លោក ហ្គ័រដាន ហ្គ្រលីក រ៉ាដម៉ាន់ បានវាយតម្លៃខ្ពស់ចំពោះការរីកចម្រើននៃទំនាក់ទំនងរវាងប្រទេសទាំងពីរ ដែលស្ដែងចេញតាមរយៈការឈានទៅសម្រេចបាននូវការចុះអនុស្សរណៈនៃការយោគយល់គ្នា (MoU) ស្តីពីការលើកលែងទិដ្ឋាការសម្រាប់អ្នកកាន់លិខិតឆ្លងដែនការទូត និងកិច្ចសហប្រតិបត្តិការរវាងវិទ្យាស្ថានជាតិការទូតកម្ពុជា និងបណ្ឌិត្យសភាការទូតក្រូអាស៊ី និងបានលើកឡើងពីកាលានុវត្តភាពជាច្រើនដែលប្រទេសទាំងពីរអាចបន្តពង្រឹង និងពង្រីកកិច្ចសហប្រតិបត្តិការទ្វេភាគី ដើម្បីជាឧត្តមប្រយោជន៍ដល់ប្រជាជនទាំងពីរ ក៏ដូចជាការពង្រឹងការតភ្ជាប់កម្ពុជា ទៅកាន់សហភាពអឺរ៉ុប។

លោកបានសង្កត់ធ្ងន់ថាប្រទេសទាំងពីរបានបង្ហាញពីឆន្ទៈនយោបាយមុតមាំនៅក្នុងការពង្រឹងកិច្ចសហប្រតិបត្តិការបន្តទៀតដែលរង់ចាំតែការចុះហត្ថលេខាលើអនុស្សរណៈនៃការយោគយល់គ្នាលើវិស័យផ្សេងៗទៀត ដើម្បីអនុវត្តជាក់ស្តែងលើស្មារតី ដែលបានព្រមព្រៀងគ្នាហើយនោះ។

សម្ដេចរដ្ឋសភាធិបតី ឃួន សុដារី បានគូសបញ្ជាក់ថា កម្ពុជានិងក្រូអាស៊ី មានលក្ខណៈស្រដៀងគ្នាជាច្រើនពិសេសជាប្រទេសតូចនិងធ្លាប់ទទួលរងគ្រោះពីការឈ្លានពានពីរដ្ឋខាងក្រៅដូចគ្នា។ កម្ពុជាជាប្រទេសធ្លាប់ឆ្លងកាត់សង្គ្រាម ហើយបានយល់ច្បាស់ពីផលវិបាកដ៏អាក្រក់ ដែលបង្កឡើងដោយសារគ្រាប់មីន និងយុទ្ធភណ្ឌមិនទាន់ផ្ទុះ។ កម្ពុជាបានវាយតម្លៃខ្ពស់ចំពោះកិច្ចសហប្រតិបត្តិការលើការបោសសម្អាតមីន និងយុទ្ធភណ្ឌមិនទាន់ផ្ទុះ រវាងប្រទេសទាំងពីរ និងស្វាគមន៍ចំពោះការគាំទ្ររបស់ក្រូអាស៊ី តាមរយៈការផ្ដល់បច្ចេកវិទ្យា, ការចែករំលែកបទពិសោធន៍ និងជំនាញ ដើម្បីឱ្យការបោសសម្អាតមីន និងយុទ្ធភណ្ឌមិនទាន់ផ្ទុះនៅកម្ពុជា ឱ្យកាន់តែមានប្រសិទ្ធភាពខ្ពស់ថែមទៀត។

សម្តេចរដ្ឋសភាធិបតី និងឯកឧត្តមបណ្ឌិត ហ្គ័រដាន ហ្គ្រលីក រ៉ាដម៉ាន់ បានពិភាក្សាគ្នា ប្រកបដោយភាពស្និទ្ធស្នាល និងជឿទុកចិត្ត លើបញ្ហាប្រឈមរបស់សកលលោក ពិសេសការធ្លាក់ចុះសណ្តាប់ធ្នាប់សកល។

សម្តេចបានគូសបញ្ជាក់ថា ក្នុងនាមប្រទេសតូចដូចគ្នា កម្ពុជានិងក្រូអាស៊ី ត្រូវពង្រឹងកិច្ចសហប្រតិបត្តិការ លើកកម្ពស់ការទូតសភា ពង្រឹងពហុភាគីនិយម ដើម្បីជាខែលការពារពីព្រោះបច្ចុប្បន្ននេះមានការលេចឡើងនូវទស្សនៈដែលថា ប្រទេសធំត្រូវតែឈ្នះ។

ក្រៅពីការពង្រឹងទំនាក់ទំនងការទូតនយោបាយ ការទូតសភា សម្តេចប្រធានរដ្ឋសភាក៏បានជំរុញឱ្យក្រូអាស៊ីពិនិត្យសក្តានុពល រវាងប្រទេសទាំងពីរបន្ថែមទៀត ក្នុងការជំរុញលើវិស័យពាណិជ្ជកម្ម ការវិនិយោគ ទេសចរណ៍ ថាមពលស្អាត និងវិស័យសន្តិសុខ ជាដើម៕

The post រដ្ឋសភា គាំទ្រការពង្រឹងកិច្ចសហប្រតិបត្តិការលើគ្រប់វិស័យរវាងកម្ពុជា-ក្រូអាស៊ី ដើម្បីបម្រើផលប្រយោជន៍ប្រជាពលរដ្ឋនៃប្រទេសទាំងពីរនិងអន្តរជាតិ appeared first on .

