តាមរយៈជំនួបរវាង លោក ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ជាមួយ លោក Stefan Messerer ឯកអគ្គរដ្ឋទូតវិសាមញ្ញ និងពេញសមត្ថភាពសហព័ន្ធអាល្លឺម៉ង់ កាលពីថ្ងៃទី១២មីនា បានឱ្យដឹងថា អាល្លឺម៉ង់ជាដៃគូល្អក្នុងការបណ្ដុះបណ្ដាលការអនុវត្តកសិកម្មល្អ (GAP) ដែលបានជួយលើកស្ទួយគុណភាពកសិផលកម្ពុជាសម្រាប់នាំចេញទៅទីផ្សារអន្តរជាតិ។

នាឱកាសនោះ លោករដ្ឋមន្រ្តីកសិកម្ម ក៏បានប្រកាសស្វាគមន៍ផែនការរបស់ក្រុមហ៊ុន Fuchs Gruppe ក្នុងការវិនិយោគលើការកែច្នៃម្រេចកម្ពុជា សំដៅផ្ដល់តម្លៃបន្ថែមខ្ពស់ក្នុងខ្សែច្រវាក់តម្លៃកសិកម្មកម្ពុជា និងជំរុញការនាំចេញកសិផលកម្ពុជាទៅកាន់ទីផ្សារអន្តរជាតិ។

សូមជម្រាបជូនផងដែរថា ដើម្បីជំរុញការនាំចេញម្រេចទៅកាន់ទីផ្សារក្រៅប្រទេស កម្ពុជាក៏ការរៀបចំគោលនយោបាយម្រេចកម្ពុជា ក្នុងការពង្រឹងនិងជំរុញនិរន្តរភាពការអភិវឌ្ឍខ្សែច្រវាក់តម្លៃក្នុងវិស័យម្រេច និងជាពិសេសគឺសំដៅជំរុញការនាំចេញម្រេចកម្ពុជាទៅកាន់ទីផ្សារអន្តរជាតិ ដែលមានលក្ខណៈប្រកួតប្រជែង និងទទួលបានអត្ថប្រយោជន៍កាន់តែប្រសើរ៕

The post ក្រុមហ៊ុនមួយរបស់អាល្លឺម៉ង់ មានផែនការនិយោគលើការកែច្នៃម្រេចនៅកម្ពុជា appeared first on .

លោក អប់ រ៉ាឌី អគ្គនាយករងជំរុញពាណិជ្ជកម្ម នៃក្រសួងពាណិជ្ជកម្ម កាលពីថ្ងៃទី២៣ ខែតុលាឆ្នាំ២០២៥បានធ្វើបទបង្ហាញ “ដើម្បីរៀបចំគោលនយោបាយម្រេច នេះយើងមានទីប្រឹក្សាជាតិនិងអន្តរជាតិ។ សេចក្តីព្រាងគោលនយោបាយម្រេចឈានទៅអនុម័ត ដាក់ឱ្យអនុវត្តនៅឆ្នាំ២០២៦ ។ បច្ចុប្បន្ននេះយើងបានធ្វើសេចក្តីព្រាងគោលនយោបាយម្រេចបានបញ្ចប់រួចហើយយើងកំពុងតែពិនិត្យនិងដាក់ទៅជាភាសាខ្មែរនិងរៀបចំប្រជុំតាមកម្មវិធី និងពេលវេលាដែលបានកំណត់។យើងសង្ឃឹមថានៅក្នុងឆមាសទី២យើងនឹងទទួលបានគោលនយោបាយម្រេចយកទៅអនុវត្ត”។

ប្រធានប្រតិបត្តិនៃសហព័ន្ធម្រេចនិងគ្រឿងទេសកម្ពុជា អ្នកស្រី សួន ជុឡា បានឱ្យដឹងថា នៅប៉ុន្មានឆ្នាំចុងក្រោយនេះ វិស័យម្រេច វាមានទាំងការរីកចម្រើន និងមានទាំងបញ្ហា។ ការរីកចម្រើននេះឃើញរាជរដ្ឋាភិបាលខិតខំប្រឹងប្រែងនៅក្នុងការបង្កើតនូវគោលនយោបាយម្រេចដើម្បីឱ្យវិស័យម្រេចកាន់តែមានការរីកចម្រើន ដោយនោះអង្គការដៃគូអភិវឌ្ឍន៍ មួយចំនួនបានព្យាយាមជួយដល់ទាំងអ្នកនាំចេញ និងកសិករ។

