នៅលើបណ្តាញសង្គម នាថ្ងៃទី២៣ ខែកុម្ភៈ ឆ្នាំ២០២៦ លោកជំទាវបណ្ឌិត បានឲ្យដឹងថា លោកជំទាវបានប្រគល់ផ្ទះ២ខ្នង ដល់ប្រជាជនស្រុកសន្ទុក ២គ្រួសារ។ ផ្ទះដំបូងសង់ជាប់ដីជាផ្ទះរបស់អ៊ុំស្រីម្នាក់ពិការភ្នែកពីកំណើត រស់នៅម្នាក់ឯង។ ផ្ទះជាប់ដីងាយស្រួសសំរាប់គាត់ចេញចូល។ អ្នកភូមិក៏គេជួយអបអរគាត់ដែលបានផ្ទះសមរម្យរស់នៅ។ 

ចំណែកគ្រួសារទី២ ជាគ្រួសារដែលមានសមាជិក៣នាក់។ ម្តាយចាស់កំលាំងខ្សោយ ប៉ុន្តែត្រូវមើលថែកូនពេញវ័យពីនាក់ក្នុងបន្ទុកដែលមានជំងឺប្រចាំកាយមិនអាចធ្វើអ្វីបានច្រើន។ គាត់ត្រូវប្រឹងប្រមូល និងក្រងស្លឹកស្ងួតដើម្បីលក់បានកម្រៃចិញ្ចឹមកូនៗ។ 

លោកជំទាវបណ្ឌិត ក៏បានឲ្យដឹងបន្ថែមថា ក្រៅពីក្រុមការងារធនាគារជាតិ អ្នកភូមិ និងអាជ្ញាធរមូលដ្ឋានក៏តែងតែជួយពួកគាត់ហូរហែរតាមតែអាចធ្វើបានផងដែរ៕ 

The post លោកជំទាវបណ្ឌិត ជា សិរី ប្រគល់ផ្ទះ២ខ្នង ដល់ប្រជាជនស្រុកសន្ទុក ចំនួន ២គ្រួសារ appeared first on .

នាឱកាសនោះ លោកស្រី ជា សិរី បានលើកឡើងថា បច្ចេកវិទ្យាបញ្ញាសិប្បនិម្មិត (AI) មានតួនាទីសំខាន់ក្នុងការអភិវឌ្ឍដំណោះស្រាយប្រកបដោយនវានុវត្តន៍ ដែលមានតម្រូវការកាន់តែទូលំទូលាយឡើងៗ និងចាំបាច់ត្រូវមានការចូលរួមពីអ្នកដឹកនាំជាស្ត្រីនៅទូទាំងសកលលោក ដើម្បីលើកកម្ពស់លទ្ធភាពទទួលបាន និងប្រើប្រាស់ទិន្នន័យដែលជាធនធានផ្តល់ដោយបច្ចេកវិទ្យានេះ។ ទន្ទឹមនឹងនេះ ការប្រើប្រាស់បច្ចេកវិទ្យាបញ្ញាសិប្បនិម្មិតទាមទារឱ្យការទទួលខុសត្រូវ តម្លាភាព និងតុល្យភាពនៃទិន្នន័យ។

លើសពីនេះ លោកស្រីថា នៅពេលដែលស្ត្រីមានគោលបំណងក្នុងការប្រើប្រាស់ទិន្នន័យទាំងនោះច្បាស់លាស់ បច្ចេកវិទ្យាបញ្ញាសិប្បនិម្មិតអាចជួយស្ត្រីក្នុងដំណើរការនៃការធ្វើសេចក្តីសម្រេចចិត្តបានត្រឹមត្រូវ និងមានប្រសិទ្ធភាពខ្ពស់ផងដែរ ស្របពេលដែលបច្ចេកវិទ្យាឌីជីថលកំពុងរីកចម្រើននៅទូទាំងពិភពលោកថែមទៀត។

