នៅលើទំព័រហ្វេសប៊ុក ឯកឧត្តម វ៉ី សំណាង បានលើកឡើងថា៖ “ជើងទីមួយ នៃព្រលានយន្តហោះអន្តរជាតិ តេជោក្រុងតាខ្មៅ ( TIA )។ ថ្ងៃទី១៥ ខែតុលា ឆ្នាំ២០២៥ ខ្ញុំ បានដឹកនាំគណៈប្រតិភូខេត្តតាកែវ ទៅចូលរួមកិច្ចប្រជុំ សមាគមព្រែកជីកពិភពលោក នៅក្រុងយ៉ាងចូវ ខេត្តជាងស៊ូ ប្រទេសចិន នឹងបន្តទៅទីក្រុងហ្ស៊ាមែន ខេត្តហ្វូចៀន ដើម្បីទស្សនកិច្ច ប្រព័ន្ធចម្រោះទឹកកខ្វក់ វិស័យកសិកម្ម ការចិញ្ចឹមសត្វ វារីវប្បកម្ម វិស័យរ៉ែ និងបង្ហាញអំពីសក្តានុពលរបស់ខេត្តតាកែវ ដល់អ្នកវិនិយោគជនជាតិចិន”។

សូមជម្រាបថា ឯកឧត្តម វ៉ី សំណាង ឋានន្តរស័ក្តិ ឧត្តមមន្ត្រី ថ្នាក់លេខ១ (ខ្ពស់ផុតលេខ) ត្រូវបានព្រះមហាក្សត្រ ចេញ ព្រះរាជក្រឹត្យផ្ទេរ និងតែងតាំងមុខតំណែង ពីអភិបាលនៃ គណៈអភិបាលខេត្តកំពង់ស្ពឺ មកជា អភិបាលនៃគណៈអភិបាល ខេត្តតាកែវ កាលពីថ្ងៃទី២៤ ខែមិថុនា ឆ្នាំ២០២៤។ ក្រោយកាន់តំណែងជាអភិបាលខេត្តថ្មីនេះ ឯកឧត្តម តែងតែខិតខំទាក់ទាញអ្នកវិនិយោគិន មកកាន់ខេត្តតាកែវ ដើម្បីអភិវឌ្ឍសេដ្ឋកិច្ចក្នុងមូលដ្ឋានខេត្តនេះ ឱ្យកាន់តែរីកចម្រើន៕

The post ឯកឧត្តម វ៉ី សំណាង ដឹកនាំគណៈប្រតិភូរដ្ឋបាលខេត្តតាកែវ ទៅបំពេញទស្សនកិច្ចនៅប្រទេសចិន ដើម្បីចូលរួមកិច្ចប្រជុំ សមាគមព្រែកជីកពិភពលោក appeared first on .

ឯកឧត្តម វ៉ី សំណាង អភិបាលខេត្ត បានឱ្យដឹងថា របងថ្មដែលមានប្រវែង ១១៩ម៉ែត្រ គឺសាងសង់ដោយទុកចំណីស្ទឹង បួនម៉ែត្រ កន្លែងខ្លះ ១៨ម៉ែត្រ ដែលក្នុងច្បាប់បានកំណត់ឱ្យរក្សាទុកចំណីស្ទឹង ៣០ម៉ែត្រ (ម្ចាស់សំណង់បានបញ្ជាក់ថា ខ្លួនសាងសង់តាមប័ណ្ណដី ដែលគាត់បានទិញ)។

ឯកឧត្តមអភិបាលខេត្ត បានបន្ថែមថា ចំណុចនេះគឺជាកំហុសរបស់ក្រុមមន្ត្រីបច្ចេកទេស ដែលមានសមត្ថកិច្ច នៅក្នុងការកសាងប័ណ្ណ (ក្រុមវាល ដែលរួមមាន៖ មេភូមិ មេឃុំ តំណាងចាស់ព្រឹទ្ធាចារ្យក្នុងភូមិ ភូមិបាលស្រុក គណៈកម្មាធិការរដ្ឋបាលថ្នាក់ស្រុក និងគណៈកម្មាធិការរដ្ឋបាលថ្នាក់ខេត្ត)។ ចំពោះវិធានការចំពោះមុខ ឯកឧត្តម អភិបាល បានឱ្យក្រុមហ៊ុ វាយរបងមួយចំណែក ដែលប៉ះពាល់ដល់ចំណីស្ទឹងប្រវែង ១១៩ម៉ែត្រ នោះចេញ៕

The post អភិបាលខេត្តតាកែវ ទុករយៈពេល ១៤ថ្ងៃ ឱ្យរុះរើរបងចេញប្រវែង ១១៩ម៉ែត្រ ដែលសាងសង់ប៉ះពាល់ចំណី ស្ទឹងស្លាគូរ ស្រុកត្រាំកក់ appeared first on .