តែទោះជាបែបនេះក្តី, ប្រធានប្រតិបត្តិសហព័ន្ធម្រេចនិងគ្រឿងទេសកម្ពុជាបានទទួលស្គាល់ថា រាជរដ្ឋាភិបាលនិងដៃគូអភិវឌ្ឍន៍ កំពុងតែព្យាយាមជួយសម្របសម្រួលទៅដល់កសិករ ។ សម្រាប់កសិករមួយចំនួនទទួលបានចំណេះដឹងបានព្យាយាមអនុវត្តការដាំដុះម្រេចរបស់ខ្លួនដើម្បីទទួលបានស្តង់ដាសុវត្ថិភាព តែកសិករមួយចំនួនផ្សេងទៀតការអនុវត្តនៅមានកម្រឹក។ ការកង្វះខាតទាំងនេះ ក្រសួងពាក់ព័ន្ធកំពុងតែព្យាយាមជួយ ។ដូនេះទៅថ្ងៃមុខសង្ឃឹមថារាល់បញ្ហាប្រឈមរបស់កសិករដាំម្រេច នឹងត្រូវបានដោះស្រាយ ម្លោះហើយវិស័យម្រេចក៏នឹងបន្តរីកចម្រើនទៅមុខទៀតផងដែរ។

អ្នកស្រី សួន ជុឡា សង្កត់ធ្ងន់ថា “នៅពេលគោលនយោបាយម្រេចត្រូវបានដាក់ឱ្យអនុវត្ត ខ្ញុំជឿជាក់ ទាំងសហគមន៍កសិកម្ម កសិករដាំម្រេច និងក្រុមហ៊ុននាំចេញ នឹងទទួលបានអត្ថប្រយោជន៍ច្រើនពីគោលនយោបាយម្រេច។ ដោយសារនៅក្នុងការរៀបចំគោលនយោបាយម្រេច បានប្រមូលផ្តុំនូវធាតុចូលបានច្រើន មកពីខាងសហគមន៍កសិកម្ម សហព័ន្ធ ពីក្រុមហ៊ុន យកទៅចងក្រងក្នុងគោលបំណងដើម្បីដោះស្រាយបញ្ហាជូនកសិករនិងអ្នកពាក់ព័ន្ធផ្សេងៗ”៕

The post អ្នកជំនាញខាងម្រេចមានសុទិដ្ឋិនិយមថាគោលនយោបាយម្រេចនឹងផ្តល់អត្ថប្រយោជន៍ដល់កសិករ appeared first on .

នៅក្នុងវេទិកាពាណិជ្ជកម្មស្វាយចន្ទីនិងម្រេច ស្តីពីការបើកច្រកទីផ្សារទៅកាន់សហភាពអឺរ៉ុប កាលថ្ងៃទី២៣ ខែតុលា លោកស្រី ចម និម្មល រដ្ឋមន្ត្រីក្រសួងពាណិជ្ជកម្មបានលើកឡើងថា យោងតាមទិន្ន័យរបស់អគ្គនាយកដ្ឋានគយ និងរដ្ឋាករ នៅឆ្នាំ២០២៤ កម្ពុជាបាននាំចេញស្វាយចន្ទី និងម្រេចកម្ពុជាមានទឹកប្រាក់៥៣៩លានដុល្លារ។ ដោយឡែកគិតត្រឹម៩ខែឆ្នាំ២០២៥នេះ ការនាំចេញស្វាយចន្ទីនិងម្រេចបានកើនឡើងដល់៨២៩លានដុល្លារ ។ ក្នុងនោះសម្រាប់ស្វាយចន្ទីនៅ៩ខែ ដើមឆ្នាំ២០២៥ កម្ពុជារកចំណូលបាន៨០១លានដុល្លារ កើនឡើងជាង៦០% បើប្រៀបធៀបនិងរយៈពេលដូចគ្នាឆ្នាំ២០២៤។

លោកស្រីបន្តទៀតថា ប្រទេសដែលតម្រូវការនាំចូលគ្រាប់ស្វាយចន្ទីស្រស់ពីកម្ពុជាមានចំនួនច្រើនជាងគេ មានវៀតណាម,អារ៉ាប់ប៊ីអេមីរ៉ាត់រួម, ស្វីស, ចិន និងម៉ាឡេស៊ី។ ដោយឡែកប្រទេសនាំចូលគ្រាប់ស្វាយចន្ទីកែច្នៃរបស់កម្ពុជាច្រើនជាងគេមាន អារ៉ាប់ប៊ី អេមីរ៉ាត់រួម ប៊ែលហ្សិច ប្រ៊ុយណេ ស្វីស និងប្រទេសអាល្លឺម៉ង់។ ចំពោះម្រេចទីផ្សារគោលដៅសំខាន់របស់កម្ពុជាមានប្រទេសវៀតណាម អង់គ្លេសនិងបណ្តាប្រទេសនៅក្នុងសហភាពអឺរ៉ុប ដូចជាអល្លឺម៉ង់, បារាំង សាធារណរដ្ឋឆែក ប៊ែលហ្សិច រុស្ស៊ី រួមនិងបណ្តាលប្រទេសផ្សេងទៀតនៅលើពិភពលោក។