សម្តេច បានមានប្រសាសន៍បែបនេះនៅក្នុងឱកាសដែល សម្តេច បានអញ្ជើញជាអធិបតីភាពដ៏ខ្ពង់ខ្ពស់ នៅក្នុងសិក្ខាសាលាពិគ្រោះយោបល់ស្ដីពី «ការអភិវឌ្ឍសភាអេឡិចត្រូនិក (e-Parliament)» របស់រដ្ឋសភានៃព្រះរាជាណាចក្រកម្ពុជា នៅព្រឹកថ្ងៃទី១៩ ខែតុលា ឆ្នាំ២០២៦ រៀបចំឡើងដោយអគ្គលេខាធិការដ្ឋានរដ្ឋសភា។

សម្តេចប្រធានរដ្ឋសភា បានសង្កត់ធ្ងន់ថា សិក្ខាសាលាពិគ្រោះយោបល់ស្តីពី «ការអភិវឌ្ឍសភាអេឡិចត្រូនិក (e-Parliament) នេះ មានសារៈសំខាន់ក្នុងការគាំទ្រដល់អភិបាលកិច្ចល្អ កំណែទម្រង់ស៊ីជម្រៅ និងការធ្វើទំនើបកម្មស្ថាប័ន។ ការអភិវឌ្ឍស្ថាប័នរដ្ឋសភាជាសភាឌីជីថល មិនត្រឹមតែជាការអនុវត្តឱ្យទាន់នូវចក្ខុវិស័យវែងឆ្ងាយរបស់រាជរដ្ឋាភិបាលកម្ពុជា ក្រោមការដឹកនាំរបស់សម្តេចធិបតី ហ៊ុន ម៉ាណែត ប៉ុណ្ណោះទេ ប៉ុន្តែបានធ្វើសមាហរណកម្មរដ្ឋសភាកម្ពុជា ជាមួយបណ្តាសភាក្នុងតំបន់និងអន្តរជាតិ ដើម្បីងាយស្រួលក្នុងការផ្លាស់ប្តូរបទពិសោធ ឯកសារយោងផ្លូវច្បាប់ និងកិច្ចសហប្រតិបត្តិការអន្តរជាតិបានទាន់ពេលវេលា។

សម្តេច ឃួន សុដារី បន្តថា សភាឌីជីថលឬសភាអេឡិចត្រូនិក ជាការឆ្លើយតបទៅនឹងភាពចាំបាច់ក្នុងការលើកកម្ពស់តម្លាភាព គណនេយ្យភាព និងប្រសិទ្ធភាពនៃការផ្តល់សេវាសាធារណៈ ក៏ដូចជាការងារនីតិប្បញ្ញត្តិ។ ការធ្វើបរិវត្តកម្មនេះ គឺជាកម្លាំងចលករដ៏សំខាន់ក្នុងការលុបបំបាត់របាំងការិយាធិបតេយ្យ កាត់បន្ថយការប្រើប្រាស់ក្រដាស សន្សំសំចៃពេលវេលា ព្រមទាំងជាស្ពានតភ្ជាប់ប្រកបដោយនវានុវត្តន៍ក្នុងការធ្វើឱ្យស្ថាប័នសភាកាន់តែមានភាពរហ័សរហួន និងរស់រវើកក្នុងការឆ្លើយតបទៅនឹងតម្រូវការរបស់ប្រជាពលរដ្ឋ។

សូមជម្រាបថា ការធ្វើទំនើបកម្មស្ថាប័នរដ្ឋសភាទៅជាសភាឌីជីថល បានចាប់ផ្តើមអនុវត្តនៅក្នុងនីតិកាលទី៧ ក្រោមការដឹកនាំរបស់ សម្តេចរដ្ឋសភាធិបតី ឃួន សុដារី ប្រធានរដ្ឋសភា។ សិក្ខាសាលានាពេលនេះ រៀបចំឡើងក្នុងគោលបំណងរាយការណ៍ជូនថ្នាក់ដឹកនាំ និងសមាជិក សមាជិការដ្ឋសភា អំពីវឌ្ឍនភាព និងសមិទ្ធផលសំខាន់ៗនានា ដែលក្រុមការងារសម្រេចបានក្នុងការរៀបចំសភាអេឡិចត្រូនិក ក្នុងរយៈពេលជាង ៣ឆ្នាំកន្លងមកនេះ ដើម្បីស្នើសុំមតិយោបល់ និងធាតុចូលបន្ថែមលើកិច្ចការដែលក្រុមការងារបានរៀបចំ សំដៅធ្វើឱ្យការកសាងសភាអេឡិចត្រូនិករបស់រដ្ឋសភាមានលក្ខណៈគ្រប់ជ្រុងជ្រោយ ឆ្លើយតបទៅនឹងតម្រូវការជាក់ស្តែងរបស់តំណាងរាស្ត្រ៕ អត្ថបទ៖ហ្សាលីន

The post ប្រធានរដ្ឋសភា៖ សភាឌីជីថល គឺជាការឆ្លើយតបទៅនឹងភាពចាំបាច់ក្នុងការលើកកម្ពស់តម្លាភាព appeared first on .

