ការស្នើរបស់សម្តេចធិបតីបែបនេះ គឺបានឆ្លើយតបទៅនឹងសំណូមពររបស់ប្រជាពលរដ្ឋដែលរងគ្រោះក្នុងករណីគម្រោងរបស់អតីតឧកញ៉ា ឡេងចាន់ណា ដែលបានស្នើសុំកិច្ចអន្តរាគមន៍ពីសម្តេចធិបតី។

យោងតាមបណ្តាញសង្គមហ្វេសប៊ុករបស់សម្តេចធិបតី កាលព្រឹកថ្ងៃទី១៥ ខែឧសភា ឆ្នាំ២០២៤ បានលើកឡើងថា៖«ឆ្លើយតបទៅនឹងសំណូមពររបស់ប្រជាពលរដ្ឋដែលរងគ្រោះក្នុងករណីគម្រោងរបស់អតីតឧកញ៉ា ឡេងចាន់ណា ដែលបានស្នើសុំកិច្ចអន្តរាគមន៍ពីខ្ញុំ, ខ្ញុំបានសម្រេចប្រគល់ភារកិច្ចជូនឯកឧត្តម គី តិច ប្រធានក្រុមមេធាវីរបស់រាជរដ្ឋាភិបាល ដើម្បីការពារប្រជាពលរដ្ឋ និងធ្វើជាតំណាងប្រជាពលរដ្ឋនៅក្នុងសំណុំរឿងទាំងឡាយដែលកំពុងចាត់ការដោយស្ថាប័នអយ្យការ និង ស្ថាប័នតុលាការ»។

ជាមួយគ្នានេះ សម្តេចធិបតី ក៏សូមយកឱកាសនេះ ដើម្បីបញ្ជាក់អំពីចំណាត់ការជាបន្តបន្ទាប់របស់រាជរដ្ឋាភិបាល និងរបស់រូបសម្តេចផ្ទាល់ពាក់ព័ន្ធនឹងករណីនេះថា៖« ក្រោយពេលដែលឃើញមានផ្សព្វផ្សាយតាមប្រព័ន្ធបណ្ដាញសង្គមអំពីករណីទាមទារសំណងរបស់ប្រជាពលរដ្ឋដែលបានវិនិយោគនៅលើគម្រោង ប្រ៊ីលានស៊ីធី នៅខេត្តសៀមរាប របស់អតីតឧកញ៉ា ឡេង ចាន់ណា, នៅក្នុងអំឡុងពាក់កណ្តាលខែកុម្ភ: ឆ្នាំ២០២៤ ខ្ញុំបានប្រគល់ភារកិច្ចជូន លោកសាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងដែនដី នគររូបនីយកម្ម និងសំណង់ ក៏ដូចជា ជូនលោក ប្រាក់ សោភ័ណ្ឌ អភិបាលនៃគណៈអភិបាលខេត្តសៀមរាប និងក្រុមជំនួយការច្បាប់របស់សម្តេចដើម្បីស្រាវជ្រាវ ក៏ដូចជារិះរកដំណោះស្រាយលើករណីនេះ»។

តាមការប្រគល់ភារកិច្ច សម្តេចធិបតី បានបញ្ជាក់ថា លោក សាយ សំអាល់ បានព្យាយាមធ្វើការសម្របសម្រួលជាមួយក្រុមហ៊ុន ក្នុងគោលបំណងរកដំណោះស្រាយជូនប្រជាជនវិញ ទៅតាមលទ្ធភាពដែលអាចទៅបាន និងទៅតាមជំហានដែលអាចធ្វើទៅបាន ប៉ុន្តែ ដំណោះស្រាយតាមវិធីនេះ ពុំអាចធ្វើទៅបាន។

ជាមួយគ្នានេះ, សមត្ថកិច្ចក៏បានធ្វើការស៊ើបអង្កេត និងស្រាវជ្រាវករណីនេះ ហើយបានរកឃើញថា គម្រោងវិនិយោគរបស់ក្រុមហ៊ុន ប្រ៊ីលានសីធី ពុំមានលក្ខណៈដូចជាគម្រោងវិនិយោគអចលនទ្រព្យផ្សេងទៀត ដែលជាគម្រោងវិនិយោគពិតប្រាកដ ហើយជួបប្រឈមឧបសគ្គជាមួយនឹងបញ្ហានៃការធ្លាក់ចុះទីផ្សារនោះទេ ប៉ុន្តែ ផ្ទុយទៅវិញគម្រោងរបស់ក្រុម ឡេង ចាន់ណា មានលក្ខណៈជាប្រព័ន្ធឆបោកតាមរូបមន្ត Ponzi Scheme ។

ផ្អែកលើលទ្ធផលនៃការស៊ើបអង្កេតនេះ នៅថ្ងៃទី១២ មីនា ២០២៤ សម្តេចធិបតី ក៏បានបញ្ជាឱ្យកម្លាំងសមត្ថកិច្ចអនុវត្តច្បាប់ឱ្យបានម៉ឺងម៉ាត់ និងឈានទៅឃាត់ខ្លួនឈ្មោះ ឡេង ចាន់ណា ដើម្បីបញ្ជូនទៅតុលាការតាមនីតិវិធីជាធរមាន។

