យ៉ាងណាមិញសម្រាប់ទីតាំងជាក់លាក់ក្នុងការសាងសង់រោងចក្រកែច្នៃ និងឧកញ៉ាណាក្នុងស្រុកខ្មែរនោះមិនទាន់មានការបញ្ជាក់លម្អិតនៅឡើយទេ ប៉ុន្តែលោក អួន ស៊ីឡុត ប្រធានសមាគមស្វាយចន្ទីកម្ពុជា បានបញ្ជាក់ថា ក្រុមហ៊ុននេះមានគម្រោងផលិតបានក្នុងរង្វង់ ១៥ ០០០តោនក្នុង១ឆ្នាំ។

លោកបញ្ជាក់ថា ក្រុមហ៊ុននេះនឹងមានវត្តមានក្នុងជំនួបធុរកិច្ច ០៣ សីហា ២០២៥ ដែលរៀបចំដោយសមគមស្វាយចន្ទីកម្ពុជា ដើម្បីប្រមូលទិញគ្រាប់ឆៅពីកសិករខ្មែរនារដូវប្រមូលផល ២០២៦។

ប្រធានសមាគមស្វាយចន្ទីកម្ពុជា បានមើលឃើញពីសញ្ញាវិជ្ជមានច្រើនក្នុងវិស័យស្វាយចន្ទីនាពេលអនាគតដ៏ខ្លី។ សមាគមស្វាយចន្ទីកម្ពុជាបានសម្របសម្រួលវិនិយោគិនបរទេសមួយចំនួនដែលមកពីចិន ឥណ្ឌា​ និងសឹង្ហបុរី​ ដើម្បីបានទទួលនូវការលើកទឹកចិត្តផ្សេងៗ ទាំងពន្ធដា និងពន្ធគយ ដោយក្រុមហ៊ុនទាំងនោះចាំបាច់ត្រូវតែកើតនៅក្នុងតំបន់សួនកសិឧស្សាហកម្មចន្ទី នៅ​ខេត្តកំពង់ធំ ដែលរដ្ឋគ្រោងដីចំនួន ៤០០ហិកតា សម្រាប់សួននេះ ខណៈរដ្ឋក៏គ្រោងប្រកាសជាផ្លូវការ ស្តីពីសួនកសិឧស្សាហកម្មស្វាយចន្ទីនៅចុងឆ្នាំ២០២៥នេះផងដែរ។

លោក អួន ស៊ីឡុត បានបន្ថែមថា ខណៈពេលសួនកសិឧស្សាហកម្មកើតឡើង ក្រុមហ៊ុនដែលបើករោងចក្រនៅតំបន់នេះអាចទទួលបានដូចជា ការអនុគ្រោះពន្ធដា និងពន្ធគយ, មានហេដ្ឋរចនាសម្ព័ន្ធជាស្រេចដែលគាំទ្រដោយរដ្ឋ, មានសិទ្ធិជាម្ចាស់នៅលើដីជួលពីរដ្ឋ​ដោយមិនចាំបាច់មានភាគទុននិកពីកម្ពុជា, ទទួលបានការជួលដីពីរដ្ឋក្នុងតម្លៃសមរម្យ​។ល។, និងមានការអនុគ្រោះជាច្រើនទៀត។

ដូចនេះច្បាស់ណាស់សួនកសិឧស្សាហកម្មស្វាយចន្តីនេះ អាចទាក់ទាញវិនិយោគបន្ថែម និងពិតជាជួយជម្រុញវិស័យកែច្នៃស្វាយចន្ទី បានយ៉ាងច្រើន បង្កើនប្រាក់ចំណូលចូលចរន្តសេដ្ឋកិច្ចជាតិ បង្កើតការងារ​និងផ្តល់តម្លៃបន្ថែមដល់កសិករ ផ្តល់ស្ថេរភាពតម្លៃកសិផល។

សូមបញ្ជាក់ថា យោងតាមឯកសារស្ដីពី «តំបន់ដាំដុះដំណាំស្វាយចន្ទីនៅកម្ពុជាឆ្នាំ ២០២៤» កម្ពុជាមានផ្ទៃដីដាំដុះដំណាំស្វាយចន្ទីសរុប ៥៨០ ១១៧ ហិកតា និងអាចមានសក្ដានុពលផលិតកម្មប្រមាណ ៨១៦ ៤៥៩ តោនក្នុងមួយឆ្នាំ។តាមតួលេខនេះ កម្ពុជាឈរក្នុងចំណោមប្រទេសចំនួន៣ ដែលផលិតស្វាយចន្ទីច្រើនជាងគេនៅលើពិភពលោក។ 

