សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានសមាគមអតីតយុទ្ធជន និងនិវត្តជនកម្ពុជា បានប្រកាសផ្តល់ផ្ទះចំនួន ១០២ ខ្នង ជូនអតីតយុទ្ធជន និងនិវត្តជនខេត្តព្រះវិហារចំនួន ១០២ នាក់ ដែលមិនទាន់ទទួលបាន ដី និងផ្ទះ។ សម្ដេចបានមានប្រសាសន៍ផ្ដល់អំណោយផ្ទះថ្មីនេះ ក្នុងឱកាសដែលសម្តេចអញ្ជើញចុះជួប និងសំណេះសំណាល ជាមួយក្រុមប្រឹក្សា ខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ អង្គភាពនានាក្នុងខេត្តព្រះវិហារ នាព្រឹកថ្ងៃសុក្រ ទី១០ ខែកក្កដា ឆ្នាំ២០២៦នេះ នៅខេត្តព្រះវិហារ។

អំណោយជាថវិកាក្នុងការសាងសង់ផ្ទះថ្មី ១០២ខ្នងនេះ រួមមានថវិកាដែលជាអំណោយដ៏ថ្លៃថ្លារបស់សម្ដេចតេជោ ហ៊ុន សែន ផ្ដល់ជូនចំនួន ៥២ ខ្នងផ្ទះ ចំណែក ៥០ ខ្នងផ្ទះទៀតគាំទ្រថវិកាសាងសង់ដោយឯកឧត្តម ភឺន ផល្លា ជំនួយការផ្ទាល់សម្ដេចតេជោ ហ៊ុន សែន និងលោកជំទាវឧកញ៉ា សាយ សោភា។ ចំពោះដំណើរការនៃការរៀបចំសាងសង់ផ្ទះថ្មីនេះ គឺទទួលខុសត្រូវដោយ ឯកឧត្តមទេសរដ្ឋមន្រ្តី គន់ គីម អនុប្រធាន និងជាអគ្គលេខាធិការសមាគមអតីតយុទ្ធជន និងនិវត្តជកម្ពុជា។

សូមជម្រាបថា ស្ថានភាពនៃការគ្រប់គ្រងអតីតយុទ្ធជន និងនិវត្តជន នៅក្នុងខេត្តព្រះវិហារ បើយោងតាមរបាយការណ៍ឯកឧត្តម គីម រិទ្ធី អភិបាលនៃគណៈអភិបាលខេត្តព្រះវិហារ គិតត្រឹមខែ មិថុនា ឆ្នាំ២០២៦ ខេត្តព្រះវិហារ មានអតីតយុទ្ធជន និងនិវត្តជន សរុប ៣,១៥៥នាក់។ ចំណែកអតីតយុទ្ធជន និងនិវត្តជន ដែលមានជីវភាពខ្វះខាតមានចំនួន ១០២ នាក់ ក្នុងនោះមានគ្រួសារដែលអត់ដី អត់ផ្ទះចំនួន ៧៣ នាក់ និងមានដី អត់ផ្ទះ ចំនួន ២៩នាក់។ 

The post ឯកឧត្តម ភឺន ផល្លា និងលោកជំទាវឧកញ៉ា សាយ សោភា ព្រមទាំងបុត្រធីតា ឧបត្ថម្ភថវិកាសាងសង់ផ្ទះ ៥០ ខ្នង ជូនអតីតយុទ្ធជន និងនិវត្តជន ខេត្តព្រះវិហារ appeared first on .

លោកជំទាវឧកញ៉ា សាយ សោភា ក្រៅពីមានតួនាទីជាអគ្គនាយិកា សាលាអន្តរជាតិវើលដ៏ កម្ពុជា លោក​ជំទាវ ក៏ជាសមាជិកក្រុមប្រឹក្សាភិបាល នៃសហព័ន្ធសេវាអប់រំនៅកម្ពុជាផងដែរ។ លោក​ជំទាវ​ ត្រូវ​បាន​ព្រះមហាក្សត្រ ​​ចេញ​ព្រះរាជក្រឹត្យ ​​ត្រាស់​បង្គាប់​ផ្តល់​គោរមងារ​ជា «ឧកញ៉ា» ​​កាលពី​ថ្ងៃទី០៧ ខែតុលា ឆ្នាំ២០២២។

សូមជម្រាបជូនថា សមាគមឧកញ៉ាកម្ពុជា ត្រូវបានបង្កើតឡើង និងទទួលស្គាល់ជាផ្លូវការដោយក្រសួងមហាផ្ទៃ នៃព្រះរាជាណាចក្រកម្ពុជា តាមរយៈលិខិតលេខ ៥៩៧៩ ប្រ.ក. ចុះថ្ងៃទី២៥ ខែតុលាឆ្នាំ២០២២ ស្តីពីការសុំចុះ​ឈ្មោះសមាគមឧកញ៉ាកម្ពុជា ក្នុងបញ្ជីសមាគមនិងអង្គការមិនមែនរដ្ឋាភិបាល និងព្រះរាជក្រឹត្យលេខ នស/រកត/១០២៤/១៣០៩ ចុះថ្ងៃទី២៣ ខែតុលា ឆ្នាំ២០២៤ ស្តីពីគោរមងារឧកញ៉ា។

