តួលេខនេះ បានបង្កើតនូវទំព័រប្រវត្តិសាស្ត្រថ្មីសន្លាងមួយសម្រាប់វិស័យអប់រំជាតិ ចាប់តាំងពីការចាប់ផ្តើមអនុវត្តកំណែទម្រង់ស៊ីជម្រៅក្រោមស្លោក «អ្នកចេះគឺជាប់» កាលពីឆ្នាំ២០១៤ កន្លងមក។

បើប្រៀបធៀបទៅនឹងឆ្នាំ២០១៤ ដែលជាឆ្នាំដំបូងនៃរបត់ពង្រឹងវិន័យប្រឡង ដែលកាលនោះមានសិស្សជាប់ត្រឹមតែ ៣៣,៩៩៧ នាក់ប៉ុណ្ណោះ ឃើញថាចំនួនសិស្សជាប់នៅឆ្នាំ២០២៦ នេះ មានការកើនឡើងរហូតដល់ទៅជិត ៤ ដង (ឬស្មើនឹងប្រមាណ ២៧០%)។ នេះគឺជាសន្ទុះកំណើនមួយដ៏គួរឱ្យមោទនៈ ដែលស្តែងឱ្យឃើញយ៉ាងច្បាស់ពីការវិវត្ត និងការរីកចម្រើនយ៉ាងគំហុកនៃកម្រិតសមត្ថភាព ក៏ដូចជាការខិតខំប្រឹងប្រែងរបស់សិស្សានុសិស្ស កងពលគ្រូបង្រៀន និងអាណាព្យាបាលនៅទូទាំងប្រទេស។

ទោះបីជាវិស័យអប់រំធ្លាប់ឆ្លងកាត់របត់ប្លែកៗជាច្រើន ដូចជាការផ្តល់ការជាប់ដោយស្វ័យប្រវត្ត (AUTO) ក្នុងឆ្នាំ២០២០ ដោយសារវិបត្តិកូវីដ-១៩ និងការធ្លាក់ចុះបន្តិចនៅឆ្នាំ២០២១ ក្តី ប៉ុន្តែចាប់ពីឆ្នាំ២០២២ មក តួលេខសិស្សជាប់បានរក្សាសន្ទុះហក់ឡើងជាលំដាប់ពីមួយឆ្នាំទៅមួយឆ្នាំ។ កំណើនពី ១២២,៤៧៣ នាក់ ក្នុងឆ្នាំ២០២៥ មកដល់ ១២៥,៩៧៥ នាក់ នៅក្នុងឆ្នាំ២០២៦ នេះ គឺជាសក្ខីភាពបញ្ជាក់ថា គុណភាពអប់រំ និងស្មារតីតស៊ូរៀនសូត្ររបស់យុវជនកម្ពុជាកាន់តែរឹងមាំ និងដើរទន្ទឹមគ្នាយ៉ាងពិតប្រាកដ។

គួរបញ្ជាក់ថា សម្រាប់ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡង ១០ សីហា ២០២៦  រាជធានីភ្នំពេញ ទទួលបានចំនួនសិស្សនិទ្ទេស A ច្រើនជាងគេបង្អស់ រហូតដល់ ៧៨៦ នាក់។ បន្ទាប់មក ខេត្តកណ្តាល ទទួលបាន ១៨៦ នាក់, ខេត្តសៀមរាប ១៦៨ នាក់, ខេត្តកំពង់ចាម ១០០ នាក់, ខេត្តព្រៃវែង ៩៩ នាក់, ខេត្តបាត់ដំបង ៩០ នាក់, ខេត្តបន្ទាយមានជ័យ ៨៨ នាក់, ខេត្តតាកែវ ៧៦ នាក់, ខេត្តត្បូងឃ្មុំ ៦៣ នាក់, និងខេត្តកំពត ៦២ នាក់។

ដោយឡែក បណ្តាខេត្តផ្សេងទៀតរួមមាន៖ ខេត្តកំពង់ធំ ៥២ នាក់, ខេត្តពោធិ៍សាត់ ៣៦ នាក់, ខេត្តក្រចេះ ៣៥ នាក់, ខេត្តស្វាយរៀង ៣៣ នាក់, ខេត្តកំពង់ឆ្នាំង ៣១ នាក់, ខេត្តកំពង់ស្ពឺ ៣១ នាក់, ខេត្តព្រះសីហនុ ២៦ នាក់, ខេត្តកោះកុង ១៦ នាក់, ខេត្តរតនគិរី ១៦ នាក់, ខេត្តឧត្តរមានជ័យ ៩ នាក់, ខេត្តកែប ៦ នាក់, ខេត្តស្ទឹងត្រែង ៦ នាក់, ខេត្តមណ្ឌលគិរី ៥ នាក់, ខេត្តព្រះវិហារ ៤ នាក់ និងខេត្តប៉ៃលិន ទទួលបាន ១ នាក់៕

The post បំបែកកំណត់ត្រា! ឆ្នាំ២០២៦ នេះ ចំនួនសិស្សជាប់បាក់ឌុបហក់ឡើងដល់កំពូលប្រវត្តិសាស្ត្រជិត ១៣ ម៉ឺននាក់ appeared first on .