នៅឆ្នាំ២០២៤ កន្លងទៅនេះ កម្ពុជាបាននាំចេញគ្រាប់ស្វាយចន្ទីឆៅទៅកាន់វៀតណាមចំនួន ៧៩៣ ៤៥៣តោន ដែលគិតជាទឹកប្រាក់ ១១ ៥០លានដុល្លារ។ នេះបើតាមទិន្ន័យពីសមាគមស្វាយចន្ទីកម្ពុជា៕SN

The post ចុងឆ្នាំនេះ រោងចក្រកែច្នៃចន្ទីមួយ នឹងផុសឡើងនៅជាយក្រុងភ្នំពេញ ក្រោមការវិនិយោគរបស់ឧកញ៉ាស្រុកខ្មែរ appeared first on .

យោងតាមព្រឹត្តិប័ត្រព័ត៌មានរបស់សមាគមស្វាយចន្ទីកម្ពុជា ដែលបានចេញផ្សាយកាលពីពេលថ្មីៗនេះថា កម្ពុជាត្រូវការមូលធនសរុបប្រមាណ ៣២៩លានដុល្លារ ដើម្បីអភិវឌ្ឍលើហេដ្ឋារចនាសម្ព័ន្ធ កែច្នៃស្វាយចន្ទី ក្នុងរយៈពេល៥ឆ្នាំ ស្របតាមគោលនយោបាយជាតិស្តីពីស្វាយចន្ទី ២០២២-២០២៧។

ជាមួយគ្នានោះ ប្រធានសមាគមស្វាយចន្ទី លោក អួន ស៊ីឡុត បានឱ្យដឹងថា បច្ចុប្បន្នកម្ពុជាមានសហគ្រាសធុនតូចតែ៤២ និងមធ្យម ៦ប៉ុណ្ណោះ បើចង់ឱ្យមានការកែច្នៃ ២៥% (ឬស្មើនឹង ១៧៥ ០០តោន) ក្នុងរយៈពេល៥ឆ្នាំស្របតាមគោលនយោបាយជាតិស្តីពីស្វាយចន្ទី ២០២២-២០២៧ កម្ពុជាត្រូវការរោងចក្រខ្នាតមធ្យមចំនួន៣៥ លើទុនវិនិយោគ ២៦,២៥លានដុល្លារ ត្រូវការទុនបង្វិល ២៦៥,៥លានដុល្លារ និងហេដ្ឋរចនាសម្ព័ន្ធគ្រប់គ្រងក្រោយប្រមូលផល មានដូចជាឃ្លាំងស្តុកគ្រាប់ ២២,៧៥លានដុល្លារ និងទីលានហាលគ្រាប់ ១៧,៥លានដុល្លារ។

លោកបន្តថា ការបង្កើនវិនិយោគនេះមិនមែនជាការប្រថុយប្រថានឡើយ ត្បិតកម្ពុជាជាប់លេខ៣នៅលើពិភពលោក អាចផលិតស្វាយចន្ទីចន្លោះ ៦០០ ០០០ តោន ទៅ៨០០ ០០០តោន ក្នុងមួយឆ្នាំ។ម៉្យាងទៀត ចន្ទីពូជអឹម ២៣ជាប្រភេទចន្ទីដែលមានគ្រាប់ធំ រសជាតិឆ្ងាញ់ និងមានសារធាតុចិញ្ចឹមច្រើនជាងគេ កំពុងតែល្បីលើទីផ្សារអន្តជាតិ WW160 និង WW180។

សូមបញ្ជាក់ថា ដំណាំស្វាយចន្ទីបានជួយអភិវឌ្ឈសេដ្ឋកិច្ចជនបទដែលមាន ២៥០០០គ្រួសារ(កម្ពុជាមាន៦,៥លាននាក់)ប្រកបរបរដាំដំណាំនេះ។លើសពីនេះវិស័យកសិកម្មដំណាំចន្ទីអាចបង្កើតការងារតាមរដូវប្រហែលជា ១២០ ០០០នាក់ផងដែរ។

