ក្នុងសេចក្តីថ្លែងការណ៍សមាគមស្បែកជើងកម្ពុជារបស់អ្នកឧកញ៉ា លី ឃុនថៃ នៅថ្ងៃទី៣០ ខែកញ្ញាកន្លងទៅបានឲ្យដឹងថា សមាគមបានតាមដានយ៉ាងយកចិត្តទុកដាក់លើដំណើរការ នៃការចរចាកំណត់ប្រាក់ឈ្នួលអប្បបរមារបស់ក្រុមប្រឹក្សាជាតិប្រាក់ឈ្នួលអប្បបរមាដែលជាយន្តការត្រីភាគី តាំងពីកិច្ចប្រជុំលើកទី១ រហូតមកដល់ថ្ងៃទី២៨ ខែកញ្ញា ឆ្នាំ២០២៣ ដោយសង្កេតឃើញថា ការចរចានេះត្រូវបានធ្វើឡើងប្រកបដោយបច្ចេកទេសនិងមានលក្ខណៈវិទ្យាសាស្រ្តដោយផ្អែកលើលក្ខណៈវិនិច្ឆ័យបែបសង្គមនិងសេដ្ឋកិច្ច ស្របតាមស្តង់ដាសកលដែលអង្គការអន្តរជាតិខាងការងារបានកំណត់។

លើសពីនេះសមាគមអះអាងថា កម្មករនិយោជិតបាននិងកំពុងទទួលនូវអត្ថប្រយោជន៍ផ្សេងៗ អំពីវិធានការអន្ដរាគមន៍របស់រាជរដ្ឋាភិបាល សំដៅកាត់បន្ថយបន្ទុកចំណាយរបស់កម្មករនិយោជិតតាមរយៈការគ្រប់គ្រងថ្លៃឈ្នួលផ្ទះ ថ្លៃទឹក និងថ្លៃអគ្គិសនីនៅតាមផ្ទះជួល រួមទាំងទទួលបានបន្ថែមជាបន្តបន្ទាប់នូវអត្ថប្រយោជន៍នៃរបបសន្តិសុខសង្គមផងដែរ។

លោក អន សាខន អនុប្រធានសហព័ន្ធសហជីពសម្លេងយុវជនខ្មែរនៅពេលកន្លងទៅលោកមើលឃើញថា ប្រាក់ឈ្នួលអប្បបរមានៅឆ្នំា២០២៤កម្មករ អាចទទួលបាន២១០ដុល្លារអាមេរិកក្នុងមួយខែ។ តែមកទល់ពេលនេះ ក្រុមប្រឹក្សាជាតិប្រាក់ឈ្នួលបានបង្ហាញថានៅឆ្នាំ២០២៤កម្មករទទួលបានតែ២០៤ដុល្លារអាមេរិកប៉ុណ្ណោះ។

លោក អន សាខន បានឱ្យដឹងថា« នៅឆ្នាំ២០២៤បើសិនជាកម្មករទទួលបានការតម្លើងប្រាក់ឈ្នួលបាន២១០ដុល្លារអាមេរិកក្នុងមួយខែនេះ នឹងធ្វើឱ្យកម្មករសប្បាយចិត្ត។តែបើសិនក្រុមប្រឹក្សាជាតិប្រាក់ឈ្នួលបានតម្លើងជូនតិចតួចក៏ពពួកគាត់ព្រមទទួលយក ផ្អែកទៅលើស្ថានភាពសេដ្ឋកិច្ចជាក់ស្តែងនាពេលបច្ចុប្បន្ន»។

យ៉ាងណា ចំពោះប្រាក់ឈ្នួលអប្បបរមាសម្រាប់កម្មករ និយោជិតផ្នែកវាយនភណ្ឌ កាត់ដេរ ផលិតផលស្បែកជើង និងផលិតផលធ្វើដំណើរនិងកាបូបសម្រាប់ឆ្នំា២០២៤ មានចំនួន២០៤ដុល្លារអាមេរិកក្នុងមួយខែផ្តល់ជូនកម្មករពេញសិទ្ធិដែលនិងទទួលបានចាប់ពីថ្ងៃទី១ខែមករាឆ្នាំ២០២៤តទៅនេះ ត្រូវបានអ្នកជំនាញសេដ្ឋកិច្ចមើលឃើញថា មានកម្រិតខ្ពស់បើប្រៀបធៀបទៅនិងការរីកលូតលាស់នៃវិស័យកាត់ដេរនៅកម្ពុជា។

បណ្ឌិត គី សិរីវឌ្ឍន៍ អ្នកស្រាវជ្រាវសេដ្ឋកិច្ចនៃរាជបណ្ឌិត្យសភាកម្ពុជា មានប្រសាសន៍ថា« ការកំណត់ប្រាក់ឈ្នួលអប្បបរមាឆ្នំា២០២៤ ចំនួន២០៤ដុល្លារអាមេរិកនេះខ្ញុំគិតថាប្រាក់ឈ្នួលនេះមានកម្រិតមួយរាងខ្ពស់ បើប្រៀបធៀបទៅនិងការលូតលាស់នៃវិស័យមួយនេះ។ដោយសារវិស័យកាត់ដេររបស់យើងមិនមានការលូតលាស់លឿនខ្លំាងហើយប្រាក់ចំណូលក៏មិនមានការកើនឡើងខ្លំាង ដោយសារជួបវិបត្តិនៃការបញ្ជាទិញនៅលើសកលលោក»។

បើតាមអ្នកស្រាវជ្រាវសេដ្ឋកិច្ចក្នុងស្រុករូបនេះមើលឃើញថា ការតម្លើប្រាក់ខែដល់កម្មករនិយោជិតមានចំនួន២០៤ដុល្លារអាមេរិកក្នុងមួយខែនេះសម្រាប់ភាគីនិយោជកហាក់មិនសូវជាសប្បាយចិត្តនោះទេដោយសារថ្លៃដើមផលិតបានកើនឡើងខ្ពស់នាពេលខាងមុខ។

