ពិធីនេះមានការអញ្ជើញចូលរួមពីសំណាក់ថ្នាក់ដឹកនាំក្រុមការងារគណបក្សចុះជួយស្រុក-ឃុំ គណៈអចិន្ត្រៃយ៍គណបក្សខេត្ត-ស្រុក ក្រុមប្រឹក្សាឃុំ ព្រមទាំងមន្ត្រីពាក់ព័ន្ធជាច្រើនរូប។

ថ្លែងក្នុងឱកាសនោះ លោកអ្នកឧកញ៉ា បានណែនាំឱ្យបេក្ខជនមានស្មារតីទទួលខុសត្រូវខ្ពស់ សាមគ្គីភាព និងកិច្ចសហការល្អក្នុងការបំពេញភារកិច្ច។ លោកអ្នកឧកញ៉ាបានគូសបញ្ជាក់ថា ទោះបីជាក្រុមការងារបានបូកសរុបរួចរាល់តែមិនទាន់ប្រកាសជាផ្លូវការយ៉ាងណាក្តី សូមបេក្ខជនទាំងអស់កុំមានការអាក់អន់ស្រពោនចិត្ត ប្រសិនបើពុំមានឈ្មោះជាប់ក្នុងបញ្ជីក្រុមប្រឹក្សាសម្រាប់អាណត្តិនេះ ពីព្រោះលទ្ធផលទាំងនេះកើតចេញពីឆន្ទៈ និងការសម្រេចចិត្តដ៏ពិតប្រាកដរបស់បងប្អូនប្រជាពលរដ្ឋនៅមូលដ្ឋាន។

ដើម្បីជាការលើកទឹកចិត្ត និងថ្លែងអំណរគុណចំពោះការលះបង់ បន្ទាប់ពីដំណើរការបោះឆ្នោតស្ទាបស្ទង់ជ្រើសរើសបេក្ខជនបានប្រព្រឹត្តទៅដោយរលូន និងជោគជ័យនៅតាមឃុំទាំង៧ លោកអ្នកឧកញ៉ា ទ្រី ភាព បានឧបត្ថម្ភថវិកាជូនដល់បេក្ខជនឈរឈ្មោះសរុប ១២៣នាក់ (ស្រី ៣៣នាក់) ដោយក្នុងម្នាក់ៗទទួលបានថវិកា ២០០.០០០រៀល ព្រមទាំងអាហារសម្រន់ម្នាក់មួយកញ្ចប់។

គួរបញ្ជាក់ផងដែរថា ថវិកាសរុបដែលបានចំណាយលើការរៀបចំដំណើរការបោះឆ្នោតស្ទាបស្ទង់ ពិធីសំណេះ​សំណាល និងការចំណាយផ្សេងៗក្នុងកម្មវិធីនេះ មានចំនួនប្រមាណ ៧៤.៦០០.០០០រៀល៕

The post លោកអ្នកឧកញ៉ា ទ្រី ភាព ចំណាយថវិកាជិត ៧៥លានរៀល រៀបចំពិធីសំណេះសំណាលជាមួយបេក្ខជនក្រុមប្រឹក្សាឃុំទាំង៧ ក្នុងស្រុកប្រាសាទបល្ល័ង្ក ខេត្តកំពង់ធំ appeared first on .

វត្ត និងបូជនីយដ្ឋាន ដែលបានប្រគេនទៀនព្រះវស្សា និងទេយ្យទាននោះ រួម​មាន៖ វត្តហ្លួង, វត្តសិរីគង្គារសេដ្ឋារាម, វត្តគិរីវង្គត់ឥសីសិទ្ធិ, វត្តគិរីបទុមពរ​, វត្ត​រស្មីសីលារតនារាម, វត្តគិរីបុទុមសីលារតនារាម, វត្តកែវជុំវត្តគិរីបទុមពិសី,វត្ត​ព្រះពុទ្ធប្រោសសត្វ, វត្តគិរីខណ្ឌសីមាវង្សាសែនជ័យ,វត្តលម្ពីនីវិសាលវ័ន​ណា​រាម, បូជនីយដ្ឋានឧកញ៉ា ឃ្លាំង មឿង និងបូជនីយដ្ឋានលោកតាគ្រី។