សម្តេច ឃួន សុដារី ប្រធានរដ្ឋសភាកម្ពុជា នៅថ្ងៃទី៥ ខែតុលា ឆ្នាំ២០២៦ បានអញ្ជើញដឹកនាំកិច្ចប្រជុំជាមួយសមាសភាពគណៈប្រតិភូសភាកម្ពុជា បានឱ្យដឹងថា កម្ពុជាត្រៀមចូលរួមមហាសន្និបាតអន្តរសភាអាស៊ាន (អាយប៉ា/AIPA) លើកទី៤៧ នៅប្រទេសហ្វីលីពីន ក្នុងខែវិច្ឆិកាខាងមុខនេះ ឱ្យទទួលបានជោគជ័យ នាំមកនូវផលប្រយោជន៍ជូនប្រជាពលរដ្ឋ ប្រទេសជាតិ ក៏ដូចជាការលើកកម្ពស់កិត្យានុភាពប្រទេសជាតិនៅលើឆាកអន្តរជាតិផងដែរ។

កិច្ចប្រជុំនេះ ផ្តោតសំខាន់លើការត្រៀមឯកសារនានា ឆ្លើយតបតាមរបៀបវារៈ និងកាលបរិច្ឆេទនៃមហាសន្និបាត ឱ្យបានគ្រប់ជ្រុងជ្រោយនិងល្អិតល្អន់។ សម្តេចប្រធានរដ្ឋសភា បានសង្កត់ធ្ងន់ថា មហាសន្និបាតអន្តរសភាអាស៊ានគឺជាវេទិកាសំខាន់នៃការជួបជុំថ្នាក់ដឹកនាំបណ្តាសភាជាសមាជិកសមាគមអាស៊ាន និងបណ្តាសភាប្រទេសសង្កេតការណ៍រួមទាំងដៃគូអន្តរជាតិ ក្នុងការស្វែងរកផលប្រយោជន៍ជូនប្រជាពលរដ្ឋ ទាំងក្នុងតំបន់និងសកលលោក។

សម្តេចប្រធានរដ្ឋសភាបានថ្លែងអំណរគុណដល់សមាជិក សមាជិការដ្ឋសភា ព្រឹទ្ធសភា ក៏ដូចជាអគ្គលេខាធិការដ្ឋានរដ្ឋសភា ដែលបានត្រៀមលក្ខណៈសម្បត្តិរួចរាល់ សម្រេចបានលទ្ធផលមួយចំនួន ដូចជាការរៀបចំសេចក្តីព្រាងសេចក្តីសម្រេចមួយចំនួនដើម្បីដាក់ចូលមហាសន្និបាត ជាដើម។

សម្តេចបញ្ជាក់ថា ការត្រៀមលក្ខណៈសម្បត្តិរបស់គណៈប្រតិភូសភាកម្ពុជាឱ្យបានគ្រប់ជ្រុងជ្រោយ ល្អិតល្អន់ រួមទាំងការរៀបចំសមាសភាពប្រតិភូចូលរួមកិច្ចប្រជុំនានារបស់អាយប៉ានិងកិច្ចប្រជុំពាក់ព័ន្ធទាំងខ្លឹមសារ ទស្សនាទាន សិល្បៈ ជាដើមនោះ នឹងធ្វើឱ្យការចូលរួមរបស់គណៈប្រតិភូសភាកម្ពុជា ទទួលបានជោគជ័យ នាំនូវផលប្រយោជន៍ជូនប្រទេសជាតិនិងពលរដ្ឋ ក៏ដូចជាការលើកកម្ពស់កិត្យានុភាពកម្ពុជានៅលើឆាកអន្តរជាតិ។

តាមគម្រោង មហាសន្និបាតអាយប៉ាលើកទី៤៧ នឹងប្រារព្ធធ្វើពីថ្ងៃទី១៦ ដល់ថ្ងៃទី២២ ខែវិច្ឆិកា ឆ្នាំ២០២៦ ក្រោមប្រធានបទ “សភាធានាឱ្យបាននូវអាស៊ាន មានសន្តិភាព វិបុលភាពដោយយកប្រជាពលរដ្ឋជាស្នូល”។