ទន្ទឹមនិងការកំណត់ប្រាក់ឈ្នួលអប្បបរមាសម្រាប់កម្មករនិយោជិតផ្នែកវាយនភណ្ឌ កាត់ដេរ ផលិតផលស្បែកជើងនិងផលិតផលធ្វើដំណើរនិងកាបូបសម្រាប់ឆ្នំា២០២៤ ចំនួន២០៤ដុល្លារអាមេរិក គេសង្កេតឃើញថាមុខទំនិញមួយចំនួនលក់នៅមុខរោងចក្របានលក់ឡើងថ្លៃទាញយកប្រយោជន៍ពីកម្មករនិយោជិតរួចបាត់ទៅហើយ។

អ្នកស្រី ពេជ្រ សារ៉េត កម្មការិនីធ្វើការនៅរោងចក្រស្បែកជើងតាកែវ ស៊ូ(ខេមបូឌា)បានឱ្យដឹងថា«ខ្ញុំចង់ឱ្យមានការតម្លើងប្រាក់ឈ្នួលនៅឆ្នំា២០២៤បានខ្ពស់ជាងឆ្នំា២០២៣ ព្រោះប្រាក់ខែខ្ញុំមិនទាន់ទទួលបានផង កាហ្វេរលក់នៅមុខរោងចក្រឡើងថ្លៃមុនបាត់ទៅហើយ។កាហ្វេធ្លាប់ទិញហូបកាលពីមុន មួយកែវថ្លៃត្រឹមតែ២៥០០រៀលតែមកដល់ឥលូវនេះមួយកែវថ្លៃ៣០០០រៀល កាហ្វេទឹកដោះគោពីមុន៣៥០០ឡើង៤០០០រៀលក្នុងមួយកែវ។លើសពីនេះសម្ភារៈប្រើប្រាស់មួយចំនួនផ្សេងទៀតក៏ឡើងថ្លៃតាគ្នាផងដែរ»។

លោកបណ្ឌិត គី សិរី វឌ្ឍន៍ មានប្រសាសន៍ថា«ដើម្បីឱ្យកម្មករទទួលបានផលប្រយោជន៍នេះ យើងត្រូវជំរុញការផលិតនៅក្នុងស្រុកឱ្យបានច្រើន ដើម្បីទម្លាក់ថ្លៃទំនិញនៅក្នុងស្រុកឱ្យទាប ពិសេសការដាំដុះបន្លែ ត្រីសាច់ជំរុញឱ្យមានការរីកចម្រើនលឿន ហើយលក់មានតម្លៃទាប ធ្វើឱ្យការចំណាយរបស់កម្មករតិច ហើយប្រាក់ខែដែលគាត់បានមកធ្វើឱ្យចាយវាយមានភាពងាយស្រួល»៕

The post អ្នកឧកញ៉ា លី ឃុនថៃ៖ បើបូកនឹងអត្ថប្រយោជន៍ជាកាតព្វកិច្ចផ្សេងទៀត កម្មករនិយោជិតម្នាក់អាចទទួលបានប្រាក់ខែរហូតដល់ ២៣២ដុល្លារ appeared first on .

លោកបណ្ឌិត គី សិរីវឌ្ឍន៍ អ្នកស្រាវជ្រាវសេដ្ឋកិច្ចនៃរាជបណ្ឌិត្យសភាកម្ពុជា មានប្រសាសន៍ថា« ការកំណត់ប្រាក់ឈ្នួលអប្បបរមាឆ្នាំ២០២៤ ចំនួន២០៤ដុល្លារអាមេរិកនេះខ្ញុំគិតថាប្រាក់ឈ្នួលនេះមានកម្រិតមួយរាងខ្ពស់ បើប្រៀបធៀបទៅនិងការលូតលាស់នៃវិស័យមួយនេះ។ ដោយសារវិស័យកាត់ដេររបស់យើងមិនមានការលូតលាស់លឿនខ្លំាងហើយប្រាក់ចំណូលក៏មិនមានការកើនឡើងខ្លំាង ដោយសារជួបវិបត្តិនៃការបញ្ជាទិញនៅលើសកលលោក»។

បើអ្នកស្រាវជ្រាវសេដ្ឋកិច្ចក្នុងស្រុករូបនេះមើលឃើញថា ការតម្លើប្រាក់ខែដល់កម្មករនិយោជិតមានចំនួន២០៤ដុល្លារអាមេរិកក្នុងមួយខែនេះ សម្រាប់ភាគីនិយោជកហាក់មិនសូវជាសប្បាយចិត្តនោះទេដោយសារថ្លៃដើមផលិតបានកើនឡើងខ្ពស់នាពេលខាងមុខ។

លោកបណ្ឌិត សង្កត់ធ្ងន់ថា«ការតម្លើងប្រាក់ឈ្នួលអប្បបរមាឆ្នាំ២០២៤នេះ ខ្ញុំសូមចូលរួមអបអរសាទរជាមួយកម្មករដែលបានឡើង។ប៉ុន្តែសម្រាប់ភាគីនិយោជកវិញហាក់ដូចជាមិនសូវសប្បាយចិត្តទេ ដោយសារថ្លៃដើមផលិតបានកើនឡើងខ្ពស់ ហើយបាត់បង់ឱកាសនៅក្នុងការប្រកួតប្រជែង។ ដូចនេះការកំណត់ប្រាក់ឈ្នួលអប្បបរមាឆ្នាំ២០២៤នេះមានន័យថារាជរដ្ឋាភិបាលបានយកចិត្តទុកដាក់ជាមួយប្រជាពលរដ្ឋ ទោះបីជាស្ថានភាពនៃសេដ្ឋកិច្ចយើងជួបប្រទះវិបត្តិក៏ដោយ ក៏នៅតែជំរុញឱ្យការកំណត់ប្រាក់ឈ្នួលនេះកើនឡើងពី២០០ទៅ២០៤ដុល្លារអាមេរិកនៅឆ្នាំ២០២៤»។

ទន្ទឹមនឹងការកំណត់ប្រាក់ឈ្នួលអប្បបរមាសម្រាប់កម្មករនិយោជិតផ្នែកវាយនភណ្ឌ កាត់ដេរ ផលិតផលស្បែកជើងនិងផលិតផលធ្វើដំណើរនិងកាបូបសម្រាប់ឆ្នាំ២០២៤នៅថ្ងៃនេះ ចំនួន២០៤ដុល្លារអាមេរិក គេសង្កេតឃើញថាមុខទំនិញមួយចំនួនលក់នៅមុខរោងចក្របានលក់ឡើងថ្លៃទាញយកប្រយោជន៍ពីកម្មករនិយោជិតរួចបាត់ទៅហើយ។