ក្រសួងអប់រំ យុវជន និងកីឡា សូមថ្លែងអំណរគុណយ៉ាងជ្រាលជ្រៅ ចំពោះកងកម្លាំងប្រដាប់អាវុធ ដែលបានចូលរួមការពារសុវត្ថិភាព ក្នុងការដឹកជញ្ជូនសន្លឹកកិច្ចការបេក្ខជនពីបណ្ដាខេត្ត មកកាន់រាជធានីភ្នំពេញ។

ហឹបដុំសន្លឹក​កិច្ចការទាំងអស់ របស់បេក្ខជននៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ១០ សីហា ២០២៦ នឹង​ត្រូវបន្ត​រក្សាទុក​យ៉ាង​ត្រឹមត្រូវ​សុវត្ថិភាពក្នុង​បន្ទប់ចាក់សោ ដោយមានបិតសាឡេ​ និង​ការពារ​នៅលើទ្វារបន្ទប់​​ សម្រាប់ត្រៀមធ្វើការ​បែងបន្ត​​ទៅតាម​មណ្ឌលកំណែ​ទាំង ១០នៅរាជធានីភ្នំពេញ​។

គួរឱ្យដឹងថា ដំណើរការកំណែ នឹងចាប់​ផ្តើមពីថ្ងៃទី១៣ ដល់ថ្ងៃទី១៩ ខែសីហា ឆ្នាំ២០២៦។ តាមការគ្រោងទុក ក្រសួងកំណត់ យកថ្ងៃទី២ ខែកញ្ញា ឆ្នាំ២០២៦ សម្រាប់ប្រកាស លទ្ធផលប្រឡង តាមមណ្ឌលសំណេរនៃរាជធានី-ខេត្តទាំង២៥ នៅទូទាំងប្រទេស៕

The post ហឹបសន្លឹកកិច្ចការទាំងអស់របស់បេក្ខជនតាមមណ្ឌលប្រឡងរាជធានី-ខេត្ត បានដឹកមកដល់វិទ្យាល័យព្រះស៊ីសុវត្ថិហើយ appeared first on .

យោងតាមទំព័រហ្វេសប៊ុករបស់សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានជូនពរក្មួយៗ ដែលប្រឡង សញ្ញាបត្រមធ្យមសិក្សាទុតិយភូមិ ឆ្នាំសិក្សា ២០២៥~២០២៦ ទទួលបានជោគជ័យគ្រប់ៗគ្នា ដោយខិតខំប្រឹងប្រែងប្រឡងដោយឈរលើសមត្ថភាពពិតរបស់ខ្លួន ហើយគោលការណ៍ គឺ អ្នកចេះ គឺគឺជាប់។

សូមជម្រាបដែរថា ដំណើរការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) បានចាប់ផ្តើម ប្រព្រឹត្តទៅរយៈពេល២ថ្ងៃ គឺថ្ងៃទី១០ និងថ្ងៃទី១១ ខែសីហា ឆ្នាំ២០២៦ ក្រោមការកំណត់របស់ ក្រសួងអប់រំ យុវជន និងកីឡា។

ការប្រឡងបាក់ឌុប ឆ្នាំ២០២៦នេះ មានបេក្ខជនចុះឈ្មោះ ប្រឡងសរុប ១៥១ ២៣៨ នាក់ (ស្រី ៨៤ ៧៣៥ នាក់) ក្នុងនោះ៖ បេក្ខជនថ្នាក់វិទ្យាសាស្ត្រ មានចំនួន ៣៧ ៤៤៥ នាក់ (ស្រី ២២ ១៩៣ នាក់) បេក្ខជនថ្នាក់វិទ្យាសាស្ត្រសង្គម មានចំនួន ១១៣ ៧៩៣ នាក់ (ស្រី ៦២ ៥៤២ នាក់)៕អត្ថបទ៖ហ្សាលីន

The post សម្តេចធិបតី ជូនពរបេក្ខជនប្រឡងបាក់ឌុប ឱ្យទទួលបានជោគជ័យ និងខំប្រឡងឱ្យអស់សមត្ថភាព appeared first on .