រយៈពេល៤ខែ ឆ្នាំ២០២៤ កម្ពុជា​នាំចេញគ្រាប់ស្វាយចន្ទីសម្រេចបានជិត៥០ម៉ឺនតោន មានការកើនឡើងជិត២ដង បើធៀបនឹងរយៈពេលដូចគ្នាកាលពីឆ្នាំមុន ដែលមានចំនួនប្រមាណជាង២៨ម៉ឺនតោន។ចំពោះតម្លៃនៅក្នុងខែមេសានេះ គ្រាប់សើមមានតម្លៃ៥០០០រៀល ក្នុងមួយគីឡូ ដែលជាតម្លៃខ្ពស់ជាងគេក្នុងរយៈពេល១៥ឆ្នាំចុងក្រោយ៕

The post បច្ចុប្បន្នកម្ពុជាមានរោងចក្រកែច្នៃស្វាយចន្ទីធុនតូច និងមធ្យមតែ៤៨ប៉ុណ្ណោះ ខណៈកម្ពុជាត្រូវការខ្នាតមធ្យមជិត៣០ទៀត appeared first on .

លោក អួន ស៊ីឡុត ប្រធានសមាគមស្វាយចន្ទីកម្ពុជា បានឱ្យដឹងថា ក្នុងខែមករា ឆ្នាំ២០២៤នេះ ក្រុមហ៊ុនជប៉ុន MIRATH Agri Tech Co.,Ltd កំពុងបុកគ្រឹះដំឡើងរោងចក្រកែច្នៃគ្រាប់ស្វាយចន្ទីនៅស្រុកកំពង់ស្វាយ ខេត្តកំពង់ធំ។រោងចក្រនេះ មានសមត្ថភាពផលិត ២០តោនក្នុង១ថ្ងៃ ដែលជារោងចក្រធុនមធ្យម ដើម្បីបំពេញតម្រូវការទីផ្សារជប៉ុន។

លោកបន្តថា ក្រុមហ៊ុននេះនឹងបន្តបើករោងចក្រកែច្នៃចន្ទីបន្តទៀតនៅឆ្នាំបន្តបន្ទាប់ដែលអាចស្រូបទាញគ្រាប់ឆៅប្រមាណ ២៥ ០០០តោនក្នុង១ឆ្នាំ ព្រមទាំងបើករោងចក្រគៀបប្រេងពីសំបកចន្ទីផងដែរ។ចំពោះតម្លៃរោងចក្រមិនត្រូវបានក្រុមហ៊ុនបញ្ចេញឲ្យដឹងនៅឡើយទេ ប៉ុន្តែក្រុមហ៊ុនមេ MIRATh holding ជាក្រុមហ៊ុនធំមួយនៅប្រទេសជប៉ុន។

លោកបានបន្តទៀតថា ចំណែកឯរោងចក្រដែលសិក្សាជាបន្តបន្ទាប់ទៀតនោះគឺក្រុមហ៊ុនចិន ដែលកម្ពុជាក៏កំពុងតែទាក់ទាញ ហើយបើសិនជាទាក់ទាញបាន គេនឹងមកទាំងសុំណុំ មានន័យថាមកទាំងរោងចក្រកែច្នៃស្វាយចន្ទី រោងចក្រគាបប្រេងពីសំបកស្វាយចន្ទី និងរោងចក្រកែប្រែកាកសំណល់ចុងក្រោយរបស់ស្វាយចន្ទីទៅជាធ្យូងឧស្សាហកម្មសម្រាប់ការធ្វើចំហេះរោងចក្រឧស្សាហកម្ម។

បើតាមលោក អួន ស៊ីឡុត ទោះបីជាមានវត្តមានរោងចក្រខាងលើនេះក៏ដោយ ក៏មិនទាន់គ្រប់គ្រាន់អាចកែច្នៃបំពេញតម្រូវការជប៉ុនបាននៅឡើយទេ ដោយក្រុមហ៊ុននេះនឹងបន្តបើករោងចក្រកែច្នៃចន្ទីបន្ថែមទៀតនៅឆ្នាំបន្តបន្ទាប់ ពីព្រោះតម្រូវការជប៉ុនមួយឆ្នាំ ១ម៉ឺនតោនឯណោះ។