អ្នកស្រី ពេជ្រ សារ៉េត កម្មការិនីធ្វើការនៅរោងចក្រស្បែកជើងតាកែវ ស៊ូ(ខេមបូឌា)បានឱ្យដឹងថា «ខ្ញុំចង់ឱ្យមានការតម្លើងប្រាក់ឈ្នួលនៅឆ្នាំ២០២៤បានខ្ពស់ជាងឆ្នំា២០២៣ ព្រោះប្រាក់ខែខ្ញុំមិនទាន់ទទួលបានផង កាហ្វេរលក់នៅមុខរោងចក្រឡើងថ្លៃមុនបាត់ទៅហើយ។កាហ្វេធ្លាប់ទិញហូបកាលពីមុន មួយកែវថ្លៃត្រឹមតែ២៥០០រៀលតែមកដល់ឥលូវនេះមួយកែវថ្លៃ៣០០០រៀល កាហ្វេទឹកដោះគោពីមុន៣៥០០ឡើង៤០០០រៀលក្នុងមួយកែវ។លើសពីនេះសម្ភារៈប្រើប្រាស់មួយចំនួនផ្សេងទៀតក៏ឡើងថ្លៃតាគ្នាផងដែរ»។

លោកបណ្ឌិត គី សិរី វឌ្ឍន៍ មានប្រសាសន៍ថា«ដើម្បីឱ្យកម្មករទទួលបានផលប្រយោជន៍នេះ យើងត្រូវជំរុញការផលិតនៅក្នុងស្រុកឱ្យបានច្រើន ដើម្បីទម្លាក់ថ្លៃទំនិញនៅក្នុងស្រុកឱ្យទាប ពិសេសការដំាដុះបន្លែ ត្រីសាច់ជំរុញឱ្យមានការរីកចម្រើនលឿន ហើយលក់មានតម្លៃទាប ធ្វើឱ្យការចំណាយរបស់កម្មករតិច ហើយប្រាក់ខែដែលគាត់បានមកធ្វើឱ្យចាយវាយមានភាពងាយស្រួល»។

យោងតាមសេចក្តីជូនដំណឹងរបស់ក្រសួងការងារនិងបណ្តុះបណ្តាលវិជ្ជាជីវៈនៅថ្ងៃទី២៨ខែកញ្ញានេះបញ្ជាក់ថា«ចាប់ពីថ្ងៃទី១ ខែមករា ឆ្នាំ២០២៤ បងប្អូនកម្មករនិយោជិតផ្នែកវាយនភណ្ឌ កាត់ដេរផលិតផលស្បែកជើងនិងផលិតផលធ្វើដំណើរនិងកាបូប នឹងមានប្រាក់ឈ្នួលអប្បបរមាចំនួន២០៤ដុល្លារអាមេរិកក្នុងមួយខែចំពោះកម្មករនិយោជិតពេញសិទ្ធិ និងចំនួន២០២ដុល្លារអាមេរិកក្នុងមួយខែចំពោះកម្មករនិយោជិតសាកល្បង»៕

អត្ថបទ៖សារេត

The post អ្នកសេដ្ឋកិច្ច៖ ប្រាក់ឈ្នួលអប្បបរមាឆ្នាំ២០២៤ កំណត់២០៤ដុល្លារ មានកម្រិតខ្ពស់ធៀបទៅនឹងការលូតលាស់វិស័យកាត់ដេរ appeared first on .

របាយការណ៍ក្រសួងការងារ បានឱ្យដឹងថា ជាលទ្ធផល ដោយយោងតាមការអនុវត្តនូវនីតិវិធីបោះឆ្នោតជាសម្ងាត់ ទទួលបានលទ្ធផល៖ តួលេខចំនួន ២០២ដុល្លារអាម៉េរិក ទទួលបានសំឡេងឆ្នោត ៤៦ លើ ៥១សំឡេង តួលេខចំនួន ២០៤ដុល្លារអាម៉េរិក ទទួលបានសំឡេងឆ្នោត ០ លើ ៥១សំឡេង តួលេខចំនួន ២១៣ដុល្លារអាម៉េរិក ទទួលបានសំឡេងឆ្នោត ៥ លើ ៥១សំឡេង។

ឈរលើលទ្ធផលនៃការបោះឆ្នោតនេះ ក្រុមប្រឹក្សាជាតិប្រាក់ឈ្នួលអប្បបរមាកំណត់តួលេខ ២០២ដុល្លារ ក្នុងមួយខែ ជាប្រាក់ឈ្នួលអប្បបរមាសម្រាប់ឆ្នាំ២០២៤។ដោយមានការយកចិត្តទុកដាក់ពីរាជរដ្ឋាភិបាល សម្តេចធិបតី ហ៊ុន ម៉ាណែត បានសម្រេចបន្ថែម ២ដុល្លារ ទៅលើតួលេខ ២០២ដុល្លារ។ ដូច្នេះប្រាក់ឈ្នួលអប្បបរមាថ្មីសម្រាប់ឆ្នាំ២០២៤ គឺ ២០៤ដុល្លារ ក្នុង ១ខែ។

បើតាមក្រសួងការងារ បានបញ្ជាក់ថា ប្រាក់ឈ្នួលសម្រាប់ឆ្នាំ២០២៤ នឹងត្រូវអនុវត្តចាប់ពីថ្ងៃទី១ ខែមករា ឆ្នាំ២០២៤តទៅ។ដូចនេះ ប្អូនកម្មករនិយោជិតផ្នែកវាយនភណ្ឌ កាត់ដេរ ផលិត ស្បែកជើង និងផលិតផលិតផលធ្វើដំណើរនិងកាបូប នឹងមានប្រាក់ឈ្នួលអប្បបរមាចំនួន ២០៤ ដុល្លារ ក្នុងមួយខែ ចំពោះកម្មករនិយោជិតពេញសិទ្ធិ និងចំនួន ២០២ ដុល្លារ ក្នុងមួយខែ ចំពោះកម្មករនិយោជិតសាកល្បង។