សូមជម្រាបថា ទេយ្យទាន និងបច្ច័យដែលបានប្រគេនជូនក្នុងវត្តនីមួយៗរួមមាន៖ បច្ច័យ​ទ្រទ្រង់ចង្ហាន់​ព្រះសង្ឃចំនួន ១.០០០.០០០រៀល, បច្ច័យបួនចំនួន ៥០០.០០០ រៀល, អាចារ្យចំនួន ១៨នាក់ ម្នាក់ៗទទួល​បានថវិកា ១០០.០០០រៀល, ទៀនព្រះវស្សាចំនួន ១គូ, សាដកចំនួន ១កញ្ចប់, អង្ករផ្កាម្លិះចំនួន ១០០គីឡូ​ក្រាម, មីជាតិចំនួន ៣កេស, ទឹកដោះគោខាប់ ចំនួន ១កេសធំ, ទឹកក្រូច ៥កេស, ទឹកសុទ្ធ ៥កេស, សាច់ជ្រូកផាត់ចំនួន ៥គីឡូក្រាម, ប្រេងឆា ចំនួន ២ ដបធំ, ទឹកស៊ីអ៊ីវ ២យួរ, ទឹកត្រី ២យួរ និងប្រេងម៉ាស៊ូត​ចំនួន ៣០លីត្រ។

សូមបញ្ជាក់ដែរថា ពិធីប្រគេនទៀនព្រះវស្សា និងទេយ្យទាន​ជូន​ដល់វត្ត និង​ថ្វាយ​ដល់បូជនីយដ្ឋាន ក្នុងខេត្តពោធិ៍សាត់ នាឱកាសនេះ លោកអ្នក​ឧកញ៉ា​ ទ្រី ភាព និងភរិយា បានចំណាយថវិកាសរុបប្រមាណ ៨០.០០០.០០០រៀល៕

The post លោកអ្នកឧកញ៉ា ទ្រី ភាព និងអ្នកឧកញ៉ា គៀន ស្រីនាង ប្រគេនទៀន​ព្រះវស្សា និងទេយ្យទានដល់វត្តចំនួន១១ និងបូជនីយដ្ឋានចំនួន២ នៅខេត្តពោធិ៍សាត់ appeared first on .

ពិធីបុណ្យនេះ ត្រូវបានប្រារព្ធឡើងក្នុងគោលបំណងដើម្បីទំនុកបម្រុង ផ្គត់ផ្គង់ និងសម្រួលដល់ជីវភាពរបស់ព្រះភិក្ខុសង្ឃ និងសាមណេរ ដែលត្រូវគង់ចាំព្រះវស្សាអស់កាលត្រីមាស (៣ខែ) ក្នុងការសិក្សារៀនសូត្រធម៌វិន័យតាមពុទ្ធឱវាទ ដែលពិធីចូលព្រះវស្សានេះនឹងចាប់ផ្តើមគិតចាប់ពីថ្ងៃ១រោច ខែអាសាឍ ដល់ថ្ងៃ១៥កើត ខែអស្សុជ ខាងមុខនេះ។

ដើម្បីញ៉ាំងកិច្ចកុសលនេះឱ្យកាន់តែមានភាពអធិកអធម និងបង្កលក្ខណៈងាយស្រួលដល់ព្រះសង្ឃ លោកអ្នកឧកញ៉ា និងលោកជំទាវ អ្នកឧកញ៉ា បានយកចិត្តទុកដាក់យ៉ាងខ្ពស់ ដោយបានចាត់តាំងក្រុមការងារផ្ទាល់ ចុះរៀបចំពិធីដង្ហែទៀនព្រះវស្សា និងទេយ្យទានទាំងនេះ យកទៅប្រគេនដល់គ្រប់វត្តអារាមតាមបណ្តាឃុំនីមួយៗប្រកបដោយសេចក្តីជ្រះថ្លាបំផុត។

