លោក ហេង សួរ បានឱ្យដឹងក្នុងពិធីសន្និបាតលើកទី១៧ របស់សមាគមវាយនភណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា (TAFTAC) កាលពីថ្ងៃទី១៨មករាថា ក្នុងរយៈពេល ២៩ឆ្នាំមកនេះ សមាគម TAFTAC បានដើរតួនាទីជាតំណាងសំឡេងរួមតែមួយរបស់វិនិយោគិន ការពារ និងលើកកម្ពស់សិទ្ធិ និងប្រយោជន៍ស្របច្បាប់របស់វិនិយោគិនទាំងអស់ និងបានបង្កើតនូវវេទិកាសម្រាប់ការប្រឹក្សាយោបល់ និងកិច្ចសន្ទនាសង្គមនានាជាមួយគ្រប់ភាគីពាក់ព័ន្ធ ដើម្បីបង្កើតនូវបរិយាកាសវិនិយោគដែលអំណោយផលដល់កំណើននៃការនាំចេញ និងការអភិវឌ្ឍប្រកបដោយចីរភាព។

លោកបន្តថា ការនាំចេញផលិតផលទាំងនេះ(វាយនភណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា) ក្នុងឆ្នាំ២០២៥ មានតម្លៃប្រមាណ ១៥,៧ពាន់លានដុល្លារអាមេរិក កើនឡើងពីតម្លៃប្រមាណ ១៣,៥ពាន់លានដុល្លារ ក្នុងឆ្នាំ២០២៤ (កើនឡើង ១៥,៨%)។

ទន្ទឹមនឹងនេះ ចាប់ពីដើមអាណត្តិទី៧ រហូតមកដល់ដំណាច់ឆ្នាំ២០២៥ ចំនួនរោងចក្រ សហគ្រាស គ្រឹះស្ថាន ដែលបានចុះបញ្ជីនៅក្រសួងបានកើនឡើងដល់ ៤៦ ៦៤៩សហគ្រាស និងចំនួនកម្មករនិយោជិតកើនដល់ ២ ១៤១ ២៤១នាក់។

គួរឱ្យដឹងថា បើគិតតែត្រឹមឆ្នាំ ២០២៤ កម្ពុជា មាន​រោងចក្រ​សហគ្រាស​តែចំនួន ៤៤ ៧៩៨ មាន​កម្មករ-និយោជិត​តែចំនួន ១ ៨១៦ ០៤៦ នាក់ ស្រី ១ ០៦៤ ៦៨១ នាក់ ក្នុង​នោះ រោងចក្រ​កាត់ដេរ​មាន​ចំនួន ១ ៥៦៦ មាន​កម្មករ-និយោជិត ចំនួន ៩២៤ ០៤៥ នាក់ ស្រី ៦៩១ ៤២៣ នាក់ប៉ុណ្ណោះ៕

The post រោងចក្រ សហគ្រាស គ្រឹះស្ថាន បានកើនឡើងដល់ជាង៤ម៉ឺន ៦ពាន់ សហគ្រាស ខណៈកម្មករនិយោជិតកើនដល់ជាង ២លាន ១៤ម៉ឺននាក់ appeared first on .

លោក ហេង សួរ បានថ្លែងបែបនេះ នៅក្នុងពិធីអបអរសាទរការទទួលបានក្រុមហ៊ុនវិនិយោគចំនួន២០០ និងសំណេះសំណាលជាមួយបងប្អូនកម្មករនិយោជិត នៅក្នុងតំបន់សេដ្ឋកិច្ចពិសេសក្រុងព្រះសីហនុក្រោមអធិបតីដ៏ខ្ពង់ខ្ពស់របស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នាថ្ងៃទី២២ ខែឧសភា​ ឆ្នាំ២០២៥។

លោករដ្ឋមន្រ្តីបានគូសបញ្ជាក់ដូច្នេះថា៖ “គិតពីដំណាច់ឆ្នាំ២០២៤ ដល់ត្រឹមខែមេសា ឆ្នាំ២០២៥ នេះ សហគ្រាស គ្រឹះស្ថាន បានកើនពីចំនួន ៤៤ ៧៩៨ ដល់ចំនួន ៤៥ ៣៨៦សហគ្រាស ហើយកម្មករនិយោជិតបានកើន ពីប្រមាណ ១,៨២លាននាក់ ដល់ប្រមាណ១,៨៧លាននាក់ ដែលអាចផ្តល់ប្រាក់ឈ្នួលជូនបងប្អូន កម្មករនិយោជិតមធ្យមសរុបប្រចាំឆ្នាំប្រមាណ ៦ពាន់លានដុល្លារអាម៉េរិក។