ជាមួយគ្នានេះ នៅថ្ងៃទី១៣ មីនា ២០២៤ សម្តេចធិបតី បានធ្វើសំណើថ្វាយ ព្រះមហាក្សត្រ ជាទីគោរពសក្ការៈដ៏ខ្ពង់ខ្ពស់បំផុត ដើម្បីបញ្ចប់ងារជាឧកញ៉ា របស់លោកស្រី ឡេង ចាន់ណា ដែលមានព្រះរាជក្រឹត្យចុះហត្ថលេខាដោយសម្តេចវិបុលសេនាភក្តី សាយ ឈុំ ប្រមុខរដ្ឋស្តីទីនៅថ្ងៃទី១៤ មីនា ២០២៤។

ទោះបីជាសំណុំរឿងស្ថិតនៅក្នុងដៃរបស់តុលាការ សម្តេចធិបតីថា ក៏រាជរដ្ឋាភិបាលនៅបន្តតាមដានករណីនេះជាប្រចាំ និងបានប្រគល់ភារកិច្ចឱ្យសមត្ថកិច្ចពាក់ព័ន្ធបន្តការស្រាវជ្រាវ និង សហការគាំទ្រដល់ដំណើការរបស់តុលាការគ្រប់រូបភាពដែលច្បាប់អនុញ្ញាត ធ្វើយ៉ាងណារួមគ្នាដោះស្រាយបញ្ហាជូនប្រជាពលរដ្ឋឲ្យអស់លទ្ធភាពទៅតាមផ្លូវច្បាប់។

ចុងក្រោយនេះ សម្តេចបន្តថា៖«យោងតាមសំណូមពរពីប្រជាពលរដ្ឋដែលបានស្នើសុំកិច្ចអន្តរាគមន៍ពីរាជរដ្ឋាភិបាលដើម្បីជួយក្នុងករណីនេះ, ខ្ញុំបានប្រគល់ភារកិច្ចជូនក្រុមមេធាវីរបស់រាជរដ្ឋាភិបាល ដែលមានលោក គី តិច ជាប្រធាន ដើម្បីខិតខំការពារប្រជាពលរដ្ឋរងគ្រោះក្នុងករណីនេះ ព្រមទាំងផ្តល់នូវជំនួយផ្នែកច្បាប់នានាតាមការចាំបាច់ ជាពិសេស ការពារផលប្រយោជន៍របស់ប្រជាពលរដ្ឋតាមផ្លូវតុលាការ»។

ទន្ទឹមគ្នានេះ សម្តេចធិបតី ក៏បានស្នើឱ្យមេធាវីរាជរដ្ឋាភិបាល ព្រមទាំងស្ថាប័នមានសមត្ថកិច្ចទាំងអស់ដែលមានការពាក់ព័ន្ធ ខិតខំយកចិត្តទុកដាក់ក្នុងការការពារផលប្រយោជន៍របស់ប្រជាពលរដ្ឋដែលរងគ្រោះនៅក្នុងសំណុំរឿងនេះ ហើយធានាឱ្យបាននូវការអនុវត្តច្បាប់ឱ្យបានម៉ឺងម៉ាត់ទៅតាមនីតិវិធីជាធរមាន។ រាជរដ្ឋាភិបាល នឹងបន្តតាមដានដោយយកចិត្តទុកដាក់លើសំណុំរឿងនេះ។ ជាថ្មីម្តេងទៀត សម្តេចអះអាងថា រដ្ឋាភិបាលនឹងបន្តខិតខំរួមគ្នាដើម្បីស្វែងរកដំណោះស្រាយសមស្របជូនប្រជាពលរដ្ឋ ទៅតាមនីតិវិធីច្បាប់ជាធរមាន៕ អត្ថបទ៖ រង្សី

The post សម្តេចធិបតី ស្នើឱ្យមេធាវីរដ្ឋាភិបាល និងស្ថាប័នសមត្ថកិច្ច ខិតខំការពារផលប្រយោជន៍ជូនពលរដ្ឋរងគ្រោះពីគម្រោងអតីតឧកញ៉ា ឡេង ចាន់ណា appeared first on .

​តាមខ្លឹមសារ​លិខិត​របស់​សាលាដំបូង​ខេត្តសៀមរាប ពាក់ព័ន្ធនឹងសំណុំរឿងខាងលើនេះ សាលាដំបូងខេត្ត បានអនុវត្តកិច្ច​នីតិវិធី​ជាច្រើន មានដូចខាងក្រោម៖
១. បានសម្រេចបង្កកគណនីធនាគារ ចំនួន ១៨៣ គណនី និងទ្រព្យសម្បត្តិមួយចំនួន។
២. បានសម្រេចឃុំខ្លួនជនត្រូវចោទចំនួន ៥ នាក់, បានចេញដីកាបង្គាប់ឱ្យនាំខ្លួនជនត្រូវចោទ ចំនួន ២ នាក់ និងបានចេញ​ដី​កាបង្គាប់ឱ្យចូលខ្លួនលើជនត្រូវចោទចំនួន ២៤ នាក់ ដោយកំណត់ឱ្យចូល ខ្លួនគិតចាប់ពីថ្ងៃទី១៨ ខែមេសា ឆ្នាំ២០២៤ ដល់ថ្ងៃទី១៧ ខែឧសភា ឆ្នាំ២០២៤។
៣. បានចេញដីកាចាត់ឱ្យស៊ើបសួរជំនួស ដោយបង្គាប់ឱ្យស្រាវជ្រាវទ្រព្យសម្បត្តិ និងសាវតាជាតិ របស់ជនពាក់ព័ន្ធផ្សេងទៀត ដើម្បីចាត់ការបន្តតាមនីតិវិធីច្បាប់។