មហាសន្និបាតអាយប៉ាតែងតែប្រារព្ធឡើងជារៀងរាល់ឆ្នាំ គឺជាវេទិកាសភាសំខាន់នៅក្នុងតំបន់ដែលផ្តល់ឱកាសដល់តំណាងរាស្ត្រនៅក្នុងសហគមន៍អាស៊ាន ជួបជុំគ្នាដើម្បីពិភាក្សា ផ្លាស់ប្តូរមតិ យោបល់ ទស្សនៈ និងស្វែងរកយុទ្ធសាស្ត្រនិងគន្លឹះថ្មីៗដើម្បីរួមចំណែកដល់ការលើកកម្ពស់វប្បធម៌សន្ទនា ការចរចានិងការដោះស្រាយបញ្ហាប្រឈមដោយសន្តិវិធី រួមចំណែកជាមួយអាស៊ានដែលជាស្ថាប័ននីតិប្រតិបត្តិក្នុងការឈានទៅសម្រេចឱ្យបានសហគមន៍អាស៊ានឆ្នាំ២០៤៥ សំដៅជំរុញការអភិវឌ្ឍប្រកបដោយចីរភាព បរិយាបន្ន និងវិបុលភាព ដោយយកប្រជាពលរដ្ឋជាស្នូល៕ អត្ថបទ៖ហ្សាលីន

The post កម្ពុជា ត្រៀមចូលរួមមហាសន្និបាតអន្តរសភាអាស៊ាន (អាយប៉ា) លើកទី៤៧ ក្នុងខែវិច្ឆិកាខាងមុខនេះ appeared first on .

នៅក្នុងឱកាសនោះ លោក បានវិភាគយ៉ាងស៊ីជម្រៅអំពីផលប៉ះពាល់នៃការប្រែប្រួលថាមវន្តអំណាចសកលមកលើប្រទេសតូច និងមធ្យម ដោយគូសបញ្ជាក់ថា ការបែងចែកអំណាចសកលនេះតែងនាំមកនូវទាំងឱកាស និងភាពងាយរងគ្រោះក្នុងពេលតែមួយ។ ដើម្បីធានានូវការរស់រាន ស្វ័យភាពយុទ្ធសាស្ត្រ និងសន្តិសុខសេដ្ឋកិច្ចរបស់ខ្លួន ប្រទេសតូចៗចាំបាច់ត្រូវបង្កើនកិច្ចខិតខំប្រឹងប្រែងក្នុងការកសាងទំនាក់ទំនងជាមួយមហាអំណាច និងមជ្ឈមណ្ឌលឥទ្ធិពលនានា។ ជំនួសឱ្យការត្រូវបានបង្ខំឱ្យចងសម្ព័ន្ធភាពផ្ដាច់មុខ ប្រទេសតូចៗត្រូវការលំហការទូតគ្រប់គ្រាន់ ដើម្បីធ្វើពិពិធកម្មភាពជាដៃគូ និងរក្សាទំនាក់ទំនងល្អស្មើមុខជាមួយគ្រប់ភាគី។

ទន្ទឹមនឹងនេះ លោកក៏បានលើកឡើងពីទំនាក់ទំនងរវាងចិន និងអាមេរិក ដោយវាយតម្លៃថា ជាទំនាក់ទំនងរវាងមហាអំណាចដែលមានឥទ្ធិពល និងសារៈសំខាន់បំផុតសម្រាប់សន្តិភាព សន្តិសុខ និងវិបុលភាពពិភពលោក។ ថ្វីបើភាពខុសគ្នាជាមូលដ្ឋានរវាងមហាអំណាចទាំងពីរនៅតែបន្តមានក៏ដោយ លោកបានសម្តែងក្តីសង្ឃឹមថា ទីក្រុងប៉េកាំង និងទីក្រុងវ៉ាស៊ីនតោន នឹងបន្តពង្រឹងកិច្ចសន្ទនាជាទៀងទាត់ ដោយផ្ដោតលើការពិគ្រោះយោបល់ ការប្រាស្រ័យទាក់ទង និងការស្វែងរកចំណុចរួម។

លោកប្រធានក្រុមទីប្រឹក្សារដ្ឋសភា បានសង្កត់ធ្ងន់ថា ទំនុកចិត្តមិនអាចបង្កើតឡើងត្រឹមតែតាមរយៈសេចក្តីប្រកាសនោះទេ ប៉ុន្តែទាមទារឱ្យមានកិច្ចសន្ទនាដោយស្មោះត្រង់ បើកចំហ និងកិច្ចសហប្រតិបត្តិការជាក់ស្តែងនៅគ្រប់កម្រិតស្ថាប័នរដ្ឋាភិបាល។ ជាងនេះទៅទៀត សណ្តាប់ធ្នាប់អន្តរជាតិមួយដែលរឹងមាំ និងយូរអង្វែង អាស្រ័យជាចាំបាច់ទៅលើកម្រិតនៃភាពជាម្ចាស់ការ និងសមត្ថភាពសម្រេចចិត្តដោយខ្លួនឯងរបស់រដ្ឋតូចៗ ការយកចិត្តទុកដាក់លើកង្វល់សន្តិសុខ និងការអភិវឌ្ឍស្របច្បាប់របស់ពួកគេ ព្រមទាំងការបើកឱកាសឱ្យគ្រប់ប្រទេសអាចធ្វើកិច្ចសហប្រតិបត្តិការជាមួយដៃគូនានាដោយសេរី ដោយមិនរងការបង្ខិតបង្ខំឱ្យជ្រើសរើសភាគីឡើយ។

The post លោក ឈាង វណ្ណារិទ្ធ៖ វាសនាប្រទេសតូច មិនគួរត្រូវបានកំណត់ដោយប្រទេសមហាអំណាចឡើយ appeared first on .