លោកបន្តថា ក្នុងនោះ គ្រាន់តែវិស័យកាត់ដេរមានសហគ្រាស គ្រឹះស្ថានសរុបចំនួន ១ ៦៥៧សហគ្រាស មានកម្មករនិយោជិតប្រមាណ ៩៧ម៉ឺននាក់ ទទួលបានប្រាក់ឈ្នួលមធ្យមសរុបប្រចាំឆ្នាំប្រមាណ ៣,១ពាន់លាន ដុល្លារអាម៉េរិក៕

The post លោក ហេង សួរ៖ ជាង១ឆ្នាំមកនេះ រោងចក្រកើនឡើងជិត៦០០ ខណៈប្រាក់ឈ្នួលកម្មករឡើងជិត៦ពាន់លានដុល្លារ appeared first on .

លោក ហេង​ សួរ បានថ្លែងបែបនេះនៅក្នុងពិធីអបអរសាទរការទទួលបានក្រុមហ៊ុនវិនិយោគចំនួន២០០ និងសំណេះសំណាលរវាងសម្តេចធិបតីជាមួយកម្មករនិយោជិតជាង៣ម៉ឺននាក់ ក្រោមអធិបតីភាពសម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា នាព្រឹកថ្ងៃទី២២ ខែឧសភា ឆ្នាំ២០២៥នេះ។

នាឱកាសនោះ លោក ហេង សួរ បានលើកឡើងបន្តថា កម្មករ និយោជិតបានកើនពី១,៦៥លាននាក់ ដល់ប្រមាណ​១,៨៧លាននាក់ ដែលអាចផ្តល់ប្រាក់ចំណូលជូនបងប្អូនកម្មករនិយោជិតជាមធ្យមប្រចាំឆ្នាំប្រមាណជា ៦ពាន់លានដុល្លារអាម៉េរិក។ ក្នុងនោះ គ្រាន់តែវិស័យកាត់ដេរមួយមានសហគ្រាសសរុបចំនួន១ពាន់៦៥៧សហគ្រាស មានកម្មករ និយោជិតប្រមាណ៩៧ម៉ឺននាក់ ទទួលបានប្រាក់ឈ្នួលមធ្យមប្រចាំឆ្នាំប្រមាណ៣ពាន់លានដុល្លារអាម៉េរិក។

ដោយឡែកបើគិតតែសហគ្រាសក្នុងខេត្តព្រះសីហនុបានកើនឡើងពីចំនួន ៦៩ សហគ្រាស មានកម្មករនិយោជិត ១០ ៦១៩ នាក់បានកើនឡើងដល់ ៣ ៨៣៣សហគ្រាស កម្មករនិយោជិត ១១៥ ៨៥៤ នាក់ ទទួលបានប្រាក់ឈ្នួលមធ្យមសរុបប្រចាំឆ្នាំប្រមាណ ៣៥៩ លានដុល្លារអាម៉េរិក។

សូមជម្រាបជូនថា រាជរដ្ឋាភិបាលអាណត្តិទី៧ ក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្រ្តី បាននឹងកំពុងបន្តគោលនយោបាយក្នុងការអភិវឌ្ឍសេដ្ឋកិច្ច ដើម្បីកែប្រែកម្ពុជាក្លាយជាប្រទេសដែលមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ និងប្រទេសមានប្រាក់ចំណូលខ្ពស់នៅឆ្នាំ២០៥០ ព្រមទាំងប្រែក្លាយប្រទេសកម្ពុជាពីប្រទេសប្រើកម្លាំងអតិពលកម្ម មកពលកម្មជំនាញវិញ តាមរយៈការដាក់ចេញនូវកម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈនៅអាណត្តិទី៧នេះផងដែរ៕

The post រដ្ឋមន្រ្តីក្រសួងការងារ៖ ២០ខែ នៃការបង្កើតរាជរដ្ឋាភិបាលអាណត្តិទី៧ ចំនួនរោងចក្រ សហគ្រាសបានកើនឡើងដល់ជាង៤ម៉ឺន ៥ពាន់ សហគ្រាស appeared first on .