សមាគមឧកញ៉ាកម្ពុជា ជាស្ថាប័នតែមួយគត់ ដែលតំណាងឱ្យគោរមវន្តទាំងអស់នៅក្នុងព្រះរាជាណាចក្រកម្ពុជា និងបានចែងអំពីតួនាទី ភារកិច្ច ព្រមទាំងសិទ្ធិនិងកាតព្វកិច្ចរបស់សមាគម ដើម្បីរក្សានិងលើកកម្ពស់គុណតម្លៃ និងឧត្ដមភាពដ៏ឧត្ដុង្គឧត្ដម នៃគោរមងារឧកញ៉ា ដែលជាព្រះរាជទានដ៏ខ្ពង់ខ្ពស់បំផុតរបស់ ព្រះមហាក្សត្រ នៃព្រះរាជាណាចក្រកម្ពុជា តាំងពីបុរាណកាលរៀងមក ជាពិសេសការពង្រឹងសាមគ្គីភាព និងការគោរពច្បាប់​ជាធរមានរបស់គោរមវន្ត ដើម្បីរួមចំណែកថែរក្សា និងការពារវប្បធម៌ ប្រពៃណី និងទំនៀមទម្លាប់ដ៏ល្អ​ផូរផង់របស់​ជាតិ ក៏ដូចជាសន្ដិសុខ សណ្ដាប់ធ្នាប់សាធារណៈ និងការអភិវឌ្ឍសេដ្ឋកិច្ចនិងសង្គម៕

The post ឧកញ៉ា សាយ សោភា ចូលជាសមាជិក នៃសមាគមឧកញ៉ាកម្ពុជា appeared first on .

ពិធីក្រុងពាលីបញ្ចុះបឋមសិលាបើកការដ្ឋានបុកគ្រឹះសាងសង់អគារសាលាអន្តរជាតិ វើលដ៍ កម្ពុជា សាខាទី៤ មានការអញ្ជើញចូលរួមពី ដៃគូអាជីវកម្ម ព្រមទាំងភ្ញៀវកិត្តិយសជាច្រើនរូបផងដែរ។

សូមជម្រាប​ថា លោកជំទាវ សាយ សោភា អគ្គនាយិកា​សាលាអន្តរជាតិវើលដ៍កម្ពុជា ជាសមាជិកក្រុមប្រឹក្សាភិបាល នៃសហព័ន្ធសេវាអប់រំនៅកម្ពុជា។ លោកជំទាវត្រូវបានព្រះមហាក្សត្រ​នៃព្រះរាជាណាចក្រកម្ពុជា ត្រាស់បង្គាប់​ផ្ដល់គោរមងារជា “ឧកញ៉ា” តបតាមសេចក្ដី​ទូលថ្វាយ​របស់សម្ដេចតេជោ ហ៊ុន សែន នាយករដ្ឋមន្ត្រី តាមរយៈ​ព្រះរាជក្រឹត្យ កាលពីថ្ងៃទី ០៧ ខែតុលា ឆ្នាំ២០២២៕

The post ជំទាវឧកញ៉ា សាយ សោភា និងឯកឧត្តម ភឺន ផល្លា រៀបចំពិធីបើកការដ្ឋានបុកគ្រឹះសាងសង់អគារសាលាអន្តរជាតិ វើលដ៍ កម្ពុជា សាខាទី៤ appeared first on .

ឯកឧត្ដម គួច ចំរើន អភិបាល នៃគណៈអភិបាលខេត្តកណ្ដាល បានថ្លៃអំណរគុណដល់ឯកឧត្តម ភឺន ផល្លា និងលោកជំទាវឧកញ៉ា សាយ សោភា ដែលបានផ្ដល់រថយន្ត ស្ទូច សណ្ដោង ធុនធ្ងន់ ចំនួន ២ គ្រឿង សម្រាប់​ជួយសម្រួលក្នុងករណីមានរថយន្តធុនធ្ងន់ ដែលជួបគ្រោះថ្នាក់ចរាចរណ៍ ខូចកណ្ដាលផ្លូវ ឬចតចោលគ្មាន​សណ្ដាប់​ធ្នាប់ ដែលបណ្ដាលឱ្យកកស្ទះចរាចរណ៍ នៅក្នុងភូមិសាស្ត្រខេត្តកណ្ដាល ពិសេសតំបន់ផ្លូវសំខាន់ៗដូចជា មហា​វិថីស៊ី​ជិនពីង មហាវិថីសម្ដេចតេជោ ៦០ម៉ែត្រ ឆ្ពោះទៅព្រលានយន្តហោះថ្មី និងផ្លូវសំខាន់ផ្សេងៗទៀត ដែលជា​ចរន្តសេដ្ឋកិច្ច ក្នុងលំហូរពាណិជ្ជកម្ម និងការធ្វើដំណើរទៅវិញទៅមករបស់ប្រជាពលរដ្ឋ។

លោក បូរី វង្សសានិត្យ ប្រធានមន្ទីរសាធារណៈការ និងដឹកជញ្ជូនខេត្តកណ្តាល បានឱ្យដឹងថា៖ ក្នុងករណីមាន​រថយន្តប្រភេទ កុងតឺន័រ រថយន្តទេសចរណ៍ធុនធំ រថយន្តដឹកទំនិញ យន្តដឹកដី ដឹកថ្ម។ល។ ខូច ឬជួបគ្រោះថ្នាក់​ចរាចរណ៍ផ្សេងៗ រថយន្តស្ទូច និងសណ្ដោង ទាំងពីរគ្រឿងនេះអាចស្ទូច និងសណ្ដោងយកចេញបាន ពីព្រោះ​រថយន្តស្ទូច និងសណ្ដោងទាំង២គ្រឿងនេះ មានសមត្ថភាព៖ រថយន្តទី១ ស្ទូច សណ្ដោងចាប់ពីរថយន្តធុនតូច រហូតដល់រថយន្តមានទម្ងន់ត្រឹម ១៣តោន និងរថយន្តទី២ មានសមត្ថភាព ស្ទូចសណ្ដោង ចាប់ពីរថយន្ត​ធុនមាន​ទម្ងន់១៣តោន រហូតដល់រថយន្តមានទម្ងន់ ៣០តោន៕

The post ឯកឧត្តម ភឺន ផល្លា និងជំទាវឧកញ៉ា សាយ សោភា ផ្ដល់អំណោយរថយន្តស្ទូចសណ្ដោងធុនធ្ងន់ ២គ្រឿង ជូនដល់រដ្ឋបាលខេត្តកណ្ដាល appeared first on .