លោកគូសបញ្ជាក់ថា សព្វថ្ងៃនេះ យើងមានរោងចក្រធុនមធ្យមអាចផលិតបានត្រឹមតែចន្លោះពី៧ពាន់ តោន ទៅ១ម៉ឺន៤ពាន់តោននោះ មានតែ៤កន្លែងប៉ុណ្ណោះ ដូច្នេះកម្ពុជាត្រូវការរោងចក្រធុនមធ្យមយ៉ាងតិច៣០ទៀត ដើម្បីកម្ពុជាអាចឱ្យតម្លៃគ្រាប់ស្វាយចន្ទីរបស់កសិករមានស្ថេរភាព អាចផ្តល់តម្លៃបន្ថែមដល់កសិករ អាចបង្កើតការងារក្នុងសហគមន៍បានច្រើនទាំងការងារផ្ទាល់ និងប្រយោល។ប៉ុន្តែសព្វថ្ងៃនេះ យើងមានរោងចក្រ៣ហើយកំពុងដំណើរការ រួមមាននៅកំពង់ចាម ត្បូងឃ្មុំ និងព្រះវិហារ។ហើយលោកសង្ឃឹមថានឹងមានរោងចក្រធុនមធ្យម២ឬ៣ទៀត នឹងកើតឡើងនៅឆ្នាំ២០២៤នេះ៕

The post រោងចក្រកែច្នៃគ្រាប់ស្វាយចន្ទីជប៉ុនមានសមត្ថភាពផលិតបាន២០តោនក្នុងមួយថ្ងៃ កំពុងដំឡើងនៅកម្ពុជា appeared first on .

រោងចក្រកែច្នៃនេះ ជារោងចក្ររបស់ក្រុមហ៊ុន CSNC Agriculture Co.,Ltd ដែលវិនិយោគដោយខ្មែរ និងសិង្ហបុរី។រោងចក្រដែលអភិវឌ្ឍន៍លើផ្ទៃដីជាង១២ហិកតានេះ មានសមត្ថភាពអាចកែច្នៃគ្រាប់ស្វាយចន្ទីបានប្រមាណ៤០តោនក្នុងមួយថ្ងៃ ឬប្រមាណជិត១ម៉ឺន៥ពាន់តោនក្នុងមួយឆ្នាំ។

ជាមួយនឹងការមានវត្តមានរោងចក្រកែច្នៃគ្រាប់ស្វាយចន្ទីឆៅខ្នាតធំមួយនេះ លោក អួន ស៊ីឡុត ប្រធានសមាគមស្វាយចន្ទីកម្ពុជា បានឱ្យដឹងថា នឹងមិនរំពឹងបានច្រើនពេកទេ ពីព្រោះយើងត្រូវការរោងចក្រប្រភេទនេះយ៉ាងតិច៣០ទៀត ទើបតម្លៃគ្រាប់ឆៅរបស់កសិករកម្ពុជាមានស្ថេរភាព។

ដោយលោកបន្តថា សព្វថ្ងៃនេះ យើងមានរោងចក្រធុនមធ្យមអាចផលិតបានត្រឹមតែចន្លោះពី៧ពាន់តោន ទៅ១ម៉ឺន៤ពាន់តោននោះ មានតែ៤កន្លែងប៉ុណ្ណោះ ដូច្នេះកម្ពុជាត្រូវការយ៉ាងតិច៣០ទៀត។ប៉ុន្តែ លោកលើកឡើងថា នេះជាសញ្ញាវិជ្ជមានមួយអំពីបរិយាកាសវិនិយោគនៅកម្ពុជា លើសពីនោះយើងក៏បានបង្ហាញថាកម្ពុជាជាកន្លែងដែលមានសុវត្ថិភាពនៅក្នុងការវិនិយោគផ្នែកកសិឧស្សាហកម្ម។

លោកបន្តថា នៅខែមករា ឆ្នាំ២០២៤ខាងមុខនេះ នឹងមានក្រុមហ៊ុនជប៉ុនមួយបុកគ្រឹះសាងសង់រោងចក្រកែច្នៃគ្រាប់ស្វាយចន្ទីមួយទៀតនៅស្រុកកំពង់ស្វាយ ខេត្តកំពង់ធំផងដែរ។ចំណែកឯរោងចក្រដែលសិក្សាជាបន្តបន្ទាប់ទៀតនោះគឺក្រុមហ៊ុនចិន ដែលកម្ពុជាក៏កំពុងតែទាក់ទាញ ហើយបើសិនជាទាក់ទាញបាន គេនឹងមកទាំងសុំណុំ មានន័យថាមកទាំងរោងចក្រកែច្នៃស្វាយចន្ទី រោងចក្រគាបប្រេងពីសំបកស្វាយចន្ទី និងរោងចក្រកែប្រែកាកសំណល់ចុងក្រោយរបស់ស្វាយចន្ទីទៅជាធ្យូងឧស្សាហកម្មសម្រាប់ការធ្វើចំហេះរោងចក្រឧស្សាហកម្ម។