ក្នុងឱកាសនោះ ឯកឧត្តម វុី សំណាង បានថ្លែងកោតសរសើរយ៉ាងខ្លាំងចំពោះកសិដ្ឋានគីរីសួគ៌ ដែលប្រើប្រាស់ បច្ចេកទេសកសិកម្មទំនើបក្នុងការចិញ្ចឹមគោ និងផលិតទឹកដោះគោស្រស់។

ឯកឧត្តមបានគូសបញ្ជាក់ថា៖ «ក្នុងពេលបច្ចុប្បន្ននេះ បញ្ហាសង្គ្រាមឈ្លានពាន និងការបិទព្រំដែនដោយ ឯកតោ ភាគីពីយោធាថៃ គឺជាឱកាសមាស សម្រាប់ពាណិជ្ជករក្នុងស្រុកបង្កើនការផលិតទំនិញ សម្រាប់ផ្គត់ផ្គង់ ទីផ្សារ ជាតិ»។ ទោះជាយ៉ាងណា ឯកឧត្តមក៏បានសង្កត់ធ្ងន់ដែរថា ការផលិតត្រូវតែមាន គុណភាពខ្ពស់ និងតម្លៃសមរម្យ។ ឯកឧត្តមក៏បានអំពាវនាវដល់ប្រជាពលរដ្ឋខ្មែរបន្តធ្វើ ពហិការមិនប្រើប្រាស់ទំនិញរបស់សៀម ហើយបែរមកគាំទ្រផលិតផលក្នុងស្រុកឱ្យបានផុលផុស ដើម្បីលើកស្ទួយសេដ្ឋកិច្ចជាតិ។

បើតាមការបញ្ជាក់ពី លោក ឈរ រិទ្ធី នាយកប្រតិបត្តិក្រុមហ៊ុន Khmer Fresh Milk បានឱ្យដឹងថា បច្ចុប្បន្នកសិដ្ឋានគិរីសួគ៌មានសមត្ថភាពផលិតទឹកដោះគោស្រស់ចន្លោះពី ១២,០០០ ទៅ ១៥,០០០ លីត្រក្នុងមួយថ្ងៃ ដែលផ្គត់ផ្គង់បានប្រមាណ ២០% នៃចំណែកទីផ្សារកម្ពុជា។

លោកបានបង្ហាញសញ្ញាណៃភាពរីកចម្រើនយ៉ាងឆាប់រហ័សថា៖ «បច្ចុប្បន្ននេះ ផលិតផលទឹកដោះគោស្រស់គិរីសួគ៌ លក់សឹងមិនទាន់តម្រូវការទីផ្សារ ដោយយើងលក់អស់ពីស្តុកត្រឹមតែរយៈពេល ១ ម៉ោង ប៉ុណ្ណោះ មិនដូចកាលពីមុនដែលត្រូវចំណាយពេល ៣ ថ្ងៃទើបលក់អស់»។ នេះសបញ្ជាក់ឱ្យឃើញច្បាស់ថា ប្រជាពលរដ្ឋខ្មែរកំពុងតែងាកមកគាំទ្រផលិតផលក្នុងស្រុកកាន់តែច្រើនឡើង។

លោក ឈរ រិទ្ធី បញ្ជាក់បន្ថែមថា កសិដ្ឋានគិរីសួគ៌គឺជាកសិដ្ឋានខ្នាតធំថ្នាក់ជាតិដំបូងគេនៅកម្ពុជា ដែលមានសង្វាក់ផលិតកម្មទំនើប អាចផលិតទឹកដោះគោសុទ្ធស្រស់ប្រកបដោយគុណភាពខ្ពស់ និងជំនួយផ្នែកអាហារូបត្ថម្ភ។ បច្ចុប្បន្នកសិដ្ឋានគិរីសួគ៌មានគោសរុបជាង ១,០០០ ក្បាល និងមានគម្រោងពង្រីកចំនួនគោយកទឹកដោះឱ្យដល់ ៣,០០០ ក្បាល ដើម្បីបង្កើនផលិតកម្ម និងផលិតទឹកដោះគោវេចខ្ចប់ជាកញ្ចប់តូចៗសម្រាប់ផ្គត់ផ្គង់នៅតាមសាលារៀនផងដែរ។ កសិដ្ឋានដែលមានរោងចក្រកែច្នៃទឹកដោះគោ និងយ៉ាអួរប្រើប្រាស់បច្ចេកវិទ្យាខ្ពស់នេះ ដំណើរការលើផ្ទៃដីសរុបចំនួន ៣០០ ហិកតា៕

