្រួលរចនាបន្ទះឈីបជាស្រទាប់ៗ៕

The post បងប្អូនចិនពីររូបឡើងងារជាមហាសេដ្ឋី ក្រោយក្រុមហ៊ុនផលិតឧបករណ៍បន្ទះឈីបរបស់ខ្លួន កើនភាគហ៊ុនខ្ពស់ appeared first on .

យោងតាមសារព័ត៌មាន Forbes បានបង្ហាញឲ្យដឹងថា លោក Wang គឺជាម្ចាស់ភាគហ៊ុនធំជាងគេរបស់ក្រុមហ៊ុន ដែលមានចំណែកដល់ទៅ ២៣%។ ក្នុងនោះដែលភរិយារបស់លោក គឺលោកស្រី Zhang Yanxia ដែលជាប្រធានផ្នែកប្រតិបត្តិការរបស់ក្រុមហ៊ុន Gpixel ក៏មានចំណែកភាគហ៊ុនចំនួន ១,៦% ផងដែរ។

គួរឲ្យដឹងថា Gpixel បានរៃអង្គាសទឹកប្រាក់បានចំនួន ២,៦ពាន់លានុដល្លារហុងកុង នៅក្នុងការចុះបញ្ជីដំបូងរបស់ខ្លួននៅទីផ្សារហ៊ុនហុងកុង កាលពីថ្ងៃទី១៧ ខែមេសាកន្លងទៅ ដោយបានទាក់ទាញវិនិយោគិនសំខាន់ៗ រួមមាន Hillhouse Investment, Boyu Capital, Source Code Capital និង Value Partners។

ជម្រាបជូនថា ក្រុមហ៊ុន Gpixel ផលិតឧបករណ៍ចាប់សញ្ញារូបភាព CMOS បន្ទះឈីប Semiconductor ដែលបំប្លែងពន្លឺទៅជាសញ្ញាអគ្គិសនីដើម្បីបង្កើតជារូបភាព។ សមាសធាតុទាំងនេះត្រូវបានប្រើប្រាស់នៅក្នុងឧបករណ៍ចាប់ពីស្មាតហ្វូន កាមេរ៉ា រហូតដល់ប្រព័ន្ធកាំរស្មីអ៊ិច និងមនុស្សយន្តឧស្សាហកម្ម៕​

The post ស្ថាបនិកក្រុមហ៊ុនផលិតបន្ទះឈីបមនុស្សយន្តចិន ឡើងងារជាមហាសេដ្ឋី ក្រោយភាគហ៊ុនកើន ១៤៤% appeared first on .

យោងតាមទស្សាវដ្តី Forbes បានបង្ហាញឲ្យដឹងថា ការចុះបញ្ជីរបស់ Epiworld នៅក្នុងទីផ្សារហ៊ុនហុងកុងមានតម្លៃប្រមាណ ៥,៦ពាន់លានដុល្លារ។ តាមរយៈការកាន់កាប់ភាគហ៊ុន ២៧% របស់លោក Zhao នៅក្នុងក្រុមហ៊ុននេះ បានធ្វើឲ្យចំនួនទ្រព្យសម្បត្តិសរុបរបស់លោក កើនឡើងដល់ប្រមាណ ១,៥ពាន់លានដុល្លារ។

គួរឲ្យដឹងថា លោក Zhao គឺជាអ្នកស្រាវជ្រាវជើងចាស់ម្នាក់ នៅក្នុងបច្ចេកវិទ្យាស៊ីលីកុនកាប៊ិដ (SiC) ដែលជាសម្ភារៈដ៏សំខាន់ប្រើប្រាស់នៅក្នុងឧបករណ៍អេឡិចត្រូនិកថាមពលដែលមានប្រសិទ្ធភាពខ្ពស់។

ជម្រាបជូនថា ក្រុមហ៊ុន Epiworld ដែលមានមូលដ្ឋាននៅទីក្រុង Xiamen ប្រទេសចិន ត្រូវបានបង្កើតឡើងក្នុងឆ្នាំ២០១១ ដើម្បីផលិតបន្ទះសៀគ្វី epitaxial សម្រាប់បន្ទះឈីប SiC ដែលត្រូវបានប្រើប្រាស់យ៉ាងទូលំទូលាយនៅក្នុងយានយន្តអគ្គិសនី ហើយកំពុងត្រូវបានប្រើប្រាស់កាន់តែខ្លាំងឡើងនៅក្នុងមជ្ឈមណ្ឌលទិន្នន័យ AI ដោយសារតែសមត្ថភាពរបស់វាក្នុងការដោះស្រាយបន្ទុកថាមពលខ្ពស់ប្រកបដោយប្រសិទ្ធភាព៕​

