ទិន្នន័យរបស់ក្រសួងបានបង្ហាញឲ្យដឹងទៀតថា ប្រទេសជប៉ុនបានចំណាយប្រាក់ចំនួន ១១,៧ទ្រីលានយ៉េន ឬប្រហែល ៧៣,៦៩ពាន់លានដុល្លារ លើអន្តរាគមន៍រូបិយប័ណ្ណជាតិរបស់ខ្លួន នៅចន្លោះថ្ងៃទី២៨ ខែមេសា ដល់ថ្ងៃទី២៧ ខែឧសភា ឆ្នាំ២០២៦ នេះ។

យ៉ាងណាមិញ រដ្ឋាភិបាលទីក្រុងកូត្យូបានចាប់ផ្តើមធ្វើសកម្មភាពនេះ បន្ទាប់ពីតម្លៃប្រាក់យ៉េនរបស់ខ្លួនធ្លាក់ចុះយ៉ាងខ្លាំង លើសពី ១៦០យ៉េនក្នុងមួយដុល្លារ ជាកម្រិតដ៏ទាបបំផុតមួយដែលនាំឲ្យមានការអន្តរាគមន៍ដូចគ្នានេះ នៅក្នុងឆ្នាំ២០២៤។

គួរជម្រាបជូនផងដែរថា ប្រាក់យ៉េនត្រូវបានវាយប្រហារដោយវិបត្តិមជ្ឈិមបូព៌ា ខណៈដែលតម្លៃថាមពលកើនឡើងខ្ពស់បានបង្កឱ្យមានការភ្ញាក់ផ្អើលផ្នែកពាណិជ្ជកម្មដល់ប្រទេសជប៉ុន ដែលនាំចូលប្រេងស្ទើរតែទាំងស្រុងរបស់ខ្លួនពីតំបន់នេះ។

សម្ពាធទាំងនោះបានធ្វើឱ្យនិន្នាការសេដ្ឋកិច្ចចុះខ្សោយរយៈពេលវែងកាន់តែធ្ងន់ធ្ងរឡើង ចំពេលមានវិធីសាស្រ្តប្រុងប្រយ័ត្នរបស់ធនាគារជប៉ុន ចំពោះការធ្វើឱ្យមានលក្ខណៈធម្មតានៃរូបិយវត្ថជាតិរបស់ខ្លួន៕​

The post ជប៉ុន ចំណាយអស់ជាង ៧៣ពាន់លានដុល្លារ ដើម្បីអន្តរាគមន៍លើតម្លៃប្រាក់យ៉េនរបស់ខ្លួន appeared first on .

នៅថ្ងៃទី៨ ខែឧសភា ប្រព័ន្ធផ្សព្វផ្សាយជប៉ុន ដោយដកស្រង់ទិន្នន័យពីធនាគារកណ្តាល បានរាយការណ៍ថា អាជ្ញាធរទីក្រុងតូក្យូបានចំណាយទឹកប្រាក់ប្រហែល ១០ពាន់ពាន់លានយ៉េន (៦៤ពាន់លានដុល្លារ) ចាប់តាំងពីសប្តាហ៍មុន ដើម្បីគាំទ្រដល់រូបិយប័ណ្ណក្នុងស្រុក។

ជុំវិញការអន្តរាគមន៍នេះ ត្រូវបានគេជឿថាបានចាប់ផ្តើមនៅថ្ងៃទី៣០ ខែមេសា នៅពេលដែលតម្លៃប្រាក់យ៉េនចុះខ្សោយធៀបនឹងប្រាក់ដុល្លារអាមេរិក ដោយធ្លាក់ចុះដល់ជិត ១៦០យ៉េនក្នុងមួយដុល្លារអាមេរិក ដែលជាកម្រិតទាបបំផុតក្នុងរយៈពេលជិតពីរឆ្នាំចុងក្រោយ។

