មង្គលការកូនអភិជន

រោងជ័យមង្គលការកូនស្រីឧកញ៉ា កែវ មុំ និងកូនប្រុសសម្ដេច សុខ អាន តុបតែងដូចប្រាសាទព្រះវិហារ

ឧកញ៉ាដែនដី — Thu, 28 Mar 2024 11:05:34 +0000

រោងមង្គលការលោក សុខ សង្វារ និងកូនស្រី ឧកញ៉ា កែវ មុំ ដែលជាម្ចាស់ក្រុមហ៊ុននំស្រួយលីលី បានរៀបចំបែបហោជាងប្រាសាទព្រះវិហាររបស់ខ្មែរ ដែលមានក្បូរក្បាច់រចនាល្អល្អះណាស់។

ការរក្សាបាននូវក្បាច់ខ្មែរយកមកលម្អរោងការ ទទួលបានការចាប់អារម្មណ៍ច្រើនពីសំណាក់មហាជន និងភ្ញៀវកិត្តិយសក្នុងកម្មវិធីផ្ទាល់។ មង្គលការមួយនេះ រៀបចំបានយ៉ាងប្រណីតឥតខ្ចោះ ហើយផ្ទៃជញ្ចាំងក៏ជាម៉ូដបែបបុរាណដូចជញ្ចាំងប្រាសាទផងផង។

គួរបញ្ចាក់ថាលោក សុខ សង្វារ និងកូនក្រមុំ អ៉ឹង ឈីវលី បានរៀបចំមង្គលការតាមបែបខ្មែរបុរាណ ដោយមានពិធីផ្សេងៗច្រើនហូរហែ។

មិនត្រឹមជ្រើសការតុបតែងបែបខ្មែរនៅរោងជ័យឡើយ គូស្វាមីភរិយាយគូនេះ ក៏បានជ្រើសថត Pre-Wedding នៅខ្មែរ ដើម្បីផ្សព្វផ្សាយពីតំបន់ទេសចរណ៍ខ្មែរឲ្យភ្ញៀវស្គាល់ផងដែរ៕

The post រោងជ័យមង្គលការកូនស្រីឧកញ៉ា កែវ មុំ និងកូនប្រុសសម្ដេច សុខ អាន តុបតែងដូចប្រាសាទព្រះវិហារ appeared first on .

កូនស្រីអ្នកឧកញ៉ា សំ អាង បង្ហាញវត្តមានដ៏លេចធ្លោ ក្នុងថ្ងៃចូលរោងការប្អូនថ្លៃ លោក សុខ សង្វារ និងកញ្ញា លីលី

ឧកញ៉ាដែនដី — Thu, 28 Mar 2024 01:58:34 +0000

ថ្ងៃចូលរោងមង្គលការរបស់លោក សុខ សង្វារ កូនប្រុសពៅសម្ដេចវិបុលបញ្ញា សុខ អាន និងកញ្ញា អ៊ឹង ឈីវលី ហៅ លីលី ម្ចាស់ក្រុមហ៊ុនផលិតនំស្រួយលីលី និងជាកូនស្រីរបស់លោកស្រីឧកញ៉ា កែវ មុំ កាលពីថ្ងៃទី២៧ ខែមីនា ម្សិលមិញនេះ មានឥស្សរជន ថ្នាក់ដឹកនាំជាតិ អ្នកឧកញ៉ា ឧកញ៉ា និងភ្ញៀវកិត្តិយសជាច្រើន បានចូលរួម ក្នុងនោះក៏មានវត្តមានដ៏លេចធ្លោរបស់លោកស្រី សំអាង លក្ខិណា កូនស្រីអ្នកឧកញ៉ា សំ អាង ប្រធានក្រុមប្រឹក្សាភិបាលធនាគារវឌ្ឍនៈ ដែលជាបងថ្លៃកូនកំលោះកូនក្រមុំ។

លោកស្រី សំអាង លក្ខិណា (ស្តាំដៃ)