សមាគមស្វាយចន្ទីកម្ពុជា ក៏បានធ្វើការវាយតម្លៃព្យាការណ៍ថា នៅឆ្នាំ២០២៤នេះ តម្លៃគ្រាប់ស្វាយចន្ទីនឹងកើន៥% ចំណែកទិន្នផលកើនរហូតដល់១០%។ទាក់ទងនឹងការកើនឡើងនេះ លោក អួន ស៊ីឡុត បានអះអាងថា ពីព្រោះមកដល់ពេលនេះលោកគិតថាតម្រូវការសាកលមានការកើនឡើងលើគ្រាប់ស្វាយចន្ទី ហើយបាតុភូត Elnino មិនទាន់ដំណើរការ ហាក់ដូចជាមានការពន្យាពីធម្មជាតិ ដូច្នេះធ្វើឱ្យស្វាយចន្ទីចេញផ្កាស្រុះល្អ ហើយលោក សង្ឈឹមថានឹងមានការចេញផ្កា ផ្លែមុនរដូវក្តៅមកដល់ ដែលធ្វើឱ្យទិន្នផលមិនមានការខាតបង់៕

The post រោងចក្រកែច្នៃគ្រាប់ស្វាយចន្ទីឆៅធំជាងគេតម្លៃ១២លានដុល្លារ បានបើកការសាងសង់ ខណៈកម្ពុជាត្រូវការរោងចក្រប្រភេទនេះយ៉ាងតិច៣០ទៀត appeared first on .

បើតាមកញ្ញា សឿន សុទ្ធនីតា បានឱ្យដឹងថា កិច្ចពិភាក្សានៅក្នុងជំនួបនោះ គឺដើម្បីសិក្សាស្វែងយល់ឱ្យបានច្បាស់ពីវិស័យស្វាយចន្ទីនៅក្នុងប្រទេសកម្ពុជា ក៏ដូចជាទិន្នន័យផ្សេងៗនៅក្នុងការនាំចេញ ដូចជាការដាំដុះ ការលក់ដូរផ្សេងៗ នៅក្នុងប្រទេសកម្ពុជា និងស្វែងយល់ឱ្យច្បាស់អំពីប្រជាកសិកររបស់កម្ពុជា ក៏ដូចជាសិក្សាពីទីតាំងដែលដាំដុះដំណាំចន្ទី។ជាមួយគ្នានោះ តំណាងសមាគមធនធានកសិ-ឧស្សាកម្មកូរ៉េ នឹងមានគម្រោងចាប់ដៃគូសហការគ្នាជាមួយនឹងកម្ពុជា ដែលកម្ពុជាជាម្ចាស់ផ្ទះ ដើម្បីបង្កើតជារោងចក្រកែច្នៃស្វាយចន្ទីមួយដែលមានសមត្ថភាពអាចផលិតដល់ទៅ៧៥០០តោន ក្នុងមួយឆ្នាំ។

បើតាមលោក អួន ស៊ីឡុត ប្រធានសមាគមស្វាយចន្ទី មានប្រសាសន៍ថា ចំពោះសមាគមស្វាយចន្ទីរីករាយចំពោះការមកធ្វើវិនិយោគនៅកម្ពុជាពីសំណាក់វិនិយោគិនកូរ៉េខាងត្បូង។ដោយបច្ចុប្បន្ន សមាគមស្វាយចន្ទីកម្ពុជា មានសមាជិកដែលជាសហគ្រាសរហូតទៅដល់៣១សហគ្រាស សម្រាប់កែច្នៃស្វាយចន្ទី ទាំងធុនតូច និងមធ្យម ហើយនៅក្នុងប្រទេសកម្ពុជា។បើសិនជាវិនិយោគិនកូរ៉េចង់មកវិនិយោគ ធ្វើការបង្កើតរោងចក្រកែច្នៃផ្ទាល់ នោះយើងមានធនធាន និងមានទីតាំងសម្រាប់ជូនដល់ពួកគាត់ក្នុងការវិនិយោគ តែបើចង់ធ្វើការវិនិយោគរួមជាមួយសហគ្រាសក្នុងស្រុកដែលមានស្រេច នោះសមាគមស្វាយចន្ទីក៏​មានគ្រប់គ្រាន់សម្រាប់ផ្តល់ជាឱកាសក្នុងការវិនិយោគរកស៊ីរួមគ្នាផងដែរ។