The post អភិបាលខេត្តតាកែវ សរសើរកសិដ្ឋានគីរីសួគ៌! ចាត់ទុកបញ្ហាបិទព្រំដែនកម្ពុជា-ថៃ ជា “ឱកាសមាស” សម្រាប់បង្កើនការគាំទ្រផលិតផលទឹកដោះគោស្រស់ក្នុងស្រុក appeared first on .

ការលើកឡើងរបស់ឯកឧត្តមអភិបាលខេត្តខាងលើនេះ គឺក្នុងឱកាសដែលឯកឧត្តមអញ្ជើញកាត់វិញ្ញាសាប្រឡងចូលក្របខណ្ឌមន្ត្រីពន្ធនាគារ នៅព្រឹកថ្ងៃអាទិត្យ ទី២៤ ខែសីហា ឆ្នាំ២០២៥ នៅវិទ្យាល័យជាស៊ីមតាកែវ ខេត្តតាកែវ។

ឯកឧត្តម វ៉ី សំណាង បានបញ្ជាក់យ៉ាងច្បាស់ៗថា៖ «អ្នកដែលប្រឡងជាប់ គឺជាប់ដោយគ្មានខ្សែឬមានខ្នងអ្នកណាឡើយ។ យើងធានាថាការប្រឡងនេះនឹងប្រព្រឹត្តទៅដោយស្មើភាព តម្លាភាព និងយុត្តិធម៌ ដើម្បីជ្រើសរើសបានធនធានមនុស្សពិតប្រាកដសម្រាប់បម្រើការងារជូនជាតិ»។

ឯកឧត្តមអភិបាលខេត្តតាកែវ បានបន្ថែមទៀតថា ការប្រឡងនេះគឺធ្វើឡើងដើម្បី ជ្រើសរើសយកតែអ្នកដែលមានចំណេះដឹង និងសមត្ថភាពពិតប្រាកដ មិនមែនជ្រើសរើសយកអ្នកដែលមានខ្នងបង្អែកនោះទេ។

សូមជម្រាបថា មានបេក្ខជនសរុបចំនួន ៦៣៧ នាក់មកពីខេត្តកំពង់ស្ពឺ ខេត្តកំពត និងខេត្តតាកែវ បានដាក់ពាក្យចូលរួមប្រឡងប្រជែងចូលក្របខណ្ឌមន្ត្រីពន្ធនាគារខេត្តតាកែវក្នុងឆ្នាំ២០២៥នេះ។ ដំណើរការប្រឡងត្រូវបានរៀបចំឡើងយ៉ាងយកចិត្តទុកដាក់ខ្ពស់ ដើម្បីធានាបាននូវប្រសិទ្ធភាព និងភាពត្រឹមត្រូវនៃការជ្រើសរើស៕

The post អភិបាលខេត្តតាកែវ ប្រាប់បេក្ខជនប្រឡងចូលធ្វើមន្រ្តីពន្ធនាគារ ថាការប្រឡងពឹងផ្អែកទាំងស្រុងលើសមត្ថភាពផ្ទាល់ខ្លួន អ្នកចេះគឺជាប់ appeared first on .

កិច្ចប្រជុំដ៏សំខាន់នេះ ប្រព្រឹត្តទៅក្រោមអធិបតីភាពដ៏ខ្ពង់ខ្ពស់ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ នៅបន្ទប់ព្រះវិហារ ទីស្តីការក្រសួងវប្បធម៌ និងវិចិត្រសិល្បៈ រាជធានីភ្នំពេញ។

បើតាមរដ្ឋបាលខេត្តតាកែវ បានឱ្យដឹងថា ការចូលរួមរបស់ឯកឧត្តមអភិបាលខេត្តតាកែវ និងក្រុមការងារ ឆ្លុះបញ្ចាំងពីការយកចិត្តទុកដាក់ខ្ពស់របស់រដ្ឋបាលខេត្ត ក្នុងការជំរុញកិច្ចការដ៏មានសារៈសំខាន់នេះ ដើម្បីលើកកិត្យានុភាព និងតម្លៃជាសកលនៃបេតិកភណ្ឌវប្បធម៌ដ៏បូរាណរបស់កម្ពុជា។