ក្នុងថ្ងៃទី១ នៃពិធីសិរីមង្គលដ៏ធំបែបអភិជននេះ គេឃើញមានវត្តមាន អ្នកឧកញ៉ា ភាព ហៀក ប្រធានស្ថាបនិកក្រុមហ៊ុន ជីប ម៉ុង គ្រុប, លោកស្រីឧកញ៉ា គួន ធីតា ប្រធានក្រុមប្រឹក្សាភិបាល នៃមន្ទីរពេទ្យអន្តរជាតិ អរៀនដា រួមទាំងវត្តមានថ្នាក់ដឹកនាំជាតិរួមមាន សម្តេចវិបុលសេនាភក្តី សាយ ឈុំ ប្រធានព្រឹទ្ធសភា, សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា, សម្ដេចកិត្តិសង្គហបណ្ឌិត ម៉ែន សំអន ឧត្តមក្រុមប្រឹក្សាព្រះមហាក្សត្រ, លោក នេត សាវឿន ឧបនាយករដ្ឋមន្ត្រី, លោកស្រី ហ៊ុន ម៉ាណា កូនស្រីសម្តេចតេជោ ហ៊ុន សែន និងលោកស្រី យឹម ឆៃលីន ភរិយារបស់លោក ហ៊ុន ម៉ានី។

ជាមួយគ្នានេះដែរ លោកស្រី សំអាង លក្ខិណា កូនស្រីអ្នកឧកញ៉ា សំ អាង និងស្វាមីគឺ លោក សុខ សូកាន រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ ក៏បានចូលរួមនិងបានបង្ហាញភាពសប្បាយរីករាយយ៉ាងផ្អែមល្ហែម ក្នុងថ្ងៃមង្គលរបស់ប្អូនៗ។

គួរបញ្ជាក់ថា ក្នុងថ្ងៃទី១ ម្សិលមិញនេះកូនប្រុសស្រី និងកូនប្រសាររបស់សម្ដេចវិបុលបញ្ញា សុខ អាន និងលោកស្រី ថេង អាយអាន្នី បានអញ្ជើញចូលរួមទាំងអស់គ្នា រួមមាន៖ ១)អ្នកស្រី សុខ សូម៉ា ដែលកូនស្រីច្បងសម្ដេច សុខ អាន ២)លោក សុខ ពុទ្ធិវុធ រដ្ឋលេខាធិការក្រសួងប្រៃសណីយ៍ និងទូរគមនាគមន៍ និងភរិយាលោកស្រី ហ៊ុន ម៉ាលី ៣)លោក សុខ សូកាន រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងភរិយាលោកស្រី សំអាង លក្ខិណា និង ៤)លោក សុខ សូកេន រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ និងភរិយាលោកស្រី ចម ក្រស្នា៕

រូបភាព៖ The Ring

The post កូនស្រីអ្នកឧកញ៉ា សំ អាង បង្ហាញវត្តមានដ៏លេចធ្លោ ក្នុងថ្ងៃចូលរោងការប្អូនថ្លៃ លោក សុខ សង្វារ និងកញ្ញា លីលី appeared first on .

កម្មវិធីថ្ងៃចូលរោងការកូនប្រុសពៅសម្ដេច សុខ អាន និងកូនស្រីឧកញ៉ា កែវ មុំ ម្សិលមិញ ស្រស់បំព្រងតែម្ដង!

រ៉េត សុកធា — Thu, 28 Mar 2024 01:40:21 +0000

ថ្ងៃចូលរោងលោក សុខ សង្វារ រដ្ឋលេខាធិការក្រសួងមុខងារសាធារណៈ ត្រូវជាកូនប្រុសពៅរបស់សម្ដេចវិបុលបញ្ញា សុខ អាន ជាមួយកូនក្រមុំនាម អ៊ឹង ឈីវលី ហៅ លីលី ម្ចាស់ក្រុមហ៊ុនផលិតនំស្រួយលីលី និងជាកូនស្រីរបស់លោកស្រីឧកញ៉ា កែវ មុំ មានការតុបតែងយ៉ាងប្រណិត ស័ក្ដិសមនឹងឋានៈបុណ្យស័ក្ដិ មុខមាត់ក្នុងសង្គម។

ងាកទៅមើលកូនកំលោះ-កូនក្រមុំវិញពិតជាសម្អិតសម្អាងយ៉ាងស្រស់ស្អាតទាំងគូ មើលទៅពិតជាសមគ្នាខ្លាំងណាស់។ មិនមែនតែកូនកំលោះ-ក្រមុំឡើយ រៀបចំតុបតែងខ្លួនយ៉ាងស្រស់ស្អាតនោះ ក្រុមគ្រួសារ សាច់ញាតិ និងភ្ញៀវកិត្តិយសទាំងអស់ សុទ្ធតែជ្រើសរើសការឈុតស្លៀកចូលរួមកម្មវិធីជយមង្គលនោះ យ៉ាងផ្ចិតផ្ចង់ផងដែរ។