សូមជម្រាបថា បច្ចេកវិទ្យាបញ្ញាសិប្បនិម្មិត​ ឬហៅថា AI គឺជាផ្នែកមួយនៃវិទ្យាសាស្ត្រកុំព្យូទ័រ ដែលអនុញ្ញាតឱ្យម៉ាស៊ីន ឬកម្មវិធីកុំព្យូទ័រ អាចសិក្សា និងអនុវត្តកិច្ចការ ដែលជាធម្មតាទាមទារភាពវៃឆ្លាតរបស់មនុស្សដូចជា អាចមើល, យល់, អាចឆ្លើយតបទៅ នឹងភាសារបស់មនុស្ស, អាចវិភាគទិន្នន័យ, អាចព្យាករណ៍ និងផ្តល់ការណែនាំ ជាដើម។

យោងតាមករណីសិក្សារបស់មជ្ឍមណ្ឌលកម្ពុជា៤.០ បានរៀបរាប់ថា បច្ចេកវិទ្យានេះសំដៅដល់បណ្ដុំនៃបច្ចេកវិទ្យា ដែលត្រូវបានអនុវត្តនៅក្នុងប្រព័ន្ធមួយ ដើម្បីឱ្យវាចេះសិក្សាវែកញែក និងធ្វើសកម្មភាពដើម្បីដោះស្រាយបញ្ហាស្មុគស្មាញណាមួយ។ បញ្ញាសិប្បនិម្មិតមិនត្រូវបានកំណត់ត្រឹមតែម៉ាស៊ីនសិក្សាប៉ុណ្ណោះទេ ប៉ុន្តែបច្ចេកវិទ្យានេះក៏រួមបញ្ចូលសំណុំរឿងដទៃទៀត ដូចជា Object Detection, រ៉ូបូត, ដំណើរការភាសាបែបធម្មជាតិ និងការសិក្សាស៊ីជម្រៅជាដើម៕ អត្ថបទ៖ហ្សាលីន

The post លោកស្រី ជា សិរី៖ បច្ចេកវិទ្យាAI មានតួនាទីសំខាន់ក្នុងការអភិវឌ្ឍដំណោះស្រាយប្រកបដោយនវានុវត្តន៍ appeared first on .

ធនាគារជាតិនៃកម្ពុជា បានឱ្យដឹងថា លោកជំទាវ ជា សិរី ទេសាភិបាល ធនាគារជាតិនៃកម្ពុជា ត្រូវបានទស្សនាវដ្តីអន្តរជាតិ Global Finance ផ្តល់ចំណាត់ថ្នាក់ A- ដែលបញ្ជាក់ពីការដឹកនាំធនាគារកណ្តាលប្រកបដោយប្រសិទ្ធភាពប្រចាំឆ្នាំ២០២៥។

ធនាគារជាតិនៃកម្ពុជា បានបន្ថែមថា នេះជាចំណាត់ថ្នាក់ល្អដែលលោកជំទាវ ទេសាភិបាល ទទួលបានពីរឆ្នាំជាប់គ្នា បន្ទាប់ពីលោកជំទាវត្រូវបានតែងតាំងជា ទេសាភិបាល ធនាគារជាតិនៃកម្ពុជា កាលពីខែកក្កដា ឆ្នាំ២០២៣។

សូមគូសបញ្ជាក់ផងដែរថា ចំណាត់ថ្នាក់លំដាប់ខ្ពស់របស់លោកជំទាវ ទេសាភិបាល នាពេលនេះក៏ទទួលបានទន្ទឹមគ្នានឹងឥស្សរជនជាថ្នាក់ដឹកនាំល្បីៗក្នុងវិស័យហិរញ្ញវត្ថុលើពិភពលោកដូចជា លោកជំទាវ Christine Lagarde ប្រធានធនាគារកណ្តាលអឺរ៉ុប ឯកឧត្តម Eli Remolona ទេសាភិបាលធនាគារកណ្តាលហ្វីលីពីន និង ឯកឧត្តម Chia Der Jiun នាយកគ្រប់គ្រងអាជ្ញាធររូបិយវត្ថុសិង្ហបុរី (MAS) ជាដើម។