ក្នុងនាម អគ្គនាយិកាសាលាអន្តរជាតិ វើលដ៍កម្ពុជា លោកស្រីឧកញ៉ា សាយ សោភា ថ្លែងថា៖ “នាងខ្ញុំ ពិតជាមានមោទនភាពខ្លាំងណាស់ ទៅលើលទ្ធផលដ៏ត្រចះត្រចង់ ដែលសិស្សឆ្នើមពីសាលាអន្តរជាតិ វើលដ៍កម្ពុជា ដណ្ដើមបានមេដាយមាស ចំណាត់ថ្នាក់លេខ១ ក្នុងក្របខ័ណ្ឌទូទាំងប្រទេស និងចំណាត់ថ្នាក់លេខ ៤៨ ទូទាំងពិភពលោក។ ជោគជ័យថ្មី និងការដណ្ដើមបានមេដាយមាសបន្ថែមទៀតជូនសាលានាពេលនេះ គឺពិតជាកាដូដ៏មានតម្លៃ មិនអាចកាត់ថ្លៃ ក្នុងឱកាសឆ្នាំសិក្សាថ្មី ឆ្នាំ២០២៣-២០២៤ ប្រចាំសាលាអន្តរជាតិ វើលដ៍កម្ពុជា”។ 

អគ្គនាយិកាសាលាអន្តរជាតិ ឈានមុខនៅកម្ពុជា ដែលបានបើកដំណើរការ បណ្ដុះបណ្ដាលអប់រំ បុត្រធីតាខ្មែរ ឈានទៅចូលរួមប្រកួតលើឆាកអន្តរជាតិ និងទទួលបានជ័យលាភីជាច្រើននាក់ នាពេលកន្លងមក មានប្រសាសន៍បន្ថែមថា នៅពីក្រោយភាពជោគជ័យទាំងអស់នេះ មានកត្តាសំខាន់ៗ ៤ រួមមាន៖ 

ទី១ សាលាអន្តរជាតិ វើលដ៍កម្ពុជា មានកម្មសិក្សាដ៏ល្អ ស្របតាមស្តង់ដារជាតិ និងអន្តរជាតិ

ទី២ លោកគ្រូ អ្នកគ្រូទាំងអស់ សុទ្ធតែជាអ្នកបណ្ដុះបណ្ដាលដ៏បុិនប្រសព្វ អាចផ្ទេររាល់ចំណេះដឹង និងវិធីសាស្ត្របង្រៀន ជូនសិស្សបានយ៉ាងពេញលេញ 

ទី៣ សាលាបានរៀបចំប្រព័ន្ធអប់រំមួយ ដែលជាវប្បធម៌ជំរុញឱ្យសិស្សានុសិស្សគ្រប់កម្រិតថ្នាក់ ស្រលាញ់ចូលចិត្តការសិក្សា និងតែងតែចង់ចូលរួមប្រកួតប្រជែង 

ទី៣ ការចូលរួមពីអាណាព្យាបាល និងការខិតខំប្រឹងប្រែងពីសិស្សានុសិស្សផ្ទាល់  

គួរបញ្ជាក់ថា កាលពីចុងខែកក្កដា ឆ្នាំ២០២៣ នេះ សិស្សឆ្នើមសាលាអន្តរជាតិ វើលដ៍កម្ពុជា ចំនួន ៨នាក់ ក៏ទើបតែដណ្តើមបានមេដាយមាស ចំនួន ២គ្រឿង និងសំរឹទ្ធចំនួន ៦គ្រឿង ពីកម្មវិធីប្រកួតគណិតវិទ្យាអូឡាំព្យាដអន្តរជាតិសិង្ហបុរី ឆ្នាំ២០២៣ (SIMOC 2023) ដែលប្រារព្ធឡើងកាលពីថ្ងៃទី២២ ដល់ថ្ងៃទី២៥ ខែកក្កដា ឆ្នាំ២០២៣ នៅប្រទេសសិង្ហបុរី ផងដែរ។ 

សាលាអន្តរជាតិ វើលដ៍កម្ពុជា ជាសាលាស្តង់ដារកម្រិតអន្តរជាតិ និងបានបញ្ជូនសិស្សទៅចូលរួមប្រកួត​ដណ្ដើម​មេដាយអន្តរជាតិជាមួយបណ្ដាប្រទេសនានាលើពិភពលោកជារៀងរាល់ឆ្នាំ មិនដែលខាន។ វិន័យ គុណភាព សីលធម៌ និងសុខុមាលភាព គឺជាគោលការណ៍គ្រឹះ​សាលាអន្តរជាតិ វើលដ៍កម្ពុជា ។ 

សាលាអន្តរជាតិ វើលដ៍កម្ពុជា ដែលបច្ចុប្បន្នបានពង្រីកសាខា ក្នុងខណ្ឌចំនួន ៣ ក្នុងរាជធានីភ្នំពេញ  ៖

