ពិធីសម្ពោធនេះ បានធ្វើឡើង ក្រោមអធិបតីភាពលោក កែវ រតនៈ រដ្ឋមន្ត្រីក្រសួងរ៉ែនិង ថាមពល រួមជាមួយរដ្ឋបាលខេត្តកំពង់ធំ និងរដ្ឋបាលខេត្តក្រចេះ។កម្មវិធីសម្ពោធនេះមានការចូលរួមពីសំណាក់ លោក លោកស្រី ជាថ្នាក់ដឹកនាំក្រសួងរ៉ែនិងថាមពល លោក នួន ផារ័ត្ន អភិបាលនៃគណៈអភិបាលខេត្តកំពង់ធំ និងលោក វ៉ា ថន អភិបាលនៃគណៈអភិបាលខេត្តក្រចេះ មន្ត្រីរាជការនៃក្រសួងរ៉ែនិងថាមពល ព្រមទាំង បុគ្គលិក-កម្មកររបស់ក្រុមហ៊ុនជាច្រើននាក់។

បើតាមលោក កែវ រតនៈ រដ្ឋមន្ត្រីក្រសួងរ៉ែនិង ថាមពល បានបញ្ជាក់ថា គម្រោងវិនិយោគរ៉ែមាសនៅព្រំប្រទល់ខេត្តកំពង់ធំនិងក្រចេះ ដែលបានចាប់ផ្តើមដំណើរការនេះ។  ជាង៥ឆ្នាំមកនេះចំណូលពីរ៉ែមាសជាង ២០០លានដុល្លារត្រូវបានបង់ជូនរដ្ឋរួចហើយ។  គម្រោងថ្មីចុងក្រោយនេះ បានផ្តល់ការងារជូនខ្មែរយើងចំនួន៣៧៥នាក់៕ អត្ថបទ៖ហ្សាលីន

The post រោងចក្រចម្រាញ់រ៉ែមាស នៅតំបន់ស្នងអន ព្រំប្រទលខេត្តកំពង់ធំ និងក្រចេះ ដាក់ឱ្យដំណើរការជាផ្លូវការ appeared first on .

យោងតាមរបាយការណ៍ដែលត្រូវបានរាយការណ៍ដោយសារព័ត៌មាន Forbes បានបង្ហាញឲ្យដឹងថា លោក Garibaldi Thohir និងលោក Edwin Soeryadjaya បានទាញអត្ថប្រយោជន៍បានយ៉ាងច្រើនពីការកើនឡើងនេះ ដោយក្រុមហ៊ុនរ៉ែមាស Merdeka Gold Resources របស់ពួកគេ បានរៃអង្គាសទឹកប្រាក់ចំនួន ៤,៧ទ្រីលានរូពី (២៤០លានដុល្លារ) តាមរយៈការបោះផ្សាយលក់ IPO កាលពីក្នុងខែកញ្ញា។

ប្រភពដដែលនេះ បានឲ្យដឹងទៀតថា លោក Thohir បច្ចុប្បន្នជាប់ចំណាត់ថ្នាក់លេខ១៩ ក្នុងនាមជាមហាសេដ្ឋីមានដាច់គេនៅក្នុងប្រទេស ជាមួយទ្រព្យសម្បត្តិសរុបប្រមាណ ៣,៤ពាន់លានដុល្លារ ខណៈពេលដែលលោក Edwin ជាប់ចំណាត់ថ្នាក់លេខ៤៥ ជាមួយទ្រព្យសម្បត្តិសរុប ១,៤ពាន់លានដុល្លារ។

ទន្ទឹមនឹងនេះ លោក Peter Sondakh ដែលគ្រប់គ្រងលើក្រុមហ៊ុនផលិតមាសធំជាងជាងគេមួយរបស់ប្រទេស Archi Indonesia ក៏បានមើលឃើញទ្រព្យសម្បត្តិរបស់ខ្លួន កើនឡើងប្រហែល ១ពាន់លានដុល្លារបន្ថែមទៀតផងដែរ ដែលធ្វើឲ្យទ្រព្យសរុបកើនឡើងដល់ ៣,១ពាន់លានដុល្លារ។