ដោយឡែក បើក្រឡេកទៅមើលបណ្តាប្រទេសនៅក្នុងតំបន់អាស៊ីផ្សេងទៀត ក៏មានការប្រឡងថា្នក់ជាតិ ឬប្រឡងចូលមហាវិទ្យាល័យដ៏តឹងរ៉ឹង និងមានសម្ពាធខ្លាំងជាងគេបំផុតនៅក្នុងពិភពលោកផងដែរ តួយ៉ាងដូចជាប្រទេសខាងក្រោមចំនួន៤ នេះ៖​

១. ប្រទេសចិន (ការប្រឡង ហ្កៅខាវ Gaokao )

ការប្រឡង Gaokao (ហ្កៅខាវ) គឺជាការប្រឡងបញ្ចប់វិទ្យាល័យ និងជ្រើសរើសចូលរៀននៅមហាវិទ្យាល័យ។ វាត្រូវបានចាត់ទុកថាជាការប្រឡងតឹងរ៉ឹងបំផុតមួយនៅលើពិភពលោក។ បេក្ខជនរាប់លាននាក់ត្រូវប្រកួតប្រជែងគ្នាដើម្បីទទួលបានកន្លែងរៀននៅក្នុងសាកលវិទ្យាល័យកំពូលៗ។ អាជ្ញាធរប្រើប្រាស់បច្ចេកវិទ្យាជឿនលឿនដូចជា ដ្រូន (Drone) ប្រព័ន្ធស្កែនមុខ និងឧបករណ៍ចាប់រលកសញ្ញា ដើម្បីទប់ស្កាត់ការក្លែងបន្លំ ហើយអ្នកបន្លំអាចប្រឈមនឹងការជាប់ទោសពន្ធនាគារ ផងដែរ។

២. ប្រទេសកូរ៉េខាងត្បូង (ការប្រឡង ស៊ូនឹង Suneung )

ការប្រឡង Suneung (ស៊ូនឹង) ឬ College Scholastic Ability Test (CSAT) គឺជាការប្រឡងដ៏តឹងរ៉ឹងបំផុតមួយនៅលើពិភពលោកផងដែរ។ នៅថ្ងៃប្រឡង ប្រទេសទាំងមូលស្ទើរតែផ្លាស់ប្តូរសកម្មភាពដើម្បីសម្រួលដល់សិស្សដែលត្រូវប្រឡង ជើងហោះហើរត្រូវពន្យារពេល ឬផ្អាកតែម្តងដើម្បីកាត់បន្ថយសំឡេងរំខាន អំឡុងពេលប្រឡងស្តាប់ភាសាអង់គ្លេស, កងកម្លាំងប៉ូលីសជួយដឹកសិស្សដែលស្ទះផ្លូវ, ខណៈអាជីវកម្មមួយចំនួនបើកយឺតជាងមុន ដើម្បីសម្រួលដល់ការកកស្ទះ។ ដែលនេះបានធ្វើឲ្យសម្ពាធផ្លូវចិត្តលើសិស្សមានកម្រិតខ្ពស់បំផុត។

៣. ប្រទេសឥណ្ឌា (ការប្រឡង JEE & NEET)

ការប្រឡង Joint Entrance Examination (JEE Advanced) សម្រាប់ផ្នែកវិស្វកម្ម និង NEET សម្រាប់ផ្នែកវេជ្ជសាស្ត្រ។ ការប្រឡងនេះ មានអត្រាប្រឡងជាប់ដ៏ទាបបំផុតមួយនៅលើពិភពលោក (ក្រោម ២% សម្រាប់វិទ្យាស្ថានកំពូលៗដូចជា IIT)។ បេក្ខជនរាប់លាននាក់ត្រូវចំណាយពេលត្រៀមខ្លួនជាច្រើនឆ្នាំនៅតាមមជ្ឈមណ្ឌលបណ្តុះបណ្តាលពិសេស ហើយវិធានការសុវត្ថិភាពទប់ស្កាត់ការលួចមើល គឺតឹងរ៉ឹងខ្លាំង រាប់ចាប់ពីការពិនិត្យសម្លៀកបំពាក់ រហូតដល់ការហាមឃាត់ឧបករណ៍អេឡិចត្រូនិកគ្រប់ប្រភេទ។

៤. ប្រទេសជប៉ុន (ការប្រឡង Kyotsu Test)