១. ជាសាលាដែលមាន Curriculum ច្បាស់លាស់មានការទទួលស្គាល់ត្រឹមត្រូវ ចាប់ពីថ្នាក់មត្តេយ្យសិក្សារហូតដល់ថ្នាក់ទី១២ ។
២. មានការទទួលស្គាល់កម្មវិធីសិក្សាស្តង់ដារអន្តរជាតិគ្រប់កម្រិត។ សម្រាប់ថ្នាក់មតេ្តយ្យសិក្សា និងបឋមសិក្សា​កម្មវិធីសិក្សាទទួលស្គាល់ដោយ SEAB ( IPSLE) ប្រទេសសិង្ហបូរី និងមធ្យមសិក្សាកម្មវីធីសិក្សា Cambridge IGCSE AS/ Alevel ទទួលស្គាល់ដោយ Cambridge ចក្រភពអង់គ្លេស ហើយសម្រាប់សញ្ញាបត្រថ្នាក់ទី១២ អន្តរជាតិ គឺមានតម្លៃសមមូលជាមួយនឹងសញ្ញាបត្រទុយតិភូមិជាតិ (ថ្នាក់ទី១២) ។
៣. សាលាមានអាយុកាល ១០ឆ្នាំមកហើយ។
៤. សិស្សទទួលបានចំណេះដឹង ៣ភាសា គឺភាសាខ្មែរ, អង់គ្លេស និង ភាសាចិន។
៥. ទទួលសិស្សឲ្យចូលរៀនចាប់ពីអាយុ ១ឆ្នាំ ៨ ខែ ឡើងទៅ ។
៦. ជាសាលាដែលមានកម្មវិធីសិក្សាជាតិ និងអន្តរជាតិ តែរក្សាប្រពៃណី និងវប្បធម៌ខ្មែរ ៕

The post កំណត់ត្រាថ្មី! សិស្សថ្នាក់ទី៧ នៃសាលាអន្តរជាតិ វើលដ៍កម្ពុជា ដណ្ដើមបានមេដាយលេខ១ ទូទាំងប្រទេស និងលេខ ៤៨ ទូទាំងពិភពលោក appeared first on .

លោកស្រីឧកញ៉ា សាយ សោភា អគ្គនាយិកា និងជាសមាជិកក្រុមប្រឹក្សាភិបាលសហព័ន្ធសេវាអប់រំកម្ពុជា មានប្រសាសន៍ប្រាប់ Oknha News ថា៖ “ក្នុងនាមគណៈគ្រប់គ្រងសាលាផ្ទាល់ ក៏ដូចជាលោកគ្រូ អ្នកគ្រូ​ទាំង​អស់ ពិតជាមានមោទនភាពជាខ្លាំង ដែលក្មួយៗជាសិស្សឆ្នើមតំណាងសាលា​ចូលរួមប្រកួតគណិតវិទ្យា​អូឡាំព្យាដ​អន្តរជាតិសិង្ហបុរី ឆ្នាំ២០២៣ និងប្រឹងប្រែងរហូតដណ្ដើមបានមេដាយមាស ចំនួន២ និងមេដៃសំរឹទ្ធ​ចំនួន៦ ត្រឡប់មកមាតុប្រទេសវិញ”។

លោកស្រីឧកញ៉ា បន្ថែមថា សមិទ្ធផលមេដាយទាំងអស់នេះ ឆ្លុះបញ្ចាំងពីគុណវឌ្ឍន៍នៃវិស័យអប់រំ​របស់​សាលាអន្តរជាតិ វើលដ៍កម្ពុជា ដែលតែងតែយកចិត្តទុកដាក់ខ្ពស់ លើការបណ្ដុះបណ្ដាលសិស្សានុសិស្ស ឱ្យទទួល​បានការអប់រំកម្រិតអន្តរជាតិ មិនចាញ់ស្តង់ដារអប់រំនៅបណ្ដាប្រទេសក្នុងផ្សេងៗលើពិភពលោកឡើយ។ ទន្ទឹមគ្នា​នោះ លោកស្រីឧកញ៉ា ក៏សូមថ្លែងអំណរគុណយ៉ាងជ្រាលជ្រៅជាថ្មីម្ដងទៀត ចំពោះអាណាព្យាបាលសិស្ស ដែលតែងតែផ្ដល់ជំនឿជឿជាក់ និងបញ្ជូនបុត្រធីតា មកទទួលការអប់រំនៅសាលាអន្តរជាតិ វើលដ៍កម្ពុជា។

គួរបញ្ជាក់ថា ការប្រកួតនេះត្រូវបានបែងចែកជា ៣កម្មវិធីមាន៖ Math Olympiad Contest (ការប្រកួត​ជា​ឯកជន), Mind Sports Challenge (ការប្រកួតជាក្រុម), Maths Warriors Competition (ការប្រកួត​ជាក្រុម)។ ជាលទ្ធផលនៃបេក្ខជនរបស់កម្ពុជាទាំងអស់គ្នាទទួលបាន៖ រង្វាន់នៃសិស្សលំដាប់ពិន្ទុខ្ពស់ទាំង ៣កម្មវិធីបញ្ចូលគ្នាលំដាប់ទី២ ប្រចាំថ្នាក់ទី១១ ចំនួន១, មេដាយមាសសរុបចំនួន១៣ មេដាយប្រាក់ចំនួន៦ និងមេដាយសំរឹទ្ធចំនួន២៣។

នេះជាឆ្នាំទី៩ ហើយនៃការគណិតវិទ្យាអូឡាំព្យាដអន្តរជាតិសិង្ហបុរីនេះ ដោយមានបេក្ខជនចូលរួមសរុបចំនួន ១,៦៣៣ មកពីបណ្តាល ២៥ប្រទេសទូទាំងពិភពលោក។ ហើយឆ្នាំ ២០២៣នេះ ក៏ជាឆ្នាំទី១ ដែលបេក្ខជន​កម្ពុជាចូលរួមការប្រឡងកម្រិតអន្តរជាតិ គណិតវិទ្យាអូឡាំព្យាដ អន្តរជាតិ សិង្ហបុរី ទទួលបានរង្វាន់​សិស្សលំដាប់​ខ្ពស់ និងមេដាយមាសពីការប្រកួតលើវិញ្ញាសាគណិតវិទ្យាជាឯកជននេះ។