The post ស្ថាបនិកក្រុមហ៊ុនបន្ទះឈីបកូនកាត់ចិន-អាមេរិក លោក Zhao Jianhui ឡើងងារជាមហាសេដ្ឋី appeared first on .

លោក Sung វ័យ ៦៨ឆ្នាំ កាន់កាប់ភាគហ៊ុន ២៨% នៅក្នុងក្រុមហ៊ុន EO Technics ក្នុងនាមជាម្ចាស់ភាគហ៊ុនធំជាងគេ ខណៈពេលដែលភរិយាលោក គឺលោកស្រី Chung Yoon-hye និងកូនប្រុសពីរនាក់ទៀត មានភាគហ៊ុនជិត ២%។ Forbes ប៉ាន់ប្រមាណថាទ្រព្យសម្បត្តិសរុបរបស់គ្រួសារនេះមានចំនួន ១ពាន់លានដុល្លារគិតត្រឹមថ្ងៃទី២៧ ខែមីនា។

គួរឲ្យដឹងថា ដោយមានមូលដ្ឋាននៅតំបន់ Anyang ភាគខាងត្បូងនៃទីក្រុងសេអ៊ូល ក្រុមហ៊ុន EO Technics ផលិតឧបករណ៍ដែលមានមូលដ្ឋានលើឡាស៊ែរ និងត្រូវបានយកប្រើក្នុងការផលិតបន្ទះឈីបអង្គចងចាំ។

ក្រុមហ៊ុននេះបានរាយការណ៍ពីប្រាក់ចំណូលចំនួន ៣៨១ពាន់លានវ៉ុន (២៥៣លានដុល្លារ) ក្នុងឆ្នាំ ២០២៥ កើនឡើង ១៩% ពីឆ្នាំទៅ ខណៈពេលដែលប្រាក់ចំណូលសុទ្ធបានកើនឡើង ៣៥% ដល់ ៥៨ពាន់លានវ៉ុន។ នេះបើយោងតាមទស្សនាវដ្តី ​​Forbes៕​

The post ស្ថាបនិកក្រុមហ៊ុនបន្ទះឈីប EO Technics ឡើងងារជាមហាសេដ្ឋី ក្រោយ AI រីកចម្រើនខ្លាំង appeared first on .

លោក Chang កើតនៅខែឧសភា ឆ្នាំ១៩៤៤ នៅទីក្រុងសៀងហៃ ប្រទេសចិន ប៉ុន្តែនៅពេលដែលគ្រួសាររបស់លោកបានផ្លាស់ទៅរស់នៅតៃវ៉ាន់ លោកបានធំធាត់នៅទីនោះ ហើយបានសិក្សាផ្នែកវិស្វកម្មអេឡិចត្រូនិចនៅសាកលវិទ្យាល័យជាតិតៃវ៉ាន់ មុនពេលទទួលបានសញ្ញាបត្រអនុបណ្ឌិតផ្នែកវិស្វកម្មឧស្សាហកម្មពីវិទ្យាស្ថានបច្ចេកវិទ្យាអ៊ីលីណយ សហរដ្ឋអាមេរិក។

នៅឆ្នាំ១៩៨៤ លោក Chang បានបញ្ចុះបញ្ចូលម្តាយរបស់លោកដែលជាអ្នកជំនួញអចលនទ្រព្យ ឲ្យវិនិយោគលើឧស្សាហកម្មបន្ទះឈីប Semiconductor ដែលនាំឲ្យមានការបង្កើតក្រុមហ៊ុន Advanced Semiconductor Engineering ជាមួយប្អូនប្រុសរបស់លោក គឺលោក Richard Chang។