នៅក្នុងប្រទេសជប៉ុនការប្រឡង Kyotsu Test គឺជាការប្រឡងចូលរៀនសាកលវិទ្យាល័យដ៏តឹងរ៉ឹងខ្លាំងបំផុតនៅក្នុងប្រទេសជប៉ុន និងនៅលើពិភពលោក។ សម្ពាធនៃការប្រឡងនេះត្រូវបានគេហៅថា “Examination Hell” ដែលធ្វើឲ្យបេក្ខជនប្រឡងមានភាពពិបាកខ្លាំង។ ការប្រឡងផ្តោតលើភាពជាក់លាក់ ចំណេះដឹងទូលំទូលាយ និងល្បឿននៃការធ្វើលំហាត់ជាច្រើន ផងដែរ៕​

The post ប្រទេសនៅអាស៊ីចំនួន៤ មានការប្រឡងថ្នាក់ជាតិដ៏តឹងរ៉ឹងបំផុត នៅលើពិភពលោក appeared first on .

សន្និសីទសារព័ត៌មាន ស្តីពី «ដំណើរការរៀបចំប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ១០ សីហា ២០២៦» កាលពីថ្ងៃទី៦ ខែសីហា ឆ្នាំ២០២៦ ឧបនាយករដ្ឋមន្ដ្រី ហង់ជួន ណារ៉ុន បានបញ្ជាក់ថា ដំណើរការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ១០ សីហា ២០២៦ នឹងប្រព្រឹត្តទៅដោយឈរលើគោលការណ៍ ច្បាប់ យុត្តិធម៌ តម្លាភាព និងលទ្ធផលទទួលយកបាន ពោលគឺ «អ្នកចេះ គឺជាប់»។

ឧបនាយករដ្ឋមន្ដ្រី ក៏សូមអំពាវនាវដល់បេក្ខជនទាំងអស់ គោរពបទប្បញ្ញត្តិនៃការប្រឡង ឱ្យបានម៉ឺងម៉ាត់ ជាពិសេស មិនត្រូវលាក់ទុកជាប់នឹងខ្លួន នូវទូរស័ព្ទដៃ នាឡិកាឆ្លាតវៃ វ៉ែនតាឆ្លាតវៃ ឧបករណ៍អេឡិចត្រូនិកគ្រប់ប្រភេទ ឬសំណៅឯកសារផ្សេងៗ ចូលក្នុងមណ្ឌលប្រឡង ឬបន្ទប់ប្រឡងជាដាច់ខាត។

សូមជម្រាបថា ការប្រឡងបាក់ឌុប ឆ្នាំ២០២៦នេះ មានបេក្ខជនចុះឈ្មោះ ប្រឡងសរុប ១៥១ ២៣៨ នាក់ (ស្រី ៨៤ ៧៣៥ នាក់) ក្នុងនោះ៖ បេក្ខជនថ្នាក់វិទ្យាសាស្ត្រ មានចំនួន ៣៧ ៤៤៥ នាក់ (ស្រី ២២ ១៩៣ នាក់) បេក្ខជនថ្នាក់វិទ្យាសាស្ត្រសង្គម មានចំនួន ១១៣ ៧៩៣ នាក់ (ស្រី ៦២ ៥៤២ នាក់)។

មណ្ឌលសំណេរ មានចំនួនសរុប២៤៤មណ្ឌល ស្មើនឹង ៦ ១០៤ បន្ទប់ ក្នុងនោះ ថ្នាក់វិទ្យាសាស្ត្រ មាន ៦៨ មណ្ឌល ស្មើនឹង ១ ៥២៦ បន្ទប់ និងថ្នាក់វិទ្យាសាស្ត្រសង្គម មាន ១៧៦ មណ្ឌល ស្មើនឹង ៤ ៥៧៨ បន្ទប់។ ចំណែកឯ មណ្ឌលកំណែ មានចំនួន១០មណ្ឌល ស្ថិតនៅរាជធានីភ្នំពេញ៕

The post រដ្ឋគ្រោងចំណាយថវិកាប្រមាណ ៦លានដុល្លារ សម្រាប់រៀបចំការប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៦នេះ appeared first on .