លោក បន្តថា កាលណាយើងមានរោងចក្រកាន់តែច្រើន នោះយើងមានសំបកកាន់តែច្រើនក្នុងការផ្តល់ជូនដល់វិនិយោគិនក្នុងការគាបប្រេង។ដូចនេះ យើងលក់បានទាំងសាច់ លក់បានទាំងសំបក ធ្វើឱ្យតម្លៃអាចមានការប្រកួតប្រជែងជាមួយនឹងបណ្តាប្រទេសជិតខាង។

បើតាមប្រធានសមាគមស្វាយចន្ទី ការសិក្សារបស់ភាគីកូរ៉េនេះ មានការសង្ឈឹម៥០% ហើយលោកគិតថា ការសិក្សាគម្រោងបង្កើតរោងចក្រនេះ នឹងអាចមាននៅពេលឆាប់ៗនេះ ផងដែរ៕

The post កូរ៉េ មានគម្រោងបង្កើតរោងចក្រកែច្នៃស្វាយចន្ទីនៅកម្ពុជា ដែលមានសមត្ថភាពអាចផលិតបាន៧៥០០តោន ក្នុងមួយឆ្នាំ appeared first on .

ក្នុងជំនួបនោះ លោក Heo Jang បានឱ្យដឹងថា ខាងសមាគមធនធានកសិ-ឧស្សាហកម្មកូរ៉េក្រៅប្រទេស មានបំណងក្នុងការចូលរួមលើកកម្ពស់វិស័យស្វាយចន្ទីកម្ពុជា ដោយពិនិត្យឃើញថាកន្លងមកស្វាយចន្ទីភាគច្រើនត្រូវបាននាំចេញទៅក្រៅប្រទេសដោយមិនទាន់បានកែច្នៃ ដែលនាំឱ្យបាត់បង់នូវតម្លៃបន្ថែម។ ហេតុដូចនេះ សមាគមធនធានកសិ-ឧស្សាហកម្មកូរ៉េនៅក្រៅប្រទេសរបស់កូរ៉េ មានគោលបំណងក្នុងការចុះមកសិក្សានិងពិនិត្យលទ្ធភាព ក្នុងការបង្កើតរោងចក្រកែច្នៃចន្ទី តាមរយៈគម្រោងអភិវឌ្ឍន៍ផ្លូវការរបស់រដ្ឋាភិបាលកូរ៉េខាងត្បូង(ODA) ដែលអាចនឹងជួយបង្កើនតម្លៃបន្ថែមលើចន្ទីកម្ពុជាក្នុងការនាំចេញទៅទីផ្សារពិភពលោក។

ជាមួយគ្នានោះ រដ្ឋលេខាធិការក្រសួងពាណិជ្ជកម្ម បានស្វាគមន៍ចំពោះគំនិតផ្តួចផ្តើមដ៏មានសារៈសំខាន់នេះ ដែលស្របតាមនូវគោលនយោបាយជាតិស្តីពីស្វាយចន្ទី ឆ្នាំ២០២២-២០២៧ និងបាន អំណរគុណចំពោះរដ្ឋាភិបាលកូរ៉េ ដែលតែងតែផ្តល់ការគាំទ្រ និងសហការជិតស្និទ្ធក្នុងពេលកន្លងមក។

បន្ថែមពីនោះ លោកក៏បានស្នើសុំឱ្យប្រតិភូកូរ៉េ ជួយផ្សព្វផ្សាយ និងទាក់ទាញវិនិយោគិនកូរ៉េបន្ថែមមកវិនិយោគលើការកែច្នៃស្វាយចន្ទីក្នុងប្រទេសកម្ពុជា ក៏ដូចជាទិញទំនិញពីកម្ពុជាឱ្យបានកាន់តែច្រើនដោយសារប្រទេសទាំងពីរមានកិច្ចព្រមព្រៀងពាណិជ្ជកម្មសេរី(FTA)រវាងគ្នា ដែលមានមុខទំនិញជាច្រើនមានអត្រាពន្ធ០% ក្នុងនោះក៏មានគ្រាប់ស្វាយចន្ទីផងដែរ ដើម្បីបង្កើននូវទំហំពាណិជ្ជកម្មរវាងប្រទេសទាំងពីរ៕

The post សមាគមធនធានកសិ-ឧស្សាហកម្មកូរ៉េ មានបំណងបង្កើតរោងចក្រកែច្នៃស្វាយចន្ទីនៅកម្ពុជា ដើម្បីបង្កើនតម្លៃក្នុងការនាំចេញ appeared first on .