សូមជម្រាបថា ស្ថានីយបូរាណអង្គរបូរី និងភ្នំដា ជាទីតាំងប្រវត្តិសាស្ត្រដ៏សំខាន់មួយ ដែលបង្ហាញពីភាពរុងរឿងនៃអរិយធម៌ខ្មែរនាសម័យបុរាណ ហើយការដាក់បញ្ចូលទៅក្នុងបញ្ជីបេតិកភណ្ឌពិភពលោក នឹងនាំមកនូវផលប្រយោជន៍យ៉ាងធំធេង សម្រាប់ការអភិរក្ស ការស្រាវជ្រាវ និងការអភិវឌ្ឍន៍វិស័យទេសចរណ៍ប្រកបដោយនិរន្តរភាព៕

The post អភិបាលខេត្តតាកែវ ចូលរួមកិច្ចប្រជុំជំរុញការដាក់បញ្ចូលស្ថានីយបូរាណអង្គរបូរី និងភ្នំដា ទៅក្នុងបញ្ជីបេតិកភណ្ឌពិភពលោក appeared first on .

ទីតាំងរៀបចំប្រារព្ធពិធីបុណ្យទន្លេលើកទី៩ ឆ្នាំ២០២៥នេះ ត្រូវបានប្រាព្វធ្វើឡើងនៅសួនច្បារ មាត់បឹងតាកែវ ក្រុងដូនកែវ។ ថ្មីៗនេះ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ ក៏បានចុះណែនាំដល់ អាជ្ញាធរពាក់ព័ន្ធ ជាពិសេសមន្រ្តីជំនាញឱ្យពន្លឿន នៃការរៀបចំទីតាំង សម្រាប់ប្រារព្ធពិធីបុណ្យទន្លេអោយបានឆាប់រហ័ស និងមានសន្តិសុខសណ្ដាប់ធ្នាប់ល្អ ស្អាត មានអនាម័យ និងមានសោភ័ណ្ឌភាពល្អស្អាត ស័ក្តិសមជាមហាកិត្តិយស ដែលខេត្តតាកែវ មានភ័ព្វសំណាងបានធ្វើជា ម្ចាស់ផ្ទះ នៃការរៀបចំពិធីបុណ្យថ្នាក់ជាតិដ៏មានអត្ថន័យមួយនេះ។

សូមជម្រាបថា ពិធីបុណ្យទន្លេឆ្នាំ២០២៥នេះ ក្រសួងទេសចរណ៍ និង រដ្ឋបាលខេត្តតាកែវ បានរៀបចំកីឡា ១០ប្រភេទ សម្រាប់ឱ្យមហាជន ចូលរួមលេងកម្សាន្ត រួមមាន៖ ១/ កីឡា ជិះកង់ ចម្ងាយ ៧៥គីឡូម៉ែត្រ ភ្នំពេញ-តាកែវ, ២/ កីឡា រត់កម្សាន្តមហាជន ១២០០នាក់, ៣/ កីឡា អុកចត្រង្គ មហាជន, ៤/ កីឡា កម្សាន្ត រែក បាយខុម លោតម៉ឹក, ៥/ កីឡា បាល់ទះ មហាជន, ៦/ កីឡា ប៉ូល (បេតង់) មហាជន, ៧/ កីឡា ទូក កានូ កាយ៉ាក មហាជន, ៨/ ការបង្ហោះគោមរួមគ្នា ៥០០គោម, ៩/ កីឡា គុនខ្មែរ, ១០/ កីឡា សម្ដែង ប៉ារ៉ាប៉ូទ័រ៕ 

The post អបអរសាទរ ពិធីបុណ្យទន្លេលើកទី៩ នៅខេត្តតាកែវ ចាប់ផ្តើមជាផ្លូវការ ចាប់ពីព្រឹកនេះតទៅ appeared first on .