សូមជម្រាបជូនថា Global Finance បានផ្តល់ចំណាត់ថ្នាក់នេះ ដោយជ្រើសចេញពីក្នុងចំណោមថ្នាក់ដឹកនាំធនាគារកណ្តាលប្រមាណ ១០០ ប្រទេស តាមរយៈការពិនិត្យលើប្រសិទ្ធភាពនៃការអនុវត្តនយោបាយរូបិយវត្ថុក្នុងការរួមចំណែកជំរុញកំណើនសេដ្ឋកិច្ច រក្សាស្ថិរភាពរូបិយវត្ថុ គ្រប់គ្រងអតិផរណា និងអត្រាប្តូរប្រាក់។ ក្នុងនោះមានតែឥស្សរជនដែលត្រូវបានផ្តល់ចំណាត់ថ្នាក់ A-, A, និង A+ ប៉ុណ្ណោះដែលត្រូវបាន Global Finance រាយនាមក្នុងបញ្ជីចំណាត់ថ្នាក់កិត្តិយសនេះ៕

The post លោកជំទាវ បណ្ឌិត ជា សិរី ទទួលបានចំណាត់ថ្នាក់លំដាប់ខ្ពស់ក្នុងការដឹកនាំធនាគារកណ្តាលពីរឆ្នាំជាប់គ្នាពីទស្សនាវដ្តីអន្តរជាតិ Global Finance appeared first on .

វេទិកានេះត្រូវបានរៀបចំឡើងដោយធនាគារអភិវឌ្ឍន៍អាស៊ី (ADB) សហការជាមួយធនាគារកណ្តាលអ៊ីតាលី និងធនាគារសម្រាប់ការទូទាត់អន្តរជាតិ (BIS) ដោយថ្លែងសុន្ទរកថាបើកដោយ លោក Masato Kanda ប្រធាន ADB និង ឯកឧត្តម Fabio Panetta ទេសាភិបាលធនាគារកណ្តាលអ៊ីតាលី និងសុន្ទរកថាបិទដោយ លោក Chang Yong Rhee ទេសាភិបាលធនាគារកណ្តាលកូរ៉េ។

យោងតាមធនាគារជាតិកម្ពុជា លោកស្រីទេសាភិបាល បានចែករំលែកបទពិសោធន៍របស់កម្ពុជាក្នុងការអភិវឌ្ឍហេដ្ឋារចនាសម្ព័ន្ធប្រព័ន្ធទូទាត់ និងការពង្រីកការតភ្ជាប់ប្រព័ន្ធទូទាត់កម្ពុជាជាមួយប្រទេសក្នុងតំបន់និងក្រុមហ៊ុនផ្តល់សេវាទូទាត់អន្តរជាតិ។

លោកស្រី បានលើកឡើងថា ការអភិវឌ្ឍប្រព័ន្ធទូទាត់កម្ពុជាត្រូវបានមជ្ឈដ្ឋានជាតិនិងអន្តរជាតិទទួលស្គាល់ថាបានបង្កើនការផ្តល់សេវហិរញ្ញវត្ថុទៅដល់ប្រជាជនកម្ពុជាទូទាំងប្រទេស ជាពិសេសដល់តំបន់ដាច់ស្រយាល ដែលរួមចំណែកកាត់បន្ថយចំណាយ និងហានិភ័យក្នុងប្រតិបត្តិការទូទាត់ ក៏ដូចជាជំរុញការទូទាត់ឱ្យមានភាពងាយស្រួល សុវត្ថិភាព និងប្រសិទ្ធភាពខ្ពស់។

លើសពីនេះ ប្រព័ន្ធទូទាត់កម្ពុជា ក៏បានជួយលើកកម្ពស់ការប្រើប្រាស់រូបិយវត្ថុជាតិ ដោយបង្កើនភាពងាយស្រួល និងលទ្ធភាពក្នុងការទូទាត់ជាមួយប្រទេសដែលកម្ពុជា បានភ្ជាប់ប្រព័ន្ធទូទាត់ឆ្លងដែនជាមួយ៕

The post លោកស្រី ជា សិរី ចែករំលែកបទពិសោធន៍របស់កម្ពុជាក្នុងការអភិវឌ្ឍហេដ្ឋារចនាសម្ព័ន្ធប្រព័ន្ធទូទាត់ក្នុងវេទិកាតុមូលនៅអ៊ីតាលី appeared first on .