ពិធីនេះមានការអញ្ជើញចូលរួមពីសំណាក់ លោក វ៉ាង វិនពីន ឯកអគ្គរដ្ឋទូតចិនប្រចាំកម្ពុជា, លោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ ព្រមទាំងថ្នាក់ដឹកនាំជាន់ខ្ពស់នៃស្ថាប័ននីតិប្បញ្ញត្តិ នីតិប្រតិបត្តិ តំណាងអង្គទូត និងស្ថាប័នសិក្សាស្រាវជ្រាវនានាជាច្រើនរូបទៀត។

វត្តមានដ៏ឧត្តុង្គឧត្តមរបស់ សម្ដេចប្រធានរដ្ឋសភា និងមន្ត្រីជាន់ខ្ពស់កម្ពុជានាឱកាសនេះ បានស្តែងឱ្យឃើញពីការផ្តល់តម្លៃខ្ពស់បំផុតដល់ចំណងមិត្តភាពដែកថែប និងភាពជាដៃគូយុទ្ធសាស្ត្រគ្រប់ជ្រុងជ្រោយរវាងកម្ពុជា និងចិន ដែលយកផលប្រយោជន៍ប្រជាពលរដ្ឋជាស្នូល។

សូមជម្រាបដែរថា ខួបអនុស្សាវរីយ៍ លើកទី៧៧ នៃការបង្កើតសាធារណរដ្ឋប្រជាមានិតចិន ដែលរៀបចំដោយស្ថានទូតចិននៅព្រះរាជាណាចក្រកម្ពុជានាពេលនេះ ស្របពេលដែលទំនាក់ទំនងរវាងប្រទេសទាំងពីរទាំងស្ថាប័ននីតិប្បញ្ញត្តិនិងនីតិប្រតិបត្តិកំពុងវិវឌ្ឍរីកចម្រើនលើផ្លូវវិជ្ជមានគួរឲ្យកត់សំគាល់ ដោយបានរួមចំណែកបន្តពូនជ្រំ «សហគមន៍វាសនារួមកម្ពុជា-ចិន នៅគ្រប់រដូវកាល ក្នុងយុគសម័យថ្មី» ប្រកបដោយគុណភាពខ្ពស់ និងរឹងមាំ ដើម្បីរក្សាបាននូវសន្តិភាព ស្ថិរភាព ការអភិវឌ្ឍប្រកបដោយចីរភាព ព្រមទាំងនាំមកនូវផលប្រយោជន៍ជាក់ស្តែងដល់សេដ្ឋកិច្ច និងប្រជាជននៃប្រទេសទាំងពីរកម្ពុជា-ចិន ឱ្យកាន់តែរុងរឿង និងស្ថិតស្ថេរជាអមតៈ៕

The post កម្ពុជា អបអរសាទរខួបលើកទី ៧៧ នៃការបង្កើតសាធារណរដ្ឋប្រជាមានិតចិន appeared first on .

តើកិច្ចព្រមព្រៀងនេះមានខ្លឹមសារស្នូល និងសារៈសំខាន់យ៉ាងណា?

យោងតាមរដ្ឋសភាកម្ពុជា កិច្ចព្រមព្រៀងនេះមានសារៈសំខាន់៖

ក្របខ័ណ្ឌការពារសិទ្ធិពលរដ្ឋ៖ កិច្ចព្រមព្រៀងទ្វេភាគីនេះ បង្កើតឡើងនូវយន្តការច្បាប់ផ្លូវការរវាងកម្ពុជា និងរុស្ស៊ី ក្នុងការធានាការពារសិទ្ធិ សុវត្ថិភាព និងផលប្រយោជន៍ស្របច្បាប់របស់ពលរដ្ឋនៃប្រទេសទាំងពីរ នៅពេលដែលពួកគេជាប់ពាក់ព័ន្ធនឹងដំណើរការនីតិវិធីយុត្តិធម៌ព្រហ្មទណ្ឌនៅក្រៅប្រទេស។

ការពង្រឹងកិច្ចសហប្រតិបត្តិការច្បាប់ និងតុលាការ៖ ជួយសម្រួលដល់ការសម្របសម្រួលកិច្ចការយុត្តិធម៌ទៅវិញទៅមក រវាងស្ថាប័នអនុវត្តច្បាប់នៃប្រទេសទាំងពីរ ឱ្យកាន់តែរហ័ស មានតម្លាភាព និងស្របតាមបទដ្ឋានច្បាប់អន្តរជាតិ។

សារៈសំខាន់ចំពោះកម្ពុជា៖

១. កិច្ចគាំពារពលរដ្ឋខ្មែរនៅក្រៅប្រទេស៖ ធានាថាពលរដ្ឋ សិស្ស-និស្សិត ឬធុរជនកម្ពុជាដែលរស់នៅ ឬធ្វើការនៅសហព័ន្ធរុស្ស៊ី ទទួលបានការការពារសិទ្ធិតាមផ្លូវច្បាប់យ៉ាងត្រឹមត្រូវ និងទាន់ពេលវេលា។