ទាក់ទងនិងដំណាំសក្តានុពលទាំងពីរប្រភេទខាងលើ បើតាមលោក តូច ប៊ុនហួរ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា ក្នុងឆ្នាំ២០២៥នេះ តាមការប៉ាន់ស្មានរបស់ក្រសួងកសិកម្ម កម្ពុជាមានដំណាំស្វាយចន្ទីមានប្រមាណ៦០ម៉ឺនហិកតា មានបរិមាណផលប្រមាណ១លានតោន, ដំណាំម្រេចមានផ្ទៃដីដាំដុះប្រមាណជាង៧ពាន់ហិកតា មានបរិមាណផលជាង២លានតោន។

លោកបន្តថា ទោះបីជាដំណាំទាំងពីរប្រភេទមានការរីកចម្រើនយ៉ាងណាក្តី ដំណាំទាំងនេះនៅមានបញ្ហាប្រឈមមួយចំនួនដូចជា កសិករមួយចំនួនមិនទាន់បានយល់ច្បាស់ពីបច្ចេកទេស ការថែទាំ ការគ្រប់គ្រងសមាសភាពចង្រៃ ការប្រើប្រាស់ថ្នាំកសិកម្មមិនទាន់មានប្រសិទ្ធភាពជាដើម។

ក្រសួងកសិកម្ម រុក្ខាប្រមាញ់ និងនេសាទ បាននិងកំពុងបន្តអនុវត្តយុទ្ធសាស្ត្រ និងកម្មវិធីជាច្រើនដើម្បីគាំទ្រលើវិស័យនេះ៖ ១)ជំរុញការប្រើប្រាស់បច្ចេកទេសកសិកម្មល្អដើម្បីធានាឱ្យផលិតផលឱ្យកាន់តែមានគុណភាពខ្ពស់ស្របតាមស្តង់ដារអនាម័យ និងភូតគាមអនាម័យទៅតាមលក្ខខណ្ឌតម្រូវរបស់ទីផ្សារអន្តរជាតិ ជាពិសេសសហភាពអឺរ៉ុប និង ២)គាំទ្រការបង្កើតសហគមន៍កសិកម្មទំនើបដើម្បីជួយកសិករឱ្យមានភាពងាយស្រួលក្នុងការប្រមូលផល ការចរចារតម្លៃ និងអនុវត្តស្តង់ដាររួមគ្នា។ ការបើកច្រកទីផ្សារទៅកាន់សហភាពអឺរ៉ុបគឺជាទីផ្សារដ៏ធំមួយ មានតម្រូវការខ្ពស់ផលិតផលកសិកម្មដែលមានគុណភាព និងមាននិរន្តរភាព។ ទីផ្សារសហភាពអឺរ៉ុបមិនត្រឹមតែបង្កើនតម្លៃបន្ថែមនិងប្រាក់ចំណូលជូនកសិករ និងអ្នកកែច្នៃប៉ុណ្ណោះទេ ប៉ុន្តែជាការទទួលស្គាល់ជាផ្លូវការនូវគុណភាព របស់កសិផលរកម្ពុជានៅលើឆាកអន្តរជាតិផងដែរ៕

The post កម្ពុជាប្រមូលចំណូលពីការនាំចេញស្វាយចន្ទី និងម្រេចបានប្រមាណ៨២៩លានដុល្លារ appeared first on .

កិច្ចប្រជុំពិភាក្សាលើការចាប់ផ្តើមដំណើរក្នុងការរៀបចំកសាងគោលនយោបាយម្រេចកម្ពុជា កាលពីថ្ងៃទី១២ ខែមិថុនា ត្រូវបានរៀបចំឡើងក្នុងគោលបំណង២សំខាន់៖ ទី១)ពិនិត្យ ពិភាក្សាលើនិតីវិធី និងដំណើរការនៃការរៀបចំកសាងគោលនយោបាយម្រេចកម្ពុជា ជាពិសេសការរៀបចំផែនការសកម្មភាពនិងក្របខណ្ឌពេលវេលា (Time Frame) និង (២)ពិភាក្សា និងផ្លាស់ប្តូរយោបល់លើយន្តការនានាក្នុងការជំរុញអភិវឌ្ឍន៍វិស័យម្រេចកម្ពុជា។

សូមជម្រាបជូនផងដែរថា ការរៀបចំគោលនយោបាយម្រេចកម្ពុជា មានគោលបំណងក្នុងការពង្រឹងនិងជំរុញនិរន្តរភាពការអភិវឌ្ឍខ្សែច្រវាក់តម្លៃក្នុងវិស័យម្រេច និងជាពិសេសគឺសំដៅជំរុញការនាំចេញម្រេចកម្ពុជាទៅកាន់ទីផ្សារអន្តរជាតិ ដែលមានលក្ខណៈប្រកួតប្រជែង និងទទួលបានអត្ថប្រយោជន៍កាន់តែប្រសើរ។