គណៈគ្រប់គ្រងនៃសាកលវិទ្យាល័យនេះ បានផ្តល់ពានរង្វាន់នេះជូននិស្សិតអន្តរជាតិឆ្នើមដែលបានបញ្ចប់ការសិក្សាដោយជោគជ័យ និងសម្រេចសមិទ្ធផលលេចធ្លោក្នុងការប្រើប្រាស់ចំណេះជំនាញពីការសិក្សា ដើម្បីអភិវឌ្ឍសង្គមជាតិ ព្រមទាំងបានបង្ហាញគំរូវីរៈភាពល្អសម្រាប់បំផុសគំនិតវិជ្ជមានដល់យុវជនជំនាន់ក្រោយ។

ក្នុងឱកាសទទួលពានរង្វាន់នេះ លោកស្រី ជា សេរី បានថ្លែងអំណរគុណដល់ថ្នាក់ដឹកនាំ ក៏ដូចជាគណៈគ្រប់គ្រងសាកលវិទ្យាល័យ Adelaide ដែលបានទទួលស្គាល់សមិទ្ធផលការងាររបស់លោកស្រី ព្រមទាំងថ្លែងអំណរគុណដល់សាស្ត្រាចារ្យណែនាំ ដែលបានចូលរួមផ្តល់មូលដ្ឋានគ្រឹះដ៏រឹងមាំសម្រាប់ឱ្យលោកស្រី អាចទទួលបានជោគជ័យក្នុងការសិក្សា និងការរីកចម្រើនក្នុងអាជីពវិជ្ជាជីវៈ។

ក្នុងនាមជាទេសាភិបាលស្ត្រីដំបូងនៅធនាគារជាតិនៃកម្ពុជា លោកជំទាវបណ្ឌិត ជា សិរី បានសម្រេចស្នាដៃការងារលេចធ្លោជាច្រើន ហើយតែងបានទទួលការអញ្ជើញធ្វើជាវាគ្មិនចែករំលែកចំណេះដឹងនិងបទពិសោធន៍លើឆាកអន្តរជាតិជាច្រើន។ បន្ថែមលើនេះ លោកស្រីតែងខិតខំយ៉ាងសកម្មក្នុងការបង្កើនភាពអង់អាចផ្នែកសេដ្ឋកិច្ចសម្រាប់ស្ត្រី ដើម្បីជំរុញការផ្លាស់ប្តូរជាវិជ្ជមាននៅក្នុងប្រទេសកម្ពុជា និងជុំវិញពិភពលោក។

គួររំលេចថា លោកស្រីទេសាភិបាលនៃធនាគារជាតិកម្ពុជា បានបញ្ចប់ការសិក្សា និងទទួលបានសញ្ញាបត្រថ្នាក់បណ្ឌិតទស្សនវិជ្ជាផ្នែកវិទ្យាសាស្ត្រសេដ្ឋកិច្ច (Doctor of Philosophy in Economics) ពីសាកលវិទ្យាល័យ Adelaide ក្នុងឆ្នាំ២០២១ ដោយផ្តោតលើការសិក្សាស្រាវជ្រាវអំពីឥទ្ធិពលនៃបរិយាបន្នហិរញ្ញវត្ថុ និងសេរីភាវូនីយកម្មលើដំណើរអភិវឌ្ឍន៍សេដ្ឋកិច្ចអាស៊ាន៕ អត្ថបទ៖ ហ្សាលីន

The post លោកស្រី ជា សិរី ទទួលបានពានរង្វាន់កិត្តិយសពីសាកលវិទ្យាល័យល្បីមួយ របស់អូស្ត្រាលី appeared first on .

អតិផរណាមានកម្រិតជាមធ្យមត្រឹម ០,៤% ប៉ុណ្ណោះខណៈ ទុនបម្រុងអន្តរជាតិមានចំនួន ២០ ប៊ីលានដុល្លារអាមេរិក ដែលប្រហាក់ប្រហែលនឹងចុងឆ្នាំ២០២៣។

ឥណទានទៅគ្រប់វិស័យបានកើនឡើងត្រឹម២,៦% ដល់ ២៣៨,១ទ្រីលានរៀល សមមូលនឹង ៥៨,៩ ប៊ីលានដុល្លារអាមេរិកខណៈដែលប្រាក់បញ្ញើអតិថិជនមានកំណើនក្នុងអត្រា១៣,៤% ដល់ ២០៩,៩ ទ្រីលានរៀលសមមូលនឹង៥១,៩ប៊ីលានដុល្លារអាមេរិក។