ទន្ទឹមនឹងនេះ ប្រាក់អត្ថប្រយោជន៍ផ្សេងទៀត ដែលកម្មករនិយោជិតធ្លាប់ទទួលបានកន្លងមក ត្រូវបាន រក្សាទុកនៅដដែល ដូចជា ប្រាក់សោហ៊ុយធ្វើដំណើរ និងស្នាក់នៅចំនួន ៧ដុល្លារ ក្នុងមួយខែ, ប្រាក់ រង្វាន់ធ្វើការទៀងទាត់ចំនួន ១០ដុល្លារ ក្នុងមួយខែ, ប្រាក់ថ្លៃបាយសម្រាប់ការធ្វើការងារបន្ថែមម៉ោង ដោយស្ម័គ្រចិត្តចំនួន ២ ០០០រៀល ក្នុងមួយថ្ងៃ ឬការទទួលបានបាយមួយពេលដោយឥតគិតថ្លៃ, និងប្រាក់ រង្វាន់អតីតភាពការងារចំនួនពី ២ដុល្លារ ដល់ ១១ដុល្លារ ក្នុងមួយខែ សម្រាប់កម្មករនិយោជិត ដែលបានធ្វើការចាប់ពីឆ្នាំទី២ ដល់ឆ្នាំទី១១។

ដូចនេះ ជាមធ្យមកម្មករនិយោជិតម្នាក់ៗនឹងទទួលបានប្រាក់ឈ្នួលយ៉ាងតិចចំនួនពី ២២១ ដុល្លារ ដល់២៣២ ដុល្លារ ក្នុងមួយខែ៕

The post ប្រាក់ឈ្នួលកម្មករនិយោជិតឆ្នាំ២០២៤ នឹងត្រូវអនុវត្តចាប់ពីថ្ងៃទី១ ខែមករា តទៅ appeared first on .

បើតាមកម្មការិនីធ្វើការនៅរោងចក្រស្បែកជើងតាកែវ បានឱ្យដឹងថា ក្នុងនាមជាកម្មការិនីម្នាក់អ្នកស្រី ពេជ្រ សារ៉េត ចង់ឃើញមានការតម្លើងប្រាក់ឈ្នួលនៅឆ្នំា២០២៤ជូនដល់កម្មករច្រើនជាងឆ្នំា២០២៣ តែមិនទាន់ទទួលបានផងកាហ្វេធ្លាប់ហូបនៅមុខរោងចក្របានឡើងថ្លៃមុនបាត់ទៅហើយ។

អ្នកស្រី ពេជ្រ សារ៉េត បានបញ្ជាក់ថា«ខ្ញុំចង់ឱ្យមានការតម្លើងប្រាក់ឈ្នួលនៅឆ្នំា២០២៤ បានខ្ពស់ជាងឆ្នំា២០២៣ ព្រោះប្រាក់ខែខ្ញុំមិនទាន់ទទួលបានផង កាហ្វេរលក់នៅមុខរោងចក្រឡើងថ្លៃមុនបាត់ទៅហើយ។កាហ្វេធ្លាប់ទិញហូបកាលពីមុន មួយកែវថ្លៃត្រឹមតែ២៥០០រៀល តែមកដល់ឥលូវនេះមួយកែវថ្លៃ៣០០០រៀល កាហ្វេទឹកដោះគោពីមុន៣៥០០ឡើង៤០០០រៀលក្នុងមួយកែវ។លើសពីនេះសម្ភារៈប្រើប្រាស់មួយចំនួនផ្សេងទៀតក៏ឡើងថ្លៃតាគ្នាផងដែរ»។

អ្នកស្រី បន្តថា ប្រាក់ឈ្នួលអប្បបរមាក្នុងមួយឆ្នំាៗឡើងនៅក្នុងរង្វង់២ទៅ៣ដុល្លារអាមេរិក។តែនៅឆ្នំានេះបើមិនបានច្រើនសុំឱ្យមានការតម្លើងត្រឹម៥ដុល្លារអាមេរិកឬលើសពីនេះក៏សប្បាយចិត្ត តែបើមិនបានដូចបំណងរបស់កម្មករទេ វាពិបាករាប់រងចំណាយនៅក្នុងគ្រួសារ។

បើតាមអ្នកស្រី ពេជ្រ សារ៉េត ធ្វើការរោងចក្រក្នុងមួយខែអ្នកស្រីទទួលបានប្រាក់សរុបប្រមាណ២៤០ដុល្លារអាមេរិក។

លោក អន សាខន អនុប្រធានសហព័ន្ធសហជីពសម្លេងយុវជនខ្មែរនៅពេលកន្លង លោកមើលឃើញថាប្រាក់ឈ្នួលអប្បបរមានៅឆ្នំា២០២៤កម្មករ អាចទទួលបាន២១០ដុល្លារអាមេរិកក្នុងមួយខែ។តែមកទល់ល្ងាចថ្ងៃទី២៨ខែកញ្ញាឆ្នំា២០២៣នេះ ក្រុមប្រឹក្សាជាតិប្រាក់ឈ្នួលបានបង្ហាញថានៅឆ្នំា២០២៤កម្មករទទួលបានតែ២០៤ដុល្លារអាមេរិកប៉ុណ្ណោះ។

លោក អន សាខន បានឱ្យដឹងថា« នៅឆ្នំា២០២៤បើសិនជាកម្មករទទួលបានការតម្លើងប្រាក់ឈ្នួលបាន២១០ដុល្លារអាមេរិកក្នុងមួយខែនេះ នឹងធ្វើឱ្យកម្មករសប្បាយចិត្ត។តែបើសិនក្រុមប្រឹក្សាជាតិប្រាក់ឈ្នួលបានតម្លើងជូនតិចតួចក៏ពពួកគាត់ព្រមទទួលយក ផ្អែកទៅលើស្ថានភាពសេដ្ឋកិច្ចជាក់ស្តែងនាពេលបច្ចុប្បន្ន»៕

អត្ថបទ៖សារេត

The post កម្មក-កម្មការិនីមិនទាន់ទទួលបានប្រាក់ខែឆ្នំា២០២៤ផង ទំនិញលក់នៅមុខរោងចក្រឡើងថ្លៃមុនទៅហើយ appeared first on .