២. ពង្រឹងទំនុកចិត្តទំនាក់ទំនងទ្វេភាគី៖ បង្ហាញពីការបន្តពង្រឹងកិច្ចសហប្រតិបត្តិការយូរអង្វែងរវាងកម្ពុជា និងរុស្ស៊ី លើវិស័យសន្តិសុខ ច្បាប់ និងយុត្តិធម៌ ឱ្យកាន់តែរឹងមាំ និងស៊ីជម្រៅ៕

The post សភា អនុម័តជាឯកច្ឆន្ទលើសេចក្តីព្រាងច្បាប់ ស្តីពីការអនុម័តយល់ព្រមលើ «កិច្ចព្រមព្រៀងរវាងព្រះរាជាណាចក្រកម្ពុជា និងសហព័ន្ធរុស្ស៊ី ស្តីពីការការពារពលរដ្ឋទៅវិញទៅមកក្នុងវិស័យយុត្តិធម៌ព្រហ្មទណ្ឌអន្តរជាតិ» appeared first on .

អនុប្រធានទី២រដ្ឋសភា បានផ្តល់អនុសាសន៍ដ៏មានសារៈសំខាន់នេះ នៅក្នុងឱកាសដែលលោកបានជួបសំណេះសំណាលជាមួយសិស្សានុសិស្ស ដែលទទួលបានលទ្ធផលល្អ ក្នុងការប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០២៥-២០២៦ មកពីវិទ្យាល័យជាច ស្ថិតក្នុងឃុំជាច ស្រុកកំចាយមារ ខេត្តព្រៃវែង នាព្រឹកថ្ងៃទី១៣ ខែកញ្ញា ឆ្នាំ២០២៦។

លោកបានគូសបញ្ជាក់ថា រាជរដ្ឋាភិបាលបាននិងកំពុងយកចិត្តទុកដាក់លើការ បណ្តុះបណ្តាលវិជ្ជាជីវៈ ដោយផ្តល់ការបណ្តុះបណ្តាលដោយឥតគិតថ្លៃ ជាពិសេសសម្រាប់យុវជនមកពីគ្រួសារក្រីក្រ និងងាយរងគ្រោះ ដើម្បីផ្តល់ឱកាសឱ្យពួកគេទទួលបានជំនាញច្បាស់លាស់ ក្នុងរយៈពេលខ្លី ដើម្បីចាប់យមុខរបរ បង្កើតចំណូលសំដៅលើកកម្ពស់ជីវភាព គ្រួសារ និងសេដ្ឋកិច្ចជាតិ។

សូមជម្រាបថា ការជ្រើសរើសផ្លូវជីវិតក្រោយពេលបញ្ចប់ការសិក្សាមធ្យមសិក្សា គឺជាឱកាសដ៏សំខាន់មួយសម្រាប់យុវជនគ្រប់រូប។​ ក្នុងបរិបទដែលទីផ្សារការងារកំពុងមានការប្រកួតប្រជែងខ្ពស់ ការបណ្តុះបណ្តាលជំនាញ វិជ្ជាជីវៈ និងបច្ចេកទេស (TVET) កំពុងក្លាយជាជម្រើសដ៏ឆ្លាតវៃ និងជាកាតាលីករដ៏មានឥទ្ធិពលក្នុងការជួយឱ្យយុវសិស្សចាប់យកជំនាញច្បាស់លាស់ត្រៀមខ្លួនរួចជាស្រេច សម្រាប់ទីផ្សារការងារ និងឈានទៅបង្កើតមុខរបរផ្ទាល់ខ្លួន ដើម្បីលើកស្ទួយជីវភាពគ្រួសារឱ្យកាន់តែប្រសើរឡើង៕

The post អនុប្រធានទី២រដ្ឋសភា លើកទឹកចិត្តសិស្សានុសិស្សឱ្យចាប់យកជំនាញវិជ្ជាជីវៈ ដើម្បីបង្កើតមុខរបរ និងលើកស្ទួយជីវភាពគ្រួសារ appeared first on .

នៅក្នុងកិច្ចប្រជុំនោះគណៈកម្មការនីតិកម្ម និងយុត្តិធម៌ នៃរដ្ឋសភា (គណៈកម្មការទី៦) បានសម្រេចឯកភាពទាំងស្រុងលើទម្រង់ និងខ្លឹមសារដើមនៃសេចក្តីព្រាងច្បាប់សំខាន់ៗចំនួន ៣ ក្រោយការពិនិត្យ និងកែសម្រួលអក្ខរាវិរុទ្ធមួយចំនួនរួចរាល់ ដើម្បីរៀបចំរបាយការណ៍បញ្ជូនបន្តទៅកាន់គណៈកម្មាធិការអចិន្ត្រៃយ៍រដ្ឋសភា ចាត់ចែងតាមនីតិវិធី។