ជម្រាបជូនថា តម្លៃមាសអន្តរជាតិបានកើនឡើងជាង ៦០% ចាប់តាំងពីដើមឆ្នាំនេះមក ដល់ប្រហែល ៤ ៣៣៧ដុល្លារក្នុងមួយអោន ស្របពេលស្ថាប័ន Goldman Sachs ព្យាករថាតម្លៃមាសអាចនឹងបន្តកើនឡើងដល់ ៤ ៩០០ដុល្លារនៅឆ្នាំក្រោយ៕​

The post មហាសេដ្ឋីអណ្តូងរ៉ែមាសឥណ្ឌូណេស៊ី មើលឃើញទ្រព្យសម្បត្តិខ្លួនហក់ឡើងខ្លាំង appeared first on .

លោក កែវ រតនៈ បានឱ្យដឹងថា កិច្ចព្រមព្រៀងជាមួយក្រុមហ៊ុន Renaissance Minerals (Cambodia) Limited ជាជំហានមួយក្នុងការកែប្រែសក្តានុពលរ៉ែមាស ទៅជាតម្លៃសេដ្ឋកិច្ចពិតប្រាកដសម្រាប់ប្រទេស ពង្រឹងសេដ្ឋកិច្ចកម្ពុជាឱ្យទំនើប និងមានលក្ខណៈពិពិធកម្ម។ ក្រុមហ៊ុន Renaissance Minerals (Cambodia) Limited ជាក្រុមហ៊ុនផលិតមាសនាំមុខគេនៅកម្ពុជា ដោយកំពុងដំណើរការអាជីវកម្មនៅតំបន់អូរខ្វាវ ខេត្តមណ្ឌលគិរី និងកំពុងអភិវឌ្ឍន៍គម្រោងនៅតំបន់មេមត់ ខេត្តត្បូងឃ្មុំ។

លោកបន្តថា តាមរយៈការដាក់ចេញនូវការលើកទឹកចិត្តនានាដល់វិនិយោគិន បូករួមជាមួយប្រតិបត្តិការដ៏ជោគជ័យនៃអាជីវកម្មរបស់គម្រោងខាងលើដែលបានផ្តល់អត្ថប្រយោជន៍ជាច្រើនដល់សេដ្ឋកិច្ចនិងសង្គមជាតិ រាជរដ្ឋាភិបាលកម្ពុជាបាន បន្តគាំទ្រដោយអនុញ្ញាតឱ្យក្រសួងរ៉ែនិងថាមពលចុះហត្ថលេខាលើកិច្ចព្រមព្រៀងវិនិយោគទុនធនធានរ៉ែចំនួន ០២ ន្ថែមទៀតជាមួយក្រុមហ៊ុន Renaissance នៅថ្ងៃទី១៧ ខែវិច្ឆិកា ឆ្នាំ២០២៥ ដែលរួមមាន (១) កិច្ចព្រមព្រៀង កែសម្រួលបន្ថែមទៅលើកិច្ចព្រមព្រៀងលើកទី១ នៅតំបន់អូរខ្វាវ ស្រុកកែវសីម៉ា ខេត្តមណ្ឌលគិរី ដោយបញ្ចូលបន្ថែមគម្រោងអណ្ដូងរ៉ែក្រោមដី ដែលអាចផ្តល់ផលិតផលមាសបានប្រមាណ ១០ តោន បន្ថែមទៅលើជម្រករ៉ែម៉ាសចាស់ចំនួនប្រមាណ ៣៤ តោន។

