រដ្ឋមន្ត្រីក្រសួងថាមពលកាតា និងជានាយកប្រតិបត្តិនៃក្រុមហ៊ុនប្រេង និងឧស្ម័នជាតិ QatarEnergy លោក Saad al-Kaabi បាននិយាយថា ការវាយប្រហាររបស់អ៊ីរ៉ង់ បានរំខានដល់ឧស្ម័នធម្មជាតិរាវ (LNG) ចំនួន ១២,៨ លានតោនជារៀងរាល់ឆ្នាំ ដែលស្មើនឹង ១៧% នៃសមត្ថភាពនាំចេញ ដែលបណ្តាលឱ្យខាតបង់ប្រាក់ចំណូលប្រចាំឆ្នាំប្រហែល ២០ពាន់លានដុល្លារ។

យ៉ាងណាមិញ ចំពោះដំណើរការស្តារឡើងវិញ សម្រាប់ខ្សែផលិតកម្មដែលខូចខាតទាំងនេះ ត្រូវបានគេរំពឹងថានឹងអាចចំណាយពេលចន្លោះពី ៣ ទៅ ៥ឆ្នាំ ដែលនោះមានន័យថាប្រាក់ចំណូលពីការនាំចេញ អាចធ្លាក់ចុះរហូតដល់ ១០០ពាន់លានដុល្លារ។ នេះមិនទាន់រាប់បញ្ចូលទាំងការចំណាយសម្រាប់ការជួសជុលដែលមានចំនួនទឹកប្រាក់ប្រហែល ២៦ពាន់លានដុល្លារ ដែលត្រូវបានប៉ាន់ស្មាននៅឡើយ។

ជម្រាបជូនថា ជុំវិញការលើកឡើងនេះ បន្ទាប់ពីអ៊ីរ៉ង់ បានបាញ់មីស៊ីលវាយប្រហារលើរោងចក្រ Ras Laffan LNG របស់ក្រុមហ៊ុន Qatar Energy ដែលមានទីតាំងប្រហែល ៨០ គីឡូម៉ែត្រភាគខាងជើងទីក្រុងដូហា ប្រទេសកាតា។ នេះគឺជារោងចក្រផលិតឧស្ម័នធម្មជាតិរាវ (LNG) ធំជាងគេបំផុតរបស់ពិភពលោក ដែលផ្គត់ផ្គង់ប្រហែល ២០% នៃទិន្នផលសកល៕

The post កាតា អាចខាតបង់ដល់ ១០០ពាន់លានដុល្លារ ពីការនាំចេញឧស្ម័ន ដោយសារអ៊ីរ៉ង់វាយប្រហារ appeared first on .

ក្រុមហ៊ុន Qatar Energy ដែលជាក្រុមហ៊ុនប្រេង និងឧស្ម័នជាតិធំបំផុតមួយរបស់ពិភពលោក បានបញ្ជាក់នៅថ្ងៃទី១៩ ខែមីនាថា មីស៊ីលអ៊ីរ៉ង់មួយគ្រាប់បានវាយប្រហារចំរោងចក្រឧស្ម័នធម្មជាតិរាវ (LNG) Ras Laffan ដែលមានទីតាំងប្រហែល ៨០គីឡូម៉ែត្រពីភាគខាងជើងនៃទីក្រុងដូហា។ នេះត្រូវបានគេស្គាល់ថាជារោងចក្រផលិតឧស្ម័នធម្មជាតិរាវធំជាងគេបំផុតរបស់ពិភពលោក។

មិនតែប៉ុណ្ណោះ ក្រុមហ៊ុន Qatar Energy បាននិយាយថា ក្រុមសង្គ្រោះបន្ទាន់ត្រូវបានដាក់ពង្រាយភ្លាមៗដើម្បីទប់ស្កាត់អគ្គីភ័យ ហើយស្ថានភាពត្រូវបានគ្រប់គ្រងជាបន្តបន្ទាប់។ តែទោះជាយ៉ាងណាក៏ដោយ ក្រុមហ៊ុននេះបានទទួលស្គាល់ថាការវាយប្រហារនេះបានបណ្តាលឲ្យការខូចខាតយ៉ាងទូលំទូលាយ។