សេចក្តីព្រាងច្បាប់ទាំង ៣ ដែលបានឆ្លងកាត់ការពិនិត្យ និងសិក្សាយ៉ាងល្អិតល្អន់នោះ រួមមាន៖ ·  សេចក្តីព្រាងច្បាប់ស្តីពី វិសោធនកម្មច្បាប់ស្តីពីលក្ខន្តិកៈមេធាវី៖ សំដៅកែសម្រួលក្របខ័ណ្ឌការងារ និងវិជ្ជាជីវៈមេធាវីឱ្យកាន់តែមានប្រសិទ្ធភាព។ ·  សេចក្តីព្រាងច្បាប់ស្តីពី ការអនុម័តយល់ព្រមលើពិធីសារសេប៊ូ (Cebu Protocol)៖ ធ្វើវិសោធនកម្មធម្មនុញ្ញនៃសមាគមប្រជាជាតិអាស៊ីអាគ្នេយ៍ (អាស៊ាន)។ ·  សេចក្តីព្រាងច្បាប់ស្តីពី ការអនុម័តយល់ព្រមលើកិច្ចព្រមព្រៀងរវាងកម្ពុជា និងសហព័ន្ធរុស្ស៊ី ផ្តោតលើកិច្ចសហប្រតិបត្តិការការពារ ពលរដ្ឋទៅវិញទៅមកក្នុងវិស័យយុត្តិធម៌ព្រហ្មទណ្ឌអន្តរជាតិ។

ក្រោយបញ្ចប់ការពិភាក្សា អង្គប្រជុំបានឯកភាពរៀបចំរបាយការណ៍លទ្ធផល ដើម្បីដាក់ជូនគណៈកម្មាធិការអចិន្ត្រៃយ៍រដ្ឋសភា មុននឹងឈានដល់ការដាក់បញ្ចូលក្នុងរបៀបវារៈសម័យប្រជុំពេញអង្គរដ្ឋសភា ដើម្បីពិភាក្សា និងអនុម័តជាផ្លូវការនាពេលខាងមុខ៕ អត្ថបទ៖ហ្សាលីន

The post រដ្ឋសភា សម្រេចឯកភាពលើសេចក្តីព្រាងច្បាប់សំខាន់ៗចំនួន ៣ ដោយរក្សាខ្លឹមសារដើមទាំងស្រុង​ appeared first on .

លោកស្រី ឡោក ខេង ប្រធានគណៈកម្មការទី៨ នៃរដ្ឋសភា អនុប្រធានប្រចាំការសមាគមសមាជិកសភាកម្ពុជាដើម្បីប្រជារាស្ត្រ និងការអភិវឌ្ឍ និងជាអនុប្រធានវេទិកាសមាជិកសភាអាស៊ីស្តីពីប្រជាជន និងការអភិវឌ្ឍ (AFPPD) បានដឹកនាំគណៈប្រតិភូចូលរួមសន្និសីទប្រចាំឆ្នាំរបស់វេទិកាសមាជិកសភាអាស៊ីស្តីពីប្រជាជន និងការអភិវឌ្ឍ (AFPPD) ក្រោមមូលបទ «ការដឹកនាំរបស់សភាសម្រាប់អនាគត» នៅថ្ងៃទី០៣ ខែកញ្ញា ឆ្នាំ២០២៦ នេះនៅរដ្ឋធានីកូឡាឡាំពួរ ប្រទេសម៉ាឡេស៊ី។

រដ្ឋសភាជាតិ បានឱ្យដឹងថា  វត្តមានរបស់គណៈប្រតិភូរដ្ឋសភាកម្ពុជាក្នុងវេទិកាតំបន់នេះ ឆ្លុះបញ្ចាំងពីការប្តេជ្ញាចិត្តយ៉ាងសកម្មរបស់កម្ពុជា ក្នុងការពង្រឹងតួនាទីនីតិប្បញ្ញត្តិ ដើម្បីដោះស្រាយវិបត្តិបម្រែបម្រួលប្រជាសាស្ត្រ និងការជំរុញការអភិវឌ្ឍប្រកបដោយបរិយាបន្ន និងចីរភាព រួមជាមួយសមាជិកសភាជាង ១០០ រូប មកពី ២២ ប្រទេសក្នុងតំបន់អាស៊ីប៉ាស៊ីហ្វិក និងអាហ្វ្រិក។

នៅក្នុងសន្និសីទនេះ គណៈប្រតិភូកម្ពុជាបានចូលរួមពិភាក្សា និងផ្លាស់ប្តូរទស្សនទានជុំវិញការកែលម្អបរិយាកាសគោលនយោបាយ និងយន្តការច្បាប់ សំដៅគាំទ្រការអនុវត្តកម្មវិធីសកម្មភាពនៃសន្និសីទអន្តរជាតិស្តីពីប្រជាជន និងការអភិវឌ្ឍ ព្រមទាំងរបៀបវារៈឆ្នាំ២០៣០ សម្រាប់អភិវឌ្ឍប្រកបដោយចីរភាព។