លោកបន្តទៀតថា គម្រោងនេះ នឹងផ្តល់ចំណូលជូនរដ្ឋសរុបប្រមាណ មាណ ១ ០០០ លានដុល្លារអាមេរិក ដែលរួមមានសួយសារ និងសារពើពន្ធផ្សេងៗ និង(២) កិច្ចព្រមព្រៀងវិនិយោគទុនធនធានរ៉ែ (រ៉ែមាស) នៅតំបន់ ជាំតាម៉ៅ ស្រុកមេមត់ ខេត្តត្បូងឃ្មុំ ដែលមានលក្ខណៈសេដ្ឋកិច្ច ដែលអាចទាញយកមាសសរុបប្រមាណ ២៦តោន ក្នុងអាយុកាល៧ឆ្នាំនៃអណ្តូងរ៉ែបើក។ គម្រោងបន្ថែមនេះជាសក្ខីភាពបញ្ជាក់ពីការរីកចម្រើនរវាងរាជរដ្ឋាភិបាល និង វិស័យឯកជនក្នុងការអភិវិឌ្ឍសង្គមនិងសេដ្ឋកិច្ចជាតិ ដោយគម្រោងនេះនឹងផ្តល់ចំណូលជូនរដ្ឋសរុបប្រមាណ ៥៨៣ លានដុល្លារ ដែលរួមមានសួយសារ សារពើពន្ធផ្សេងៗ និងបង្កើតការងារប្រមាណ ៥០០ កន្លែង។

សូមបញ្ជាក់ថា រាជរដ្ឋាភិបាលកម្ពុជា បានអនុញ្ញាតឱ្យក្រសួងរ៉ែនិងថាមពលចុះកិច្ចព្រមព្រៀងវិនិយោគទុនធនធានរ៉ែ នៅតំបន់អូរខ្វាវ ស្រុកកែវសីម៉ា ខេត្តមណ្ឌលគិរី ជាមួយក្រុមហ៊ុន Renaissance Minerals (Cambodia) Limited កាលពីឆ្នាំ២០១៩។ គម្រោងនេះ បានផ្តល់អត្ថប្រយោជន៍ជាច្រើនដល់កម្ពុជា ដែលគិតចាប់ពីពេលដាក់ឱ្យដំណើរការអាជីវកម្មផលិតកម្មរ៉ែមាសចាប់ ពីឆ្នាំ២០២១មកដល់បច្ចុប្បន្ន ផលិតមាសសុទ្ធបានសរុបប្រមាណ ១៦ តោន និងបានបង់សួយសារជូនរដ្ឋសរុបចំនួន ២៧,៣ លានដុល្លារអាមេរិក និងចំណូលសារពើពន្ធចំនួន ៩៩,១ លានដុល្លារអាមេរិក ព្រមទាំងផ្តល់ការងារចំនួន ៦៩៧ កន្លែង ដែលក្នុងនោះបុគ្គលិកខ្មែរមានចំនួន ៦៤៥ នាក់៕

The post កម្ពុជា​នឹងទទួលបានចំណូលចូលជាតិប្រមាណជាង១៥០០លានដុល្លារ ពីការវិនិយោគលើគម្រោងទាញយករ៉ែមាសរបស់ក្រុមហ៊ុនអូស្ត្រាលី appeared first on .

អណ្តូងរ៉ែមាស Dadonggou ដែលត្រូវបានរកឃើញនេះ មានទីតាំងនៅក្នុងខេត្ត Liaoning ភាគឦសានប្រទេសចិន ដែលត្រូវបានគេប៉ាន់ប្រមាណថាមានកំណប់មាសចំនួនជាង ១ ៤៤៤ តោន នៅក្នុងរ៉ែសរុបចំនួន ២ ៥៩៦ តោន ។នេះបើយោងតាមការប្រកាសរបស់ក្រសួងធនធានធម្មជាតិរបស់ប្រទេសចិន កាលពីថ្ងៃសុក្រសប្តាហ៍មុន។

តាមចំនួននេះ មានន័យថា មាសមានកម្រិតធម្យម ០,៥៦ ក្រោមក្នុងរ៉ែមួយតោន។ ហើយបើទោះបីជារ៉ែនេះមានកម្រិតទាបក៏ដោយ ទំហំនៃកំណប់មាសនេះ បានធ្វើឲ្យវាក្លាយជាកំណប់រ៉ែមាសដ៏ធំបំផុតមួយ នៅក្នុងប្រទេសចិន ដែលត្រូវបានគេរកឃើញ គិតចាប់តាំងពីឆ្នាំ១៩៤៩។