បើតាមរដ្ឋបាលខេត្តតាកែវ បានឱ្យដឹងថា ក្នុងឱកាសនោះដែរ ឯកឧត្តមអភិបាលខេត្ត បានណែនាំដល់ អាជ្ញាធរពាក់ព័ន្ធ ជាពិសេសមន្រ្តីជំនាញ ត្រូវពន្លឿន នៃការរៀបចំទីតាំង សម្រាប់ប្រារព្ធពិធីបុណ្យទន្លេអោយបានឆាប់រហ័ស និងមានសន្តិសុខសណ្ដាប់ធ្នាប់ល្អ ស្អាត មានអនាម័យ និងមានសោភ័ណ្ឌភាពល្អស្អាត សាកសមជាមហាកិត្តិយស ដែលខេត្តតាកែវ មានភ័ព្វសំណាងបានធ្វើជា ម្ចាស់ផ្ទះ នៃការរៀបចំពិធីបុណ្យថ្នាក់ជាតិដ៏មានអត្ថន័យមួយនេះ។

ក្រសួងទេសចរណ៍ និង រដ្ឋបាលខេត្តតាកែវ ក៏បានរៀបចំកីឡា ១០ប្រភេទ សម្រាប់ឱ្យមហាជន ចូលរួមលេងកម្សាន្ត រួមមាន៖ ១/ កីឡា ជិះកង់ ចម្ងាយ ៧៥គីឡូម៉ែត្រ ភ្នំពេញ-តាកែវ, ២/ កីឡា រត់កម្សាន្តមហាជន ១២០០នាក់, ៣/ កីឡា អុកចត្រង្គ មហាជន, ៤/ កីឡា កម្សាន្ត រែក បាយខុម លោតម៉ឹក, ៥/ កីឡា បាល់ទះ មហាជន, ៦/ កីឡា ប៉ូល (បេតង់) មហាជន, ៧/ កីឡា ទូក កានូ កាយ៉ាក មហាជន, ៨/ ការបង្ហោះគោមរួមគ្នា ៥០០គោម, ៩/ កីឡា គុនខ្មែរ, ១០/ កីឡា សម្ដែង ប៉ារ៉ាប៉ូទ័រ។

សូមជម្រាបជូនដែរថា ព្រឹត្តិការណ៍បុណ្យទន្លេលើកទី០៩ នៅខេត្តតាកែវ ក្រោមប្រធានបទ «គុណតម្លៃនៃទន្លេ ផ្សារភ្ជាប់វប្បធម៌ និងទេសចរណ៍ធម្មជាតិ» នឹងរៀបចំឡើងនៅថ្ងៃ ២១ ២២ និងថ្ងៃទី២៣ ខែមីនា ឆ្នាំ២០២៥ ខាងមុខនេះ៕

The post ឯកឧត្តម វ៉ី សំណាង អភិបាលខេត្តតាកែវ ចុះពិនិត្យមើលទីតាំងរៀបចំប្រារព្ធពិធីបុណ្យទន្លេលើកទី៩ ឆ្នាំ២០២៥ នៅសួនច្បារមាត់បឹងតាកែវ appeared first on .

បើតាមរដ្ឋបាលខេត្តតាកែវ បានឱ្យដឹងថា ព្រឹត្តិការណ៍សេរីភាពជិះកង់កម្សាន្ត ចម្ងាយ ៧៥គីឡូម៉ែត្រនេះ ត្រូវចេញដំណើរពីទីស្តីការក្រសួងទេសចរណ៍ចាប់ពីវេលាម៉ោង៥:០០នាទីព្រឹក ឆ្ពោះទៅកាន់ទីរួមខេត្តតាកែវ ក្នុងគោលបំណងចូលរួមផ្សព្វផ្សាយតំបន់គោលដៅ និងសន្តានុពលទេសចរណ៍ខេត្តតាកែវ និងដើម្បីចូលរួមអបអរសាទរទិវានារីអន្តរជាតិ៨មីនា ឆ្នាំ២០២៥។

ព្រឹត្តិការណ៍សេរីភាពជិះកង់កម្សាន្ត ចេញពីទីស្តីការក្រសួងទេសចរណ៍នេះ មុននឹងមកដល់ទីរួមខេត្តតាកែវ ក្រុមជិះកង់នឹងជិះទៅទស្សនាប្រាសាទតាព្រហ្ម ដែលស្ថិតនៅភូមិថ្នល់ទក្សិណ ឃុំក្រាំងធ្នង់ ស្រុកបាទី ដែលមានចម្ងាយ៣៤គីឡូម៉ែត្រពីរាជធានីភ្នំពេញ តាមផ្លូវជាតិលេខ២ និងចូលរួមឧបត្ថម្ភសម្ភារៈសិក្សាដល់សិក្សានុសិស្សនៅស្រុកបាទីផងដែរ ហើយជិះមកដល់ទីរួមខេត្តតាកែវ រដ្ឋបាលខេត្ត ក្រោមវត្តមានឯកឧត្តម វ៉ី សំណាង អភិបាលខេត្ត និងគណៈប្រតិភូ បានរង់ចាំទទួលស្វាគមន៍ក្បួនជិះកង់ នៅឯសួនច្បារមាត់បឹងតាកែវ ព្រមទាំងបានផ្តល់ជូនក្រមាម្នាក់មួយទុកជាអនុស្សាវរីយ៍ និងរៀបចំអាហារដោយបបរបង្កង និងពងទាកូន ដែលជាម្ហូបដ៏ល្បីប្រចាំខេត្តតាកែវ។