ចំពោះខ្លឹមសារពិស្តារសូមអានសេចក្តីប្រកាសព័ត៌មានរបស់អ្នកនាំពាក្យសាលាដំបូងខេត្តសៀមរាប​​ខាង​ក្រោម៖

គួររំឭកថា លោកស្រី ឡេង ចាន់ណា និងបក្សពួក២នាក់ផ្សេងទៀត ត្រូវបានសមត្ថកិច្ចឃាត់ខ្លួនកាលពីថ្ងៃទី១២ ខែមីនា ឆ្នាំ២០២៤ ក្នុងសំណុំរឿងឆបោក រំលោភលើសេចក្តីទុកចិត្ត និងចេញមូលបត្រគ្មានសាច់ប្រាក់ បន្ទាប់ពីប្រជាពលរដ្ឋ​ជាច្រើនពាន់​គ្រួសារចេញមកតវ៉ាសុំអន្តរាគមន៍ពីអាជ្ញាធរខេត្តសៀមរាបជាច្រើនលើកច្រើនសារ។

បន្ទាប់មក សម្ដេចវិបុលសេនាភក្ដី សាយ ឈុំ ប្រមុខរដ្ឋស្ដីទី សម្រេចបញ្ចប់គោរមងា «ឧកញ៉ា» ពីលោកស្រីឧកញ៉ា ឡេង ចាន់ណា តាមរយៈព្រះរាជក្រឹត្យលេខនស/រកត/០៣២៤/២៥៨ ចុះថ្ងៃទី១៤ ខែមីនា ឆ្នាំ២០២៤ យោងតាមសេចក្តីក្រាប​បង្គំ​ទូលថ្វាយ​របស់សម្តេចធិបតី ហ៊ុន ម៉ាណែត នាយករដ្ឋមន្រ្តី៕

The post តុលាការសម្រេចបង្កកគណនីធនាគារចំនួន ១៨៣ គណនី របស់ក្រុមហ៊ុន ប៊្រីលាន ស៊ីធី វើលដ៍ ឯ.ក appeared first on .

ការសម្រេចដកគោរមងារឧកញ៉ាពីលោកស្រី ឡេង ចាន់ណា ទំនងធ្វើឡើងបន្ទាប់ពីលោកស្រីត្រូវបានតុលាការសម្រេចឃុំខ្លួនពីបទល្មើសព្រហ្មទណ្ឌចំនួន ០៣ រួមនា៖ ១. បទឆបោកមានស្ថានទម្ងន់ទោស ២. បទមិនបំពេញកាតព្វកិច្ចឧបករណ៍ដែលអាចជួញដូរបាន ៣. បទសម្អាតប្រាក់។

លោកស្រី ឡេង ចាន់ណា និងបក្សពួក២នាក់ផ្សេងទៀតត្រូវបានសមត្ថកិច្ចឃាត់ខ្លួនកាលពីថ្ងៃអង្គារក្នុងសំណុំរឿងឆបោក រំលោភលើសេចក្តីទុកចិត្ត និងចេញមូលបត្រគ្មានសាច់ប្រាក់ បន្ទាប់ពីប្រជាពលរដ្ឋជាច្រើនពាន់គ្រួសារចេញមកតវ៉ាសុំអន្តរាគមន៍ពីអាជ្ញាធរខេត្តសៀមរាបជាច្រើនលើកច្រើនសារ។

សូមជម្រាបជូនថា មានវ័យ ៣៥ឆ្នាំ លោកស្រី ចាន់ណាដែលកើតនៅខេត្តកំពង់ធំ ត្រូវបានរាជរដ្ឋាភិបាលស្នើព្រះមហាក្សត្រ ផ្តល់គោរមងារ ឧកញ៉ា តាមរយៈព្រះរាជក្រឹត្យ ចុះថ្ងៃ ទី១៨ ខែធ្នូ ឆ្នាំ២០១៩។ លោកស្រីជាអគ្គនាយិកាក្រុមហ៊ុន ប្រ៊ីលានស៊ីធី (Brilliant City) ស្ថិតនៅខេត្តសៀមរាប៕

The post លោកស្រី ឡេង ចាន់ណា ត្រូវបានដកហូតបញ្ចប់គោរមងារ«ឧកញ៉ា» appeared first on .