យោងតាមតម្លៃបច្ចុប្បន្ន មាសក្នុងចំនួនដ៏ច្រើននោះ មានតម្លៃសរុបជាង ១៦៦ពាន់លានអឺរ៉ូ (១៩២,៩ពាន់លានដុល្លារ)។ នេះបើតាមទិន្នន័យពីសារព័ត៌មាន Euronews។

គួរឲ្យដឹងផងដែរថា ក្នុងរយៈពេលមួយឆ្នាំកន្លងមកនេះ ប្រទេសចិនបានរកឃើញកំណត់រ៉ែមាសស្រដៀងគ្នានេះជាច្រើន រួមទាំងអណ្តូងរ៉ែមាសដ៏ធំមួយ នៅក្នុងខេត្តហ៊ូណាន ផងដែរ។ ពីមុន អណ្តូងរ៉ែមាសដ៏ធំបំផុតរបស់ពិភពលោក ជាធម្មតាមានកម្រិតមាសក្នុងនោះ ត្រឹមតែពីរ ទៅបីរយតោនប៉ុណ្ណោះ។

ជម្រាបជូនថា យោងតាមតាមការប៉ាន់ប្រមាណរបស់ឧស្សាហកម្មរ៉ែមាសចិន បានបង្ហាញថា មាសប្រហែល ៣ ០០០ តោននៅតែមិនទាន់បានជីកយក នៅក្នុងប្រទេសចិន ដែលចំនួននេះ គឺស្មើប្រហែលមួយភាគបួននៃទុនបម្រុងដែលមិនទាន់បានប្រើប្រាស់ នៅក្នុងប្រទេសរុស្ស៊ី និងអូស្ត្រាលី៕​

The post ចិន ជីករកឃើញកំណប់រ៉ែមាសជាង ១៤០០ តោន មានតម្លៃសរុបជិត ២០០ពាន់លានដុល្លារ appeared first on .

លោក Bernie Cleary នាយកគ្រប់គ្រងនៃក្រុមហ៊ុន Renaissance បានឱ្យដឹងថា៖គិតត្រឹមខែកុម្ភៈឆ្នាំ២០២៥ ក្រុមហ៊ុន បានផលិតមាស បានជាង ១៣ តោន។

លោកបានមានប្រសាសន៍ទៀតថា គម្រោងទាញយករ៉ែមាសនៅតំបន់អូរខ្វាវរបស់ក្រុមហ៊ុន មានផ្ទៃប្រមាណជាង១ពាន់ហិកតា ។បច្ចុប្បន្ន ការដ្ឋាននេះ មានបុគ្គលិកសរុប ៧៥០នាក់ ក្នុងនោះមានខ្មែរ ៦៥៩នាក់។ ចំពោះបុគ្គលិកប្រចាំនៅការដ្ឋាន មានចំនួន៥៥០នាក់ ក្នុងនោះមានបុគ្គលិកជាស្រ្តីចំនួន៦០នាក់។
ដោយឡែក ក្រុមហ៊ុន Renaissance Minerals (Cambodia) Limited ក៏កំពុងសិក្សាពីលទ្ធភាពក្នុងការរុករករ៉ែមាស នៅក្នុងឃុំជាំតាម៉ៅ ស្រុកមេមត់ ខេត្តត្បូងឃ្មុំ ផងដែរ។

លោកគង់ ស៊ីថា អគ្គនាយករងនៃអគ្គនាយកដ្ឋានធនធានរ៉ែ នៃក្រសួងរ៉ែនិងថាមពល បានឱ្យដឹងថា ក្នុងឆ្នាំ២០២៤កន្លងទៅ រដ្ឋបានប្រមូលចំណូលមិនមែនសារពើពន្ធពីវិស័យរ៉ែបានប្រមាណ៩០លានដុល្លារអាមេរិក ដោយឡែកសម្រាប់ក្រុមហ៊ុន Renaissance ដែលជាក្រុមហ៊ុនកំពុងទាញយកនិងចម្រាញ់រ៉ែមាសនៅខេត្តមណ្ឌលគិរី រដ្ឋទទួលចំណូលមិនមែនសារពើពន្ធ ប្រមាណ៥០លានដុល្លារអាមេរិក៕

The post ក្រុមហ៊ុនអូស្រ្តាលី ផលិតរ៉ែមាសបានជាង១៣តោនក្នុងរយៈពេលជាង៣ឆ្នាំ appeared first on .