កម្មវិធីកាលពីល្ងាចមិញនេះ ឃើញមានការចូលរួមពីសំណាក់មន្ត្រីរាជការកំពូលៗជាច្រើន និងអ្នកជំនួញល្បីឈ្មោះលំដាប់ប្រភេទ ព្រមទាំងអ្នកធ្វើការនៅស្ថាប័នឯកជនផ្សេងៗទៀត។ ក្នុងទឹកមុខញញឹមស្រស់ជាប់ជានិច្ចរបស់កូនកំលោះ សុខ សង្វារ និងកូនក្រមុំ អ៊ឹង ឈីវលី ញ៉ាំងឲ្យរូបភាពដែលផ្ដិតចេញមក គួរជាទីចាប់អារម្មណ៍។

កម្មវិធីចូលរោងរបស់កូនប្រុសពៅសម្ដេច សុខ អាន និងកូនស្រីរបស់លោកស្រីឧកញ៉ា កែវ មុំ បានរៀបចំតាំងពីព្រឹកម្សិលមិញ និងមានពិធីប្រពៃណីច្រើនហូរហែ៕

The post កម្មវិធីថ្ងៃចូលរោងការកូនប្រុសពៅសម្ដេច សុខ អាន និងកូនស្រីឧកញ៉ា កែវ មុំ ម្សិលមិញ ស្រស់បំព្រងតែម្ដង! appeared first on .

គ្រាន់តែការរៀបមង្គលកូនស្រីម្ចាស់់ហាងប្រណិតនារី និងកំលោះសង្ហា វិសាល នរណាក៏លាន់មាត់អស្ចារ្យដែរ!

រ៉េត សុកធា — Wed, 27 Mar 2024 10:24:35 +0000

ថ្ងៃនេះកូនស្រីម្ចាស់ហាងកាត់ដេរប្រណិតនារីបានចូលរោងការជាមួយកំលោះសង្ហា ហេង សុខវិសាល ដែលកូនក្រមុំ និងកូនកំលោះជាអ្នកផលិតមាតិកាល្បីខ្លាំងប្រចាំស្រុកខ្មែរ។

អ្នកទាំង ២ ពិតជាគូស្នេហ៍ដ៏ស័ក្ដិសមគ្នាបំផុតទាំងឋានៈគ្រួសារ ដោយខាងស្រីមានម្ដាយជាអ្នកជំនួញល្បីល្បាញខ្លាំងទាំងហាងកាត់ដេរសម្លៀកបំពាក់ និងសម្អាងការ មានភ្ញៀវសុទ្ធតែលំដាប់ឧកញ៉ា មន្ត្រីរាជការអ្នកមុខអ្នកការ ទៅទទួលសេវាកម្ម ព្រមទាំងកូនកំលោះមានឪពុកមាលោក ហេង សុខគង់ រដ្ឋលេខាធិការក្រសួងឧស្សាហកម្ម បច្ចេកវិទ្យា និងនវានុវត្តន៍។

ងាកទៅមើលការរៀបចំដេគ័រផ្កាក្នុងដឺព្រេមៀ សេនធ័រ សែនសុខ ៥ អាគារជាប់គ្នាតែម្ដងគឺ អាគារ B.C.D.F.F ឃើញថាស្អាតលំដាប់អភិជនតែម្ដង។ ផ្កាភ្ញីរៀបចំពេញ ៥ អាគារ ហើយម្ហូបអាហារផ្សេងៗក៏សម្បូរហូរហៀរ សឹងតែដូចហាងអាហារប៊ូសហ្វេទៅហើយ បើងាកមើលទៅភ្ញៀវចូលរួមវិញ គឺមានទាំងមិត្តសិល្បករល្បីៗ អ្នកជំនួញជាច្រើន និងមន្ត្រីរាជការផងដែរ។