ម្ចាស់ចម្ការដាំម្រេចមួយរូបនៅខេត្តកំពត បានឱ្យដឹងថា​ ទីផ្សារម្រេចនៅដើមឆ្នាំ២០២៥នេះ មានតម្លៃល្អ និងមានការគាំទ្រច្រើនជាងឆ្នាំមុន ខណៈចម្ការរបស់អ្នកស្រីមានអតិថិនជនច្រើនជាងមុនទាំងជាតិ និងអន្តរជាតិ។

ពាក់ព័ន្ធជាមួយនឹងការរៀបចំនូវគោលនយោបាយម្រេចកម្ពុជា អ្នកស្រីម្ចាស់ចម្ការរូបនេះ បានលើកឡើងថា ពិតជាល្អណាស់សម្រាប់កសិករដាំម្រេចតួយ៉ាងដូចជាអ្នកស្រីផ្ទាល់។ អ្នកស្រីបន្តថា វានឹងធ្វើឱ្យទីផ្សារម្រេចកាន់តែទូលំទូលាយទៅកាន់ទីផ្សារអន្តរជាតិ។

កាលពីឆ្នាំ២០២៤ កម្ពុជាបាននាំចេញម្រេចទៅកាន់ទីផ្សារអន្តរជាតិ បានក្នុងទឹកប្រាក់ជាង៣៤លានដុល្លារ កើនឡើងជិត១៥០% បើធៀបនឹងរយៈពេលដូចគ្នាកាលពីឆ្នាំ២០២៣ ដែលមានទំហំទឹកប្រាក់ត្រឹមតែជាង១៣លានដុល្លារប៉ុណ្ណោះ៕

The post គោលនយោបាយម្រេចកម្ពុជា នឹងកាន់តែជំរុញការនាំចេញម្រេចទៅកាន់ទីផ្សារអន្តរជាតិ មានលក្ខណៈប្រកួតប្រជែង appeared first on .

ពិធីចុះកិច្ចសន្យាស្តីពី «ការផលិត និងផ្គត់ផ្គង់ ម្រេចស្ងួត» នេះ ធ្វើឡើងកាលពីថ្ងៃទី២៦ ខែមីនា ឆ្នាំ២០២៥ ក្រោមសក្ខីភាពលោក ឃឹម ហ្វីណង់ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ រួមជាមួយនាយកដ្ឋាន កសិ- ឧស្សាហកម្ម នាយកដ្ឋានអភិវឌ្ឍន៍សហគមន៍កសិកម្ម និងមន្ទីរកសិកម្ម រុក្ខាប្រមាញ់ និងនេសាទ ខេត្តត្បូងឃ្មុំ។

លោក ឃឹម ហ្វីណង់ បានលើកឡើងថាសារៈសំខាន់នៃការធ្វើផលិតកម្មកសិកម្មតាមកិច្ចសន្យាសម្រាប់សហគមន៍ ដើម្បីការពារសមាជិកទាំងអស់ពីការប្រែប្រួលថ្លៃ ព្រមទាំងបានណែនាំឱ្យនាយកដ្ឋានកសិឧស្សាហកម្ម បន្តសម្របសម្រួលកិច្ចសន្យា លក់-ទិញ ម្រេច បន្ថែមទៀត។

គួរបញ្ជាក់ថា កិច្ចសន្យានេះ មានទំហំគិតជាទឹកប្រាក់ចំនួនប្រមាណ ៧០ម៉ឺនដុល្លារ សម្រាប់ការផ្គត់ផ្គង់ម្រេចស្ងួត ១០០តោន ក្នុងតម្លៃថេរ ៧ដុល្លារ ក្នុងមួយគីឡូក្រាម សម្រាប់ម្រេចស្តង់ដាសុវត្ថិភាព ដែលជាតម្លៃល្អលើសពីតម្លៃមធ្យមនៅលើទីផ្សារប្រមាណ១០%៕

The post ក្រុមហ៊ុនមួយចុះកិច្ចសន្យាទិញម្រេចស្ងួតពីសហគមន៍កសិកម្មទំនើបម្រេចមេមត់ត្បូងឃ្មុំ ១០០តោន ក្នុងតម្លៃ៧ដុល្លារ ក្នុងមួយគីឡូក្រាម appeared first on .