១. ជំនាញវិស្វកម្ម (Engineering)

វិស្វកម្មត្រូវបានគេចាត់ទុកថាជាជំនាញដែលរកប្រាក់ចំណូលបានច្រើនបំផុត ពោលទទួលបានប្រាក់បៀវត្សរ៍ប្រចាំឆ្នាំចំនួន ៧៦ ៧៤០ដុល្លារ។ ជំនាញ Engineering មានច្រើនប្រភេទរួមមាន Software developer, Industrial engineer, Mechanical engineer, Civil engineer និង Engineering manager ជាដើម។

២. ជំនាញវិទ្យាសាស្ត្រកុំព្យូទ័រ (Computer Sciences)

វិទ្យាសាស្ត្រកុំព្យូទ័រ ជាជំនាញដ៏ពេញនិយមបំផុតមួយក្នុងសម័យឌីជីថលនេះ ដោយវាពាក់ព័ន្ធនឹងកិច្ចការងារក្នុងកម្មវិធីកុំព្យូទ័រដែលមានភាពស្មុគស្មាញ។ ជំនាញមួយនេះទទួលបានប្រាក់បៀវត្សរ៍ប្រចាំឆ្នាំជាមធ្យមចំនួន ៧៤ ៧៨០ដុល្លារ ជាមួយនឹងតួនាទីការងារជា Information Security Analyst, Software Developer, Computer and information systems manager, Computer systems analyst រួមទាំងតួនាទីពាក់ព័ន្ធកុំព្យូទ័រជាច្រើនផ្សេងទៀត។

៣. ជំនាញគណិតវិទ្យា និងវិទ្យាសាស្ត្រ (Math and Sciences)

បរិញ្ញាបត្រផ្នែកគណិតវិទ្យា ឬវិទ្យាសាស្ត្រ អ្នកអាចបន្តអាជីពជាច្រើន ជាមួយនឹងប្រាក់បៀវត្សរ៍ប្រចាំឆ្នាំជាមធ្យមចំនួន ៧១ ០៨០ដុល្លារ ខណៈពេលបញ្ចប់ថ្នាក់បរិញ្ញាបត្រ អ្នកអាចជ្រើសការងាររួមមាន ជំនាញគណនាហានិភ័យ (Actuary) ជំនាញវិទ្យាសាស្ត្រទិន្នន័យ (Data scientist) ជំនាញអភិវឌ្ឍន៍កម្មវិធី (Software Developer) និងជាគ្រូបង្រៀនជាដើម។

៤. ជំនាញសង្គមកិច្ចវិទ្យា (Social Sciences)

សង្គមកិច្ចវិទ្យា ត្រូវបានគេដឹងថាទទួលបានប្រាក់បៀវត្សរ៍ប្រចាំឆ្នាំជាមធ្យមចំនួន ៦៩ ៨០០ដុល្លារ ដោយអាចឲ្យអ្នកធ្វើការនៅក្នុងផ្នែកនរវិទ្យា ប្រវត្តិសាស្ត្រ សង្គមវិទ្យា ឬផ្នែកស្រាវជ្រាវជាដើម។ មិនត្រឹមតែប៉ុណ្ណោះ សញ្ញាបត្រនេះអាចនាំអ្នកទៅកាន់អាជីពផ្នែកច្បាប់ អាជីវកម្ម នយោបាយ សេវាសង្គម និងវិស័យមិនរកប្រាក់ចំណេញផងដែរ។ លើសពីនោះ និស្សិតដែលទទួលបានបរិញ្ញាបត្រក្នុងមុខវិជ្ជាវិទ្យាសាស្ត្រសង្គម ភាគច្រើនធ្វើការក្នុងក្រុមហ៊ុនមានតួនាទីដូចជា អ្នកគ្រប់គ្រងហិរញ្ញវត្ថុ (Financial Manger) ច្បាប់ (Lawer) និងគណនេយ្យ (Accountant) ។

៥. ជំនាញមនុស្សសាស្ត្រ (Humanities)

ជំនាញមនុស្សសាស្ត្រ អាចទទួលបានប្រាក់បៀវត្សរ៍ប្រចាំឆ្នាំជាមធ្យមចំនួន ៦៨ ២៣០ដុល្លារ ដែលអាចឲ្យអ្នកធ្វើការនៅក្នុងផ្នែកមេធាវី អ្នកឯកទេសធនធានមនុស្ស គិលានុបដ្ឋាយិកា និងអ្នកគ្រប់គ្រងជាដើម។

៦. ជំនាញអាជីវកម្ម (Business )

ជាមួយនឹងបរិញ្ញាបត្រផ្នែកគ្រប់គ្រងធុរកិច្ច ឬសញ្ញាបត្រដែលទាក់ទងនឹងជំនាញអាជីវកម្មផ្សេងៗ អាចឲ្យអ្នកធ្វើការលើផ្នែកហិរញ្ញវត្ថុ ឬជាសហគ្រិនកាន់កាប់ជំនួញដោយខ្លួនឯង។ មុខជំនាញមួយនេះទទួលបានប្រាក់បៀវត្សរ៍ប្រចាំឆ្នាំជាមធ្យមចំនួន ៦៣ ៩១០ដុល្លារ។ បន្ថែមពីនោះ មុខជំនាញទាក់ទងអាជីវកម្មភាគច្រើនជាការងារក្នុងតួនាទីជាអ្នកគ្រប់គ្រងហិរញ្ញវត្ថុ (Financial manager) ជំនាញគ្រប់គ្រងធនធានមនុស្ស (Human resources specialist) គណនេយ្យ (Accountant) និងអ្នកគ្រប់គ្រង (Manager) ផងដែរ។