សេចក្តីប្រកាសរបស់អយ្យការអមសាលាដំបូងខេត្តសៀមរាប បានឲ្យដឹងថា ដោយផ្អែកតាមពាក្យបណ្ដឹងរបស់ប្រជាពលរដ្ឋដែលបានដាក់ពាក្យបណ្តឹងមកអយ្យការអមសាលាដំបូងខេត្តសៀមរាបពាក់ព័ន្ធនឹងបទល្មើស ឆបោក រំលោភលើសេចក្តីទុកចិត្ត និងចេញមូលបត្រគ្មានសាច់ប្រាក់។ សាលាដំបូងខេត្តសៀមរាបបញ្ជាក់ថា ជនសង្ស័យនឹងបក្ខពួកនឹងត្រូវបញ្ជូនមកអយ្យការសាលាដំបូងខេត្តសៀមរាប ដើម្បីចាត់ការតាមនីតិវិធី។

សូមជម្រាបជូនថា លោកស្រី ឡេង ចាន់ណា និងបក្ខពួកត្រូវបានប្រជាពលរដ្ឋចោទថា បានបោកលុយរាប់រយលានដុល្លារក្នុងរូបភាពទិញដី ផ្ទះ និងការវិនិយោគបានការប្រាក់ខ្ពស់ តែទីបំផុតអ្នកខ្លះបានការស៊ីតែប៉ុន្មានខែ ក៏លែងបានរហូត។ ប្រជាពលរដ្ឋខ្ទង់ពាន់នាក់ បានចាញ់បោកលោកស្រីដោយខ្លះខ្ចីលុយពីធនាគារ ដើម្បីមកនិវិយោគជាមួយ ដែលរហូតពេលនេះត្រូវសងធនាគារវិញយ៉ាងលំបាក។​

ជុំវិញករណីឆបោកនេះ ប្រជាពលរដ្ឋរងគ្រោះបានធ្វើការតវ៉ាជាច្រើនខែមកហើយ នៅទំបំផុត កម្លាំងនគរបាលខេត្តសៀមរាប បានអនុវត្តដីការបស់តំណាងអយ្យការ ក៏សម្រេចធ្វើការឃាត់ខ្លួនលោកស្រី និងបក្ខពួកនៅពេលរសៀលនេះតែម្តង៕

The post សមត្ថកិច្ចខេត្តសៀមរាប ឃាត់ខ្លួនលោកស្រីឧកញ៉ា ឡេង ចាន់ណា និងបក្ខពួក appeared first on .

ការចេញមកច្រានចោលនៅពេលនេះ ក្រោយសង្កេតឃើញថា មានការផ្សព្វផ្សាយព័ត៌មានជាវីដេអូខ្លីៗមួយចំនួននូវសម្ដីរបស់លោកស្រីឧកញ៉ា ឡេង ចាន់ណា តាមបណ្តាញផ្សព្វផ្សាយសង្គមនានា ដោយបានលើកឡើង ឈ្មោះសម្តេចធិបតី ហ៊ុន ម៉ាណែត ដែលធ្វើឱ្យសាធារណជនទូទៅ មានការភាន់ច្រឡំថា សម្តេចធិបតី បានជាប់ពាក់ព័ន្ធនិងនៅពីក្រោយខ្នងក្រុមហ៊ុន ប្រ៊ីនលាន ស៊ីធី របស់លោកស្រី។

ក្រុមអ្នកនាំពាក្យនាយករដ្ឋមន្ត្រី បានបញ្ជាក់យ៉ាងម៉ឺងម៉ាត់ថា សម្តេចធិបតីពុំមានកិច្ចការអ្វីជាប់ពាក់ព័ន្ធនឹងក្រុមហ៊ុន ប្រ៊ីនលាន ស៊ីធី និងសមាគមពលករ និងអតីតពលករដើម្បីសប្បុរសធ៌មរបស់លោកស្រី ឡេង ចាន់ណា នោះទេ។

ក្រុមអ្នកនាំពាក្យបញ្ជាក់បន្ថែមថា សម្តេចធិបតីក៏ធ្លាប់បានបញ្ជាក់ជាសាធារណៈច្រើនលើកច្រើនសារួចមកហើយ ថាសម្តេច មិនគាំទ្រ ឬនៅពីក្រោយអំពើខុសច្បាប់របស់បុគ្គលណាម្នាក់ឡើយ ព្រមទាំងជំរុញឱ្យអាជ្ញាធរមានសមត្ថកិច្ចអនុវត្តច្បាប់ឱ្យបានម៉ឺងម៉ាត់បំផុតលើបុគ្គលទាំងឡាយណា ដែលយកឈ្មោះ សម្តេចទៅពាក់ព័ន្ធនឹងអំពីខុសច្បាប់របស់ខ្លួន៕

The post អ្នកនាំពាក្យ៖ សម្តេចធិបតី ហ៊ុន ម៉ាណែត មិនជាប់ពាក់ព័ន្ធនឹងក្រុមហ៊ុន ប្រ៊ីលាន ស៊ីធី របស់លោកស្រីឧកញ៉ា ឡេង ចាន់ណា នោះឡើយ appeared first on .