កិច្ចពិភាក្សានេះ បានផ្តោតសំខាន់លើ ការជំរុញសក្តានុពលនាំចេញគ្រាប់ស្វាយចន្ទីកែច្នៃ និងម្រេចកម្ពុជាទៅកាន់ទីផ្សារជប៉ុន។ លើសពីនេះ  ក៏សិក្សាពីឱកាសវិនិយោគក្នុងវិស័យកែច្នៃកសិផលនៅកម្ពុជា ក្នុងការលើកកម្ពស់ការប្រកួតប្រជែងនៃផលិតផលកសិកម្មកម្ពុជា ដោយធានាស្តង់ដារខ្ពស់ក្នុងការកែច្នៃ និងការពង្រីកទីផ្សារ លើកកម្ពស់សក្ដានុពលនៃការច្នៃប្រឌិត និងអនុលោមភាពនៃស្តង់ដារទីផ្សារជប៉ុនផងដែរ។

សូមបញ្ជាក់ថា កន្លងមកប្រទេសជប៉ុនគឺជាប្រទេសមួយដែលមានការចាប់អារម្មណ៍ និងកំពុងវិនិយោគលើវិស័យស្វាយចន្ទី ជាពិសេសការកែច្នៃគ្រាប់ស្វាយចន្ទីគួរឱ្យកត់សម្គាល់នៅកម្ពុជា។

លោក អួន ស៊ីឡុត ប្រធានសមាគមស្វាយចន្ទីកម្ពុជា ធ្លាប់បានឱ្យដឹងថា កន្លងទៅកម្ពុជាមិនអាចផលិតគ្រាប់ស្វាយចន្ទីដើម្បីបំពេញតម្រូវការជប៉ុនបានទេ ដោយសារជប៉ុនត្រូវការច្រើន ខណៈកម្ពុជាផលិតបានតិចតួចនៅឡើយ។

​ចំំណែកឯម្រេចវិញ បច្ចុប្បន្នម្រេច​កំពតកម្ពុជា​​អាច​នាំ​ចេញ​ទៅ​ទីផ្សារ​បរទេសដូចជា កូរ៉េ ចិន ជប៉ុន អឺរ៉ុប អា​មេ​រិ​ក ជាដើម។ គិតក្នុងឆ្នាំ២០២៤ កម្ពុជា​រកចំណូលពីការ​នាំ​ចេញ​ម្រេច​ទៅ​អន្តរជាតិ​ប្រមាណ ​៣៥,២៧​លាន​ដុល្លារ​ កើនឡើង​ជាង​១៣១​ភាគរយ ធៀប​នឹង​ឆ្នាំ​២០២៣ ដែលមានទឹកប្រាក់​១៥,២៣ លាន​ដុល្លារ​៕

The post កម្ពុជា-ជប៉ុន ជំរុញការនាំចេញគ្រាប់ស្វាយចន្ទីកែច្នៃ និងម្រេចកម្ពុជាទៅកាន់ទីផ្សារជប៉ុន appeared first on .

សមាគមដដែលនេះ បាននិយាយទៀតថា ឧស្សាហកម្មម្រេចនៅក្នុងប្រទេស កំពុងឈានទៅរកគោលដៅរកបានប្រាក់ចំណូលខ្ទង់ពាន់លានដុល្លារវិញហើយ បន្ទាប់ពីការនាំចេញគិតនៅក្នុងរយ:ពេល ៧ខែដំបូងឆ្នាំនេះ អាចរកបានប្រាក់ចំណូលដល់ទៅជាង ៧៦៤លានដុល្លារ រួចទៅហើយ។

ក្នុងរយៈពេលប្រាំពីរខែកន្លងមកនេះ ម្រេចជាង ១៦៤ ៣០០ តោន ត្រូវបានលក់ទៅកាន់ទីផ្សារបរទេសក្នុងតម្លៃនាំចេញជាមធ្យម ៤ ៥៦៨ដុល្លារក្នុងមួយតោន សម្រាប់ម្រេចខ្មៅ កើនឡើង ៣២,៧% និង ៦ ១៩៥ដុល្លារក្នុងមួយតោន សម្រាប់ម្រេចស កើនឡើង ២៥%។

គួរឲ្យដឹងថា សហរដ្ឋ​អាមេរិក​ជា​អ្នក​ទិញម្រេចច្រើនបំផុតពីប្រទេសវៀតណាម និង​តាម​ពី​ក្រោយ​ដោយ​ប្រទេស​អាឡឺម៉ង់ អារ៉ាប់រួម (UAE) និង​ប្រទេសឥណ្ឌា។

ជម្រាបជូនថា ប្រេស៊ីល ដែលជាប្រទេសផលិត និងនាំចេញម្រេចខ្មៅធំជាងគេទីពីររបស់ពិភពលោក បានទទួលរងការបរាជ័យលើផ្នែកដាំដុះរបស់ខ្លួន ដែលជំរុញឲ្យតម្លៃម្រេចសកលលោកកើនឡើងខ្ពស់ ក្នុងរយៈពេលប៉ុន្មានខែដែលនៅសេសសល់នៃឆ្នាំ២០២៤ នេះ។ ផលិតកម្មម្រេចនៅក្នុងប្រទេសវៀតណាម ម៉ាឡេស៊ី និងឥណ្ឌូណេស៊ី ក៏ត្រូវបានព្យាករថានឹងធ្លាក់ចុះយ៉ាងខ្លាំងផងដែរ ដោយសារតែផលប៉ះពាល់នៃបាតុភូតរាំងស្ងួត El Nino៕

The post វៀតណាម រំពឹងខ្ពស់ថាការនាំចេញម្រេចរបស់ខ្លួន អាចឈានដល់តម្លៃជាង ១ពាន់លានដុល្លារ appeared first on .