ជម្រាបជូនថា តំបន់ឈូងសមុទ្រកំពុងទទួលរងការវាយប្រហារយ៉ាងខ្លាំងពីការសងសឹករបស់អ៊ីរ៉ង់ចំពោះការវាយប្រហារតាមអាកាសរវាងសហរដ្ឋអាមេរិក និងអ៊ីស្រាអែល ដែលបានចាប់ផ្តើមនៅថ្ងៃទី២៨ ខែកុម្ភៈមក​៕

The post កាន់តែក្តៅ! អ៊ីរ៉ង់ វាយប្រហាររោងចក្រឧស្ម័នធម្មជាតិធំជាងគេបំផុតរបស់ពិភពលោក នៅកាតា appeared first on .

ក្រសួងមហាផ្ទៃកាតា បានប្រកាសនៅថ្ងៃទី៩ ខែមីនាថា មនុស្សសរុបចំនួន ៣១៣នាក់ ត្រូវបានចាប់ខ្លួនពីបទថត និងចែកចាយវីដេអូ ក៏ដូចជាបង្ហោះព័ត៌មានមិនពិត និងពាក្យចចាមអារ៉ាម ដែលអាចញុះញង់មតិសាធារណៈ។ នាយកដ្ឋានបង្ការឧក្រិដ្ឋកម្មសេដ្ឋកិច្ច និងឧក្រិដ្ឋកម្មតាមអ៊ីនធឺណិត នៃអគ្គនាយកដ្ឋានស៊ើបអង្កេតឧក្រិដ្ឋកម្មកាតា បានបន្ថែមថា អ្នកដែលត្រូវបានចាប់ខ្លួនទាំងនោះ មានសញ្ជាតិជាច្រើនផ្សេងៗគ្នា។

យ៉ាងណាមិញជុំវិញការប្រកាសចាប់ខ្លួននេះ ត្រូវបានធ្វើឡើងចំពេលមានកំពុងមានការវាយប្រហារជាញឹកញាប់ដោយអ៊ីរ៉ង់លើហេដ្ឋារចនាសម្ព័ន្ធ នៅទូទាំងប្រទេសក្នុងតំបន់ឈូងសមុទ្រ។

ទន្ទឹមនឹងនេះ ពលរដ្ឋនៅក្នុងប្រទេសអារ៉ាប់រួម (UAE) ក៏ត្រូវបានព្រមានអំពីហានិភ័យផ្នែកច្បាប់ ប្រសិនបើពួកគេចែករំលែក រូបភាពរសើប ឬព័ត៌មានមិនគួរឲ្យទុកចិត្តណាមួយ។ អាជ្ញាធរអារ៉ាប់រួម ក៏បានព្រមានប្រឆាំងនឹងការថត បោះពុម្ពផ្សាយ ឬចែករំលែករូបភាពនៃកន្លែងកើតហេតុ ឬការខូចខាតដែលបណ្តាលមកពីវត្ថុធ្លាក់ ឬបំណែកគ្រាប់ ផងដែរ។

ជម្រាបជូនថាមជ្ឈិមបូព៌ាត្រូវបានហ៊ុំព័ទ្ធដោយជម្លោះចាប់តាំងពីសហរដ្ឋអាមេរិក និងអ៊ីស្រាអែលបានបើកការវាយប្រហារតាមផ្លូវអាកាសប្រឆាំងនឹងអ៊ីរ៉ង់ នៅថ្ងៃទី២៨ ខែកុម្ភៈមក។ កងឆ្មាំបដិវត្តន៍អ៊ីស្លាមអ៊ីរ៉ង់ (IRGC) បានបើកការសងសឹកវិញយ៉ាងចាស់ដៃដោយការបាញ់មីស៊ីល និងយន្តហោះគ្មានមនុស្សបើកទៅកាន់មូលដ្ឋានទ័ពអ៊ីស្រាអែល និងសហរដ្ឋអាមេរិក នៅក្នុងតំបន់ និងប្រទេសអារ៉ាប់ជាច្រើន៕​

The post កាតា ចាប់ខ្លួនមនុស្សជាង ៣០០ នាក់ ពីបទបង្ហោះព័ត៌មានក្លែងក្លាយជុំវិញសង្គ្រាមនៅមជ្ឈិមបូព៌ា appeared first on .