នៅក្នុងសេចក្តីណែនាំរបស់ក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី៩ ខែមេសា ឆ្នាំ២០២៤ បានណែនាំដល់ ម្ចាស់ ឬនាយករោងចក្រទាំងអស់ ត្រូវបើកទ្វារ បង្អួចទាំងអស់ ឬបន្ថែមកង្ហារបញ្ចេញខ្យល់ ឬបឺតខ្យល់ចេញ ក្នុងអគារធ្វើការ។ត្រូវបង្កើនការផ្គត់ផ្គង់ទឹកស្អាតសម្រាប់ពិសាដល់កម្មករនិយោជិត និងណែនាំឱ្យពិសាទឹកឱ្យ បានច្រើន និងញឹកញាប់ យ៉ាងតិច ២លីត្រក្នុងមួយថ្ងៃ ទោះបីមិនស្រេកទឹកក៏ដោយ។

ក្នុងនោះ ត្រូវបាញ់ទឹកនៅលើដំបូលអគារធ្វើការឱ្យបានយ៉ាងតិច ២ដងក្នុងមួយថ្ងៃ និងត្រូវចាត់វិធានការ ចាំបាច់ផ្សេងៗទៀត ដើម្បីកាត់បន្ថយកម្ដៅជាបន្ទាន់។ ត្រូវពិនិត្យប្រព័ន្ធបញ្ចេញបញ្ចូលខ្យល់ទាំងអស់នៅតាមអគារធ្វើការ ដើម្បីធានាថាដំណើរការល្អ និងត្រូវបើកឱ្យដំណើរការយ៉ាងតិច ១ម៉ោង មុនឱ្យកម្មករនិយោជិតចូលធ្វើការ។និងត្រូវចាត់បុគ្គលិកទទួលបន្ទុក ត្រួតពិនិត្យឧបករណ៍វាស់ស្ទង់កម្ដៅជាប្រចាំ នៅកន្លែងធ្វើការ។

ក្រសួងការងារ និងបណ្តុះបណ្តាលវិជ្ជាជីវៈ សង្ឃឹមយ៉ាងមុតមាំថា ម្ចាស់ ឬនាយករោងចក្រទាំងអស់ នឹង ចូលរួមអនុវត្តតាមសេចក្តីណែនាំនេះឱ្យបានម៉ឺងម៉ាត់ប្រកបដោយប្រសិទ្ធភាព ក្នុងស្មារតីទទួលខុសត្រូវខ្ពស់៕

The post ក្រសួងការងារ ដាក់ចេញវិធានការបន្ទាន់នៅតាមរោងចក្រ ក្នុងអំឡុងពេលអាកាសធាតុក្តៅ appeared first on .

សម្តេចធិបតី បានឱ្យដឹងបន្ថែមថា រយៈពេល៦ខែមកនេះ ពោលគិតចាប់ពីថ្ងៃទី៣១ ខែកក្កដា ឆ្នាំ២០២៣ ដល់ថ្ងៃទី២៩ ខែកុម្ភៈ ឆ្នាំ២០២៤ នៃរាជរដ្ឋាភិបាល អាណត្តិទី៧ មានរោងចក្រសហគ្រាស ដែលបានបើកថ្មីចំនួន ៣,៣១៣ ក្នុងនោះមានវិស័យកាត់ដេរ ចំនួន ១៦៤រោងចក្រ ដែលបានបង្កើតការងារថ្មីជូនប្រជាពលរដ្ឋចំនួន ៧៧,២០៩នាក់។

ដោយសម្តេច បានបន្តថា៖«បើយើងមើលពាក់ព័ន្ធទៅនឹងសហគ្រាសទាំងចុះនៅក្នុង CDC ទាំងមិនបានចុះនៅ CDC ប្រភពពីក្រសួងការងារ ក្នុងរយៈពេល៦ខែនេះ ពីថ្ងៃទី៣១ ខែ៨ ឆ្នាំ២០២៣ ដល់ថ្ងៃទី២៩ ខែ២ ឆ្នាំ២០២៤ រាងចក្រសហគ្រាសសរុប ដែលបានបើកថ្មី គឺមាន៣,៣១៣ ក្នុងនោះក្នុងវិស័យកាត់ដេរ ១៦៤រោងចក្រ បង្កើតការងារ ៥២,៥៩៧កន្លែង និងសហគ្រាសក្រៅពីវិស័យកាត់ដេរ មាន ៣,១៤៩ មានតូច មានធំ ដែលបង្កើតការងារជាង ២៤,៦១២នាក់ សរុប គឺ ៧៧,២០៩នាក់ ដែលបានបង្កើតការងារថ្មីជាមួយនឹងសហគ្រាស ៣,៣១៣»។