សម្តេចធិបតី ហ៊ុន ម៉ាណែត នាយករដ្ឋមន្រ្តី បានបង្ហោះលើទំព័រហ្វេសប៊ុកផ្ទាល់ខ្លួនដោយបង្ហាញរបាយការណ៍ពីលោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ អំពីលទ្ធផលបោះឆ្នោតរបស់ក្រុមប្រឹក្សាជាតិប្រាក់ឈ្នួលអប្បបរមា លើតួលេខចំនួន ៣ គឺតួលេខ ២០២ដុល្លារ, តួលេខ២០៤ដុល្លារ, និងតួលេខ ២១៣ដុល្លារ ដោយក្នុងនោះ តួលេខ ២០២ដុល្លារ ទទួលបានសម្លេង ៤៦ លើ ៥១សម្លេង និងតួលេខ ២១៣ដុល្លារ ទទួលបានសម្លេង ៥ លើ ៥១សម្លេង។

យោងលើសម្លេងបោះឆ្នោតលើតួលេខនីមួយៗ និងយោងតាមច្បាប់ស្តីពីប្រាក់ឈ្នួលអប្បបរមា ក្រុមប្រឹក្សាជាតិប្រាក់ឈ្នួលអប្បបរមានឹងកំណត់តួលេខ ២០២ដុល្លារ ជាតួលេខប្រាក់ឈ្នួលអប្បបរមាសម្រាប់ឆ្នាំ២០២៤។

សម្តេចធិបតីនាយករដ្ឋមន្រ្តីបានគូសបញ្ជាក់ថា៖ “ខ្ញុំបានតាមដានយ៉ាងយកចិត្តទុកដាក់លើការពិភាក្សាប្រាក់ឈ្នួលអប្បបរមានេះតាំងពីពេលចាប់ផ្តើម។ ការជួយលើកកម្ពស់ជីវភាពរស់នៅរបស់ប្រជាពលរដ្ឋ រួមទាំងបងប្អូនកម្មករនិយោជិតគឺជាអាទិភាពខ្ពស់បំផុតរបស់រាជរដ្ឋាភិបាល។ ឈរលើមូលដ្ឋាននៃលទ្ធភាពជាក់ស្តែង ដែលរាជរដ្ឋាភិបាលអាចសម្រួលជូនទៅភាគីនិយោជក ខ្ញុំបានសម្រេចបន្ថែម ២ដុល្លារ ទៅលើតួលេខ ២០២ដុល្លារ ដែលជាលទ្ធផលបោះឆ្នោតរបស់ក្រុមប្រឹក្សាជាតិប្រាក់ឈ្នួលអប្បបរមាខាងលើ។ ដូច្នេះប្រាក់ឈ្នួលអប្បបរមាថ្មីសម្រាប់ឆ្នាំ២០២៤ គឺ ២០៤ដុល្លារ ក្នុង ១ខែ»។

ទន្ទឹមនឹងការដំឡើងប្រាក់ឈ្នួលនេះ សម្តេចធិបតីសូមជម្រាបជូនបងប្អូនកម្មករនិយោជិត និងសាធារណជនថា សម្តេចនឹងបន្តជម្រុញដល់ក្រសួង ស្ថាប័ន អាជ្ញាធរពាក់ព័ន្ធពិនិត្យតាមដាន និងដាក់វិធានការបន្ថែម ដើម្បីពិនិត្យលទ្ធភាពកាត់បន្ថយបន្ទុកចំណាយរបស់បងប្អូនកម្មករនិយោជិត។ ទន្ទឹមនឹងនេះ សម្តេចនឹងដឹកនាំកិច្ចប្រជុំជាមួយវិស័យឯកជនមួយនៅខែវិច្ឆិកា ខាងមុខ ដើម្បីកែលម្អបរិយាកាសវិនិយោគ និងការធ្វើធុរកិច្ចនៅកម្ពុជា សំដៅបង្កើនភាពប្រកួតប្រជែង និងទាក់ទាញទុនវិនិយោគបន្ថែម និងបង្កើតការងារថ្មីៗជូនប្រជាពលរដ្ឋ៕

The post ផ្លូវការ! សម្តេចធិបតី ហ៊ុន ម៉ាណែត បង្ហាញលទ្ធផលកិច្ចប្រជុំដំឡើងប្រាក់ឈ្នួលកម្មករគឺ ២០៤ដុល្លារសម្រាប់ឆ្នាំ២០២៤ appeared first on .

ឧកញ៉ា ណាង សុធី តំណាងភាគីនិយោជក បានលើកឡើងថា ការប្រជុំប្រាក់ឈ្នួលអាណត្តិទី៣ លើកទី៥នេះ ភាគីនិយោជកបានស្នើតួលេខ ២០១.៥ ដុល្លារ ដោយនេះគឺជាជំហរចុងក្រោយហើយ។

លោកឧកញ៉ា បានបង្ហាញក្ដីសង្ឃឹមថា ការប្រជុំប្រាក់ឈ្នួលកម្មករសម្រាប់ឆ្នាំ២០២៤ និយោជកនឹងទទួលបានជ័យជម្នះយ៉ាងពិតប្រាកដ ព្រោះថា ការចរចាប្រាក់ឈ្នួល២០ឆ្នាំកន្លងមក ក៏ដូចជាការចរចារលើកនេះ គឺតួលេខរបស់និយោជកតែងតែខិតទៅរកតួលេខរបស់រដ្ឋាភិបាលដាក់ចេញដាក់ចេញជានិច្ច ដោយហេតុថា តួលេខរបស់រដ្ឋាភិបាល ក៏ដូចជានិយោជកមុននឹងដាក់ចេញគឺបានគិតគូរយ៉ាងល្អិតល្អន់ខ្លាំងណាស់។

លោកឧកញ៉ាថា ភាគីនិយោជកមិនអាចមានតួលេខណាមួយតម្លើងកើតទៀតនោះទេ ដោយតួលេខ២០០ដុល្លារ ដាក់អនុវត្តនៅឆ្នាំ២០២៣រួចហើយ ចំណែកឆ្នាំ២០២៤ខាងមុខរងចាំការសម្រេចរបស់រដ្ឋាភិបាលយ៉ាងណា និយោជកនឹងធ្វើការបត់បែនទៅតាមនឹងបន្តទៀត។