មង្គលការអ្នកបង្កើតមាតិកាល្បីឈ្មោះ ហេង សុខវិសាល និង ជា ស្រីនា រៀបចំឡើងរយៈពេល ២ ថ្ងៃ ហើយគ្រាន់តែថ្ងៃ ២៧ ខែមីនា ឆ្នាំ ២០២៤ នេះម្ចាស់ដើមការបានរៀបចំកម្មវិធីសំខាន់ៗជាច្រើនតាំងពីព្រឹកដូចជា ពិធីសម្អាតកេសា កូនកំលោះ ពិធីកាត់ខាន់ស្លា, ពិធីសែនក្រុងពាលី,ពិធីហែផ្កាស្លាចូលរោងជ័យ ពិធីបើករបងមាស របងដំរី ពិធីសែនព្រេនជីដូនជីតា,ពិធីគួចចំណងដៃតូច,ពិធីជុំពាលា និងជាវខាន់ស្លា,ពិធីសូត្រមន្តចម្រើនព្រះបរិត្ត,ពិធីបុកល័ក្ខ ធ្វើធ្មេញ និងកម្មវិធីបន្តបន្ទាប់ទៀតនៅថ្ងៃ២៨ ស្អែកនេះ៕

The post គ្រាន់តែការរៀបមង្គលកូនស្រីម្ចាស់់ហាងប្រណិតនារី និងកំលោះសង្ហា វិសាល នរណាក៏លាន់មាត់អស្ចារ្យដែរ! appeared first on .

មង្គលការកូនស្រីឧកញ៉ា ឡូវ ហ៊ឹង គឺឧកញ៉ា ឡូវ ហ្គេចម៉ី និងស្វាមី ជំនូនបណ្ដាការមានទាំងគ្រឿងពេជ្រ

រ៉េត សុកធា — Tue, 19 Mar 2024 06:34:27 +0000

មង្គលការដ៏ធំរបស់កូនឧកញ៉ាស្រុកខ្មែរមួយទៀតហើយនាថ្ងៃនេះ គឺកូនស្រីឧកញ៉ា ឡូវ ហ៊ឹង ដែលជាឧកញ៉ាជើងចាស់មួយរូប។ មង្គលការនេះ ទទួលបានភាពភ្ញាក់ផ្អើលខ្លាំង ព្រោះមានទាំងគ្រឿងមាសពេជ្រ ហែរមកជាមកជំនូននំចំណីផ្លែឈើ។

កូនស្រីឧកញ៉ា ឡូវ ហ៊ឹង គឺឧកញ៉ា ឡូវ ហ្គេចម៉ី និងកូនកំលោះ យឺន ឌីណារ័ត្ន នៅ PH Grand Hall ថ្ងៃនេះមិនត្រឹមភ្ញៀវជាជំនួញច្រើនកុះករនោះទេ មានទាំងជំនូននំចំណីផ្លែឈើស្រស់ហូរហៀរ។ អ្វីដែលកាន់តែភ្ញាក់ផ្អើលគឺគ្រឿងពេជ្រទាំងឈុតសម្រាប់គូស្វាមីភរិយាថ្មីថ្មោងនេះតែម្ដង គ្រាន់តែឃើញហើយភ្ញៀវលាន់មាត់គ្រប់គ្នា។

សម្រាប់កូនក្រមុំដ៏ស្រស់សោភាមានគ្រឿងពេជ្រជានាឡិកាម៉ាក Rolex ជាគូជាមួយស្វាមី និងចិញ្ចៀន ក្រវិលត្បូងពេជ្រពណ៌បៃតង មកុដ ខ្សែក កងដៃ ដាំត្បូងភ្លឺផ្លេកចែងចាំងភ្នែកតែម្ដង។ សម្រាប់នាឡិកា Rolex Daytona 116503 តម្លៃជិត ៣ ម៉ឺនដុល្លារ ហើយមួយគ្រឿងទៀតម៉ូដរបស់ក្រុមហ៊ុន Rolex មួយដែរ មានតម្លៃជាង ១ ម៉ឺនដុល្លារ។ រួមទាំងចិញ្ចៀនពេជ្រគូស្នេហ៍របស់ម៉ាក cartier ដែលគេដឹងថារាប់ម៉ឺនដុល្លារឯណោះ។

មង្គលការមួយនេះរៀបចំឡើងយ៉ាងប្រណីតទាំងផ្កាភ្ញី រោងពិធីផ្សេងៗ ហើយអ្វីដែលកាន់តែពិសេសភ្ញៀវពន្លឺចូលរួម សុទ្ធតែតុបតែងខ្លួនបានស្រស់ស្អាតស័ក្ដិសមចូលរួមក្នុងពិធីមង្គលការដ៏ធំនេះមែន៕

The post មង្គលការកូនស្រីឧកញ៉ា ឡូវ ហ៊ឹង គឺឧកញ៉ា ឡូវ ហ្គេចម៉ី និងស្វាមី ជំនូនបណ្ដាការមានទាំងគ្រឿងពេជ្រ appeared first on .