១. អ្នកឧកញ៉ា ភាព ហៀក ៖ ប្រធានកិត្តិយសសមាគមសម្ព័ន្ធខ្មែរចិននៅប្រទេសកម្ពុជា | ស្ថាបនិកក្រុមហ៊ុន ជីប ម៉ុង គ្រុប

២. ឧកញ៉ា កែវ មុំ ៖ ប្រធានសមាគមសហគ្រិនស្ត្រីកម្ពុជា | នាយិកាក្រុមហ៊ុនផលិតនំស្រួយលីលី

៣. ឧកញ៉ា តំាង ហ្គិចលៀង ៖ ប្រធាន​ក្លិប​ស្ត្រីកម្ពុជា | ប្រធានក្រុមហ៊ុន H&L Group

៤. ឧកញ៉ា ឡេង ចាន់ណា ៖ ប្រធានសមាគមលើកកម្ពស់ពលករ និងអតីតពលករ​ដើម្បីសប្បុរធម៌ | ស្ថាបនិកក្រុមហ៊ុន ប្រ៊ីលាន ស៊ីធី វើលដ៍ ឯ.ក

៥. ឧកញ៉ា ឆាយ ស៊ីវលីន ៖ ប្រធានសមាគមទីភ្នាក់ងារទេសចរណ៍កម្ពុជា (CATA) | ម្ចាស់ក្រុមហ៊ុន CSL Travel and Tour

សូម​ជម្រាប​ជូន​ថា សមាគម គឺ​សំដៅដល់អង្គការសមាជិកភាព ដែល​ត្រូវ​បាន​បង្កើត​ឡើង​ក្រោម​ច្បាប់​របស់​កម្ពុជា ក្នុង​គោលបំណង​ធ្វើ​ជា​តំណាង និង​ការពារ​ផល​ប្រយោជន៍​របស់​សមាជិក​ខ្លួន ដោយ​មិន​ទាញ​យក​ចំណេញ ឬ​មិន​យក​កម្រៃ​មក​ចែក​គ្នា។ យោងតាមរបាយការណ៍ របស់ក្រសួងមហាផ្ទៃ កាល​ថ្ងៃទី១៩ ខែកុម្ភៈ ឆ្នាំ២០២០ បាន​ឱ្យ​ដឹង​ថា គិតត្រឹមឆ្នាំ២០១៩ នៅក្នុងប្រទេសកម្ពុជា មានសមាគម អង្គការ​មិនមែនរដ្ឋាភិបាល និងសហគមន៍ ជិត៦០០០ ដែលបានចុះបញ្ជីនៅក្រសួងមហាផ្ទៃ៕

The post ណែនាំឱ្យស្គាល់អ្នកឧកញ៉ា និងឧកញ៉ាៗជាស្ត្រីចំនួន៥រូប កំពុងកាន់តួនាទីជាប្រធានសមាគម appeared first on .

ស្ត្រី​វ័យ​៣៣​ឆ្នាំ​ ឧកញ៉ា ឡេង ចាន់ណា ​​បាន​លើក​ឡើង​តាម​រយៈ​ទំព័រ​ហ្វេសប៊ុក កាល​ពី​ដើម​សប្តាហ៍​នេះ​ យ៉ាង​ដូច្នេះ​ថា កត្តាជោគជ័យ គឺឈរលើកត្តាសំខាន់ចំនួន ៤ ៖ ១.ជោគជ័យធំ កើតឡើងពីជោគជ័យតូចៗផ្តុំគ្នា ២.ការ​ខិតខំ ប្រឹងប្រែង តស៊ូ ជាកត្តាសំខាន់នៃភាពជោគជ័យ៖ គ្មានភាពជោគជ័យណា ដែលកើតឡើងដោយ​គ្មានការ​តស៊ូ​នោះទេ ៣.ភាពជោគជ័យ អាចប្រើប្រាស់ពេលវេលាយូរអង្វែង ដូចនេះទាមទារនូវការអំណត់ អត់ធន់ និង ៤.ការកំណត់គោលដៅច្បាស់លាស់ និងបន្តទៅមុខជារៀងរហូត ហើយពេលខ្លះក្នុងពេលបរាជ័យ។ លោក​ជំទាវ​បាន​បញ្ជាក់​ថា នេះ​ជា​ដំបូន្មានដ៏ខ្ពង់ខ្ពស់​របស់​ឯកឧត្តមបណ្ឌិត ហ៊ុន ម៉ាណែត។

គួរ​បញ្ជាក់​ថា ឧកញ៉ា ឡេង ចាន់ណា គឺជា​ស្ថាបនិកក្រុមហ៊ុន ប្រ៊ីលាន ស៊ីធី វើលដ៍ ឯ.ក និង​បាន​កាន់កាប់​តួនាទី​ជាអគ្គនាយិកាប្រតិបត្តិផ្ទាល់លើសកម្មភាព​អាជីវកម្ម។ ក្រុមហ៊ុនអ្នកស្រីជាក្រុមហ៊ុន អភិវឌ្ឍអចលនទ្រព្យ​ដ៏ធំមួយក្នុងខេត្តកំពង់ធំ ហើយបាននឹងកំពុងពង្រើកខ្លួនចូលក្នុងទឹកដីខេត្តសៀមរាប និងបណ្តាខេត្តផ្សេងៗ​ទៀតលើវិសយ័អចលនទ្រព្យ ហើយ​លោក​ស្រីក៏កំពុងនាំចូល និងចែកចាយគ្រឿង​សម្អាង​​ទៀត​ផង។