 ជាមួយគ្នានេះលោកឧកញ៉ាថា  «បច្ចុប្បន្ននេះ និយោជកកំពុងមានបញ្ហាប្រឈមតែមួយទេ គឺភ័ស្តភារកម្មឡូជីស្ទិច ដែលឥឡូវនេះ  ភាគីនិយោជកបានស្នើទៅខាងរដ្ឋាភិបាល ដើម្បីធ្វើការសម្រួលចុះបាន៣៥%នៃកញ្ចប់ដែលបង់រាល់ថ្ងៃ ។ ការស្នើសុំបញ្ហានេះ ព្រោះតែវាបានផ្ដល់ផលល្អ លើការពិភាក្សានៅឆ្នាំ២០២៥ ពីព្រោះពេលវេលានៅសល់តែប៉ុន្មានខែទៀតទេ ពោលគឺសល់តែ៩ខែទៀត នឹងដល់ពេលត្រូវពិភាក្សាប្រាក់ឈ្នួលនៅឆ្នាំ២០២៥ហើយ ដែលការណ៍នេះ ប្រសិនបើរដ្ឋាភិបាលជួយសម្រួលបាន វានឹងអំណោយផលដល់ការពិភាក្សានៅឆ្នាំក្រោយៗទៀត ជាក់ស្ដែងគឺឆ្នាំ២០២៥តែម្ដង។

ជាការឆ្លើយតាមសំណើរនិយោជកនេះ ឧកញ៉ា ណាង សុធី សង្ឃឹមថា នៅថ្ងៃទី១៣ ខែវិច្ឆិកា ខាងមុខ នេះ ដែលជាវេទិការរវាងរដ្ឋាភិបាលនិងនិយោជក រដ្ឋាភិបាលនឹងឆ្លើយនៅសំណើរនេះ។

សូមជម្រាបជូនផងដែរថា ការប្រជុំប្រាក់ឈ្នួលអប្បបរមាផ្នែកវាយនភណ្ឌ កាត់ដេរ និងផលិតផលធ្វើដំណើរនិងកាបូប សម្រាប់ឆ្នាំ២០២៤ នឹងធ្វើការប្រជុំសម្រេចជាលើកចុងក្រោយ នៅថ្ងៃទី២៨ ខែកញ្ញា ឆ្នាំ២០២៣៕

អត្ថបទ៖ សុកធា

The post ឧកញ៉ា ណាង សុធី៖ ការប្រជុំប្រាក់ឈ្នួលអាណត្តិទី៣ លើកទី៥នេះ ភាគីនិយោជកបានស្នើតួលេខ ២០១.៥ ដុល្លារ គឺជាជំហរចុងក្រោយហើយ appeared first on .

យោងតាមរដ្ឋមន្ត្រីក្រសួងការងារនិងបណ្តុះបណ្តាល ប្រាប់ក្រុមអ្នកសារព័ត៌មានកាលពីថ្ងៃទី១១ខែកញ្ញាថា គម្លាតនៃការកំណត់ប្រាក់ឈ្នួលកម្មករនិយោជិតសម្រាប់ឆ្នំា២០២៤មានការខុសគ្នាច្រើន ដោយសារខាងភាគីកម្មករនិយោជិត បានផ្តោតសំខាន់ទៅលើអត្រាអតិផរណាជាគោល ហើយភាគីខាងនិយោជកផ្តោតលើពីការធ្លាក់ចុះតម្រូវការជាសកល។

លោក ហេង សួរ រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈមានប្រសាសន៍ថា«ខាងភាគីនិយោជកផ្តោតទៅលើភាពប្រកួតប្រជែងពីតម្រូវការ ហើយនិងបញ្ហាប្រឈមនៅក្នុងវិស័យរបស់យើង បើសិនជាឱ្យខាងនិយោជកតម្លើងប្រាក់ឈ្នួល មិនដឹងថាត្រូវតម្លើងយ៉ាងម៉េច បើតម្រូវការសកលមានការថយចុះយ៉ាងនេះ ហើយវាប្រឈមជាមួយនិងប្រទេសមួយចំនួនដោយនៅឆ្នំានេះមិនមានប្រទេសណាគេតម្លើងប្រាក់ឈ្នួលទេ ។ដូចនេះនៅពេលគេអត់តម្លើងប្រាក់ឈ្នួលជូនកម្មករនិយោជិត ហើយនៅកម្ពុជាមានការតម្លើង ខាងភាគីនិយោជកបារម្ភថាអ្នកបញ្ជាទិញអាចបង្វែរការបញ្ជាទិញទៅប្រទេសដទៃផ្សេងទៀត ព្រោះប្រទេសយើងកំណត់ប្រាក់ឈ្នួលអប្បបរមាជាប្រាក់ដុល្លារអាមេរិក។រីឯប្រទេសផ្សេងទៀតគេអត់បានពិចារណាក្នុងការតម្លើងប្រាក់ឈ្នួល ហើយលុយរបស់គេចុះថោក អីចឹងនៅពេលលុយចុះថោកបែបនេះវាធ្វើប្រាក់ឈ្នួលរបស់គេគិតជាប្រាក់ដុល្លារអាមេរិកនេះ កាន់តែទាបជាងមុនទៅទៀត។

បើតាមលោក ហេង សួរ កម្ពុជាមិនមែនជាប្រទេសតែមួយ ដែលវិស័យវាយនភណ្ឌ កាត់ដេរនេះ ផលិតតែនៅកម្ពុជានោះទេ គឺមានផលិតនៅវៀតណាម បង់ក្លាដេស ស្រីលង្កានិងមាននៅប្រទេស ឥណ្ឌូណេស៊ីផងដែរ។

លោក ហេង សួរ សង្កត់ធ្ងន់ថា «ទោះបីយ៉ាងណាក៏ដោយយើងនៅតែឈរលើលក្ខណៈវិនិច្ឆ័យទំាង៧ចំណុច ដដែល។ខ្ញុំគិតថា ភាគីខាងបងប្អូនកម្មករនិយោជិត ប្រាកដជាពួកគាត់ខិតខំតស៊ូហើយរកទឡ្ហីករឬអំណះអំណាងគ្រប់បែបយ៉ាងធ្វើយ៉ាងម៉េច ឱ្យខាងភាគីនិយោជក យល់អំពីការលំបាករបស់កម្មករនិយោជិត ដើម្បីឱ្យខាងភាគីនិយោជកមានទឹកចិត្តសណ្តោះ ដើម្បីឱ្យមានលទ្ធភាពពង្រីកប៉ុណ្ណា ពង្រីកឱ្យអស់»។