ក្រុមហ៊ុនអូស្ត្រាលីរ៉ឺនេសង់ មីនីរ៉លលីមីតធីត ដែលកំពុងប្រតិបត្តិការស្សាហកម្មចម្រាញ់រ៉ែមាសលំដាប់អន្តរជាតិនៅស្រុកកែវសីមា ខេត្តមណ្ឌលគិរី បានបង្ហាញពីភាពរីករាយបន្ថែមជាមួយការកាត់បន្ថយបែបបទឲ្យសាមញ្ញដោយក្រសួងរ៉ែ និងថាមពល ក្នុងការបញ្ជាក់លើផលិតផលនាំចេញ និងជាពិសេសគម្រោងបញ្ចុះថ្លៃអគ្គិសនីរបស់សម្តេចធិបតី ហ៊ុន ម៉ាណែត ចំពោះការប្រើអគ្គិសនីលើសមធ្យមភាគកន្លងទៅ។

កម្ពុជារំពឹងថា ផលិតផលមាសជាលក្ខណៈឧស្សាហកម្មពីជម្រករ៉ែតំបន់អូរខ្វាវ នឹងផ្តល់ផលប្រយោជន៍ចំណូលដុលមធ្យម ១៨៥លានដុល្លារ ក្នុង ១ឆ្នាំ។ ក្នុងនោះ ចំណូលថវិកាជាតិពីសួយសារ និងសារពើពន្ធផ្សេងៗ ជាមធ្យម ៤០លានដុល្លារក្នុង ១ ឆ្នាំ ពីក្រុមហ៊ុនដែលដំណើរការអាជីវកម្មរុករករ៉ែមាស បានល្អជាងគេ គឺក្រុមហ៊ុនរបស់អូស្ត្រាលី ដែលមានទីតាំងនៅខេត្តមណ្ឌលគិរី៕

អត្ថបទ៖ អក្ខរា

The post រដ្ឋទទួលបានចំណូលជាង ៣៥លានដុល្លារក្នុងមួយឆ្នាំៗ ពីឧស្សាហកម្មរ៉ែមាស appeared first on .

អភិបាលខេត្តព្រះវិហារលោក គីម រិទ្ធី ថា ខេត្តព្រះវិហារ ជាខេត្តមួយដែលសំបូរទៅដោយធនធានរ៉ែ ក្នុងនោះមានទាំងរ៉ែដេក, រ៉ែស្ពាន់, រ៉ែមាស, រ៉ែប្រេងកាត និងរ៉ែលោហៈជាដើម ដែលគ្របដណ្ដប់នៅស្ទើរទូទាំងខេត្ត។

លោកបន្តថា ក្រុមហ៊ុនដែលកំពុងធ្វើអាជីវកម្មរ៉ែ និងសិក្សាស្រាវជ្រាវធនធានរ៉ែនៅខេត្តព្រះវិហារទាំង ២២នោះ ដូចជា អាជ្ញាបណ្ណឧស្សាហកម្មអាជីវកម្មធនធានរ៉ែ មានចំនួន៣ក្រុមហ៊ុន, អាជ្ញាបណ្ណសិក្សាស្រាវជ្រាវធនធានរ៉ែ មានចំនួន៩ក្រុមហ៊ុន និងអាជ្ញាបណ្ណអណ្តូងរ៉ែ បើកនិងការដ្ឋានវាយថ្ម មានចំនួន១០ក្រុមហ៊ុន។

ថ្លែងឱកាសនោះ លោក គីម រិទ្ធី បានអំពាវនាវដល់អ្នកដែលចង់រកស៉ីវិនិយោគលើវិស័យរ៉ែនេះ ប្រយ័ត្នចាញ់បោកអ្នកគួកជេរដីធ្លី។ បើតាមលោកអភិបាលខេត្ត អ្នកគួកជេរតែងអះអាងថា ដីដែលគេលក់នោះគឺអាចធ្វើអាជីវកម្មបាន ប៉ុន្ដែធាតុពិតដីនោះមិនមានធនធានរ៉ែសម្រាប់ធ្វើអាជីវកម្មឡើយ។ យ៉ាងណាសម្រាប់អ្នកដែលចង់វិនិយោគលើវិស័យនេះ លោក គីម រិទ្ធី បានណែនាំឲ្យសិក្សាជាមួយស្ថាប័នជំនាញ ដើម្បីកុំឲ្យខាតបង់៕