ក្រៅ​ពី​ប្រកប​មុខ​ជំនួញ ឧកញ៉ា ឡេង ចាន់ណា ​​ក៏​មាន​តួនាទី​ជា​​​ប្រធានសមាគមលើកកម្ពស់ពលករ និងអតីត​ពលករ​ដើម្បីសប្បុរសធម៌ ដែល​មាន​សមាជិក​រាប់ពាន់នាក់។ ​លើស​ពី​នេះ លោកជំទាវ ក៏​ជា​សកម្មជន​គណៈបក្ស​ដ៏​សកម្ម​មួយ​រូប​ ដែល​ជួយ​​​ជ្រោមជ្រែង​ដល់​ឯកឧត្តម​បណ្ឌិត ហ៊ុន ម៉ាណែត ប្រធានយុវជនគណបក្សប្រជាជន​កម្ពុជាថ្នាក់កណ្តាល ​​ដើម្បីចុះជួយ​​​មូលដ្ឋាន​នៃ​ខេត្តកំពង់ធំ និងខេត្តសៀមរាប​ផងដែរ៕

The post ឧកញ៉ា ឡេង ចាន់ណា ចែករំលែកដំបូន្មានរបស់ឯកឧត្តមបណ្ឌិត ហ៊ុន ម៉ាណែត លើកត្តា៤សំខាន់ៗ appeared first on .

ស្ត្រី​វ័យ​៣៣​ឆ្នាំ​ ឧកញ៉ា ឡេង ចាន់ណា គឺជា​ស្ថាបនិកក្រុមហ៊ុន ប្រ៊ីលាន ស៊ីធី វើលដ៍ ឯ.ក និង​បាន​កាន់កាប់​តួនាទី​ជាអគ្គនាយិកាប្រតិបត្តិផ្ទាល់លើសកម្មភាព​អាជីវកម្ម។ ក្រុមហ៊ុនអ្នកស្រីជាក្រុមហ៊ុន អភិវឌ្ឍអចលនទ្រព្យ​ដ៏ធំមួយក្នុងខេត្តកំពង់ធំ ហើយបាននឹងកំពុងពង្រើកខ្លួនចូលក្នុងទឹកដីខេត្តសៀមរាប និងបណ្តាខេត្តផ្សេងៗ​ទៀតលើវិសយ័អចលនទ្រព្យ។ ក្រៅពីវិស័យអចលនទ្រព្យ អ្នកស្រីក៏បានកំពុងនាំចូល និងចែកចាយគ្រឿង​សម្អាង​ផងដែរ។

លោកជំទាវ ក៏​ជាសហគ្រិនស្រ្តីវ័យក្មេង​ក្នុងវិស័យអចលនទ្រព្យ ដែលកំពុងធ្វើឱ្យ​រង្គើផ្អើលក្រុង​សៀមរាប ខេត្តសៀមរាប តាមរយៈការអភិវឌ្ឍសំណង់បុរី លំដាប់មធ្យមរាប់រយខ្នងផ្ទះ ស្ថិតក្នុងតំបន់​សក្តានុពល ​ជាច្រើន។ ជាពិសេសគម្រោង ​បុរី ប្រ៊ីលាន ស៊ីធី ដែលមានទីតាំងស្ថិតនៅក្នុងភូមិជន្លង់​ សង្កាត់សាលាកំរើក​ ក្រុងសៀមរាប ខេត្តសៀមរាប។

ក្រៅ​ពី​ប្រកប​មុខ​ជំនួញ ឧកញ៉ា ឡេង ចាន់ណា ​​ក៏​មាន​តួនាទី​ជា​​​ប្រធានសមាគមលើកកម្ពស់ពលករ និងអតីត​ពលករ​ដើម្បីសប្បុរសធម៌ ដែល​មាន​សមាជិក​រាប់ពាន់នាក់។ ​លើស​ពី​នេះ លោកជំទាវ ក៏​ជា​សកម្មជន​គណៈបក្ស​ដ៏​សកម្ម​មួយ​រូប​ ដែល​ជួយ​​​ជ្រោមជ្រែង​ដល់​ឯកឧត្តម​បណ្ឌិត ហ៊ុន ម៉ាណែត ប្រធានយុវជនគណបក្សប្រជាជន​កម្ពុជាថ្នាក់កណ្តាល ​​ដើម្បីចុះជួយ​​​មូលដ្ឋាន​នៃ​ខេត្តកំពង់ធំ និងខេត្តសៀមរាប​ផងដែរ។

ភាពជោគជ័យក្នុងវិថីជំនួញបង្កើតប្រាក់ចំណូលចូលរដ្ឋ និងចូលរួមបរិច្ចាគធនធានដល់រាជរដ្ឋាភិបាល ព្រមទាំង​កិច្ចការមនុស្សធម៌នាពេលកន្លងទៅ អ្នកស្រី ត្រូវបានរាជរដ្ឋាភិបាលស្នើព្រះមហាក្សត្រ ផ្តល់គោរមងារ «ឧកញ៉ា» ដើមជាសក្ខីភាពតឹកតាងសកម្មភាពមុខជំនួញ និងកិច្ចការងារមនុស្សធម៌ ដល់សហគ្រិនស្រី្តវ័យក្មេងរូបនេះ តាម​រយៈព្រះរាជក្រឹត្យ ចុះថ្ងៃទី១៨ ខែធ្នូ ឆ្នាំ២០១៩។