យោងតាមសចក្តីប្រកាសព័ត៌មានស្តីពី លទ្ធផលនៃកិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមាកាលពីថ្ងៃទី១១ខែកញ្ញាឆ្នំា២០២៣ «ជាលទ្ធផលតំណាងភាគីកម្មករនិយោជិតបន្តរក្សាតួលេខចំនួន២១៥ដុល្លារអាមេរិក និងតំណាងភាគីនិយោជក បានបន្តរក្សាតួលេខចំនួន២០១ដុល្លារអាមេរិក។អង្គប្រជុំបានឯកភាពគ្នាកំណត់កិច្ចពិភាក្សាបន្តទៀតនៅថ្ងៃទី១៨ខែកញ្ញាឆ្នំា២០២៣នៅម៉ោង៩ព្រឹកនិងខិតខំបញ្ចប់កិច្ចប្រជុំចរចារប្រាក់ឈ្នួលអប្បបរមានៅត្រឹមថ្ងៃទី២៨ខែកញ្ញាឆ្នំា២០២៣»៕ អត្ថបទ៖សារេត

The post និយោជកមិនចង់តម្លើងប្រាក់ឈ្នួលខ្ពស់ដល់កម្មករ ដោយារបារម្ភពីការធ្លាក់ចុះតម្រូវការនិងបញ្ហាប្រឈមក្នុងវិស័យ appeared first on .

ក្នុងកិច្ចប្រជុំនេះភាគីទាំងសងខាងបានលើកឡើងនៅបញ្ហាប្រឈមរៀងៗខ្លួន ប្រកបដោយភាពចាស់ទុំ ដោយមានការសម្របសម្រួលពីរដ្ឋាភិបាល និងពន្យល់ណែនាំបន្ថែមទៀតដល់ភាគីទាំងពីរឱ្យលើកសំណើរមក ដោយប្រើនាមជាឪពុកម្ដាយដែលស្រឡាញ់កូនៗ គិតផលប្រយោជន៍កូនៗ ចៀសវាងគំនិតដែលគិតតែផលប្រយោជន៍ផ្ទាល់ខ្លួន។

ជុំវិញរឿងប្រាក់ខែកម្មករ និយោជិត សម្រាប់ឆ្នាំ២០២៤នេះ សហជីព លើកឡើងថា ការប្រជុំលើកទី៤នេះ ដែលយើងបានចំណាយពេល៤ម៉ោង ក្នុងការពិភាក្សា គឺមិនទាន់មានការឯកភាពណាមួយនោះទេ ដោយសហជីពសុំដកឃ្លាទៅពិភាក្សាផ្ទៃក្នុងម្ដងទៀត ។ ការប្រជុំនេះមានទាំងការពិភាក្សាទ្រង់ទ្រាយតូចនិងធំ ហើយគ្រោងនឹងមានតួលេខប្រែប្រួល នៅសប្ដាហ៍ក្រោយ ដោយឡែកក្នុងថ្ងៃនេះ សហជីពសូមរក្សានៅតួលេខចាស់ គឺ២១៥ដុលា្លរ។

រឿងនេះផងដែរ តំណាងនិយោជក លោកឧកញ៉ា ណាង សុធី ក៏បានស្នើបន្ថែមតួរលេខ០.៥ ដុល្លារ លើការចរចាចាស់ គឺស្មើនឹង ២០១.៥ដុល្លារ តែដោយហេតុថា មិនមានការយល់ព្រមណាមួយពីភាគីសហជីព ទើបនិយោជកនៅរក្សាតួលេខ ២០១ដុល្លារដដែល ។

លោកឧកញ៉ា បន្តថា និយោជកឈរលើគោលការណ៍វិនិច្ឆ័យទាំង៧របស់រដ្ឋាភិបាល ហើយតួលេខគឺមិនមានត្រូវតម្លើងប្រាក់ខែទេ ទោះដោយហេតុផលនេះ និយោជកក៏មិនបន្ថយប្រាក់ខែកម្មករនោះដែរ។ ក្រោមការណែនាំចង្អុលបង្ហាញរបស់សម្ដេច ហ៊ុន ម៉ាណែន ថាក្នុងឆ្នាំ២០២៤ ប្រាក់ខែកម្មករ កម្មការិនី ទោះតិចឬច្រើនគឺត្រូវតែឡើង ទើបនិយោជកសម្រេចគ្នាថានឹងតម្លើងប្រាក់ខែកម្មករ ក្នុងតួលេខមួយដែលថៅកែមានលទ្ធភាពផ្ដល់ឱ្យ។

ជាមួយគ្នានេះ លោកឧកញ៉ាបន្តថា ប្រសិននៅថ្ងៃទី១៨ ខែកញ្ញា មិនទាន់មានការបញ្ជាក់តួលេខណាមួយច្បាស់លាស់ទេ នៅថ្ងៃទី២៨ ខែកញ្ញា នឹងមានការបោះឆ្នោះជាកញ្ចប់ ដើម្បីឈានដល់ការសម្រេចបាននៅការឯកភាពរួមមួយ។

ទន្ទឹមនឹងនោះ លោក ហេង សួ ថា ការនៅរក្សា ជំហរដដែលរបស់និយោជិត និងនិយោជកទោះបីជារដ្ឋាភិបាលរៀបចំការប្រជុំជាលក្ខណៈផ្ទៃក្នុងផងនោះ ក៏ព្រោះតែ បងប្អូននិយោជិតនៅមានការព្រួយបារម្ភអំពីតម្រូវការផ្សេងៗក្នុងការរស់នៅ រីឯភាគីនិយោជក នៅមានកង្វល់រឿងការងើបឡើងវិញនៅនៅសេដ្ឋកិច្ចសកល ការងើបឡើងនៅតម្រូវការលើវិស័យសម្លៀងបំពាក់ ស្បែកជើង កាបូប និងផលិតផលធ្វើដំណើរជាដើម។