The post លោក គីម រិទ្ធី៖ ខេត្តព្រះវិហារមានក្រុមហ៊ុន ២២ កំពុងធ្វើអាជីវកម្ម និងសិក្សាជ្រាវធនធានរ៉ែ appeared first on .

មន្ត្រីក្រសួងសេដ្ឋកិច្ចនិងហិរញ្ញវត្ថុ នាពេលថ្មីៗនេះ បានឲ្យដឹងថា ក្រុមហ៊ុនធ្វើអាជីវកម្មរ៉ែមាសមកដល់សព្វថ្ងៃដែលទទួលបានអាជ្ញាប័ណ្ណធ្វើអាជីវកម្ម មានចំនួន ៧ក្រុមហ៊ុននិងមាន៤ក្រុមហ៊ុនដែលកំពុងធ្វើអាជីវកម្ម ក្នុងនោះមានខេត្តចំនួន ៤មានខេត្តមណ្ឌលគិរី,រតនគិរី,បាត់ដំបងនិងខេត្តព្រះវិហារ ប៉ុន្តែក្រុមហ៊ុនដែលធ្វើអាជីវកម្មដែលបានដើរដោយរលូនហើយផលច្រើនជាងនោះគឺក្រុមហ៊ុនរឺនេសង់ ដែលមានទីតាំងនៅក្នុងខេត្តមណ្ឌលគិរី ដែលជាក្រុមហ៊ុនរបស់ប្រទេសអូស្ត្រាលី ដោយឡែកក្រុមហ៊ុនដទៃទៀតកំពុងធ្វើអាជីវកម្មដែលប៉ុន្តែទទួលបានផលតិចតួច ដោយសារកត្តាវិបត្តិជំងឺកូវីដ១៩កន្លងមក។ 

ក្នុងឆ្នាំ២០២២កម្ពុជាចម្រាញ់មាសបាន ៥៣០០គីឡូក្រាម ឬស្មើប្រមាណ ៥,៣តោនគិតចំណូលសួយសារបង់ចូលថវិកាជាតិសរុបប្រមាណ១៥លានដុល្លារអាមេរិក។ ពាក់ព័ន្ធនិងការធ្វើអាជីវកម្មចម្រាញ់រ៉ែមាសនៅកម្ពុជា កន្លងមក បើតាម លោក  ស៊ុយ  សែម  រដ្ឋមន្រ្តីក្រសួងរ៉ែ និងថាមពល លើកឡើងនៅក្នុងពិធីសំណេះសំណាលជាមួយនិវត្តជន នៃក្រសួងរ៉ែ កាលពីចុងឆ្នាំ២០២២កន្លងទៅថា ការធ្វើអាជីវកម្មរ៉ែមាសនេះ ក្នុងរយៈពេល ២ ទៅ ៣ឆ្នាំ ចុងក្រោយនេះ ក្រុមហ៊ុនដែលទទួលបានអាជ្ញាប័ណ្ណពីក្រសួង បានឈានទៅធ្វើអាជីវកម្មជាបណ្តើរៗ នៅតាមតំបន់ទីតាំងផ្សេងៗគ្នា ជាលក្ខណៈឧស្សាហកម្មខ្នាតតូចផង និងជាឧស្សាហកម្មខ្នាតធំផង។ 