ឧកញ៉ា ឡេង ចាន់ណា បានផ្តល់ដំបូន្មានថា៖ «មានក្តីស្រមៃធំ វានឹងធ្វើឱ្យអ្នកទៅបានឆ្ងាយ ប៉ុន្តែអ្នកត្រូវ​រស់​ជាមួយការពិត តែបើអ្នកស្រមៃផ្តេសផ្តាស អ្នកក៏ត្រូវត្រៀមខ្លួនខកបំណងដែរ ហើយកុំបណ្តែតបណ្តោយ និង​ផ្ញើរ​វាសនាលើព្រហ្មលិខិត។ ត្រូវចាំថា បើគ្មានការខិតខំចេញពីអ្នកទេ នោះភាពជោគជ័យក៏មិនអាចកើតមានដែរ។ បើអ្នកធ្វើអី្វមួយដោយមានគោលដៅច្បាស់លាស់ អ្នកនឹងមិនមានភាពនឿយហត់​នៅក្នុងការធ្វើសកម្មភាព​ឡើយ​។ ការប្រឹងពីបាតដៃទទេ វាពិតជាហត់ ហើយក៏តែងតែជួបបញ្ហាមិនអាចជៀសផុត តែវាជាឱសថទិព្វ ដែលធ្វើឱ្យ​យើងដឹងថា ជីវិតត្រូវតែរឹងមាំ»៕

The post តើស្ត្រីវ័យក្មេង ឧកញ៉ា ឡេង ចាន់ណា កំពុងកាន់កាប់ក្រុមហ៊ុន និងមានតួនាទីអ្វីខ្លះ? appeared first on .

ភាពជោគជ័យក្នុងវិថីជំនួញបង្កើតប្រាក់ចំណូលចូលរដ្ឋ និងចូលរួមបរិច្ចាគធនធានដល់រាជរដ្ឋាភិបាល ព្រមទាំងកិច្ចការមនុស្សធម៌នាពេលកន្លងទៅ អ្នកស្រី ត្រូវបានរាជរដ្ឋាភិបាលស្នើព្រះមហាក្សត្រ ផ្តល់គោរមងារ ឧកញ៉ា ដើមជាសក្ខីភាពតឹកតាងសកម្មភាពមុខជំនួញ និងកិច្ចការងារមនុស្សធម៌ ដល់សហគ្រិនស្រី្តវ័យក្មេងរូបនេះ តាមរយៈព្រះរាជក្រឹត្យ ចុះថ្ងៃ ទី១៨ ខែធ្នូ ឆ្នាំ២០១៩។

នៅត្រឹឹមថ្ងៃទី២៨ ខែសីហា ឆ្នាំ២០២២នេះ ឧកញ៉ា ឡេង ចាន់ណា ឈានចូលដល់វ័យ ៣៣ឆ្នាំ ឬអាចនិយាយបានថាជាថ្ងៃ Happy Birthday។ ស្ថិតក្នុងវ័យ ៣៣ឆ្នាំនេះ បើតាមវេជ្ជសាស្រ្ត គឺជាវ័យមួយដែលពោរពេញដោយសក្តានុពលខ្លាំងក្លាទៅលើសុខភាព សម្រស់ បញ្ញា ស្មារតី និងមហិច្ឆតាក្នុងជីវិត ក៏ដូចជាមុខជំនួញផងដែរ។

និយាយជាទូទៅ វ័យប៉ុណ្ណោះ នៅតាមស្ថាប័នរដ្ឋ ឬស្ថាប័នឯកជន ជាធនធានមានសមត្ថភាព ខណៈដែលវ័យនេះជាវ័យដល់ត្រូវស្នងទទួលដំណែងជាមេដឹកនាំ គ្រប់គ្រង ចាត់ចែងការងារប្រកបដោយភាពទំនួលខុសត្រូវខ្ពស់។

សូមបញ្ជាក់ថា ឧកញ្ញ៉ា ឡេង ចាន់ណា ជាស្ថាបនិកក្រុមហ៊ុន ប្រ៊ីលាន ស៊ីធី វើលដ៍ ឯ.ក កាន់កាប់តួនាទីជាអគ្គនាយិកាប្រតិបត្តិផ្ទាល់លើសកម្មអាជីវកម្ម។ ក្រុមហ៊ុនអ្នកស្រីជាក្រុមហ៊ុន អភិវឌ្ឍអចលនទ្រព្យដ៏ធំមួយក្នុងខេត្តកំពង់ធំ ហើយបាននឹងកំពុងពង្រើកខ្លួនចូលក្នុងទឹកដីខេត្តសៀមរាប និងបណ្តាខេត្តផ្សេងៗទៀតលើវិសយ័អចលនទ្រព្យ។ ប៉ុន្តែ ក្រៅពីវិស័យអចលនទ្រព្យ អ្នកស្រីក៏បានកំពុងនាំចូល និងចែកចាយគ្រឿងសម្អាងផងដែរ។

អ្នកស្រី បានផ្តល់ដំបូន្មានថា៖ «មានក្តីស្រមៃធំ វានិងធ្វើឱ្យអ្នកទៅបានឆ្ងាយ ប៉ុន្តែអ្នកត្រូវរស់ជាមួយការពិត តែបើអ្នកស្រមៃផ្តេសផ្តាស អ្នកក៏ត្រូវត្រៀមខ្លួនខកបំណងដែរ ហើយកុំបណ្តែតបណ្តោយ និងផ្ញើរវាសនាលើព្រហ្មលិខិត។ ត្រូវចាំថា បើគ្មានការខិតខំចេញពីអ្នកទេ នោះភាពជោគជ័យក៏មិនអាចកើតមានដែរ»៕

The post តើឧកញ៉ា ឡេង ចាន់ណា មានអាយុប៉ុន្មានឆ្នាំហើយត្រឹមឆ្នាំ២០២២នេះ? appeared first on .