ក្រោយមកក្រុមហ៊ុន ASE Technology Holding ត្រូវបានចុះបញ្ជីនៅក្នុងទីផ្សារហ៊ុនរបស់តៃវ៉ាន់ និងនៅទីផ្សារហ៊ុនរបស់ទីក្រុងញ៉ូយ៉ក។ ទ្រព្យសម្បត្តិរបស់ Chang ភាគហ៊ុនទទួលបានពីការកាន់កាប់ភាគហ៊ុនប្រហែល ២២% នៅក្នុងក្រុមហ៊ុនបន្ទះឈីបនេះ។

ជម្រាបជូនថា លោក Chang បានរៀបការហើយ និងមានកូនចំនួនបីនាក់។ ប៉ុន្តែទោះជាយ៉ាងណាក៏ដោយ ព័ត៌មានផ្ទាល់ខ្លួនរបស់លោកហាក់មិនត្រូវបានគេបង្ហាញជាសាធារណៈនោះឡើយ ដោយត្រឹមដឹងថាលោកមានសញ្ជាតិសិង្ហបុរី ប៉ុន្តែលំនៅដ្ឋានចម្បងរបស់លោកស្ថិតនៅទីក្រុងតៃប៉ិ កោះតៃវ៉ាន់៕​

The post មហាសេដ្ឋីបន្ទះឈីប Jason Chang កើនទ្រព្យសម្បត្តិទ្វេដង ឡើងតំណែងអ្នកមានដាច់គេនៅសិង្ហបុរី appeared first on .

លោក Huang បានលើកឡើងបែបនេះ អំឡុងពេលនិយាយទៅកាន់ទស្សនិកជនដ៏ច្រើនកុះករនៅទីក្រុង San Jose រដ្ឋ California នៅក្នុងព្រឹត្តិការណ៍បច្ចេកវិទ្យាមួយ កាលពីថ្ងៃទី១៧ ខែមីនា។ មហាសេដ្ឋីលំដាប់កំពូលអាមេរិករូបនេះ តែងតែបានលះបង់ពេលវេលាភាគច្រើនរបស់ខ្លួន ដើម្បីចូលរួមពិភាក្សាអំពីចក្ខុវិស័យរបស់ក្រុមហ៊ុនសម្រាប់ដឹកនាំផ្លូវក្នុងការផ្ទុះឡើងនៃបញ្ញាសិប្បនិម្មិត (AI)។

មិនតែប៉ុណ្ណោះ លោក Huang បានបង្ហាញក្តីស្រមៃថា ក្រុមហ៊ុន Nvidia នឹងបន្តបំពេញតម្រូវការសម្រាប់បន្ទះឈីបដែលផ្តល់ថាមពលដល់ chatbots ដូចជា ChatGPT របស់ក្រុមហ៊ុន OpenAI និង Gemini របស់ក្រុមហ៊ុន Google ក៏ដូចជាទីផ្សារដែលកំពុងរីកចម្រើនផ្សេងទៀត ផងដែរ។

ជុំវិញការកើនឡើងនេះ លោក Huang បានព្យាករផងដែរថា Nvidia នឹងអាចរកចំណូលបានដល់ ១ទ្រីលានដុល្លារពីការបញ្ជាទិញបន្ទះឈីបរបស់ខ្លួន គិតនៅត្រឹមចុងឆ្នាំ២០២៦។ តួលេខនេះ គឺជាការកើនឡើងទ្វេដងនៃការប៉ាន់ស្មានរបស់លោក ពីឆ្នាំមុន និងជិតប្រាំដងនៃប្រាក់ចំណូលរបស់ក្រុមហ៊ុននៅឆ្នាំ២០២៥។ជម្រាបជូនថា ដោយសារតែក្រុមហ៊ុនដ៏លេចធ្លោនៅក្នុងទីផ្សារបន្ទះឈីប AI , Nvidia បានបង្កើនប្រាក់ចំណូលប្រចាំឆ្នាំរបស់ខ្លួនពី ២៧ពាន់លានដុល្លារនៅឆ្នាំ២០២២ ដល់ ២១៦ពាន់លានដុល្លារកាលពីឆ្នាំមុន។ ការរីកចម្រើនយ៉ាងឆាប់រហ័សនេះបានផ្តល់ឲ្យក្រុមហ៊ុននូវមូលធនទីផ្សារចំនួន ៤,៥ទ្រីលានដុល្លារ៕​

The post មេធំ Nvidia ព្យាករថាការលក់បន្ទះឈីបរបស់ក្រុមហ៊ុននឹងកើនឡើងដល់ ១ទ្រីលានដុល្លារនៅឆ្នាំនេះ appeared first on .