ទាក់ទងអាជីវកម្មរ៉ែមាសនេះ គិតមកដល់ចុងខែវិច្ឆិកា ឆ្នាំ២០២២ ក្រុមហ៊ុនចំនួន ៤ ដែលកំពុងប្រតិបត្តិធ្វើអាជីវកម្មចម្រាញ់មាស សរុបបានជិត ៥ តោនមាសរួចហើយ ក្នុងនោះក្រុមហ៊ុន Xing Yuan Kanng Yeak ចម្រាញ់មាសបានចំនួន ២២ គីឡូក្រាម, ក្រុមហ៊ុន Xinshan Industrial Cambodia បាន ៤៥ គីឡូក្រាម, ក្រុមហ៊ុន Delcom Kampuchea ចំនួន ១៦០ គីឡូក្រាម ដោយក្រុមហ៊ុនទំាងបីនេះចម្រាញ់ចេញជាមាសទឹក១០ ។ ចំណែកក្រុមហ៊ុន Renaissance Minerals Investment ដែលជាក្រុមហ៊ុនឧស្សាហកម្មខ្នាតធំ ចម្រាញ់មាសទឹក ៩ បានចំនួនប្រមាណ ៤ ៥៩៨ គីឡូក្រាមផងដែរ។ 

សូមបញ្ជាក់ថា ក្រុមហ៊ុនដែលកំពុងធ្វើអាជីវកម្មរ៉ែមាសទាំង៤ ខាងលើ ក្នុងនោះ Renaissance Minerals Investment មានទីតាំងធ្វើអាជីវកម្មនិងចម្រាញ់មាស ស្ថិតនៅតំបន់អូរខ្វាវ ឃុំចុងផ្លាស់ ស្រុកកែវសីមា ខេត្តមណ្ឌលគីរី, ក្រុមហ៊ុន Xinshan Industrial Cambodia តំបន់ភ្នំម្លុង ឃុំរមទម ស្រុករវៀង ខេត្តព្រះវិហារ, ក្រុមហ៊ុន Xing Yuan Kanng Yeak នៅតំបន់អូរខ្លិកខ្លក់ ស្រុកសំបូរ ខេត្តក្រចេះ, និងក្រុមហ៊ុន Delcom Kampuchea មានទីតាំងនៅតំបន់ភ្នំអន្លុង ស្រុករវៀង ខេត្តព្រះវិហារ៕ 

The post កម្ពុជា ទទួលបានប្រាក់ចំណូលពីអាជីវកម្មរ៉ែមាសប្រមាណ១៥លានដុល្លារអាមេរិក appeared first on .

លោក​បន្ត​ថា ក្រុមហ៊ុន រឺណេសសង់ ម៉ាយណឺរ៉ល ចម្រាញ់​បាន​មាស​ច្រើន​ជាង​គេ គឺ​ប្រមាណ​ជិត ៤តោន ៦រយ​គីឡូ​ក្រាម (៤.៥៩៨) ក្នុង​ចំណោម​ក្រុមហ៊ុន​អាជីវកម្ម​ទាំង​អស់​ចំនួន៤ ដែល​កំពុង​រុករក​រ៉ែ​មាស។

សូមជម្រាបថា កម្ពុជា​បាន​ចាប់​ផ្ដើម​រុករក​មាស​ជា​លើក​ដំបូង នៅ​ការដ្ឋាន​ជីក​យក​រ៉ែ​មាស ក្នុង​ស្រុកកែវសីមា ខេត្តមណ្ឌលគិរី កាលពីខែមិថុនាឆ្នាំ២០២១ ដោយក្រុមហ៊ុន Renaissance Minerals គឺ​ជា​ក្រុមហ៊ុន​បុត្រ​សម្ព័ន្ធ​របស់​ក្រុមហ៊ុន Emerald Resources NNL ដែលជា​ក្រុមហ៊ុន​អភិវឌ្ឍន៍​ការដ្ឋាន​រុករក​រ៉ែ ដែល​បាន​ចុះ​បញ្ជី​នៅ​ប្រទេស​អូស្ត្រាលី។

សម្តេចតេជោនាយក​រដ្ឋមន្ត្រី ហ៊ុន សែន ធ្លាប់​លើក​ឡើង​ថា រដ្ឋាភិបាល​កម្ពុជា រំពឹង​ថា នឹង​អាច​រក​ប្រាក់​ចំណូល​បាន​ពី​ពន្ធអាករ ក្នុង​មួយ​ឆ្នាំៗ ប្រមាណ ៤០លាន​ដុល្លារ​អាមេរិក ពី​គម្រោង​រុករក​រ៉ែ​មាស​ទាំង​នោះ៕

The post កម្ពុជា​ ផលិត​ដុំ​មាស​បាន​ជិត ៥តោន លើទីតាំងចំនួន ៤ appeared first on .