សូមជម្រាបដែរថា អង្គសន្និសីទទាំងមូលបានផ្តោតការយកចិត្តទុកដាក់ខ្ពស់លើសសរស្តម្ភយុទ្ធសាស្ត្រគន្លឹះទាំង ៤ របស់ AFPPD រួមមាន៖ · សមភាពយេនឌ័រ និងការផ្តល់អំណាចដល់ស្ត្រី · ការវិនិយោគលើថាមពល និងសក្តានុពលយុវជន · ការលើកកម្ពស់មនុស្សចាស់សកម្ម · ការឆ្លើយតបនឹងការប្រែប្រួលអាកាសធាតុ។

​ពិធីបើកសន្និសីទនេះ បានប្រព្រឹត្តទៅក្រោមការស្វាគមន៍យ៉ាងកក់ក្តៅពីសំណាក់ឥស្សរជនជាន់ខ្ពស់អន្តរជាតិ រួមមាន លោក Dato Awang Bemee Awang Ali Basah ប្រធានព្រឹទ្ធសភានៃប្រទេសម៉ាឡេស៊ី, លោក​ Alexander Nanta Linggi រដ្ឋមន្ត្រីក្រសួងការងារម៉ាឡេស៊ី, លោកស្រី Kamikawa Yoko សមាជិកសភាជប៉ុន និងជាប្រធាន AFPPD ព្រមទាំងលោក Pio Smith អគ្គលេខាធិការរងអង្គការសហប្រជាជាតិ និងជាអនុប្រធាននាយកប្រតិបត្តិទទួលបន្ទុកផ្នែកកម្មវិធីនៃមូលនិធិប្រជាជនអង្គការសហប្រជាជាតិ (UNFPA)៕ អត្ថបទ៖ហ្សាលីន

The post កម្ពុជា និងប្រទេស២២ទៀត រួមគ្នាលើកកម្ពស់តួនាទីសភាក្នុងការឆ្លើយតបបម្រែបម្រួលប្រជាសាស្ត្រ appeared first on .

វត្តមានរបស់គណៈប្រតិភូជាន់ខ្ពស់   រដ្ឋសភាកម្ពុជានៅក្នុងព្រឹត្តិការណ៍នេះ បានឆ្លុះបញ្ចាំងពីការប្តេជ្ញាចិត្តយ៉ាងមុតមាំក្នុងការអនុវត្ត «យុទ្ធសាស្ត្រការទូតបរិស្ថានកម្ពុជា ឆ្នាំ២០២៦-២០៣០» ក៏ដូចជាការជំរុញគម្រោងអគារកាបូនទាប និងដំណើរអន្តរកាលឆ្ពោះទៅរកថាមពលស្អាតលើឆាកអន្តរជាតិ។

វេទិកាអភិវឌ្ឍន៍ថាមពលកាបូនទាប តៃយាន ឆ្នាំ២០២៦ នឹងប្រព្រឹត្តទៅចាប់ពីថ្ងៃទី៤ ដល់ថ្ងៃទី៥ ខែកញ្ញា ឆ្នាំ២០២៦ ក្រោមប្រធានបទ «គោលដៅកាបូនពីរ ដឹកនាំការផ្លាស់ប្តូរថាមពល ការពន្លឿននវានុវត្តន៍ ដើម្បីអនាគតបៃតង» (Dual Carbon Leads Energy Transformation, Innovation Accelerates Green Future)។ វេទិកានេះមានការចូលរួមពីថ្នាក់ដឹកនាំរដ្ឋ មន្ត្រីការទូតជាន់ខ្ពស់ តំណាងអង្គការសហប្រជាជាតិ ព្រមទាំងក្រុមហ៊ុនបច្ចេកវិទ្យាលំដាប់ពិភពលោក ដូចជា Tesla និង Siemens ជាដើម ខណៈចក្រភពអង់គ្លេសត្រូវបានជ្រើសរើសជាប្រទេសភ្ញៀវកិត្តិយស។

តាមកម្មវិធីគ្រោងទុក វេទិកានេះរួមបញ្ចូលសន្និសីទអន្តរជាតិចំនួន ៥ និងវេទិកាស្របគ្នា (Parallel Forums) ចំនួន ៧ ដោយគ្របដណ្តប់លើវិស័យឯកទេសជាង ១០ ចាប់តាំងពីថាមពលប្រពៃណី ថាមពលបៃតង ប្រព័ន្ធបណ្តាញអគ្គិសនីវៃឆ្លាត រហូតដល់ហិរញ្ញវត្ថុបៃតង។

គូសបញ្ជាក់ថា ព្រឹត្តិការណ៍ឆ្នាំនេះកាន់តែមានសារៈសំខាន់ជាប្រវត្តិសាស្ត្រ ដោយប្រារព្ធឡើងចំខួប ១០ ឆ្នាំនៃវេទិកាតៃយាន និងស្របពេលគ្នានឹងការចាប់ផ្តើមអនុវត្តផែនការអភិវឌ្ឍន៍រយៈពេល ៥ ឆ្នាំ លើកទី ១៥ របស់ប្រទេសចិនផងដែរ៕

The post គណៈប្រតិភូរដ្ឋសភាកម្ពុជា ចូលរួមវេទិកាអភិវឌ្ឍន៍ថាមពលកាបូនទាបតៃយានឆ្នាំ២០២៦ នៅប្រទេសចិន appeared first on .