អ្នកនាំពាក្យកងទ័ពអាកាសអាមេរិក បាននិយាយកាលពីថ្ងៃទី១៥ ខែកញ្ញាថា យន្តហោះដែលជាអំណោយពីប្រទេសកាតា នឹងត្រូវប្រើប្រាស់សម្រាប់គោលបំណនៃការគាំទ្រផ្នែកដឹកជញ្ជូនតាមផ្លូវអាកាស សម្រាប់ការធ្វើដំណើរបំពេញភារកិច្ចរបស់ប្រធានាធិបតី។

អ្នកនាំពាក្យរូបនេះ ក៏បានបន្ថែមឲ្យដឹងទៀតផងដែរថា ជុំវិញព័ត៌មានលម្អិតនៃការបំប្លែងយន្តហោះ Boeing 747-8 ក៏ដូចជាក្រុមហ៊ុនណាមួយដែលទទួលកិច្ចសន្យាដើម្បីអនុវត្តការងារនេះ កំពុងត្រូវបានរក្សាទុកជាសម្ងាត់នៅឡើយ។

យ៉ាងណាមិញ​ បើតាមប្រព័ន្ធផ្សព្វផ្សាយអាមេរិកពីមុន បានវាយតម្លៃថា ការជួសជុល និងការដំឡើងឧបករណ៍សន្តិសុខ និងទំនាក់ទំនងនៅលើយន្តហោះដែលផ្តល់ដោយប្រទេសមួយផ្សេងទៀត គឺជាកិច្ចការងារដ៏ស្មុគស្មាញមួយ។ ទីភ្នាក់ងារស៊ើបការណ៍សម្ងាត់ និងសន្តិសុខរបស់សហរដ្ឋអាមេរិក នឹងត្រូវរុះរើយន្តហោះទាំងមូលចុះមកក្រោម ហើយផ្គុំវាឡើងវិញ ដើម្បីជៀសវាងហានិភ័យនៃការលេចធ្លាយព័ត៌មាន។

រដ្ឋមន្ត្រីទ័ពអាកាសអាមេរិក លោក Troy Meink ធ្លាប់បានប៉ាន់ប្រមាណក្នុងខែមិថុនាថា ការចំណាយលើការជួសជុលយន្តហោះនេះ អាចមានតម្លៃប្រហែល ៤០០លានដុល្លារ។

ជម្រាបជូនថា គ្រួសាររាជវង្សកាតាបានផ្តល់អំណោយដល់រដ្ឋបាលលោក ត្រាំ នូវយន្តហោះប្រណិត Boeing 747-8 ដែលត្រូវបានគេហៅថា “វិមានលើអាកាស” ហើយបានសង្កត់ធ្ងន់ថាវាអាចជាអំណោយថ្លៃបំផុតដែលរដ្ឋាភិបាលសហរដ្ឋអាមេរិកមិនធ្លាប់ទទួលបានពីមុន។ យន្តហោះ Boeing 747-8 បច្ចុប្បន្នមានតម្លៃប្រហែល ៤០០លានដុល្លារ។ យន្តហោះ​ម៉ូដែល​នេះ​មាន​ប្រវែង​វែង​ជាង​យន្តហោះ Air Force One បច្ចុប្បន្ន​ជាង ៥ម៉ែត្រ៕​

The post អាមេរិក ចាប់ផ្តើមកែកុនយន្តហោះកាតាតម្លៃ ៤០០លានដុល្លារ ទៅជាយន្តហោះសម្រាប់ដឹកប្រធានាធិបតី appeared first on .