សាលាអន្តរជាតិ វើលដ៍កម្ពុជា ជាសាលាស្តង់ដារកម្រិតអន្តរជាតិ និងបានបញ្ជូនសិស្សទៅចូលរួមប្រកួត​ដណ្ដើម​មេដាយអន្តរជាតិជាមួយបណ្ដាប្រទេសនានាលើពិភពលោកជារៀងរាល់ឆ្នាំ។ សាលាអន្តរជាតិ វើលដ៍កម្ពុជា ជា​សាលាអន្តរជាតិឈានមុខមួយនៅកម្ពុជា ដោយសារតែ៖

១. ជាសាលាដែលមាន Curriculum ច្បាស់លាស់មានការទទួលស្គាល់ត្រឹមត្រូវ ចាប់ពីថ្នាក់មត្តេយ្យសិក្សារហូតដល់ថ្នាក់ទី១២ ។
២. មានការទទួលស្គាល់កម្មវិធីសិក្សាស្តង់ដារអន្តរជាតិគ្រប់កម្រិត។ សម្រាប់ថ្នាក់មតេ្តយ្យសិក្សា និងបឋមសិក្សា​កម្មវិធីសិក្សាទទួលស្គាល់ដោយ SEAB ( IPSLE) ប្រទេសសិង្ហបូរី និងមធ្យមសិក្សាកម្មវីធីសិក្សា Cambridge IGCSE AS/ Alevel ទទួលស្គាល់ដោយ Cambridge ចក្រភពអង់គ្លេស ហើយសម្រាប់សញ្ញាបត្រថ្នាក់ទី១២ អន្តរជាតិ គឺមានតម្លៃសមមូលជាមួយនឹងសញ្ញាបត្រទុយតិភូមិជាតិ (ថ្នាក់ទី១២) ។
៣. សាលាមានអាយុកាល ១០ឆ្នាំមកហើយ។
៤. សិស្សទទួលបានចំណេះដឹង ៣ភាសា គឺភាសាខ្មែរ, អង់គ្លេស និង ភាសាចិន។
៥. ទទួលសិស្សឲ្យចូលរៀនចាប់ពីអាយុ ១ឆ្នាំ ៨ ខែ ឡើងទៅ ។
៦. ជាសាលាដែលមានកម្មវិធីសិក្សាជាតិ និងអន្តរជាតិ តែរក្សាប្រពៃណី និងវប្បធម៌ខ្មែរ។

-វិន័យ គុណភាព សីលធម៌ និងសុខុមាលភាព ជាគោលការណ៍គ្រឹះនៃសាលា អន្តរជាតិ វើលដ៍ កម្ពុជា ។

-សិក្សាបីភាសាក្នុងពេលតែមួយ (អង់គ្លេស ចិន ខ្មែរ)

-សិក្សាពេញ១ថ្ងៃ សិក្សាពីថ្ងៃចន្ទ ដល់ សុក្រ។

-សាខា ទួលគោក ផ្លូវ ៥២៨

-សាខា ទឹកល្អក់៣ ផ្លូវ ២៣០ (កោសដូង)

-សាខា ច្បារអំពៅ (បើកដំណើរការថ្ងៃទី១៤ ខែសីហា ឆ្នាំ២០២៣)៕

The post សិស្សឆ្នើមពីសាលាអន្តរជាតិ វើលដ៍កម្ពុជា ឧកញ៉ា សាយ សោភា ដណ្តើមបានមេដាយមាស និងសំរឹទ្ធ ៨គ្រឿង ពីការប្រកួតគណិតវិទ្យាអូឡាំព្យាដអន្តរជាតិសិង្ហបុរី ឆ្នាំ២០២៣ appeared first on .

សហព័ន្ធសេវាអប់រំនៅកម្ពុជា អាណត្តិ ២០២៣-២០២៥ មាន​លោក គង់ សំនៀង ជា​ប្រធាន ព្រម​ទាំង​មាន​អនុប្រធាន​ចំនួន​ពីរ​រូប​គឺ លោក ហុង លីម អនុប្រធាន​ក្រុមប្រឹក្សាភិបាល ទទួល​បន្ទុកកិច្ចការ​ទំនាក់ទំនង​សមាជិក និង​លោក ឡាយ សុភា អនុប្រធាន​ក្រុមប្រឹក្សាភិបាល និង​ប្រធាន​គណៈកម្មាធិការ​ភាសាបរទេស និង​ចំណេះ​ទូទៅខ្មែរ។ បន្ថែម​ពី​នេះ ក៏​មាន​សមាជិក​មួយ​ចំនួន​ទៀត​ដូចជា លោក ឡា វិបុល, បណ្ឌិត ឈិញ ស៊ីថា, លោកស្រី យូ បូរី, លោកស្រី ប៉ែន បុប្ផា, លោក ព្រីង ដារ៉ា, លោកស្រី អ៊ុក ដាវី និង​លោកជំទាវ​ឧកញ៉ា សាយ សោភា សមាជិក​ក្រុមប្រឹក្សាភិបាល និង​ជា​ប្រធាន​គណៈកម្មាធិការ​ទទួលបន្ទុក​កិច្ចការ​ទំនាក់ទំនង​អន្តរជាតិ។

សូម​ជម្រាប​​ថា សហព័ន្ធសេវាអប់រំនៅកម្ពុជា ក៏​មាន​លោកឧកញ៉ា ប៉ិច បូឡែន ជា​ប្រធាន​ក្រុម​ទីប្រឹក្សា និង​អ្នកឧកញ៉ា គួច ម៉េងលី ជាទីប្រឹក្សាជាន់ខ្ពស់ ផង​ដែរ។