ចាប់តាំងពីពេលនោះមក ប្រាក់យ៉េនបានកើនឡើងម្តងហើយម្តងទៀត ដែលជំរុញឱ្យមានការរំពឹងទុកអំពីអន្តរាគមន៍បន្ថែមទៀតដោយអាជ្ញាធរ។ គិតនៅថ្ងៃទី៨ ខែឧសភានេះ អត្រាប្តូរប្រាក់យ៉េនរបស់ជប៉ុនគឺ ១៥៧យ៉េនក្នុងមួយដុល្លារអាមេរិក។

ជម្រាបជូនផងដែរថា ការធ្លាក់ចុះនៃប្រាក់យ៉េនថ្មីៗនេះ ដោយសារតែតម្លៃប្រេងកើនឡើង ដែលធ្វើឱ្យប្រទេសនេះត្រូវការប្រាក់ដុល្លារអាមេរិកបន្ថែមទៀត ដើម្បីនាំចូលប្រេងឥន្ធនៈ។ ហើយចំពោះហេតុផលចម្បងមួយផ្សេងទៀត គឺភាពខុសគ្នានៃអត្រាការប្រាក់រវាងសហរដ្ឋអាមេរិក និងជប៉ុន៕​

The post ជប៉ុន ចំណាយអស់ជាង ៦០ពាន់លានដុល្លារ ដើម្បីជួយសង្គ្រោះប្រាក់យ៉េនរបស់ខ្លួន appeared first on .

ប្រាក់ដុល្លារទទួលបានអត្ថប្រយោជន៍ពីតម្រូវការសុវត្ថិភាព ខណៈដែលសង្គ្រាមផ្លូវអាកាសរបស់សហរដ្ឋអាមេរិក និងអ៊ីស្រាអែលប្រឆាំងនឹងអ៊ីរ៉ង់បានរីករាលដាលដល់ប្រទេសជិតខាង។ ប្រាក់អឺរ៉ូបានស្ថិតក្រោមស្ថិរភាពបន្ទាប់ពីធ្លាក់ចុះជាង ១% ខណៈសង្ឃឹមថាការដឹកជញ្ជូនប្រេងពីតំបន់នេះនឹងត្រូវបានស្តារឡើងវិញក្នុងពេលឆាប់ៗខាងមុខ។

លោក Satsuki Katayama រដ្ឋមន្ត្រីក្រសួងហិរញ្ញវត្ថុជប៉ុន បានលើកឡើងថា អន្តរាគមន៍ទីផ្សាររូបិយប័ណ្ណនៅតែជាជម្រើសមួយដើម្បីការពារប្រាក់យ៉េន។

ទន្ទឹមគ្នានេះ លោក Rodrigo Catril អ្នកយុទ្ធសាស្ត្ររូបិយប័ណ្ណនៅធនាគារជាតិអូស្ត្រាលី ក៏បានលើកឡើងដែរថា «អឺរ៉ុប និងជប៉ុនលេចធ្លោក្នុងចំណោមសេដ្ឋកិច្ចធំៗ ដោយពួកគេនៅតែមានតម្រូវការយ៉ាងខ្លាំងក្នុងការនាំចូលថាមពល»។

ប្រាក់ដុល្លារ បើធៀបនឹងរូបិយប័ណ្ណផ្សេងទៀតមានតម្លៃ ៩៨.៤៩ បន្ទាប់ពីការកើនឡើង ០.៩% កាលពីពេលថ្មីៗនេះ។ ប្រាក់អឺរ៉ូបានកើនឡើង ០.០០៧% ដល់ ១.១៦៩៥ ដុល្លារ។

ប្រាក់យ៉េនបានកើនឡើង ០.០៩% ដល់ ១៥៧.២ ក្នុងមួយដុល្លារ បន្ទាប់ពីការធ្លាក់ចុះ ០.៨% កាលពីពេលថ្មីៗនេះ។ ដោយឡែក ប្រាក់ផោនមិនមានការប្រែប្រួលច្រើនទេ នៅតម្លៃ ១.៣៤០៧ ដុល្លារ។