លោក Sean Parnell អ្នកនាំពាក្យមន្ទីរបញ្ចកោណបាននិយាយកាលពីថ្ងៃទី២១ ខែឧសភាថា៖” រដ្ឋមន្ត្រីក្រសួងការពារជាតិ លោក Pete Hegseth បានទទួលយកយន្តហោះ Boeing 747 ពីប្រទេសកាតា ដោយស្របច្បាប់ និងគោរពតាមបទប្បញ្ញត្តិរបស់សហព័ន្ធទាំងអស់។ អំណោយនេះ នឹងត្រូវយកទៅកែកុន និងបំពាក់នូវប្រព័ន្ធសុវត្ថិភាពសំខាន់ៗបន្ថែម មុនពេលយកទៅប្រើជាយន្តហោះបណ្តោះអាសន្នសម្រាប់ដឹកជញ្ជូនប្រធានាធិបតីសហរដ្ឋអាមេរិក”។

រំឭកផងដែរថា ប្រព័ន្ធផ្សព្វផ្សាយអាមេរិកពីមុនបានរាយការណ៍ថាគ្រួសាររាជវង្សកាតាគ្រោងនឹងផ្ទេរទៅឲ្យរដ្ឋបាល លោក ត្រាំ នូវយន្តហោះ Boeing 747-8 ដ៏ប្រណីតមួយ ឲ្យឈ្មោះថា “រាជវាំងលើអាកាស” ហើយបានសង្កត់ធ្ងន់ថានេះអាចជាអំណោយដ៏ថ្លៃបំផុតដែលរដ្ឋាភិបាលសហរដ្ឋអាមេរិកមិនធ្លាប់ទទួលបានពីមុនមក។ យន្តហោះ Boeing 747-8 បច្ចុប្បន្នមានតម្លៃប្រហែល ៤០០លានដុល្លារ។

ប៉ុន្តែទោះជាយ៉ាងណាក៏ដោយ មន្ទីរបញ្ចកោណមិនបាននិយាយថា តើការកែប្រែយន្តហោះ Boeing 747-8 ដ៏ប្រណីតនេះ ឲ្យទៅជា Air Force One សម្រាប់ដឹកប្រធានាធិបតីអាមេរិក នឹងត្រូវចំណាយអស់ទឹកប្រាក់ប៉ុន្មាន ឬត្រូវចំណាយពេលប៉ុន្មាននោះទេ។

យ៉ាងណាមិញ ជុំវិញការទទួលបានអំណោយយន្តហោះនេះ បានធ្វើឲ្យមានការរិះគន់យ៉ាងខ្លាំង ពីសំណាក់សមាជិកព្រឹទ្ធសភាគណបក្សប្រជាធិបតេយ្យពីររូប គឺលោក Mazie Hirono និង Tammy Duckworth ដែលបាននិយាយថា ការកែកុនយន្តហោះនេះ អាចត្រូវចំណាយអស់ជាង ១ពាន់លានដុល្លារ ហើយវានិងអាចបង្កហានិភ័យសន្តិសុខយ៉ាងធ្ងន់ធ្ងរ។ យោងតាមលោក Duckworth បច្ចុប្បន្នអាមេរិកមានយន្តហោះ Air Force One ចំនួនពីររួចស្រាប់ទៅហើយ នៅក្នុងប្រតិបត្តិការ ដូច្នេះមិនត្រូវចាំបាច់កែកុនយន្តហោះរបស់កាតាទៀតនោះទេ។

ប៉ុន្តែតែទោះជាយ៉ាងក៏ដោយ លោក ត្រាំ បាននិយាយកាលពីសប្តាហ៍មុនថា “មានតែមនុស្សល្ងង់” ប៉ុណ្ណោះដែលបដិសេធមិនទទួលយកយន្តហោះពីកាតា។ ស្របពេលជាមួយគ្នានោះ នាយក​រដ្ឋមន្ត្រី​កាតា​ ក៏បានលើកឡើងថា​យន្តហោះ​នេះ​ មិនមែន​អំណោយ​ផ្ទាល់​ខ្លួន​ដល់លោក ត្រាំ នោះឡើយ តែវា​ជាកិច្ចសហ​ប្រតិបត្តិការ​រវាង​រដ្ឋាភិបាល ​និង​រដ្ឋាភិបាល៕

The post ទីបំផុត អាមេរិក ទទួលយន្តហោះប្រណីតតម្លៃ ៤០០លានដុល្លារ ពីកាតាជាផ្លូវការ appeared first on .