បន្ថែមពីនេះ សម្តេចធិបតី ក៏បានគូសបញ្ជាក់ថា បច្ចុប្បន្ននេះ រាជរដ្ឋាភិបាល កំពុងខិតខំប្រឹងប្រែងដើរទាក់ម៉ូយក្នុងការវិនិយោគលើគ្រប់វិស័យ ក្នុងគោលបំណងដើម្បីជំរុញកំណើនសេដ្ឋកិច្ចជាតិ និងបង្កើតឱកាសការងារជូនប្រជាពលរដ្ឋ។

សូមបញ្ជាក់ដែរថា បើតាមក្រុមប្រឹក្សាអភិវឌ្ឍន៍កម្ពុជា ក៏បានឱ្យដឹងដែរថា ត្រឹមមួយខែកុម្ភៈ ឆ្នាំ២០២៤នេះដែរ កម្ពុជា ទទួលបានគម្រោងវិនិយោគចំនួន ៣៧ ដែលមានទុនវិនិយោគសរុបប្រមាណជិត ១,២ពាន់លានដុល្លារអាម៉េរិកត្រូវបានអនុម័តដោយក្រុមប្រឹក្សាអភិវឌ្ឍន៍កម្ពុជា៕

The post មានរោងចក្រសហគ្រាសរហូតជាង ៣ពាន់ បានបើកថ្មីនៅទូទាំងប្រទេសកម្ពុជា ត្រឹម៦ ខែ ឆ្នាំ២០២៤នេះ appeared first on .

នៅក្នុងពីធីនោះ លោក ហេង សួរ បានបញ្ជាក់ថា ក្នុងត្រីមាសទី៤ ឆ្នាំ២០២៣កន្លងទៅនេះ ក្រសួងបានធ្វើបច្ចុប្បន្នភាពស្ថិតិរោងចក្រ សហគ្រាស និងកម្មករនិយោជិតដែលគ្រប់លក្ខណៈសម្បត្តិដើម្បីចុះបញ្ជិកាដែលធ្វើឱ្យចំនួនរោងចក្រ សហគ្រាសបានកើនពីចំនួន១ ៧០០ដល់ចំនួនជាង៤ម៉ឺនរោងចក្រ សហគ្រាស រីឯកម្មករនិយោជិតសរុបបានកើនពីចំនួន១លាន៥សែននាក់ ដល់១លាន ៧សែននាក់។

គួរបញ្ជាក់ថា រាជធានី/ខេត្តចំនួន៣ ដែលមានរោងចក្រ សហគ្រាសច្រើនជាងគេនៅក្នុងប្រទេសកម្ពុជា រួមមាន រាជធានីភ្នំពេញ ជាប៉ូលសេដ្ឋកិច្ចទី១ និងជាតំបន់ដែលមានការអភិវឌ្ឍរោងចក្រ សហគ្រាសច្រើនជាងគេ បន្ទាប់មកគឺខេត្តកំពង់ស្ពឺ និងទី៣ខេត្តកណ្តាល។

ជាមួយគ្នានេះ គោលនយោបាយរបស់រាជរដ្ឋាភិបាលក៏បានជំរុញការកសាងរោងចក្រ សហគ្រាស នៅទូទាំងរាជធានី ខេត្ត ដោយបានបង្កើតការងារ និងមុខរបរ ជូនប្រជាពលរដ្ឋឱ្យនៅកៀកនឹងមូលដ្ឋានរស់នៅរបស់គាត់ផ្ទាល់។ មិនតែប៉ុណ្ណោះ បានបន្តលើកកម្ពស់ការការពារសិទ្ធិ សេរីភាពថែរក្សាសុខដុមនីយកម្មការងារ ផ្តល់អត្ថប្រយោជន៍នានា ជូនដល់កម្មករនិយោជិត រួមទាំងការផ្តល់កិច្ចគាំពារសង្គមស្របតាមយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលនីតិកាលទី៧ផងដែរ៕

The post គិតត្រឹមឆ្នាំ២០២៣ កម្ពុជាមានរោងចក្រ សហគ្រាសជាង៤ ម៉ឺន និងមានកម្មករនិយោជិតប្រមាណ១,៧លាននាក់ appeared first on .