លោកបន្តថា កិច្ចប្រជុំនៅថ្ងៃនេះ លោករំពឹងថានឹងទទួលបានការឯកភាពរួមគ្នាមួយលឿនជាងការកំណត់ ដោយភាគីទាំងពីរនឹងទៅសម្របសម្រួលផ្ទៃក្នុងរបស់ខ្លួនម្ដងទៀត ដើម្បីស្នើសម្រេចមួយចុងក្រោយ ព្រមទាំងពិនិត្យស្នើនូវសំណូមពរលក្ខណៈផ្ទាល់ខ្លួនជូនក្រុមប្រឹក្សាជាតិប្រាក់ឈ្នួលអប្បបរមា លើកទី៥ខាងមុខនេះ។

លោករដ្ឋមន្រ្តីបញ្ជាក់ថា សេដ្ឋកិច្ចក្នុងពេលបច្ចុប្បន្ននេះ ពុំទាន់មានប្រទេសណាមួយសម្រេចតម្លើងប្រាក់ខែកម្មករនោះទេ ហេតុនេះទើបនិយោជកបារម្ភថា ប្រសិនទំនិញនៅកម្ពុជាឡើងថ្លៃ គេអាចងាកទៅទិញផលិតផលពីប្រទេសផ្សេង ដូចជាវៀតណាម បង់ក្លាដេសជាដើម។

សូមជម្រាបជូនថា ការពិភាក្សាត្រីភាគីនេះ នឹងកំណត់យកថ្ងៃទី១៨ខែកញ្ញា ពោលគឺដើមសប្ដាហ៍ក្រោយនេះ ជាការស្នើតួរលេខសម្រេច និងសំណូមពរផ្សេងៗពីភាគីកម្មករនិយោជិត និងនិយោជក ដើម្បីឱ្យក្រសួងការងារប្រជុំសម្រេចជាផ្លូវការម្ដងទៀត នៅថ្ងៃទី២៨ ខែកញ្ញា មុននឹងបញ្ជូនរបាយការណ៍នេះជូន សម្ដេច ហ៊ុន ម៉ាណែន នាយករដ្ឋមន្រ្តីនៃព្រះរាជាណាចក្រកម្ពុជា។

គួររំលឹកផងដែរថា នៅក្នុង២០២៣នេះ ប្រាក់ឈ្នួលអប្បបរមារបស់កម្មករនិយោជិតក្នុងវិស័យវាយនភណ្ឌ កាត់ដេរសម្លៀកបំពាក់ ផលិតស្បែកជើង និងផលិតផលធ្វើដំណើរនិងកាបូប គឺមានចំនួន២០០ដុល្លារក្នុងមួយខែ ហើយប្រសិនបើបូកនិងប្រាក់អត្ថប្រយោជន៍ផ្សេងៗបន្ថែម កម្មករនិយោជិតម្នាក់អាចទទួលបានប្រាក់ឈ្នួល ចន្លោះពី ២១៧ ទៅ ២២៨ដុល្លារអាម៉េរិកក្នុងមួយខែ៕

The post ប្រើពេល៤ម៉ោង ប្រជុំប្រាក់ឈ្នួលលើកទី៤ ទ្វេភាគីនៅរក្សាជំហរដដែល តំណាងនិយោជិតស្នើឡើង ១៥ដុល្លារ រីឯនិយោជកឡើង១ដុល្លារ appeared first on .

យោងតាមចេក្តីជូនដំណឹងរបស់ក្រសួងការងារ និងបណ្តុះបណ្តាលវិជ្ជាជីវៈ ស្តីពី លទ្ធផលនៃកិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមា ដែលបានផ្សាយចេញនៅថ្ងៃទី៤ ខែកញ្ញា ឆ្នាំ២០២៣ បានឱ្យដឹងថា៖« នៅក្នុងកិច្ចប្រជុំទាំង៣លើកនេះ តំណាងភាគីរាជរដ្ឋាភិបាលក៏បានសម្របសម្រួល និងផ្តល់នូវការពន្យល់បន្ថែមលើចំណុចនានា ដែលតំណាងភាគីកម្មករនិយោជិត និងតំណាងភាគីនិយោជកមានចម្ងល់ផងដែរ។ ជាលទ្ធផល តំណាងភាគីកម្មករនិយោជិតបានលើកឡើងនូវតួលេខចំនួន ២១៥ដុល្លារអាម៉េរិក និងតំណាងភាគីនិយោជកបានលើកឡើងនូវតួលេខចំនួន ២០១ដុល្លារអាម៉េរិក»។

ក្រសួងការងារ បានឱ្យដឹងបន្តថា អង្គប្រជុំទាំងមូល ក៏បានប្រកាសឯកភាពគ្នាកំណត់កិច្ចពិភាក្សាបន្តទៀត នៅម៉ោង ៩:០០នាទីព្រឹក ថ្ងៃទី១១ ខែកញ្ញា ឆ្នាំ២០២៣។

សូមបញ្ជាក់ដែរថា កាលព្រឹកថ្ងៃទី១៣ ខែកញ្ញា ឆ្នាំ២០២២ ក្រុមប្រឹក្សាជាតិប្រាក់ឈ្នួលអប្បបរមាបានបើកកិច្ចប្រជុំជាលើកទី៣ ដើម្បីពិភាក្សាអំពីការដំឡើងប្រាក់ឈ្នួលអប្បបរមាផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរនិងកាបូប សម្រាប់ឆ្នាំ២០២៤ ក្រោមអធិបតីភាពលោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ។

ទោះជាយ៉ាងណា តាមរយៈកិច្ចប្រជុំខាងលើ ក្រុមប្រឹក្សាជាតិប្រាក់ឈ្នួលអប្បបរមា អះអាងថា នឹងបន្តកិច្ចប្រជុំសម្រេចកំណត់ប្រាក់ឈ្នួលអប្បបរមាផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរនិងកាបូប សម្រាប់ឆ្នាំ២០២៤ ឱ្យបានចប់នៅមុនពិធីបុណ្យភ្ជុំបិណ្ឌ តាមការអនុសាសន៍ណែនាំរបស់សម្ដេច ហ៊ុន ម៉ាណែត នាយករដ្ឋមន្ត្រីនៃកម្ពុជា៕

អត្ថបទ៖ ពិសី

The post ប្រាក់ឈ្នួលកម្មករ ឆ្នាំ២០២៤៖ សហជីពស្នើ ២១៥ដុល្លារ ខណៈនិយោជកដាក់តួលេខ ២០១ដុល្លារ appeared first on .