សេតវិមានបានប្រកាសថា ក្រុមហ៊ុន Qatar Airways បានចុះហត្ថលេខាលើកិច្ចព្រមព្រៀងដ៏ធំបំផុតមួយ ដើម្បីបញ្ជាទិញយន្តហោះ Boeing 777X និង Boeing 787 ចំនួន ១៦០ គ្រឿង ដោយបំពាក់មកជាមួយនឹងប្រភេទម៉ាស៊ីន GE Aerospace នៅក្នុងតម្លៃសរុបប្រមាណ ៩៦ពាន់លានដុល្លារ។ វាត្រូវបានចាត់ទុកថាជាជោគជ័យដ៏ធំបំផុតមួយ សម្រាប់លោក ត្រាំ នៅក្នុងដំណើរទស្សនកិច្ចរបស់ខ្លួន ទៅកាន់ប្រទេសនៅមជ្ឈិមបូព៌ានេះ បើទោះបីជាវានឹងត្រូវការរយ:ពេលជាច្រើនឆ្នាំ មុនពេលយន្តហោះទាំងនេះ ត្រូវបានដឹកជញ្ជូនដល់ដៃអតិថិជន ក៏ដោយ។

គួរឲ្យដឹងផងដែរថា លោក ត្រាំ និងព្រះអង្គម្ចាស់ Emir Sheikh Tamim bin Hamad Al-Thani របស់ប្រទេសកាតា បានចូលរួមធ្វើជាសាក្សី ក្នុងពិធីចុះហត្ថលេខារវាងនាយកប្រតិបត្តិ Boeing លោក Kelly Ortberg និងនាយកប្រតិបត្តិក្រុមហ៊ុន Qatar Airways លោក Badr Mohammed Al-Meer ។

ទន្ទឹមនឹងនេះ លោក Ortberg បាននិយាយថា នេះគឺជាការបញ្ជាទិញយន្តហោះដ៏ធំបំផុតមិនធ្លាប់មាន នៅក្នុងប្រវត្តិសាស្រ្តរបស់ក្រុមហ៊ុន Boeing។

ជម្រាបជូនផងដែរថា កិច្ចព្រមព្រៀងនេះត្រូវបានចុះហត្ថលេខាក្នុងអំឡុងពេលឈប់សំចតទីពីររបស់លោក ត្រាំ ក្នុងដំណើរទស្សនកិច្ចទៅកាន់ប្រទេសនៅក្នុងតំបន់មជ្ឈិមបូព៌ាចំនួន៣ បន្ទាប់ពីលោកបានឈានដល់កិច្ចព្រមព្រៀងជាច្រើន ជាមួយប្រទេសអារ៉ាប៊ីសាអូឌីត កាលពីថ្ងៃអង្គារ៕

The post កាតា កម្ម៉ង់យន្តហោះអាមេរិក ១៦០ គ្រឿងតម្លៃជិត ១០០ពាន់លានដុល្លារ អំឡុងដំណើរទស្សនកិច្ចរបស់លោក ត្រាំ appeared first on .

ថ្លែងប្រាប់អ្នកយកព័ត៌មាននៅសេតវិមាន កាលពីថ្ងៃទី១២​ ខែឧសភា លោក ត្រាំ លើកឡើងថា៖” ខ្ញុំគិតថាមានតែមនុស្សល្ងង់ប៉ុណ្ណោះដែលនឹងបដិសេធទទួលយកអំណោយដ៏មានតម្លៃបែបនេះ។ វាជាការវិការនៃសុច្ឆន្ទ: ខ្ញុំនឹងមិនបដិសេធចំពោះការផ្តល់ជូនបែបនេះទេ”។

ជុំវិញការលើកឡើងរបស់លោក​ ត្រាំ បែបនេះ ត្រូវបានកើតឡើង បន្ទាប់ពីប្រព័ន្ធផ្សព្វផ្សាយអាមេរិក បានរាយការណ៍ថាគ្រួសារខ្សែរាជវង្សកាតា គ្រោងនឹងផ្តល់ឲ្យរដ្ឋបាលរបស់លោក ត្រាំ នូវយន្តហោះ Boeing 747-8 ដ៏ប្រណីតមួយ ដែលត្រូវបានគេដាក់ឈ្មោះថា “វិមានលើអាកាស” ហើយថែមទាំងបានសង្កត់ធ្ងន់ទៀតថា នេះអាចជាអំណោយដ៏ថ្លៃបំផុតដែលរដ្ឋាភិបាលសហរដ្ឋអាមេរិក មិនធ្លាប់ទទួលបានពីមុនមក។ យន្តហោះ Boeing 747-8 បច្ចុប្បន្នមានតម្លៃប្រហែល ៤០០លានដុល្លារ។