បើតាមរដ្ឋមន្រ្តីក្រសួងការងារ បានឱ្យដឹងថា រាជធានី/ខេត្តទាំង៣នោះ រួមមាន៖
១)រាជធានីភ្នំពេញ៖ បច្ចុប្បន្នបច្ចុប្បន្នរាជធានីភ្នំពេញ មានរោងចក្រសហគ្រាសប្រមាណ៩ ៣២៣រោងចក្រ មានកម្មករនិយោជិក ប្រមាណ៦៦ម៉ឺននាក់ ដែលមានប្រាក់ឈ្មួលសរុបជាង២ពាន់លានដុល្លារក្នុងមួយឆ្នាំ ក្នុងនោះសហគ្រាសវិស័យកាត់ដេរមានចំនួន ៧៤៣រោងចក្រ មានកម្មករនិយោជិកសរុបចំនួនប្រមាណ៣៤ម៉ឺននាក់ ដែលមានប្រាក់ឈ្នួលសរុបប្រមាណ១ពាន់លានដុល្លារក្នុងមួយឆ្នាំ ហើយរាជធានីភ្នំពេញ ជាប៉ូលសេដ្ឋកិច្ចទី១ និងជាតំបន់ដែលមានការអភិវឌ្ឍ រោងចក្រសហគ្រាសច្រើនជាងគេ។

២)ខេត្តកំពង់ស្ពឺ៖ បច្ចុប្បន្នខេត្តកំពង់ស្ពឺមានរោងចក្រសហគ្រាសចំនួន ៣៨៥រោងចក្រ មានកម្មករនិយោជិតកំពុងបម្រើការងារសរុបជាង១៥ម៉ឺននាក់ ដែលផ្តល់ប្រាក់ចំណូលគិតជាប្រាក់ឈ្នួលសរុបប្រមាណ៤៧០០លានដុល្លារ ក្នុងមួយឆ្នាំៗ។ក្នុងនោះ វិស័យកាត់ដេរមានរោងចក្រ ១៩១ មានកម្លាំងកម្មករនិយោជិតសរុបជិត១៤ម៉ឺននាក់ ផ្តល់ប្រាក់ឈ្នួលសរុបជាង៤៣០លានដុល្លារ ក្នុងមួយឆ្នាំ ហើយជាខេត្តលំដាប់ទី២ ដែលមានការអភិវឌ្ឍរោងចក្រ សហគ្រាសច្រើនជាងគេបន្ទាប់ពីរាជធានីភ្នំពេញ។

៣)ខេត្តកណ្តាល៖ បច្ចុប្បន្នខេត្តកណ្តាល មានរោងចក្រ សហគ្រាសចំនួន ៤៨៣ មានកម្មករនិយោជិតជង១៥ម៉ឺននាក់ ដែលមានប្រាក់ឈ្នួលសរុបប្រមាណ ៤៧៣លានដុល្លារ ក្នុងមួយឆ្នាំៗ។ក្នុងនោះ រោងចក្រសហគ្រាសវិស័យកាត់ដេរមានចំនួន ១៧១ មានកម្មករនិយោជិតសរុបជាង១៣ម៉ឺននាក់ ដែលមានប្រាក់ឈ្នួលសរុបជាង៤១១លានដុល្លារ ក្នុងមួយឆ្នាំ និងជាខេត្តទី៣ មានការអភិវឌ្ឍរោងចក្រ សហគ្រាសច្រើនជាងគេបន្ទាប់ពីរាជធានីភ្នំពេញ និងខេត្តកំពង់ស្ពឺ។

រដ្ឋមន្ត្រីក្រសួងការងារ បានគូសបញ្ជាក់ថា ប្រទេសកម្ពុជាបច្ចុប្បន្នមានការវិនិយោគជាច្រើនពីបរទេស ដោយទាំងរោងចក្រនិងសហគ្រាសនៅភ្នំពេញនិងបណ្តាខេត្តមានការកើនឡើងជាបន្តបន្ទាប់ ដែលបង្ហាញឱ្យឃើញថា កម្ពុជាមានការអភិវឌ្ឍលឿនរហ័សនិងមានសុខសន្តិភាពពេញលេញទើបមានអ្នកវិនិយោគមកបណ្ដាក់ ទុនជាបន្តបន្ទាប់បែបនេះ៕

The post រាជធានី/ខេត្ត៣ មានរោងចក្រ សហគ្រាសច្រើនជាងគេ ប្រមាណជាង១ម៉ឺន រោងចក្រ appeared first on .