សម្រាប់ទេយ្យវត្ថុ និងបច្ច័យដែលវត្តនីមួយៗ ក្នុងចំណោមវត្តទាំង២៧ ទទួលបានរួមមាន៖

-បច្ច័យកសាង និងទ្រទ្រង់ចង្ហាន់ ចំនួន ១.០០០.០០០ រៀល

-បច្ច័យបួន ចំនួន ៥០០.០០០ រៀល

-ទៀនព្រះវស្សា ចំនួន ១ គូ

-សាដក ចំនួន ១ កញ្ចប់

-អង្ករផ្កាម្លិះ ចំនួន ១០០ គីឡូក្រាម

-មីជាតិ ចំនួន ៣ កេស

-ទឹកដោះគោខាប់ ចំនួន ១ កេសធំ

-ទឹកផ្លែឈើ ២ កេស

-ទឹកសុទ្ធ ២ កេស

-សាច់ជ្រូកផាត់ ចំនួន ៥ គីឡូក្រាម

-ប្រេងឆា ចំនួន ២ ដបធំ

-គ្រឿងទេស ទឹកស៊ីអ៊ីវ ២ យួរ និងទឹកត្រី ២ យួរ

-ប្រេងម៉ាស៊ូត ចំនួន ៣០ លីត្រ (សម្រាប់ប្រើប្រាស់ជាប្រយោជន៍ក្នុងវត្តអារាម)

សូមបញ្ជាក់ផងដែរថា សម្រាប់ពិធីប្រគេនទៀនព្រះវស្សា និងទេយ្យទានជូនដល់វត្តទាំង ២៧ ក្នុងស្រុកប្រាសាទបល្ល័ង្កនាឱកាសនេះ លោកអ្នកឧកញ៉ា និងលោកជំទាវ បានចំណាយថវិកាផ្ទាល់ខ្លួនសរុបប្រមាណ ១២០លានរៀល។

The post លោកអ្នកឧកញ៉ា ទ្រី ភាព និងលោកជំទាវ អ្នកឧកញ៉ា គៀន ស្រីនាង ប្រគេនទៀនព្រះវស្សា និងទេយ្យទានដល់ព្រះសង្ឃទាំង ២៧វត្ត ក្នុងស្រុកប្រាសាទបល្ល័ង្ក ខេត្តកំពង់ធំ appeared first on .

តាមទំព័រហ្វេសប៊ុក ឯកឧត្តម ទ្រី ដាលុច បានឱ្យដឹងថា ស្ពាននេះមានបណ្ដោយ ១១៣ម ទទឹង ៦ម ដែលអាចទ្រ​ទម្ងន់​បាន ២៥ តោន គ្រោងចំណាយថវិកាអស់ ២២០.០០០ ដុល្លារអាមេរិក។

ក្រោមការយកចិត្តទុកដាក់ដ៏ខ្ពង់ខ្ពស់ពីសំណាក់ សម្តេចមហាបវរធិបតី ហ៊ុន ម៉ាណែត និង លោកជំទាវ បណ្ឌិត ពេជ ចន្ទមុន្នី តាមរយៈ លោកអ្នកឧកញ៉ា ទ្រី ភាព បញ្ហានៃការធ្វើដំណើរ ក៏ដូចជាការដឹកជញ្ជូនកសិផល​របស់បងប្អូនប្រជាពលរដ្ឋក្នុងឃុំ និងក្រៅឃុំនឹងត្រូវបានបញ្ចប់នាពេលឆាប់ៗខាងមុខនេះ។

សូមជម្រាបថា ក្នុងឱកាសនេះ ឯកឧត្តម ទ្រី ដាលុច ក៏បាននាំយកនូវអំណោយរបស់លោកអ្នកឧកញ៉ា ទ្រី ភាព មកចែកជូនដល់គណបក្សស្រុក គណបក្សឃុំ កងកម្លាំងប្រដាប់អាវុធ និងលោកយាយជីលោកតាជីជាង ១០០ នាក់ ដែលបានអញ្ជើញចូលរួមក្នុងកម្មវិធីនេះផងដែរ ដែលកម្មវិធីនេះចំណាយថវិកាសរុបអស់ប្រមាណ ៣០.០០០.០០០ រៀល។

The post ឯកឧត្តម ទ្រី ដាលុច តំណាង លោកអ្នកឧកញ៉ា ទ្រី ភាព អញ្ជើញជាអធិបតីក្នុងពិធីបញ្ចុះបឋមសិលាសាងសង់​ស្ពានដែកបាឡេ ឆ្លងស្ទឹងស្ទោង តម្លៃ ២២ម៉ឺនដុល្លារ appeared first on .