៧. ជំនាញទំនាក់ទំនង (Communication)

ជំនាញដែលពាក់ព័ន្ធនឹងទំនាក់ទំនង គិតត្រឹមឆ្នាំ២០២៣ ជាមធ្យមទទួលបានប្រាក់បៀវត្សរ៍ប្រចាំឆ្នាំចំនួន ៦៦ ៣២០ដុល្លារ ខណៈពេលបញ្ចប់ការសិក្សានៅមហាវិទ្យាល័យ ការងារពេញនិយមសម្រាប់និស្សិតរួមមាន ទីផ្សារ (marketing specialist) ច្បាប់ (Lawyer) ផលិតករ (Producer of director) និងគ្រប់គ្រងធនធានមនុស្ស (Human resources specialist) ជាដើម។

៨. ជំនាញកសិកម្ម និងធនធានធម្មជាតិ (Agriculture and Natural Resources)

ជំនាញមួយនេះ គិតត្រឹមឆ្នាំ២០២៣ ជាមធ្យមទទួលបានប្រាក់បៀវត្សរ៍ប្រចាំឆ្នាំចំនួន ៦១ ៤០០ដុល្លារ ដែលអាចឲ្យអ្នកក្លាយជាអ្នកស្រាវជ្រាវ អ្នកដាំដំណាំ បសុសត្វ ឬផលិតទឹកដោះគោ ហើយមិនត្រឹមតែប៉ុណ្ណោះក៏អាចក្លាយជាពេទ្យសត្វ អ្នកវិទ្យាសាស្ត្រផ្នែកដី ឬរុក្ខជាតិ អ្នកគ្រប់គ្រង និងគ្រូបង្រៀនផងដែរ៕

The post ប្រឡងបាក់ឌុបរួច តើគួរជ្រើសយកជំនាញអ្វីដែលកំពុងតែមានទីផ្សារខ្ពស់ និងទទួលបានប្រាក់បៀវត្សរ៍ច្រើន? appeared first on .

សម្ដេចតេជោនាយករដ្ឋមន្ត្រី មានប្រសាសន៍ថា នៅថ្ងៃទី ២៨ ខែកុម្ភៈ ឆ្នាំ ២០២២ខាងមុខនេះ សម្ដេចនឹងជួបសំណេះ សំណាល ជាមួយសិស្សានុសិស្សដែរទើបនឹងប្រឡងជាប់បាក់ឌុបនិទ្ទេស A នៅទូទាំងប្រទេសចំនួន ១,៧៥៣ នាក់ ហើយការជួបសំណេះ សំណាលនេះ គឺត្រូវធ្វើឡើងក្នុងរាជធានីភ្នំពេញ។

សម្តេចតេជោបានអះអាងថា៖ “ខ្ញុំរង់ចាំជួបយូរហើយ តែខ្ញុំកំណត់យកថ្ងៃទី២៨ ខែកុម្ភៈ។ យើងមិននឹកស្មានថាក្នុងដំណាក់កាលរៀនតាមអនឡាញ ហើយដំណាក់កូវីដ ប៉ុន្តែបែជាក្មួយៗ ប្រឡងជាប់និន្ទេស A រហូតប្រមាណ ១ ៧០០ ឬ ១ ៨០០ នាក់ ។ កាលពីមុនមានតែ៤០០នាក់ ឬ៥០០នាក់ ដែលចាប់ដំបូងឡើងមានតែ១៦នាក់ប៉ុណ្ណោះ”។

ជាមួយគ្នានោះដែរ សម្តេចតេជោ ក៏បានបញ្ជាក់ថា ក្រុមហ៊ុន ជីប ម៉ុង បានបញ្ជាទិញអាយផេត (iPad) ដើម្បីផ្តល់ជូនសិស្សនិន្ទេស A ដែលការកុំម្ម៉ង់បញ្ជាទិញនេះ នឹងមកដល់នៅថ្ងៃទី២២ ខែកុម្ភៈ ខាងមុខ ។ សម្ដេចតេជោ បានបន្ថែមថា៖ “អ៊ីចឹងខ្ញុំបញ្ជាក់ថា នឹងជួបសិស្សនិន្ទេស A នៅភ្នំពេញ”។