ប្រភពដែលដឹងអំពីបញ្ហានេះ បាននិយាយទៀតថា យន្តហោះ Boeing 747-8 នេះ នឹងត្រូវបានកែលម្អ និងបំពាក់ជាមួយនឹងឧបករណ៍ពិសេសៗ ក្នុងគោលបំណងយកទៅបម្រើការបណ្តោះអាសន្នជាយន្តហោះដឹកប្រធានាធិបតី Air Force One ហើយផែនការសម្រាប់ការបរិច្ចាគ អាចនឹងត្រូវប្រកាសនៅអំឡុងសប្តាហ៍នេះ ពោលគឺនៅពេលដែលលោក ត្រាំ នឹងត្រូវធ្វើទស្សនកិច្ចទៅកាន់ប្រទេសមជ្ឈិមបូព៌ាចំនួនបី រួមទាំងប្រទេសកាតា ផងដែរ។

យ៉ាងណាមិញ ជុំវិញការផ្តល់អំណោយនេះ ហាក់បានធ្វើឲ្យ​មាន​​ការរិះគន់​ជាច្រើន ជាពិសេសពីសំណាក់សមាជិកសភាគណបក្ស​ប្រជាធិបតេយ្យ ដែលអំពាវនាវ​ឲ្យ​មានការស៊ើបអង្កេតលើការបំពានដែលអាចកើតមាន​ចំពោះ​រដ្ឋធម្មនុញ្ញ​ ដែលហាមឃាត់​​មន្ត្រីរដ្ឋាភិបាល ​ពីការ​ទទួលយក​អំណោយ​ពី​ស្តេច ព្រះអង្គម្ចាស់ ឬរដ្ឋាភិបាលបរទេស ដោយគ្មានការយល់ព្រមពីសភា។

ប៉ុន្តែទោះជាយ៉ាងណាក៏ដោយ ករណីនេះអាចនឹងត្រូវបានលើកលែង ដោយយោងតាមលោក ត្រាំ យន្តហោះនេះ ត្រូវបានគេរំពឹងថានឹងត្រូវបានបរិច្ចាគទៅបណ្ណាល័យប្រធានាធិបតីនាពេលអនាគត សម្រាប់ដាក់តាំងបង្ហាញ បន្ទាប់ពីរូបលោកចាកចេញពីសេតវិមាន ពោលគឺស្រដៀងទៅនឹងរបៀបដែលបណ្ណាល័យរបស់អតីតប្រធានាធិបតី លោក Ronald Reagan ធ្លាប់បានរក្សាទុកយន្តហោះ Air Force One ជំនាន់របស់ខ្លួនដែរ៕

The post លោក ត្រាំ ថាមានតែមនុស្សល្ងង់ប៉ុណ្ណោះ បើមិនព្រមយកយន្តហោះប្រណីតតម្លៃ ៤០០លានដុល្លារពីកាតា appeared first on .

ការប្រកាសនេះ ត្រូវបានធ្វើឡើងក្នុងអំឡុងដំណើរទស្សនកិច្ចផ្លូវរដ្ឋរយ:ពេលពីរថ្ងៃទៅកាន់ទឹកដីចក្រភពអង់គ្លេសរបស់ស្តេចនៃប្រទេសកាតា គឺព្រះចៅ Sheikh Tamim bin Hamad Al Thani ។