លោកស្រីឧកញ៉ា ទ្រី ដាណា ជ្រើសរើសទីតាំងសាលអ្នកឧកញ៉ា ថៃ ជាហួត ជាកន្លែងបដិសណ្ឋារកិច្ចភ្ញៀវកិត្តិយសចូលរួមពិសារភោជនាហារ

ឧកញ៉ាកោះក្របី — Mon, 04 Dec 2023 03:19:48 +0000

អ្នកជំនួញល្បីឈ្មោះក្នុងវិស័យគ្រឿងពេជ្រ ផលិតផលសំអាង និងផលិតបំប៉នសុខភាព លោកស្រីឧកញ៉ា ទ្រី ដាណា បានចូលរោងជ័យជាផ្លូវការហើយកាលពីថ្ងៃទី៣ ខែធ្នូ ឆ្នាំ២០២៣ ជាមួយលោក រស់ រាជ្ជសាល ដែលជាកូនអ្នកកោះក្របី ខណ្ឌច្បារអំពៅ រាជធានីភ្នំពេញ។

ពិធីរៀបចំអាពាហ៍ពិពាហ៍លោកស្រីឧកញ៉ា ទ្រី ដាណា និងលោក រស់ រាជ្ជសាល ធ្វើពិធីចូលចែចូវ និងនិមន្តព្រះសង្ឃចម្រើនព្រះបរិត្តនៅភូមិគ្រឹះរបស់លោកស្រីផ្ទាល់នៅខណ្ឌព្រែកព្នៅ ក្រោមវត្តមានលោកមេបាចាស់ទុំរាមច្បងទាំងសងខាង ក្នុងនោះក៏មានវត្តមានសម្តេចកិត្តិសង្គហបណ្ឌិត ម៉ែន សំអាន ឧត្តមប្រឹក្សាផ្ទាល់ព្រះមហាក្សត្រ និងលោកស្រីឧកញ៉ា ហ៊ុន ស៊ីណាត ជាប្អូនស្រីបង្កើតសម្តេចតេជោ ហ៊ុន សែន ប្រធានឧត្តមប្រឹក្សាផ្ទាល់ព្រះមហាក្សត្រ។

ដោយឡែកសម្រាប់ពិធីហែជំនូនចូលរោងជ័យ កាត់សក់បង្កកសិរី សែនចងដៃសំពះផ្ទឹម និងទទួលបដិសណ្ឋារកិច្ចភ្ញៀវកិត្តិយសចូលរួមពិសារភោជនាហាររបស់លោកស្រីធ្វើឡើងនៅសាលសន្និបាត និងប្រារព្ធពិធីមង្គលការ ភីអេច ហ្រេ្គនហល PH Grand Hall របស់អ្នកឧកញ៉ា ថៃ ជាហួត ម្ចាស់ក្រុមហ៊ុនបុរី ប៉េងហួត គ្រុប ស្ថិតនៅខណ្ឌច្បារអំពៅ រាជធានីភ្នំពេញ។

ពិធីមង្គលការលោកស្រីឧកញ៉ា ទ្រី ដាណា ឃើញវត្តមានចូលរួមពីអ្នកឧកញ៉ា ឧកញ៉ា មន្រ្តីរាជការ សិល្បករ សិល្បការិនី អ្នកប្រដាល អ្នកជំនួញចាស់ក្មេងដែលភាគច្រើនសុទ្ធសឹងតែជាអ្នកជំនួញរកស៊ីក្នុងវិស័យគ្រឿងសំអាង ផលិតផលលក់លើបណ្តាញសង្គមនានានៅក្នុងប្រទេសកម្ពុជា៕

The post លោកស្រីឧកញ៉ា ទ្រី ដាណា ជ្រើសរើសទីតាំងសាលអ្នកឧកញ៉ា ថៃ ជាហួត ជាកន្លែងបដិសណ្ឋារកិច្ចភ្ញៀវកិត្តិយសចូលរួមពិសារភោជនាហារ appeared first on .