សហព័ន្ធ​សេវា​អប់រំនៅកម្ពុជា ជា​​ស្ថាប័ន​មិន​ស្វែង​រក​ប្រាក់​ចំណេញ​មួយ ដែល​បង្កើត​ឡើង​នៅ​ឆ្នាំ២០២០ ​​ដោយ​មាន​គោលបំណង និង​ចក្ខុវិស័យ ​​លើក​កម្ពស់​​ស្តង់ដា​អប់រំ និង​លើក​កម្ពស់​គុណភាព​​អប់រំ​នៅ​កម្ពុជា ​​តាម​រយៈ​​​ការ​ចូលរួម​សហការ​គ្នា​រវាង​សាលា​ឯកជន​ជាង ១០០, មជ្ឈមណ្ឌលបណ្តុះបណ្តាល, សមាគម​អប់រំ និង​ក្រុមហ៊ុន​បច្ចេកវិទ្យា​ទាក់ទង​នឹង​ការ​អប់រំ​ ជាដើម៕

The post ជំទាវឧកញ៉ាមួយរូបគត់ ស្ថិតក្នុងសមាសភាពក្រុមប្រឹក្សាភិបាល នៃសហព័ន្ធសេវាអប់រំនៅកម្ពុជា appeared first on .

ការ​ចូល​រួម​​ឧបត្ថម្ភ​​បង្គោល និង​អំពូល​សូឡា​ខាង​លើ​ របស់​លោក​ជំទាវឧកញ៉ា សាយ សោភា និង​ស្វាមី​នេះ​ ពិត​ជា​មាន​សារៈសំខាន់​ណាស់ សម្រាប់​រដ្ឋបាល​ក្រុង​អរិយក្សត្រ ​​​​ដើម្បី​យក​ទៅ​ចាត់ចែង និង​ប្រើប្រាស់​តាម​តម្រូវ​ការ​​ផ្សេងៗ។ ជាពិសេស រដ្ឋបាលក្រុង​ដែល​ទើប​នឹង​បង្កើត​ថ្មី​ ​នៃ​ខេត្ត​កណ្តាល មួយ​នេះ ​ក៏​កំពុង​​មាន​តម្រូវ​ការ​ជា​ចាំ​បាច់ ក្នុង​ការ​បំពាក់​អំពូល​ភ្លើង​សូឡា នៅ​តាម​ដង​ផ្លូវ​សាធារណៈ​​មួយ​ចំនួន ដើម្បី​​​ឱ្យ​ប្រជាពលរដ្ឋ​ មាន​ភាព​ងាយ​ស្រួល​ធ្វើ​ដំណើរ​ពេល​យប់​ព្រលប់។

​រដ្ឋបាលក្រុងអរិយក្សត្រ បាន​​​ប្រកាស​បង្កើត និង​ដាក់​ឱ្យ​ដំណើរការ​ជាផ្លូវ​ការ​នូវ​​រដ្ឋបាលក្រុង​ថ្មី​នេះ ​កាលពី​រសៀល​ថ្ងៃទី៣ ខែឧសភា ឆ្នាំ២០២៣ ​ ក្រោម​អធិបតីភាព​លោក គង់ សោភ័ណ្ឌ អភិបាល នៃគណៈអភិបាល​ខេត្ត​កណ្តាល ​​រួម​ទាំង​ពិធី​ប្រកាស​តែងតាំង​ថ្នាក់ដឹកនាំ និង​មន្ត្រីរាជការ​គ្រប់​ជាន់​ថ្នាក់​នៃ​រដ្ឋបាលក្រុង​អរិយក្សត្រ​ផង​ដែរ។

គួរ​បញ្ជាក់​ថា លោកជំទាវ សាយ សោភា ក្រៅពីមានតួនាទីជាអគ្គនាយិកា សាលាអន្តរជាតិវើលដ៏ កម្ពុជា លោក​ជំទាវ ក៏ជាសមាជិកក្រុមប្រឹក្សាភិបាល នៃសហព័ន្ធសេវាអប់រំនៅកម្ពុជាផងដែរ។ លោក​ជំទាវ​ ត្រូវ​បាន​ព្រះមហាក្សត្រ ​​ចេញ​ព្រះរាជក្រឹត្យ ​​ត្រាស់​បង្គាប់​ផ្តល់​គោរមងារ​ជា «ឧកញ៉ា» ​​កាលពី​ថ្ងៃទី០៧ ខែតុលា ឆ្នាំ២០២២៕

The post ជំទាវឧកញ៉ា សាយ សោភា ឧបត្ថម្ភបង្គោលនិងអំពូលសូឡា ១០០ឈុត ដល់សាលាក្រុងអរិយក្សត្រ appeared first on .

លោកជំទាវឧកញ៉ា សាយ សោភា ​​បាន​ទទួល​គ្រឿងឥស្សរិយយស​​​ខ្ពស់​បំផុត​នេះ ​គឺ​ដោយសារ​​កន្លង​មក​លោក​ជំទាវ​តែង​​តែ​ចូល​រួម​បរិច្ចាគ​ថវិកា​ផ្ទាល់​ខ្លួន​ជា​ច្រើន ក្នុង​ការងារ​សប្បុរសធម៌ ទាំង​ផ្នែក​អាណាចក្រ និង​ពុទ្ធចក្រ ​ដែល​​បាន​រួម​ចំណែក​ជួយ​អភិវឌ្ឍន៍​សង្គម​ជាតិ និង​ចូល​រួម​ជាមួយ​រាជរដ្ឋាភិបាល ក្នុង​ការ​​ស្តារ​សេដ្ឋកិច្ច​ជាតិ និង​​ជួយ​ដល់​ប្រជាពលរដ្ឋក្រីក្រ ឬ​ជន​ងាយ​រងគ្រោះ។