ការលើកឡើងរបស់សម្ដេចតេជោ ហ៊ុន សែន នាពេលនេះ ត្រូវបានធ្វើឡើងនៅព្រឹកថ្ងៃទី២៦ ខែឧសភា ឆ្នាំ២០២៣នេះ ក្នុងពេលអញ្ជើញសំណេះសំណាលជាមួយបងប្អូនកម្មករនិយោជិតនៅទីតាំងរោងចក្រ ម៉ាវ៉ល ហ្កាមិន (Marvel Garment) ក្នុងតំបន់ សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ (ROYAL GROUP PIINOM PENH SEZ)។

នាឱកាសនោះ សម្តេចតេជោ បានប្រកាសថា កត្តាសន្តិភាព និងស្ថិរភាពនយោបាយ ជាកត្តាសត្យានុម័តមិនអាចប្រកែកបាន ដើម្បីទាក់ទាញ កៀរគរ វិនិយោគិន មកបណ្តាក់ទុនរកស៊ីនៅក្នុងប្រទេសកម្ពុជា។ សម្តេចបញ្ជាក់ថា «គ្មានការវិនិយោគណា ធ្វើឡើងក្រោមគ្រាប់បែកគ្រាប់ផ្លោងនោះទេ»។

ជាមួយគ្នានេះ សម្តេចតេជោ ហ៊ុន សែន បានប្រកាសថា៖« យើងមិនអាចផ្លាស់ប្តូរអតីតកាលបានឡើយ តែយើងអាចរំលឹកពីអតីតកាល ដើម្បីជាកត្តាឆ្លុះបញ្ចាំងពីស្ថានភាពជាក់ស្តែង នៃការរីកចម្រើននាពេលបច្ចុប្បន្ននៅកម្ពុជា»។

ដោយសម្ដេចតេជោ ហ៊ុន សែន បានរម្លឹកដែរថា កាលពីឆ្នាំ១៩៩៧ រោងចក្រនៅក្នុងប្រទេសកម្ពុជាមានតែជាង ៦៤ រោងចក្រប៉ុណ្ណោះ មានកម្មករ ៨ ម៉ឺននាក់ ទំហំនៃការនាំចេញមាន ២៧០ លានដុល្លារ។ ហើយពេលនោះកម្មករ ៨ ម៉ឺននាក់នេះ ទទួលបានប្រាក់ខែត្រឹមតែ ៤០ដុល្លារអាមេរិកទេ។

បើតាមសម្តេចតេជោ ហ៊ុន សែន បានបញ្ជាក់ឱ្យដឹងដែរថា បច្ចុប្បន្ននៅទូទាំងប្រទេសកម្ពុជា មានរោងចក្រទៅដល់ ១៣២៦ រោងចក្រ ជាមួយនឹងកម្មករជាង ៨៤ ម៉ឺននាក់។ ដោយឡែក បើគិតត្រឹមឆ្នាំ២០២៣នេះដែរ រោងចក្រ សហគ្រាសនៅទូទាំងប្រទេសកម្ពុជាទាំងអស់មានចំនួន ១៧០០០ រោងចក្រ មានកម្មកររហូតដល់ ១ លាន ៥ សែននាក់ ដែលនេះជាចំនួននៃការកើនឡើងសម្រាប់ប្រទេសកម្ពុជា។ សម្តេចតេជោ អះអាងដែរថា៖« ការនាំចេញលើវិស័យកាត់ដេររបស់យើងមានកាន់តែធំ និងពីមួយឆ្នាំទៅឆ្នាំការនាំចេញមានការកើនឡើងគួរឱ្យកត់សម្គាល់ គឺដោយសារតែយើងពឹងពាក់លើការនាំចេញទៅកាន់ទីផ្សារច្រើនកន្លែង»៕

អត្ថបទ​៖ ពិសី

The post សម្តេចតេជោ ហ៊ុន សែន៖ បច្ចុប្បន្ន រោងចក្រ និងសហគ្រាសនៅកម្ពុជា​បានកើនដល់ជិត២ម៉ឺន អាចផ្តល់ការងារជូនពលរដ្ឋរហូត១,៥ លាននាក់ appeared first on .