យោងតាមរបាយការណ៍បង្ហាញក្នុងពិធីសំណេះសំណាល និងប្រកាសបញ្ចូលសមាជិកថ្មីរបស់គណបក្ស​ប្រជាជនកម្ពុជា ចំនួន ៦.៩០០ នាក់ មកពីឃុំទាំង៧ ក្នុងស្រុកប្រាសាទបល្ល័ង្ក ខេត្តកំពង់ធំ នាព្រឹកថ្ងៃទី២៩ ខែឧសភា ឆ្នាំ២០២៦ បានឱ្យដឹងថា មកដល់ពេលបច្ចុប្បន្ននេះ លោកអ្នកឧកញ៉ា បានចងដៃមង្គលការចំនួន ៤១៣គូ ចំណាយថវិកា ៤១,៣០០ដុល្លារ និងចូលរួមបុណ្យសព ៧៤០សព​ ចំណាយថវិកាជាង ១៤៨លានរៀល និងអង្ករជិត ៤ម៉ឺនគីឡូក្រាម។ សម្រាប់រយៈពេលជាងមួយឆ្នាំចុងក្រោយនេះ លោកអ្នកឧកញ៉ា បានចំណាយលើការចងដៃ និងចូលរួមបុណ្យសពប្រមាណ ជាង៨ម៉ឺនដុល្លារ។

សូមជម្រាបថា ក្នុងពិធីសំណេះសំណាលម្សិលមិញនេះ លោកអ្នកឧកញ៉ា ទ្រី ភាព ក៏បាននាំយកនូវអំណោយ​ចែកជូន​ដល់ថ្នាក់ដឹកនាំគណបក្សស្រុក-ឃុំ កងកម្លាំងប្រដាប់អាវុធ ក្រុមគ្រូពេទ្យ និងប្រជាពលរដ្ឋដែលបានចូលរួម​ទាំង ៦.៩០០ ផងដែរ ដោយបូករួមទាំងអំណោយ និងការចំណាយរៀបចំកម្មវិធីសរុបអស់ថវិកាប្រមាណ ៥២០.០០០.០០០ រៀល៕

The post លោកអ្នកឧកញ៉ា ទ្រី ភាព ចងដៃមង្គលការ និងចូលរួមបុណ្យសព ប្រជាពលរដ្ឋស្រុកប្រាសាទបល្ល័ង្ក ជិត ៨ម៉ឺនដុល្លារ រយៈពេលជាងមួយឆ្នាំ appeared first on .

សមិទ្ធផលហេដ្ឋារចនាសម្ព័ន្ធថ្មីនេះ គឺជាអំណោយដ៏ថ្លៃថ្លារបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តាមរយៈ លោកអ្នកឧកញ៉ា ទ្រី ភាព និងលោកជំទាវ អ្នកឧកញ៉ា គៀន ស្រីនាង ដើម្បីឆ្លើយតបយ៉ាងទាន់ពេលវេលាទៅនឹងតម្រូវការចាំបាច់ ក្នុងការធ្វើដំណើរប្រចាំថ្ងៃរបស់បងប្អូនប្រជាពលរដ្ឋក្នុងមូលដ្ឋាន។

ក្នុងប្រសាសន៍សំណេះសំណាលនាឱកាសនោះ លោកអ្នកឧកញ៉ា បានគូសបញ្ជាក់យ៉ាងសង្កត់ធ្ងន់ថា ផ្លូវគឺជាសរសៃឈាមសេដ្ឋកិច្ចដ៏សំខាន់។ សមិទ្ធផលនេះនឹងជួយសម្រួលដល់ការធ្វើដំណើរប្រកបដោយសុវត្ថិភាព និងក្លាយជាចលករជំរុញសេដ្ឋកិច្ចមូលដ្ឋានយ៉ាងរឹងមាំ តាមរយៈការផ្តល់ភាពងាយស្រួលដល់កសិករក្នុងការដឹកជញ្ជូនកសិផលទៅកាន់ទីផ្សារបានឆាប់រហ័ស ជួយកាត់បន្ថយការចំណាយ និងរួមចំណែកលើកស្ទួយជីវភាពរស់នៅរបស់ប្រជាពលរដ្ឋឱ្យកាន់តែប្រសើរឡើងមួយកម្រិតទៀត។