លោក ទៀ សីហា បានលើកឡើងថា ពិធីសម្ពោធដាក់ឲ្យដំណើរការក្រុមហ៊ុន ប្រ៊ីលានស៊ីធី វើលដ៍ ឯ.ក គឺជាមូលដ្ឋាន សម្រាប់ធ្វើការវាយតម្លៃឲ្យឃើញពីការរីកចម្រើនថ្មីៗ ថែមទៀតក្នុងខេត្តសៀមរាប ក្រោយពីវិបត្តិនៃជំងឺកូវីដ-១៩ ។

លោកគូសបញ្ជាក់ថា រយៈពេលជិត២ឆ្នាំ ក្នុងការប្រយុទ្ធប្រឆាំងជាមួយនឹងជំងឺកូវីដ-១៩ ថ្នាក់ដឹកនាំខេត្ត គ្រប់លំដាប់ថ្នាក់ បានខិតខំប្រឹងប្រែង យកនូវអស់នូវកម្លាំងកាយ និងកម្លាំងចិត្ត ដើម្បីរួមគ្នាធ្វើយ៉ាងណា កាត់ផ្ដាច់នូវការចម្លង ជំងឺដ៏កាច់សាហាវនេះចូលទៅក្នុងសហគមន៍។ តាមរយៈ ការរីករាលដាលនៃជំងឺនេះ បានធ្វើឲ្យប៉ះពាល់យ៉ាងធ្ងន់ធ្ងរ ដល់សេដ្ឋកិច្ច ជាសកល នៅកម្ពុជា ពិសេសខេត្តសៀមរាប ដែលមានវិស័យទេសចរណ៍ជាវិស័យចម្បងរបស់ខេត្ត។ សក្ខីភាពហេដ្ឋារចនាសម្ព័ន្ធផ្លូវថ្នល់ ៣៨ខ្សែ ប្រព័ន្ធលូ ភ្លើងបំភ្លឺសាធារណៈ និង កែលម្អស្ទឹងសៀមរាប ក្នុងក្រុងសៀមរាបគឺជាសមិទ្ធផលប្រវត្តិសាស្រ្តថ្មីមួយមិនអាចកាត់ថ្លៃបានរបស់សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា សម្រាប់ខេត្តសៀមរាប ដែលមកដល់ពេលនេះយើងបានសម្រេច នៃការសាងសង់ផ្លូវបាន១០០% ហើយគ្រោងនឹងធ្វើពិធីសម្ពោធដាក់ឲ្យប្រើប្រាស់ជាផ្លូវការ នាថ្ងៃទី០៤ ខែមេសា ឆ្នាំ២០២២ខាងមុខនេះ ក្រោមអធិបតីភាពដ៏ខ្ពង់ខ្ពស់ សម្តេចតេជោ នាយករដ្ឋមន្រ្តី និង សម្តេចកិត្តិព្រឹទ្ធបណ្ឌិត ។

ថ្លែងក្នុងពិធីសម្ពោធជាផ្លូវការនាពេលនេះ លោកជំទាវឧកញ៉ា ឡេង ចាន់ណា អគ្គនាយិកាក្រុមហ៊ុនប្រ៊ីលាន ស៊ីធីវើលដ៏ បានឲ្យដឹងថា ក្រុមហ៊ុនបានកំពង់ខិតខំកសាងទំនុកចិត្ត ជឿជាក់ពីអតិថិជន ដើមី្បលើកកម្ពស់ជីវភាពរស់នៅពីមួយឆ្នាំទៅមួយឆ្នាំ ក្រោមដំបូលសន្តិភាព នៃកិច្ចដឹកនាំដ៏ខ្ពង់ខ្ពស់ប្រកបដោយគត្តិបណ្ឌិតរបស់សម្តេចតេជោ ហ៊ុន សែន ជាស្ថាបនិកសន្តិភាព នៃកម្ពុជា ។

លោកជំទាវបានបញ្ជាក់ផងដែរ ពីគោលការណ៍របស់ក្រុមហ៊ុន ដែលបានផ្តល់ការងារដល់ បុគ្គលិក ចំនួន ២ពាន់នាក់។

សូមបញ្ជាក់ផងដែរថា ការិយាល័យលក់ និង សាលប្រជុំ ដែលមានចំណុះមនុស្ស ១ពាន់នាក់ ស្ថិតនៅភូមិជន្លង់ សង្កាត់សាលាកំរើក ក្រុង ខេត្តសៀមរាប ៕

The post ស្រ្តីវ័យក្មេងមានងារឧកញ៉ាម្នាក់ សម្ពោធក្រុមហ៊ុនអចលនទ្រព្យថ្មីនៅខេត្តសៀមរាប appeared first on .