ឧកញ៉ា ហ៊ុយ ភៀវ រៀបចំមង្គលការកូនប្រុសយ៉ាងអធិកអធម

រ៉េត សុកធា — Fri, 24 Nov 2023 03:29:23 +0000

ឧកញ៉ា ហ៊ុយ ភៀវ អគ្គនាយក ក្រុមហ៊ុន ចំការស្វាយចន្ទី ហ៊ុយ ភៀវ អង្គរ កាលពីថ្ងៃទី២២ ខែវិច្ឆិកា ឆ្នាំ២០២៣ បានរៀបចំកម្មវិធីមង្គលការកូនប្រុសយ៉ាងអធិកអធម ដោយមានការអញ្ជើញចូលរួមពីសំណាក់ ឯកឧត្តម លោក ជំទាវ អ្នកឧកញ៉ា ឧកញ៉ា ភ្ញៀវកិត្តិយសយ៉ាងច្រើនកុះករ។

កម្មវិធីអាពាហ៍ពិពាហ៍នេះ រៀបចំឡើងដោយមានកូនប្រុសនាម ទៀ ហ៊ុយផេង និង កូនស្រីនាម ហួន អាមេនដាខេមមា (ហៅ មិឈឺ)។ ពិធីមង្គលនេះ រៀបចំចំនួន២ថ្ងៃ គឺចាប់ពីថ្ងៃទី២១ ដល់ថ្ងៃទី២២ ខែវិច្ឆិកា ឆ្នាំ២០២៣។

ក្រោយចប់ពិធីមង្គល យ៉ាងសប្បាយរីករាយ អបអរសាទរ គូស្នេហ៍ថ្មីថ្មោង នេះ ឧកញ៉ា ហ៊ុយ ភៀវ តាំង នាម ជាមេបាកូនកំលោះ បានបង្ហោះសារជូនពរដល់ភ្ញៀវកិត្តិយសទាំងអស់ ដែលបានអញ្ជើញចូលរួមកម្មវិធីមង្គល របស់កូនប្រុសលោក ដោយមានសេចក្ដីថា «សូមគោរពនឹងថ្លែអំណរអរគុណយ៉ាងជ្រាលជ្រៅចំពោះវត្តមាន ឯកឧត្តម អ្នកឧកញ៉ា ឧកញ៉ា លោកជំទាវ អស់លោក លោកស្រី អ្នកនាងកញ្ញាទាំងអស់ ដែលបានចំណាយ ពេលវេលាដ៏មានតម្លៃ ចូលរួមពិធីមង្គលការកូនប្រុសស្រីយើងខ្ញុំ ដែលប្រព្រឹត្តទៅថ្ងៃទី ២១,២២ ខែវិច្ឆិកា ឆ្នាំ២០២៣។ សូមគោរពជូនពរ ឯកឧត្តម អ្នកឧកញ៉ា ឧកញ៉ា លោកជំទាវ អស់លោក លោកស្រី ទាំងអស់ អោយជួបតែសេចក្តីសុខសេចក្តីចំរើន ជោគជ័យគ្រប់ភារកិច្ច និងទទួលបាននូវពុទ្ធពរទាំងបួនប្រការគឺ អាយុ វណ្ណៈ សុខៈពលៈ កុំបីឃ្លៀងឃ្លាតឡើយ»។

សូមជម្រាបជូនផងដែរថា ឧកញ៉ា ហ៊ុយ ភៀវ ក្រៅពីជាស្ថាបនិក ក្រុមហ៊ុន ចំការស្វាយចន្ទី ហ៊ុយ ភៀវ អង្គរ ក៏ជាអនុប្រធានសភាពាណិជ្ជកម្មកម្ពុជា និងជាប្រធានសភាពាណិជ្ជកម្មកម្ពុជាមណ្ឌលខេត្តសៀមរាប-ឧត្តរមានជ័យ ផងដែរ៕

អត្ថបទ៖ សុកធា

The post ឧកញ៉ា ហ៊ុយ ភៀវ រៀបចំមង្គលការកូនប្រុសយ៉ាងអធិកអធម appeared first on .