គួរបញ្ជាក់ផងដែរថា នេះគឺជាសមិទ្ធផលធំទី២ហើយ បន្ទាប់ពីគម្រោងទី១ ដែលលោកអ្នកឧកញ៉ា ទ្រី ភាព បានផ្តល់ជូនកាលពីពេលកន្លងមក គឺការឈូសឆាយ និងក្រាលគ្រួសក្រហមលើផ្លូវលំចំនួន ១០៦ខ្សែ សរុបប្រវែង ២១៥គីឡូម៉ែត្រ នៅក្នុងឃុំសាលាវិស័យ៕

The post លោកអ្នកឧកញ៉ា ទ្រី ភាព អញ្ជើញជាអធិបតីបើកការដ្ឋានសាងសង់ផ្លូវលំក្រាលគ្រួសក្រហម ប្រវែង ៥.៧០០ម៉ែត្រ នៅឃុំក្រយា ខេត្តកំពង់ធំ appeared first on .

ថ្លែងក្នុងពិធីនេះដែរ លោកអ្នកឧកញ៉ា បានមានប្រសាសន៍លើកទឹកចិត្តដល់មន្រ្តីរាជការនៃរដ្ឋបាលស្រុកកណ្ដាលស្ទឹងទាំងអស់ ដែលបានខិតខំបំពេញការងារយ៉ាងយកចិត្តទុកដាក់ក្នុងការបម្រើសេវាសាធារណៈជូនដល់ប្រជាពលរដ្ឋក្នុងមូលដ្ឋាន។ លោកអ្នកឧកញ៉ា ក៏បានបន្ថែមទៀតថា ការទទួលបានគ្រឿងឥស្សរិយយសនេះ គឺជាការបង្ហាញយ៉ាងច្បាស់ពីការយកចិត្តទុកដាក់របស់ថ្នាក់ដឹកនាំចំពោះបងប្អូនមន្ត្រីរាជក្នុងមូលដ្ឋាន។

លោកអ្នកឧកញ៉ា ទ្រី ភាព បានស្នើសុំឱ្យមន្ត្រីរាជការខិតខំឱ្យអស់ពីសមត្ថភាពក្នុងការបំពេញការងារបន្ថែម ពោលគឺត្រូវប្រាកដថា ប្រជាពលរដ្ឋក្នុងមូលដ្ឋានបានទទួលសេវាសាធារណៈគ្រប់ៗគ្នា និងស្មើភាពគ្នា។ ក្នុងឱកាសនេះ លោកអ្នកឧកញ៉ា បាននាំយកអំណោយជាថវិកាមួយចំនួនជូនដល់គណបក្សស្រុក គណបក្សឃុំទាំង ១៨ កងកម្លាំងទាំង ៣ អង្គភាព ប្រជាការពារ និងសមាសភាពអញ្ជើញចូលលរួមទាំងអស់។ កម្មវិធីនេះបានចំណាយថវិកាអស់ប្រមាណ ១៥០ លានរៀល៕

The post លោកអ្នកឧកញ៉ា ទ្រី ភាព អញ្ជើញបំពាក់គ្រឿងឥស្សរិយយស ជូនមន្រ្តីរាជការនៃរដ្ឋបាលស្រុកកណ្ដាលស្ទឹង ចំនួន ១៤៨ រូប appeared first on .