របាយការណ៍របស់គម្រោងពិពិធកម្មកសិកម្មកម្ពុជា បានឱ្យដឹងថា ការចុះហត្ថលេខាលើកិច្ចព្រមព្រៀងនេះក្នុងគោលបំណងពង្រីកខ្សែច្រវាក់ផលិតកម្មម្រេចសរីរាង្គ ហើយក៏ជាផ្នែកមួយដើម្បីដោះស្រាយបញ្ហាមួយចំនួនដែលសហគមន៍កំពុងជួបប្រទះមានដូចជា ការខ្វះខាតបច្ចេកទេស និងនវានុវត្តន៍ទំនើបជួយដល់ការបង្កើនផលិតកម្មម្រេចសរីរាង្គ,មិនទាន់មានទុនគ្រប់គ្រាន់សម្រាប់ពង្រីកអាជីវកម្មឆ្លើយតបទៅនឹងតម្រូវការទីផ្សារ,ខ្វះសម្ភារៈផ្លូវដឹកជញ្ជូនកសិផលម្រេចចេញពីទីតាំងចំការទៅផ្លូវជាតិ។

តាមរយៈកិច្ចព្រមព្រៀងនេះដែរ សហគមន៍កសិកម្មម្រេចសរីរាង្គមណ្ឌលគីរី ក៏មានផែនការធុរកិច្ចជាក់លាក់ចំនួន៣ ទី១)លើកកម្ពស់ការចូលរួមរបស់សមាជិកសហគមន៍ជាផលិតករឱ្យទទួលបាននូវការគាំទ្រទាំងទុនវិនិយោគ និងមានស្ថេរភាពផ្នែកទីផ្សារ,ទី២)ពង្រីកបរិមាណលក់ម្រេចសរីរាង្គឱ្យបានពី១០០តោននៅឆ្នាំ២០២៣ និងកើនដល់១១០តោន នៅឆ្នាំ២០២៤ និងនៅឆ្នាំ២០២៥ ចំនួន១២០តោន និងបង្កើតឱកាសការងារ១៦នាក់កម្រិតសហគមន៍និង២២នាក់កម្រិតកសិដ្ឋាន ចូលរួមកាត់បន្ថយភាពក្រីក្រលើកកម្ពស់អាហារូបត្ថម្ភ និងលប់បំបាត់វិសមភាពភាពយេនឌ័រក្នុងសហគមន៍ផងដែរ។

សូមបញ្ចាក់ថា មកទល់បច្ចុប្បន្ននេះ មានសហគមន៍កសិកម្មកម្ពុជា១៩ ហើយដែលបានសម្រេចផ្តល់ហិរញ្ញប្បទានឥតសំណងបំពេញបន្ថែមទុនវិនិយោគ។

តាមរបាយការណ៍សហគមន៍ម្រេចសរីរាង្គបានឱ្យដឹងថា សហគមន៍មានសមាជិកជាង២០គ្រួសារ មានផ្ទៃដីដាំដុះម្រេចសរីរាង្គជាង៥៥ហិកតា៕

The post សហគមន៍កសិកម្មម្រេចសរីរាង្គមណ្ឌលគីរី ទទួលបានហិរញ្ញប្បទានឥតសំណងប្រមាណជាង៥៤លានដុល្លារ ពីគម្រោងពិពិធកម្មកសិកម្មកម្ពុជា appeared first on .

យ៉ាងណាមិញ យោងតាមអគ្គនាយកដ្ឋានគយវៀតណាមបានអោយដឹងថា ដោយសារតែតម្រូវការពិភពលោកកាន់តែទាប នាំអោយតម្លៃម្រេចជាមធ្យមមានតម្លៃ ៣១៨៤ដុល្លារក្នុងមួយតោន ធ្លាក់ចុះ ២៩,៧ភាគរយបើធៀបនឹងឆ្នាំមុន ។

ជាមួយគ្នានោះ ការនាំចេញផលិតផលសម្រេចទៅកាន់ សហរដ្ឋអាមេរិក អារ៉ាប់រួម ឥណ្ឌា អាឡឺម៉ង់ ហូឡង់ ចក្រភពអង់គ្លេស និងកូរ៉េខាងត្បូងធ្លាក់ចុះប្រមាណពី ២០ទៅ៧០% ។

សូមជម្រាបផងដែរថា បច្ចុប្បន្នតម្លៃម្រេចខ្មៅក្នុងប្រទេសវៀតណាមមានតម្លៃចន្លោះពី ៦៧,០០០ដុង ទៅ ៦៩,០០០ដុង (២,៨ដុល្លារអាមេរិក ទៅ ២,៩ដុល្លារអាមេរិក) ដោយតម្លៃនេះមានការធ្លាក់ចុះពីឆ្នាំមុន ប្រមាណ ៣,០០០ដុង ទៅ ៥,០០០ដុង ចំណែកម្រេចសរវិញ មានតម្លៃ ១០៣,០០០ដុង ធ្លាក់ចុះប្រមាណ ៦,០០០ដុង៕

The post ម្រេចវៀតណាមធ្លាក់ថ្លៃ តែការនាំចេញបែរជាកើនឡើង appeared first on .