យោងតាមរបាយការណ៍ប្រចាំឆមាសទី១ និងទិសដៅការងារឆមាសទី២ ឆ្នាំ២០២៤ របស់ធនាគារជាតិនៃកម្ពុជា បានឱ្យដឹងថា ស្ថានភាពថ្លៃមានបរិត្តផរណា -០,៥% និង ០,៣% នៅខែមករា និងខែកុម្ភៈ រៀងគ្នា ជាចម្បង ដោយសារការថយចុះនៃថ្លៃសាំង មុននឹងកើនឡើងសន្សឹមៗមកកម្រិតអតិផរណា ១,៦% នៅ ខែមិថុនា។ ជាមធ្យម អតិផរណារួមនៅឆមាសទី១ឆ្នាំ២០២៤ មានកម្រិត ០,៤% ទាបជាងឆមាសមុន (៣%) និងគ្រាដូចគ្នាឆ្នាំមុន (១,២%) ដោយសារការធ្លាក់ចុះនៃថ្លៃក្រុមទំនិញនិងសេវាពាក់ព័ន្ធនឹង ប្រេងឥន្ធនៈ ស្របពេលដែលអតិផរណាម្ហូបអាហារនិងអតិផរណាស្នូលមានកម្រិតទាប ក្នុងបរិការណ៍ដែលកំណើនផលិតកម្មកសិកម្មក្នុងស្រុកមានភាពល្អប្រសើរ គួបផ្សំនឹងការថយចុះថ្លៃដើមផលិត ដូចជា ជីកសិកម្ម និងប្រេងឥន្ធនៈ។

លោកស្រី ជា សិរី ទេសាភិបាល ធនាគារជាតិនៃកម្ពុជា បានថ្លែងបញ្ជាក់ថា អតិផរណាមានកម្រិតជាមធ្យមត្រឹម ០,៤% ប៉ុណ្ណោះក្នុងឆមាសទី១នេះ ដោយសារការធ្លាក់ថ្លៃក្រុមទំនិញនិងសេវាពាក់ព័ន្ធនឹងប្រេងឥន្ធនៈ និងកម្រិតទាបនៃអតិផរណាម្ហូបអាហារនិងអតិផរណាស្នូល។ អត្រាអតិផរណាទាបនេះបានរួមចំណែកការពារអំណាចទិញរបស់ចំណូលប្រជាជនកម្ពុជា ស្របពេលដែលអត្រាប្តូរប្រាក់មានស្ថិរភាពក្នុងកម្រិតមធ្យម ៤.០៧៥ រៀល ក្នុងមួយដុល្លារអាមេរិក ដែលបានកើនថ្លៃ ០,៤% ធៀបនឹងគ្រាដូចគ្នាឆ្នាំមុន។

ទាក់ទងនឹងអត្រាប្តូរប្រាក់ លោកស្រី ជា សិរី បានឱ្យដឹងថា ការរក្សាអត្រាប្តូរប្រាក់ប្រែប្រួលទាបជាង ១% គឺជាជោគជ័យមួយរបស់កម្ពុជា បើធៀបនឹង រូបិយប័ណ្ណក្នុងតំបន់ ដូចជា រ៉ូពីរបស់ឥណ្ឌូណេស៊ី ប៉េសូរបស់ហ្វីលីពីន ដុងរបស់វៀតណាម ប្រាក់បាតថៃ រីងហ្គីតរបស់ម៉ាឡេស៊ី និងគីបរបស់ឡាវ ដែលថយថ្លៃលើសពី ៣,៨%។