យោងតាមការស្រាវជ្រាវមួយដែលចេញផ្សាយ នៅថ្ងៃទី១០ ខែមីនា ដោយធនាគារវិនិយោគ Kenanga Bhd (Kenanga IB) បាននិយាយថា ការប្រើប្រាស់ហ្វូតូនិកកើនឡើងខ្លាំងក្នុងការទំនាក់ទំនងទិន្នន័យ ជាពិសេសនៅក្នុងបណ្តាញមជ្ឈមណ្ឌលទិន្នន័យ AI ។

មិនតែប៉ុណ្ណោះរបាយការណ៍ដដែលនេះ​ ជុំវិញការកើនឡើងនេះ បានធ្វើឲ្យក្រុមហ៊ុនបន្ទះឈីបកំពូលៗជាច្រើនរបស់ម៉ាឡេស៊ី អាចចូលរួមក្នុងការពង្រីកសមត្ថភាពរបស់ខ្លួន ជាពិសេសនៅកន្លែងដែលអតិថិជនត្រូវការ ដើម្បីធ្វើឲ្យមានប្រព័ន្ធគុណភាពរឹងមាំ វិន័យទិន្នផល ការតាមដាន និងការត្រួតពិនិត្យភាពជឿជាក់ ជាដើម។

ទន្ទឹមនឹងនេះ​ ដោយផ្អែកលើការព្យាករដោយ LightCounting ដែលជាក្រុមហ៊ុនស្រាវជ្រាវទីផ្សារដែលមានជំនាញខាងទំនាក់ទំនងអុបទិក និងហ្វូតូនិក បានបង្ហាញថា ចំណែករបស់ក្រុមហ៊ុនផលិតបន្ទះឈីប នៅក្នុងទីផ្សារម៉ាឡេស៊ី អាចកើនឡើងពីប្រហែល ១,៧ពាន់លានដុល្លារ នៅឆ្នាំ២០២៥ ឬអាចឈានដល់ ៤,៦ពាន់លានដុល្លារនៅឆ្នាំ២០៣០ ដែលតំណាងឲ្យអត្រាកំណើនប្រចាំឆ្នាំប្រហែល ២២%៕​

The post ម៉ាឡេស៊ី រំពឹងកើបចំណូលបាន ៤,៦ពាន់លានដុល្លារ ពីទីផ្សារបន្ទះឈីប នៅឆ្នាំ២០៣០ appeared first on .

បន្ទះឈីបអង្គចងចាំ HBM4 ដែលមានកម្រិតបញ្ជូនខ្ពស់ ត្រូវបានគេមើលឃើញថាជាសមាសធាតុសំខាន់ដែលត្រូវការ ដើម្បីពង្រីកមជ្ឈមណ្ឌលផ្ទុកទិន្នន័យដ៏ធំ ដែលផ្តល់ថាមពលដល់ការផ្ទុះឡើងនៃបញ្ញាសិប្បនិម្មិត AI នាពេលបច្ចុប្បន្ននេះ។

យ៉ាងណាមិញ ក្រុមហ៊ុនបច្ចេកវិទ្យាខ្នាតយក្សអាមេរិក Nvidia ដែលជាក្រុមហ៊ុនដ៏មានតម្លៃថ្លៃជាងគេបំផុតរបស់ពិភពលោក ត្រូវបានគេរំពឹងទុកយ៉ាងទូលំទូលាយថា នឹងក្លាយជាអតិថិជនដ៏សំខាន់មួយរបស់ Samsung សម្រាប់បន្ទះឈីបជំនាន់ថ្មីចុងក្រោយនេះ។

មិនតែប៉ុណ្ណោះ ក្រុមហ៊ុន Samsung បាននិយាយនៅក្នុងសេចក្តីថ្លែងការណ៍មួយថា ៖”សមិទ្ធផលនេះ គឺជាសមិទ្ធផលដំបូងនៅក្នុងឧស្សាហកម្ម ដោយធានាបាននូវតំណែងជាអ្នកដឹកនាំឈានមុខគេ នៅក្នុងទីផ្សារបន្ទះឈីប HBM4″។