លោក ងួន ឡាយ ប្រធានសមាគមម្រេចកំពត យល់ឃើញថា ចិនអនុញ្ញាតឱ្យម្រេចដែលបានដំាដុះនៅតំបន់ផ្សេងអាចនាំចេញទៅទីផ្សារប្រទេសចិន នៅពេលខាងមុខនេះ យើងទុកជាជោគជ័យហើយសម្រាប់កសិករ ដែលកាលពីមុនថា យើងមានទីផ្សារនំាចេញទៅវៀតណាម តែដល់ពេលនេះ ចិនបើកចំហរឱ្យនាំចេញទៅចិនបាន មានន័យថា ជាជោគជ័យមួយរបស់កសិករដំាម្រេច ដូចនៅខេត្តរតនគិរី, មេមត់ កំពង់ចាមជាដើម ។

បើតាមប្រធានសមាគមខាងលើ ក្រៅពីសម្តែងការរីករាយសប្បាយចំពោះប្រជាកសិករដំាម្រេច នៅក្នុងស្រុក មានទីផ្សារនៅប្រទេសចិន កសិករអាចពង្រីកការដំាដុះម្រេចបន្ថែម ព្រោះវាជួយឱ្យជីវភាពកសិករប្រែប្រួលលឿនពេលមានទីផ្សារល្អ ទោះបីតម្លៃម្រេចដាំដុះនៅតំបន់ផ្សេងលក់មិនបានថ្លៃដូចម្រេចកំពតក៏ដោយ។

លោក ងួន ឡាយ មានប្រសាសន៍ថា «ការពិតខ្ញុំរីករាយសប្បាយ ដោយសារទីផ្សារប្រទេសចិនទទួលយកម្រេចកម្ពុជា ហើយចិនក៏ជាអ្នកធ្វើពាណិជ្ជកម្មធំនៅលើពិភពលោក ។ដូច្នេះយើងសង្ឃឹមថា យើងនឹងមានទីផ្សារសម្រាប់កសិករដំាដុះម្រេចនៅកម្ពុជា។ ឥលូវនេះភាពជោគជ័យសម្រាប់កសិករដំាម្រេចបានរំកិលមកដល់ ហើយយើងត្រូវតែពង្រឹង និងពង្រីកការដាំដុះ ដើម្បីឆ្លើយតបទៅនិងតម្រូវការទីផ្សារចិន»។

លោក វ៉ន វណ្ណាល់ នាយកប្រតិបត្តិនៃសហព័ន្ធម្រេច និងគ្រឿងទេសកម្ពុជា បានឱ្យដឹងថា ក្នុងនាមសហព័ន្ធដែលតំណាងឱ្យវិស័យម្រេចកម្ពុជា ពិតជាមានសេចក្តីសោមនសរីករាយ ដែលបង្ហាញឱ្យឃើញថា រាជរដ្ឋភិបាល, ក្រសួងកសិកម្ម និងក្រសួងពាណិជ្ជកម្ម ពិតជាមានការប្រឹងប្រែងយ៉ាងខ្លាំង និងប្រឹងប្រែងពិតប្រាកដ ក្នុងការលើកស្ទួយវិស័យម្រេចកម្ពុជា តាមរយៈកិច្ចសម្របសម្រួលពាណិជ្ជកម្មទ្វេភាគី (Bilateral Agreement) រវាងកម្ពុជា-ចិន។ ភាពជោគជ័យនេះ ឆ្លុះបញ្ចាំងឱ្យឃើញពីការយកចិត្តទុកដាក់របស់រាជរដ្ឋាភិបាលកម្ពុជា ក្នុងការលើកស្ទួយជីវភាពប្រជាកសិករ សុខមាលភាពប្រជាជន ព្រមទាំងការអភិវឌ្ឍនសេដ្ឋកិច្ចជាតិ តាមរយៈជម្រុញការនាំចេញផលិតផលម្រេចទៅកាន់ទីផ្សារប្រទេសចិន។

សហព័ន្ធម្រេចកម្ពុជា បានសម្របសម្រួលសមាជិករបស់ខ្លួនរួមមាន ចំការម្រេច និងសហគ្រាសកែច្នៃ ក្នុងនោះរួមមាន ក្រុមហ៊ុនកែច្នៃចំនួន៥ និងកសិដ្ឋានម្រេចចំនួន៨ កន្លែងដែលបានជាប់ក្នុងបញ្ជីកសិដ្ឋាន និងក្រុមហ៊ុនកែច្នៃដែលអាចផ្គត់ផ្គង់ទៅទីផ្សារប្រទេសចិន។