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សូមថ្លែងអំណរគុណយ៉ាងជ្រាលជ្រៅបំផុតចំពោះ លោកអ្នកឧកញ៉ា ទ្រី ភាព អគ្គនាយកក្រុមហ៊ុន ទ្រី ភាព គ្រុប និងអ្នកឧកញ៉ា គៀន ស្រីនាង ដែលបានបរិច្ចាគថវិកាចំនួន ៣០ម៉ឺនដុល្លារអាមេរិក ជូនកាកបាទក្រហមកម្ពុជា ក្នុងឱកាសខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

កាកបាទក្រហមកម្ពុជា បានបញ្ជាក់ថា នឹងយកចិត្តទុកដាក់ប្រើប្រាស់អំណោយដ៏សប្បុរសនេះ ដើម្បីបម្រើសកម្មភាពមនុស្សធម៌ជួយដល់ប្រជាពលរដ្ឋងាយរងគ្រោះបំផុត ជាពិសេសប្រជាជនភៀសសឹក និងគ្រួសារយុទ្ធជនរបួសនិងពលីក្នុងសមរភូមិ។

ដើម្បីមានមូលនិធិសម្រាប់បន្តបេសកកម្មមនុស្សធម៌ជាជំនួយការជូនរាជរដ្ឋាភិបាល កាកបាទក្រហមកម្ពុជា សូមអំពាវនាវចំពោះ សម្តេច ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជនមកពីគ្រប់មជ្ឈដ្ឋានទាំងក្នុងវិស័យរដ្ឋ និងវិស័យឯកជន សូមមេត្តាបន្តចូលរួមបរិច្ចាគថវិកា សម្ភារ ជូនកាកបាទក្រហមកម្ពុជា ដោយសទ្ធាជ្រះថ្លា និងតាមការស្ម័គ្រចិត្ត។ ការចូលរួមឧបត្ថម្ភគាំទ្រការងារមនុស្សធម៌តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល៕

The post លោកអ្នកឧកញ៉ា ទ្រី ភាព និងអ្នកឧកញ៉ា គៀន ស្រីនាង បរិច្ចាគថវិកា ៣០ម៉ឺនដុល្លារ ជូនកាកបាទក្រហមកម្ពុជា appeared first on .

អំណោយដែលបាននាំទៅចែកជូនជនភៀសសឹក នាពេលនោះរួមមាន៖ មីកញ្ចប់ ចំនួន ៤០០កេស, ទឹកត្រី ចំនួន ៤០០យួរ, ទឹកស៊ីអ៉ីវ ចំនួន ៤០០យួរ, ត្រីខ ចំនួន ៤០០យួរ, ឃីត (មុង ភួយ សារ៉ុង) ចំនួន ៤០០ឃីត, អង្ករ ចំនួន ៨តោន និងថវិកាចំនួន ២០.០០០.០០០រៀល ក្នុងមួយគ្រួសារទទួលបាន ៥០.០០០រៀល។ ក្រៅពីបងប្អូន​ជនភៀសសឹកទាំង ៤០០គ្រួសារ ក្មេងៗដែលត្រូវជាកូន ជាចៅ និងក្មួយៗរបស់ពួកគាត់ប្រមាណ ២៦០នាក់ ក៏ទទួលបាន ថវិកាក្នុង ម្នាក់ៗ ៥០. ០០០ រៀលផងដែរ។

នៅចំពោះមុខជនភៀសសឹក លោកអ្នកឧកញ៉ា ទ្រី ភាព បានសម្តែងការសោកស្តាយ និងរំលែកការលំបាកជាមួយ​ប្រជាពលរដ្ឋជាជនភៀសសឹកទាំងអស់ ដែលត្រូវបានឃ្លាតឆ្ងាយពីផ្ទះសម្បែង ឬត្រូវខូចខាតផ្ទះសម្បែង ព្រោះ​ការបាញ់ផ្លោងរបស់កងទ័ពថៃ។

លោកអ្នកឧកញ៉ា ក៏បានបង្ហាញពីការប្រឹងប្រែងរបស់សម្តេចតេជោ ហ៊ុន សែន និងសម្តេចមហាបវរធិបតី ហ៊ុន ម៉ាណែត ក្នុងការបញ្ចប់សង្គ្រាម កើតពីការឈ្លានពានរបស់កងទ័ពថៃ ដើម្បីនាំមកវិញនូវសុខសន្តិភាព និងឱ្យ​ប្រជាពលរដ្ឋបានត្រឡប់ទៅកាន់លំនៅឋានវិញ។ លោកអ្នកឧកញ៉ា បានគូសរំលេចថា សង្គ្រាមនេះ គឺកើតឡើង​ ព្រោះមហិច្ឆតាអាក្រក់របស់កងទ័ពថៃ ចង់បានទឹកដីកម្ពុជា ហើយបើកការឈ្លានពានលើដែនដីរបស់កម្ពុជា។