ជម្រាបជូនផងដែរថា ដោយសារការផ្ទុះឡើងនៅទូទាំងពិភពលោក ក្នុងការសាងសង់មជ្ឈមណ្ឌលផ្ទុកទិន្នន័យ AI បានធ្វើឱ្យការបញ្ជាទិញសម្រាប់មីក្រូឈីបអង្គចងចាំកម្រិតខ្ពស់ និងបន្ទះឈីបមានកម្រិតបញ្ជូនខ្ពស់ កើនឡើងយ៉ាងខ្លាំង៕

The post ក្រុមហ៊ុន Samsung ចាប់ផ្តើមផលិតបន្ទះឈីបអង្គចងចាំ AI ជំនាន់ចុងក្រោយទ្រង់ទ្រាយធំបំផុត appeared first on .

នៅក្នុងបទសម្ភាសជាមួយប៉ុស្តិ៍ទូរទស្សន៍តៃវ៉ាន់ CTS លោកស្រី Cheng Li-chiun ដែលជាអ្នកនយោបាយជាន់ខ្ពស់របស់តៃវ៉ាន់ បានបញ្ជាក់យ៉ាងច្បាស់ទៅកាន់ទីក្រុងវ៉ាស៊ីនតោនថា ប្រព័ន្ធអេកូឡូស៊ីបន្ទះឈីបរបស់តៃវ៉ាន់ ដែលបានបង្កើតឡើងអស់រយៈពេលជាច្រើនទសវត្សមកហើយនោះ មិនអាចផ្លាស់ប្តូរទីតាំងបាននោះទេ។

លើសពីនេះ លោកស្រី Cheng បាននិយាយទៀតថា ប្រព័ន្ធអេកូឡូស៊ីបន្ទះឈីបនឹងបន្តរីកចម្រើននៅតៃវ៉ាន់ ដោយមិនចាំបាច់ត្រូវផ្លាស់ប្តូរទីតាំងនោះឡើយ ប៉ុន្តែចំពោះការវិនិយោគលើឧស្សាហកម្មប្រភេទនេះ នឹងត្រូវបន្តធ្វើឡើងនៅក្រៅស្រុកបានដដែល។

យ៉ាងណាមិញ ជុំវិញការលើកឡើងរបស់លោកស្រី Cheng បែបនេះ ត្រូវបានធ្វើឡើង បន្ទាប់ពីរដ្ឋមន្ត្រីពាណិជ្ជកម្មអាមេរិក លោក Howard Lutnick បានស្នើឲ្យមានការផ្ទេរផលិតកម្មបន្ទះឈីប ៤០% របស់តៃវ៉ាន់ ទៅកាន់ទឹកដីសហរដ្ឋអាមេរិក ជាផ្នែកមួយនៃការចរចាពន្ធគយ។

គួរឲ្យដឹងថា កន្លងមកតៃវ៉ាន់ និងសហរដ្ឋអាមេរិក បានឈានដល់កិច្ចព្រមព្រៀងពាណិជ្ជកម្មមួយកាលពីខែមុន ដើម្បីបន្ថយពន្ធលើការនាំចេញរបស់ដីកោះនេះ មកត្រឹម ១៥% ពី ២០% ខណៈតៃវ៉ាន់ បានសន្យាបង្កើនការវិនិយោគរបស់ខ្លួននៅក្នុងទឹកដីសហរដ្ឋអាមេរិកវិញ។ ក្នុងនោះ TSMC ដែលជាក្រុមហ៊ុនផលិតបន្ទះឈីបតាមកិច្ចសន្យាធំជាងគេបំផុតរបស់ពិភពលោក កំពុងបោះទុនវិនិយោគ ១៦៥ពាន់លានដុល្លារដើម្បីសាងសង់រោងចក្រនៅក្នុងរដ្ឋ Arizona របស់សហរដ្ឋអាមេរិក៕​

The post តៃវ៉ាន់ ថាជារឿងមិនអាចទៅរួច ក្រោយអាមេរិកស្នើផ្ទេរផលិតកម្មបន្ទះឈីប ៤០% ទៅកាន់ទឹកដីអាមេរិក appeared first on .