គួរបញ្ជាក់ថា លទ្ធផលការប្រឡងសញ្ញាបត្រមធ្យមសិក្សាទុតិយភូមិ  ដែលបានប្រកាសកាលពីថ្ងៃទី១៤ មករា ឆ្នាំ ២០២២ នេះ មានបេក្ខជនប្រឡងជាប់សរុបចំនួន ៧២០១៦ នាក់ ត្រូវជា ៦៥.៦៥% នៃបេក្ខជនសរុប ។ ចំណែកឯសិស្សពូកែ ទទួលបាននិន្ទេស A វិញ ដែលនឹងជួបប្រមុខរាជរដ្ឋាភិបាល សម្ដេចតេជោ នាថ្ងៃទី២៨ កុម្ភៈខាងមុខនេះ មានចំនួន ១៧៥៣ នាក់ នៅទូទាំងប្រទេស ៕

The post សម្ដេចតេជោ ហ៊ុន សែន៖ ខ្ញុំរង់ចាំជួបក្មួយៗនិន្ទេស A យូរហើយ តែខ្ញុំកំណត់យកថ្ងៃទី២៨ ខែកុម្ភៈ appeared first on .

តាម​ការ​បង្ហោះ​នៅលើ​គណនី​របស់លោក​ប៉ុន្មាននាទី​មុន​នេះ លោក​បាន​បង្ហាញមោទនភាព​និង​​អបអរសាទរដែល​កូន​ប្រុស​របស់លោក​ឈ្មោះ​ សាំ សេដ្ឋា បាន​ជាប់​និទ្ទេស​ខ្ពស់​បំផុតនា​សម័យ​​ប្រឡងជាប់សញ្ញាប័ត្រមធ្យមសិក្សាទុតិយភូមិ​ឆ្នាំ​២០២១។

ក្រសួងអប់រំយុវជននិងកីឡាបានប្រកាសថានៅឆ្នាំនេះ មានបេក្ខជនប្រឡងជាប់បាក់ឌុបចំនួន ៧២០១៦ នាក់ស្មើ​៦៥.៦៥​ភាគរយក្នុងចំណោមបេក្ខជនចូលរួមប្រឡងចំនួន១១៤១៨៧នាក់។

ក្នុងចំណោមបេក្ខជនជាប់ទាំងនោះមានបេក្ខជនជាប់និទ្ទេស A មានចំនួន១៧៥៣នាក់ និទ្ទេស B មានចំនួន ១៥៥២នាក់ និទ្ទេស C ចំនួន ១១៦៣៤នាក់ និទ្ទេសDចំនួន ២៣៤៩៩នាក់ និងនិទ្ទេស E ចំនួន ២៩៩១៥នាក់។

លំដាប់បេក្ខជនទូទាំងប្រទេស​ដែលមាននិទ្ទេស A ច្រើនជាងគេ​គឺ​រាជធានីភ្នំពេញ​ចំនួន ៥៦៥ នាក់ និង​ខេត្តសៀមរាបចំនួន ១៥៣ នាក់៕

The post កូនប្រុស​ប្រធានមន្ទីរសាធារណការ​​រាជធានីភ្នំពេញ​ជាប់​និទ្ទេស A សម័យ​ប្រឡង​បាក់ឌុប​២០២១ appeared first on .

បើតាម​សេចក្តីប្រកាស​របស់​ក្រសួង មាន​បេក្ខជនដែលជាប់​និទ្ទេស A ទូទាំងប្រទេស​មាន​ចំនួន ១ ៧៥៣ នាក់។

រាជធានី​ភ្នំពេញ​មានបេក្ខជនដែលជាប់​និទ្ទេស A ច្រើន​ជាង​គេ។ ក្នុងនោះបេក្ខជនមកពីរាជធានីភ្នំពេញ​បាន​និទ្ទេស A មាន​ចំនួន ៥៦៥ នាក់, ខេត្តសៀមរាប ១៥៣ នាក់, កណ្ដាល ១២៧ នាក់, បាត់ដំបង ១២៣ នាក់, កំពង់ចាម ១១៨ នាក់, បន្ទាយមានជ័យ ៩៩ នាក់, តាកែវ ៩៩ នាក់, ព្រៃវែង ៨៧ នាក់, កំពត ៧៥ នាក់, ត្បូងឃ្មុំ ៥៤ នាក់, ក្រចេះ ៤៥ នាក់, កំពង់ធំ ៤១ នាក់, កំពង់ស្ពឺ ៣៣ នាក់, ពោធិ៍សាត់ ២៨ នាក់, ស្វាយរៀង ២៦ នាក់, កំពង់ឆ្នាំង ២២ នាក់, ព្រះសីហនុ ២០ នាក់, រតនគិរី ០៩ នាក់, ស្ទឹងត្រែង ០៦ នាក់, ប៉ៃលិន ០៦ នាក់, ឧត្តរមានជ័យ ០៥ នាក់, កោះកុង ០៤ នាក់, ព្រះវិហារ ០៤ នាក់, កែប ០៣ នាក់, និងខេត្តមណ្ឌលគិរី ០១ នាក់។