​​គ្រឿងឥស្សរិយយសជាតូបការ ជា​គ្រឿង​ឥស្សរិយយស​​ខ្ពស់​ជាង​គេ​បំផុត​របស់​ប្រទេស​កម្ពុជា ដែល​​ត្រូវបាន​បង្កើត​ឡើង​ដោយ​ព្រះករុណា ព្រះបាទសម្តេច ព្រះនរោត្តម សីហនុ ព្រះបរមរតនកោដ្ឋ កាលពីថ្ងៃទី ៥ តុលា ១៩៩៥។ គ្រឿងឥស្សរិយយសនេះ សម្រាប់​ផ្តល់ជូន​ដល់​បុគ្គល​ក្នុងឋានន្តរស័ក្តិប្រមុខរដ្ឋបរទេស និងជនជាតិកម្ពុជា ដែល​បាន​ជួយដល់ប្រទេសជាតិយ៉ាងពិសេស។

សូមជម្រាប​ថា លោកជំទាវ សាយ សោភា ដែល​មាន​ស្រុក​កំណើត​នៅ​ខេត្ត​ពោធិ៍សាត់ ជា​ឧត្ដមភរិយារបស់​​អ្នក​​ឧកញ៉ា ភឺន ផល្លា។ លោកជំទាវ ទើប​ត្រូវបានព្រះមហាក្សត្រ​នៃព្រះរាជាណាចក្រកម្ពុជា ត្រាស់បង្គាប់ផ្ដល់​គោរមងារជា “ឧកញ៉ា” តបតាមសេចក្ដី​ទូលថ្វាយ​របស់សម្ដេចតេជោ ហ៊ុន សែន នាយករដ្ឋមន្ត្រី តាមរយៈ​ព្រះរាជក្រឹត្យ កាលពីថ្ងៃទី ០៧ ខែតុលា ឆ្នាំ២០២២៕

The post លោកជំទាវអគ្គនាយិកាសាលាអន្តរជាតិវើលដ៍កម្ពុជា ទទួលបានការបំពាក់មេដាយ «ជាតូបការ» appeared first on .

លោកជំទាវ បាន​លើក​ឡើង​កាល​ពី​ពេល​ថ្មីៗ​នេះ​ថា ​ភាពមានបាន អាចកើតឡើងលើមនុស្សគ្រប់គ្នា អាស្រ័យលើ​សកម្មភាពរបស់យើងម្នាក់ៗ ភាពឧស្សាហ៍ព្យាយាម​របស់​យើង ភាព​ចង់​បាន​របស់​យើង។ នៅ​ពេល​យើង​មាន​ការ​ចង់​បាន ទើប​នាំ​ឱ្យ​យើង​ធ្វើ​សកម្មភាព​ ដើម្បី​សម្រេច​គោលដៅ​នោះ។

សម្រាប់ការ​ចាប់​ផ្តើម​ភាព​មាន​បាន​របស់​​លោក​ជំទាវ គឺ​​ជ្រើស​យក​ការ​សិក្សា​ ដើម្បី​ផ្លាស់ប្តូរ​ពី​ភាព​ក្រីក្រ មក​មាន​ជីវភាព​ធូរធារ។ ប្រសិន​យើង​គ្មាន​លទ្ធភាព​​បង់ថ្លៃ​សាលា​ យើង​អាច​រៀន​ចាប់​យក​ជា​ជំនាញ ​​ដើម្បី​ឈាន​ជើង​មួយ​ជំហ៊ាន ក្នុង​ការ​ផ្លាស់ប្តូរ​ខ្លួន​ឯង​ក្នុង​ជីវិត បើ​មិន​ដូច្នោះ​ទេ​គឺ​យើង​មិន​អាច​ផ្លាស់ប្តូរ​ជីវិត​ពីភាព​ក្រីក្រ​បាន​នោះ​ទេ។

លោកជំទាវ​ បាន​បន្ត​ថា តើ​អ្នកក្រ ធ្វើ​យ៉ាង​ណា​ទើប​ក្លាយ​ជា​អ្នកមាន? ភាគ​ច្រើន​អ្នកក្រ គឺ​មាន​ភាព​ភ័យ​ខ្លាច​ច្រើន ដោយសារ​តែ​ចំណេះ​ដឹង​នៅ​មាន​កម្រិត​ និង​អ្នក​នៅ​ជុំវិញ​ខ្លួន​​ក្រ​ទាំង​ធនធាន ឬ​អាច​ក្រ​ទាំង​គំនិត។ នៅ​ពេល​ឪពុកម្តាយ​ក្រ​គំនិត​ គឺ​​ពួកគាត់​មិន​អាច​បង្ហាញ​​ផ្លូវ​ដល់​កូនៗ​ឱ្យ​បាន​វែងឆ្ងាយ​នោះ​ទេ។ ចំណែក​គ្រួសារ​លោកជំទាវ ​​ទោះបី​គ្រួសារ​ក្រីក្រ តែ​ឪពុកម្តាយ​​ឧស្សាហ៍ព្យាយាម ហើយ​ពួកគាត់​តែង​ផ្តល់​គំនិត​ល្អៗ និង​ផ្តល់​ក្តីស្រម៉ៃ​ខ្ពស់ ទោះបី​យើង​ក្រីក្រ តែ​យើង​មាន​ក្តីស្រម៉ៃ​ថា​ យើង​ចង់​ក្លាយ​ជា​អ្នកមាន។ ម្យ៉ាងទៀត កាលលោក​ជំទាវ​នៅ​ពីក្មេង អ្នក​រស់​នៅ​ជុំវិញ​ខ្លួន​សុទ្ធ​តែ​អ្នកមាន មិត្តភ័ក្តិ អ្នកស្គាល់គ្នា សុទ្ធតែ​ជា​អ្នកមាន​ទាំង​អស់។ ដល់​ពេល​​ដើរ​ជាមួយ​គេ​យូរៗ​ទៅ​ ​មាន​អារម្មណ៍​ថា​ខ្មាស់គេ ហើយ​លោក​ជំទាវ​​ក៏​ចង់​ក្លាយ​ដូច​ពួកគេ ធ្វើ​យ៉ាង​ណា​ដើម្បី​ឱ្យ​ក្លាយ​ជា​អ្នកមាន។