ទន្ទឹមនឹងនេះ អ្នកនាំពាក្យរដ្ឋាភិបាលរបស់ប្រទេសកាតាបាននិយាយថា ចក្រភពអង់គ្លេស កំពុងស្វែងរកទំនាក់ទំនងកាន់តែស៊ីជម្រៅបន្ថែមទៀតជាមួយរដ្ឋឈូងសមុទ្រ ស្របពេលនាយករដ្ឋមន្ត្រីអង់គ្លេស លោក Keir Starmer បានបង្ហាញក្តីសង្ឃឹមថា នឹងប្រើប្រាស់ដំណើរទស្សនកិច្ចនេះ ដើម្បីទទួលបានអត្ថប្រយោជន៍បន្ថែមសម្រាប់ប្រទេសរបស់ខ្លួន ទាំងលើផ្នែកសន្តិសុខ និងសេដ្ឋកិច្ច។

មិនតែប៉ុណ្ណោះ រដ្ឋាភិបាលអង់គ្លេសបានឲ្យដឹងទៀតថា ការវិនិយោគនេះ រំពឹងថានឹងបង្កើតការងាររាប់ពាន់កន្លែង និងបើកដំណើរការមជ្ឈមណ្ឌលបច្ចេកវិទ្យាអាកាសធាតុ នៅក្នុងប្រទេសទាំងពីរ ដើម្បីពន្លឿនការអភិវឌ្ឍន៍បច្ចេកវិទ្យាថ្មីៗដែលធន់នឹងការប្រែប្រួលនៃអាកាសធាតុ។

ជម្រាបជូនផងដែរថា កិច្ចព្រមព្រៀងដែលមានតម្លៃថ្លៃនេះ ក៏រួមបញ្ចូលទាំងការវិនិយោគនៅក្នុងកម្មវិធីបច្ចេកវិទ្យាដោយក្រុមហ៊ុន Rolls-Royce ផងដែរ ដើម្បីធ្វើឲ្យប្រសើរឡើងនូវប្រសិទ្ធភាពថាមពល ក៏ដូចជាគាំទ្រដល់ឥន្ធនៈនិរន្តរភាពថ្មី និងការបំភាយកាបូនកម្រិតទាប ជាមួយនឹងការងាកមកប្រើប្រាស់ថាមពលបៃតងជំនួសវិញ៕

The post កាតា សន្យាវិនិយោគទឹកប្រាក់ជាង ១ពាន់លានដុល្លារ លើបច្ចេកវិទ្យាអាកាសធាតុនៅអង់គ្លេស appeared first on .

វិទ្យាស្ថានស្រាវជ្រាវសន្តិភាពអន្តរជាតិ Stockholm បាននិយាយនៅក្នុងរបាយការណ៍របស់ខ្លួនថា ទោះជាយ៉ាងណាក៏ដោយ ក្នុងអំឡុងពេលដូចគ្នានេះ ការនាំចូលអាវុធសំខាន់ៗទៅកាន់បណ្តាប្រទេសអឺរ៉ុបបានកើនឡើង៩៤% ប៉ុន្តែរដ្ឋនៅក្នុងតំបន់អាស៊ី អូសេអានី និងមជ្ឈិមបូព៌ាបានបន្តនាំចូលអាវុធក្នុងបរិមាណធំជាងនៅអឺរ៉ុបទៅទៀត។

តាមរបាយ​ការណ៍​បាន​បង្ហាញ​ថា ប្រទេស​នាំ​ចេញ​អាវុធ​លំដាប់កំពូល​ទាំង​បី​គឺមានប្រទេស​ឥណ្ឌា អារ៉ាប៊ីសាអូឌីត និង​កាតា ខណៈ​អ៊ុយក្រែន​ក៏ជា​ប្រទេសដែលនាំចេញអាវុធ​ធំលំដាប់​ទី​បួនផងដែរ ម្យ៉ាងវិញទៀតអ៊ុយក្រែនជាប្រទេសដែលមានការកើនឡើងនៃការនាំចូលអាវុធដល់ទៅចំនួន៦,៦៣៣% នៅអំឡុងឆ្នាំ២០១៩ ដល់ឆ្នាំ២០២៣ ធៀបនឹងរយៈពេលប្រាំឆ្នាំមុន ស្របពេលដែលប្រទេសប៉ាគីស្ថាន ជប៉ុន អេហ្ស៊ីប អូស្ត្រាលី កូរ៉េខាងត្បូង និងចិន គឺជាប្រទេសនាំចូលអាវុធធំជាងគេក្នុងចំណោមប្រទេសនាំចូលអាវុធធំបំផុតទាំង១០ របស់ពិភពលោកនៅរយៈពេល ៥ឆ្នាំមកនេះ។