សូមជម្រាបថា ក្រសួងទេសចរណ៍ សហការជាមួយរដ្ឋបាលខេត្តតាកែវ បានរៀបចំកីឡាចំនួន ១០ប្រភេទ សម្រាប់អបអរសាទរ ព្រឹត្តិការណ៍បុណ្យទន្លេលើកទី៩ ឆ្នាំ២០២៥ ដែលខេត្តតាកែវធ្វើជាម្ចាស់ផ្ទះរៀបចំ នាថ្ងៃទី ២១-២២-២៣ ខែមីនា ឆ្នាំ២០២៥ នៅសួនច្បារមាត់បឹងតាកែវ ដោយក្នុងនោះរួមមាន កីឡាជិះកង់ចម្ងាយ ៧៥គីឡូម៉ែត្រ ភ្នំពេញ-តាកែវ ផងដែរ៕

The post រដ្ឋបាលខេត្តតាកែវ ទទួលស្វាគមន៍ប្រតិភូជាង ៣០០កង់ ធ្វើដំណើរប្រវែង ៧៥គីឡូម៉ែត្រ មកពីរាជធានីភ្នំពេញ appeared first on .

លោក វ៉ី សំណាង ឋានន្តរស័ក្តិ​ឧត្តមមន្ត្រី ថ្នាក់លេខ១ (ខ្ពស់ផុតលេខ) ​​ត្រូវបាន​ព្រះមហាក្សត្រ​ចេញ​ព្រះរាជក្រឹត្យ ផ្ទេរ​និង​តែងតាំង​មុខតំណែង​ ពី​អភិបាល​នៃ​គណៈអភិបាលខេត្តកំពង់ស្ពឺ មក​ជា អភិបាល​នៃ​គណៈអភិបាល​ខេត្តតាកែវ ​​កាលពី​ថ្ងៃទី២៤ ខែមិថុនា ឆ្នាំ២០២៤។ រីឯ​​លោក អ៊ួច ភា អភិបាលខេត្តតាកែវ​ ត្រូវបាន​តែងតាំង​មុខ​តំណែង​ថ្មី​​ជា រដ្ឋលេខាធិការក្រសួងមហាផ្ទៃ។

លោក វ៉ី សំណាង បច្ចុប្បន្នវ័យ ៥០ឆ្នាំ បាន​ចាប់កំណើត​​នៅ​ឆ្នាំ​ ១៩៧៤ ក្នុង​ត្រកូល​មន្ត្រីរាជការ​មួយ​ក្នុង​ភូមិ​ព្រៃ​ផ្តៅ ឃុំ​កញ្ជ្រៀច ស្រុក​កញ្ជ្រៀច ខេត្ត​ព្រៃវែង។ កាល​ពី​នៅ​តូច​ស្ថានភាព​ប្រទេស​ជាតិ​មាន​ភាព​អសន្តិសុខ លោក​ត្រូវ​ផ្លាស់​ទី​ចុះ​ឡើងៗ​ពី​ស្រុក​កំណើត​នៅ​ខេត្ត​ព្រៃវែង​ទៅ​ខេត្ត​កំពង់ធំ។ លោកបាន​បញ្ចប់​ថ្នាក់​បាក់ឌុប​នៅ​អំឡុង​ឆ្នាំ១៩៩១ នៅ​ខេត្ត​កំពង់ធំ និង​បន្ត​សិក្សានៅ​​​​សាលា​ជាតិ​កសិកម្ម​ព្រែក​លាប​​ នៅ​ឆ្នាំ​១៩៩៣-១៩៩៤។ បន្ទាប់មក លោក​បាន​សិក្សា​យក​បរិញ្ញាបត្រ​ផ្នែក​ច្បាប់​ នៅ​សាកលវិទ្យាល័យ​បៀលប្រាយ​ និង​ថ្នាក់​អនុបណ្ឌិត នៅ​សាកលវិទ្យាល័យ​ភូមិន្ទ​នីតិសាស្ត្រ និង​វិទ្យាសាស្ត្រ​សេដ្ឋកិច្ច។ លោក​ជា​​ថ្នាក់ដឹកនាំ​ខេត្ត​មួយ​រូប ដែល​បាន​បន្ត​ការសិក្សា​​ថ្នាក់​បណ្ឌិត នៅ​រាជ​បណ្ឌិត្យ​សភា​កម្ពុជា។