ថ្ងៃមួយ​ម្តាយ​លោកជំទាវ​​ថា ចង់​ឃើញ​កូន​ទៅ​រៀន​នៅ​ភ្នំពេញ និង​មាន​ការងារ​ធ្វើ​ ពាក់​ខោអាវ​ស្អាតៗ។ ពេល​នោះ​លោកជំទាវ​ក៏​មាន​ស្មារតី​មួយថា​ នេះ​ជា​ឱកាស​ក្លាយ​ជា​អ្នកមាន។ បើ​លោកជំទាវ​ ពឹង​​លើ​ទ្រព្យ​ឪពុកម្តាយ​ គឺ​​មិន​អាច​ខ្លាច​ជា​អ្នកមាន​ទេ ហើយ​ក៏​មិន​អាច​យក​ទ្រព្យ​ធន​តិច​តួច​នោះ​​មក​រកស៊ី ដើម្បី​ខ្លាច​ជា​អ្នកមាន​បាន​ដែរ។ ដូច្នេះ​លោកជំទាវ ជឿថា​មាន​ការ​សិក្សា​មួយ​មុខ​គត់ ដែល​អាច​ផ្លាស់ប្តូរ​ជីវិត​របស់​ខ្លួន​ពី​អ្នកក្រ ទៅ​ជា​អ្នកមាន​បាន។

ការ​ដែល​យើង​តាំង​ចិត្ត​ខ្ពស់ និង​មាន​ការ​ស្រម៉ៃ​ខ្ពស់ នូវ​អ្វី​ដែល​យើង​ចង់​បាន ដូច្នេះ​ការ​រៀន​របស់​យើង​គឺ​មាន​ការ​ខិត​ខំ​ខ្លាំង​ និង​រៀន​គ្មាន​ពេល​សម្រាក។ អ្វី​ក៏​ដោយ​ឱ្យ​តែ​យើង​តស៊ូ យើង​មាន​គោលដៅ និង​មាន​ការ​តាំង​ចិត្ត​ខ្ពស់ គឺ​គ្មាន​អ្វី​ជា​ឧបសគ្គ​នោះ​ទេ អ្វី​ក៏​យើង​អាច​ធ្វើ​បាន​ដែរ​ ជាពិសេស​ត្រូវ​ប្រឹង​ប្រែង​កែ​ប្រែ​ជីវភាព​ខ្លួន​​ឯង ​ក្លាយ​ទៅ​ជា​អ្នកមាន ដើម្បី​ជា​ការ​តបស្នង​ដល់​អ្នក​មាន​គុណ​ផង។

លោកជំទាវ សាយ សោភា ​បាន​បញ្ជាក់​ឱ្យ​ដឹង​​ថា លោកជំទាវ​មាន​ស្រុក​កំណើត​នៅ​ខេត្ត​ពោធិ៍សាត់ តស៊ូ​មក​រាជធានី​ភ្នំពេញ ដើម្បី​បន្ត​សិក្សា ប៉ុន្តែ​​​​សិក្សា​មិន​ទាន់​បាន​មួយ​ឆ្នាំ​ផង គ្រួសារ​នៅ​ស្រុក​កំណើត​ត្រូវ​​​ចោរ​លួច​គាស់ផ្ទះ​យក​ទ្រព្យ​សម្បត្តិ​អស់​ទៀត។ ដោយសារ​​មាន​​លុយ​តិច​តួច​ លោកជំទាវ​​តែង​ជ្រើសរើស​រៀន​នៅ​សាលា​ណា​ដែល​​​ធូរ​ថ្លៃ ឬ​សាលា​អង្គការ​នានា រហូត​អាច​សិក្សា​ចប់​កម្រិត​ឧត្តម និង​​​ចេះ​ភាសាចិន​អាច​ប្រើការ​បាន ដោយ​ចំណាយ​ពេល​សិក្សា​តែ ៣​ឆ្នាំ​ប៉ុណ្ណោះ។

សូមជម្រាប​ថា លោកជំទាវ សាយ សោភា ជា​ឧត្ដមភរិយារបស់លោកឧកញ៉ា ភឺន ផល្លា។ លោកជំទាវ ទើប​ត្រូវបានព្រះមហាក្សត្រ​នៃព្រះរាជាណាចក្រកម្ពុជា ត្រាស់បង្គាប់ផ្ដល់គោរមងារជា “ឧកញ៉ា” តបតាមសេចក្ដី​ទូលថ្វាយ​របស់សម្ដេចតេជោ ហ៊ុន សែន នាយករដ្ឋមន្ត្រី តាមរយៈ​ព្រះរាជក្រឹត្យ កាលពីថ្ងៃទី ០៧ ខែតុលា ឆ្នាំ២០២២៕

The post ជំទាវឧកញ៉ា សាយ សោភា ប្រាប់ពីគន្លឹះដើម្បីប្រែក្លាយជីវិតពីអ្នកក្រីក្រ ទៅជាអ្នកមាន appeared first on .