សូមជម្រាបថា សង្គ្រាមឈ្លានពានរបស់កងទ័ពថៃ មកលើដែនអធិបតេយ្យ និងបូរណភាពទឹកដីកម្ពុជា បានបង្ក​វិនាសកម្មយ៉ាងធ្ងន់ធ្ងរដល់ជនស៊ីវិលរបស់កម្ពុជា។ ជាក់ស្តែងពលរដ្ឋកម្ពុជាប្រមាណ​ជាងកន្លះលាននាក់ហើយ បានភៀសខ្លួនចេញ ពីផ្ទះសម្បែងគេចចេញពីទម្ងន់គ្រាប់ផ្លោងរបស់កងទ័ពថៃ ដែលបន្តបាញ់ផ្លោងជាបន្តបន្ទាប់៕

The post លោកអ្នកឧកញ៉ា ទ្រី ភាព នាំយកអំណោយជូនជនភៀសសឹក ៤០០គ្រួសារ កំពុងស្នាក់នៅស្រុកប្រាសាទបល្ល័ង្ក ខេត្តកំពង់ធំ appeared first on .

ក្រុមហ៊ុន បានបញ្ជាក់ថា ឆ្លើយតបទៅនឹងតម្រូវការជាក់ស្ដែងក្នុងសមរភូមិជួរមុខនៅព្រំដែនថ្មដា ដែលបង្កឡើង​ដោយការឈ្លានពានរបស់សៀម ម៉ូតូ Honda Wave ផលិតឆ្នាំ២០២៥ (កម្លាំង ១១០សេសេ) ចំនួន ៣០ គ្រឿង ដែលជាអំណោយដ៏ថ្លៃថ្លារបស់ សម្ដេចមហាបវរធិបតី ហ៊ុន ម៉ាណែត និង លោកជំទាវ បណ្ឌិត ពេជ ចន្ទមុន្នី តាមរយៈ លោកអ្នកឧកញ៉ា ទ្រី ភាព និងលោកជំទាវ អ្នកឧកញ៉ា គៀន ស្រីនាង នាព្រឹកថ្ងៃទី១៩ ខែធ្នូ ឆ្នាំ២០២៥ នេះ ត្រូវបាន លោក ឃៀង សុជីវ័ន្ត ដឹកនាំក្រុមការងារយកទៅប្រគល់ជូនរដ្ឋបាលខេត្តពោធិ៍សាត់ ដើម្បីប្រើប្រាស់​បម្រើការ​ក្នុងសមរភូមិជួរមុខនៅព្រំដែនថ្មដា។ សមរភូមិជួរក្រោយ និងជួរមុខ រួមសុខទុក្ខការពារទឹកដីពី​ការឈ្លាន​ពានរបស់សៀម។

គួររំឭកថា កាលថ្ងៃទី២៩ ខែសីហា ឆ្នាំ២០២៥ លោកអ្នកឧកញ៉ា ទ្រី ភាព អគ្គនាយកក្រុមហ៊ុន ទ្រីភាព គ្រុប និងជាបេសកជនពិសេស សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា ក៏បាននាំយកម៉ូតូចំនួន ៥០០គ្រឿង ប្រគល់ជូនដល់វីរកងទ័ពជួរមុខ ដែលបានរងការខូចខាតទោចក្រយានយន្ត (ម៉ូតូ) ក្នុងអំឡុងពេលប៉ះ​ទង្កិចគ្នាវាងកម្ពុជា-ថៃ នាខែកក្កដា ឆ្នាំ២០២៥ ផងដែរ៕

The post លោកអ្នកឧកញ៉ា ទ្រី ភាព ផ្តល់អំណោយម៉ូតូ ៣០គ្រឿង ជូនរដ្ឋបាលខេត្តពោធិ៍សាត់ ដើម្បីប្រើប្រាស់បម្រើការក្នុង​សមរភូមិជួរមុខនៅព្រំដែនថ្មដា appeared first on .