ថ្មីៗនេះ អ៊ីស្រាអែលបានវាយប្រហារប្រទេសលីបង់ដើម្បីឆ្លើយតបទៅនឹងការវាយប្រហារដោយក្រុមហេសបូឡា ហើយទីក្រុងតេអេរ៉ង់បានបន្តការវាយប្រហារដោយមីស៊ីល និងយន្តហោះគ្មានមនុស្សបើកលើរដ្ឋឈូងសមុទ្រ។ ចំណែកឯប្រទេសកាតាបានបញ្ឈប់ការផលិតឧស្ម័នធម្មជាតិរាវរបស់ខ្លួននៅថ្ងៃទី២មីនា ដែលជំរុញឱ្យមានការបិទរោងចក្រប្រេង និងឧស្ម័នជាបណ្តោះអាសន្ននៅទូទាំងមជ្ឈិមបូព៌ា៕

The post ប្រាក់យ៉េន និងអឺរ៉ូ ស្ថិតនៅក្រោមសម្ពាធខ្លាំង ខណៈជម្លោះនៅមជ្ឈិមបូព៌ា បង្កក្តីបារម្ភអំពីថាមពល appeared first on .

គួរឲ្យដឹងថា សម្រាប់ចំនួនទឹកប្រាក់ ៩,៧៩ទ្រីលានយ៉េន ដែលរដ្ឋាភិបានជប៉ុន បានចំណាយនៅចន្លោះថ្ងៃទី២៦ ខែមេសា ដល់ថ្ងៃទី២៩ ខែឧសភា ឆ្នាំ២០២៤ នេះ គឺលើសពីចំនួនទឹកប្រាក់អន្តរាគមន៍ដ៏ធំបំផុតលើកចុងក្រោយរបស់ប្រទេសជប៉ុនដែលមានតម្លៃប៉ាន់ស្មាន ៩,១ទ្រីលានយ៉េន កាលពីក្នុងអំឡុងខែកញ្ញាដល់ខែតុលា ឆ្នាំ២០២២។

លោក Daisaku Ueno ប្រធានក្រុមអ្នកយុទ្ធសាស្រ្ត FX ប្រចាំនៅក្រុមហ៊ុន Mitsubishi UFJ Morgan Stanley Securities បាននិយាយថា ៖ “នេះជាទំហំទឹកប្រាក់ចំណាយច្រើនជាងការរំពឹងទុក ដោយនេះបានបញ្ជាក់ពីការតាំងចិត្តរបស់ប្រទេសជប៉ុន ក្នុងការបន្ធូរបន្ថយការធ្លាក់ចុះនៃតម្លៃប្រាក់យ៉េន។ ហើយអាជ្ញាធរ​ទំនង​ជា​នឹង​បន្ត​ចំណាយ​ប្រាក់​ច្រើនបន្ថែមទៀត ​លើ​ការ​អន្តរាគមន៍នេះ “។

បើតាមទិន្នន័យដែលចេញផ្សាយដោយក្រសួងហិរញ្ញវត្ថុរបស់ប្រទេសជប៉ុន កាលពីថ្ងៃសុក្រសប្តាហ៍មុន បានតម្លៃប្រាក់យ៉េនធៀបទៅនឹងប្រាក់ដុល្លារហាក់មានភាពល្អប្រសើរឡើងវិញភ្លាមៗ ក្រោយមានការអន្តរាគមន៍ បន្ទាប់ពីតម្លៃប្រាក់យ៉េនបានធ្លាក់ចុះដល់កម្រិតទាបបំផុតមិនធ្លាប់មាន រយៈពេល ៣៤ឆ្នាំចុងក្រោយ ជាមួយកម្រិត ១៦០យ៉េនក្នុងមួយដុល្លារ កាលពីថ្ងៃទី២៩ ខែមេសា។