ឯកឧត្តម ស៊ុយ សែម រដ្ឋមន្រ្តីក្រសួងរ៉ែនិងថាមពល កាលថ្ងៃទី១០ ខែតុលា ឆ្នាំ២០២២ បានអញ្ជើញជាអធិបតីក្នុងដំណើរការកត់ត្រាទិន្នន័យស្លរ៉ែមាសលើកទី១ របស់ក្រុមហ៊ុន Xing Yuan Kanng Yeak Co., Ltd ដោយមានការចូលរួមពីឯកឧត្តម វ៉ា ថន អភិបាល នៃគណៈអភិបាលខេត្តក្រចេះ ថ្នាក់ដឹកនាំក្រសួង និងមន្រ្តីជំនាញពាក់ព័ន្ធជាច្រើនរូប។

នាឱកាសនោះ ក្រុមហ៊ុន Xing Yuan Kanng Yeak Co., Ltd បានបើកដំណើរការកត់ត្រាទិន្នន័យស្លរ៉ែមាសលើកទី១ របស់ខ្លួន ដែលក្នុងនោះបានកត់ត្រាថ្លឹងកំហាប់រ៉ែមាស (Gold Concentrates) មានទម្ងន់ ៧ ៨៤៩  ក្រាម និងបានយកកំហាប់រ៉ែមាសនោះទៅស្ល និងចាក់ចេញជាដុំមាស (Gold Doré) បានចំនួន ០៧ដុំ មានទម្ងន់សរុប ៨ ២១២,២៧  ក្រាម ដែលមានអត្រាភាពសុទ្ធ ៩៩.៩% ។

ជាមួយគ្នានេះ តំណាងក្រុមហ៊ុន បានឱ្យដឹងថា  តាមគម្រោងសាកល្បងរយៈពេល៣ខែ ដំបូង ក្រុមហ៊ុនគ្រោងផលិតឱ្យបាន ២០គីឡូក្រាមក្នុងមួយខែ ដែលគិតត្រឹមខែធ្នូ ឆ្នាំ២០២២ ខាងមុខនេះ។បន្ទាប់មក ជាជំហានបន្ទាប់ ក្រុមហ៊ុនគ្រោងនឹងផលិតឱ្យបាន ចំនួន៦០គីឡូក្រាមបន្ថែមទៀតផងដែរ។

គួរបញ្ជាក់ដែរថា ក្រុមហ៊ុន Xing Yuan Kanng Yeak Co., Ltd ទទួលបានអាជ្ញាបណ្ណឧស្សាហកម្មអាជីវកម្មរ៉ែមាស ពីក្រសួងរ៉ែនិងថាមពល កាលពីខែសីហា ឆ្នាំ២០១៨ លើទំហំដីចំនួន ២៨ គីឡូម៉ែត្រក្រឡា ដើម្បីប្រតិបត្តិការអាជីវកម្មរ៉ែមាសរបស់ខ្លួននៅស្រុកសំបូរ ខេត្តក្រចេះ។ក្រោយពីទទួលបានអាជ្ញាបណ្ណ ក្រុមហ៊ុននេះ បានតម្លើងខ្សែសង្វាក់ផលិតកម្មអាជីវកម្មរបស់ខ្លួន តែដោយសារតែបញ្ហាកូវីដ១៩ ក្រុមហ៊ុនទើបតែបានបញ្ចប់ការសាងសង់ និងរៀបចំខ្សែសង្វាក់ផលិតកម្មរបស់ខ្លួននៅក្នុងខែតុលា ឆ្នាំ២០២២ នេះប៉ុណ្ណោះ៕

The post ក្រុមហ៊ុនរ៉ែមាសមួយនៅខេត្តក្រចេះ គ្រោងផលិតមាសឱ្យបាន២០គីឡូក្រាមក្នុងមួយខែ appeared first on .