លោកស្រី បានបញ្ជាក់ថា ការសម្រេចបាននេះក៏ដោយសារការអនុវត្តនយោបាយរូបិយវត្ថុយ៉ាងប្រុងប្រយ័ត្ន ដោយថ្លឹងថ្លែងពីតម្រូវការនិងការផ្គត់ផ្គង់ប្រាក់រៀលនៅក្នុងសកម្មភាពសេដ្ឋកិច្ច។  ប្រសិទ្ធភាពនៃការប្រើប្រាស់ឧបករណ៍នយោបាយរូបិយវត្ថុនានាក៏បានចូលរួមកាត់បន្ថយការធ្វើអន្តរាគមន៍នៅលើទីផ្សារប្តូរប្រាក់ ដែលធ្លាប់តែជាឧបករណ៍ចម្បងមួយក្នុងការរក្សាស្ថិរភាពអត្រាប្តូរប្រាក់ ហើយដែលជាទូទៅការធ្វើអន្តរាគមន៍ម្តងៗអាចធ្វើឱ្យទុនបម្រុងអន្តរជាតិថយចុះ។

គិតត្រឹមដំណាច់ឆមាសទី១ ឆ្នាំ២០២៤ ប្រព័ន្ធធនាគារនៅកម្ពុជាមានចំនួន៣៣១គ្រឹះស្ថាន រួមមាន ធនាគារពាណិជ្ជចំនួន ៥៩ ធនាគារឯកទេសចំនួន ៩ គ្រឹះស្ថាន មីក្រូហិរញ្ញវត្ថុទទួលប្រាក់បញ្ញើចំនួន ៤ គ្រឹះស្ថានមីក្រូហិរញ្ញវត្ថុមិនទទួលប្រាក់បញ្ញើចំនួន ៨៣ គ្រឹះស្ថានឥណទានជនបទចំនួន ១១៥ គ្រឹះស្ថានភតិសន្យាហិរញ្ញវត្ថុចំនួន ១៦ អ្នកដំណើរការ តតិយភាគីចំនួន ៦ គ្រឹះស្ថានផ្តល់សេវាទូទាត់សងប្រាក់ចំនួន ៣៣ អ្នកផ្តល់សេវាប្រព័ន្ធចែករំលែកព័ត៌មានឥណទានចំនួន ១ និងការិយាល័យតំណាងធនាគារបរទេសចំនួន ៥៕

The post ឆមាសទី១ សេដ្ឋកិច្ចកម្ពុជាបន្តកើនឡើងជាង៦% appeared first on .

យោងតាមរបាយការណ៍បូកសរុបលទ្ធផលការងារប្រចាំឆមាសទី១ និងទិសដៅការងារឆមាសទី២ ឆ្នាំ២០២៤ របស់ធនាគារជាតិនៃកម្ពុជា (NBC) បានឱ្យដឹងថា៖ ទុនបម្រុងអន្តរជាតិបានប្រែប្រួលតិចតួចប៉ុណ្ណោះ ពោលគឺថយត្រឹមតែ ០,១% ដោយមានកម្រិត ២០ ប៊ីលានដុល្លារអាមេរិក ប្រហាក់ប្រហែលនឹងចុងឆ្នាំ២០២៣ (២០ ប៊ីលានដុល្លារអាមេរិក)។

គួរឱ្យដឹងថា៖ ទុនបម្រុងអន្តរជាតិ (Foreign Exchange Reserves) គឺជាទ្រព្យសម្បត្តិរបស់ប្រទេសមួយ ដែលទទួលស្គាល់ជាអន្តរជាតិ និងគ្រប់គ្រងដោយអាជ្ញាធររូបិយវត្ថុ ទុកប្រើប្រាស់ក្នុងករណីចាំបាច់ដូចជាការផ្តល់ហិរញ្ញប្បទានដល់ជញ្ជីងទូទាត់ ប្រសិនបើមានតម្រូវការ, ការធ្វើអន្តរាគមន៍លើទីផ្សារប្តូរប្រាក់ដើម្បីគ្រប់គ្រងការប្រែប្រួលអត្រាប្តូរប្រាក់ និងការរក្សាជំនឿទុកចិត្តលើរូបិយវត្ថុនិងសេដ្ឋកិច្ចជាតិ។