ជម្រាបជូនផងដែរថា មានបញ្ហាជាច្រើនដែលធ្វើឲ្យតម្លៃប្រាក់យ៉េនចុះខ្សោយបែបនេះ គឺដោយសារតែការធ្លាក់ចុះទៅលើភាពធន់នៃសេដ្ឋកិច្ចអាមេរិក និងការពន្យារពេលក្នុងការបង្ហាញលទ្ធផលចំពោះការកាត់បន្ថយអត្រាការប្រាក់របស់ធនាគារកណ្តាលជប៉ុន (BOJ) ជាដើម៕

The post ជប៉ុន ចាយលុយបំបែកកំណត់ត្រាជាង ៦០ពាន់លានដុល្លារ ដើម្បីធ្វើអន្តរាគមន៍លើតម្លៃប្រាក់យ៉េន appeared first on .

ក្រោយការប្រកាសរបស់ធនាគារកណ្តាលជប៉ុន ត្រឹមតែរយ:ពេលប៉ុន្មាននាទីប៉ុណ្ណោះ តម្លៃប្រាក់យ៉េនជប៉ុន បានធ្លាក់ចុះ ០,៣% ភ្លាមៗ មកនៅត្រឹម ១៥៦,១ យ៉េន ក្នុងមួយដុល្លារ ពោលគឺជាកម្រិតទាបបំផុតមិនធ្លាប់ រាប់ចាប់តាំងពីឆ្នាំ១៩៩០ មក។

ជុំវិញបញ្ហានេះ រដ្ឋមន្ត្រីក្រសួងហិរញ្ញវត្ថុជប៉ុន លោក Shunichi Suzuki បាននិយាយថា លោកកំពុងឃ្លាំមើលយ៉ាងដិតដល់នូវការផ្លាស់ប្តូររូបិយប័ណ្ណ ហើយបានត្រៀមខ្លួនរួចជាស្រេច ដើម្បីចាត់វិធានការយ៉ាងម៉ឺងម៉ាត់ក្នុងការឆ្លើយតប។

ទន្ទឹមនឹងនេះ លោក Rodrigo Catril អ្នកយុទ្ធសាស្រ្តរបស់ធនាគារជាតិអូស្ត្រាលី បាននិយាយថា ធ្លាក់ចុះនៃតម្លៃរូបិយប័ណ្ណនេះ គឺជារឿងដ៏គួរឲ្យខកចិត្តបំផុតមួយ ដោយសារកង្វះការណែនាំពីធនាគារ ។

លោក Rodrigo ក៏បានសង្កត់ធ្ងន់ទៀតផងដែរថា គោលនយោបាយរបស់ធនាគារកណ្តាលជប៉ុន ហាក់មានភាពធូររលុងពេកហើយ ហេតុដូច្នេះហើយទើបបានជារូបិយប័ណ្ណរបស់ពួកគេធ្លាក់ចុះដូច្នេះ ។

“ធនាគារមានលទ្ធភាពក្នុងការធ្វើអ្វីមួយអំពីរឿងនោះ ដោយការផ្លាស់ប្តូរគោលនយោបាយរបស់ខ្លួន ហើយប្រសិនបើពួកគេនឹងមិនផ្លាស់ប្តូរគោលនយោបាយណាមួយទេនោះ យើងមិនរំពឹងថាប្រាក់យ៉េនអាចនឹងមានកើនឡើងតម្លៃវិញនោះឡើយ”។ នេះបើតាមការបញ្ជាក់បន្ថែមរបស់លោក Rodrigo ៕

The post តម្លៃប្រាក់យ៉េនជប៉ុន ធ្លាក់ចុះដល់កម្រិតទាបបំផុតមិនធ្លាប់មានក្នុងរយ:ពេលជាង ៣ទសវត្សចុងក្រោយ appeared first on .