សម្រាប់ប្រវត្តិការងារ ដោយ​មាន​ឪពុក​ជា​មន្ត្រីរាជការ​មួយរូប លោក​ចង់​​ដើរ​តាម​គន្លង​ឪពុក ​លោកបានចូល​បម្រើការងារ​នៅ​រដ្ឋបាល​ព្រៃឈើ ហើយ​​ដែល​កាល​នោះ​គេ​ហៅថា​នាយកដ្ឋាន​រុក្ខាប្រមាញ់ អស់​រយៈពេល​ជា​ច្រើន​ឆ្នាំ មុន​នឹង​ផ្ទេរ​ទៅ​​បម្រើ​ការងារ​នៅ​នាយកដ្ឋាន​បុគ្គលិក ​ក្រសួងមហាផ្ទៃ។ ដោយសារ​តែ​មើលឃើញ​នូវ​ស្នាដៃ​នៃ​ការខិតខំ​ និង​សមត្ថភាព លោក វ៉ី សំណាង ត្រូវ​បាន​ព្រះមហាក្សត្រ​ត្រាស់បង្គាប់​តែងតាំង​ជា​អភិបាលខេត្ត​កំពង់ស្ពឺ​ នៅ​ឆ្នាំ​ ២០១៦ និង​បន្ត​កាន់តំណែង​ជា​អភិបាលខេត្ត​កំពង់ស្ពឺ អាណត្តិ​ទី​២ នៅ​ដើម​ឆ្នាំ២០២០ រហូត​មក​ដល់​បច្ចុប្បន្ន៕

The post លោក វ៉ី សំណាង នឹងចូលកាន់មុខតំណែងជា «អភិបាលខេត្តតាកែវ» ជាផ្លូវការ នៅរសៀលនេះ appeared first on .

លោក ម៉ម កាយ ជាកូនអ្នកស្រែហើយកំព្រាឪពុក តែលោកបានខិតខំប្រឹងប្រែងសិក្សារហូតក្លាយជា​សិស្ស​ពូកែម្នាក់ក្នុងចំណោមសិស្សពូកែៗដទៃៗទៀតក្នុងព្រះរាជាណាចក្រកម្ពុជា។ សូមសង្ខេបប្រវត្តិការសិក្សា របស់លោក ម៉ម កាយ ដូច​ខាង​ក្រោម៖

-លោក ម៉ម កាយ ជាអតីតសិស្សពូកែអក្សរសាស្ត្រខ្មែរ (ឆ្នាំ១៩៩៨) ដោយក្នុងរយៈពេល ២ម៉ោង លោក​មានសមត្ថភាពសរសេរតែងសេចក្តីបានរហូតដល់ទៅ ៧ទំព័រ ប្រកបដោយ រចនាបទ អត្ថន័យ អត្ថរូប អត្ថរស និងអក្ខរាវិរុទ្ធ (កិច្ចការស្អាត) ដែលអាចទទួលយកបាន

-លោកទទួលបានបរិញ្ញាបត្រអក្សរសាស្ត្រខ្មែរ, ច្បាប់ និងទំនាក់ទំនងអន្តរជាតិ

-លោកទទួលបានសញ្ញាបត្រគរុកោសល្យឯកទេសអក្សរសាស្ត្រខ្មែរ និងជាគរុសិស្សឆ្នើមប្រចាំជំនាន់

-លោកទទួលបានសញ្ញាបត្រអនុបណ្ឌិត ផ្នែករដ្ឋបាលសាធារណៈ (សិក្សាជាភាសាអង់គ្លេស)

-លោកបាននិងកំពុងសិក្សា និងការពារសារណា ថ្នាក់អនុបណ្ឌិត ផ្នែក«វិទ្យាសាស្រ្ដសេដ្ឋកិច្ច» នៅរាជបណ្ឌិត្យសភាកម្ពុជា