របាយការណ៍ដដែលនេះ បានបញ្ជាក់ថា ការថយចុះនេះបណ្តាលមកពីកត្តាមួយចំនួន ដូចជា ការថយចុះនៃប្រាក់បញ្ញើរបស់រាជរដ្ឋាភិបាល ការថយចុះនៃប្រាក់បម្រុងកាតព្វកិច្ច និងការរងសម្ពាធពីការប្រែប្រួលស្ថានភាពទីផ្សារហិរញ្ញវត្ថុអន្តរជាតិ តាមរយៈការកើនឡើងនៃអត្រាចំណូលសញ្ញាប័ណ្ណវិនិយោគ ដែលរងឥទ្ធិពលពីភាពមិនប្រាកដប្រជាក្នុងការកាត់បន្ថយអត្រាការប្រាក់គោលរបស់បណ្តាធនាគារ កណ្តាលធំៗ ជាពិសេស ធនាគារកណ្តាលអាមេរិក និងធនាគារកណ្តាលអឺរ៉ុប។ ទុនបម្រុងអន្តរជាតិ មានកម្រិតខ្ពស់គ្រប់គ្រាន់ដែលស្មើនឹង ៧ខែ នៃការនាំចូលទំនិញនិងសេវានាគ្រាបន្ទាប់។

លោកជំទាវបណ្ឌិត បានថ្លែងថា ៖“បច្ចុប្បន្ន ទុនបម្រុងអន្តរជាតិមានកម្រិត ស្មើនឹង ៧ខែនៃការនាំចូលទំនិញនិងសេវាសម្រាប់គ្រាបន្ទាប់ ដែលខ្ពស់ជាងកម្រិតអប្បបរមា ៣ខែ សម្រាប់ប្រទេសកំពុងអភិវឌ្ឍន៍ ដែលត្រូវបានចាត់ទុកថាខ្ពស់គ្រប់គ្រាន់ក្នុងការរួមចំណែករក្សាជំនឿទុកចិត្តរបស់វិនិយោគិន និងសាធារណជនមកលើស្ថិរភាពសេដ្ឋកិច្ចកម្ពុជា ដែលជាមូលដ្ឋានចាំបាច់មួយក្នុងការបង្កើនប្រសិទ្ធភាពនៃការអនុវត្តនយោបាយរូបិយវត្ថុនិងអត្រាប្តូរប្រាក់។”

ទន្ទឹមនេះ ធនាគារជាតិ បានឱ្យដឹងថា ការវិនិយោគទុនបម្រុងអន្តរជាតិត្រូវបានអនុវត្តដោយប្រុងប្រយ័ត្ន និងមានភាពបត់បែនខ្ពស់។ ហានិភ័យនៃការវិនិយោគត្រូវបានគ្រប់គ្រង និងតាមដានយ៉ាងហ្មត់ចត់ ដោយគោរពតាមសេចក្តីណែនាំការវិនិយោគរបស់ធនាគារជាតិនៃកម្ពុជា សំដៅធានាឱ្យបាននូវការគ្រប់គ្រងទុនបម្រុងអន្តរជាតិប្រកបដោយសុវត្ថិភាព សន្ទនីយភាព និងទទួលបានចំណូលសមស្រប៕

The post រយៈពេល៦ខែទុនបម្រុងអន្តរជាតិរបស់កម្ពុជាមាន២០ប៊ីលានដុល្លារអាមេរិក appeared first on .

ក្នុងជំនួបនេះ លោកជំទាវទេសាភិបាលបានស្នើដល់ ធនាគារចិន ប្រចាំទីក្រុងហុងកុង ជួយសម្រួល និងបន្ធូរបន្ថយលក្ខណៈវិនិច្ឆ័យក្នុងការស្រាល់ជ្រើសក្រដាសប្រាក់ដុល្លារអាមេរិកពីកម្ពុជា និងបន្ទាបកម្រៃសេវា។
ជាការឆ្លើយតប លោក Sun Yu បានទទួលសំណូមពរនេះ ហើយបញ្ជាក់ថានឹងយកសំណើលោកជំទាវទៅពិភាក្សាជាមួយក្រុមការងាររបស់លោកបន្តទៀត។