លោកសង្កត់ធ្ងន់ថា «សហព័ន្ធម្រេច ពិតជាមានសុទិដ្ឋិនិយមចំពោះសមិទ្ធិផលនៃកិច្ចសម្របសម្រួលពាណិជ្ជកម្មរបស់រាជរដ្ឋាភិបាលថា ពិតជាធ្វើឱ្យមានកាលានុវត្តភាពទីផ្សារម្រេចកម្ពុជា បានធំទូលាយ ធ្វើឱ្យការជួញដូរម្រេចមានជម្រើសកាន់តែច្រើន។ ភាពជោគជ័យនេះនឹងបង្កើតឱ្យមានភាពប្រាកដប្រជាកាន់តែខ្លាំង រវាងផលិតករ និងក្រុមហ៊ុនកែច្នៃ រវាងក្រុមហ៊ុនកែច្នៃ និងក្រុមហ៊ុននាំចេញ តាមរយៈកិច្ចសន្យាផលិតកម្មកសិកម្ម ឬកិច្ចសន្យាអាជីវកម្មជាដើម»។

លោក លើកឡើងថា សហព័ន្ធម្រេច នឹងបន្តធ្វើការយ៉ាងជិតស្និទ្ធ ជាមួយរាជរដ្ឋាភិបាល ជាពិសេសក្រសួងកសិកម្មដើម្បីបន្តគៀងគរកសិករម្រេច និងសហគ្រាសកែច្នៃ ឱ្យចុះបញ្ជីបានកាន់តែច្រើន ដើម្បីពង្រីកសក្តានុពលទីផ្សារនាំចេញរបស់កម្ពុជា។ លើសពីនេះ គោលនយោបាយលើកទឹកចិត្តដល់វិស័យម្រេច ក៏ជាយុទ្ធសាស្រ្តដែលរដ្ឋាភិបាលបាននឹងកំពុងយកចិត្តទុកដាក់រៀបចំ ដើម្បីជាឧត្តមប្រយោជន៍សម្រាប់ខ្សែសង្វាក់តម្លៃ ដែលមានកសិករម្រេច សហគ្រាសកែច្នៃ ក្រុមហ៊ុននាំចេញ វិនិយោគទុនជាតិ និងអន្តរជាតិ វាក៏ជាកិច្ចការអាទិភាពដែលសហព័ន្ធម្រេចបានកំណត់។

យោងតាមស្ថានទូតចិនប្រចំាកម្ពជាកាលថ្មីៗនេះ បានបង្ហាញថា ទីតាំងដាំម្រេចចំនួន២៨កន្លែងនិងរោងចក្រវេចខ្ចប់ចំនួន៧កន្លែង ត្រូវបានចុះបញ្ជី និងទទួលបានការអនុញ្ញាតពីភាគីចិនក្នុងការនាំចេញ។ដើម្បីពន្លឿនការអនុវត្តពិធីសារស្តីពីលក្ខខណ្ឌតម្រូវភូតគាមអនាម័យសម្រាប់ការនាំចេញម្រេចពីកម្ពុជាទៅប្រទេសចិន ដែលបានចុះហត្ថលេខារួមគ្នារវាងភាគីទាំងពីរ ចិននិងកម្ពុជា កាលពីខែវិច្ឆិកាឆ្នាំ២០២២ រដ្ឋបាលគយ ស្ថានទូតចិនប្រចាំកម្ពុជា និងក្រសួងកសិកម្ មរុក្ខាប្រមាញ់ និងនេសាទកម្ពុជា កាលពីថ្ងៃទី១០-១១ខែមេសាថ្មីៗនេះ បានធ្វើការពិនិត្យទីតាំងដាំម្រេច និងរោងចក្រវេចខ្ចប់ម្រេច ដោយតាមរយៈVideo Conference។

គួរឱ្យដឹងផងដែរថា ដំណាំម្រេចគឺជាកសិផលដំបូងគេរបស់កម្ពុជា ដែលត្រូវបានអនុញ្ញាតឱ្យនាំចេញទៅប្រទេសចិន ក្នុងឆ្នាំ២០២៣នេះ ហើយក៏ជាដំណាំគ្រឿងទេសដំបូងគេ ដែលត្រូវបានអនុញ្ញាតឱ្យនាំចេញទៅកាន់ទីផ្សារចិនផងដែរ៕

អត្ថបទ៖សារេត

The post កសិករដំាម្រេចនៅតាមតំបន់ ក្រៅពីខេត្តកំពត ចាប់ផ្តើមទទួលបានជោគជ័យ សម្រាប់ទីផ្សារប្រទេសចិន appeared first on .