-លោកបានទទួលការបណ្តុះបណ្តាល នៅសាលាភូមិន្ទរដ្ឋបាល

-លោកធ្លាប់សិក្សានៅប្រទេសជប៉ុន លើមុខវិជ្ជាសំខាន់ៗដូចជា៖ “ការការពារបរិស្ថាន ,ការគ្រប់គ្រងកាក សំណល់រឹងរាវ, ប្រព័ន្ធលូបង្ហូរ, សុខភាពសាធារណៈ, ការកសាងនិងថៃរក្សាសន្តិភាព, និងផែនការ​អភិវឌ្ឍន៍​ទីក្រុង” ដោយទទួលបានលទ្ធផលជ័យលាភីល្អ​ក្នុងចំណោមបេក្ខជននិស្សិតមកពី​បណ្តាប្រទេស​អាស៊ាន រហូតទទួលបានការកោតសរសើរពី ឯកឧត្តមអភិបាលទីក្រុងហ៊ីរ៉ូហ្សីម៉ា ប្រទេសជប៉ុនថែម​ទៀត​ផង។

-លោកធ្លាប់ទទួលបានការបណ្តុះបណ្តាលនៅប្រទេសចិន ក្នុងកម្មវិធី “អ្នកដឹកនាំវ័យក្មេង ចិន-អាស៊ាន”

-លោកធ្លាប់ចូលរួមធ្វើទស្សនកិច្ចសិក្សានៅ ប្រទេសនេប៉ាល់ ប្រទេសចិន ប្រទេសជប៉ុន ប្រទេសបារាំង ប្រទេសប៊ែលហ្សិក និង ប្រទេសស្វីសផងដែរ។

ទន្ទឹមនឹងនោះដែរ លោក ម៉ម កាយ ក៏ជាសមាជិកនៃ (ចៅហ្វាយក្រុង សម្រាប់សន្តិភាព) ( Mayors for Peace Member ) តាំងពីឆ្នាំ 2015 រហូតមកដល់បច្ចុប្បន្ននេះ ដោយមានទីក្រុងជាសមាជិកសរុប 8200 ទីក្រុង នៃប្រទេស ចំនួន 166 នៅជុំវិញពិភពលោក ដែលបង្កើតឡើងនៅ ប្រទេសជប៉ុន ហើយ ចៅហ្វាយក្រុង ហ៊ីរ៉ូហ្ស៊ីម៉ា ប្រទេសជប៉ុន នាបច្ចុប្បន្ន ជាប្រធាន។

ចំណែក​ឯ​បទពិសោធន៍​ការងារ​វិញ លោក ម៉ម កាយ មានបទពិសោធន៍​បម្រើការងារនៅក្រសួងអប់រំ យុវជន និង​កីឡា, ក្រសួងមហាផ្ទៃ និងក្រសួងមុខងារសាធារណៈ (ក្នុងតួនាទីជាជំនួយការឯកឧត្តមរដ្ឋមន្ត្រី)។ លោក​ក៏​ជាអតីតប្រធាន​សហភាពសហព័ន្ធយុវជនកម្ពុជា ថ្នាក់ស្រុក ពីឆ្នាំ២០១២ ដល់ឆ្នាំ ២០២០ ហើយ​លោក​បានចូលរួមការងារសង្គម មនុស្សធម៌យ៉ាងសកម្មជាច្រើនផងដែរ ដូចជា ការចែករំលែកចំណេះដឹង​លើការអប់រំយុវជន ការបង្រៀនភាសាអង់គ្លេស ការបង្រៀនគន្លឹះសំខាន់ៗនៃការត្រៀមប្រលង​សញ្ញាប័ត្រ​ទុតិយភូមិ ការត្រៀមខ្លួនក្លាយជាសិស្សពូកែ ការត្រៀមខ្លួនជាយុវជនបន្តវេន ការសំអាតបរិស្ថាន សិល្បៈ​កីឡា ការដាំដើមឈើ ការបម្រើសេវាសាធារណៈជូនប្រជាពលរដ្ឋ និងការសម្របសម្រួលទំនាស់ក្រៅ​ប្រព័ន្ធ​តុលាការ​ជូនប្រជាពលរដ្ឋនៅមូលដ្ឋានប្រកបដោយប្រសិទ្ធភាព ក្នុងពេលលោកបំពេញ​តួនាទីជាអភិបាលរង​ស្រុកបាភ្នំ ២អាណត្តិ៕

The post កូនអ្នកស្រែកំព្រាឪពុកម្នាក់ ទទួលបានការតែងតាំងជា «អភិបាលរង» ខេត្តតាកែវ appeared first on .