មិនត្រឹមតែប៉ុណ្ណោះ នៅរយៈពេលប្រាំឆ្នាំចុងក្រោយមកនេះ ការនាំចេញអាវុធរបស់សហរដ្ឋអាមេរិកមានចំនួន៤២% ខណៈដែលប្រទេសបារាំងវិញបានកើនឡើងនៃការនាំចេញចំនួន៤៧% វ៉ាដាច់រុស្ស៊ីដែលធ្លាប់មានឈ្មោះថា ជាប្រទេសផ្គត់ផ្គង់អាវុធធំបំផុតទីពីររបស់ពិភពលោក ពោលប្រទេសដែលកំពុងជាប់ដៃធ្វើសង្គ្រាមជាមួយអ៊ុយក្រែនមួយនេះ បានធ្លាក់ចុះនៃការចេញដល់ទៅចំនួន៥៣% ឯណោះ៕

The post ការជួញដូរសព្វាវុធសកលធ្លាក់ចុះ៣,៣% នៅចន្លោះឆ្នាំ២០១៩​ និង២០២៣ appeared first on .

ប្រទេស​នៅ​មជ្ឈិមបូព៌ា​មួយនេះ ត្រូវបានគេចាត់ទុក​ជា​ប្រទេស​អ្នកមាន​បំផុត​មួយ​លើលោក ដោយសារ​តែ​ធនធានប្រេង​ដ៏សំបើម គួបផ្សំ​ជាមួយ​នឹង​អណ្ដូង​ឧស្ម័ន​ធម្មជាតិ​លើសលុប​ផង។ នេះបើតាម​ការ​ចុះផ្សាយពី Britannica។

ដោយសារ​ធនធានប្រេង​ដ៏​សំបូរបែប​នេះ​ហើយ ទើបធ្វើ​ឲ្យ​ប្រជាជន​កាតា​ទទួលបានកម្រិតជីវភាពខ្ពស់ និងប្រព័ន្ធសេវាកម្មសង្គម ដែលត្រូវបានបង្កើតឡើងយ៉ាងល្អ ហើយ IMF ថែមទាំង​បញ្ជាក់​ទៀតថា កាតា​ជា​ប្រទេស​ដែលមាន GDP ខ្ពស់​បំផុត​លើ​លោក។

សូមជម្រាបដែរថា យោងតាមរបាយការណ៍​ពីធនាគារពិភពលោក​កាលពីឆ្នាំ ២០២១ បាន​បង្ហាញ​ថា GDP ប្រជាជន​កាតា​គឺ ៦១ ២៧៦ ដុល្លារ ខណៈ GDP សរុប​វិញ​គឺ​មាន​រហូតដល់ ១៧៩,៦ ពាន់​លាន​ដុល្លារ។

ដោយឡែក ប្រជាជន​ដែល​កំពុង​រស់​នៅ​ប្រទេសកាតា​មាន​ប្រហែល ៣ លាន​នាក់ ខណៈ​ច្រើនជាង​ពាក់កណ្ដាល​ គឺជា​ជនបរទេស ដែល​នេះ​គឺ​ជា​មូលហេតុ​ធ្វើ​ឲ្យ​កាតា​ក្លាយជា​គោលដៅ​ធំបំផុត​ទី ២ សម្រាប់​សមាមាត្រជនអន្តោប្រវេសន៍​ បន្ទាប់ពី​អារ៉ាប៊ីសាអូឌីត ដែលជាប្រទេសជិតខាង។

ជនបរទេសភាគច្រើន​ដែល​កំពុង​រស់នៅ​ប្រទេសកាតា​មាន ជនជាតិ​ឥណ្ឌា នេប៉ាល់ និង​ប៉ាគីស្ថាន៕

The post កាតា ក្លាយជាប្រទេសមានបំផុតមួយលើលោក ដោយសារធនធានប្រេង appeared first on .