The post ភ្នំពេញ​ឈរ​លើគេ​មានសិស្សជាប់និទ្ទេស A ច្រើន​ជាង​គេ appeared first on .

ក្រោយពីដំណើរការប្រឡង​សញ្ញាបត្រមធ្យមសិក្សាទុតិយភូមិ ឬ បាក់ឌុបកាលពីថ្ងៃទី២៧ ខែធ្នូ ឆ្នាំ ២០២១ បាន​បញ្ចប់ អ្នកនិពន្ធល្បីឈ្មោះលោកស្រី អ៊ុច ថាវី សង្កេត​ឃើញ​បេក្ខជនចូលរួមប្រឡង​សុទ្ធតែពូកែៗ មាន​សមត្ថភាព​ហើយ​រំពឹង​នឹង​ទទួលបាន​លទ្ធផល​ល្អ។

លោកស្រីលើកឡើងថា បាក់ឌុបឆ្នាំនេះបេក្ខជននៅបន្ទប់ដែលលោក​ស្រី​ចូលធ្វើជាអនុរក្សទាំង៤បន្ទប់ ពូកែៗភាគច្រើន (សួរបន្ទប់ផ្សេងៗក៏ចឹងដែរ)។ ពួកគេធ្វើលំហាត់បានច្រើនសឹងតែគ្រប់គ្នា។ ហត់ជាងគេម៉ោងគណិតព្រោះងាកៗ <អ្នកគ្រូ! សុំក្រដាសត!> (បើអត់ងាកបែបអត់អីទេ)។ តែក៏សប្បាយចិត្តព្រោះសិស្សធ្វើបាន ដែល​នេះសបង្ហាញ​ឲ្យ​ឃើញ​ថាការរៀនតាមអនឡាញសឹងតែមួយ​ឆ្នាំនេះ ក៏ផ្តល់លទ្ធផលគាប់ប្រសើរគ្រាន់ដែរ។

លោកស្រី​សង្កេត​ឃើញ​ថា សិស្ស​ខិតខំ​ប្រឡង​រៀងៗ​ខ្លួន​ អត់មានសំណៅឯកសារក្នុងបន្ទប់ប្រលង ក៏អត់មានការចម្លងគ្នាឆ្វេចឆ្វាចដែរ។ សិស្សមានវិន័យល្អណាស់។ អាណិតតែគ្រូ Reserve ទេដែលត្រូវកាន់ស្បោងខ្មៅដើរប្រមូលប្រ៊ុយយ៉ុងតាមបន្ទប់ តែត្រូវត្រលប់ទៅវិញស្បោងទទេដដែល។

គួរបញ្ជាក់ដែរថាបើតាមការបញ្ជាក់របស់ក្រសួងអប់រំយុវជននិងកីឡា ការប្រឡងមធ្យមសិក្សាទុតិយភូមិដែល​ប្រព្រឹត្តទៅ​ត្រូវបានរៀបចំដោយឈរលើគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន។

លទ្ធផលប្រឡងនឹងត្រូវប្រកាសនៅតាមមណ្ឌលប្រឡងក្នុងរាជធានីភ្នំពេញនិងខេត្តកណ្ដាលនារសៀលថ្ងៃ ទី ១៨ ខែ មករា ឆ្នាំ២០២២ និងនៅតាមមណ្ឌលប្រឡងក្នុងខេត្តផ្សេងទៀតនាថ្ងៃ ទី ១៩ ខែ មករា ឆ្នាំ២០២២ ព្រមទាំងផ្សព្វផ្សាយតាមបណ្ដាញទំនាក់ទំនងសង្គមផ្លូវការរបស់ក្រសួងអប់រំយុវជននិងកីឡា៕

The post អ្នកនិពន្ធល្បីឈ្មោះម្នាក់ ក្លាយ​ជា​អនុរក្សប្រឡងបាក់ឌុប “អ្នក​ចេះ​គឺ​ជាប់” appeared first on .