គួររំលេចថា លោកជំទាវទេសាភិបាល ក៏បានជួបលោកជំទាវបណ្ឌិត សឿង រដ្ឋចាវី ឯកអគ្គរាជទូតកម្ពុជា ប្រចាំសាធារណរដ្ឋប្រជាមានិតចិន ដើម្បីពិភាក្សាអំពីកិច្ចសហប្រតិបត្តិការរវាងធនាគារជាតិនៃកម្ពុជា ជាមួយប្រទេសចិនលើប្រព័ន្ធទូទាត់ ជាពិសេសលើការផ្សព្វផ្សាយឱ្យភ្ញៀវទេសចរចិនប្រើប្រាស់កម្មវិធី UnionPay ដោយទូទាត់ជារូបិយវត្ថុក្នុងស្រុករបស់ខ្លួនដើម្បីស្កេន KHQR នៅពេលធ្វើដំណើរមកកាន់ប្រទេសកម្ពុជា៕

The post កម្ពុជា ស្នើចិនជួយលើការគ្រប់គ្រងក្រដាសប្រាក់ដុល្លារអាមេរិក appeared first on .

លោកស្រី បានឱ្យដឹងទៀតថា បច្ចុប្បន្នកម្ពុជាបានតភ្ជាប់ប្រព័ន្ធទូទាត់ជាមួយប្រទេសថៃ វៀតណាម និងឡាវ ព្រមទាំងក្រុមហ៊ុនផ្តល់សេវាទូទាត់អន្តរជាតិមួយចំនួន ហើយនៅក្នុងឆ្នាំនេះ ធនាគារជាតិនៃកម្ពុជានឹងតភ្ជាប់ជាមួយប្រទេសឥណ្ឌា និងចិន និងផែនការតភ្ជាប់ជាមួយប្រទេសផ្សេងទៀតក្នុងតំបន់។ ការតភ្ជាប់នេះ នឹងបើកលទ្ធភាពឱ្យប្រជាជនកម្ពុជា អាចទូទាត់តាម ប្រព័ន្ធQR Code ចេញពីគណនីប្រាក់រៀលរបស់ខ្លួន នៅតាមបណ្តាហាងទំនិញរាប់លានកន្លែង ហើយក៏ផ្ដល់លទ្ធភាពឱ្យប្រជាជននៅក្នុងប្រទេស និងបណ្តាញដែលកម្ពុជាបានភ្ជាប់ប្រព័ន្ធទូទាត់ជាមួយ អាចទូទាត់នៅកម្ពុជាបានដោយងាយស្រួល៕ តាកែវ

The post ប្រព័ន្ធទូទាត់កម្ពុជា ចូលរួមលើកកម្ពស់ការប្រើប្រាស់ប្រាក់រៀលនិងគាំទ្រដល់គោលដៅអភិវឌ្ឍសេដ្ឋកិច្ច appeared first on .

លោកស្រី ឱ្យដឹងទៀតថា បច្ចុប្បន្នកម្ពុជាបានតភ្ជាប់ប្រព័ន្ធទូទាត់ជាមួយប្រទេសថៃ វៀតណាម និងឡាវ ព្រមទាំងក្រុមហ៊ុនផ្តល់សេវាទូទាត់អន្តរជាតិមួយចំនួន ហើយនៅក្នុងឆ្នាំនេះ ធនាគារជាតិនៃកម្ពុជានឹងតភ្ជាប់ជាមួយប្រទេសឥណ្ឌា និង ចិន នឹងផែនការតភ្ជាប់ជាមួយប្រទេសផ្សេងទៀតក្នុងតំបន់។ ការតភ្ជាប់នេះ នឹងបើកលទ្ធភាពឱ្យប្រជាជនកម្ពុជា អាចទូទាត់តាម ប្រព័ន្ធQR Code ចេញពីគណនីប្រាក់រៀលរបស់ខ្លួន នៅតាមបណ្តាហាងទំនិញរាប់លានកន្លែង ហើយក៏ផ្ដល់លទ្ធភាព ឱ្យប្រជាជននៅក្នុងប្រទេស និងបណ្តាញដែលកម្ពុជាបានភ្ជាប់ប្រព័ន្ធទូទាត់ជាមួយ អាចទូទាត់នៅកម្ពុជាបានដោយងាយស្រួល៕ តាកែវ

The post ប្រព័ន្ធទូទាត់កម្ពុជា ចូលរួមលើកកម្ពស់ការប្រើប្រាស់ប្រាក់រៀលនិងគាំទ្រដល់គោលដៅអភិវឌ្ឍន៍សេដ្ឋកិច្ច appeared first on .